HOT(i)
3 ובירושׁלם ישׁבו מן בני יהודה ומן בני בנימן ומן בני אפרים ומנשׁה׃ 4 עותי בן עמיהוד בן עמרי בן אמרי בן בנימן בני פרץ בן יהודה׃ 5 ומן השׁילוני עשׂיה הבכור ובניו׃ 6 ומן בני זרח יעואל ואחיהם שׁשׁ מאות ותשׁעים׃ 7 ומן בני בנימן סלוא בן משׁלם בן הודויה בן הסנאה׃ 8 ויבניה בן ירחם ואלה בן עזי בן מכרי ומשׁלם בן שׁפטיה בן רעואל בן יבניה׃ 9 ואחיהם לתלדותם תשׁע מאות וחמשׁים ושׁשׁה כל אלה אנשׁים ראשׁי אבות לבית אבתיהם׃