HOT(i)
1 למנצח לבני קרח מזמור׃ (47:2) כל העמים תקעו כף הריעו לאלהים בקול רנה׃ 2 (47:3) כי יהוה עליון נורא מלך גדול על כל הארץ׃ 3 (47:4) ידבר עמים תחתינו ולאמים תחת רגלינו׃ 4 (47:5) יבחר לנו את נחלתנו את גאון יעקב אשׁר אהב סלה׃ 5 (47:6) עלה אלהים בתרועה יהוה בקול שׁופר׃ 6 (47:7) זמרו אלהים זמרו זמרו למלכנו זמרו׃ 7 (47:8) כי מלך כל הארץ אלהים זמרו משׂכיל׃ 8 (47:9) מלך אלהים על גוים אלהים ישׁב על כסא קדשׁו׃ 9 (47:10) נדיבי עמים נאספו עם אלהי אברהם כי לאלהים מגני ארץ מאד נעלה׃