HOT(i)
18 אך בחלקות תשׁית למו הפלתם למשׁואות׃ 19 איך היו לשׁמה כרגע ספו תמו מן בלהות׃ 20 כחלום מהקיץ אדני בעיר צלמם תבזה׃ 21 כי יתחמץ לבבי וכליותי אשׁתונן׃ 22 ואני בער ולא אדע בהמות הייתי עמך׃ 23 ואני תמיד עמך אחזת ביד ימיני׃ 24 בעצתך תנחני ואחר כבוד תקחני׃ 25 מי לי בשׁמים ועמך לא חפצתי בארץ׃ 26 כלה שׁארי ולבבי צור לבבי וחלקי אלהים לעולם׃ 27 כי הנה רחקיך יאבדו הצמתה כל זונה ממך׃ 28 ואני קרבת אלהים לי טוב שׁתי באדני יהוה מחסי לספר כל מלאכותיך׃