Acts 2:22-28 Ye men of Israel, here ye these wordis. Jhesu of Nazareth, a man preued of God bifor you bi vertues, and wondris, and tokenes, which God dide bi hym in the myddil of you,

Wycliffe⁽ⁱ⁾ ²² Ye men of Israel, here ye these wordis. Jhesu of Nazareth, a man preued of God bifor you bi vertues, and wondris, and tokenes, which God dide bi hym in the myddil of you, ²³ as ye witen, ye turmentiden, and killiden hym bi the hoondis of wyckid men, bi counseil determyned and bitakun bi the forknouwyng of God. ²⁴ Whom God reiside, whanne sorewis of helle weren vnboundun, bi that that it was impossible that he were holdun of it. ²⁵ For Dauid seith of hym, Y saiy afer the Lord bifore me euermore, for he is on my riythalf, that Y be not mouyd. ²⁶ For this thing myn herte ioiede, and my tunge made ful out ioye, and more ouere my fleisch schal reste in hope. ²⁷ For thou schalt not leeue my soule in helle, nethir thou schalt yiue thin hooli to se corrupcioun. ²⁸ Thou hast maad knowun to me the weies of lijf, thou schalt fille me in myrthe with thi face.