Genesis 49:13 Cross References - Clementine_Vulgate

¹³ Zabulon in littore maris habitabit, et in statione navium pertingens usque ad Sidonem.

²⁰ et ait: Dotavit me Deus dote bona: etiam hac vice mecum erit maritus meus, eo quod genuerim ei sex filios: et idcirco appellavit nomen ejus Zabulon.

¹⁸ Et Zabulon ait: [Lætare, Zabulon, in exitu tuo, et Issachar in tabernaculis tuis. ¹⁹ Populos vocabunt ad montem: ibi immolabunt victimas justitiæ. Qui inundationem maris quasi lac sugent, et thesauros absconditos arenarum.]

¹⁰ Ceciditque sors tertia filiorum Zabulon per cognationes suas: factus est terminus possessionis eorum usque Sarid. ¹¹ Ascenditque de mari et Merala, et pervenit in Debbaseth, usque ad torrentem qui est contra Jeconam. ¹² Et revertitur de Sared contra orientem in fines Ceseleththabor: et egreditur ad Dabereth, ascenditque contra Japhie. ¹³ Et inde pertransit usque ad orientalem plagam Gethepher et Thacasin: et egreditur in Remmon, Amthar et Noa. ¹⁴ Et circuit ad aquilonem Hanathon: suntque egressus ejus vallis Jephthaël, ¹⁵ et Cateth et Naalol et Semeron et Jerala et Bethlehem: civitates duodecim, et villæ earum. ¹⁶ Hæc est hæreditas tribus filiorum Zabulon per cognationes suas, urbes et viculi earum.