Job 34:9 Cross References - Clementine_Vulgate

⁹ Dixit enim: Non placebit vir Deo, etiam si cucurrerit cum eo.

²² Unum est quod locutus sum: et innocentem et impium ipse consumit. ²³ Si flagellat, occidat semel, et non de pœnis innocentum rideat.

³⁰ Si lotus fuero quasi aquis nivis, et fulserint velut mundissimæ manus meæ, ³¹ tamen sordibus intinges me, et abominabuntur me vestimenta mea.

¹⁴ Qui dixerunt Deo: Recede a nobis, et scientiam viarum tuarum nolumus. ¹⁵ Quis est Omnipotens, ut serviamus ei? et quid nobis prodest si oraverimus illum? ¹⁶ Verumtamen quia non sunt in manu eorum bona sua, consilium impiorum longe sit a me.

³⁰ quia in diem perditionis servatur malus, et ad diem furoris ducetur.

¹⁷ Qui dicebant Deo: Recede a nobis: et quasi nihil posset facere Omnipotens, æstimabant eum,

¹⁰ aut poterit in Omnipotente delectari, et invocare Deum omni tempore?

³ Dixisti enim: Non tibi placet quod rectum est: vel quid tibi proderit, si ego peccavero?

⁴ Non est sanitas in carne mea, a facie iræ tuæ; non est pax ossibus meis, a facie peccatorum meorum:

¹⁴ Et dixistis: Quid locuti sumus contra te? Dixistis: Vanus est qui servit Deo: et quod emolumentum quia custodivimus præcepta ejus, et quia ambulavimus tristes coram Domino exercituum?