1 Kings 16 Cross References - HOT

1 ויהי דבר יהוה אל יהוא בן חנני על בעשׁא לאמר׃2 יען אשׁר הרימתיך מן העפר ואתנך נגיד על עמי ישׂראל ותלך בדרך ירבעם ותחטא את עמי ישׂראל להכעיסני בחטאתם׃3 הנני מבעיר אחרי בעשׁא ואחרי ביתו ונתתי את ביתך כבית ירבעם בן נבט׃4 המת לבעשׁא בעיר יאכלו הכלבים והמת לו בשׂדה יאכלו עוף השׁמים׃5 ויתר דברי בעשׁא ואשׁר עשׂה וגבורתו הלא הם כתובים על ספר דברי הימים למלכי ישׂראל׃6 וישׁכב בעשׁא עם אבתיו ויקבר בתרצה וימלך אלה בנו תחתיו׃7 וגם ביד יהוא בן חנני הנביא דבר יהוה היה אל בעשׁא ואל ביתו ועל כל הרעה אשׁר עשׂה בעיני יהוה להכעיסו במעשׂה ידיו להיות כבית ירבעם ועל אשׁר הכה אתו׃8 בשׁנת עשׂרים ושׁשׁ שׁנה לאסא מלך יהודה מלך אלה בן בעשׁא על ישׂראל בתרצה שׁנתים׃9 ויקשׁר עליו עבדו זמרי שׂר מחצית הרכב והוא בתרצה שׁתה שׁכור בית ארצא אשׁר על הבית בתרצה׃10 ויבא זמרי ויכהו וימיתהו בשׁנת עשׂרים ושׁבע לאסא מלך יהודה וימלך תחתיו׃11 ויהי במלכו כשׁבתו על כסאו הכה את כל בית בעשׁא לא השׁאיר לו משׁתין בקיר וגאליו ורעהו׃12 וישׁמד זמרי את כל בית בעשׁא כדבר יהוה אשׁר דבר אל בעשׁא ביד יהוא הנביא׃13 אל כל חטאות בעשׁא וחטאות אלה בנו אשׁר חטאו ואשׁר החטיאו את ישׂראל להכעיס את יהוה אלהי ישׂראל בהבליהם׃14 ויתר דברי אלה וכל אשׁר עשׂה הלוא הם כתובים על ספר דברי הימים למלכי ישׂראל׃15 בשׁנת עשׂרים ושׁבע שׁנה לאסא מלך יהודה מלך זמרי שׁבעת ימים בתרצה והעם חנים על גבתון אשׁר לפלשׁתים׃16 וישׁמע העם החנים לאמר קשׁר זמרי וגם הכה את המלך וימלכו כל ישׂראל את עמרי שׂר צבא על ישׂראל ביום ההוא במחנה׃17 ויעלה עמרי וכל ישׂראל עמו מגבתון ויצרו על תרצה׃18 ויהי כראות זמרי כי נלכדה העיר ויבא אל ארמון בית המלך וישׂרף עליו את בית מלך באשׁ וימת׃19 על חטאתו אשׁר חטא לעשׂות הרע בעיני יהוה ללכת בדרך ירבעם ובחטאתו אשׁר עשׂה להחטיא את ישׂראל׃20 ויתר דברי זמרי וקשׁרו אשׁר קשׁר הלא הם כתובים על ספר דברי הימים למלכי ישׂראל׃21 אז יחלק העם ישׂראל לחצי חצי העם היה אחרי תבני בן גינת להמליכו והחצי אחרי עמרי׃22 ויחזק העם אשׁר אחרי עמרי את העם אשׁר אחרי תבני בן גינת וימת תבני וימלך עמרי׃23 בשׁנת שׁלשׁים ואחת שׁנה לאסא מלך יהודה מלך עמרי על ישׂראל שׁתים עשׂרה שׁנה בתרצה מלך שׁשׁ שׁנים׃24 ויקן את ההר שׁמרון מאת שׁמר בככרים כסף ויבן את ההר ויקרא את שׁם העיר אשׁר בנה על שׁם שׁמר אדני ההר שׁמרון׃25 ויעשׂה עמרי הרע בעיני יהוה וירע מכל אשׁר לפניו׃26 וילך בכל דרך ירבעם בן נבט ובחטאתיו אשׁר החטיא את ישׂראל להכעיס את יהוה אלהי ישׂראל בהבליהם׃27 ויתר דברי עמרי אשׁר עשׂה וגבורתו אשׁר עשׂה הלא הם כתובים על ספר דברי הימים למלכי ישׂראל׃28 וישׁכב עמרי עם אבתיו ויקבר בשׁמרון וימלך אחאב בנו תחתיו׃29 ואחאב בן עמרי מלך על ישׂראל בשׁנת שׁלשׁים ושׁמנה שׁנה לאסא מלך יהודה וימלך אחאב בן עמרי על ישׂראל בשׁמרון עשׂרים ושׁתים שׁנה׃30 ויעשׂ אחאב בן עמרי הרע בעיני יהוה מכל אשׁר לפניו׃31 ויהי הנקל לכתו בחטאות ירבעם בן נבט ויקח אשׁה את איזבל בת אתבעל מלך צידנים וילך ויעבד את הבעל וישׁתחו׃32 ויקם מזבח לבעל בית הבעל אשׁר בנה בשׁמרון׃33 ויעשׂ אחאב את האשׁרה ויוסף אחאב לעשׂות להכעיס את יהוה אלהי ישׂראל מכל מלכי ישׂראל אשׁר היו לפניו׃34 בימיו בנה חיאל בית האלי את יריחה באבירם בכרו יסדה ובשׂגיב צעירו הציב דלתיה כדבר יהוה אשׁר דבר ביד יהושׁע בן נון׃

1 Kings 15:33

33 בשׁנת שׁלשׁ לאסא מלך יהודה מלך בעשׁא בן אחיה על כל ישׂראל בתרצה עשׂרים וארבע שׁנה׃

1 Kings 16:7

7 וגם ביד יהוא בן חנני הנביא דבר יהוה היה אל בעשׁא ואל ביתו ועל כל הרעה אשׁר עשׂה בעיני יהוה להכעיסו במעשׂה ידיו להיות כבית ירבעם ועל אשׁר הכה אתו׃

2 Chronicles 16:7-10

7 ובעת ההיא בא חנני הראה אל אסא מלך יהודה ויאמר אליו בהשׁענך על מלך ארם ולא נשׁענת על יהוה אלהיך על כן נמלט חיל מלך ארם מידך׃8 הלא הכושׁים והלובים היו לחיל לרב לרכב ולפרשׁים להרבה מאד ובהשׁענך על יהוה נתנם בידך׃9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃10 ויכעס אסא אל הראה ויתנהו בית המהפכת כי בזעף עמו על זאת וירצץ אסא מן העם בעת ההיא׃

2 Chronicles 19:2

2 ויצא אל פניו יהוא בן חנני החזה ויאמר אל המלך יהושׁפט הלרשׁע לעזר ולשׂנאי יהוה תאהב ובזאת עליך קצף מלפני יהוה׃

2 Chronicles 20:34

34 ויתר דברי יהושׁפט הראשׁנים והאחרנים הנם כתובים בדברי יהוא בן חנני אשׁר העלה על ספר מלכי ישׂראל׃

Exodus 32:21

21 ויאמר משׁה אל אהרן מה עשׂה לך העם הזה כי הבאת עליו חטאה גדלה׃

1 Samuel 2:8

8 מקים מעפר דל מאשׁפת ירים אביון להושׁיב עם נדיבים וכסא כבוד ינחלם כי ליהוה מצקי ארץ וישׁת עליהם תבל׃

1 Samuel 2:24

24 אל בני כי לוא טובה השׁמעה אשׁר אנכי שׁמע מעברים עם יהוה׃

1 Samuel 2:27-28

27 ויבא אישׁ אלהים אל עלי ויאמר אליו כה אמר יהוה הנגלה נגליתי אל בית אביך בהיותם במצרים לבית פרעה׃28 ובחר אתו מכל שׁבטי ישׂראל לי לכהן לעלות על מזבחי להקטיר קטרת לשׂאת אפוד לפני ואתנה לבית אביך את כל אשׁי בני ישׂראל׃

1 Samuel 15:17-19

17 ויאמר שׁמואל הלוא אם קטן אתה בעיניך ראשׁ שׁבטי ישׂראל אתה וימשׁחך יהוה למלך על ישׂראל׃18 וישׁלחך יהוה בדרך ויאמר לך והחרמתה את החטאים את עמלק ונלחמת בו עד כלותם אתם׃19 ולמה לא שׁמעת בקול יהוה ותעט אל השׁלל ותעשׂ הרע בעיני יהוה׃

1 Samuel 26:19

19 ועתה ישׁמע נא אדני המלך את דברי עבדו אם יהוה הסיתך בי ירח מנחה ואם בני האדם ארורים הם לפני יהוה כי גרשׁוני היום מהסתפח בנחלת יהוה לאמר לך עבד אלהים אחרים׃

2 Samuel 12:7-11

7 ויאמר נתן אל דוד אתה האישׁ כה אמר יהוה אלהי ישׂראל אנכי משׁחתיך למלך על ישׂראל ואנכי הצלתיך מיד שׁאול׃8 ואתנה לך את בית אדניך ואת נשׁי אדניך בחיקך ואתנה לך את בית ישׂראל ויהודה ואם מעט ואספה לך כהנה וכהנה׃9 מדוע בזית את דבר יהוה לעשׂות הרע בעינו את אוריה החתי הכית בחרב ואת אשׁתו לקחת לך לאשׁה ואתו הרגת בחרב בני עמון׃10 ועתה לא תסור חרב מביתך עד עולם עקב כי בזתני ותקח את אשׁת אוריה החתי להיות לך לאשׁה׃11 כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃

1 Kings 13:33-34

33 אחר הדבר הזה לא שׁב ירבעם מדרכו הרעה וישׁב ויעשׂ מקצות העם כהני במות החפץ ימלא את ידו ויהי כהני במות׃34 ויהי בדבר הזה לחטאת בית ירבעם ולהכחיד ולהשׁמיד מעל פני האדמה׃

1 Kings 14:7

7 לכי אמרי לירבעם כה אמר יהוה אלהי ישׂראל יען אשׁר הרימתיך מתוך העם ואתנך נגיד על עמי ישׂראל׃

1 Kings 14:16

16 ויתן את ישׂראל בגלל חטאות ירבעם אשׁר חטא ואשׁר החטיא את ישׂראל׃

1 Kings 15:26

26 ויעשׂ הרע בעיני יהוה וילך בדרך אביו ובחטאתו אשׁר החטיא את ישׂראל׃

1 Kings 15:34

34 ויעשׂ הרע בעיני יהוה וילך בדרך ירבעם ובחטאתו אשׁר החטיא את ישׂראל׃

Psalms 113:7-8

7 מקימי מעפר דל מאשׁפת ירים אביון׃8 להושׁיבי עם נדיבים עם נדיבי עמו׃

1 Kings 14:10

10 לכן הנני מביא רעה אל בית ירבעם והכרתי לירבעם משׁתין בקיר עצור ועזוב בישׂראל ובערתי אחרי בית ירבעם כאשׁר יבער הגלל עד תמו׃

1 Kings 15:29-30

29 ויהי כמלכו הכה את כל בית ירבעם לא השׁאיר כל נשׁמה לירבעם עד השׁמדו כדבר יהוה אשׁר דבר ביד עבדו אחיה השׁילני׃30 על חטאות ירבעם אשׁר חטא ואשׁר החטיא את ישׂראל בכעסו אשׁר הכעיס את יהוה אלהי ישׂראל׃

1 Kings 16:11-12

11 ויהי במלכו כשׁבתו על כסאו הכה את כל בית בעשׁא לא השׁאיר לו משׁתין בקיר וגאליו ורעהו׃12 וישׁמד זמרי את כל בית בעשׁא כדבר יהוה אשׁר דבר אל בעשׁא ביד יהוא הנביא׃

1 Kings 21:21-24

21 הנני מבי אליך רעה ובערתי אחריך והכרתי לאחאב משׁתין בקיר ועצור ועזוב בישׂראל׃22 ונתתי את ביתך כבית ירבעם בן נבט וכבית בעשׁא בן אחיה אל הכעס אשׁר הכעסת ותחטא את ישׂראל׃23 וגם לאיזבל דבר יהוה לאמר הכלבים יאכלו את איזבל בחל יזרעאל׃24 המת לאחאב בעיר יאכלו הכלבים והמת בשׂדה יאכלו עוף השׁמים׃

Isaiah 66:24

24 ויצאו וראו בפגרי האנשׁים הפשׁעים בי כי תולעתם לא תמות ואשׁם לא תכבה והיו דראון לכל בשׂר׃

Jeremiah 22:19

19 קבורת חמור יקבר סחוב והשׁלך מהלאה לשׁערי ירושׁלם׃

1 Kings 14:11

11 המת לירבעם בעיר יאכלו הכלבים והמת בשׂדה יאכלו עוף השׁמים כי יהוה דבר׃

1 Kings 21:24

24 המת לאחאב בעיר יאכלו הכלבים והמת בשׂדה יאכלו עוף השׁמים׃

1 Kings 14:19

19 ויתר דברי ירבעם אשׁר נלחם ואשׁר מלך הנם כתובים על ספר דברי הימים למלכי ישׂראל׃

1 Kings 15:31

31 ויתר דברי נדב וכל אשׁר עשׂה הלא הם כתובים על ספר דברי הימים למלכי ישׂראל׃

2 Chronicles 16:1-6

1 בשׁנת שׁלשׁים ושׁשׁ למלכות אסא עלה בעשׁא מלך ישׂראל על יהודה ויבן את הרמה לבלתי תת יוצא ובא לאסא מלך יהודה׃2 ויצא אסא כסף וזהב מאצרות בית יהוה ובית המלך וישׁלח אל בן הדד מלך ארם היושׁב בדרמשׂק לאמר׃3 ברית ביני ובינך ובין אבי ובין אביך הנה שׁלחתי לך כסף וזהב לך הפר בריתך את בעשׁא מלך ישׂראל ויעלה מעלי׃4 וישׁמע בן הדד אל המלך אסא וישׁלח את שׂרי החילים אשׁר לו אל ערי ישׂראל ויכו את עיון ואת דן ואת אבל מים ואת כל מסכנות ערי נפתלי׃5 ויהי כשׁמע בעשׁא ויחדל מבנות את הרמה וישׁבת את מלאכתו׃6 ואסא המלך לקח את כל יהודה וישׂאו את אבני הרמה ואת עציה אשׁר בנה בעשׁא ויבן בהם את גבע ואת המצפה׃

1 Kings 14:17

17 ותקם אשׁת ירבעם ותלך ותבא תרצתה היא באה בסף הבית והנער מת׃

1 Kings 14:20

20 והימים אשׁר מלך ירבעם עשׂרים ושׁתים שׁנה וישׁכב עם אבתיו וימלך נדב בנו תחתיו׃

1 Kings 15:21

21 ויהי כשׁמע בעשׁא ויחדל מבנות את הרמה וישׁב בתרצה׃

1 Kings 15:25

25 ונדב בן ירבעם מלך על ישׂראל בשׁנת שׁתים לאסא מלך יהודה וימלך על ישׂראל שׁנתים׃

1 Kings 16:8

8 בשׁנת עשׂרים ושׁשׁ שׁנה לאסא מלך יהודה מלך אלה בן בעשׁא על ישׂראל בתרצה שׁנתים׃

1 Kings 16:13-14

13 אל כל חטאות בעשׁא וחטאות אלה בנו אשׁר חטאו ואשׁר החטיאו את ישׂראל להכעיס את יהוה אלהי ישׂראל בהבליהם׃14 ויתר דברי אלה וכל אשׁר עשׂה הלוא הם כתובים על ספר דברי הימים למלכי ישׂראל׃

Exodus 20:5

5 לא תשׁתחוה להם ולא תעבדם כי אנכי יהוה אלהיך אל קנא פקד עון אבת על בנים על שׁלשׁים ועל רבעים לשׂנאי׃

1 Kings 14:14

14 והקים יהוה לו מלך על ישׂראל אשׁר יכרית את בית ירבעם זה היום ומה גם עתה׃

1 Kings 15:27-29

27 ויקשׁר עליו בעשׁא בן אחיה לבית ישׂשכר ויכהו בעשׁא בגבתון אשׁר לפלשׁתים ונדב וכל ישׂראל צרים על גבתון׃28 וימתהו בעשׁא בשׁנת שׁלשׁ לאסא מלך יהודה וימלך תחתיו׃29 ויהי כמלכו הכה את כל בית ירבעם לא השׁאיר כל נשׁמה לירבעם עד השׁמדו כדבר יהוה אשׁר דבר ביד עבדו אחיה השׁילני׃

1 Kings 16:1-2

1 ויהי דבר יהוה אל יהוא בן חנני על בעשׁא לאמר׃2 יען אשׁר הרימתיך מן העפר ואתנך נגיד על עמי ישׂראל ותלך בדרך ירבעם ותחטא את עמי ישׂראל להכעיסני בחטאתם׃

2 Kings 10:30-31

30 ויאמר יהוה אל יהוא יען אשׁר הטיבת לעשׂות הישׁר בעיני ככל אשׁר בלבבי עשׂית לבית אחאב בני רבעים ישׁבו לך על כסא ישׂראל׃31 ויהוא לא שׁמר ללכת בתורת יהוה אלהי ישׂראל בכל לבבו לא סר מעל חטאות ירבעם אשׁר החטיא את ישׂראל׃

Psalms 115:4

4 עצביהם כסף וזהב מעשׂה ידי אדם׃

Isaiah 2:8

8 ותמלא ארצו אלילים למעשׂה ידיו ישׁתחוו לאשׁר עשׂו אצבעתיו׃

Isaiah 10:6-7

6 בגוי חנף אשׁלחנו ועל עם עברתי אצונו לשׁלל שׁלל ולבז בז ולשׂימו מרמס כחמר חוצות׃7 והוא לא כן ידמה ולבבו לא כן יחשׁב כי להשׁמיד בלבבו ולהכרית גוים לא מעט׃

Isaiah 44:9-20

9 יצרי פסל כלם תהו וחמודיהם בל יועילו ועדיהם המה בל יראו ובל ידעו למען יבשׁו׃10 מי יצר אל ופסל נסך לבלתי הועיל׃11 הן כל חבריו יבשׁו וחרשׁים המה מאדם יתקבצו כלם יעמדו יפחדו יבשׁו יחד׃12 חרשׁ ברזל מעצד ופעל בפחם ובמקבות יצרהו ויפעלהו בזרוע כחו גם רעב ואין כח לא שׁתה מים וייעף׃13 חרשׁ עצים נטה קו יתארהו בשׂרד יעשׂהו במקצעות ובמחוגה יתארהו ויעשׂהו כתבנית אישׁ כתפארת אדם לשׁבת בית׃14 לכרת לו ארזים ויקח תרזה ואלון ויאמץ לו בעצי יער נטע ארן וגשׁם יגדל׃15 והיה לאדם לבער ויקח מהם ויחם אף ישׂיק ואפה לחם אף יפעל אל וישׁתחו עשׂהו פסל ויסגד׃16 חציו שׂרף במו אשׁ על חציו בשׂר יאכל יצלה צלי וישׂבע אף יחם ויאמר האח חמותי ראיתי אור׃17 ושׁאריתו לאל עשׂה לפסלו יסגוד לו וישׁתחו ויתפלל אליו ויאמר הצילני כי אלי אתה׃18 לא ידעו ולא יבינו כי טח מראות עיניהם מהשׂכיל לבתם׃19 ולא ישׁיב אל לבו ולא דעת ולא תבונה לאמר חציו שׂרפתי במו אשׁ ואף אפיתי על גחליו לחם אצלה בשׂר ואכל ויתרו לתועבה אעשׂה לבול עץ אסגוד׃20 רעה אפר לב הותל הטהו ולא יציל את נפשׁו ולא יאמר הלוא שׁקר בימיני׃

Hosea 1:4

4 ויאמר יהוה אליו קרא שׁמו יזרעאל כי עוד מעט ופקדתי את דמי יזרעאל על בית יהוא והשׁבתי ממלכות בית ישׂראל׃

Genesis 15:2

2 ויאמר אברם אדני יהוה מה תתן לי ואנכי הולך ערירי ובן משׁק ביתי הוא דמשׂק אליעזר׃

Genesis 24:2

2 ויאמר אברהם אל עבדו זקן ביתו המשׁל בכל אשׁר לו שׂים נא ידך תחת ירכי׃

Genesis 24:10

10 ויקח העבד עשׂרה גמלים מגמלי אדניו וילך וכל טוב אדניו בידו ויקם וילך אל ארם נהרים אל עיר נחור׃

Genesis 39:4

4 וימצא יוסף חן בעיניו וישׁרת אתו ויפקדהו על ביתו וכל ישׁ לו נתן בידו׃

Genesis 39:9

9 איננו גדול בבית הזה ממני ולא חשׂך ממני מאומה כי אם אותך באשׁר את אשׁתו ואיך אעשׂה הרעה הגדלה הזאת וחטאתי לאלהים׃

1 Samuel 25:36-38

36 ותבא אביגיל אל נבל והנה לו משׁתה בביתו כמשׁתה המלך ולב נבל טוב עליו והוא שׁכר עד מאד ולא הגידה לו דבר קטן וגדול עד אור הבקר׃37 ויהי בבקר בצאת היין מנבל ותגד לו אשׁתו את הדברים האלה וימת לבו בקרבו והוא היה לאבן׃38 ויהי כעשׂרת הימים ויגף יהוה את נבל וימת׃

2 Samuel 13:28-29

28 ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃29 ויעשׂו נערי אבשׁלום לאמנון כאשׁר צוה אבשׁלום ויקמו כל בני המלך וירכבו אישׁ על פרדו וינסו׃

1 Kings 15:27

27 ויקשׁר עליו בעשׁא בן אחיה לבית ישׂשכר ויכהו בעשׁא בגבתון אשׁר לפלשׁתים ונדב וכל ישׂראל צרים על גבתון׃

1 Kings 18:3

3 ויקרא אחאב אל עבדיהו אשׁר על הבית ועבדיהו היה ירא את יהוה מאד׃

1 Kings 20:16

16 ויצאו בצהרים ובן הדד שׁתה שׁכור בסכות הוא והמלכים שׁלשׁים ושׁנים מלך עזר אתו׃

2 Kings 9:14

14 ויתקשׁר יהוא בן יהושׁפט בן נמשׁי אל יורם ויורם היה שׁמר ברמת גלעד הוא וכל ישׂראל מפני חזאל מלך ארם׃

2 Kings 9:30-33

30 ויבוא יהוא יזרעאלה ואיזבל שׁמעה ותשׂם בפוך עיניה ותיטב את ראשׁה ותשׁקף בעד החלון׃31 ויהוא בא בשׁער ותאמר השׁלום זמרי הרג אדניו׃32 וישׂא פניו אל החלון ויאמר מי אתי מי וישׁקיפו אליו שׁנים שׁלשׁה סריסים׃33 ויאמר שׁמטהו וישׁמטוה ויז מדמה אל הקיר ואל הסוסים וירמסנה׃

2 Kings 12:20

20 (12:21) ויקמו עבדיו ויקשׁרו קשׁר ויכו את יואשׁ בית מלא היורד סלא׃

2 Kings 15:10

10 ויקשׁר עליו שׁלם בן יבשׁ ויכהו קבל עם וימיתהו וימלך תחתיו׃

2 Kings 15:25

25 ויקשׁר עליו פקח בן רמליהו שׁלישׁו ויכהו בשׁמרון בארמון בית מלך את ארגב ואת האריה ועמו חמשׁים אישׁ מבני גלעדים וימיתהו וימלך תחתיו׃

2 Kings 15:30

30 ויקשׁר קשׁר הושׁע בן אלה על פקח בן רמליהו ויכהו וימיתהו וימלך תחתיו בשׁנת עשׂרים ליותם בן עזיה׃

Proverbs 23:29-35

29 למי אוי למי אבוי למי מדונים למי שׂיח למי פצעים חנם למי חכללות עינים׃30 למאחרים על היין לבאים לחקר ממסך׃31 אל תרא יין כי יתאדם כי יתן בכיס עינו יתהלך במישׁרים׃32 אחריתו כנחשׁ ישׁך וכצפעני יפרשׁ׃33 עיניך יראו זרות ולבך ידבר תהפכות׃34 והיית כשׁכב בלב ים וכשׁכב בראשׁ חבל׃35 הכוני בל חליתי הלמוני בל ידעתי מתי אקיץ אוסיף אבקשׁנו עוד׃

Jeremiah 51:57

57 והשׁכרתי שׂריה וחכמיה פחותיה וסגניה וגבוריה וישׁנו שׁנת עולם ולא יקיצו נאם המלך יהוה צבאות שׁמו׃

Daniel 5:1-4

1 בלשׁאצר מלכא עבד לחם רב לרברבנוהי אלף ולקבל אלפא חמרא שׁתה׃2 בלשׁאצר אמר בטעם חמרא להיתיה למאני דהבא וכספא די הנפק נבוכדנצר אבוהי מן היכלא די בירושׁלם וישׁתון בהון מלכא ורברבנוהי שׁגלתה ולחנתה׃3 באדין היתיו מאני דהבא די הנפקו מן היכלא די בית אלהא די בירושׁלם ואשׁתיו בהון מלכא ורברבנוהי שׁגלתה ולחנתה׃4 אשׁתיו חמרא ושׁבחו לאלהי דהבא וכספא נחשׁא פרזלא אעא ואבנא׃

Daniel 5:30

30 בה בליליא קטיל בלאשׁצר מלכא כשׂדיא׃

Nahum 1:10

10 כי עד סירים סבכים וכסבאם סבואים אכלו כקשׁ יבשׁ מלא׃

Habakkuk 2:15-16

15 הוי משׁקה רעהו מספח חמתך ואף שׁכר למען הביט על מעוריהם׃16 שׂבעת קלון מכבוד שׁתה גם אתה והערל תסוב עליך כוס ימין יהוה וקיקלון על כבודך׃

2 Kings 9:31

31 ויהוא בא בשׁער ותאמר השׁלום זמרי הרג אדניו׃

Judges 1:7

7 ויאמר אדני בזק שׁבעים מלכים בהנות ידיהם ורגליהם מקצצים היו מלקטים תחת שׁלחני כאשׁר עשׂיתי כן שׁלם לי אלהים ויביאהו ירושׁלם וימת שׁם׃

1 Samuel 25:22

22 כה יעשׂה אלהים לאיבי דוד וכה יסיף אם אשׁאיר מכל אשׁר לו עד הבקר משׁתין בקיר׃

1 Samuel 25:34

34 ואולם חי יהוה אלהי ישׂראל אשׁר מנעני מהרע אתך כי לולי מהרת ותבאתי לקראתי כי אם נותר לנבל עד אור הבקר משׁתין בקיר׃

1 Kings 15:29

29 ויהי כמלכו הכה את כל בית ירבעם לא השׁאיר כל נשׁמה לירבעם עד השׁמדו כדבר יהוה אשׁר דבר ביד עבדו אחיה השׁילני׃

1 Kings 16:3

3 הנני מבעיר אחרי בעשׁא ואחרי ביתו ונתתי את ביתך כבית ירבעם בן נבט׃

1 Kings 14:18

18 ויקברו אתו ויספדו לו כל ישׂראל כדבר יהוה אשׁר דבר ביד עבדו אחיהו הנביא׃

1 Kings 16:1

1 ויהי דבר יהוה אל יהוא בן חנני על בעשׁא לאמר׃

2 Kings 14:25

25 הוא השׁיב את גבול ישׂראל מלבוא חמת עד ים הערבה כדבר יהוה אלהי ישׂראל אשׁר דבר ביד עבדו יונה בן אמתי הנביא אשׁר מגת החפר׃

2 Chronicles 10:15

15 ולא שׁמע המלך אל העם כי היתה נסבה מעם האלהים למען הקים יהוה את דברו אשׁר דבר ביד אחיהו השׁלוני אל ירבעם בן נבט׃

Proverbs 26:6

6 מקצה רגלים חמס שׁתה שׁלח דברים ביד כסיל׃

Deuteronomy 32:21

21 הם קנאוני בלא אל כעסוני בהבליהם ואני אקניאם בלא עם בגוי נבל אכעיסם׃

1 Samuel 12:21

21 ולא תסורו כי אחרי התהו אשׁר לא יועילו ולא יצילו כי תהו המה׃

1 Kings 15:30

30 על חטאות ירבעם אשׁר חטא ואשׁר החטיא את ישׂראל בכעסו אשׁר הכעיס את יהוה אלהי ישׂראל׃

2 Kings 17:15

15 וימאסו את חקיו ואת בריתו אשׁר כרת את אבותם ואת עדותיו אשׁר העיד בם וילכו אחרי ההבל ויהבלו ואחרי הגוים אשׁר סביבתם אשׁר צוה יהוה אתם לבלתי עשׂות׃

Isaiah 41:29

29 הן כלם און אפס מעשׂיהם רוח ותהו נסכיהם׃

Jeremiah 10:3-5

3 כי חקות העמים הבל הוא כי עץ מיער כרתו מעשׂה ידי חרשׁ במעצד׃4 בכסף ובזהב ייפהו במסמרות ובמקבות יחזקום ולוא יפיק׃5 כתמר מקשׁה המה ולא ידברו נשׂוא ינשׂוא כי לא יצעדו אל תיראו מהם כי לא ירעו וגם היטיב אין אותם׃

Jeremiah 10:8

8 ובאחת יבערו ויכסלו מוסר הבלים עץ הוא׃

Jeremiah 10:15

15 הבל המה מעשׂה תעתעים בעת פקדתם יאבדו׃

Jonah 2:8

8 (2:9) משׁמרים הבלי שׁוא חסדם יעזבו׃

Joshua 19:44

44 ואלתקה וגבתון ובעלת׃

Joshua 21:23

23 וממטה דן את אלתקא ואת מגרשׁה את גבתון ואת מגרשׁה׃

Job 20:5

5 כי רננת רשׁעים מקרוב ושׂמחת חנף עדי רגע׃

Psalms 37:35

35 ראיתי רשׁע עריץ ומתערה כאזרח רענן׃

1 Kings 16:30

30 ויעשׂ אחאב בן עמרי הרע בעיני יהוה מכל אשׁר לפניו׃

2 Kings 8:26

26 בן עשׂרים ושׁתים שׁנה אחזיהו במלכו ושׁנה אחת מלך בירושׁלם ושׁם אמו עתליהו בת עמרי מלך ישׂראל׃

2 Chronicles 22:2

2 בן ארבעים ושׁתים שׁנה אחזיהו במלכו ושׁנה אחת מלך בירושׁלם ושׁם אמו עתליהו בת עמרי׃

Micah 6:16

16 וישׁתמר חקות עמרי וכל מעשׂה בית אחאב ותלכו במעצותם למען תתי אתך לשׁמה וישׁביה לשׁרקה וחרפת עמי תשׂאו׃

Judges 9:45

45 ואבימלך נלחם בעיר כל היום ההוא וילכד את העיר ואת העם אשׁר בה הרג ויתץ את העיר ויזרעה מלח׃

Judges 9:50

50 וילך אבימלך אל תבץ ויחן בתבץ וילכדה׃

Judges 9:56-57

56 וישׁב אלהים את רעת אבימלך אשׁר עשׂה לאביו להרג את שׁבעים אחיו׃57 ואת כל רעת אנשׁי שׁכם השׁיב אלהים בראשׁם ותבא אליהם קללת יותם בן ירבעל׃

2 Kings 6:24-25

24 ויהי אחרי כן ויקבץ בן הדד מלך ארם את כל מחנהו ויעל ויצר על שׁמרון׃25 ויהי רעב גדול בשׁמרון והנה צרים עליה עד היות ראשׁ חמור בשׁמנים כסף ורבע הקב חרייונים בחמשׁה כסף׃

2 Kings 18:9-12

9 ויהי בשׁנה הרביעית למלך חזקיהו היא השׁנה השׁביעית להושׁע בן אלה מלך ישׂראל עלה שׁלמנאסר מלך אשׁור על שׁמרון ויצר עליה׃10 וילכדה מקצה שׁלשׁ שׁנים בשׁנת שׁשׁ לחזקיה היא שׁנת תשׁע להושׁע מלך ישׂראל נלכדה שׁמרון׃11 ויגל מלך אשׁור את ישׂראל אשׁורה וינחם בחלח ובחבור נהר גוזן וערי מדי׃12 על אשׁר לא שׁמעו בקול יהוה אלהיהם ויעברו את בריתו את כל אשׁר צוה משׁה עבד יהוה ולא שׁמעו ולא עשׂו׃

2 Kings 25:1-4

1 ויהי בשׁנת התשׁיעית למלכו בחדשׁ העשׂירי בעשׂור לחדשׁ בא נבכדנאצר מלך בבל הוא וכל חילו על ירושׁלם ויחן עליה ויבנו עליה דיק סביב׃2 ותבא העיר במצור עד עשׁתי עשׂרה שׁנה למלך צדקיהו׃3 בתשׁעה לחדשׁ ויחזק הרעב בעיר ולא היה לחם לעם הארץ׃4 ותבקע העיר וכל אנשׁי המלחמה הלילה דרך שׁער בין החמתים אשׁר על גן המלך וכשׂדים על העיר סביב וילך דרך הערבה׃

Judges 9:54

54 ויקרא מהרה אל הנער נשׂא כליו ויאמר לו שׁלף חרבך ומותתני פן יאמרו לי אשׁה הרגתהו וידקרהו נערו וימת׃

1 Samuel 31:4-5

4 ויאמר שׁאול לנשׂא כליו שׁלף חרבך ודקרני בה פן יבואו הערלים האלה ודקרני והתעללו בי ולא אבה נשׂא כליו כי ירא מאד ויקח שׁאול את החרב ויפל עליה׃5 וירא נשׂא כליו כי מת שׁאול ויפל גם הוא על חרבו וימת עמו׃

2 Samuel 17:23

23 ואחיתפל ראה כי לא נעשׂתה עצתו ויחבשׁ את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃

Job 2:9-10

9 ותאמר לו אשׁתו עדך מחזיק בתמתך ברך אלהים ומת׃10 ויאמר אליה כדבר אחת הנבלות תדברי גם את הטוב נקבל מאת האלהים ואת הרע לא נקבל בכל זאת לא חטא איוב בשׂפתיו׃

1 Kings 12:28

28 ויועץ המלך ויעשׂ שׁני עגלי זהב ויאמר אלהם רב לכם מעלות ירושׁלם הנה אלהיך ישׂראל אשׁר העלוך מארץ מצרים׃

1 Kings 16:13

13 אל כל חטאות בעשׁא וחטאות אלה בנו אשׁר חטאו ואשׁר החטיאו את ישׂראל להכעיס את יהוה אלהי ישׂראל בהבליהם׃

Psalms 9:16

16 (9:17) נודע יהוה משׁפט עשׂה בפעל כפיו נוקשׁ רשׁע הגיון סלה׃

Psalms 58:9-11

9 (58:10) בטרם יבינו סירתיכם אטד כמו חי כמו חרון ישׂערנו׃10 (58:11) ישׂמח צדיק כי חזה נקם פעמיו ירחץ בדם הרשׁע׃11 (58:12) ויאמר אדם אך פרי לצדיק אך ישׁ אלהים שׁפטים בארץ׃

1 Kings 16:5

5 ויתר דברי בעשׁא ואשׁר עשׂה וגבורתו הלא הם כתובים על ספר דברי הימים למלכי ישׂראל׃

1 Kings 16:14

14 ויתר דברי אלה וכל אשׁר עשׂה הלוא הם כתובים על ספר דברי הימים למלכי ישׂראל׃

1 Kings 16:27

27 ויתר דברי עמרי אשׁר עשׂה וגבורתו אשׁר עשׂה הלא הם כתובים על ספר דברי הימים למלכי ישׂראל׃

1 Kings 22:39

39 ויתר דברי אחאב וכל אשׁר עשׂה ובית השׁן אשׁר בנה וכל הערים אשׁר בנה הלוא הם כתובים על ספר דברי הימים למלכי ישׂראל׃

1 Kings 15:28

28 וימתהו בעשׁא בשׁנת שׁלשׁ לאסא מלך יהודה וימלך תחתיו׃

1 Kings 16:29

29 ואחאב בן עמרי מלך על ישׂראל בשׁנת שׁלשׁים ושׁמנה שׁנה לאסא מלך יהודה וימלך אחאב בן עמרי על ישׂראל בשׁמרון עשׂרים ושׁתים שׁנה׃

Proverbs 28:2

2 בפשׁע ארץ רבים שׂריה ובאדם מבין ידע כן יאריך׃

Isaiah 9:18-21

18 (9:17) כי בערה כאשׁ רשׁעה שׁמיר ושׁית תאכל ותצת בסבכי היער ויתאבכו גאות עשׁן׃19 (9:18) בעברת יהוה צבאות נעתם ארץ ויהי העם כמאכלת אשׁ אישׁ אל אחיו לא יחמלו׃20 (9:19) ויגזר על ימין ורעב ויאכל על שׂמאול ולא שׂבעו אישׁ בשׂר זרעו יאכלו׃21 (9:20) מנשׁה את אפרים ואפרים את מנשׁה יחדו המה על יהודה בכל זאת לא שׁב אפו ועוד ידו נטויה׃

Isaiah 19:2

2 וסכסכתי מצרים במצרים ונלחמו אישׁ באחיו ואישׁ ברעהו עיר בעיר ממלכה בממלכה׃

1 Kings 13:32

32 כי היה יהיה הדבר אשׁר קרא בדבר יהוה על המזבח אשׁר בבית אל ועל כל בתי הבמות אשׁר בערי שׁמרון׃

1 Kings 16:28-29

28 וישׁכב עמרי עם אבתיו ויקבר בשׁמרון וימלך אחאב בנו תחתיו׃29 ואחאב בן עמרי מלך על ישׂראל בשׁנת שׁלשׁים ושׁמנה שׁנה לאסא מלך יהודה וימלך אחאב בן עמרי על ישׂראל בשׁמרון עשׂרים ושׁתים שׁנה׃

1 Kings 16:32

32 ויקם מזבח לבעל בית הבעל אשׁר בנה בשׁמרון׃

1 Kings 18:2

2 וילך אליהו להראות אל אחאב והרעב חזק בשׁמרון׃

1 Kings 20:1

1 ובן הדד מלך ארם קבץ את כל חילו ושׁלשׁים ושׁנים מלך אתו וסוס ורכב ויעל ויצר על שׁמרון וילחם׃

1 Kings 22:37

37 וימת המלך ויבוא שׁמרון ויקברו את המלך בשׁמרון׃

2 Kings 17:1

1 בשׁנת שׁתים עשׂרה לאחז מלך יהודה מלך הושׁע בן אלה בשׁמרון על ישׂראל תשׁע שׁנים׃

2 Kings 17:6

6 בשׁנת התשׁיעית להושׁע לכד מלך אשׁור את שׁמרון ויגל את ישׂראל אשׁורה וישׁב אתם בחלח ובחבור נהר גוזן וערי מדי׃

2 Kings 17:24

24 ויבא מלך אשׁור מבבל ומכותה ומעוא ומחמת וספרוים וישׁב בערי שׁמרון תחת בני ישׂראל וירשׁו את שׁמרון וישׁבו בעריה׃

1 Kings 14:9

9 ותרע לעשׂות מכל אשׁר היו לפניך ותלך ותעשׂה לך אלהים אחרים ומסכות להכעיסני ואתי השׁלכת אחרי גוך׃

1 Kings 16:30-31

30 ויעשׂ אחאב בן עמרי הרע בעיני יהוה מכל אשׁר לפניו׃31 ויהי הנקל לכתו בחטאות ירבעם בן נבט ויקח אשׁה את איזבל בת אתבעל מלך צידנים וילך ויעבד את הבעל וישׁתחו׃

1 Kings 16:33

33 ויעשׂ אחאב את האשׁרה ויוסף אחאב לעשׂות להכעיס את יהוה אלהי ישׂראל מכל מלכי ישׂראל אשׁר היו לפניו׃

1 Kings 12:26-33

26 ויאמר ירבעם בלבו עתה תשׁוב הממלכה לבית דוד׃27 אם יעלה העם הזה לעשׂות זבחים בבית יהוה בירושׁלם ושׁב לב העם הזה אל אדניהם אל רחבעם מלך יהודה והרגני ושׁבו אל רחבעם מלך יהודה׃28 ויועץ המלך ויעשׂ שׁני עגלי זהב ויאמר אלהם רב לכם מעלות ירושׁלם הנה אלהיך ישׂראל אשׁר העלוך מארץ מצרים׃29 וישׂם את האחד בבית אל ואת האחד נתן בדן׃30 ויהי הדבר הזה לחטאת וילכו העם לפני האחד עד דן׃31 ויעשׂ את בית במות ויעשׂ כהנים מקצות העם אשׁר לא היו מבני לוי׃32 ויעשׂ ירבעם חג בחדשׁ השׁמיני בחמשׁה עשׂר יום לחדשׁ כחג אשׁר ביהודה ויעל על המזבח כן עשׂה בבית אל לזבח לעגלים אשׁר עשׂה והעמיד בבית אל את כהני הבמות אשׁר עשׂה׃33 ויעל על המזבח אשׁר עשׂה בבית אל בחמשׁה עשׂר יום בחדשׁ השׁמיני בחדשׁ אשׁר בדא מלבד ויעשׂ חג לבני ישׂראל ויעל על המזבח להקטיר׃

1 Kings 16:2

2 יען אשׁר הרימתיך מן העפר ואתנך נגיד על עמי ישׂראל ותלך בדרך ירבעם ותחטא את עמי ישׂראל להכעיסני בחטאתם׃

1 Kings 16:19

19 על חטאתו אשׁר חטא לעשׂות הרע בעיני יהוה ללכת בדרך ירבעם ובחטאתו אשׁר עשׂה להחטיא את ישׂראל׃

Psalms 31:6

6 (31:7) שׂנאתי השׁמרים הבלי שׁוא ואני אל יהוה בטחתי׃

Jeremiah 8:19

19 הנה קול שׁועת בת עמי מארץ מרחקים היהוה אין בציון אם מלכה אין בה מדוע הכעסוני בפסליהם בהבלי נכר׃

Jeremiah 10:3

3 כי חקות העמים הבל הוא כי עץ מיער כרתו מעשׂה ידי חרשׁ במעצד׃

Jeremiah 14:22

22 הישׁ בהבלי הגוים מגשׁמים ואם השׁמים יתנו רבבים הלא אתה הוא יהוה אלהינו ונקוה לך כי אתה עשׂית את כל אלה׃

Jeremiah 16:19

19 יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שׁקר נחלו אבותינו הבל ואין בם מועיל׃

Jeremiah 18:15

15 כי שׁכחני עמי לשׁוא יקטרו ויכשׁלום בדרכיהם שׁבילי עולם ללכת נתיבות דרך לא סלולה׃

1 Kings 16:20

20 ויתר דברי זמרי וקשׁרו אשׁר קשׁר הלא הם כתובים על ספר דברי הימים למלכי ישׂראל׃

1 Kings 16:25

25 ויעשׂה עמרי הרע בעיני יהוה וירע מכל אשׁר לפניו׃

1 Kings 16:31

31 ויהי הנקל לכתו בחטאות ירבעם בן נבט ויקח אשׁה את איזבל בת אתבעל מלך צידנים וילך ויעבד את הבעל וישׁתחו׃

1 Kings 21:25

25 רק לא היה כאחאב אשׁר התמכר לעשׂות הרע בעיני יהוה אשׁר הסתה אתו איזבל אשׁתו׃

2 Kings 3:2

2 ויעשׂה הרע בעיני יהוה רק לא כאביו וכאמו ויסר את מצבת הבעל אשׁר עשׂה אביו׃

Genesis 6:2

2 ויראו בני האלהים את בנות האדם כי טבת הנה ויקחו להם נשׁים מכל אשׁר בחרו׃

Genesis 30:15

15 ותאמר לה המעט קחתך את אישׁי ולקחת גם את דודאי בני ותאמר רחל לכן ישׁכב עמך הלילה תחת דודאי בנך׃

Numbers 16:9

9 המעט מכם כי הבדיל אלהי ישׂראל אתכם מעדת ישׂראל להקריב אתכם אליו לעבד את עבדת משׁכן יהוה ולעמד לפני העדה לשׁרתם׃

Deuteronomy 7:3-4

3 ולא תתחתן בם בתך לא תתן לבנו ובתו לא תקח לבנך׃4 כי יסיר את בנך מאחרי ועבדו אלהים אחרים וחרה אף יהוה בכם והשׁמידך מהר׃

Joshua 23:12-13

12 כי אם שׁוב תשׁובו ודבקתם ביתר הגוים האלה הנשׁארים האלה אתכם והתחתנתם בהם ובאתם בהם והם׃13 ידוע תדעו כי לא יוסיף יהוה אלהיכם להורישׁ את הגוים האלה מלפניכם והיו לכם לפח ולמוקשׁ ולשׁטט בצדיכם ולצננים בעיניכם עד אבדכם מעל האדמה הטובה הזאת אשׁר נתן לכם יהוה אלהיכם׃

Judges 2:11

11 ויעשׂו בני ישׂראל את הרע בעיני יהוה ויעבדו את הבעלים׃

Judges 3:7

7 ויעשׂו בני ישׂראל את הרע בעיני יהוה וישׁכחו את יהוה אלהיהם ויעבדו את הבעלים ואת האשׁרות׃

Judges 10:6

6 ויספו בני ישׂראל לעשׂות הרע בעיני יהוה ויעבדו את הבעלים ואת העשׁתרות ואת אלהי ארם ואת אלהי צידון ואת אלהי מואב ואת אלהי בני עמון ואת אלהי פלשׁתים ויעזבו את יהוה ולא עבדוהו׃

Judges 10:12

12 וצידונים ועמלק ומעון לחצו אתכם ותצעקו אלי ואושׁיעה אתכם מידם׃

Judges 18:7

7 וילכו חמשׁת האנשׁים ויבאו לישׁה ויראו את העם אשׁר בקרבה יושׁבת לבטח כמשׁפט צדנים שׁקט ובטח ואין מכלים דבר בארץ יורשׁ עצר ורחקים המה מצדנים ודבר אין להם עם אדם׃

1 Kings 11:1-2

1 והמלך שׁלמה אהב נשׁים נכריות רבות ואת בת פרעה מואביות עמניות אדמית צדנית חתית׃2 מן הגוים אשׁר אמר יהוה אל בני ישׂראל לא תבאו בהם והם לא יבאו בכם אכן יטו את לבבכם אחרי אלהיהם בהם דבק שׁלמה לאהבה׃

1 Kings 11:4-8

4 ויהי לעת זקנת שׁלמה נשׁיו הטו את לבבו אחרי אלהים אחרים ולא היה לבבו שׁלם עם יהוה אלהיו כלבב דויד אביו׃5 וילך שׁלמה אחרי עשׁתרת אלהי צדנים ואחרי מלכם שׁקץ עמנים׃6 ויעשׂ שׁלמה הרע בעיני יהוה ולא מלא אחרי יהוה כדוד אביו׃7 אז יבנה שׁלמה במה לכמושׁ שׁקץ מואב בהר אשׁר על פני ירושׁלם ולמלך שׁקץ בני עמון׃8 וכן עשׂה לכל נשׁיו הנכריות מקטירות ומזבחות לאלהיהן׃

1 Kings 18:4

4 ויהי בהכרית איזבל את נביאי יהוה ויקח עבדיהו מאה נבאים ויחביאם חמשׁים אישׁ במערה וכלכלם לחם ומים׃

1 Kings 18:19

19 ועתה שׁלח קבץ אלי את כל ישׂראל אל הר הכרמל ואת נביאי הבעל ארבע מאות וחמשׁים ונביאי האשׁרה ארבע מאות אכלי שׁלחן איזבל׃

1 Kings 19:1-2

1 ויגד אחאב לאיזבל את כל אשׁר עשׂה אליהו ואת כל אשׁר הרג את כל הנביאים בחרב׃2 ותשׁלח איזבל מלאך אל אליהו לאמר כה יעשׂון אלהים וכה יוספון כי כעת מחר אשׂים את נפשׁך כנפשׁ אחד מהם׃

1 Kings 21:5-14

5 ותבא אליו איזבל אשׁתו ותדבר אליו מה זה רוחך סרה ואינך אכל לחם׃6 וידבר אליה כי אדבר אל נבות היזרעאלי ואמר לו תנה לי את כרמך בכסף או אם חפץ אתה אתנה לך כרם תחתיו ויאמר לא אתן לך את כרמי׃7 ותאמר אליו איזבל אשׁתו אתה עתה תעשׂה מלוכה על ישׂראל קום אכל לחם ויטב לבך אני אתן לך את כרם נבות היזרעאלי׃8 ותכתב ספרים בשׁם אחאב ותחתם בחתמו ותשׁלח הספרים אל הזקנים ואל החרים אשׁר בעירו הישׁבים את נבות׃9 ותכתב בספרים לאמר קראו צום והושׁיבו את נבות בראשׁ העם׃10 והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃11 ויעשׂו אנשׁי עירו הזקנים והחרים אשׁר הישׁבים בעירו כאשׁר שׁלחה אליהם איזבל כאשׁר כתוב בספרים אשׁר שׁלחה אליהם׃12 קראו צום והשׁיבו את נבות בראשׁ העם׃13 ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃14 וישׁלחו אל איזבל לאמר סקל נבות וימת׃

1 Kings 21:25-26

25 רק לא היה כאחאב אשׁר התמכר לעשׂות הרע בעיני יהוה אשׁר הסתה אתו איזבל אשׁתו׃26 ויתעב מאד ללכת אחרי הגללים ככל אשׁר עשׂו האמרי אשׁר הורישׁ יהוה מפני בני ישׂראל׃

2 Kings 9:30-37

30 ויבוא יהוא יזרעאלה ואיזבל שׁמעה ותשׂם בפוך עיניה ותיטב את ראשׁה ותשׁקף בעד החלון׃31 ויהוא בא בשׁער ותאמר השׁלום זמרי הרג אדניו׃32 וישׂא פניו אל החלון ויאמר מי אתי מי וישׁקיפו אליו שׁנים שׁלשׁה סריסים׃33 ויאמר שׁמטהו וישׁמטוה ויז מדמה אל הקיר ואל הסוסים וירמסנה׃34 ויבא ויאכל וישׁת ויאמר פקדו נא את הארורה הזאת וקברוה כי בת מלך היא׃35 וילכו לקברה ולא מצאו בה כי אם הגלגלת והרגלים וכפות הידים׃36 וישׁבו ויגידו לו ויאמר דבר יהוה הוא אשׁר דבר ביד עבדו אליהו התשׁבי לאמר בחלק יזרעאל יאכלו הכלבים את בשׂר איזבל׃37 והית נבלת איזבל כדמן על פני השׂדה בחלק יזרעאל אשׁר לא יאמרו זאת איזבל׃

2 Kings 10:18

18 ויקבץ יהוא את כל העם ויאמר אלהם אחאב עבד את הבעל מעט יהוא יעבדנו הרבה׃

2 Kings 17:16

16 ויעזבו את כל מצות יהוה אלהיהם ויעשׂו להם מסכה שׁנים עגלים ויעשׂו אשׁירה וישׁתחוו לכל צבא השׁמים ויעבדו את הבעל׃

Nehemiah 13:23-29

23 גם בימים ההם ראיתי את היהודים השׁיבו נשׁים אשׁדודיות עמוניות מואביות׃24 ובניהם חצי מדבר אשׁדודית ואינם מכירים לדבר יהודית וכלשׁון עם ועם׃25 ואריב עמם ואקללם ואכה מהם אנשׁים ואמרטם ואשׁביעם באלהים אם תתנו בנתיכם לבניהם ואם תשׂאו מבנתיהם לבניכם׃26 הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃27 ולכם הנשׁמע לעשׂת את כל הרעה הגדולה הזאת למעל באלהינו להשׁיב נשׁים נכריות׃28 ומבני יוידע בן אלישׁיב הכהן הגדול חתן לסנבלט החרני ואבריחהו מעלי׃29 זכרה להם אלהי על גאלי הכהנה וברית הכהנה והלוים׃

Isaiah 7:13

13 ויאמר שׁמעו נא בית דוד המעט מכם הלאות אנשׁים כי תלאו גם את אלהי׃

Ezekiel 8:17

17 ויאמר אלי הראית בן אדם הנקל לבית יהודה מעשׂות את התועבות אשׁר עשׂו פה כי מלאו את הארץ חמס וישׁבו להכעיסני והנם שׁלחים את הזמורה אל אפם׃

Ezekiel 16:20

20 ותקחי את בניך ואת בנותיך אשׁר ילדת לי ותזבחים להם לאכול המעט מתזנתך׃

Ezekiel 16:47

47 ולא בדרכיהן הלכת ובתועבותיהן עשׂיתי כמעט קט ותשׁחתי מהן בכל דרכיך׃

Ezekiel 34:18

18 המעט מכם המרעה הטוב תרעו ויתר מרעיכם תרמסו ברגליכם ומשׁקע מים תשׁתו ואת הנותרים ברגליכם תרפשׂון׃

2 Kings 10:21

21 וישׁלח יהוא בכל ישׂראל ויבאו כל עבדי הבעל ולא נשׁאר אישׁ אשׁר לא בא ויבאו בית הבעל וימלא בית הבעל פה לפה׃

2 Kings 10:26-27

26 ויצאו את מצבות בית הבעל וישׂרפוה׃27 ויתצו את מצבת הבעל ויתצו את בית הבעל וישׂמהו למחראות עד היום׃

Exodus 34:13

13 כי את מזבחתם תתצון ואת מצבתם תשׁברון ואת אשׁריו תכרתון׃

1 Kings 16:29-30

29 ואחאב בן עמרי מלך על ישׂראל בשׁנת שׁלשׁים ושׁמנה שׁנה לאסא מלך יהודה וימלך אחאב בן עמרי על ישׂראל בשׁמרון עשׂרים ושׁתים שׁנה׃30 ויעשׂ אחאב בן עמרי הרע בעיני יהוה מכל אשׁר לפניו׃

1 Kings 21:19

19 ודברת אליו לאמר כה אמר יהוה הרצחת וגם ירשׁת ודברת אליו לאמר כה אמר יהוה במקום אשׁר לקקו הכלבים את דם נבות ילקו הכלבים את דמך גם אתה׃

1 Kings 22:6

6 ויקבץ מלך ישׂראל את הנביאים כארבע מאות אישׁ ויאמר אלהם האלך על רמת גלעד למלחמה אם אחדל ויאמרו עלה ויתן אדני ביד המלך׃

1 Kings 22:8

8 ויאמר מלך ישׂראל אל יהושׁפט עוד אישׁ אחד לדרשׁ את יהוה מאתו ואני שׂנאתיו כי לא יתנבא עלי טוב כי אם רע מיכיהו בן ימלה ויאמר יהושׁפט אל יאמר המלך כן׃

2 Kings 13:6

6 אך לא סרו מחטאות בית ירבעם אשׁר החטי את ישׂראל בה הלך וגם האשׁרה עמדה בשׁמרון׃

2 Kings 21:3

3 וישׁב ויבן את הבמות אשׁר אבד חזקיהו אביו ויקם מזבחת לבעל ויעשׂ אשׁרה כאשׁר עשׂה אחאב מלך ישׂראל וישׁתחו לכל צבא השׁמים ויעבד אתם׃

Jeremiah 17:1-2

1 חטאת יהודה כתובה בעט ברזל בצפרן שׁמיר חרושׁה על לוח לבם ולקרנות מזבחותיכם׃2 כזכר בניהם מזבחותם ואשׁריהם על עץ רענן על גבעות הגבהות׃

Joshua 6:26

26 וישׁבע יהושׁע בעת ההיא לאמר ארור האישׁ לפני יהוה אשׁר יקום ובנה את העיר הזאת את יריחו בבכרו ייסדנה ובצעירו יציב דלתיה׃

Joshua 23:14-15

14 והנה אנכי הולך היום בדרך כל הארץ וידעתם בכל לבבכם ובכל נפשׁכם כי לא נפל דבר אחד מכל הדברים הטובים אשׁר דבר יהוה אלהיכם עליכם הכל באו לכם לא נפל ממנו דבר אחד׃15 והיה כאשׁר בא עליכם כל הדבר הטוב אשׁר דבר יהוה אלהיכם אליכם כן יביא יהוה עליכם את כל הדבר הרע עד השׁמידו אותכם מעל האדמה הטובה הזאת אשׁר נתן לכם יהוה אלהיכם׃

Zechariah 1:5

5 אבותיכם איה הם והנבאים הלעולם יחיו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.