1 Kings 20:21 Cross References - HOT

21 ויצא מלך ישׂראל ויך את הסוס ואת הרכב והכה בארם מכה גדולה׃

Judges 3:28

28 ויאמר אלהם רדפו אחרי כי נתן יהוה את איביכם את מואב בידכם וירדו אחריו וילכדו את מעברות הירדן למואב ולא נתנו אישׁ לעבר׃

Judges 7:23-25

23 ויצעק אישׁ ישׂראל מנפתלי ומן אשׁר ומן כל מנשׁה וירדפו אחרי מדין׃24 ומלאכים שׁלח גדעון בכל הר אפרים לאמר רדו לקראת מדין ולכדו להם את המים עד בית ברה ואת הירדן ויצעק כל אישׁ אפרים וילכדו את המים עד בית ברה ואת הירדן׃25 וילכדו שׁני שׂרי מדין את ערב ואת זאב ויהרגו את עורב בצור עורב ואת זאב הרגו ביקב זאב וירדפו אל מדין וראשׁ ערב וזאב הביאו אל גדעון מעבר לירדן׃

1 Samuel 14:20-22

20 ויזעק שׁאול וכל העם אשׁר אתו ויבאו עד המלחמה והנה היתה חרב אישׁ ברעהו מהומה גדולה מאד׃21 והעברים היו לפלשׁתים כאתמול שׁלשׁום אשׁר עלו עמם במחנה סביב וגם המה להיות עם ישׂראל אשׁר עם שׁאול ויונתן׃22 וכל אישׁ ישׂראל המתחבאים בהר אפרים שׁמעו כי נסו פלשׁתים וידבקו גם המה אחריהם במלחמה׃

1 Samuel 17:52

52 ויקמו אנשׁי ישׂראל ויהודה וירעו וירדפו את הפלשׁתים עד בואך גיא ועד שׁערי עקרון ויפלו חללי פלשׁתים בדרך שׁערים ועד גת ועד עקרון׃

2 Kings 3:18

18 ונקל זאת בעיני יהוה ונתן את מואב בידכם׃

2 Kings 3:24

24 ויבאו אל מחנה ישׂראל ויקמו ישׂראל ויכו את מואב וינסו מפניהם ויבו בה והכות את מואב׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.