1 ויהי המלך שׁלמה מלך על כל ישׂראל׃2 ואלה השׂרים אשׁר לו עזריהו בן צדוק הכהן׃3 אליחרף ואחיה בני שׁישׁא ספרים יהושׁפט בן אחילוד המזכיר׃4 ובניהו בן יהוידע על הצבא וצדוק ואביתר כהנים׃5 ועזריהו בן נתן על הנצבים וזבוד בן נתן כהן רעה המלך׃6 ואחישׁר על הבית ואדנירם בן עבדא על המס׃7 ולשׁלמה שׁנים עשׂר נצבים על כל ישׂראל וכלכלו את המלך ואת ביתו חדשׁ בשׁנה יהיה על אחד לכלכל׃8 ואלה שׁמותם בן חור בהר אפרים׃9 בן דקר במקץ ובשׁעלבים ובית שׁמשׁ ואילון בית חנן׃10 בן חסד בארבות לו שׂכה וכל ארץ חפר׃11 בן אבינדב כל נפת דאר טפת בת שׁלמה היתה לו לאשׁה׃12 בענא בן אחילוד תענך ומגדו וכל בית שׁאן אשׁר אצל צרתנה מתחת ליזרעאל מבית שׁאן עד אבל מחולה עד מעבר ליקמעם׃13 בן גבר ברמת גלעד לו חות יאיר בן מנשׁה אשׁר בגלעד לו חבל ארגב אשׁר בבשׁן שׁשׁים ערים גדלות חומה ובריח נחשׁת׃14 אחינדב בן עדא מחנימה׃15 אחימעץ בנפתלי גם הוא לקח את בשׂמת בת שׁלמה לאשׁה׃16 בענא בן חושׁי באשׁר ובעלות׃17 יהושׁפט בן פרוח בישׂשכר׃18 שׁמעי בן אלא בבנימן׃19 גבר בן ארי בארץ גלעד ארץ סיחון מלך האמרי ועג מלך הבשׁן ונציב אחד אשׁר בארץ׃20 יהודה וישׂראל רבים כחול אשׁר על הים לרב אכלים ושׁתים ושׂמחים׃21 (5:1) ושׁלמה היה מושׁל בכל הממלכות מן הנהר ארץ פלשׁתים ועד גבול מצרים מגשׁים מנחה ועבדים את שׁלמה כל ימי חייו׃22 (5:2) ויהי לחם שׁלמה ליום אחד שׁלשׁים כר סלת ושׁשׁים כר קמח׃23 (5:3) עשׂרה בקר בראים ועשׂרים בקר רעי ומאה צאן לבד מאיל וצבי ויחמור וברברים אבוסים׃24 (5:4) כי הוא רדה בכל עבר הנהר מתפסח ועד עזה בכל מלכי עבר הנהר ושׁלום היה לו מכל עבריו מסביב׃25 (5:5) וישׁב יהודה וישׂראל לבטח אישׁ תחת גפנו ותחת תאנתו מדן ועד באר שׁבע כל ימי שׁלמה׃26 (5:6) ויהי לשׁלמה ארבעים אלף ארות סוסים למרכבו ושׁנים עשׂר אלף פרשׁים׃27 (5:7) וכלכלו הנצבים האלה את המלך שׁלמה ואת כל הקרב אל שׁלחן המלך שׁלמה אישׁ חדשׁו לא יעדרו דבר׃28 (5:8) והשׂערים והתבן לסוסים ולרכשׁ יבאו אל המקום אשׁר יהיה שׁם אישׁ כמשׁפטו׃29 (5:9) ויתן אלהים חכמה לשׁלמה ותבונה הרבה מאד ורחב לב כחול אשׁר על שׂפת הים׃30 (5:10) ותרב חכמת שׁלמה מחכמת כל בני קדם ומכל חכמת מצרים׃31 (5:11) ויחכם מכל האדם מאיתן האזרחי והימן וכלכל ודרדע בני מחול ויהי שׁמו בכל הגוים סביב׃32 (5:12) וידבר שׁלשׁת אלפים משׁל ויהי שׁירו חמשׁה ואלף׃33 (5:13) וידבר על העצים מן הארז אשׁר בלבנון ועד האזוב אשׁר יצא בקיר וידבר על הבהמה ועל העוף ועל הרמשׂ ועל הדגים׃34 (5:14) ויבאו מכל העמים לשׁמע את חכמת שׁלמה מאת כל מלכי הארץ אשׁר שׁמעו את חכמתו׃
1 Kings 4 Cross References - HOT
2 Samuel 5:5
5 בחברון מלך על יהודה שׁבע שׁנים ושׁשׁה חדשׁים ובירושׁלם מלך שׁלשׁים ושׁלשׁ שׁנה על כל ישׂראל ויהודה׃
1 Kings 11:13
13 רק את כל הממלכה לא אקרע שׁבט אחד אתן לבנך למען דוד עבדי ולמען ירושׁלם אשׁר בחרתי׃
1 Kings 11:35-36
1 Kings 12:19-20
1 Chronicles 12:38
38 (12:39) כל אלה אנשׁי מלחמה עדרי מערכה בלבב שׁלם באו חברונה להמליך את דויד על כל ישׂראל וגם כל שׁרית ישׂראל לב אחד להמליך את דויד׃
2 Chronicles 9:30
30 וימלך שׁלמה בירושׁלם על כל ישׂראל ארבעים שׁנה׃
Ecclesiastes 1:12
12 אני קהלת הייתי מלך על ישׂראל בירושׁלם׃
Exodus 18:21
21 ואתה תחזה מכל העם אנשׁי חיל יראי אלהים אנשׁי אמת שׂנאי בצע ושׂמת עלהם שׂרי אלפים שׂרי מאות שׂרי חמשׁים ושׂרי עשׂרת׃
2 Samuel 8:15-18
2 Samuel 20:23-26
1 Chronicles 6:8-10
1 Chronicles 27:17
17 ללוי חשׁביה בן קמואל לאהרן צדוק׃
2 Samuel 8:16
16 ויואב בן צרויה על הצבא ויהושׁפט בן אחילוד מזכיר׃
2 Samuel 20:24-25
1 Chronicles 18:6
6 וישׂם דויד בארם דרמשׂק ויהי ארם לדויד עבדים נשׂאי מנחה ויושׁע יהוה לדויד בכל אשׁר הלך׃
1 Chronicles 18:15
15 ויואב בן צרויה על הצבא ויהושׁפט בן אחילוד מזכיר׃
Isaiah 62:6
6 על חומתיך ירושׁלם הפקדתי שׁמרים כל היום וכל הלילה תמיד לא יחשׁו המזכרים את יהוה אל דמי׃
1 Kings 2:26-27
1 Kings 2:35
35 ויתן המלך את בניהו בן יהוידע תחתיו על הצבא ואת צדוק הכהן נתן המלך תחת אביתר׃
2 Samuel 7:2
2 ויאמר המלך אל נתן הנביא ראה נא אנכי יושׁב בבית ארזים וארון האלהים ישׁב בתוך היריעה׃
2 Samuel 8:18
18 ובניהו בן יהוידע והכרתי והפלתי ובני דוד כהנים היו׃
2 Samuel 12:1-15
1 וישׁלח יהוה את נתן אל דוד ויבא אליו ויאמר לו שׁני אנשׁים היו בעיר אחת אחד עשׁיר ואחד ראשׁ׃2 לעשׁיר היה צאן ובקר הרבה מאד׃3 ולרשׁ אין כל כי אם כבשׂה אחת קטנה אשׁר קנה ויחיה ותגדל עמו ועם בניו יחדו מפתו תאכל ומכסו תשׁתה ובחיקו תשׁכב ותהי לו כבת׃4 ויבא הלך לאישׁ העשׁיר ויחמל לקחת מצאנו ומבקרו לעשׂות לארח הבא לו ויקח את כבשׂת האישׁ הראשׁ ויעשׂה לאישׁ הבא אליו׃5 ויחר אף דוד באישׁ מאד ויאמר אל נתן חי יהוה כי בן מות האישׁ העשׂה זאת׃6 ואת הכבשׂה ישׁלם ארבעתים עקב אשׁר עשׂה את הדבר הזה ועל אשׁר לא חמל׃7 ויאמר נתן אל דוד אתה האישׁ כה אמר יהוה אלהי ישׂראל אנכי משׁחתיך למלך על ישׂראל ואנכי הצלתיך מיד שׁאול׃8 ואתנה לך את בית אדניך ואת נשׁי אדניך בחיקך ואתנה לך את בית ישׂראל ויהודה ואם מעט ואספה לך כהנה וכהנה׃9 מדוע בזית את דבר יהוה לעשׂות הרע בעינו את אוריה החתי הכית בחרב ואת אשׁתו לקחת לך לאשׁה ואתו הרגת בחרב בני עמון׃10 ועתה לא תסור חרב מביתך עד עולם עקב כי בזתני ותקח את אשׁת אוריה החתי להיות לך לאשׁה׃11 כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃12 כי אתה עשׂית בסתר ואני אעשׂה את הדבר הזה נגד כל ישׂראל ונגד השׁמשׁ׃13 ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃14 אפס כי נאץ נאצת את איבי יהוה בדבר הזה גם הבן הילוד לך מות ימות׃15 וילך נתן אל ביתו ויגף יהוה את הילד אשׁר ילדה אשׁת אוריה לדוד ויאנשׁ׃
2 Samuel 12:25
25 וישׁלח ביד נתן הנביא ויקרא את שׁמו ידידיה בעבור יהוה׃
2 Samuel 15:37
37 ויבא חושׁי רעה דוד העיר ואבשׁלם יבא ירושׁלם׃
2 Samuel 16:16
16 ויהי כאשׁר בא חושׁי הארכי רעה דוד אל אבשׁלום ויאמר חושׁי אל אבשׁלום יחי המלך יחי המלך׃
2 Samuel 19:37-38
2 Samuel 20:26
26 וגם עירא היארי היה כהן לדוד׃
1 Kings 1:10-53
10 ואת נתן הנביא ובניהו ואת הגבורים ואת שׁלמה אחיו לא קרא׃11 ויאמר נתן אל בת\'ceשׁבע אם שׁלמה לאמר הלוא שׁמעת כי מלך אדניהו בן חגית ואדנינו דוד לא ידע׃12 ועתה לכי איעצך נא עצה ומלטי את נפשׁך ואת נפשׁ בנך שׁלמה׃13 לכי ובאי אל המלך דוד ואמרת אליו הלא אתה אדני המלך נשׁבעת לאמתך לאמר כי שׁלמה בנך ימלך אחרי והוא ישׁב על כסאי ומדוע מלך אדניהו׃14 הנה עודך מדברת שׁם עם המלך ואני אבוא אחריך ומלאתי את דבריך׃15 ותבא בת\'ceשׁבע אל המלך החדרה והמלך זקן מאד ואבישׁג השׁונמית משׁרת את המלך׃16 ותקד בת\'ceשׁבע ותשׁתחו למלך ויאמר המלך מה׃17 ותאמר לו אדני אתה נשׁבעת ביהוה אלהיך לאמתך כי שׁלמה בנך ימלך אחרי והוא ישׁב על כסאי׃18 ועתה הנה אדניה מלך ועתה אדני המלך לא ידעת׃19 ויזבח שׁור ומריא וצאן לרב ויקרא לכל בני המלך ולאביתר הכהן וליאב שׂר הצבא ולשׁלמה עבדך לא קרא׃20 ואתה אדני המלך עיני כל ישׂראל עליך להגיד להם מי ישׁב על כסא אדני המלך אחריו׃21 והיה כשׁכב אדני המלך עם אבתיו והייתי אני ובני שׁלמה חטאים׃22 והנה עודנה מדברת עם המלך ונתן הנביא בא׃23 ויגידו למלך לאמר הנה נתן הנביא ויבא לפני המלך וישׁתחו למלך על אפיו ארצה׃24 ויאמר נתן אדני המלך אתה אמרת אדניהו ימלך אחרי והוא ישׁב על כסאי׃25 כי ירד היום ויזבח שׁור ומריא וצאן לרב ויקרא לכל בני המלך ולשׂרי הצבא ולאביתר הכהן והנם אכלים ושׁתים לפניו ויאמרו יחי המלך אדניהו׃26 ולי אני עבדך ולצדק הכהן ולבניהו בן יהוידע ולשׁלמה עבדך לא קרא׃27 אם מאת אדני המלך נהיה הדבר הזה ולא הודעת את עבדיך מי ישׁב על כסא אדני המלך אחריו׃28 ויען המלך דוד ויאמר קראו לי לבת\'ceשׁבע ותבא לפני המלך ותעמד לפני המלך׃29 וישׁבע המלך ויאמר חי יהוה אשׁר פדה את נפשׁי מכל צרה׃30 כי כאשׁר נשׁבעתי לך ביהוה אלהי ישׂראל לאמר כי שׁלמה בנך ימלך אחרי והוא ישׁב על כסאי תחתי כי כן אעשׂה היום הזה׃31 ותקד בת\'ceשׁבע אפים ארץ ותשׁתחו למלך ותאמר יחי אדני המלך דוד לעלם׃32 ויאמר המלך דוד קראו לי לצדוק הכהן ולנתן הנביא ולבניהו בן יהוידע ויבאו לפני המלך׃33 ויאמר המלך להם קחו עמכם את עבדי אדניכם והרכבתם את שׁלמה בני על הפרדה אשׁר לי והורדתם אתו אל גחון׃34 ומשׁח אתו שׁם צדוק הכהן ונתן הנביא למלך על ישׂראל ותקעתם בשׁופר ואמרתם יחי המלך שׁלמה׃35 ועליתם אחריו ובא וישׁב על כסאי והוא ימלך תחתי ואתו צויתי להיות נגיד על ישׂראל ועל יהודה׃36 ויען בניהו בן יהוידע את המלך ויאמר אמן כן יאמר יהוה אלהי אדני המלך׃37 כאשׁר היה יהוה עם אדני המלך כן יהי עם שׁלמה ויגדל את כסאו מכסא אדני המלך דוד׃38 וירד צדוק הכהן ונתן הנביא ובניהו בן יהוידע והכרתי והפלתי וירכבו את שׁלמה על פרדת המלך דוד וילכו אתו על גחון׃39 ויקח צדוק הכהן את קרן השׁמן מן האהל וימשׁח את שׁלמה ויתקעו בשׁופר ויאמרו כל העם יחי המלך שׁלמה׃40 ויעלו כל העם אחריו והעם מחללים בחללים ושׂמחים שׂמחה גדולה ותבקע הארץ בקולם׃41 וישׁמע אדניהו וכל הקראים אשׁר אתו והם כלו לאכל וישׁמע יואב את קול השׁופר ויאמר מדוע קול הקריה הומה׃42 עודנו מדבר והנה יונתן בן אביתר הכהן בא ויאמר אדניהו בא כי אישׁ חיל אתה וטוב תבשׂר׃43 ויען יונתן ויאמר לאדניהו אבל אדנינו המלך דוד המליך את שׁלמה׃44 וישׁלח אתו המלך את צדוק הכהן ואת נתן הנביא ובניהו בן יהוידע והכרתי והפלתי וירכבו אתו על פרדת המלך׃45 וימשׁחו אתו צדוק הכהן ונתן הנביא למלך בגחון ויעלו משׁם שׂמחים ותהם הקריה הוא הקול אשׁר שׁמעתם׃46 וגם ישׁב שׁלמה על כסא המלוכה׃47 וגם באו עבדי המלך לברך את אדנינו המלך דוד לאמר ייטב אלהיך את שׁם שׁלמה משׁמך ויגדל את כסאו מכסאך וישׁתחו המלך על המשׁכב׃48 וגם ככה אמר המלך ברוך יהוה אלהי ישׂראל אשׁר נתן היום ישׁב על כסאי ועיני ראות׃49 ויחרדו ויקמו כל הקראים אשׁר לאדניהו וילכו אישׁ לדרכו׃50 ואדניהו ירא מפני שׁלמה ויקם וילך ויחזק בקרנות המזבח׃51 ויגד לשׁלמה לאמר הנה אדניהו ירא את המלך שׁלמה והנה אחז בקרנות המזבח לאמר ישׁבע לי כיום המלך שׁלמה אם ימית את עבדו בחרב׃52 ויאמר שׁלמה אם יהיה לבן חיל לא יפל משׂערתו ארצה ואם רעה תמצא בו ומת׃53 וישׁלח המלך שׁלמה וירדהו מעל המזבח ויבא וישׁתחו למלך שׁלמה ויאמר לו שׁלמה לך לביתך׃
1 Kings 4:7
7 ולשׁלמה שׁנים עשׂר נצבים על כל ישׂראל וכלכלו את המלך ואת ביתו חדשׁ בשׁנה יהיה על אחד לכלכל׃
1 Chronicles 27:33
33 ואחיתפל יועץ למלך וחושׁי הארכי רע המלך׃
Proverbs 22:11
11 אהב טהור לב חן שׂפתיו רעהו מלך׃
2 Samuel 20:24
24 ואדרם על המס ויהושׁפט בן אחילוד המזכיר׃
1 Kings 5:13-14
1 Kings 9:15
15 וזה דבר המס אשׁר העלה המלך שׁלמה לבנות את בית יהוה ואת ביתו ואת המלוא ואת חומת ירושׁלם ואת חצר ואת מגדו ואת גזר׃
1 Kings 12:18
18 וישׁלח המלך רחבעם את אדרם אשׁר על המס וירגמו כל ישׂראל בו אבן וימת והמלך רחבעם התאמץ לעלות במרכבה לנוס ירושׁלם׃
1 Chronicles 27:1-15
1 ובני ישׂראל למספרם ראשׁי האבות ושׂרי האלפים והמאות ושׁטריהם המשׁרתים את המלך לכל דבר המחלקות הבאה והיצאת חדשׁ בחדשׁ לכל חדשׁי השׁנה המחלקת האחת עשׂרים וארבעה אלף׃2 על המחלקת הראשׁונה לחדשׁ הראשׁון ישׁבעם בן זבדיאל ועל מחלקתו עשׂרים וארבעה אלף׃3 מן בני פרץ הראשׁ לכל שׂרי הצבאות לחדשׁ הראשׁון׃4 ועל מחלקת החדשׁ השׁני דודי האחוחי ומחלקתו ומקלות הנגיד ועל מחלקתו עשׂרים וארבעה אלף׃5 שׂר הצבא השׁלישׁי לחדשׁ השׁלישׁי בניהו בן יהוידע הכהן ראשׁ ועל מחלקתו עשׂרים וארבעה אלף׃6 הוא בניהו גבור השׁלשׁים ועל השׁלשׁים ומחלקתו עמיזבד בנו׃7 הרביעי לחדשׁ הרביעי עשׂה אל אחי יואב וזבדיה בנו אחריו ועל מחלקתו עשׂרים וארבעה אלף׃8 החמישׁי לחדשׁ החמישׁי השׂר שׁמהות היזרח ועל מחלקתו עשׂרים וארבעה אלף׃9 השׁשׁי לחדשׁ השׁשׁי עירא בן עקשׁ התקועי ועל מחלקתו עשׂרים וארבעה אלף׃10 השׁביעי לחדשׁ השׁביעי חלץ הפלוני מן בני אפרים ועל מחלקתו עשׂרים וארבעה אלף׃11 השׁמיני לחדשׁ השׁמיני סבכי החשׁתי לזרחי ועל מחלקתו עשׂרים וארבעה אלף׃12 התשׁיעי לחדשׁ התשׁיעי אביעזר הענתתי לבנימיני ועל מחלקתו עשׂרים וארבעה אלף׃13 העשׂירי לחדשׁ העשׂירי מהרי הנטופתי לזרחי ועל מחלקתו עשׂרים וארבעה אלף׃14 עשׁתי עשׂר לעשׁתי עשׂר החדשׁ בניה הפרעתוני מן בני אפרים ועל מחלקתו עשׂרים וארבעה אלף׃15 השׁנים עשׂר לשׁנים עשׂר החדשׁ חלדי הנטופתי לעתניאל ועל מחלקתו עשׂרים וארבעה אלף׃
Joshua 24:33
33 ואלעזר בן אהרן מת ויקברו אתו בגבעת פינחס בנו אשׁר נתן לו בהר אפרים׃
Judges 17:1
1 ויהי אישׁ מהר אפרים ושׁמו מיכיהו׃
Judges 19:1
1 ויהי בימים ההם ומלך אין בישׂראל ויהי אישׁ לוי גר בירכתי הר אפרים ויקח לו אשׁה פילגשׁ מבית לחם יהודה׃
Joshua 19:42
42 ושׁעלבין ואילון ויתלה׃
Joshua 21:16
16 ואת עין ואת מגרשׁה ואת יטה ואת מגרשׁה את בית שׁמשׁ ואת מגרשׁה ערים תשׁע מאת שׁני השׁבטים האלה׃
Judges 1:35
35 ויואל האמרי לשׁבת בהר חרס באילון ובשׁעלבים ותכבד יד בית יוסף ויהיו למס׃
1 Samuel 6:12
12 וישׁרנה הפרות בדרך על דרך בית שׁמשׁ במסלה אחת הלכו הלך וגעו ולא סרו ימין ושׂמאול וסרני פלשׁתים הלכים אחריהם עד גבול בית שׁמשׁ׃
1 Samuel 6:20
20 ויאמרו אנשׁי בית שׁמשׁ מי יוכל לעמד לפני יהוה האלהים הקדושׁ הזה ואל מי יעלה מעלינו׃
Joshua 12:17
17 מלך תפוח אחד מלך חפר אחד׃
Joshua 15:35
35 ירמות ועדלם שׂוכה ועזקה׃
Joshua 17:2
2 ויהי לבני מנשׁה הנותרים למשׁפחתם לבני אביעזר ולבני חלק ולבני אשׂריאל ולבני שׁכם ולבני חפר ולבני שׁמידע אלה בני מנשׁה בן יוסף הזכרים למשׁפחתם׃
Joshua 11:2
2 ואל המלכים אשׁר מצפון בהר ובערבה נגב כנרות ובשׁפלה ובנפות דור מים׃
Joshua 12:23
23 מלך דור לנפת דור אחד מלך גוים לגלגל אחד׃
Joshua 17:11
11 ויהי למנשׁה בישׂשכר ובאשׁר בית שׁאן ובנותיה ויבלעם ובנותיה ואת ישׁבי דאר ובנותיה וישׁבי עין דר ובנתיה וישׁבי תענך ובנתיה וישׁבי מגדו ובנותיה שׁלשׁת הנפת׃
Judges 1:27
27 ולא הורישׁ מנשׁה את בית שׁאן ואת בנותיה ואת תענך ואת בנתיה ואת ישׁב דור ואת בנותיה ואת יושׁבי יבלעם ואת בנתיה ואת יושׁבי מגדו ואת בנותיה ויואל הכנעני לשׁבת בארץ הזאת׃
Joshua 3:16
16 ויעמדו המים הירדים מלמעלה קמו נד אחד הרחק מאד באדם העיר אשׁר מצד צרתן והירדים על ים הערבה ים המלח תמו נכרתו והעם עברו נגד יריחו׃
Judges 5:19
19 באו מלכים נלחמו אז נלחמו מלכי כנען בתענך על מי מגדו בצע כסף לא לקחו׃
1 Samuel 31:10
10 וישׂמו את כליו בית עשׁתרות ואת גויתו תקעו בחומת בית שׁן׃
1 Samuel 31:12
12 ויקומו כל אישׁ חיל וילכו כל הלילה ויקחו את גוית שׁאול ואת גוית בניו מחומת בית שׁן ויבאו יבשׁה וישׂרפו אתם שׁם׃
1 Kings 7:46
46 בככר הירדן יצקם המלך במעבה האדמה בין סכות ובין צרתן׃
1 Kings 18:46
46 ויד יהוה היתה אל אליהו וישׁנס מתניו וירץ לפני אחאב עד באכה יזרעאלה׃
1 Kings 19:16
16 ואת יהוא בן נמשׁי תמשׁח למלך על ישׂראל ואת אלישׁע בן שׁפט מאבל מחולה תמשׁח לנביא תחתיך׃
2 Kings 23:29-30
1 Chronicles 6:68
68 (6:53) ואת יקמעם ואת מגרשׁיה ואת בית חורון ואת מגרשׁיה׃
Numbers 32:41
41 ויאיר בן מנשׁה הלך וילכד את חותיהם ויקרא אתהן חות יאיר׃
Deuteronomy 3:4
4 ונלכד את כל עריו בעת ההוא לא היתה קריה אשׁר לא לקחנו מאתם שׁשׁים עיר כל חבל ארגב ממלכת עוג בבשׁן׃
Deuteronomy 3:8
8 ונקח בעת ההוא את הארץ מיד שׁני מלכי האמרי אשׁר בעבר הירדן מנחל ארנן עד הר חרמון׃
Deuteronomy 3:13-14
Deuteronomy 4:43
43 את בצר במדבר בארץ המישׁר לראובני ואת ראמת בגלעד לגדי ואת גולן בבשׁן למנשׁי׃
Joshua 20:8
8 ומעבר לירדן יריחו מזרחה נתנו את בצר במדבר במישׁר ממטה ראובן ואת ראמת בגלעד ממטה גד ואת גלון בבשׁן ממטה מנשׁה׃
Joshua 21:38
38 וממטה גד את עיר מקלט הרצח את רמת בגלעד ואת מגרשׁה ואת מחנים ואת מגרשׁה׃
1 Kings 22:3
3 ויאמר מלך ישׂראל אל עבדיו הידעתם כי לנו רמת גלעד ואנחנו מחשׁים מקחת אתה מיד מלך ארם׃
2 Kings 9:1
1 ואלישׁע הנביא קרא לאחד מבני הנביאים ויאמר לו חגר מתניך וקח פך השׁמן הזה בידך ולך רמת גלעד׃
2 Kings 9:14
14 ויתקשׁר יהוא בן יהושׁפט בן נמשׁי אל יורם ויורם היה שׁמר ברמת גלעד הוא וכל ישׂראל מפני חזאל מלך ארם׃
Psalms 22:12
12 (22:13) סבבוני פרים רבים אבירי בשׁן כתרוני׃
Psalms 68:15
15 (68:16) הר אלהים הר בשׁן הר גבננים הר בשׁן׃
Genesis 32:2
2 (32:3) ויאמר יעקב כאשׁר ראם מחנה אלהים זה ויקרא שׁם המקום ההוא מחנים׃
Joshua 13:26
26 ומחשׁבון עד רמת המצפה ובטנים וממחנים עד גבול לדבר׃
2 Samuel 2:8
8 ואבנר בן נר שׂר צבא אשׁר לשׁאול לקח את אישׁ בשׁת בן שׁאול ויעברהו מחנים׃
2 Samuel 17:24
24 ודוד בא מחנימה ואבשׁלם עבר את הירדן הוא וכל אישׁ ישׂראל עמו׃
2 Samuel 17:27
27 ויהי כבוא דוד מחנימה ושׁבי בן נחשׁ מרבת בני עמון ומכיר בן עמיאל מלא דבר וברזלי הגלעדי מרגלים׃
Joshua 19:32-39
32 לבני נפתלי יצא הגורל השׁשׁי לבני נפתלי למשׁפחתם׃33 ויהי גבולם מחלף מאלון בצעננים ואדמי הנקב ויבנאל עד לקום ויהי תצאתיו הירדן׃34 ושׁב הגבול ימה אזנות תבור ויצא משׁם חוקקה ופגע בזבלון מנגב ובאשׁר פגע מים וביהודה הירדן מזרח השׁמשׁ׃35 וערי מבצר הצדים צר וחמת רקת וכנרת׃36 ואדמה והרמה וחצור׃37 וקדשׁ ואדרעי ועין חצור׃38 ויראון ומגדל אל חרם ובית ענת ובית שׁמשׁ ערים תשׁע עשׂרה וחצריהן׃39 זאת נחלת מטה בני נפתלי למשׁפחתם הערים וחצריהן׃
1 Samuel 18:18
18 ויאמר דוד אל שׁאול מי אנכי ומי חיי משׁפחת אבי בישׂראל כי אהיה חתן למלך׃
2 Samuel 15:27
27 ויאמר המלך אל צדוק הכהן הרואה אתה שׁבה העיר בשׁלום ואחימעץ בנך ויהונתן בן אביתר שׁני בניכם אתכם׃
1 Kings 4:11
11 בן אבינדב כל נפת דאר טפת בת שׁלמה היתה לו לאשׁה׃
Joshua 19:24-31
24 ויצא הגורל החמישׁי למטה בני אשׁר למשׁפחותם׃25 ויהי גבולם חלקת וחלי ובטן ואכשׁף׃26 ואלמלך ועמעד ומשׁאל ופגע בכרמל הימה ובשׁיחור לבנת׃27 ושׁב מזרח השׁמשׁ בית דגן ופגע בזבלון ובגי יפתח אל צפונה בית העמק ונעיאל ויצא אל כבול משׂמאל׃28 ועברן ורחב וחמון וקנה עד צידון רבה׃29 ושׁב הגבול הרמה ועד עיר מבצר צר ושׁב הגבול חסה ויהיו תצאתיו הימה מחבל אכזיבה׃30 ועמה ואפק ורחב ערים עשׂרים ושׁתים וחצריהן׃31 זאת נחלת מטה בני אשׁר למשׁפחתם הערים האלה וחצריהן׃
2 Samuel 15:32
32 ויהי דוד בא עד הראשׁ אשׁר ישׁתחוה שׁם לאלהים והנה לקראתו חושׁי הארכי קרוע כתנתו ואדמה על ראשׁו׃
Joshua 19:17-23
Joshua 18:20-28
20 והירדן יגבל אתו לפאת קדמה זאת נחלת בני בנימן לגבולתיה סביב למשׁפחתם׃21 והיו הערים למטה בני בנימן למשׁפחותיהם יריחו ובית חגלה ועמק קציץ׃22 ובית הערבה וצמרים ובית אל׃23 והעוים והפרה ועפרה׃24 וכפר העמני והעפני וגבע ערים שׁתים עשׂרה וחצריהן׃25 גבעון והרמה ובארות׃26 והמצפה והכפירה והמצה׃27 ורקם וירפאל ותראלה׃28 וצלע האלף והיבוסי היא ירושׁלם גבעת קרית ערים ארבע עשׂרה וחצריהן זאת נחלת בני בנימן למשׁפחתם׃
1 Kings 1:8
8 וצדוק הכהן ובניהו בן יהוידע ונתן הנביא ושׁמעי ורעי והגבורים אשׁר לדוד לא היו עם אדניהו׃
Zechariah 12:13
13 משׁפחת בית לוי לבד ונשׁיהם לבד משׁפחת השׁמעי לבד ונשׁיהם לבד׃
Numbers 21:21-35
21 וישׁלח ישׂראל מלאכים אל סיחן מלך האמרי לאמר׃22 אעברה בארצך לא נטה בשׂדה ובכרם לא נשׁתה מי באר בדרך המלך נלך עד אשׁר נעבר גבלך׃23 ולא נתן סיחן את ישׂראל עבר בגבלו ויאסף סיחן את כל עמו ויצא לקראת ישׂראל המדברה ויבא יהצה וילחם בישׂראל׃24 ויכהו ישׂראל לפי חרב ויירשׁ את ארצו מארנן עד יבק עד בני עמון כי עז גבול בני עמון׃25 ויקח ישׂראל את כל הערים האלה וישׁב ישׂראל בכל ערי האמרי בחשׁבון ובכל בנתיה׃26 כי חשׁבון עיר סיחן מלך האמרי הוא והוא נלחם במלך מואב הראשׁון ויקח את כל ארצו מידו עד ארנן׃27 על כן יאמרו המשׁלים באו חשׁבון תבנה ותכונן עיר סיחון׃28 כי אשׁ יצאה מחשׁבון להבה מקרית סיחן אכלה ער מואב בעלי במות ארנן׃29 אוי לך מואב אבדת עם כמושׁ נתן בניו פליטם ובנתיו בשׁבית למלך אמרי סיחון׃30 ונירם אבד חשׁבון עד דיבן ונשׁים עד נפח אשׁר עד מידבא׃31 וישׁב ישׂראל בארץ האמרי׃32 וישׁלח משׁה לרגל את יעזר וילכדו בנתיה ויירשׁ את האמרי אשׁר שׁם׃33 ויפנו ויעלו דרך הבשׁן ויצא עוג מלך הבשׁן לקראתם הוא וכל עמו למלחמה אדרעי׃34 ויאמר יהוה אל משׁה אל תירא אתו כי בידך נתתי אתו ואת כל עמו ואת ארצו ועשׂית לו כאשׁר עשׂית לסיחן מלך האמרי אשׁר יושׁב בחשׁבון׃35 ויכו אתו ואת בניו ואת כל עמו עד בלתי השׁאיר לו שׂריד ויירשׁו את ארצו׃
Deuteronomy 2:26-3:17
26 ואשׁלח מלאכים ממדבר קדמות אל סיחון מלך חשׁבון דברי שׁלום לאמר׃
Joshua 13:9-12
Genesis 13:16
16 ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃
Genesis 15:5
5 ויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך׃
Genesis 22:17
17 כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃
Genesis 32:12
12 (32:13) ואתה אמרת היטב איטיב עמך ושׂמתי את זרעך כחול הים אשׁר לא יספר מרב׃
1 Samuel 30:16
16 וירדהו והנה נטשׁים על פני כל הארץ אכלים ושׁתים וחגגים בכל השׁלל הגדול אשׁר לקחו מארץ פלשׁתים ומארץ יהודה׃
1 Kings 3:8
8 ועבדך בתוך עמך אשׁר בחרת עם רב אשׁר לא ימנה ולא יספר מרב׃
1 Chronicles 12:39
39 (12:40) ויהיו שׁם עם דויד ימים שׁלושׁה אכלים ושׁותים כי הכינו להם אחיהם׃
Job 1:18
18 עד זה מדבר וזה בא ויאמר בניך ובנותיך אכלים ושׁתים יין בבית אחיהם הבכור׃
Psalms 72:3-7
Proverbs 14:28
28 ברב עם הדרת מלך ובאפס לאם מחתת רזון׃
Ecclesiastes 2:24
24 אין טוב באדם שׁיאכל ושׁתה והראה את נפשׁו טוב בעמלו גם זה ראיתי אני כי מיד האלהים היא׃
Isaiah 22:13
13 והנה שׂשׂון ושׂמחה הרג בקר ושׁחט צאן אכל בשׂר ושׁתות יין אכול ושׁתו כי מחר נמות׃
Micah 4:4
4 וישׁבו אישׁ תחת גפנו ותחת תאנתו ואין מחריד כי פי יהוה צבאות דבר׃
Zechariah 3:10
10 ביום ההוא נאם יהוה צבאות תקראו אישׁ לרעהו אל תחת גפן ואל תחת תאנה׃
Zechariah 9:15
15 יהוה צבאות יגן עליהם ואכלו וכבשׁו אבני קלע ושׁתו המו כמו יין ומלאו כמזרק כזויות מזבח׃
Genesis 15:18
18 ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃
Exodus 23:31
31 ושׁתי את גבלך מים סוף ועד ים פלשׁתים וממדבר עד הנהר כי אתן בידכם את ישׁבי הארץ וגרשׁתמו מפניך׃
Deuteronomy 11:24
24 כל המקום אשׁר תדרך כף רגלכם בו לכם יהיה מן המדבר והלבנון מן הנהר נהר פרת ועד הים האחרון יהיה גבלכם׃
Joshua 1:4
4 מהמדבר והלבנון הזה ועד הנהר הגדול נהר פרת כל ארץ החתים ועד הים הגדול מבוא השׁמשׁ יהיה גבולכם׃
1 Samuel 10:27
27 ובני בליעל אמרו מה ישׁענו זה ויבזהו ולא הביאו לו מנחה ויהי כמחרישׁ׃
1 Kings 4:24
24 (5:4) כי הוא רדה בכל עבר הנהר מתפסח ועד עזה בכל מלכי עבר הנהר ושׁלום היה לו מכל עבריו מסביב׃
2 Kings 17:3
3 עליו עלה שׁלמנאסר מלך אשׁור ויהי לו הושׁע עבד וישׁב לו מנחה׃
2 Chronicles 9:26-31
26 ויהי מושׁל בכל המלכים מן הנהר ועד ארץ פלשׁתים ועד גבול מצרים׃27 ויתן המלך את הכסף בירושׁלם כאבנים ואת הארזים נתן כשׁקמים אשׁר בשׁפלה לרב׃28 ומוציאים סוסים ממצרים לשׁלמה ומכל הארצות׃29 ושׁאר דברי שׁלמה הראשׁנים והאחרונים הלא הם כתובים על דברי נתן הנביא ועל נבואת אחיה השׁילוני ובחזות יעדי החזה על ירבעם בן נבט׃30 וימלך שׁלמה בירושׁלם על כל ישׂראל ארבעים שׁנה׃31 וישׁכב שׁלמה עם אבתיו ויקברהו בעיר דויד אביו וימלך רחבעם בנו תחתיו׃
2 Chronicles 17:5
5 ויכן יהוה את הממלכה בידו ויתנו כל יהודה מנחה ליהושׁפט ויהי לו עשׁר וכבוד לרב׃
2 Chronicles 32:23
23 ורבים מביאים מנחה ליהוה לירושׁלם ומגדנות ליחזקיהו מלך יהודה וינשׂא לעיני כל הגוים מאחרי כן׃
Ezra 4:20
20 ומלכין תקיפין הוו על ירושׁלם ושׁליטין בכל עבר נהרה ומדה בלו והלך מתיהב׃
Psalms 68:29
29 (68:30) מהיכלך על ירושׁלם לך יובילו מלכים שׁי׃
Psalms 72:8-11
Psalms 76:11
11 (76:12) נדרו ושׁלמו ליהוה אלהיכם כל סביביו יובילו שׁי למורא׃
Nehemiah 5:17-18
Genesis 10:19
19 ויהי גבול הכנעני מצידן באכה גררה עד עזה באכה סדמה ועמרה ואדמה וצבים עד לשׁע׃
Judges 16:1
1 וילך שׁמשׁון עזתה וירא שׁם אשׁה זונה ויבא אליה׃
1 Kings 4:21
21 (5:1) ושׁלמה היה מושׁל בכל הממלכות מן הנהר ארץ פלשׁתים ועד גבול מצרים מגשׁים מנחה ועבדים את שׁלמה כל ימי חייו׃
1 Kings 5:4
4 (5:18) ועתה הניח יהוה אלהי לי מסביב אין שׂטן ואין פגע רע׃
1 Chronicles 22:9
9 הנה בן נולד לך הוא יהיה אישׁ מנוחה והנחותי לו מכל אויביו מסביב כי שׁלמה יהיה שׁמו ושׁלום ושׁקט אתן על ישׂראל בימיו׃
Psalms 72:3
3 ישׂאו הרים שׁלום לעם וגבעות בצדקה׃
Psalms 72:7-8
Psalms 72:11
11 וישׁתחוו לו כל מלכים כל גוים יעבדוהו׃
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Judges 20:1
1 ויצאו כל בני ישׂראל ותקהל העדה כאישׁ אחד למדן ועד באר שׁבע וארץ הגלעד אל יהוה המצפה׃
2 Samuel 17:11
11 כי יעצתי האסף יאסף עליך כל ישׂראל מדן ועד באר שׁבע כחול אשׁר על הים לרב ופניך הלכים בקרב׃
2 Samuel 24:15
15 ויתן יהוה דבר בישׂראל מהבקר ועד עת מועד וימת מן העם מדן ועד באר שׁבע שׁבעים אלף אישׁ׃
2 Kings 18:31
31 אל תשׁמעו אל חזקיהו כי כה אמר מלך אשׁור עשׂו אתי ברכה וצאו אלי ואכלו אישׁ גפנו ואישׁ תאנתו ושׁתו אישׁ מי בורו׃
Isaiah 60:18
18 לא ישׁמע עוד חמס בארצך שׁד ושׁבר בגבוליך וקראת ישׁועה חומתיך ושׁעריך תהלה׃
Jeremiah 23:5-6
Jeremiah 33:15-16
Ezekiel 38:11
11 ואמרת אעלה על ארץ פרזות אבוא השׁקטים ישׁבי לבטח כלם ישׁבים באין חומה ובריח ודלתים אין׃
Deuteronomy 17:16
16 רק לא ירבה לו סוסים ולא ישׁיב את העם מצרימה למען הרבות סוס ויהוה אמר לכם לא תספון לשׁוב בדרך הזה עוד׃
2 Samuel 8:4
4 וילכד דוד ממנו אלף ושׁבע מאות פרשׁים ועשׂרים אלף אישׁ רגלי ויעקר דוד את כל הרכב ויותר ממנו מאה רכב׃
1 Kings 10:25-26
2 Chronicles 1:14
14 ויאסף שׁלמה רכב ופרשׁים ויהי לו אלף וארבע מאות רכב ושׁנים עשׂר אלף פרשׁים ויניחם בערי הרכב ועם המלך בירושׁלם׃
2 Chronicles 9:25
25 ויהי לשׁלמה ארבעת אלפים אריות סוסים ומרכבות ושׁנים עשׂר אלף פרשׁים ויניחם בערי הרכב ועם המלך בירושׁלם׃
Psalms 20:7
7 (20:8) אלה ברכב ואלה בסוסים ואנחנו בשׁם יהוה אלהינו נזכיר׃
Esther 8:10
10 ויכתב בשׁם המלך אחשׁורשׁ ויחתם בטבעת המלך וישׁלח ספרים ביד הרצים בסוסים רכבי הרכשׁ האחשׁתרנים בני הרמכים׃
Esther 8:14
14 הרצים רכבי הרכשׁ האחשׁתרנים יצאו מבהלים ודחופים בדבר המלך והדת נתנה בשׁושׁן הבירה׃
Micah 1:13
13 רתם המרכבה לרכשׁ יושׁבת לכישׁ ראשׁית חטאת היא לבת ציון כי בך נמצאו פשׁעי ישׂראל׃
Genesis 41:49
49 ויצבר יוסף בר כחול הים הרבה מאד עד כי חדל לספר כי אין מספר׃
Judges 7:12
12 ומדין ועמלק וכל בני קדם נפלים בעמק כארבה לרב ולגמליהם אין מספר כחול שׁעל שׂפת הים לרב׃
1 Kings 3:12
12 הנה עשׂיתי כדבריך הנה נתתי לך לב חכם ונבון אשׁר כמוך לא היה לפניך ואחריך לא יקום כמוך׃
1 Kings 3:28
28 וישׁמעו כל ישׂראל את המשׁפט אשׁר שׁפט המלך ויראו מפני המלך כי ראו כי חכמת אלהים בקרבו לעשׂות משׁפט׃
1 Kings 4:20
20 יהודה וישׂראל רבים כחול אשׁר על הים לרב אכלים ושׁתים ושׂמחים׃
1 Kings 10:23-24
2 Chronicles 1:10-12
10 עתה חכמה ומדע תן לי ואצאה לפני העם הזה ואבואה כי מי ישׁפט את עמך הזה הגדול׃11 ויאמר אלהים לשׁלמה יען אשׁר היתה זאת עם לבבך ולא שׁאלת עשׁר נכסים וכבוד ואת נפשׁ שׂנאיך וגם ימים רבים לא שׁאלת ותשׁאל לך חכמה ומדע אשׁר תשׁפוט את עמי אשׁר המלכתיך עליו׃12 החכמה והמדע נתון לך ועשׁר ונכסים וכבוד אתן לך אשׁר לא היה כן למלכים אשׁר לפניך ואחריך לא יהיה כן׃
Psalms 119:34
34 הבינני ואצרה תורתך ואשׁמרנה בכל לב׃
Proverbs 2:6
6 כי יהוה יתן חכמה מפיו דעת ותבונה׃
Ecclesiastes 1:16
16 דברתי אני עם לבי לאמר אני הנה הגדלתי והוספתי חכמה על כל אשׁר היה לפני על ירושׁלם ולבי ראה הרבה חכמה ודעת׃
Ecclesiastes 2:26
26 כי לאדם שׁטוב לפניו נתן חכמה ודעת ושׂמחה ולחוטא נתן ענין לאסוף ולכנוס לתת לטוב לפני האלהים גם זה הבל ורעות רוח׃
Isaiah 60:5
5 אז תראי ונהרת ופחד ורחב לבבך כי יהפך עליך המון ים חיל גוים יבאו׃
Jeremiah 33:22
22 אשׁר לא יספר צבא השׁמים ולא ימד חול הים כן ארבה את זרע דוד עבדי ואת הלוים משׁרתי אתי׃
Habakkuk 1:9
9 כלה לחמס יבוא מגמת פניהם קדימה ויאסף כחול שׁבי׃
Genesis 25:6
6 ולבני הפילגשׁים אשׁר לאברהם נתן אברהם מתנת וישׁלחם מעל יצחק בנו בעודנו חי קדמה אל ארץ קדם׃
Job 1:3
3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃
Isaiah 19:11-12
Daniel 1:20
20 וכל דבר חכמת בינה אשׁר בקשׁ מהם המלך וימצאם עשׂר ידות על כל החרטמים האשׁפים אשׁר בכל מלכותו׃
Daniel 4:7
7 (4:4) באדין עללין חרטמיא אשׁפיא כשׂדיא וגזריא וחלמא אמר אנה קדמיהון ופשׁרה לא מהודעין׃
Daniel 5:11-12
11 איתי גבר במלכותך די רוח אלהין קדישׁין בה וביומי אבוך נהירו ושׂכלתנו וחכמה כחכמת אלהין השׁתכחת בה ומלכא נבכדנצר אבוך רב חרטמין אשׁפין כשׂדאין גזרין הקימה אבוך מלכא׃12 כל קבל די רוח יתירה ומנדע ושׂכלתנו מפשׁר חלמין ואחוית אחידן ומשׁרא קטרין השׁתכחת בה בדניאל די מלכא שׂם שׁמה בלטשׁאצר כען דניאל יתקרי ופשׁרה יהחוה׃
1 Kings 5:7
7 (5:21) ויהי כשׁמע חירם את דברי שׁלמה וישׂמח מאד ויאמר ברוך יהוה היום אשׁר נתן לדוד בן חכם על העם הרב הזה׃
1 Kings 10:1
1 ומלכת שׁבא שׁמעת את שׁמע שׁלמה לשׁם יהוה ותבא לנסתו בחידות׃
1 Kings 10:6
6 ותאמר אל המלך אמת היה הדבר אשׁר שׁמעתי בארצי על דבריך ועל חכמתך׃
1 Chronicles 2:6
6 ובני זרח זמרי ואיתן והימן וכלכל ודרע כלם חמשׁה׃
1 Chronicles 6:33
33 (6:18) ואלה העמדים ובניהם מבני הקהתי הימן המשׁורר בן יואל בן שׁמואל׃
1 Chronicles 15:17
17 ויעמידו הלוים את הימן בן יואל ומן אחיו אסף בן ברכיהו ומן בני מררי אחיהם איתן בן קושׁיהו׃
1 Chronicles 15:19
19 והמשׁררים הימן אסף ואיתן במצלתים נחשׁת להשׁמיע׃
2 Chronicles 9:23
23 וכל מלכי הארץ מבקשׁים את פני שׁלמה לשׁמע את חכמתו אשׁר נתן האלהים בלבו׃
Psalms 88:1
1 שׁיר מזמור לבני קרח למנצח על מחלת לענות משׂכיל להימן האזרחי׃ (88:2) יהוה אלהי ישׁועתי יום צעקתי בלילה נגדך׃
Psalms 89:1-52
1 משׂכיל לאיתן האזרחי׃ (89:2) חסדי יהוה עולם אשׁירה לדר ודר אודיע אמונתך בפי׃2 (89:3) כי אמרתי עולם חסד יבנה שׁמים תכן אמונתך׃3 (89:4) כרתי ברית לבחירי נשׁבעתי לדוד עבדי׃4 (89:5) עד עולם אכין זרעך ובניתי לדר ודור כסאך סלה׃5 (89:6) ויודו שׁמים פלאך יהוה אף אמונתך בקהל קדשׁים׃6 (89:7) כי מי בשׁחק יערך ליהוה ידמה ליהוה בבני אלים׃7 (89:8) אל נערץ בסוד קדשׁים רבה ונורא על כל סביביו׃8 (89:9) יהוה אלהי צבאות מי כמוך חסין יה ואמונתך סביבותיך׃9 (89:10) אתה מושׁל בגאות הים בשׂוא גליו אתה תשׁבחם׃10 (89:11) אתה דכאת כחלל רהב בזרוע עזך פזרת אויביך׃11 (89:12) לך שׁמים אף לך ארץ תבל ומלאה אתה יסדתם׃12 (89:13) צפון וימין אתה בראתם תבור וחרמון בשׁמך ירננו׃13 (89:14) לך זרוע עם גבורה תעז ידך תרום ימינך׃14 (89:15) צדק ומשׁפט מכון כסאך חסד ואמת יקדמו פניך׃15 (89:16) אשׁרי העם יודעי תרועה יהוה באור פניך יהלכון׃16 (89:17) בשׁמך יגילון כל היום ובצדקתך ירומו׃17 (89:18) כי תפארת עזמו אתה וברצנך תרים קרננו׃18 (89:19) כי ליהוה מגננו ולקדושׁ ישׂראל מלכנו׃19 (89:20) אז דברת בחזון לחסידיך ותאמר שׁויתי עזר על גבור הרימותי בחור מעם׃20 (89:21) מצאתי דוד עבדי בשׁמן קדשׁי משׁחתיו׃21 (89:22) אשׁר ידי תכון עמו אף זרועי תאמצנו׃22 (89:23) לא ישׁא אויב בו ובן עולה לא יעננו׃23 (89:24) וכתותי מפניו צריו ומשׂנאיו אגוף׃24 (89:25) ואמונתי וחסדי עמו ובשׁמי תרום קרנו׃25 (89:26) ושׂמתי בים ידו ובנהרות ימינו׃26 (89:27) הוא יקראני אבי אתה אלי וצור ישׁועתי׃27 (89:28) אף אני בכור אתנהו עליון למלכי ארץ׃28 (89:29) לעולם אשׁמור לו חסדי ובריתי נאמנת׃29 (89:30) ושׂמתי לעד זרעו וכסאו כימי שׁמים׃30 (89:31) אם יעזבו בניו תורתי ובמשׁפטי לא ילכון׃31 (89:32) אם חקתי יחללו ומצותי לא ישׁמרו׃32 (89:33) ופקדתי בשׁבט פשׁעם ובנגעים עונם׃33 (89:34) וחסדי לא אפיר מעמו ולא אשׁקר באמונתי׃34 (89:35) לא אחלל בריתי ומוצא שׂפתי לא אשׁנה׃35 (89:36) אחת נשׁבעתי בקדשׁי אם לדוד אכזב׃36 (89:37) זרעו לעולם יהיה וכסאו כשׁמשׁ נגדי׃37 (89:38) כירח יכון עולם ועד בשׁחק נאמן סלה׃38 (89:39) ואתה זנחת ותמאס התעברת עם משׁיחך׃39 (89:40) נארתה ברית עבדך חללת לארץ נזרו׃40 (89:41) פרצת כל גדרתיו שׂמת מבצריו מחתה׃41 (89:42) שׁסהו כל עברי דרך היה חרפה לשׁכניו׃42 (89:43) הרימות ימין צריו השׂמחת כל אויביו׃43 (89:44) אף תשׁיב צור חרבו ולא הקימתו במלחמה׃44 (89:45) השׁבת מטהרו וכסאו לארץ מגרתה׃45 (89:46) הקצרת ימי עלומיו העטית עליו בושׁה סלה׃46 (89:47) עד מה יהוה תסתר לנצח תבער כמו אשׁ חמתך׃47 (89:48) זכר אני מה חלד על מה שׁוא בראת כל בני אדם׃48 (89:49) מי גבר יחיה ולא יראה מות ימלט נפשׁו מיד שׁאול סלה׃49 (89:50) איה חסדיך הראשׁנים אדני נשׁבעת לדוד באמונתך׃50 (89:51) זכר אדני חרפת עבדיך שׂאתי בחיקי כל רבים עמים׃51 (89:52) אשׁר חרפו אויביך יהוה אשׁר חרפו עקבות משׁיחך׃52 (89:53) ברוך יהוה לעולם אמן ואמן׃
Proverbs 1:1-31
1 משׁלי שׁלמה בן דוד מלך ישׂראל׃2 לדעת חכמה ומוסר להבין אמרי בינה׃3 לקחת מוסר השׂכל צדק ומשׁפט ומישׁרים׃4 לתת לפתאים ערמה לנער דעת ומזמה׃5 ישׁמע חכם ויוסף לקח ונבון תחבלות יקנה׃6 להבין משׁל ומליצה דברי חכמים וחידתם׃7 יראת יהוה ראשׁית דעת חכמה ומוסר אוילים בזו׃8 שׁמע בני מוסר אביך ואל תטשׁ תורת אמך׃9 כי לוית חן הם לראשׁך וענקים לגרגרתיך׃10 בני אם יפתוך חטאים אל תבא׃11 אם יאמרו לכה אתנו נארבה לדם נצפנה לנקי חנם׃12 נבלעם כשׁאול חיים ותמימים כיורדי בור׃13 כל הון יקר נמצא נמלא בתינו שׁלל׃14 גורלך תפיל בתוכנו כיס אחד יהיה לכלנו׃15 בני אל תלך בדרך אתם מנע רגלך מנתיבתם׃16 כי רגליהם לרע ירוצו וימהרו לשׁפך דם׃17 כי חנם מזרה הרשׁת בעיני כל בעל כנף׃18 והם לדמם יארבו יצפנו לנפשׁתם׃19 כן ארחות כל בצע בצע את נפשׁ בעליו יקח׃20 חכמות בחוץ תרנה ברחבות תתן קולה׃21 בראשׁ המיות תקרא בפתחי שׁערים בעיר אמריה תאמר׃22 עד מתי פתים תאהבו פתי ולצים לצון חמדו להם וכסילים ישׂנאו דעת׃23 תשׁובו לתוכחתי הנה אביעה לכם רוחי אודיעה דברי אתכם׃24 יען קראתי ותמאנו נטיתי ידי ואין מקשׁיב׃25 ותפרעו כל עצתי ותוכחתי לא אביתם׃26 גם אני באידכם אשׂחק אלעג בבא פחדכם׃27 בבא כשׁאוה פחדכם ואידכם כסופה יאתה בבא עליכם צרה וצוקה׃28 אז יקראנני ולא אענה ישׁחרנני ולא ימצאנני׃29 תחת כי שׂנאו דעת ויראת יהוה לא בחרו׃30 לא אבו לעצתי נאצו כל תוכחתי׃31 ויאכלו מפרי דרכם וממעצתיהם ישׂבעו׃
Ecclesiastes 12:9
9 ויתר שׁהיה קהלת חכם עוד למד דעת את העם ואזן וחקר תקן משׁלים הרבה׃
Song of Songs 1:1-17
1 שׁיר השׁירים אשׁר לשׁלמה׃2 ישׁקני מנשׁיקות פיהו כי טובים דדיך מיין׃3 לריח שׁמניך טובים שׁמן תורק שׁמך על כן עלמות אהבוך׃4 משׁכני אחריך נרוצה הביאני המלך חדריו נגילה ונשׂמחה בך נזכירה דדיך מיין מישׁרים אהבוך׃5 שׁחורה אני ונאוה בנות ירושׁלם כאהלי קדר כיריעות שׁלמה׃6 אל תראוני שׁאני שׁחרחרת שׁשׁזפתני השׁמשׁ בני אמי נחרו בי שׂמני נטרה את הכרמים כרמי שׁלי לא נטרתי׃7 הגידה לי שׁאהבה נפשׁי איכה תרעה איכה תרביץ בצהרים שׁלמה אהיה כעטיה על עדרי חבריך׃8 אם לא תדעי לך היפה בנשׁים צאי לך בעקבי הצאן ורעי את גדיתיך על משׁכנות הרעים׃9 לססתי ברכבי פרעה דמיתיך רעיתי׃10 נאוו לחייך בתרים צוארך בחרוזים׃11 תורי זהב נעשׂה לך עם נקדות הכסף׃12 עד שׁהמלך במסבו נרדי נתן ריחו׃13 צרור המר דודי לי בין שׁדי ילין׃14 אשׁכל הכפר דודי לי בכרמי עין גדי׃15 הנך יפה רעיתי הנך יפה עיניך יונים׃16 הנך יפה דודי אף נעים אף ערשׂנו רעננה׃17 קרות בתינו ארזים רחיטנו ברותים׃
Genesis 1:20-25
20 ויאמר אלהים ישׁרצו המים שׁרץ נפשׁ חיה ועוף יעופף על הארץ על פני רקיע השׁמים׃21 ויברא אלהים את התנינם הגדלים ואת כל נפשׁ החיה הרמשׂת אשׁר שׁרצו המים למינהם ואת כל עוף כנף למינהו וירא אלהים כי טוב׃22 ויברך אתם אלהים לאמר פרו ורבו ומלאו את המים בימים והעוף ירב בארץ׃23 ויהי ערב ויהי בקר יום חמישׁי׃24 ויאמר אלהים תוצא הארץ נפשׁ חיה למינה בהמה ורמשׂ וחיתו ארץ למינה ויהי כן׃25 ויעשׂ אלהים את חית הארץ למינה ואת הבהמה למינה ואת כל רמשׂ האדמה למינהו וירא אלהים כי טוב׃
Exodus 12:22
22 ולקחתם אגדת אזוב וטבלתם בדם אשׁר בסף והגעתם אל המשׁקוף ואל שׁתי המזוזת מן הדם אשׁר בסף ואתם לא תצאו אישׁ מפתח ביתו עד בקר׃
Numbers 19:18
18 ולקח אזוב וטבל במים אישׁ טהור והזה על האהל ועל כל הכלים ועל הנפשׁות אשׁר היו שׁם ועל הנגע בעצם או בחלל או במת או בקבר׃
Numbers 24:6
6 כנחלים נטיו כגנת עלי נהר כאהלים נטע יהוה כארזים עלי מים׃
2 Kings 19:23
23 ביד מלאכיך חרפת אדני ותאמר ברכב רכבי אני עליתי מרום הרים ירכתי לבנון ואכרת קומת ארזיו מבחור ברשׁיו ואבואה מלון קצה יער כרמלו׃
Psalms 51:7
7 (51:9) תחטאני באזוב ואטהר תכבסני ומשׁלג אלבין׃
Psalms 92:12
12 (92:13) צדיק כתמר יפרח כארז בלבנון ישׂגה׃
2 Chronicles 9:1
1 ומלכת שׁבא שׁמעה את שׁמע שׁלמה ותבוא לנסות את שׁלמה בחידות בירושׁלם בחיל כבד מאד וגמלים נשׂאים בשׂמים וזהב לרב ואבן יקרה ותבוא אל שׁלמה ותדבר עמו את כל אשׁר היה עם לבבה׃
Isaiah 2:2
2 והיה באחרית הימים נכון יהיה הר בית יהוה בראשׁ ההרים ונשׂא מגבעות ונהרו אליו כל הגוים׃
Zechariah 8:23
23 כה אמר יהוה צבאות בימים ההמה אשׁר יחזיקו עשׂרה אנשׁים מכל לשׁנות הגוים והחזיקו בכנף אישׁ יהודי לאמר נלכה עמכם כי שׁמענו אלהים עמכם׃