1 Samuel 15:2 Cross References - HOT

2 כה אמר יהוה צבאות פקדתי את אשׁר עשׂה עמלק לישׂראל אשׁר שׂם לו בדרך בעלתו ממצרים׃

Exodus 17:8-16

8 ויבא עמלק וילחם עם ישׂראל ברפידם׃9 ויאמר משׁה אל יהושׁע בחר לנו אנשׁים וצא הלחם בעמלק מחר אנכי נצב על ראשׁ הגבעה ומטה האלהים בידי׃10 ויעשׂ יהושׁע כאשׁר אמר לו משׁה להלחם בעמלק ומשׁה אהרן וחור עלו ראשׁ הגבעה׃11 והיה כאשׁר ירים משׁה ידו וגבר ישׂראל וכאשׁר יניח ידו וגבר עמלק׃12 וידי משׁה כבדים ויקחו אבן וישׂימו תחתיו וישׁב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השׁמשׁ׃13 ויחלשׁ יהושׁע את עמלק ואת עמו לפי חרב׃14 ויאמר יהוה אל משׁה כתב זאת זכרון בספר ושׂים באזני יהושׁע כי מחה אמחה את זכר עמלק מתחת השׁמים׃15 ויבן משׁה מזבח ויקרא שׁמו יהוה נסי׃16 ויאמר כי יד על כס יה מלחמה ליהוה בעמלק מדר דר׃

Numbers 24:20

20 וירא את עמלק וישׂא משׁלו ויאמר ראשׁית גוים עמלק ואחריתו עדי אבד׃

Deuteronomy 25:17-19

17 זכור את אשׁר עשׂה לך עמלק בדרך בצאתכם ממצרים׃18 אשׁר קרך בדרך ויזנב בך כל הנחשׁלים אחריך ואתה עיף ויגע ולא ירא אלהים׃19 והיה בהניח יהוה אלהיך לך מכל איביך מסביב בארץ אשׁר יהוה אלהיך נתן לך נחלה לרשׁתה תמחה את זכר עמלק מתחת השׁמים לא תשׁכח׃

Jeremiah 31:34

34 ולא ילמדו עוד אישׁ את רעהו ואישׁ את אחיו לאמר דעו את יהוה כי כולם ידעו אותי למקטנם ועד גדולם נאם יהוה כי אסלח לעונם ולחטאתם לא אזכר עוד׃

Hosea 7:2

2 ובל יאמרו ללבבם כל רעתם זכרתי עתה סבבום מעלליהם נגד פני היו׃

Amos 8:7

7 נשׁבע יהוה בגאון יעקב אם אשׁכח לנצח כל מעשׂיהם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.