5 וישׂם את נפשׁו בכפו ויך את הפלשׁתי ויעשׂ יהוה תשׁועה גדולה לכל ישׂראל ראית ותשׂמח ולמה תחטא בדם נקי להמית את דוד חנם׃
1 Samuel 19:5 Cross References - HOT
Exodus 14:13
13 ויאמר משׁה אל העם אל תיראו התיצבו וראו את ישׁועת יהוה אשׁר יעשׂה לכם היום כי אשׁר ראיתם את מצרים היום לא תספו לראתם עוד עד עולם׃
Deuteronomy 19:10-13
Judges 9:17
17 אשׁר נלחם אבי עליכם וישׁלך את נפשׁו מנגד ויצל אתכם מיד מדין׃
Judges 12:3
3 ואראה כי אינך מושׁיע ואשׂימה נפשׁי בכפי ואעברה אל בני עמון ויתנם יהוה בידי ולמה עליתם אלי היום הזה להלחם׃
1 Samuel 11:13
13 ויאמר שׁאול לא יומת אישׁ ביום הזה כי היום עשׂה יהוה תשׁועה בישׂראל׃
1 Samuel 14:45
45 ויאמר העם אל שׁאול היונתן ימות אשׁר עשׂה הישׁועה הגדולה הזאת בישׂראל חלילה חי יהוה אם יפל משׂערת ראשׁו ארצה כי עם אלהים עשׂה היום הזה ויפדו העם את יונתן ולא מת׃
1 Samuel 17:49-53
49 וישׁלח דוד את ידו אל הכלי ויקח משׁם אבן ויקלע ויך את הפלשׁתי אל מצחו ותטבע האבן במצחו ויפל על פניו ארצה׃50 ויחזק דוד מן הפלשׁתי בקלע ובאבן ויך את הפלשׁתי וימיתהו וחרב אין ביד דוד׃51 וירץ דוד ויעמד אל הפלשׁתי ויקח את חרבו וישׁלפה מתערה וימתתהו ויכרת בה את ראשׁו ויראו הפלשׁתים כי מת גבורם וינסו׃52 ויקמו אנשׁי ישׂראל ויהודה וירעו וירדפו את הפלשׁתים עד בואך גיא ועד שׁערי עקרון ויפלו חללי פלשׁתים בדרך שׁערים ועד גת ועד עקרון׃53 וישׁבו בני ישׂראל מדלק אחרי פלשׁתים וישׁסו את מחניהם׃
1 Samuel 20:32
32 ויען יהונתן את שׁאול אביו ויאמר אליו למה יומת מה עשׂה׃
1 Samuel 28:21
21 ותבוא האשׁה אל שׁאול ותרא כי נבהל מאד ותאמר אליו הנה שׁמעה שׁפחתך בקולך ואשׂים נפשׁי בכפי ואשׁמע את דבריך אשׁר דברת אלי׃
1 Chronicles 11:14
14 ויתיצבו בתוך החלקה ויצילוה ויכו את פלשׁתים ויושׁע יהוה תשׁועה גדולה׃
Psalms 25:3
3 גם כל קויך לא יבשׁו יבשׁו הבוגדים ריקם׃
Psalms 69:4
4 (69:5) רבו משׂערות ראשׁי שׂנאי חנם עצמו מצמיתי איבי שׁקר אשׁר לא גזלתי אז אשׁיב׃
Psalms 119:109
109 נפשׁי בכפי תמיד ותורתך לא שׁכחתי׃
Jeremiah 26:15
15 אך ידע תדעו כי אם ממתים אתם אתי כי דם נקי אתם נתנים עליכם ואל העיר הזאת ואל ישׁביה כי באמת שׁלחני יהוה עליכם לדבר באזניכם את כל הדברים האלה׃