1 (24:2) ויהי כאשׁר שׁב שׁאול מאחרי פלשׁתים ויגדו לו לאמר הנה דוד במדבר עין גדי׃2 (24:3) ויקח שׁאול שׁלשׁת אלפים אישׁ בחור מכל ישׂראל וילך לבקשׁ את דוד ואנשׁיו על פני צורי היעלים׃3 (24:4) ויבא אל גדרות הצאן על הדרך ושׁם מערה ויבא שׁאול להסך את רגליו ודוד ואנשׁיו בירכתי המערה ישׁבים׃4 (24:5) ויאמרו אנשׁי דוד אליו הנה היום אשׁר אמר יהוה אליך הנה אנכי נתן את איביך בידך ועשׂית לו כאשׁר יטב בעיניך ויקם דוד ויכרת את כנף המעיל אשׁר לשׁאול בלט׃5 (24:6) ויהי אחרי כן ויך לב דוד אתו על אשׁר כרת את כנף אשׁר לשׁאול׃6 (24:7) ויאמר לאנשׁיו חלילה לי מיהוה אם אעשׂה את הדבר הזה לאדני למשׁיח יהוה לשׁלח ידי בו כי משׁיח יהוה הוא׃7 (24:8) וישׁסע דוד את אנשׁיו בדברים ולא נתנם לקום אל שׁאול ושׁאול קם מהמערה וילך בדרך׃8 (24:9) ויקם דוד אחרי כן ויצא מן המערה ויקרא אחרי שׁאול לאמר אדני המלך ויבט שׁאול אחריו ויקד דוד אפים ארצה וישׁתחו׃9 (24:10) ויאמר דוד לשׁאול למה תשׁמע את דברי אדם לאמר הנה דוד מבקשׁ רעתך׃10 (24:11) הנה היום הזה ראו עיניך את אשׁר נתנך יהוה היום בידי במערה ואמר להרגך ותחס עליך ואמר לא אשׁלח ידי באדני כי משׁיח יהוה הוא׃11 (24:12) ואבי ראה גם ראה את כנף מעילך בידי כי בכרתי את כנף מעילך ולא הרגתיך דע וראה כי אין בידי רעה ופשׁע ולא חטאתי לך ואתה צדה את נפשׁי לקחתה׃12 (24:13) ישׁפט יהוה ביני ובינך ונקמני יהוה ממך וידי לא תהיה׃13 (24:14) כאשׁר יאמר משׁל הקדמני מרשׁעים יצא רשׁע וידי לא תהיה׃14 (24:15) אחרי מי יצא מלך ישׂראל אחרי מי אתה רדף אחרי כלב מת אחרי פרעשׁ אחד׃15 (24:16) והיה יהוה לדין ושׁפט ביני ובינך וירא וירב את ריבי וישׁפטני מידך׃16 (24:17) ויהי ככלות דוד לדבר את הדברים האלה אל שׁאול ויאמר שׁאול הקלך זה בני דוד וישׂא שׁאול קלו ויבך׃17 (24:18) ויאמר אל דוד צדיק אתה ממני כי אתה גמלתני הטובה ואני גמלתיך הרעה׃18 (24:19) ואת הגדת היום את אשׁר עשׂיתה אתי טובה את אשׁר סגרני יהוה בידך ולא הרגתני׃19 (24:20) וכי ימצא אישׁ את איבו ושׁלחו בדרך טובה ויהוה ישׁלמך טובה תחת היום הזה אשׁר עשׂיתה׃20 (24:21) ועתה הנה ידעתי כי מלך תמלוך וקמה בידך ממלכת ישׂראל׃21 (24:22) ועתה השׁבעה לי ביהוה אם תכרית את זרעי אחרי ואם תשׁמיד את שׁמי מבית אבי׃22 (24:23) וישׁבע דוד לשׁאול וילך שׁאול אל ביתו ודוד ואנשׁיו עלו על המצודה׃
1 Samuel 24 Cross References - HOT
Genesis 16:5
5 ותאמר שׂרי אל אברם חמסי עליך אנכי נתתי שׁפחתי בחיקך ותרא כי הרתה ואקל בעיניה ישׁפט יהוה ביני וביניך׃
Genesis 17:3
3 ויפל אברם על פניו וידבר אתו אלהים לאמר׃
Genesis 21:23
23 ועתה השׁבעה לי באלהים הנה אם תשׁקר לי ולניני ולנכדי כחסד אשׁר עשׂיתי עמך תעשׂה עמדי ועם הארץ אשׁר גרתה׃
Genesis 31:48
48 ויאמר לבן הגל הזה עד ביני ובינך היום על כן קרא שׁמו גלעד׃
Genesis 31:53
53 אלהי אברהם ואלהי נחור ישׁפטו בינינו אלהי אביהם וישׁבע יעקב בפחד אביו יצחק׃
Genesis 33:4
4 וירץ עשׂו לקראתו ויחבקהו ויפל על צוארו וישׁקהו ויבכו׃
Genesis 38:26
26 ויכר יהודה ויאמר צדקה ממני כי על כן לא נתתיה לשׁלה בני ולא יסף עוד לדעתה׃
Exodus 9:27
27 וישׁלח פרעה ויקרא למשׁה ולאהרן ויאמר אלהם חטאתי הפעם יהוה הצדיק ואני ועמי הרשׁעים׃
Exodus 20:12
12 כבד את אביך ואת אמך למען יארכון ימיך על האדמה אשׁר יהוה אלהיך נתן׃
Leviticus 19:16
16 לא תלך רכיל בעמיך לא תעמד על דם רעך אני יהוה׃
Judges 3:24
24 והוא יצא ועבדיו באו ויראו והנה דלתות העליה נעלות ויאמרו אך מסיך הוא את רגליו בחדר המקרה׃
Judges 8:1-3
Judges 11:27
27 ואנכי לא חטאתי לך ואתה עשׂה אתי רעה להלחם בי ישׁפט יהוה השׁפט היום בין בני ישׂראל ובין בני עמון׃
Judges 17:2
2 ויאמר לאמו אלף ומאה הכסף אשׁר לקח לך ואתי אלית וגם אמרת באזני הנה הכסף אתי אני לקחתיו ותאמר אמו ברוך בני ליהוה׃
1 Samuel 13:2
2 ויבחר לו שׁאול שׁלשׁת אלפים מישׂראל ויהיו עם שׁאול אלפים במכמשׂ ובהר בית אל ואלף היו עם יונתן בגבעת בנימין ויתר העם שׁלח אישׁ לאהליו׃
1 Samuel 13:14
14 ועתה ממלכתך לא תקום בקשׁ יהוה לו אישׁ כלבבו ויצוהו יהוה לנגיד על עמו כי לא שׁמרת את אשׁר צוך יהוה׃
1 Samuel 17:43
43 ויאמר הפלשׁתי אל דוד הכלב אנכי כי אתה בא אלי במקלות ויקלל הפלשׁתי את דוד באלהיו׃
1 Samuel 18:27
27 ויקם דוד וילך הוא ואנשׁיו ויך בפלשׁתים מאתים אישׁ ויבא דוד את ערלתיהם וימלאום למלך להתחתן במלך ויתן לו שׁאול את מיכל בתו לאשׁה׃
1 Samuel 20:14-17
1 Samuel 20:30-31
1 Samuel 20:41
41 הנער בא ודוד קם מאצל הנגב ויפל לאפיו ארצה וישׁתחו שׁלשׁ פעמים וישׁקו אישׁ את רעהו ויבכו אישׁ את רעהו עד דוד הגדיל׃
1 Samuel 23:7
7 ויגד לשׁאול כי בא דוד קעילה ויאמר שׁאול נכר אתו אלהים בידי כי נסגר לבוא בעיר דלתים ובריח׃
1 Samuel 23:12
12 ויאמר דוד היסגרו בעלי קעילה אתי ואת אנשׁי ביד שׁאול ויאמר יהוה יסגירו׃
1 Samuel 23:14
14 וישׁב דוד במדבר במצדות וישׁב בהר במדבר זיף ויבקשׁהו שׁאול כל הימים ולא נתנו אלהים בידו׃
1 Samuel 23:17
17 ויאמר אליו אל תירא כי לא תמצאך יד שׁאול אבי ואתה תמלך על ישׂראל ואנכי אהיה לך למשׁנה וגם שׁאול אבי ידע כן׃
1 Samuel 23:19
19 ויעלו זפים אל שׁאול הגבעתה לאמר הלוא דוד מסתתר עמנו במצדות בחרשׁה בגבעת החכילה אשׁר מימין הישׁימון׃
1 Samuel 23:21
21 ויאמר שׁאול ברוכים אתם ליהוה כי חמלתם עלי׃
1 Samuel 23:23
23 וראו ודעו מכל המחבאים אשׁר יתחבא שׁם ושׁבתם אלי אל נכון והלכתי אתכם והיה אם ישׁנו בארץ וחפשׂתי אתו בכל אלפי יהודה׃
1 Samuel 23:28-29
1 Samuel 23:29
29 (24:1) ויעל דוד משׁם וישׁב במצדות עין גדי׃
1 Samuel 24:4
4 (24:5) ויאמרו אנשׁי דוד אליו הנה היום אשׁר אמר יהוה אליך הנה אנכי נתן את איביך בידך ועשׂית לו כאשׁר יטב בעיניך ויקם דוד ויכרת את כנף המעיל אשׁר לשׁאול בלט׃
1 Samuel 24:10
10 (24:11) הנה היום הזה ראו עיניך את אשׁר נתנך יהוה היום בידי במערה ואמר להרגך ותחס עליך ואמר לא אשׁלח ידי באדני כי משׁיח יהוה הוא׃
1 Samuel 24:12
12 (24:13) ישׁפט יהוה ביני ובינך ונקמני יהוה ממך וידי לא תהיה׃
1 Samuel 24:18
18 (24:19) ואת הגדת היום את אשׁר עשׂיתה אתי טובה את אשׁר סגרני יהוה בידך ולא הרגתני׃
1 Samuel 25:23-24
1 Samuel 25:28-30
1 Samuel 25:33
33 וברוך טעמך וברוכה את אשׁר כלתני היום הזה מבוא בדמים והשׁע ידי׃
1 Samuel 26:2
2 ויקם שׁאול וירד אל מדבר זיף ואתו שׁלשׁת אלפים אישׁ בחורי ישׂראל לבקשׁ את דוד במדבר זיף׃
1 Samuel 26:4
4 וישׁלח דוד מרגלים וידע כי בא שׁאול אל נכון׃
1 Samuel 26:8-11
8 ויאמר אבישׁי אל דוד סגר אלהים היום את אויבך בידך ועתה אכנו נא בחנית ובארץ פעם אחת ולא אשׁנה׃
1 Samuel 26:8-9
8 ויאמר אבישׁי אל דוד סגר אלהים היום את אויבך בידך ועתה אכנו נא בחנית ובארץ פעם אחת ולא אשׁנה׃
1 Samuel 26:8
1 Samuel 26:9-9
1 Samuel 26:17
17 ויכר שׁאול את קול דוד ויאמר הקולך זה בני דוד ויאמר דוד קולי אדני המלך׃18 ויאמר למה זה אדני רדף אחרי עבדו כי מה עשׂיתי ומה בידי רעה׃19 ועתה ישׁמע נא אדני המלך את דברי עבדו אם יהוה הסיתך בי ירח מנחה ואם בני האדם ארורים הם לפני יהוה כי גרשׁוני היום מהסתפח בנחלת יהוה לאמר לך עבד אלהים אחרים׃20 ועתה אל יפל דמי ארצה מנגד פני יהוה כי יצא מלך ישׂראל לבקשׁ את פרעשׁ אחד כאשׁר ירדף הקרא בהרים׃21 ויאמר שׁאול חטאתי שׁוב בני דוד כי לא ארע לך עוד תחת אשׁר יקרה נפשׁי בעיניך היום הזה הנה הסכלתי ואשׁגה הרבה מאד׃
1 Samuel 26:23
23 ויהוה ישׁיב לאישׁ את צדקתו ואת אמנתו אשׁר נתנך יהוה היום ביד ולא אביתי לשׁלח ידי במשׁיח יהוה׃
1 Samuel 26:25
25 ויאמר שׁאול אל דוד ברוך אתה בני דוד גם עשׂה תעשׂה וגם יכל תוכל וילך דוד לדרכו ושׁאול שׁב למקומו׃
2 Samuel 1:14
14 ויאמר אליו דוד איך לא יראת לשׁלח ידך לשׁחת את משׁיח יהוה׃
2 Samuel 3:8
8 ויחר לאבנר מאד על דברי אישׁ בשׁת ויאמר הראשׁ כלב אנכי אשׁר ליהודה היום אעשׂה חסד עם בית שׁאול אביך אל אחיו ואל מרעהו ולא המציתך ביד דוד ותפקד עלי עון האשׁה היום׃
2 Samuel 3:17-18
2 Samuel 4:8
8 ויבאו את ראשׁ אישׁ בשׁת אל דוד חברון ויאמרו אל המלך הנה ראשׁ אישׁ בשׁת בן שׁאול איבך אשׁר בקשׁ את נפשׁך ויתן יהוה לאדני המלך נקמות היום הזה משׁאול ומזרעו׃
2 Samuel 6:20
20 וישׁב דוד לברך את ביתו ותצא מיכל בת שׁאול לקראת דוד ותאמר מה נכבד היום מלך ישׂראל אשׁר נגלה היום לעיני אמהות עבדיו כהגלות נגלות אחד הרקים׃
2 Samuel 9:8
8 וישׁתחו ויאמר מה עבדך כי פנית אל הכלב המת אשׁר כמוני׃
2 Samuel 12:9
9 מדוע בזית את דבר יהוה לעשׂות הרע בעינו את אוריה החתי הכית בחרב ואת אשׁתו לקחת לך לאשׁה ואתו הרגת בחרב בני עמון׃
2 Samuel 16:9
9 ויאמר אבישׁי בן צרויה אל המלך למה יקלל הכלב המת הזה את אדני המלך אעברה נא ואסירה את ראשׁו׃
2 Samuel 21:6-8
6 ינתן לנו שׁבעה אנשׁים מבניו והוקענום ליהוה בגבעת שׁאול בחיר יהוה ויאמר המלך אני אתן׃7 ויחמל המלך על מפיבשׁת בן יהונתן בן שׁאול על שׁבעת יהוה אשׁר בינתם בין דוד ובין יהונתן בן שׁאול׃8 ויקח המלך את שׁני בני רצפה בת איה אשׁר ילדה לשׁאול את ארמני ואת מפבשׁת ואת חמשׁת בני מיכל בת שׁאול אשׁר ילדה לעדריאל בן ברזלי המחלתי׃
2 Samuel 24:10
10 ויך לב דוד אתו אחרי כן ספר את העם ויאמר דוד אל יהוה חטאתי מאד אשׁר עשׂיתי ועתה יהוה העבר נא את עון עבדך כי נסכלתי מאד׃
1 Kings 21:3
3 ויאמר נבות אל אחאב חלילה לי מיהוה מתתי את נחלת אבתי׃
1 Kings 21:7
7 ותאמר אליו איזבל אשׁתו אתה עתה תעשׂה מלוכה על ישׂראל קום אכל לחם ויטב לבך אני אתן לך את כרם נבות היזרעאלי׃
2 Kings 5:13
13 ויגשׁו עבדיו וידברו אליו ויאמרו אבי דבר גדול הנביא דבר אליך הלוא תעשׂה ואף כי אמר אליך רחץ וטהר׃
2 Kings 22:19
19 יען רך לבבך ותכנע מפני יהוה בשׁמעך אשׁר דברתי על המקום הזה ועל ישׁביו להיות לשׁמה ולקללה ותקרע את בגדיך ותבכה לפני וגם אנכי שׁמעתי נאם יהוה׃
2 Chronicles 24:22
22 ולא זכר יואשׁ המלך החסד אשׁר עשׂה יהוידע אביו עמו ויהרג את בנו וכמותו אמר ירא יהוה וידרשׁ׃
Job 5:8
8 אולם אני אדרשׁ אל אל ואל אלהים אשׂים דברתי׃
Job 6:25
25 מה נמרצו אמרי ישׁר ומה יוכיח הוכח מכם׃
Job 10:16
16 ויגאה כשׁחל תצודני ותשׁב תתפלא׃
Job 15:25
25 כי נטה אל אל ידו ואל שׁדי יתגבר׃
Job 31:29-30
Psalms 7:3-4
Psalms 7:4-4
4 (7:5) אם גמלתי שׁולמי רע ואחלצה צוררי ריקם׃
Psalms 7:8-9
Psalms 18:20
20 (18:21) יגמלני יהוה כצדקי כבר ידי ישׁיב׃
Psalms 31:8
8 (31:9) ולא הסגרתני ביד אויב העמדת במרחב רגלי׃
Psalms 35:1
1 לדוד ריבה יהוה את יריבי לחם את לחמי׃
Psalms 35:7
7 כי חנם טמנו לי שׁחת רשׁתם חנם חפרו לנפשׁי׃
Psalms 37:6
6 והוציא כאור צדקך ומשׁפטך כצהרים׃
Psalms 37:32
32 צופה רשׁע לצדיק ומבקשׁ להמיתו׃
Psalms 38:12
12 (38:13) וינקשׁו מבקשׁי נפשׁי ודרשׁי רעתי דברו הוות ומרמות כל היום יהגו׃
Psalms 43:1
1 שׁפטני אלהים וריבה ריבי מגוי לא חסיד מאישׁ מרמה ועולה תפלטני׃
Psalms 57:1-11
1 למנצח אל תשׁחת לדוד מכתם בברחו מפני שׁאול במערה׃ (57:2) חנני אלהים חנני כי בך חסיה נפשׁי ובצל כנפיך אחסה עד יעבר הוות׃2 (57:3) אקרא לאלהים עליון לאל גמר עלי׃3 (57:4) ישׁלח משׁמים ויושׁיעני חרף שׁאפי סלה ישׁלח אלהים חסדו ואמתו׃4 (57:5) נפשׁי בתוך לבאם אשׁכבה להטים בני אדם שׁניהם חנית וחצים ולשׁונם חרב חדה׃5 (57:6) רומה על השׁמים אלהים על כל הארץ כבודך׃6 (57:7) רשׁת הכינו לפעמי כפף נפשׁי כרו לפני שׁיחה נפלו בתוכה סלה׃7 (57:8) נכון לבי אלהים נכון לבי אשׁירה ואזמרה׃8 (57:9) עורה כבודי עורה הנבל וכנור אעירה שׁחר׃9 (57:10) אודך בעמים אדני אזמרך בל אמים׃10 (57:11) כי גדל עד שׁמים חסדך ועד שׁחקים אמתך׃11 (57:12) רומה על שׁמים אלהים על כל הארץ כבודך׃
Psalms 94:1
1 אל נקמות יהוה אל נקמות הופיע׃
Psalms 101:5
5 מלושׁני בסתר רעהו אותו אצמית גבה עינים ורחב לבב אתו לא אוכל׃
Psalms 104:18
18 הרים הגבהים ליעלים סלעים מחסה לשׁפנים׃
Psalms 105:15
15 אל תגעו במשׁיחי ולנביאי אל תרעו׃
Psalms 119:154
154 ריבה ריבי וגאלני לאמרתך חיני׃
Psalms 140:11
11 (140:12) אישׁ לשׁון בל יכון בארץ אישׁ חמס רע יצודנו למדחפת׃
Psalms 141:6
6 נשׁמטו בידי סלע שׁפטיהם ושׁמעו אמרי כי נעמו׃
Psalms 142:1-7
1 משׂכיל לדוד בהיותו במערה תפלה׃ (142:2) קולי אל יהוה אזעק קולי אל יהוה אתחנן׃2 (142:3) אשׁפך לפניו שׂיחי צרתי לפניו אגיד׃3 (142:4) בהתעטף עלי רוחי ואתה ידעת נתיבתי בארח זו אהלך טמנו פח׃4 (142:5) הביט ימין וראה ואין לי מכיר אבד מנוס ממני אין דורשׁ לנפשׁי׃5 (142:6) זעקתי אליך יהוה אמרתי אתה מחסי חלקי בארץ החיים׃6 (142:7) הקשׁיבה אל רנתי כי דלותי מאד הצילני מרדפי כי אמצו ממני׃7 (142:8) הוציאה ממסגר נפשׁי להודות את שׁמך בי יכתרו צדיקים כי תגמל עלי׃
Proverbs 15:1
1 מענה רך ישׁיב חמה ודבר עצב יעלה אף׃
Proverbs 16:28
28 אישׁ תהפכות ישׁלח מדון ונרגן מפריד אלוף׃
Proverbs 17:4
4 מרע מקשׁיב על שׂפת און שׁקר מזין על לשׁון הות׃
Proverbs 18:8
8 דברי נרגן כמתלהמים והם ירדו חדרי בטן׃
Proverbs 25:5
5 הגו רשׁע לפני מלך ויכון בצדק כסאו׃
Proverbs 25:11
11 תפוחי זהב במשׂכיות כסף דבר דבר על אפניו׃
Proverbs 25:21-22
Proverbs 26:20-22
Proverbs 26:24-25
Proverbs 26:28
28 לשׁון שׁקר ישׂנא דכיו ופה חלק יעשׂה מדחה׃
Proverbs 29:12
12 משׁל מקשׁיב על דבר שׁקר כל משׁרתיו רשׁעים׃
Ecclesiastes 7:21-22
Lamentations 4:18
18 צדו צעדינו מלכת ברחבתינו קרב קצינו מלאו ימינו כי בא קצינו׃
Ezekiel 13:18
18 ואמרת כה אמר אדני יהוה הוי למתפרות כסתות על כל אצילי ידי ועשׂות המספחות על ראשׁ כל קומה לצודד נפשׁות הנפשׁות תצודדנה לעמי ונפשׁות לכנה תחיינה׃
Ezekiel 22:9
9 אנשׁי רכיל היו בך למען שׁפך דם ואל ההרים אכלו בך זמה עשׂו בתוכך׃
Hosea 7:3
3 ברעתם ישׂמחו מלך ובכחשׁיהם שׂרים׃
Micah 1:2
2 שׁמעו עמים כלם הקשׁיבי ארץ ומלאה ויהי אדני יהוה בכם לעד אדני מהיכל קדשׁו׃
Micah 7:2
2 אבד חסיד מן הארץ וישׁר באדם אין כלם לדמים יארבו אישׁ את אחיהו יצודו חרם׃
Micah 7:9
9 זעף יהוה אשׂא כי חטאתי לו עד אשׁר יריב ריבי ועשׂה משׁפטי יוציאני לאור אראה בצדקתו׃