1 ויהי בימים ההם ויקבצו פלשׁתים את מחניהם לצבא להלחם בישׂראל ויאמר אכישׁ אל דוד ידע תדע כי אתי תצא במחנה אתה ואנשׁיך׃2 ויאמר דוד אל אכישׁ לכן אתה תדע את אשׁר יעשׂה עבדך ויאמר אכישׁ אל דוד לכן שׁמר לראשׁי אשׂימך כל הימים׃3 ושׁמואל מת ויספדו לו כל ישׂראל ויקברהו ברמה ובעירו ושׁאול הסיר האבות ואת הידענים מהארץ׃4 ויקבצו פלשׁתים ויבאו ויחנו בשׁונם ויקבץ שׁאול את כל ישׂראל ויחנו בגלבע׃5 וירא שׁאול את מחנה פלשׁתים וירא ויחרד לבו מאד׃6 וישׁאל שׁאול ביהוה ולא ענהו יהוה גם בחלמות גם באורים גם בנביאם׃7 ויאמר שׁאול לעבדיו בקשׁו לי אשׁת בעלת אוב ואלכה אליה ואדרשׁה בה ויאמרו עבדיו אליו הנה אשׁת בעלת אוב בעין דור׃8 ויתחפשׂ שׁאול וילבשׁ בגדים אחרים וילך הוא ושׁני אנשׁים עמו ויבאו אל האשׁה לילה ויאמר קסומי נא לי באוב והעלי לי את אשׁר אמר אליך׃9 ותאמר האשׁה אליו הנה אתה ידעת את אשׁר עשׂה שׁאול אשׁר הכרית את האבות ואת הידעני מן הארץ ולמה אתה מתנקשׁ בנפשׁי להמיתני׃10 וישׁבע לה שׁאול ביהוה לאמר חי יהוה אם יקרך עון בדבר הזה׃11 ותאמר האשׁה את מי אעלה לך ויאמר את שׁמואל העלי׃12 ותרא האשׁה את שׁמואל ותזעק בקול גדול ותאמר האשׁה אל שׁאול לאמר למה רמיתני ואתה שׁאול׃13 ויאמר לה המלך אל תיראי כי מה ראית ותאמר האשׁה אל שׁאול אלהים ראיתי עלים מן הארץ׃14 ויאמר לה מה תארו ותאמר אישׁ זקן עלה והוא עטה מעיל וידע שׁאול כי שׁמואל הוא ויקד אפים ארצה וישׁתחו׃15 ויאמר שׁמואל אל שׁאול למה הרגזתני להעלות אתי ויאמר שׁאול צר לי מאד ופלשׁתים נלחמים בי ואלהים סר מעלי ולא ענני עוד גם ביד הנביאם גם בחלמות ואקראה לך להודיעני מה אעשׂה׃16 ויאמר שׁמואל ולמה תשׁאלני ויהוה סר מעליך ויהי ערך׃17 ויעשׂ יהוה לו כאשׁר דבר בידי ויקרע יהוה את הממלכה מידך ויתנה לרעך לדוד׃18 כאשׁר לא שׁמעת בקול יהוה ולא עשׂית חרון אפו בעמלק על כן הדבר הזה עשׂה לך יהוה היום הזה׃19 ויתן יהוה גם את ישׂראל עמך ביד פלשׁתים ומחר אתה ובניך עמי גם את מחנה ישׂראל יתן יהוה ביד פלשׁתים׃20 וימהר שׁאול ויפל מלא קומתו ארצה וירא מאד מדברי שׁמואל גם כח לא היה בו כי לא אכל לחם כל היום וכל הלילה׃21 ותבוא האשׁה אל שׁאול ותרא כי נבהל מאד ותאמר אליו הנה שׁמעה שׁפחתך בקולך ואשׂים נפשׁי בכפי ואשׁמע את דבריך אשׁר דברת אלי׃22 ועתה שׁמע נא גם אתה בקול שׁפחתך ואשׂמה לפניך פת לחם ואכול ויהי בך כח כי תלך בדרך׃23 וימאן ויאמר לא אכל ויפרצו בו עבדיו וגם האשׁה וישׁמע לקלם ויקם מהארץ וישׁב אל המטה׃24 ולאשׁה עגל מרבק בבית ותמהר ותזבחהו ותקח קמח ותלשׁ ותפהו מצות׃25 ותגשׁ לפני שׁאול ולפני עבדיו ויאכלו ויקמו וילכו בלילה ההוא׃
1 Samuel 28 Cross References - HOT
Judges 3:1-4
1 ואלה הגוים אשׁר הניח יהוה לנסות בם את ישׂראל את כל אשׁר לא ידעו את כל מלחמות כנען׃2 רק למען דעת דרות בני ישׂראל ללמדם מלחמה רק אשׁר לפנים לא ידעום׃3 חמשׁת סרני פלשׁתים וכל הכנעני והצידני והחוי ישׁב הר הלבנון מהר בעל חרמון עד לבוא חמת׃4 ויהיו לנסות בם את ישׂראל לדעת הישׁמעו את מצות יהוה אשׁר צוה את אבותם ביד משׁה׃
1 Samuel 7:7
7 וישׁמעו פלשׁתים כי התקבצו בני ישׂראל המצפתה ויעלו סרני פלשׁתים אל ישׂראל וישׁמעו בני ישׂראל ויראו מפני פלשׁתים׃
1 Samuel 13:5
5 ופלשׁתים נאספו להלחם עם ישׂראל שׁלשׁים אלף רכב ושׁשׁת אלפים פרשׁים ועם כחול אשׁר על שׂפת הים לרב ויעלו ויחנו במכמשׂ קדמת בית און׃
1 Samuel 17:1
1 ויאספו פלשׁתים את מחניהם למלחמה ויאספו שׂכה אשׁר ליהודה ויחנו בין שׂוכה ובין עזקה באפס דמים׃
1 Samuel 27:12
12 ויאמן אכישׁ בדוד לאמר הבאשׁ הבאישׁ בעמו בישׂראל והיה לי לעבד עולם׃
1 Samuel 29:1-3
1 Samuel 27:10
10 ויאמר אכישׁ אל פשׁטתם היום ויאמר דוד על נגב יהודה ועל נגב הירחמאלי ואל נגב הקיני׃
2 Samuel 16:16-19
Exodus 22:18
18 (22:17) מכשׁפה לא תחיה׃
Leviticus 19:31
31 אל תפנו אל האבת ואל הידענים אל תבקשׁו לטמאה בהם אני יהוה אלהיכם׃
Leviticus 20:6
6 והנפשׁ אשׁר תפנה אל האבת ואל הידענים לזנת אחריהם ונתתי את פני בנפשׁ ההוא והכרתי אתו מקרב עמו׃
Leviticus 20:27
27 ואישׁ או אשׁה כי יהיה בהם אוב או ידעני מות יומתו באבן ירגמו אתם דמיהם׃
Deuteronomy 18:10-11
1 Samuel 7:17
17 ותשׁבתו הרמתה כי שׁם ביתו ושׁם שׁפט את ישׂראל ויבן שׁם מזבח ליהוה׃
1 Samuel 15:23
23 כי חטאת קסם מרי ואון ותרפים הפצר יען מאסת את דבר יהוה וימאסך ממלך׃
1 Samuel 25:1
1 וימת שׁמואל ויקבצו כל ישׂראל ויספדו לו ויקברהו בביתו ברמה ויקם דוד וירד אל מדבר פארן׃
1 Samuel 28:9
9 ותאמר האשׁה אליו הנה אתה ידעת את אשׁר עשׂה שׁאול אשׁר הכרית את האבות ואת הידעני מן הארץ ולמה אתה מתנקשׁ בנפשׁי להמיתני׃
Isaiah 57:1-2
Joshua 19:18
18 ויהי גבולם יזרעאלה והכסולת ושׁונם׃
1 Samuel 31:1
1 ופלשׁתים נלחמים בישׂראל וינסו אנשׁי ישׂראל מפני פלשׁתים ויפלו חללים בהר הגלבע׃
2 Samuel 1:6
6 ויאמר הנער המגיד לו נקרא נקריתי בהר הגלבע והנה שׁאול נשׁען על חניתו והנה הרכב ובעלי הפרשׁים הדבקהו׃
2 Samuel 1:21
21 הרי בגלבע אל טל ואל מטר עליכם ושׂדי תרומת כי שׁם נגעל מגן גבורים מגן שׁאול בלי משׁיח בשׁמן׃
2 Samuel 21:12
12 וילך דוד ויקח את עצמות שׁאול ואת עצמות יהונתן בנו מאת בעלי יבישׁ גלעד אשׁר גנבו אתם מרחב בית שׁן אשׁר תלום שׁם הפלשׁתים ביום הכות פלשׁתים את שׁאול בגלבע׃
2 Kings 4:8
8 ויהי היום ויעבר אלישׁע אל שׁונם ושׁם אשׁה גדולה ותחזק בו לאכל לחם ויהי מדי עברו יסר שׁמה לאכל לחם׃
Job 15:21
21 קול פחדים באזניו בשׁלום שׁודד יבואנו׃
Job 18:11
11 סביב בעתהו בלהות והפיצהו לרגליו׃
Psalms 48:5-6
Psalms 73:19
19 איך היו לשׁמה כרגע ספו תמו מן בלהות׃
Proverbs 10:24
24 מגורת רשׁע היא תבואנו ותאות צדיקים יתן׃
Isaiah 7:2
2 ויגד לבית דוד לאמר נחה ארם על אפרים וינע לבבו ולבב עמו כנוע עצי יער מפני רוח׃
Isaiah 21:3-4
Isaiah 57:20-21
Daniel 5:6
6 אדין מלכא זיוהי שׁנוהי ורעינהי יבהלונה וקטרי חרצה משׁתרין וארכבתה דא לדא נקשׁן׃
Genesis 28:12-15
12 ויחלם והנה סלם מצב ארצה וראשׁו מגיע השׁמימה והנה מלאכי אלהים עלים וירדים׃13 והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך׃14 והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃15 והנה אנכי עמך ושׁמרתיך בכל אשׁר תלך והשׁבתיך אל האדמה הזאת כי לא אעזבך עד אשׁר אם עשׂיתי את אשׁר דברתי׃
Genesis 46:2-4
Exodus 28:20
20 והטור הרביעי תרשׁישׁ ושׁהם וישׁפה משׁבצים זהב יהיו במלואתם׃
Exodus 28:30
30 ונתת אל חשׁן המשׁפט את האורים ואת התמים והיו על לב אהרן בבאו לפני יהוה ונשׂא אהרן את משׁפט בני ישׂראל על לבו לפני יהוה תמיד׃
Numbers 12:6
6 ויאמר שׁמעו נא דברי אם יהיה נביאכם יהוה במראה אליו אתודע בחלום אדבר׃
Numbers 27:21
21 ולפני אלעזר הכהן יעמד ושׁאל לו במשׁפט האורים לפני יהוה על פיו יצאו ועל פיו יבאו הוא וכל בני ישׂראל אתו וכל העדה׃
Deuteronomy 33:8
8 וללוי אמר תמיך ואוריך לאישׁ חסידך אשׁר נסיתו במסה תריבהו על מי מריבה׃
1 Samuel 14:37
37 וישׁאל שׁאול באלהים הארד אחרי פלשׁתים התתנם ביד ישׂראל ולא ענהו ביום ההוא׃
1 Chronicles 10:13-14
Job 33:14-16
Psalms 74:9
9 אותתינו לא ראינו אין עוד נביא ולא אתנו ידע עד מה׃
Proverbs 1:1-33
1 משׁלי שׁלמה בן דוד מלך ישׂראל׃2 לדעת חכמה ומוסר להבין אמרי בינה׃3 לקחת מוסר השׂכל צדק ומשׁפט ומישׁרים׃4 לתת לפתאים ערמה לנער דעת ומזמה׃5 ישׁמע חכם ויוסף לקח ונבון תחבלות יקנה׃6 להבין משׁל ומליצה דברי חכמים וחידתם׃7 יראת יהוה ראשׁית דעת חכמה ומוסר אוילים בזו׃8 שׁמע בני מוסר אביך ואל תטשׁ תורת אמך׃9 כי לוית חן הם לראשׁך וענקים לגרגרתיך׃10 בני אם יפתוך חטאים אל תבא׃11 אם יאמרו לכה אתנו נארבה לדם נצפנה לנקי חנם׃12 נבלעם כשׁאול חיים ותמימים כיורדי בור׃13 כל הון יקר נמצא נמלא בתינו שׁלל׃14 גורלך תפיל בתוכנו כיס אחד יהיה לכלנו׃15 בני אל תלך בדרך אתם מנע רגלך מנתיבתם׃16 כי רגליהם לרע ירוצו וימהרו לשׁפך דם׃17 כי חנם מזרה הרשׁת בעיני כל בעל כנף׃18 והם לדמם יארבו יצפנו לנפשׁתם׃19 כן ארחות כל בצע בצע את נפשׁ בעליו יקח׃20 חכמות בחוץ תרנה ברחבות תתן קולה׃21 בראשׁ המיות תקרא בפתחי שׁערים בעיר אמריה תאמר׃22 עד מתי פתים תאהבו פתי ולצים לצון חמדו להם וכסילים ישׂנאו דעת׃23 תשׁובו לתוכחתי הנה אביעה לכם רוחי אודיעה דברי אתכם׃24 יען קראתי ותמאנו נטיתי ידי ואין מקשׁיב׃25 ותפרעו כל עצתי ותוכחתי לא אביתם׃26 גם אני באידכם אשׂחק אלעג בבא פחדכם׃27 בבא כשׁאוה פחדכם ואידכם כסופה יאתה בבא עליכם צרה וצוקה׃28 אז יקראנני ולא אענה ישׁחרנני ולא ימצאנני׃29 תחת כי שׂנאו דעת ויראת יהוה לא בחרו׃30 לא אבו לעצתי נאצו כל תוכחתי׃31 ויאכלו מפרי דרכם וממעצתיהם ישׂבעו׃32 כי משׁובת פתים תהרגם ושׁלות כסילים תאבדם׃33 ושׁמע לי ישׁכן בטח ושׁאנן מפחד רעה׃
Proverbs 27:1-28:28
1 אל תתהלל ביום מחר כי לא תדע מה ילד יום׃2 יהללך זר ולא פיך נכרי ואל שׂפתיך׃3 כבד אבן ונטל החול וכעס אויל כבד משׁניהם׃4 אכזריות חמה ושׁטף אף ומי יעמד לפני קנאה׃5 טובה תוכחת מגלה מאהבה מסתרת׃6 נאמנים פצעי אוהב ונעתרות נשׁיקות שׂונא׃7 נפשׁ שׂבעה תבוס נפת ונפשׁ רעבה כל מר מתוק׃8 כצפור נודדת מן קנה כן אישׁ נודד ממקומו׃9 שׁמן וקטרת ישׂמח לב ומתק רעהו מעצת נפשׁ׃10 רעך ורעה אביך אל תעזב ובית אחיך אל תבוא ביום אידך טוב שׁכן קרוב מאח רחוק׃11 חכם בני ושׂמח לבי ואשׁיבה חרפי דבר׃12 ערום ראה רעה נסתר פתאים עברו נענשׁו׃13 קח בגדו כי ערב זר ובעד נכריה חבלהו׃14 מברך רעהו בקול גדול בבקר השׁכים קללה תחשׁב׃15 דלף טורד ביום סגריר ואשׁת מדונים נשׁתוה׃16 צפניה צפן רוח ושׁמן ימינו יקרא׃17 ברזל בברזל יחד ואישׁ יחד פני רעהו׃18 נצר תאנה יאכל פריה ושׁמר אדניו יכבד׃19 כמים הפנים לפנים כן לב האדם לאדם׃20 שׁאול ואבדה לא תשׂבענה ועיני האדם לא תשׂבענה׃21 מצרף לכסף וכור לזהב ואישׁ לפי מהללו׃22 אם תכתושׁ את האויל במכתשׁ בתוך הריפות בעלי לא תסור מעליו אולתו׃23 ידע תדע פני צאנך שׁית לבך לעדרים׃24 כי לא לעולם חסן ואם נזר לדור דור׃25 גלה חציר ונראה דשׁא ונאספו עשׂבות הרים׃26 כבשׂים ללבושׁך ומחיר שׂדה עתודים׃27 ודי חלב עזים ללחמך ללחם ביתך וחיים לנערותיך׃
Proverbs 28:1-28
1 נסו ואין רדף רשׁע וצדיקים ככפיר יבטח׃2 בפשׁע ארץ רבים שׂריה ובאדם מבין ידע כן יאריך׃3 גבר רשׁ ועשׁק דלים מטר סחף ואין לחם׃4 עזבי תורה יהללו רשׁע ושׁמרי תורה יתגרו׃5 אנשׁי רע לא יבינו משׁפט ומבקשׁי יהוה יבינו כל׃6 טוב רשׁ הולך בתמו מעקשׁ דרכים והוא עשׁיר׃7 נוצר תורה בן מבין ורעה זוללים יכלים אביו׃8 מרבה הונו בנשׁך ובתרבית לחונן דלים יקבצנו׃9 מסיר אזנו משׁמע תורה גם תפלתו תועבה׃10 משׁגה ישׁרים בדרך רע בשׁחותו הוא יפול ותמימים ינחלו טוב׃11 חכם בעיניו אישׁ עשׁיר ודל מבין יחקרנו׃12 בעלץ צדיקים רבה תפארת ובקום רשׁעים יחפשׂ אדם׃13 מכסה פשׁעיו לא יצליח ומודה ועזב ירחם׃14 אשׁרי אדם מפחד תמיד ומקשׁה לבו יפול ברעה׃15 ארי נהם ודב שׁוקק משׁל רשׁע על עם דל׃16 נגיד חסר תבונות ורב מעשׁקות שׂנאי בצע יאריך ימים׃17 אדם עשׁק בדם נפשׁ עד בור ינוס אל יתמכו׃18 הולך תמים יושׁע ונעקשׁ דרכים יפול באחת׃19 עבד אדמתו ישׂבע לחם ומרדף רקים ישׂבע רישׁ׃20 אישׁ אמונות רב ברכות ואץ להעשׁיר לא ינקה׃21 הכר פנים לא טוב ועל פת לחם יפשׁע גבר׃22 נבהל להון אישׁ רע עין ולא ידע כי חסר יבאנו׃23 מוכיח אדם אחרי חן ימצא ממחליק לשׁון׃24 גוזל אביו ואמו ואמר אין פשׁע חבר הוא לאישׁ משׁחית׃25 רחב נפשׁ יגרה מדון ובוטח על יהוה ידשׁן׃26 בוטח בלבו הוא כסיל והולך בחכמה הוא ימלט׃27 נותן לרשׁ אין מחסור ומעלים עיניו רב מארות׃28 בקום רשׁעים יסתר אדם ובאבדם ירבו צדיקים׃
Jeremiah 23:28
28 הנביא אשׁר אתו חלום יספר חלום ואשׁר דברי אתו ידבר דברי אמת מה לתבן את הבר נאם יהוה׃
Lamentations 2:9
9 טבעו בארץ שׁעריה אבד ושׁבר בריחיה מלכה ושׂריה בגוים אין תורה גם נביאיה לא מצאו חזון מיהוה׃
Ezekiel 20:1-3
Deuteronomy 18:11
11 וחבר חבר ושׁאל אוב וידעני ודרשׁ אל המתים׃
Joshua 17:11
11 ויהי למנשׁה בישׂשכר ובאשׁר בית שׁאן ובנותיה ויבלעם ובנותיה ואת ישׁבי דאר ובנותיה וישׁבי עין דר ובנתיה וישׁבי תענך ובנתיה וישׁבי מגדו ובנותיה שׁלשׁת הנפת׃
1 Samuel 28:3
3 ושׁמואל מת ויספדו לו כל ישׂראל ויקברהו ברמה ובעירו ושׁאול הסיר האבות ואת הידענים מהארץ׃
2 Kings 1:2-3
2 Kings 6:33
33 עודנו מדבר עמם והנה המלאך ירד אליו ויאמר הנה זאת הרעה מאת יהוה מה אוחיל ליהוה עוד׃
1 Chronicles 10:13
13 וימת שׁאול במעלו אשׁר מעל ביהוה על דבר יהוה אשׁר לא שׁמר וגם לשׁאול באוב לדרושׁ׃
Psalms 83:10
10 (83:11) נשׁמדו בעין דאר היו דמן לאדמה׃
Isaiah 8:19-20
Isaiah 19:3
3 ונבקה רוח מצרים בקרבו ועצתו אבלע ודרשׁו אל האלילים ואל האטים ואל האבות ואל הידענים׃
Lamentations 3:25-26
Habakkuk 2:3
3 כי עוד חזון למועד ויפח לקץ ולא יכזב אם יתמהמה חכה לו כי בא יבא לא יאחר׃
1 Kings 14:2-3
1 Kings 22:30
30 ויאמר מלך ישׂראל אל יהושׁפט התחפשׂ ובא במלחמה ואתה לבשׁ בגדיך ויתחפשׂ מלך ישׂראל ויבוא במלחמה׃
1 Kings 22:34
34 ואישׁ משׁך בקשׁת לתמו ויכה את מלך ישׂראל בין הדבקים ובין השׁרין ויאמר לרכבו הפך ידך והוציאני מן המחנה כי החליתי׃
2 Chronicles 18:29
29 ויאמר מלך ישׂראל אל יהושׁפט התחפשׂ ובוא במלחמה ואתה לבשׁ בגדיך ויתחפשׂ מלך ישׂראל ויבאו במלחמה׃
2 Chronicles 35:22
22 ולא הסב יאשׁיהו פניו ממנו כי להלחם בו התחפשׂ ולא שׁמע אל דברי נכו מפי אלהים ויבא להלחם בבקעת מגדו׃
Job 24:13-15
Isaiah 8:19
19 וכי יאמרו אליכם דרשׁו אל האבות ואל הידענים המצפצפים והמהגים הלוא עם אל אלהיו ידרשׁ בעד החיים אל המתים׃
Jeremiah 23:24
24 אם יסתר אישׁ במסתרים ואני לא אראנו נאם יהוה הלוא את השׁמים ואת הארץ אני מלא נאם יהוה׃
2 Samuel 18:13
13 או עשׂיתי בנפשׁו שׁקר וכל דבר לא יכחד מן המלך ואתה תתיצב מנגד׃
2 Kings 5:7
7 ויהי כקרא מלך ישׂראל את הספר ויקרע בגדיו ויאמר האלהים אני להמית ולהחיות כי זה שׁלח אלי לאסף אישׁ מצרעתו כי אך דעו נא וראו כי מתאנה הוא׃
Genesis 3:5
5 כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע׃
Exodus 20:7
7 לא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא׃
Deuteronomy 18:10-12
1 Samuel 14:39
39 כי חי יהוה המושׁיע את ישׂראל כי אם ישׁנו ביונתן בני כי מות ימות ואין ענהו מכל העם׃
1 Samuel 19:6
6 וישׁמע שׁאול בקול יהונתן וישׁבע שׁאול חי יהוה אם יומת׃
2 Samuel 14:11
11 ותאמר יזכר נא המלך את יהוה אלהיך מהרבית גאל הדם לשׁחת ולא ישׁמידו את בני ויאמר חי יהוה אם יפל משׂערת בנך ארצה׃
1 Kings 14:5
5 ויהוה אמר אל אחיהו הנה אשׁת ירבעם באה לדרשׁ דבר מעמך אל בנה כי חלה הוא כזה וכזה תדבר אליה ויהי כבאה והיא מתנכרה׃
Exodus 4:16
16 ודבר הוא לך אל העם והיה הוא יהיה לך לפה ואתה תהיה לו לאלהים׃
Exodus 22:28
28 (22:27) אלהים לא תקלל ונשׂיא בעמך לא תאר׃
Psalms 82:6-7
1 Samuel 15:27
27 ויסב שׁמואל ללכת ויחזק בכנף מעילו ויקרע׃
1 Samuel 24:8
8 (24:9) ויקם דוד אחרי כן ויצא מן המערה ויקרא אחרי שׁאול לאמר אדני המלך ויבט שׁאול אחריו ויקד דוד אפים ארצה וישׁתחו׃
2 Kings 2:8
8 ויקח אליהו את אדרתו ויגלם ויכה את המים ויחצו הנה והנה ויעברו שׁניהם בחרבה׃
2 Kings 2:13-14
Judges 16:20
20 ותאמר פלשׁתים עליך שׁמשׁון ויקץ משׁנתו ויאמר אצא כפעם בפעם ואנער והוא לא ידע כי יהוה סר מעליו׃
1 Samuel 16:13-14
1 Samuel 18:12
12 וירא שׁאול מלפני דוד כי היה יהוה עמו ומעם שׁאול סר׃
1 Samuel 23:2
2 וישׁאל דוד ביהוה לאמר האלך והכיתי בפלשׁתים האלה ויאמר יהוה אל דוד לך והכית בפלשׁתים והושׁעת את קעילה׃
1 Samuel 23:4
4 ויוסף עוד דוד לשׁאל ביהוה ויענהו יהוה ויאמר קום רד קעילה כי אני נתן את פלשׁתים בידך׃
1 Samuel 23:9-10
1 Samuel 28:6
6 וישׁאל שׁאול ביהוה ולא ענהו יהוה גם בחלמות גם באורים גם בנביאם׃
1 Samuel 28:8
8 ויתחפשׂ שׁאול וילבשׁ בגדים אחרים וילך הוא ושׁני אנשׁים עמו ויבאו אל האשׁה לילה ויאמר קסומי נא לי באוב והעלי לי את אשׁר אמר אליך׃
1 Samuel 28:11
11 ותאמר האשׁה את מי אעלה לך ויאמר את שׁמואל העלי׃
Psalms 51:11
11 (51:13) אל תשׁליכני מלפניך ורוח קדשׁך אל תקח ממני׃
Proverbs 5:11-13
Proverbs 14:14
14 מדרכיו ישׂבע סוג לב ומעליו אישׁ טוב׃
Jeremiah 2:17-18
Hosea 9:12
12 כי אם יגדלו את בניהם ושׁכלתים מאדם כי גם אוי להם בשׂורי מהם׃
Judges 5:31
31 כן יאבדו כל אויביך יהוה ואהביו כצאת השׁמשׁ בגברתו ותשׁקט הארץ ארבעים שׁנה׃
2 Kings 6:27
27 ויאמר אל יושׁעך יהוה מאין אושׁיעך המן הגרן או מן היקב׃
Psalms 68:1-3
Lamentations 2:5
5 היה אדני כאויב בלע ישׂראל בלע כל ארמנותיה שׁחת מבצריו וירב בבת יהודה תאניה ואניה׃
1 Samuel 13:13-14
1 Samuel 15:27-29
1 Samuel 16:13
13 ויקח שׁמואל את קרן השׁמן וימשׁח אתו בקרב אחיו ותצלח רוח יהוה אל דוד מהיום ההוא ומעלה ויקם שׁמואל וילך הרמתה׃
1 Samuel 24:20
20 (24:21) ועתה הנה ידעתי כי מלך תמלוך וקמה בידך ממלכת ישׂראל׃
Proverbs 16:4
4 כל פעל יהוה למענהו וגם רשׁע ליום רעה׃
1 Samuel 13:9
9 ויאמר שׁאול הגשׁו אלי העלה והשׁלמים ויעל העלה׃
1 Samuel 15:9
9 ויחמל שׁאול והעם על אגג ועל מיטב הצאן והבקר והמשׁנים ועל הכרים ועל כל הטוב ולא אבו החרימם וכל המלאכה נמבזה ונמס אתה החרימו׃
1 Samuel 15:20
20 ויאמר שׁאול אל שׁמואל אשׁר שׁמעתי בקול יהוה ואלך בדרך אשׁר שׁלחני יהוה ואביא את אגג מלך עמלק ואת עמלק החרמתי׃
1 Samuel 15:23-26
1 Kings 20:42
42 ויאמר אליו כה אמר יהוה יען שׁלחת את אישׁ חרמי מיד והיתה נפשׁך תחת נפשׁו ועמך תחת עמו׃
Psalms 50:21-22
Jeremiah 48:10
10 ארור עשׂה מלאכת יהוה רמיה וארור מנע חרבו מדם׃
Exodus 9:18
18 הנני ממטיר כעת מחר ברד כבד מאד אשׁר לא היה כמהו במצרים למן היום הוסדה ועד עתה׃
1 Samuel 12:25
25 ואם הרע תרעו גם אתם גם מלככם תספו׃
1 Samuel 31:1-6
1 ופלשׁתים נלחמים בישׂראל וינסו אנשׁי ישׂראל מפני פלשׁתים ויפלו חללים בהר הגלבע׃2 וידבקו פלשׁתים את שׁאול ואת בניו ויכו פלשׁתים את יהונתן ואת אבינדב ואת מלכי שׁוע בני שׁאול׃3 ותכבד המלחמה אל שׁאול וימצאהו המורים אנשׁים בקשׁת ויחל מאד מהמורים׃4 ויאמר שׁאול לנשׂא כליו שׁלף חרבך ודקרני בה פן יבואו הערלים האלה ודקרני והתעללו בי ולא אבה נשׂא כליו כי ירא מאד ויקח שׁאול את החרב ויפל עליה׃5 וירא נשׂא כליו כי מת שׁאול ויפל גם הוא על חרבו וימת עמו׃6 וימת שׁאול ושׁלשׁת בניו ונשׂא כליו גם כל אנשׁיו ביום ההוא יחדו׃
1 Kings 22:20
20 ויאמר יהוה מי יפתה את אחאב ויעל ויפל ברמת גלעד ויאמר זה בכה וזה אמר בכה׃
1 Kings 22:28
28 ויאמר מיכיהו אם שׁוב תשׁוב בשׁלום לא דבר יהוה בי ויאמר שׁמעו עמים כלם׃
Jeremiah 28:16-17
Daniel 5:25-28
1 Samuel 25:37
37 ויהי בבקר בצאת היין מנבל ותגד לו אשׁתו את הדברים האלה וימת לבו בקרבו והוא היה לאבן׃
1 Samuel 28:5
5 וירא שׁאול את מחנה פלשׁתים וירא ויחרד לבו מאד׃
Job 15:20-24
Job 26:2
2 מה עזרת ללא כח הושׁעת זרוע לא עז׃
Judges 12:3
3 ואראה כי אינך מושׁיע ואשׂימה נפשׁי בכפי ואעברה אל בני עמון ויתנם יהוה בידי ולמה עליתם אלי היום הזה להלחם׃
1 Samuel 19:5
5 וישׂם את נפשׁו בכפו ויך את הפלשׁתי ויעשׂ יהוה תשׁועה גדולה לכל ישׂראל ראית ותשׂמח ולמה תחטא בדם נקי להמית את דוד חנם׃
Job 13:14
14 על מה אשׂא בשׂרי בשׁני ונפשׁי אשׂים בכפי׃
1 Kings 21:4
4 ויבא אחאב אל ביתו סר וזעף על הדבר אשׁר דבר אליו נבות היזרעאלי ויאמר לא אתן לך את נחלת אבותי וישׁכב על מטתו ויסב את פניו ולא אכל לחם׃
2 Kings 5:13
13 ויגשׁו עבדיו וידברו אליו ויאמרו אבי דבר גדול הנביא דבר אליך הלוא תעשׂה ואף כי אמר אליך רחץ וטהר׃
Proverbs 25:20
20 מעדה בגד ביום קרה חמץ על נתר ושׁר בשׁרים על לב רע׃