1 Samuel 30 Cross References HOT

¹ ויהי בבא דוד ואנשׁיו צקלג ביום השׁלישׁי ועמלקי פשׁטו אל נגב ואל צקלג ויכו את צקלג וישׂרפו אתה באשׁ׃² וישׁבו את הנשׁים אשׁר בה מקטן ועד גדול לא המיתו אישׁ וינהגו וילכו לדרכם׃³ ויבא דוד ואנשׁיו אל העיר והנה שׂרופה באשׁ ונשׁיהם ובניהם ובנתיהם נשׁבו׃⁴ וישׂא דוד והעם אשׁר אתו את קולם ויבכו עד אשׁר אין בהם כח לבכות׃⁵ ושׁתי נשׁי דוד נשׁבו אחינעם היזרעלית ואביגיל אשׁת נבל הכרמלי׃⁶ ותצר לדוד מאד כי אמרו העם לסקלו כי מרה נפשׁ כל העם אישׁ על בנו ועל בנתיו ויתחזק דוד ביהוה אלהיו׃⁷ ויאמר דוד אל אביתר הכהן בן אחימלך הגישׁה נא לי האפד ויגשׁ אביתר את האפד אל דוד׃⁸ וישׁאל דוד ביהוה לאמר ארדף אחרי הגדוד הזה האשׂגנו ויאמר לו רדף כי השׂג תשׂיג והצל תציל׃⁹ וילך דוד הוא ושׁשׁ מאות אישׁ אשׁר אתו ויבאו עד נחל הבשׂור והנותרים עמדו׃¹⁰ וירדף דוד הוא וארבע מאות אישׁ ויעמדו מאתים אישׁ אשׁר פגרו מעבר את נחל הבשׂור׃¹¹ וימצאו אישׁ מצרי בשׂדה ויקחו אתו אל דוד ויתנו לו לחם ויאכל וישׁקהו מים׃¹² ויתנו לו פלח דבלה ושׁני צמקים ויאכל ותשׁב רוחו אליו כי לא אכל לחם ולא שׁתה מים שׁלשׁה ימים ושׁלשׁה לילות׃¹³ ויאמר לו דוד למי אתה ואי מזה אתה ויאמר נער מצרי אנכי עבד לאישׁ עמלקי ויעזבני אדני כי חליתי היום שׁלשׁה׃¹⁴ אנחנו פשׁטנו נגב הכרתי ועל אשׁר ליהודה ועל נגב כלב ואת צקלג שׂרפנו באשׁ׃¹⁵ ויאמר אליו דוד התורדני אל הגדוד הזה ויאמר השׁבעה לי באלהים אם תמיתני ואם תסגרני ביד אדני ואורדך אל הגדוד הזה׃¹⁶ וירדהו והנה נטשׁים על פני כל הארץ אכלים ושׁתים וחגגים בכל השׁלל הגדול אשׁר לקחו מארץ פלשׁתים ומארץ יהודה׃¹⁷ ויכם דוד מהנשׁף ועד הערב למחרתם ולא נמלט מהם אישׁ כי אם ארבע מאות אישׁ נער אשׁר רכבו על הגמלים וינסו׃¹⁸ ויצל דוד את כל אשׁר לקחו עמלק ואת שׁתי נשׁיו הציל דוד׃¹⁹ ולא נעדר להם מן הקטן ועד הגדול ועד בנים ובנות ומשׁלל ועד כל אשׁר לקחו להם הכל השׁיב דוד׃²⁰ ויקח דוד את כל הצאן והבקר נהגו לפני המקנה ההוא ויאמרו זה שׁלל דוד׃²¹ ויבא דוד אל מאתים האנשׁים אשׁר פגרו מלכת אחרי דוד וישׁיבם בנחל הבשׂור ויצאו לקראת דוד ולקראת העם אשׁר אתו ויגשׁ דוד את העם וישׁאל להם לשׁלום׃²² ויען כל אישׁ רע ובליעל מהאנשׁים אשׁר הלכו עם דוד ויאמרו יען אשׁר לא הלכו עמי לא נתן להם מהשׁלל אשׁר הצלנו כי אם אישׁ את אשׁתו ואת בניו וינהגו וילכו׃²³ ויאמר דוד לא תעשׂו כן אחי את אשׁר נתן יהוה לנו וישׁמר אתנו ויתן את הגדוד הבא עלינו בידנו׃²⁴ ומי ישׁמע לכם לדבר הזה כי כחלק הירד במלחמה וכחלק הישׁב על הכלים יחדו יחלקו׃²⁵ ויהי מהיום ההוא ומעלה וישׂמה לחק ולמשׁפט לישׂראל עד היום הזה׃²⁶ ויבא דוד אל צקלג וישׁלח מהשׁלל לזקני יהודה לרעהו לאמר הנה לכם ברכה משׁלל איבי יהוה׃²⁷ לאשׁר בבית אל ולאשׁר ברמות נגב ולאשׁר ביתר׃²⁸ ולאשׁר בערער ולאשׁר בשׂפמות ולאשׁר באשׁתמע׃²⁹ ולאשׁר ברכל ולאשׁר בערי הירחמאלי ולאשׁר בערי הקיני׃³⁰ ולאשׁר בחרמה ולאשׁר בבור עשׁן ולאשׁר בעתך׃³¹ ולאשׁר בחברון ולכל המקמות אשׁר התהלך שׁם דוד הוא ואנשׁיו׃

Genesis 24:62

⁶² ויצחק בא מבוא באר לחי ראי והוא יושׁב בארץ הנגב׃

Joshua 11:6

⁶ ויאמר יהוה אל יהושׁע אל תירא מפניהם כי מחר כעת הזאת אנכי נתן את כלם חללים לפני ישׂראל את סוסיהם תעקר ואת מרכבתיהם תשׂרף באשׁ׃

1 Samuel 15:7

⁷ ויך שׁאול את עמלק מחוילה בואך שׁור אשׁר על פני מצרים׃

1 Samuel 27:8-10

⁸ ויעל דוד ואנשׁיו ויפשׁטו אל הגשׁורי והגרזי והעמלקי כי הנה ישׁבות הארץ אשׁר מעולם בואך שׁורה ועד ארץ מצרים׃⁹ והכה דוד את הארץ ולא יחיה אישׁ ואשׁה ולקח צאן ובקר וחמרים וגמלים ובגדים וישׁב ויבא אל אכישׁ׃¹⁰ ויאמר אכישׁ אל פשׁטתם היום ויאמר דוד על נגב יהודה ועל נגב הירחמאלי ואל נגב הקיני׃

1 Samuel 29:4

⁴ ויקצפו עליו שׂרי פלשׁתים ויאמרו לו שׂרי פלשׁתים השׁב את האישׁ וישׁב אל מקומו אשׁר הפקדתו שׁם ולא ירד עמנו במלחמה ולא יהיה לנו לשׂטן במלחמה ובמה יתרצה זה אל אדניו הלוא בראשׁי האנשׁים ההם׃

1 Samuel 29:11

¹¹ וישׁכם דוד הוא ואנשׁיו ללכת בבקר לשׁוב אל ארץ פלשׁתים ופלשׁתים עלו יזרעאל׃

2 Samuel 1:2

² ויהי ביום השׁלישׁי והנה אישׁ בא מן המחנה מעם שׁאול ובגדיו קרעים ואדמה על ראשׁו ויהי בבאו אל דוד ויפל ארצה וישׁתחו׃

1 Samuel 27:11

¹¹ ואישׁ ואשׁה לא יחיה דוד להביא גת לאמר פן יגדו עלינו לאמר כה עשׂה דוד וכה משׁפטו כל הימים אשׁר ישׁב בשׂדה פלשׁתים׃

1 Samuel 30:19

¹⁹ ולא נעדר להם מן הקטן ועד הגדול ועד בנים ובנות ומשׁלל ועד כל אשׁר לקחו להם הכל השׁיב דוד׃

Job 38:11

¹¹ ואמר עד פה תבוא ולא תסיף ופא ישׁית בגאון גליך׃

Psalms 76:10

¹⁰ (76:11) כי חמת אדם תודך שׁארית חמת תחגר׃

Isaiah 27:8-9

⁸ בסאסאה בשׁלחה תריבנה הגה ברוחו הקשׁה ביום קדים׃⁹ לכן בזאת יכפר עון יעקב וזה כל פרי הסר חטאתו בשׂומו כל אבני מזבח כאבני גר מנפצות לא יקמו אשׁרים וחמנים׃

Psalms 34:19

¹⁹ (34:20) רבות רעות צדיק ומכלם יצילנו יהוה׃

Genesis 37:33-35

³³ ויכירה ויאמר כתנת בני חיה רעה אכלתהו טרף טרף יוסף׃³⁴ ויקרע יעקב שׂמלתיו וישׂם שׂק במתניו ויתאבל על בנו ימים רבים׃³⁵ ויקמו כל בניו וכל בנתיו לנחמו וימאן להתנחם ויאמר כי ארד אל בני אבל שׁאלה ויבך אתו אביו׃

Numbers 14:1

¹ ותשׂא כל העדה ויתנו את קולם ויבכו העם בלילה ההוא׃

Numbers 14:39

³⁹ וידבר משׁה את הדברים האלה אל כל בני ישׂראל ויתאבלו העם מאד׃

Judges 2:4

⁴ ויהי כדבר מלאך יהוה את הדברים האלה אל כל בני ישׂראל וישׂאו העם את קולם ויבכו׃

Judges 21:2

² ויבא העם בית אל וישׁבו שׁם עד הערב לפני האלהים וישׂאו קולם ויבכו בכי גדול׃

1 Samuel 4:13

¹³ ויבוא והנה עלי ישׁב על הכסא יך דרך מצפה כי היה לבו חרד על ארון האלהים והאישׁ בא להגיד בעיר ותזעק כל העיר׃

1 Samuel 11:4

⁴ ויבאו המלאכים גבעת שׁאול וידברו הדברים באזני העם וישׂאו כל העם את קולם ויבכו׃

Ezra 10:1

¹ וכהתפלל עזרא וכהתודתו בכה ומתנפל לפני בית האלהים נקבצו אליו מישׂראל קהל רב מאד אנשׁים ונשׁים וילדים כי בכו העם הרבה בכה׃

1 Samuel 1:2

² ולו שׁתי נשׁים שׁם אחת חנה ושׁם השׁנית פננה ויהי לפננה ילדים ולחנה אין ילדים׃

1 Samuel 25:42-43

⁴² ותמהר ותקם אביגיל ותרכב על החמור וחמשׁ נערתיה ההלכות לרגלה ותלך אחרי מלאכי דוד ותהי לו לאשׁה׃⁴³ ואת אחינעם לקח דוד מיזרעאל ותהיין גם שׁתיהן לו לנשׁים׃

1 Samuel 27:3

³ וישׁב דוד עם אכישׁ בגת הוא ואנשׁיו אישׁ וביתו דוד ושׁתי נשׁיו אחינעם היזרעאלית ואביגיל אשׁת נבל הכרמלית׃

2 Samuel 2:2

² ויעל שׁם דוד וגם שׁתי נשׁיו אחינעם היזרעלית ואביגיל אשׁת נבל הכרמלי׃

2 Samuel 3:2-3

² וילדו לדוד בנים בחברון ויהי בכורו אמנון לאחינעם היזרעאלת׃³ ומשׁנהו כלאב לאביגל אשׁת נבל הכרמלי והשׁלשׁי אבשׁלום בן מעכה בת תלמי מלך גשׁור׃

Genesis 32:7

⁷ (32:8) ויירא יעקב מאד ויצר לו ויחץ את העם אשׁר אתו ואת הצאן ואת הבקר והגמלים לשׁני מחנות׃

Exodus 17:4

⁴ ויצעק משׁה אל יהוה לאמר מה אעשׂה לעם הזה עוד מעט וסקלני׃

Numbers 14:10

¹⁰ ויאמרו כל העדה לרגום אתם באבנים וכבוד יהוה נראה באהל מועד אל כל בני ישׂראל׃

Judges 18:25

²⁵ ויאמרו אליו בני דן אל תשׁמע קולך עמנו פן יפגעו בכם אנשׁים מרי נפשׁ ואספתה נפשׁך ונפשׁ ביתך׃

1 Samuel 1:10

¹⁰ והיא מרת נפשׁ ותתפלל על יהוה ובכה תבכה׃

2 Samuel 17:8

⁸ ויאמר חושׁי אתה ידעת את אביך ואת אנשׁיו כי גברים המה ומרי נפשׁ המה כדב שׁכול בשׂדה ואביך אישׁ מלחמה ולא ילין את העם׃

2 Kings 4:27

²⁷ ותבא אל אישׁ האלהים אל ההר ותחזק ברגליו ויגשׁ גיחזי להדפה ויאמר אישׁ האלהים הרפה לה כי נפשׁה מרה לה ויהוה העלים ממני ולא הגיד׃

Job 13:15

¹⁵ הן יקטלני לא איחל אך דרכי אל פניו אוכיח׃

Psalms 18:6

⁶ (18:7) בצר לי אקרא יהוה ואל אלהי אשׁוע ישׁמע מהיכלו קולי ושׁועתי לפניו תבוא באזניו׃

Psalms 25:17

¹⁷ צרות לבבי הרחיבו ממצוקותי הוציאני׃

Psalms 26:1-2

¹ לדוד שׁפטני יהוה כי אני בתמי הלכתי וביהוה בטחתי לא אמעד׃² בחנני יהוה ונסני צרופה כליותי ולבי׃

Psalms 27:1-3

¹ לדוד יהוה אורי וישׁעי ממי אירא יהוה מעוז חיי ממי אפחד׃² בקרב עלי מרעים לאכל את בשׂרי צרי ואיבי לי המה כשׁלו ונפלו׃³ אם תחנה עלי מחנה לא יירא לבי אם תקום עלי מלחמה בזאת אני בוטח׃

Psalms 27:14

¹⁴ קוה אל יהוה חזק ויאמץ לבך וקוה אל יהוה׃

Psalms 34:1-8

¹ לדוד בשׁנותו את טעמו לפני אבימלך ויגרשׁהו וילך׃ (34:2) אברכה את יהוה בכל עת תמיד תהלתו בפי׃² (34:3) ביהוה תתהלל נפשׁי ישׁמעו ענוים וישׂמחו׃³ (34:4) גדלו ליהוה אתי ונרוממה שׁמו יחדו׃⁴ (34:5) דרשׁתי את יהוה וענני ומכל מגורותי הצילני׃⁵ (34:6) הביטו אליו ונהרו ופניהם אל יחפרו׃⁶ (34:7) זה עני קרא ויהוה שׁמע ומכל צרותיו הושׁיעו׃⁷ (34:8) חנה מלאך יהוה סביב ליראיו ויחלצם׃⁸ (34:9) טעמו וראו כי טוב יהוה אשׁרי הגבר יחסה׃

Psalms 40:1-2

¹ למנצח לדוד מזמור׃ (40:2) קוה קויתי יהוה ויט אלי וישׁמע שׁועתי׃² (40:3) ויעלני מבור שׁאון מטיט היון ויקם על סלע רגלי כונן אשׁרי׃

Psalms 42:5

⁵ (42:6) מה תשׁתוחחי נפשׁי ותהמי עלי הוחילי לאלהים כי עוד אודנו ישׁועות פניו׃

Psalms 42:7

⁷ (42:8) תהום אל תהום קורא לקול צנוריך כל משׁבריך וגליך עלי עברו׃

Psalms 42:11

¹¹ (42:12) מה תשׁתוחחי נפשׁי ומה תהמי עלי הוחילי לאלהים כי עוד אודנו ישׁועת פני ואלהי׃

Psalms 56:3-4

³ (56:4) יום אירא אני אליך אבטח׃⁴ (56:5) באלהים אהלל דברו באלהים בטחתי לא אירא מה יעשׂה בשׂר׃

Psalms 56:11

¹¹ (56:12) באלהים בטחתי לא אירא מה יעשׂה אדם׃

Psalms 62:1

¹ למנצח על ידותון מזמור לדוד׃ (62:2) אך אל אלהים דומיה נפשׁי ממנו ישׁועתי׃

Psalms 62:5

⁵ (62:6) אך לאלהים דומי נפשׁי כי ממנו תקותי׃

Psalms 62:8-9

⁸ (62:9) בטחו בו בכל עת עם שׁפכו לפניו לבבכם אלהים מחסה לנו סלה׃⁹ (62:10) אך הבל בני אדם כזב בני אישׁ במאזנים לעלות המה מהבל יחד׃

Psalms 116:3-4

³ אפפוני חבלי מות ומצרי שׁאול מצאוני צרה ויגון אמצא׃⁴ ובשׁם יהוה אקרא אנה יהוה מלטה נפשׁי׃

Psalms 116:10

Psalms 118:8-13

⁸ טוב לחסות ביהוה מבטח באדם׃⁹ טוב לחסות ביהוה מבטח בנדיבים׃¹⁰ כל גוים סבבוני בשׁם יהוה כי אמילם׃¹¹ סבוני גם סבבוני בשׁם יהוה כי אמילם׃¹² סבוני כדבורים דעכו כאשׁ קוצים בשׁם יהוה כי אמילם׃¹³ דחה דחיתני לנפל ויהוה עזרני׃

Proverbs 18:10

¹⁰ מגדל עז שׁם יהוה בו ירוץ צדיק ונשׂגב׃

Isaiah 25:4

⁴ כי היית מעוז לדל מעוז לאביון בצר לו מחסה מזרם צל מחרב כי רוח עריצים כזרם קיר׃

Isaiah 37:14-20

¹⁴ ויקח חזקיהו את הספרים מיד המלאכים ויקראהו ויעל בית יהוה ויפרשׂהו חזקיהו לפני יהוה׃¹⁵ ויתפלל חזקיהו אל יהוה לאמר׃¹⁶ יהוה צבאות אלהי ישׂראל ישׁב הכרבים אתה הוא האלהים לבדך לכל ממלכות הארץ אתה עשׂית את השׁמים ואת הארץ׃¹⁷ הטה יהוה אזנך ושׁמע פקח יהוה עינך וראה ושׁמע את כל דברי סנחריב אשׁר שׁלח לחרף אלהים חי׃¹⁸ אמנם יהוה החריבו מלכי אשׁור את כל הארצות ואת ארצם׃¹⁹ ונתן את אלהיהם באשׁ כי לא אלהים המה כי אם מעשׂה ידי אדם עץ ואבן ויאבדום׃²⁰ ועתה יהוה אלהינו הושׁיענו מידו וידעו כל ממלכות הארץ כי אתה יהוה לבדך׃

Jeremiah 16:19

¹⁹ יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שׁקר נחלו אבותינו הבל ואין בם מועיל׃

Habakkuk 3:17-18

¹⁷ כי תאנה לא תפרח ואין יבול בגפנים כחשׁ מעשׂה זית ושׁדמות לא עשׂה אכל גזר ממכלה צאן ואין בקר ברפתים׃¹⁸ ואני ביהוה אעלוזה אגילה באלהי ישׁעי׃

1 Samuel 22:20-21

²⁰ וימלט בן אחד לאחימלך בן אחטוב ושׁמו אביתר ויברח אחרי דוד׃²¹ ויגד אביתר לדוד כי הרג שׁאול את כהני יהוה׃

1 Samuel 23:2-9

² וישׁאל דוד ביהוה לאמר האלך והכיתי בפלשׁתים האלה ויאמר יהוה אל דוד לך והכית בפלשׁתים והושׁעת את קעילה׃³ ויאמרו אנשׁי דוד אליו הנה אנחנו פה ביהודה יראים ואף כי נלך קעלה אל מערכות פלשׁתים׃⁴ ויוסף עוד דוד לשׁאל ביהוה ויענהו יהוה ויאמר קום רד קעילה כי אני נתן את פלשׁתים בידך׃⁵ וילך דוד ואנשׁו קעילה וילחם בפלשׁתים וינהג את מקניהם ויך בהם מכה גדולה וישׁע דוד את ישׁבי קעילה׃⁶ ויהי בברח אביתר בן אחימלך אל דוד קעילה אפוד ירד בידו׃⁷ ויגד לשׁאול כי בא דוד קעילה ויאמר שׁאול נכר אתו אלהים בידי כי נסגר לבוא בעיר דלתים ובריח׃⁸ וישׁמע שׁאול את כל העם למלחמה לרדת קעילה לצור אל דוד ואל אנשׁיו׃⁹ וידע דוד כי עליו שׁאול מחרישׁ הרעה ויאמר אל אביתר הכהן הגישׁה האפוד׃

1 Kings 2:26

²⁶ ולאביתר הכהן אמר המלך ענתת לך על שׂדיך כי אישׁ מות אתה וביום הזה לא אמיתך כי נשׂאת את ארון אדני יהוה לפני דוד אבי וכי התענית בכל אשׁר התענה אבי׃

Numbers 27:21

²¹ ולפני אלעזר הכהן יעמד ושׁאל לו במשׁפט האורים לפני יהוה על פיו יצאו ועל פיו יבאו הוא וכל בני ישׂראל אתו וכל העדה׃

Judges 20:18

¹⁸ ויקמו ויעלו בית אל וישׁאלו באלהים ויאמרו בני ישׂראל מי יעלה לנו בתחלה למלחמה עם בני בנימן ויאמר יהוה יהודה בתחלה׃

Judges 20:23

²³ ויעלו בני ישׂראל ויבכו לפני יהוה עד הערב וישׁאלו ביהוה לאמר האוסיף לגשׁת למלחמה עם בני בנימן אחי ויאמר יהוה עלו אליו׃

Judges 20:28

²⁸ ופינחס בן אלעזר בן אהרן עמד לפניו בימים ההם לאמר האוסף עוד לצאת למלחמה עם בני בנימן אחי אם אחדל ויאמר יהוה עלו כי מחר אתננו בידך׃

1 Samuel 14:37

³⁷ וישׁאל שׁאול באלהים הארד אחרי פלשׁתים התתנם ביד ישׂראל ולא ענהו ביום ההוא׃

1 Samuel 23:2

² וישׁאל דוד ביהוה לאמר האלך והכיתי בפלשׁתים האלה ויאמר יהוה אל דוד לך והכית בפלשׁתים והושׁעת את קעילה׃

1 Samuel 23:4

⁴ ויוסף עוד דוד לשׁאל ביהוה ויענהו יהוה ויאמר קום רד קעילה כי אני נתן את פלשׁתים בידך׃

1 Samuel 23:10-12

¹⁰ ויאמר דוד יהוה אלהי ישׂראל שׁמע שׁמע עבדך כי מבקשׁ שׁאול לבוא אל קעילה לשׁחת לעיר בעבורי׃¹¹ היסגרני בעלי קעילה בידו הירד שׁאול כאשׁר שׁמע עבדך יהוה אלהי ישׂראל הגד נא לעבדך ויאמר יהוה ירד׃¹² ויאמר דוד היסגרו בעלי קעילה אתי ואת אנשׁי ביד שׁאול ויאמר יהוה יסגירו׃

1 Samuel 28:6

⁶ וישׁאל שׁאול ביהוה ולא ענהו יהוה גם בחלמות גם באורים גם בנביאם׃

1 Samuel 28:15-16

¹⁵ ויאמר שׁמואל אל שׁאול למה הרגזתני להעלות אתי ויאמר שׁאול צר לי מאד ופלשׁתים נלחמים בי ואלהים סר מעלי ולא ענני עוד גם ביד הנביאם גם בחלמות ואקראה לך להודיעני מה אעשׂה׃¹⁶ ויאמר שׁמואל ולמה תשׁאלני ויהוה סר מעליך ויהי ערך׃

1 Samuel 30:18

¹⁸ ויצל דוד את כל אשׁר לקחו עמלק ואת שׁתי נשׁיו הציל דוד׃

2 Samuel 5:19

¹⁹ וישׁאל דוד ביהוה לאמר האעלה אל פלשׁתים התתנם בידי ויאמר יהוה אל דוד עלה כי נתן אתן את הפלשׁתים בידך׃

2 Samuel 5:23

²³ וישׁאל דוד ביהוה ויאמר לא תעלה הסב אל אחריהם ובאת להם ממול בכאים׃

Psalms 50:15

Psalms 91:15

¹⁵ יקראני ואענהו עמו אנכי בצרה אחלצהו ואכבדהו׃

Proverbs 3:5-6

⁵ בטח אל יהוה בכל לבך ואל בינתך אל תשׁען׃⁶ בכל דרכיך דעהו והוא יישׁר ארחתיך׃

1 Samuel 27:2

² ויקם דוד ויעבר הוא ושׁשׁ מאות אישׁ אשׁר עמו אל אכישׁ בן מעוך מלך גת׃

Judges 8:4-5

⁴ ויבא גדעון הירדנה עבר הוא ושׁלשׁ מאות האישׁ אשׁר אתו עיפים ורדפים׃⁵ ויאמר לאנשׁי סכות תנו נא ככרות לחם לעם אשׁר ברגלי כי עיפים הם ואנכי רדף אחרי זבח וצלמנע מלכי מדין׃

1 Samuel 14:20

²⁰ ויזעק שׁאול וכל העם אשׁר אתו ויבאו עד המלחמה והנה היתה חרב אישׁ ברעהו מהומה גדולה מאד׃

1 Samuel 14:31

³¹ ויכו ביום ההוא בפלשׁתים ממכמשׂ אילנה ויעף העם מאד׃

1 Samuel 30:9

⁹ וילך דוד הוא ושׁשׁ מאות אישׁ אשׁר אתו ויבאו עד נחל הבשׂור והנותרים עמדו׃

1 Samuel 30:21

²¹ ויבא דוד אל מאתים האנשׁים אשׁר פגרו מלכת אחרי דוד וישׁיבם בנחל הבשׂור ויצאו לקראת דוד ולקראת העם אשׁר אתו ויגשׁ דוד את העם וישׁאל להם לשׁלום׃

Deuteronomy 15:7-11

⁷ כי יהיה בך אביון מאחד אחיך באחד שׁעריך בארצך אשׁר יהוה אלהיך נתן לך לא תאמץ את לבבך ולא תקפץ את ידך מאחיך האביון׃⁸ כי פתח תפתח את ידך לו והעבט תעביטנו די מחסרו אשׁר יחסר׃⁹ השׁמר לך פן יהיה דבר עם לבבך בליעל לאמר קרבה שׁנת השׁבע שׁנת השׁמטה ורעה עינך באחיך האביון ולא תתן לו וקרא עליך אל יהוה והיה בך חטא׃¹⁰ נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשׂך ובכל משׁלח ידך׃¹¹ כי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך׃

Deuteronomy 23:7

⁷ (23:8) לא תתעב אדמי כי אחיך הוא לא תתעב מצרי כי גר היית בארצו׃

Proverbs 25:21

²¹ אם רעב שׂנאך האכלהו לחם ואם צמא השׁקהו מים׃

Judges 15:19

¹⁹ ויבקע אלהים את המכתשׁ אשׁר בלחי ויצאו ממנו מים וישׁת ותשׁב רוחו ויחי על כן קרא שׁמה עין הקורא אשׁר בלחי עד היום הזה׃

1 Samuel 14:27

²⁷ ויונתן לא שׁמע בהשׁביע אביו את העם וישׁלח את קצה המטה אשׁר בידו ויטבל אותה ביערת הדבשׁ וישׁב ידו אל פיו ותראנה עיניו׃

1 Samuel 30:13

¹³ ויאמר לו דוד למי אתה ואי מזה אתה ויאמר נער מצרי אנכי עבד לאישׁ עמלקי ויעזבני אדני כי חליתי היום שׁלשׁה׃

Esther 4:16

¹⁶ לך כנוס את כל היהודים הנמצאים בשׁושׁן וצומו עלי ואל תאכלו ואל תשׁתו שׁלשׁת ימים לילה ויום גם אני ונערתי אצום כן ובכן אבוא אל המלך אשׁר לא כדת וכאשׁר אבדתי אבדתי׃

Isaiah 40:29-31

²⁹ נתן ליעף כח ולאין אונים עצמה ירבה׃³⁰ ויעפו נערים ויגעו ובחורים כשׁול יכשׁלו׃³¹ וקוי יהוה יחליפו כח יעלו אבר כנשׁרים ירוצו ולא ייגעו ילכו ולא ייעפו׃

Jonah 1:17

¹⁷ (2:1) וימן יהוה דג גדול לבלע את יונה ויהי יונה במעי הדג שׁלשׁה ימים ושׁלשׁה לילות׃

Job 31:13-15

¹³ אם אמאס משׁפט עבדי ואמתי ברבם עמדי׃¹⁴ ומה אעשׂה כי יקום אל וכי יפקד מה אשׁיבנו׃¹⁵ הלא בבטן עשׂני עשׂהו ויכננו ברחם אחד׃

Proverbs 12:10

¹⁰ יודע צדיק נפשׁ בהמתו ורחמי רשׁעים אכזרי׃

Joshua 14:13

¹³ ויברכהו יהושׁע ויתן את חברון לכלב בן יפנה לנחלה׃

Joshua 15:13

¹³ ולכלב בן יפנה נתן חלק בתוך בני יהודה אל פי יהוה ליהושׁע את קרית ארבע אבי הענק היא חברון׃

1 Samuel 30:1

¹ ויהי בבא דוד ואנשׁיו צקלג ביום השׁלישׁי ועמלקי פשׁטו אל נגב ואל צקלג ויכו את צקלג וישׂרפו אתה באשׁ׃

1 Samuel 30:16

¹⁶ וירדהו והנה נטשׁים על פני כל הארץ אכלים ושׁתים וחגגים בכל השׁלל הגדול אשׁר לקחו מארץ פלשׁתים ומארץ יהודה׃

2 Samuel 8:18

¹⁸ ובניהו בן יהוידע והכרתי והפלתי ובני דוד כהנים היו׃

1 Kings 1:38

³⁸ וירד צדוק הכהן ונתן הנביא ובניהו בן יהוידע והכרתי והפלתי וירכבו את שׁלמה על פרדת המלך דוד וילכו אתו על גחון׃

1 Kings 1:44

⁴⁴ וישׁלח אתו המלך את צדוק הכהן ואת נתן הנביא ובניהו בן יהוידע והכרתי והפלתי וירכבו אתו על פרדת המלך׃

1 Chronicles 18:17

¹⁷ ובניהו בן יהוידע על הכרתי והפלתי ובני דויד הראשׁנים ליד המלך׃

Ezekiel 25:16

¹⁶ לכן כה אמר אדני יהוה הנני נוטה ידי על פלשׁתים והכרתי את כרתים והאבדתי את שׁארית חוף הים׃

Zephaniah 2:5

⁵ הוי ישׁבי חבל הים גוי כרתים דבר יהוה עליכם כנען ארץ פלשׁתים והאבדתיך מאין יושׁב׃

Deuteronomy 23:15-16

¹⁵ (23:16) לא תסגיר עבד אל אדניו אשׁר ינצל אליך מעם אדניו׃¹⁶ (23:17) עמך ישׁב בקרבך במקום אשׁר יבחר באחד שׁעריך בטוב לו לא תוננו׃

Joshua 2:12

¹² ועתה השׁבעו נא לי ביהוה כי עשׂיתי עמכם חסד ועשׂיתם גם אתם עם בית אבי חסד ונתתם לי אות אמת׃

Joshua 9:15

¹⁵ ויעשׂ להם יהושׁע שׁלום ויכרת להם ברית לחיותם וישׁבעו להם נשׂיאי העדה׃

Joshua 9:19-20

¹⁹ ויאמרו כל הנשׂיאים אל כל העדה אנחנו נשׁבענו להם ביהוה אלהי ישׂראל ועתה לא נוכל לנגע׃²⁰ זאת נעשׂה להם והחיה אותם ולא יהיה עלינו קצף על השׁבועה אשׁר נשׁבענו׃

1 Samuel 29:6

⁶ ויקרא אכישׁ אל דוד ויאמר אליו חי יהוה כי ישׁר אתה וטוב בעיני צאתך ובאך אתי במחנה כי לא מצאתי בך רעה מיום באך אלי עד היום הזה ובעיני הסרנים לא טוב אתה׃

Ezekiel 17:13

¹³ ויקח מזרע המלוכה ויכרת אתו ברית ויבא אתו באלה ואת אילי הארץ לקח׃

Ezekiel 17:16

¹⁶ חי אני נאם אדני יהוה אם לא במקום המלך הממליך אתו אשׁר בזה את אלתו ואשׁר הפר את בריתו אתו בתוך בבל ימות׃

Ezekiel 17:19

¹⁹ לכן כה אמר אדני יהוה חי אני אם לא אלתי אשׁר בזה ובריתי אשׁר הפיר ונתתיו בראשׁו׃

Exodus 32:6

⁶ וישׁכימו ממחרת ויעלו עלת ויגשׁו שׁלמים וישׁב העם לאכל ושׁתו ויקמו לצחק׃

Exodus 32:17-19

¹⁷ וישׁמע יהושׁע את קול העם ברעה ויאמר אל משׁה קול מלחמה במחנה׃¹⁸ ויאמר אין קול ענות גבורה ואין קול ענות חלושׁה קול ענות אנכי שׁמע׃¹⁹ ויהי כאשׁר קרב אל המחנה וירא את העגל ומחלת ויחר אף משׁה וישׁלך מידו את הלחת וישׁבר אתם תחת ההר׃

Exodus 32:27-28

²⁷ ויאמר להם כה אמר יהוה אלהי ישׂראל שׂימו אישׁ חרבו על ירכו עברו ושׁובו משׁער לשׁער במחנה והרגו אישׁ את אחיו ואישׁ את רעהו ואישׁ את קרבו׃²⁸ ויעשׂו בני לוי כדבר משׁה ויפל מן העם ביום ההוא כשׁלשׁת אלפי אישׁ׃

Judges 1:24-25

²⁴ ויראו השׁמרים אישׁ יוצא מן העיר ויאמרו לו הראנו נא את מבוא העיר ועשׂינו עמך חסד׃²⁵ ויראם את מבוא העיר ויכו את העיר לפי חרב ואת האישׁ ואת כל משׁפחתו שׁלחו׃

Judges 16:23-30

²³ וסרני פלשׁתים נאספו לזבח זבח גדול לדגון אלהיהם ולשׂמחה ויאמרו נתן אלהינו בידנו את שׁמשׁון אויבינו׃²⁴ ויראו אתו העם ויהללו את אלהיהם כי אמרו נתן אלהינו בידנו את אויבנו ואת מחריב ארצנו ואשׁר הרבה את חללינו׃²⁵ ויהי כי טוב לבם ויאמרו קראו לשׁמשׁון וישׂחק לנו ויקראו לשׁמשׁון מבית האסירים ויצחק לפניהם ויעמידו אותו בין העמודים׃²⁶ ויאמר שׁמשׁון אל הנער המחזיק בידו הניחה אותי והימשׁני את העמדים אשׁר הבית נכון עליהם ואשׁען עליהם׃²⁷ והבית מלא האנשׁים והנשׁים ושׁמה כל סרני פלשׁתים ועל הגג כשׁלשׁת אלפים אישׁ ואשׁה הראים בשׂחוק שׁמשׁון׃²⁸ ויקרא שׁמשׁון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משׁתי עיני מפלשׁתים׃²⁹ וילפת שׁמשׁון את שׁני עמודי התוך אשׁר הבית נכון עליהם ויסמך עליהם אחד בימינו ואחד בשׂמאלו׃³⁰ ויאמר שׁמשׁון תמות נפשׁי עם פלשׁתים ויט בכח ויפל הבית על הסרנים ועל כל העם אשׁר בו ויהיו המתים אשׁר המית במותו רבים מאשׁר המית בחייו׃

1 Samuel 25:36-38

³⁶ ותבא אביגיל אל נבל והנה לו משׁתה בביתו כמשׁתה המלך ולב נבל טוב עליו והוא שׁכר עד מאד ולא הגידה לו דבר קטן וגדול עד אור הבקר׃³⁷ ויהי בבקר בצאת היין מנבל ותגד לו אשׁתו את הדברים האלה וימת לבו בקרבו והוא היה לאבן׃³⁸ ויהי כעשׂרת הימים ויגף יהוה את נבל וימת׃

1 Samuel 30:14

¹⁴ אנחנו פשׁטנו נגב הכרתי ועל אשׁר ליהודה ועל נגב כלב ואת צקלג שׂרפנו באשׁ׃

2 Samuel 13:28

²⁸ ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃

Job 20:5

⁵ כי רננת רשׁעים מקרוב ושׂמחת חנף עדי רגע׃

Isaiah 22:13

¹³ והנה שׂשׂון ושׂמחה הרג בקר ושׁחט צאן אכל בשׂר ושׁתות יין אכול ושׁתו כי מחר נמות׃

Daniel 5:1-4

¹ בלשׁאצר מלכא עבד לחם רב לרברבנוהי אלף ולקבל אלפא חמרא שׁתה׃² בלשׁאצר אמר בטעם חמרא להיתיה למאני דהבא וכספא די הנפק נבוכדנצר אבוהי מן היכלא די בירושׁלם וישׁתון בהון מלכא ורברבנוהי שׁגלתה ולחנתה׃³ באדין היתיו מאני דהבא די הנפקו מן היכלא די בית אלהא די בירושׁלם ואשׁתיו בהון מלכא ורברבנוהי שׁגלתה ולחנתה׃⁴ אשׁתיו חמרא ושׁבחו לאלהי דהבא וכספא נחשׁא פרזלא אעא ואבנא׃

Judges 4:16

¹⁶ וברק רדף אחרי הרכב ואחרי המחנה עד חרשׁת הגוים ויפל כל מחנה סיסרא לפי חרב לא נשׁאר עד אחד׃

1 Samuel 11:11

¹¹ ויהי ממחרת וישׂם שׁאול את העם שׁלשׁה ראשׁים ויבאו בתוך המחנה באשׁמרת הבקר ויכו את עמון עד חם היום ויהי הנשׁארים ויפצו ולא נשׁארו בם שׁנים יחד׃

1 Samuel 15:3

³ עתה לך והכיתה את עמלק והחרמתם את כל אשׁר לו ולא תחמל עליו והמתה מאישׁ עד אשׁה מעלל ועד יונק משׁור ועד שׂה מגמל ועד חמור׃

1 Kings 20:29-30

²⁹ ויחנו אלה נכח אלה שׁבעת ימים ויהי ביום השׁביעי ותקרב המלחמה ויכו בני ישׂראל את ארם מאה אלף רגלי ביום אחד׃³⁰ וינסו הנותרים אפקה אל העיר ותפל החומה על עשׂרים ושׁבעה אלף אישׁ הנותרים ובן הדד נס ויבא אל העיר חדר בחדר׃

Psalms 18:42

⁴² (18:43) ואשׁחקם כעפר על פני רוח כטיט חוצות אריקם׃

Genesis 14:16

¹⁶ וישׁב את כל הרכשׁ וגם את לוט אחיו ורכשׁו השׁיב וגם את הנשׁים ואת העם׃

Genesis 14:14-16

¹⁴ וישׁמע אברם כי נשׁבה אחיו וירק את חניכיו ילידי ביתו שׁמנה עשׂר ושׁלשׁ מאות וירדף עד דן׃¹⁵ ויחלק עליהם לילה הוא ועבדיו ויכם וירדפם עד חובה אשׁר משׂמאל לדמשׂק׃¹⁶ וישׁב את כל הרכשׁ וגם את לוט אחיו ורכשׁו השׁיב וגם את הנשׁים ואת העם׃

Numbers 31:49

⁴⁹ ויאמרו אל משׁה עבדיך נשׂאו את ראשׁ אנשׁי המלחמה אשׁר בידנו ולא נפקד ממנו אישׁ׃

1 Samuel 30:8

⁸ וישׁאל דוד ביהוה לאמר ארדף אחרי הגדוד הזה האשׂגנו ויאמר לו רדף כי השׂג תשׂיג והצל תציל׃

Job 1:10

¹⁰ הלא את שׂכת בעדו ובעד ביתו ובעד כל אשׁר לו מסביב מעשׂה ידיו ברכת ומקנהו פרץ בארץ׃

Psalms 34:9-10

⁹ (34:10) יראו את יהוה קדשׁיו כי אין מחסור ליראיו׃¹⁰ (34:11) כפירים רשׁו ורעבו ודרשׁי יהוה לא יחסרו כל טוב׃

Psalms 91:9-10

⁹ כי אתה יהוה מחסי עליון שׂמת מעונך׃¹⁰ לא תאנה אליך רעה ונגע לא יקרב באהלך׃

Numbers 31:9-12

⁹ וישׁבו בני ישׂראל את נשׁי מדין ואת טפם ואת כל בהמתם ואת כל מקנהם ואת כל חילם בזזו׃¹⁰ ואת כל עריהם במושׁבתם ואת כל טירתם שׂרפו באשׁ׃¹¹ ויקחו את כל השׁלל ואת כל המלקוח באדם ובבהמה׃¹² ויבאו אל משׁה ואל אלעזר הכהן ואל עדת בני ישׂראל את השׁבי ואת המלקוח ואת השׁלל אל המחנה אל ערבת מואב אשׁר על ירדן ירחו׃

1 Samuel 30:26

²⁶ ויבא דוד אל צקלג וישׁלח מהשׁלל לזקני יהודה לרעהו לאמר הנה לכם ברכה משׁלל איבי יהוה׃

2 Chronicles 20:25

²⁵ ויבא יהושׁפט ועמו לבז את שׁללם וימצאו בהם לרב ורכושׁ ופגרים וכלי חמדות וינצלו להם לאין משׂא ויהיו ימים שׁלושׁה בזזים את השׁלל כי רב הוא׃

Isaiah 53:12

¹² לכן אחלק לו ברבים ואת עצומים יחלק שׁלל תחת אשׁר הערה למות נפשׁו ואת פשׁעים נמנה והוא חטא רבים נשׂא ולפשׁעים יפגיע׃

Judges 8:15

¹⁵ ויבא אל אנשׁי סכות ויאמר הנה זבח וצלמנע אשׁר חרפתם אותי לאמר הכף זבח וצלמנע עתה בידך כי נתן לאנשׁיך היעפים לחם׃

1 Samuel 30:10

¹⁰ וירדף דוד הוא וארבע מאות אישׁ ויעמדו מאתים אישׁ אשׁר פגרו מעבר את נחל הבשׂור׃

Deuteronomy 13:13

¹³ (13:14) יצאו אנשׁים בני בליעל מקרבך וידיחו את ישׁבי עירם לאמר נלכה ונעבדה אלהים אחרים אשׁר לא ידעתם׃

Judges 19:22

²² המה מיטיבים את לבם והנה אנשׁי העיר אנשׁי בני בליעל נסבו את הבית מתדפקים על הדלת ויאמרו אל האישׁ בעל הבית הזקן לאמר הוצא את האישׁ אשׁר בא אל ביתך ונדענו׃

1 Samuel 22:2

² ויתקבצו אליו כל אישׁ מצוק וכל אישׁ אשׁר לו נשׁא וכל אישׁ מר נפשׁ ויהי עליהם לשׂר ויהיו עמו כארבע מאות אישׁ׃

1 Samuel 25:17

¹⁷ ועתה דעי וראי מה תעשׂי כי כלתה הרעה אל אדנינו ועל כל ביתו והוא בן בליעל מדבר אליו׃

1 Samuel 25:25

²⁵ אל נא ישׂים אדני את לבו אל אישׁ הבליעל הזה על נבל כי כשׁמו כן הוא נבל שׁמו ונבלה עמו ואני אמתך לא ראיתי את נערי אדני אשׁר שׁלחת׃

1 Kings 21:10

¹⁰ והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃

1 Kings 21:13

¹³ ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃

Genesis 19:7

Numbers 31:49-54

⁴⁹ ויאמרו אל משׁה עבדיך נשׂאו את ראשׁ אנשׁי המלחמה אשׁר בידנו ולא נפקד ממנו אישׁ׃⁵⁰ ונקרב את קרבן יהוה אישׁ אשׁר מצא כלי זהב אצעדה וצמיד טבעת עגיל וכומז לכפר על נפשׁתינו לפני יהוה׃⁵¹ ויקח משׁה ואלעזר הכהן את הזהב מאתם כל כלי מעשׂה׃⁵² ויהי כל זהב התרומה אשׁר הרימו ליהוה שׁשׁה עשׂר אלף שׁבע מאות וחמשׁים שׁקל מאת שׂרי האלפים ומאת שׂרי המאות׃⁵³ אנשׁי הצבא בזזו אישׁ׃⁵⁴ ויקח משׁה ואלעזר הכהן את הזהב מאת שׂרי האלפים והמאות ויבאו אתו אל אהל מועד זכרון לבני ישׂראל לפני יהוה׃

Deuteronomy 8:10

¹⁰ ואכלת ושׂבעת וברכת את יהוה אלהיך על הארץ הטבה אשׁר נתן׃

Deuteronomy 8:18

¹⁸ וזכרת את יהוה אלהיך כי הוא הנתן לך כח לעשׂות חיל למען הקים את בריתו אשׁר נשׁבע לאבתיך כיום הזה׃

Judges 19:23

²³ ויצא אליהם האישׁ בעל הבית ויאמר אלהם אל אחי אל תרעו נא אחרי אשׁר בא האישׁ הזה אל ביתי אל תעשׂו את הנבלה הזאת׃

1 Samuel 2:7

1 Chronicles 29:12-14

¹² והעשׁר והכבוד מלפניך ואתה מושׁל בכל ובידך כח וגבורה ובידך לגדל ולחזק לכל׃¹³ ועתה אלהינו מודים אנחנו לך ומהללים לשׁם תפארתך׃¹⁴ וכי מי אני ומי עמי כי נעצר כח להתנדב כזאת כי ממך הכל ומידך נתנו׃

Psalms 44:2-7

² (44:3) אתה ידך גוים הורשׁת ותטעם תרע לאמים ותשׁלחם׃³ (44:4) כי לא בחרבם ירשׁו ארץ וזרועם לא הושׁיעה למו כי ימינך וזרועך ואור פניך כי רציתם׃⁴ (44:5) אתה הוא מלכי אלהים צוה ישׁועות יעקב׃⁵ (44:6) בך צרינו ננגח בשׁמך נבוס קמינו׃⁶ (44:7) כי לא בקשׁתי אבטח וחרבי לא תושׁיעני׃⁷ (44:8) כי הושׁעתנו מצרינו ומשׂנאינו הבישׁות׃

Psalms 121:7-8

⁷ יהוה ישׁמרך מכל רע ישׁמר את נפשׁך׃⁸ יהוה ישׁמר צאתך ובואך מעתה ועד עולם׃

Habakkuk 1:16

¹⁶ על כן יזבח לחרמו ויקטר למכמרתו כי בהמה שׁמן חלקו ומאכלו בראה׃

Numbers 31:27

²⁷ וחצית את המלקוח בין תפשׂי המלחמה היצאים לצבא ובין כל העדה׃

Joshua 22:8

⁸ ויאמר אליהם לאמר בנכסים רבים שׁובו אל אהליכם ובמקנה רב מאד בכסף ובזהב ובנחשׁת ובברזל ובשׂלמות הרבה מאד חלקו שׁלל איביכם עם אחיכם׃

1 Samuel 25:13

¹³ ויאמר דוד לאנשׁיו חגרו אישׁ את חרבו ויחגרו אישׁ את חרבו ויחגר גם דוד את חרבו ויעלו אחרי דוד כארבע מאות אישׁ ומאתים ישׁבו על הכלים׃

Psalms 68:12

¹² (68:13) מלכי צבאות ידדון ידדון ונות בית תחלק שׁלל׃

1 Samuel 16:13

¹³ ויקח שׁמואל את קרן השׁמן וימשׁח אתו בקרב אחיו ותצלח רוח יהוה אל דוד מהיום ההוא ומעלה ויקם שׁמואל וילך הרמתה׃

Genesis 33:11

¹¹ קח נא את ברכתי אשׁר הבאת לך כי חנני אלהים וכי ישׁ לי כל ויפצר בו ויקח׃

1 Samuel 25:27

²⁷ ועתה הברכה הזאת אשׁר הביא שׁפחתך לאדני ונתנה לנערים המתהלכים ברגלי אדני׃

2 Kings 5:15

¹⁵ וישׁב אל אישׁ האלהים הוא וכל מחנהו ויבא ויעמד לפניו ויאמר הנה נא ידעתי כי אין אלהים בכל הארץ כי אם בישׂראל ועתה קח נא ברכה מאת עבדך׃

1 Chronicles 12:1-15

¹ ואלה הבאים אל דויד לציקלג עוד עצור מפני שׁאול בן קישׁ והמה בגבורים עזרי המלחמה׃² נשׁקי קשׁת מימינים ומשׂמאלים באבנים ובחצים בקשׁת מאחי שׁאול מבנימן׃³ הראשׁ אחיעזר ויואשׁ בני השׁמעה הגבעתי ויזואל ופלט בני עזמות וברכה ויהוא הענתתי׃⁴ וישׁמעיה הגבעוני גבור בשׁלשׁים ועל השׁלשׁים׃ (12:5) וירמיה ויחזיאל ויוחנן ויוזבד הגדרתי׃⁵ (12:6) אלעוזי וירימות ובעליה ושׁמריהו ושׁפטיהו החריפי׃⁶ (12:7) אלקנה וישׁיהו ועזראל ויועזר וישׁבעם הקרחים׃⁷ (12:8) ויועאלה וזבדיה בני ירחם מן הגדור׃⁸ (12:9) ומן הגדי נבדלו אל דויד למצד מדברה גברי החיל אנשׁי צבא למלחמה ערכי צנה ורמח ופני אריה פניהם וכצבאים על ההרים למהר׃⁹ (12:10) עזר הראשׁ עבדיה השׁני אליאב השׁלשׁי׃¹⁰ (12:11) משׁמנה הרביעי ירמיה החמשׁי׃¹¹ (12:12) עתי השׁשׁי אליאל השׁבעי׃¹² (12:13) יוחנן השׁמיני אלזבד התשׁיעי׃¹³ (12:14) ירמיהו העשׂירי מכבני עשׁתי עשׂר׃¹⁴ (12:15) אלה מבני גד ראשׁי הצבא אחד למאה הקטן והגדול לאלף׃¹⁵ (12:16) אלה הם אשׁר עברו את הירדן בחדשׁ הראשׁון והוא ממלא על כל גדיתיו ויבריחו את כל העמקים למזרח ולמערב׃

Psalms 35:27

²⁷ ירנו וישׂמחו חפצי צדקי ויאמרו תמיד יגדל יהוה החפץ שׁלום עבדו׃

Psalms 68:18

¹⁸ (68:19) עלית למרום שׁבית שׁבי לקחת מתנות באדם ואף סוררים לשׁכן יה אלהים׃

Proverbs 18:16-24

¹⁶ מתן אדם ירחיב לו ולפני גדלים ינחנו׃¹⁷ צדיק הראשׁון בריבו יבא רעהו וחקרו׃¹⁸ מדינים ישׁבית הגורל ובין עצומים יפריד׃¹⁹ אח נפשׁע מקרית עז ומדונים כבריח ארמון׃²⁰ מפרי פי אישׁ תשׂבע בטנו תבואת שׂפתיו ישׂבע׃²¹ מות וחיים ביד לשׁון ואהביה יאכל פריה׃²² מצא אשׁה מצא טוב ויפק רצון מיהוה׃²³ תחנונים ידבר רשׁ ועשׁיר יענה עזות׃²⁴ אישׁ רעים להתרעע וישׁ אהב דבק מאח׃

Isaiah 32:8

⁸ ונדיב נדיבות יעץ והוא על נדיבות יקום׃

Genesis 28:19

¹⁹ ויקרא את שׁם המקום ההוא בית אל ואולם לוז שׁם העיר לראשׁנה׃

Joshua 7:2

² וישׁלח יהושׁע אנשׁים מיריחו העי אשׁר עם בית און מקדם לבית אל ויאמר אליהם לאמר עלו ורגלו את הארץ ויעלו האנשׁים וירגלו את העי׃

Joshua 15:48

Joshua 16:2

² ויצא מבית אל לוזה ועבר אל גבול הארכי עטרות׃

Joshua 19:8

⁸ וכל החצרים אשׁר סביבות הערים האלה עד בעלת באר ראמת נגב זאת נחלת מטה בני שׁמעון למשׁפחתם׃

Joshua 21:14

¹⁴ ואת יתר ואת מגרשׁה ואת אשׁתמע ואת מגרשׁה׃

Judges 1:22-23

²² ויעלו בית יוסף גם הם בית אל ויהוה עמם׃²³ ויתירו בית יוסף בבית אל ושׁם העיר לפנים לוז׃

1 Kings 12:29

²⁹ וישׂם את האחד בבית אל ואת האחד נתן בדן׃

Joshua 13:16

¹⁶ ויהי להם הגבול מערוער אשׁר על שׂפת נחל ארנון והעיר אשׁר בתוך הנחל וכל המישׁר על מידבא׃

Joshua 15:50

Judges 1:16

¹⁶ ובני קיני חתן משׁה עלו מעיר התמרים את בני יהודה מדבר יהודה אשׁר בנגב ערד וילך וישׁב את העם׃

1 Samuel 15:6

⁶ ויאמר שׁאול אל הקיני לכו סרו רדו מתוך עמלקי פן אספך עמו ואתה עשׂיתה חסד עם כל בני ישׂראל בעלותם ממצרים ויסר קיני מתוך עמלק׃

1 Samuel 23:19

¹⁹ ויעלו זפים אל שׁאול הגבעתה לאמר הלוא דוד מסתתר עמנו במצדות בחרשׁה בגבעת החכילה אשׁר מימין הישׁימון׃

1 Samuel 27:10

¹⁰ ויאמר אכישׁ אל פשׁטתם היום ויאמר דוד על נגב יהודה ועל נגב הירחמאלי ואל נגב הקיני׃

Numbers 14:45

⁴⁵ וירד העמלקי והכנעני הישׁב בהר ההוא ויכום ויכתום עד החרמה׃

Joshua 15:42

Joshua 19:4

Judges 1:17

¹⁷ וילך יהודה את שׁמעון אחיו ויכו את הכנעני יושׁב צפת ויחרימו אותה ויקרא את שׁם העיר חרמה׃

Joshua 14:13-15

¹³ ויברכהו יהושׁע ויתן את חברון לכלב בן יפנה לנחלה׃¹⁴ על כן היתה חברון לכלב בן יפנה הקנזי לנחלה עד היום הזה יען אשׁר מלא אחרי יהוה אלהי ישׂראל׃¹⁵ ושׁם חברון לפנים קרית ארבע האדם הגדול בענקים הוא והארץ שׁקטה ממלחמה׃

2 Samuel 2:1

¹ ויהי אחרי כן וישׁאל דוד ביהוה לאמר האעלה באחת ערי יהודה ויאמר יהוה אליו עלה ויאמר דוד אנה אעלה ויאמר חברנה׃

2 Samuel 2:4

⁴ ויבאו אנשׁי יהודה וימשׁחו שׁם את דוד למלך על בית יהודה ויגדו לדוד לאמר אנשׁי יבישׁ גלעד אשׁר קברו את שׁאול׃

2 Samuel 4:1

¹ וישׁמע בן שׁאול כי מת אבנר בחברון וירפו ידיו וכל ישׂראל נבהלו׃

2 Samuel 15:10

¹⁰ וישׁלח אבשׁלום מרגלים בכל שׁבטי ישׂראל לאמר כשׁמעכם את קול השׁפר ואמרתם מלך אבשׁלום בחברון׃

1 Samuel 30 Cross References - HOT