1 Samuel 4:13 Cross References - HOT

¹³ ויבוא והנה עלי ישׁב על הכסא יך דרך מצפה כי היה לבו חרד על ארון האלהים והאישׁ בא להגיד בעיר ותזעק כל העיר׃

Joshua 7:9

⁹ וישׁמעו הכנעני וכל ישׁבי הארץ ונסבו עלינו והכריתו את שׁמנו מן הארץ ומה תעשׂה לשׁמך הגדול׃

1 Samuel 1:9

⁹ ותקם חנה אחרי אכלה בשׁלה ואחרי שׁתה ועלי הכהן ישׁב על הכסא על מזוזת היכל יהוה׃

1 Samuel 4:18

¹⁸ ויהי כהזכירו את ארון האלהים ויפל מעל הכסא אחרנית בעד יד השׁער ותשׁבר מפרקתו וימת כי זקן האישׁ וכבד והוא שׁפט את ישׂראל ארבעים שׁנה׃

Nehemiah 1:3-4

³ ויאמרו לי הנשׁארים אשׁר נשׁארו מן השׁבי שׁם במדינה ברעה גדלה ובחרפה וחומת ירושׁלם מפרצת ושׁעריה נצתו באשׁ׃⁴ ויהי כשׁמעי את הדברים האלה ישׁבתי ואבכה ואתאבלה ימים ואהי צם ומתפלל לפני אלהי השׁמים׃

Psalms 26:8

⁸ יהוה אהבתי מעון ביתך ומקום משׁכן כבודך׃

¹ מזמור לאסף אלהים באו גוים בנחלתך טמאו את היכל קדשׁך שׂמו את ירושׁלם לעיים׃² נתנו את נבלת עבדיך מאכל לעוף השׁמים בשׂר חסידיך לחיתו ארץ׃³ שׁפכו דמם כמים סביבות ירושׁלם ואין קובר׃⁴ היינו חרפה לשׁכנינו לעג וקלס לסביבותינו׃⁵ עד מה יהוה תאנף לנצח תבער כמו אשׁ קנאתך׃⁶ שׁפך חמתך אל הגוים אשׁר לא ידעוך ועל ממלכות אשׁר בשׁמך לא קראו׃⁷ כי אכל את יעקב ואת נוהו השׁמו׃⁸ אל תזכר לנו עונת ראשׁנים מהר יקדמונו רחמיך כי דלונו מאד׃

Psalms 137:4-6

⁴ איך נשׁיר את שׁיר יהוה על אדמת נכר׃⁵ אם אשׁכחך ירושׁלם תשׁכח ימיני׃⁶ תדבק לשׁוני לחכי אם לא אזכרכי אם לא אעלה את ירושׁלם על ראשׁ שׂמחתי׃