1 ויהי כאשׁר זקן שׁמואל וישׂם את בניו שׁפטים לישׂראל׃2 ויהי שׁם בנו הבכור יואל ושׁם משׁנהו אביה שׁפטים בבאר שׁבע׃3 ולא הלכו בניו בדרכו ויטו אחרי הבצע ויקחו שׁחד ויטו משׁפט׃4 ויתקבצו כל זקני ישׂראל ויבאו אל שׁמואל הרמתה׃5 ויאמרו אליו הנה אתה זקנת ובניך לא הלכו בדרכיך עתה שׂימה לנו מלך לשׁפטנו ככל הגוים׃6 וירע הדבר בעיני שׁמואל כאשׁר אמרו תנה לנו מלך לשׁפטנו ויתפלל שׁמואל אל יהוה׃7 ויאמר יהוה אל שׁמואל שׁמע בקול העם לכל אשׁר יאמרו אליך כי לא אתך מאסו כי אתי מאסו ממלך עליהם׃8 ככל המעשׂים אשׁר עשׂו מיום העלתי אתם ממצרים ועד היום הזה ויעזבני ויעבדו אלהים אחרים כן המה עשׂים גם׃9 ועתה שׁמע בקולם אך כי העד תעיד בהם והגדת להם משׁפט המלך אשׁר ימלך עליהם׃10 ויאמר שׁמואל את כל דברי יהוה אל העם השׁאלים מאתו מלך׃11 ויאמר זה יהיה משׁפט המלך אשׁר ימלך עליכם את בניכם יקח ושׂם לו במרכבתו ובפרשׁיו ורצו לפני מרכבתו׃12 ולשׂום לו שׂרי אלפים ושׂרי חמשׁים ולחרשׁ חרישׁו ולקצר קצירו ולעשׂות כלי מלחמתו וכלי רכבו׃13 ואת בנותיכם יקח לרקחות ולטבחות ולאפות׃14 ואת שׂדותיכם ואת כרמיכם וזיתיכם הטובים יקח ונתן לעבדיו׃15 וזרעיכם וכרמיכם יעשׂר ונתן לסריסיו ולעבדיו׃16 ואת עבדיכם ואת שׁפחותיכם ואת בחוריכם הטובים ואת חמוריכם יקח ועשׂה למלאכתו׃17 צאנכם יעשׂר ואתם תהיו לו לעבדים׃18 וזעקתם ביום ההוא מלפני מלככם אשׁר בחרתם לכם ולא יענה יהוה אתכם ביום ההוא׃19 וימאנו העם לשׁמע בקול שׁמואל ויאמרו לא כי אם מלך יהיה עלינו׃20 והיינו גם אנחנו ככל הגוים ושׁפטנו מלכנו ויצא לפנינו ונלחם את מלחמתנו׃21 וישׁמע שׁמואל את כל דברי העם וידברם באזני יהוה׃22 ויאמר יהוה אל שׁמואל שׁמע בקולם והמלכת להם מלך ויאמר שׁמואל אל אנשׁי ישׂראל לכו אישׁ לעירו׃
1 Samuel 8 Cross References - HOT
Genesis 22:19
19 וישׁב אברהם אל נעריו ויקמו וילכו יחדו אל באר שׁבע וישׁב אברהם בבאר שׁבע׃
Genesis 37:36
36 והמדנים מכרו אתו אל מצרים לפוטיפר סריס פרעה שׂר הטבחים׃
Exodus 3:16
16 לך ואספת את זקני ישׂראל ואמרת אלהם יהוה אלהי אבתיכם נראה אלי אלהי אברהם יצחק ויעקב לאמר פקד פקדתי אתכם ואת העשׂוי לכם במצרים׃
Exodus 14:11-12
Exodus 16:3
3 ויאמרו אלהם בני ישׂראל מי יתן מותנו ביד יהוה בארץ מצרים בשׁבתנו על סיר הבשׂר באכלנו לחם לשׂבע כי הוצאתם אתנו אל המדבר הזה להמית את כל הקהל הזה ברעב׃
Exodus 16:8
8 ויאמר משׁה בתת יהוה לכם בערב בשׂר לאכל ולחם בבקר לשׂבע בשׁמע יהוה את תלנתיכם אשׁר אתם מלינם עליו ונחנו מה לא עלינו תלנתיכם כי על יהוה׃
Exodus 17:2
2 וירב העם עם משׁה ויאמרו תנו לנו מים ונשׁתה ויאמר להם משׁה מה תריבון עמדי מה תנסון את יהוה׃
Exodus 18:21
21 ואתה תחזה מכל העם אנשׁי חיל יראי אלהים אנשׁי אמת שׂנאי בצע ושׂמת עלהם שׂרי אלפים שׂרי מאות שׂרי חמשׁים ושׂרי עשׂרת׃
Exodus 23:8
8 ושׁחד לא תקח כי השׁחד יעור פקחים ויסלף דברי צדיקים׃
Exodus 24:1
1 ואל משׁה אמר עלה אל יהוה אתה ואהרן נדב ואביהוא ושׁבעים מזקני ישׂראל והשׁתחויתם מרחק׃
Exodus 32:1
1 וירא העם כי בשׁשׁ משׁה לרדת מן ההר ויקהל העם על אהרן ויאמרו אליו קום עשׂה לנו אלהים אשׁר ילכו לפנינו כי זה משׁה האישׁ אשׁר העלנו מארץ מצרים לא ידענו מה היה׃
Exodus 32:21
21 ויאמר משׁה אל אהרן מה עשׂה לך העם הזה כי הבאת עליו חטאה גדלה׃
Exodus 32:32
32 ועתה אם תשׂא חטאתם ואם אין מחני נא מספרך אשׁר כתבת׃
Exodus 33:16
16 ובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשׁר על פני האדמה׃
Leviticus 20:24-26
24 ואמר לכם אתם תירשׁו את אדמתם ואני אתננה לכם לרשׁת אתה ארץ זבת חלב ודבשׁ אני יהוה אלהיכם אשׁר הבדלתי אתכם מן העמים׃25 והבדלתם בין הבהמה הטהרה לטמאה ובין העוף הטמא לטהר ולא תשׁקצו את נפשׁתיכם בבהמה ובעוף ובכל אשׁר תרמשׂ האדמה אשׁר הבדלתי לכם לטמא׃26 והייתם לי קדשׁים כי קדושׁ אני יהוה ואבדל אתכם מן העמים להיות׃
Numbers 14:2-4
Numbers 16:2-3
Numbers 16:15
15 ויחר למשׁה מאד ויאמר אל יהוה אל תפן אל מנחתם לא חמור אחד מהם נשׂאתי ולא הרעתי את אחד מהם׃
Numbers 16:22
22 ויפלו על פניהם ויאמרו אל אלהי הרוחת לכל בשׂר האישׁ אחד יחטא ועל כל העדה תקצף׃
Numbers 16:41
41 (17:6) וילנו כל עדת בני ישׂראל ממחרת על משׁה ועל אהרן לאמר אתם המתם את עם יהוה׃
Numbers 16:46
46 (17:11) ויאמר משׁה אל אהרן קח את המחתה ותן עליה אשׁ מעל המזבח ושׂים קטרת והולך מהרה אל העדה וכפר עליהם כי יצא הקצף מלפני יהוה החל הנגף׃
Numbers 22:20
20 ויבא אלהים אל בלעם לילה ויאמר לו אם לקרא לך באו האנשׁים קום לך אתם ואך את הדבר אשׁר אדבר אליך אתו תעשׂה׃
Numbers 23:9
9 כי מראשׁ צרים אראנו ומגבעות אשׁורנו הן עם לבדד ישׁכן ובגוים לא יתחשׁב׃
Deuteronomy 7:6
6 כי עם קדושׁ אתה ליהוה אלהיך בך בחר יהוה אלהיך להיות לו לעם סגלה מכל העמים אשׁר על פני האדמה׃
Deuteronomy 9:24
24 ממרים הייתם עם יהוה מיום דעתי אתכם׃
Deuteronomy 16:18-19
Deuteronomy 16:19
19 לא תטה משׁפט לא תכיר פנים ולא תקח שׁחד כי השׁחד יעור עיני חכמים ויסלף דברי צדיקם׃
Deuteronomy 17:14-15
14 כי תבא אל הארץ אשׁר יהוה אלהיך נתן לך וירשׁתה וישׁבתה בה ואמרת אשׂימה עלי מלך ככל הגוים אשׁר סביבתי׃
Deuteronomy 17:14-20
Deuteronomy 17:15-20
15 שׂום תשׂים עליך מלך אשׁר יבחר יהוה אלהיך בו מקרב אחיך תשׂים עליך מלך לא תוכל לתת עליך אישׁ נכרי אשׁר לא אחיך הוא׃16 רק לא ירבה לו סוסים ולא ישׁיב את העם מצרימה למען הרבות סוס ויהוה אמר לכם לא תספון לשׁוב בדרך הזה עוד׃17 ולא ירבה לו נשׁים ולא יסור לבבו וכסף וזהב לא ירבה לו מאד׃18 והיה כשׁבתו על כסא ממלכתו וכתב לו את משׁנה התורה הזאת על ספר מלפני הכהנים הלוים׃19 והיתה עמו וקרא בו כל ימי חייו למען ילמד ליראה את יהוה אלהיו לשׁמר את כל דברי התורה הזאת ואת החקים האלה לעשׂתם׃20 לבלתי רום לבבו מאחיו ולבלתי סור מן המצוה ימין ושׂמאול למען יאריך ימים על ממלכתו הוא ובניו בקרב ישׂראל׃
Judges 2:2-3
Judges 2:20
20 ויחר אף יהוה בישׂראל ויאמר יען אשׁר עברו הגוי הזה את בריתי אשׁר צויתי את אבותם ולא שׁמעו לקולי׃
Judges 4:1
1 ויספו בני ישׂראל לעשׂות הרע בעיני יהוה ואהוד מת׃
Judges 5:10
10 רכבי אתנות צחרות ישׁבי על מדין והלכי על דרך שׂיחו׃
Judges 6:1
1 ויעשׂו בני ישׂראל הרע בעיני יהוה ויתנם יהוה ביד מדין שׁבע שׁנים׃
Judges 8:22-23
Judges 10:4
4 ויהי לו שׁלשׁים בנים רכבים על שׁלשׁים עירים ושׁלשׁים עירים להם להם יקראו חות יאיר עד היום הזה אשׁר בארץ הגלעד׃
Judges 11:11
11 וילך יפתח עם זקני גלעד וישׂימו העם אותו עליהם לראשׁ ולקצין וידבר יפתח את כל דבריו לפני יהוה במצפה׃
Judges 12:14
14 ויהי לו ארבעים בנים ושׁלשׁים בני בנים רכבים על שׁבעים עירם וישׁפט את ישׂראל שׁמנה שׁנים׃
Judges 13:1
1 ויספו בני ישׂראל לעשׂות הרע בעיני יהוה ויתנם יהוה ביד פלשׁתים ארבעים שׁנה׃
1 Samuel 2:13
13 ומשׁפט הכהנים את העם כל אישׁ זבח זבח ובא נער הכהן כבשׁל הבשׂר והמזלג שׁלשׁ השׁנים בידו׃
1 Samuel 7:17
17 ותשׁבתו הרמתה כי שׁם ביתו ושׁם שׁפט את ישׂראל ויבן שׁם מזבח ליהוה׃
1 Samuel 8:5
1 Samuel 8:7
1 Samuel 8:11-18
11 ויאמר זה יהיה משׁפט המלך אשׁר ימלך עליכם את בניכם יקח ושׂם לו במרכבתו ובפרשׁיו ורצו לפני מרכבתו׃12 ולשׂום לו שׂרי אלפים ושׂרי חמשׁים ולחרשׁ חרישׁו ולקצר קצירו ולעשׂות כלי מלחמתו וכלי רכבו׃13 ואת בנותיכם יקח לרקחות ולטבחות ולאפות׃14 ואת שׂדותיכם ואת כרמיכם וזיתיכם הטובים יקח ונתן לעבדיו׃15 וזרעיכם וכרמיכם יעשׂר ונתן לסריסיו ולעבדיו׃16 ואת עבדיכם ואת שׁפחותיכם ואת בחוריכם הטובים ואת חמוריכם יקח ועשׂה למלאכתו׃17 צאנכם יעשׂר ואתם תהיו לו לעבדים׃18 וזעקתם ביום ההוא מלפני מלככם אשׁר בחרתם לכם ולא יענה יהוה אתכם ביום ההוא׃19 וימאנו העם לשׁמע בקול שׁמואל ויאמרו לא כי אם מלך יהיה עלינו׃20 והיינו גם אנחנו ככל הגוים ושׁפטנו מלכנו ויצא לפנינו ונלחם את מלחמתנו׃
1 Samuel 10:19
19 ואתם היום מאסתם את אלהיכם אשׁר הוא מושׁיע לכם מכל רעותיכם וצרתיכם ותאמרו לו כי מלך תשׂים עלינו ועתה התיצבו לפני יהוה לשׁבטיכם ולאלפיכם׃
1 Samuel 10:25
25 וידבר שׁמואל אל העם את משׁפט המלכה ויכתב בספר וינח לפני יהוה וישׁלח שׁמואל את כל העם אישׁ לביתו׃
1 Samuel 12:17
17 הלוא קציר חטים היום אקרא אל יהוה ויתן קלות ומטר ודעו וראו כי רעתכם רבה אשׁר עשׂיתם בעיני יהוה לשׁאול לכם מלך׃
1 Samuel 12:17-19
17 הלוא קציר חטים היום אקרא אל יהוה ויתן קלות ומטר ודעו וראו כי רעתכם רבה אשׁר עשׂיתם בעיני יהוה לשׁאול לכם מלך׃18 ויקרא שׁמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שׁמואל׃19 ויאמרו כל העם אל שׁמואל התפלל בעד עבדיך אל יהוה אלהיך ואל נמות כי יספנו על כל חטאתינו רעה לשׁאל לנו מלך׃
1 Samuel 14:52
52 ותהי המלחמה חזקה על פלשׁתים כל ימי שׁאול וראה שׁאול כל אישׁ גבור וכל בן חיל ויאספהו אליו׃
1 Samuel 15:11
11 נחמתי כי המלכתי את שׁאול למלך כי שׁב מאחרי ואת דברי לא הקים ויחר לשׁמואל ויזעק אל יהוה כל הלילה׃
1 Samuel 22:7
7 ויאמר שׁאול לעבדיו הנצבים עליו שׁמעו נא בני ימיני גם לכלכם יתן בן ישׁי שׂדות וכרמים לכלכם ישׂים שׂרי אלפים ושׂרי מאות׃
2 Samuel 5:3
3 ויבאו כל זקני ישׂראל אל המלך חברונה ויכרת להם המלך דוד ברית בחברון לפני יהוה וימשׁחו את דוד למלך על ישׂראל׃
2 Samuel 15:1
1 ויהי מאחרי כן ויעשׂ לו אבשׁלום מרכבה וססים וחמשׁים אישׁ רצים לפניו׃
2 Samuel 15:4
4 ויאמר אבשׁלום מי ישׂמני שׁפט בארץ ועלי יבוא כל אישׁ אשׁר יהיה לו ריב ומשׁפט והצדקתיו׃
1 Kings 1:5
5 ואדניה בן חגית מתנשׂא לאמר אני אמלך ויעשׂ לו רכב ופרשׁים וחמשׁים אישׁ רצים לפניו׃
1 Kings 4:7
7 ולשׁלמה שׁנים עשׂר נצבים על כל ישׂראל וכלכלו את המלך ואת ביתו חדשׁ בשׁנה יהיה על אחד לכלכל׃
1 Kings 4:22-23
1 Kings 4:27-28
1 Kings 9:22-23
1 Kings 10:26
26 ויאסף שׁלמה רכב ופרשׁים ויהי לו אלף וארבע מאות רכב ושׁנים עשׂר אלף פרשׁים וינחם בערי הרכב ועם המלך בירושׁלם׃
1 Kings 12:4
4 אביך הקשׁה את עלנו ואתה עתה הקל מעבדת אביך הקשׁה ומעלו הכבד אשׁר נתן עלינו ונעבדך׃
1 Kings 12:6-11
6 ויועץ המלך רחבעם את הזקנים אשׁר היו עמדים את פני שׁלמה אביו בהיתו חי לאמר איך אתם נועצים להשׁיב את העם הזה דבר׃7 וידבר אליו לאמר אם היום תהיה עבד לעם הזה ועבדתם ועניתם ודברת אליהם דברים טובים והיו לך עבדים כל הימים׃8 ויעזב את עצת הזקנים אשׁר יעצהו ויועץ את הילדים אשׁר גדלו אתו אשׁר העמדים לפניו׃9 ויאמר אליהם מה אתם נועצים ונשׁיב דבר את העם הזה אשׁר דברו אלי לאמר הקל מן העל אשׁר נתן אביך עלינו׃10 וידברו אליו הילדים אשׁר גדלו אתו לאמר כה תאמר לעם הזה אשׁר דברו אליך לאמר אביך הכביד את עלנו ואתה הקל מעלינו כה תדבר אליהם קטני עבה ממתני אבי׃
1 Kings 12:10
1 Kings 18:46
46 ויד יהוה היתה אל אליהו וישׁנס מתניו וירץ לפני אחאב עד באכה יזרעאלה׃
1 Kings 19:3
3 וירא ויקם וילך אל נפשׁו ויבא באר שׁבע אשׁר ליהודה וינח את נערו שׁם׃
1 Kings 21:7
7 ותאמר אליו איזבל אשׁתו אתה עתה תעשׂה מלוכה על ישׂראל קום אכל לחם ויטב לבך אני אתן לך את כרם נבות היזרעאלי׃
1 Kings 21:19
19 ודברת אליו לאמר כה אמר יהוה הרצחת וגם ירשׁת ודברת אליו לאמר כה אמר יהוה במקום אשׁר לקקו הכלבים את דם נבות ילקו הכלבים את דמך גם אתה׃
2 Kings 21:1-3
1 Chronicles 6:28
28 (6:13) ובני שׁמואל הבכר ושׁני ואביה׃
1 Chronicles 6:38
38 (6:23) בן יצהר בן קהת בן לוי בן ישׂראל׃
1 Chronicles 27:1-22
1 ובני ישׂראל למספרם ראשׁי האבות ושׂרי האלפים והמאות ושׁטריהם המשׁרתים את המלך לכל דבר המחלקות הבאה והיצאת חדשׁ בחדשׁ לכל חדשׁי השׁנה המחלקת האחת עשׂרים וארבעה אלף׃2 על המחלקת הראשׁונה לחדשׁ הראשׁון ישׁבעם בן זבדיאל ועל מחלקתו עשׂרים וארבעה אלף׃3 מן בני פרץ הראשׁ לכל שׂרי הצבאות לחדשׁ הראשׁון׃4 ועל מחלקת החדשׁ השׁני דודי האחוחי ומחלקתו ומקלות הנגיד ועל מחלקתו עשׂרים וארבעה אלף׃5 שׂר הצבא השׁלישׁי לחדשׁ השׁלישׁי בניהו בן יהוידע הכהן ראשׁ ועל מחלקתו עשׂרים וארבעה אלף׃6 הוא בניהו גבור השׁלשׁים ועל השׁלשׁים ומחלקתו עמיזבד בנו׃7 הרביעי לחדשׁ הרביעי עשׂה אל אחי יואב וזבדיה בנו אחריו ועל מחלקתו עשׂרים וארבעה אלף׃8 החמישׁי לחדשׁ החמישׁי השׂר שׁמהות היזרח ועל מחלקתו עשׂרים וארבעה אלף׃9 השׁשׁי לחדשׁ השׁשׁי עירא בן עקשׁ התקועי ועל מחלקתו עשׂרים וארבעה אלף׃10 השׁביעי לחדשׁ השׁביעי חלץ הפלוני מן בני אפרים ועל מחלקתו עשׂרים וארבעה אלף׃11 השׁמיני לחדשׁ השׁמיני סבכי החשׁתי לזרחי ועל מחלקתו עשׂרים וארבעה אלף׃12 התשׁיעי לחדשׁ התשׁיעי אביעזר הענתתי לבנימיני ועל מחלקתו עשׂרים וארבעה אלף׃13 העשׂירי לחדשׁ העשׂירי מהרי הנטופתי לזרחי ועל מחלקתו עשׂרים וארבעה אלף׃14 עשׁתי עשׂר לעשׁתי עשׂר החדשׁ בניה הפרעתוני מן בני אפרים ועל מחלקתו עשׂרים וארבעה אלף׃15 השׁנים עשׂר לשׁנים עשׂר החדשׁ חלדי הנטופתי לעתניאל ועל מחלקתו עשׂרים וארבעה אלף׃16 ועל שׁבטי ישׂראל לראובני נגיד אליעזר בן זכרי לשׁמעוני שׁפטיהו בן מעכה׃17 ללוי חשׁביה בן קמואל לאהרן צדוק׃18 ליהודה אליהו מאחי דויד לישׂשכר עמרי בן מיכאל׃19 לזבולן ישׁמעיהו בן עבדיהו לנפתלי ירימות בן עזריאל׃20 לבני אפרים הושׁע בן עזזיהו לחצי שׁבט מנשׁה יואל בן פדיהו׃21 לחצי המנשׁה גלעדה ידו בן זכריהו לבנימן יעשׂיאל בן אבנר׃22 לדן עזראל בן ירחם אלה שׂרי שׁבטי ישׂראל׃
2 Chronicles 19:5-6
2 Chronicles 26:10-15
10 ויבן מגדלים במדבר ויחצב ברות רבים כי מקנה רב היה לו ובשׁפלה ובמישׁור אכרים וכרמים בהרים ובכרמל כי אהב אדמה היה׃11 ויהי לעזיהו חיל עשׂה מלחמה יוצאי צבא לגדוד במספר פקדתם ביד יעואל הסופר ומעשׂיהו השׁוטר על יד חנניהו משׂרי המלך׃12 כל מספר ראשׁי האבות לגבורי חיל אלפים ושׁשׁ מאות׃13 ועל ידם חיל צבא שׁלשׁ מאות אלף ושׁבעת אלפים וחמשׁ מאות עושׂי מלחמה בכח חיל לעזר למלך על האויב׃14 ויכן להם עזיהו לכל הצבא מגנים ורמחים וכובעים ושׁרינות וקשׁתות ולאבני קלעים׃15 ויעשׂ בירושׁלם חשׁבנות מחשׁבת חושׁב להיות על המגדלים ועל הפנות לירוא בחצים ובאבנים גדלות ויצא שׁמו עד למרחוק כי הפליא להעזר עד כי חזק׃
2 Chronicles 32:28-29
Ezra 9:3-5
Nehemiah 7:2
2 ואצוה את חנני אחי ואת חנניה שׂר הבירה על ירושׁלם כי הוא כאישׁ אמת וירא את האלהים מרבים׃
Job 27:9
9 הצעקתו ישׁמע אל כי תבוא עליו צרה׃
Psalms 15:5
5 כספו לא נתן בנשׁך ושׁחד על נקי לא לקח עשׂה אלה לא ימוט לעולם׃
Psalms 18:41
41 (18:42) ישׁועו ואין מושׁיע על יהוה ולא ענם׃
Psalms 26:10
10 אשׁר בידיהם זמה וימינם מלאה שׁחד׃
Psalms 78:56-59
Psalms 81:11-12
11 (81:12) ולא שׁמע עמי לקולי וישׂראל לא אבה׃
Psalms 81:11
Psalms 106:14-21
Psalms 106:34-40
Psalms 106:35
Psalms 109:4
4 תחת אהבתי ישׂטנוני ואני תפלה׃
Proverbs 1:25-28
Proverbs 21:13
13 אטם אזנו מזעקת דל גם הוא יקרא ולא יענה׃
Ecclesiastes 2:19
19 ומי יודע החכם יהיה או סכל וישׁלט בכל עמלי שׁעמלתי ושׁחכמתי תחת השׁמשׁ גם זה הבל׃
Isaiah 1:15
15 ובפרשׂכם כפיכם אעלים עיני מכם גם כי תרבו תפלה אינני שׁמע ידיכם דמים מלאו׃
Isaiah 8:21
21 ועבר בה נקשׁה ורעב והיה כי ירעב והתקצף וקלל במלכו ובאלהיו ופנה למעלה׃
Isaiah 33:15
15 הלך צדקות ודבר מישׁרים מאס בבצע מעשׁקות נער כפיו מתמך בשׁחד אטם אזנו משׁמע דמים ועצם עיניו מראות ברע׃
Isaiah 39:7
7 ומבניך אשׁר יצאו ממך אשׁר תוליד יקחו והיו סריסים בהיכל מלך בבל׃
Isaiah 66:4
4 גם אני אבחר בתעלליהם ומגורתם אביא להם יען קראתי ואין עונה דברתי ולא שׁמעו ויעשׂו הרע בעיני ובאשׁר לא חפצתי בחרו׃
Jeremiah 7:13
13 ועתה יען עשׂותכם את כל המעשׂים האלה נאם יהוה ואדבר אליכם השׁכם ודבר ולא שׁמעתם ואקרא אתכם ולא עניתם׃
Jeremiah 22:15-17
Jeremiah 44:16
16 הדבר אשׁר דברת אלינו בשׁם יהוה איננו שׁמעים אליך׃
Ezekiel 3:18
18 באמרי לרשׁע מות תמות ולא הזהרתו ולא דברת להזהיר רשׁע מדרכו הרשׁעה לחיתו הוא רשׁע בעונו ימות ודמו מידך אבקשׁ׃
Ezekiel 33:31
31 ויבואו אליך כמבוא עם וישׁבו לפניך עמי ושׁמעו את דבריך ואותם לא יעשׂו כי עגבים בפיהם המה עשׂים אחרי בצעם לבם הלך׃
Ezekiel 45:7-8
Ezekiel 46:18
18 ולא יקח הנשׂיא מנחלת העם להונתם מאחזתם מאחזתו ינחל את בניו למען אשׁר לא יפצו עמי אישׁ מאחזתו׃
Daniel 1:3
3 ויאמר המלך לאשׁפנז רב סריסיו להביא מבני ישׂראל ומזרע המלוכה ומן הפרתמים׃
Daniel 1:7-10
7 וישׂם להם שׂר הסריסים שׁמות וישׂם לדניאל בלטשׁאצר ולחנניה שׁדרך ולמישׁאל מישׁך ולעזריה עבד נגו׃8 וישׂם דניאל על לבו אשׁר לא יתגאל בפתבג המלך וביין משׁתיו ויבקשׁ משׂר הסריסים אשׁר לא יתגאל׃9 ויתן האלהים את דניאל לחסד ולרחמים לפני שׂר הסריסים׃10 ויאמר שׂר הסריסים לדניאל ירא אני את אדני המלך אשׁר מנה את מאכלכם ואת משׁתיכם אשׁר למה יראה את פניכם זעפים מן הילדים אשׁר כגילכם וחיבתם את ראשׁי למלך׃
Daniel 1:18
18 ולמקצת הימים אשׁר אמר המלך להביאם ויביאם שׂר הסריסים לפני נבכדנצר׃
Hosea 13:10-11
Hosea 13:11
11 אתן לך מלך באפי ואקח בעברתי׃
Amos 5:5
5 ואל תדרשׁו בית אל והגלגל לא תבאו ובאר שׁבע לא תעברו כי הגלגל גלה יגלה ובית אל יהיה לאון׃
Micah 3:4
4 אז יזעקו אל יהוה ולא יענה אותם ויסתר פניו מהם בעת ההיא כאשׁר הרעו מעלליהם׃