2 Chronicles Cross References - HOT

¹ ויתחזק שׁלמה בן דויד על מלכותו ויהוה אלהיו עמו ויגדלהו למעלה׃² ויאמר שׁלמה לכל ישׂראל לשׂרי האלפים והמאות ולשׁפטים ולכל נשׂיא לכל ישׂראל ראשׁי האבות׃³ וילכו שׁלמה וכל הקהל עמו לבמה אשׁר בגבעון כי שׁם היה אהל מועד האלהים אשׁר עשׂה משׁה עבד יהוה במדבר׃⁴ אבל ארון האלהים העלה דויד מקרית יערים בהכין לו דויד כי נטה לו אהל בירושׁלם׃⁵ ומזבח הנחשׁת אשׁר עשׂה בצלאל בן אורי בן חור שׂם לפני משׁכן יהוה וידרשׁהו שׁלמה והקהל׃⁶ ויעל שׁלמה שׁם על מזבח הנחשׁת לפני יהוה אשׁר לאהל מועד ויעל עליו עלות אלף׃⁷ בלילה ההוא נראה אלהים לשׁלמה ויאמר לו שׁאל מה אתן׃⁸ ויאמר שׁלמה לאלהים אתה עשׂית עם דויד אבי חסד גדול והמלכתני תחתיו׃⁹ עתה יהוה אלהים יאמן דברך עם דויד אבי כי אתה המלכתני על עם רב כעפר הארץ׃¹⁰ עתה חכמה ומדע תן לי ואצאה לפני העם הזה ואבואה כי מי ישׁפט את עמך הזה הגדול׃¹¹ ויאמר אלהים לשׁלמה יען אשׁר היתה זאת עם לבבך ולא שׁאלת עשׁר נכסים וכבוד ואת נפשׁ שׂנאיך וגם ימים רבים לא שׁאלת ותשׁאל לך חכמה ומדע אשׁר תשׁפוט את עמי אשׁר המלכתיך עליו׃¹² החכמה והמדע נתון לך ועשׁר ונכסים וכבוד אתן לך אשׁר לא היה כן למלכים אשׁר לפניך ואחריך לא יהיה כן׃¹³ ויבא שׁלמה לבמה אשׁר בגבעון ירושׁלם מלפני אהל מועד וימלך על ישׂראל׃¹⁴ ויאסף שׁלמה רכב ופרשׁים ויהי לו אלף וארבע מאות רכב ושׁנים עשׂר אלף פרשׁים ויניחם בערי הרכב ועם המלך בירושׁלם׃¹⁵ ויתן המלך את הכסף ואת הזהב בירושׁלם כאבנים ואת הארזים נתן כשׁקמים אשׁר בשׁפלה לרב׃¹⁶ ומוצא הסוסים אשׁר לשׁלמה ממצרים ומקוא סחרי המלך מקוא יקחו במחיר׃¹⁷ ויעלו ויוציאו ממצרים מרכבה בשׁשׁ מאות כסף וסוס בחמשׁים ומאה וכן לכל מלכי החתים ומלכי ארם בידם יוציאו׃

Genesis 21:22

²² ויהי בעת ההוא ויאמר אבימלך ופיכל שׂר צבאו אל אברהם לאמר אלהים עמך בכל אשׁר אתה עשׂה׃

Genesis 39:2

² ויהי יהוה את יוסף ויהי אישׁ מצליח ויהי בבית אדניו המצרי׃

Genesis 39:21

²¹ ויהי יהוה את יוסף ויט אליו חסד ויתן חנו בעיני שׂר בית הסהר׃

Exodus 3:12

¹² ויאמר כי אהיה עמך וזה לך האות כי אנכי שׁלחתיך בהוציאך את העם ממצרים תעבדון את האלהים על ההר הזה׃

1 Kings 2:12

¹² ושׁלמה ישׁב על כסא דוד אביו ותכן מלכתו מאד׃

1 Kings 2:46

⁴⁶ ויצו המלך את בניהו בן יהוידע ויצא ויפגע בו וימת והממלכה נכונה ביד שׁלמה׃

1 Chronicles 17:8

⁸ ואהיה עמך בכל אשׁר הלכת ואכרית את כל אויביך מפניך ועשׂיתי לך שׁם כשׁם הגדולים אשׁר בארץ׃

1 Chronicles 29:25

²⁵ ויגדל יהוה את שׁלמה למעלה לעיני כל ישׂראל ויתן עליו הוד מלכות אשׁר לא היה על כל מלך לפניו על ישׂראל׃

1 Chronicles 13:1

¹ ויועץ דויד עם שׂרי האלפים והמאות לכל נגיד׃

1 Chronicles 15:3

³ ויקהל דויד את כל ישׂראל אל ירושׁלם להעלות את ארון יהוה אל מקומו אשׁר הכין׃

1 Chronicles 15:12

¹² ויאמר להם אתם ראשׁי האבות ללוים התקדשׁו אתם ואחיכם והעליתם את ארון יהוה אלהי ישׂראל אל הכינותי׃

1 Chronicles 24:4

⁴ וימצאו בני אלעזר רבים לראשׁי הגברים מן בני איתמר ויחלקום לבני אלעזר ראשׁים לבית אבות שׁשׁה עשׂר ולבני איתמר לבית אבותם שׁמונה׃

1 Chronicles 24:31

³¹ ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשׁי האבות לכהנים וללוים אבות הראשׁ לעמת אחיו הקטן׃

1 Chronicles 27:1

¹ ובני ישׂראל למספרם ראשׁי האבות ושׂרי האלפים והמאות ושׁטריהם המשׁרתים את המלך לכל דבר המחלקות הבאה והיצאת חדשׁ בחדשׁ לכל חדשׁי השׁנה המחלקת האחת עשׂרים וארבעה אלף׃

1 Chronicles 28:1

¹ ויקהל דויד את כל שׂרי ישׂראל שׂרי השׁבטים ושׂרי המחלקות המשׁרתים את המלך ושׂרי האלפים ושׂרי המאות ושׂרי כל רכושׁ ומקנה למלך ולבניו עם הסריסים והגבורים ולכל גבור חיל אל ירושׁלם׃

1 Chronicles 29:1

¹ ויאמר דויד המלך לכל הקהל שׁלמה בני אחד בחר בו אלהים נער ורך והמלאכה גדולה כי לא לאדם הבירה כי ליהוה אלהים׃

2 Chronicles 29:20

²⁰ וישׁכם יחזקיהו המלך ויאסף את שׂרי העיר ויעל בית יהוה׃

2 Chronicles 30:2

² ויועץ המלך ושׂריו וכל הקהל בירושׁלם לעשׂות הפסח בחדשׁ השׁני׃

2 Chronicles 34:29-30

²⁹ וישׁלח המלך ויאסף את כל זקני יהודה וירושׁלם׃³⁰ ויעל המלך בית יהוה וכל אישׁ יהודה וישׁבי ירושׁלם והכהנים והלוים וכל העם מגדול ועד קטן ויקרא באזניהם את כל דברי ספר הברית הנמצא בית יהוה׃

Exodus 26:1-37

¹ ואת המשׁכן תעשׂה עשׂר יריעת שׁשׁ משׁזר ותכלת וארגמן ותלעת שׁני כרבים מעשׂה חשׁב תעשׂה אתם׃² ארך היריעה האחת שׁמנה ועשׂרים באמה ורחב ארבע באמה היריעה האחת מדה אחת לכל היריעת׃³ חמשׁ היריעת תהיין חברת אשׁה אל אחתה וחמשׁ יריעת חברת אשׁה אל אחתה׃⁴ ועשׂית ללאת תכלת על שׂפת היריעה האחת מקצה בחברת וכן תעשׂה בשׂפת היריעה הקיצונה במחברת השׁנית׃⁵ חמשׁים ללאת תעשׂה ביריעה האחת וחמשׁים ללאת תעשׂה בקצה היריעה אשׁר במחברת השׁנית מקבילת הללאת אשׁה אל אחתה׃⁶ ועשׂית חמשׁים קרסי זהב וחברת את היריעת אשׁה אל אחתה בקרסים והיה המשׁכן אחד׃⁷ ועשׂית יריעת עזים לאהל על המשׁכן עשׁתי עשׂרה יריעת תעשׂה אתם׃⁸ ארך היריעה האחת שׁלשׁים באמה ורחב ארבע באמה היריעה האחת מדה אחת לעשׁתי עשׂרה יריעת׃⁹ וחברת את חמשׁ היריעת לבד ואת שׁשׁ היריעת לבד וכפלת את היריעה השׁשׁית אל מול פני האהל׃¹⁰ ועשׂית חמשׁים ללאת על שׂפת היריעה האחת הקיצנה בחברת וחמשׁים ללאת על שׂפת היריעה החברת השׁנית׃¹¹ ועשׂית קרסי נחשׁת חמשׁים והבאת את הקרסים בללאת וחברת את האהל והיה אחד׃¹² וסרח העדף ביריעת האהל חצי היריעה העדפת תסרח על אחרי המשׁכן׃¹³ והאמה מזה והאמה מזה בעדף בארך יריעת האהל יהיה סרוח על צדי המשׁכן מזה ומזה לכסתו׃¹⁴ ועשׂית מכסה לאהל ערת אילם מאדמים ומכסה ערת תחשׁים מלמעלה׃¹⁵ ועשׂית את הקרשׁים למשׁכן עצי שׁטים עמדים׃¹⁶ עשׂר אמות ארך הקרשׁ ואמה וחצי האמה רחב הקרשׁ האחד׃¹⁷ שׁתי ידות לקרשׁ האחד משׁלבת אשׁה אל אחתה כן תעשׂה לכל קרשׁי המשׁכן׃¹⁸ ועשׂית את הקרשׁים למשׁכן עשׂרים קרשׁ לפאת נגבה תימנה׃¹⁹ וארבעים אדני כסף תעשׂה תחת עשׂרים הקרשׁ שׁני אדנים תחת הקרשׁ האחד לשׁתי ידתיו ושׁני אדנים תחת הקרשׁ האחד לשׁתי ידתיו׃²⁰ ולצלע המשׁכן השׁנית לפאת צפון עשׂרים קרשׁ׃²¹ וארבעים אדניהם כסף שׁני אדנים תחת הקרשׁ האחד ושׁני אדנים תחת הקרשׁ האחד׃²² ולירכתי המשׁכן ימה תעשׂה שׁשׁה קרשׁים׃²³ ושׁני קרשׁים תעשׂה למקצעת המשׁכן בירכתים׃²⁴ ויהיו תאמם מלמטה ויחדו יהיו תמים על ראשׁו אל הטבעת האחת כן יהיה לשׁניהם לשׁני המקצעת יהיו׃²⁵ והיו שׁמנה קרשׁים ואדניהם כסף שׁשׁה עשׂר אדנים שׁני אדנים תחת הקרשׁ האחד ושׁני אדנים תחת הקרשׁ האחד׃²⁶ ועשׂית בריחם עצי שׁטים חמשׁה לקרשׁי צלע המשׁכן האחד׃²⁷ וחמשׁה בריחם לקרשׁי צלע המשׁכן השׁנית וחמשׁה בריחם לקרשׁי צלע המשׁכן לירכתים ימה׃²⁸ והבריח התיכן בתוך הקרשׁים מברח מן הקצה אל הקצה׃²⁹ ואת הקרשׁים תצפה זהב ואת טבעתיהם תעשׂה זהב בתים לבריחם וצפית את הבריחם זהב׃³⁰ והקמת את המשׁכן כמשׁפטו אשׁר הראית בהר׃³¹ ועשׂית פרכת תכלת וארגמן ותולעת שׁני ושׁשׁ משׁזר מעשׂה חשׁב יעשׂה אתה כרבים׃³² ונתתה אתה על ארבעה עמודי שׁטים מצפים זהב וויהם זהב על ארבעה אדני כסף׃³³ ונתתה את הפרכת תחת הקרסים והבאת שׁמה מבית לפרכת את ארון העדות והבדילה הפרכת לכם בין הקדשׁ ובין קדשׁ הקדשׁים׃³⁴ ונתת את הכפרת על ארון העדת בקדשׁ הקדשׁים׃³⁵ ושׂמת את השׁלחן מחוץ לפרכת ואת המנרה נכח השׁלחן על צלע המשׁכן תימנה והשׁלחן תתן על צלע צפון׃³⁶ ועשׂית מסך לפתח האהל תכלת וארגמן ותולעת שׁני ושׁשׁ משׁזר מעשׂה רקם׃³⁷ ועשׂית למסך חמשׁה עמודי שׁטים וצפית אתם זהב וויהם זהב ויצקת להם חמשׁה אדני נחשׁת׃

Exodus 36:8

⁸ ויעשׂו כל חכם לב בעשׂי המלאכה את המשׁכן עשׂר יריעת שׁשׁ משׁזר ותכלת וארגמן ותולעת שׁני כרבים מעשׂה חשׁב עשׂה אתם׃

Exodus 40:2

² ביום החדשׁ הראשׁון באחד לחדשׁ תקים את משׁכן אהל מועד׃

Exodus 40:34

³⁴ ויכס הענן את אהל מועד וכבוד יהוה מלא את המשׁכן׃

Leviticus 1:1

¹ ויקרא אל משׁה וידבר יהוה אליו מאהל מועד לאמר׃

Deuteronomy 34:5

⁵ וימת שׁם משׁה עבד יהוה בארץ מואב על פי יהוה׃

1 Kings 3:4-15

⁴ וילך המלך גבענה לזבח שׁם כי היא הבמה הגדולה אלף עלות יעלה שׁלמה על המזבח ההוא׃⁵ בגבעון נראה יהוה אל שׁלמה בחלום הלילה ויאמר אלהים שׁאל מה אתן׃⁶ ויאמר שׁלמה אתה עשׂית עם עבדך דוד אבי חסד גדול כאשׁר הלך לפניך באמת ובצדקה ובישׁרת לבב עמך ותשׁמר לו את החסד הגדול הזה ותתן לו בן ישׁב על כסאו כיום הזה׃⁷ ועתה יהוה אלהי אתה המלכת את עבדך תחת דוד אבי ואנכי נער קטן לא אדע צאת ובא׃⁸ ועבדך בתוך עמך אשׁר בחרת עם רב אשׁר לא ימנה ולא יספר מרב׃⁹ ונתת לעבדך לב שׁמע לשׁפט את עמך להבין בין טוב לרע כי מי יוכל לשׁפט את עמך הכבד הזה׃¹⁰ וייטב הדבר בעיני אדני כי שׁאל שׁלמה את הדבר הזה׃¹¹ ויאמר אלהים אליו יען אשׁר שׁאלת את הדבר הזה ולא שׁאלת לך ימים רבים ולא שׁאלת לך עשׁר ולא שׁאלת נפשׁ איביך ושׁאלת לך הבין לשׁמע משׁפט׃¹² הנה עשׂיתי כדבריך הנה נתתי לך לב חכם ונבון אשׁר כמוך לא היה לפניך ואחריך לא יקום כמוך׃¹³ וגם אשׁר לא שׁאלת נתתי לך גם עשׁר גם כבוד אשׁר לא היה כמוך אישׁ במלכים כל ימיך׃¹⁴ ואם תלך בדרכי לשׁמר חקי ומצותי כאשׁר הלך דויד אביך והארכתי את ימיך׃¹⁵ ויקץ שׁלמה והנה חלום ויבוא ירושׁלם ויעמד לפני ארון ברית אדני ויעל עלות ויעשׂ שׁלמים ויעשׂ משׁתה לכל עבדיו׃

1 Chronicles 16:39

³⁹ ואת צדוק הכהן ואחיו הכהנים לפני משׁכן יהוה בבמה אשׁר בגבעון׃

1 Chronicles 21:29

²⁹ ומשׁכן יהוה אשׁר עשׂה משׁה במדבר ומזבח העולה בעת ההיא בבמה בגבעון׃

2 Samuel 6:2

² ויקם וילך דוד וכל העם אשׁר אתו מבעלי יהודה להעלות משׁם את ארון האלהים אשׁר נקרא שׁם שׁם יהוה צבאות ישׁב הכרבים עליו׃

2 Samuel 6:17

¹⁷ ויבאו את ארון יהוה ויצגו אתו במקומו בתוך האהל אשׁר נטה לו דוד ויעל דוד עלות לפני יהוה ושׁלמים׃

1 Chronicles 13:5-6

⁵ ויקהל דויד את כל ישׂראל מן שׁיחור מצרים ועד לבוא חמת להביא את ארון האלהים מקרית יערים׃⁶ ויעל דויד וכל ישׂראל בעלתה אל קרית יערים אשׁר ליהודה להעלות משׁם את ארון האלהים יהוה יושׁב הכרובים אשׁר נקרא שׁם׃

1 Chronicles 15:1

¹ ויעשׂ לו בתים בעיר דויד ויכן מקום לארון האלהים ויט לו אהל׃

1 Chronicles 15:25-28

²⁵ ויהי דויד וזקני ישׂראל ושׂרי האלפים ההלכים להעלות את ארון ברית יהוה מן בית עבד אדם בשׂמחה׃²⁶ ויהי בעזר האלהים את הלוים נשׂאי ארון ברית יהוה ויזבחו שׁבעה פרים ושׁבעה אילים׃²⁷ ודויד מכרבל במעיל בוץ וכל הלוים הנשׂאים את הארון והמשׁררים וכנניה השׂר המשׂא המשׁררים ועל דויד אפוד בד׃²⁸ וכל ישׂראל מעלים את ארון ברית יהוה בתרועה ובקול שׁופר ובחצצרות ובמצלתים משׁמעים בנבלים וכנרות׃

1 Chronicles 16:1

¹ ויביאו את ארון האלהים ויציגו אתו בתוך האהל אשׁר נטה לו דויד ויקריבו עלות ושׁלמים לפני האלהים׃

Psalms 132:5-6

⁵ עד אמצא מקום ליהוה משׁכנות לאביר יעקב׃⁶ הנה שׁמענוה באפרתה מצאנוה בשׂדי יער׃

Exodus 27:1-8

¹ ועשׂית את המזבח עצי שׁטים חמשׁ אמות ארך וחמשׁ אמות רחב רבוע יהיה המזבח ושׁלשׁ אמות קמתו׃² ועשׂית קרנתיו על ארבע פנתיו ממנו תהיין קרנתיו וצפית אתו נחשׁת׃³ ועשׂית סירתיו לדשׁנו ויעיו ומזרקתיו ומזלגתיו ומחתתיו לכל כליו תעשׂה נחשׁת׃⁴ ועשׂית לו מכבר מעשׂה רשׁת נחשׁת ועשׂית על הרשׁת ארבע טבעת נחשׁת על ארבע קצותיו׃⁵ ונתתה אתה תחת כרכב המזבח מלמטה והיתה הרשׁת עד חצי המזבח׃⁶ ועשׂית בדים למזבח בדי עצי שׁטים וצפית אתם נחשׁת׃⁷ והובא את בדיו בטבעת והיו הבדים על שׁתי צלעת המזבח בשׂאת אתו׃⁸ נבוב לחת תעשׂה אתו כאשׁר הראה אתך בהר כן יעשׂו׃

Exodus 31:2

² ראה קראתי בשׁם בצלאל בן אורי בן חור למטה יהודה׃

Exodus 38:1-7

¹ ויעשׂ את מזבח העלה עצי שׁטים חמשׁ אמות ארכו וחמשׁ אמות רחבו רבוע ושׁלשׁ אמות קמתו׃² ויעשׂ קרנתיו על ארבע פנתיו ממנו היו קרנתיו ויצף אתו נחשׁת׃³ ויעשׂ את כל כלי המזבח את הסירת ואת היעים ואת המזרקת את המזלגת ואת המחתת כל כליו עשׂה נחשׁת׃⁴ ויעשׂ למזבח מכבר מעשׂה רשׁת נחשׁת תחת כרכבו מלמטה עד חציו׃⁵ ויצק ארבע טבעת בארבע הקצות למכבר הנחשׁת בתים לבדים׃⁶ ויעשׂ את הבדים עצי שׁטים ויצף אתם נחשׁת׃⁷ ויבא את הבדים בטבעת על צלעת המזבח לשׂאת אתו בהם נבוב לחת עשׂה אתו׃

1 Chronicles 2:19-20

¹⁹ ותמת עזובה ויקח לו כלב את אפרת ותלד לו את חור׃²⁰ וחור הוליד את אורי ואורי הוליד את בצלאל׃

1 Chronicles 13:3

³ ונסבה את ארון אלהינו אלינו כי לא דרשׁנהו בימי שׁאול׃

1 Kings 3:4

⁴ וילך המלך גבענה לזבח שׁם כי היא הבמה הגדולה אלף עלות יעלה שׁלמה על המזבח ההוא׃

1 Kings 8:63

⁶³ ויזבח שׁלמה את זבח השׁלמים אשׁר זבח ליהוה בקר עשׂרים ושׁנים אלף וצאן מאה ועשׂרים אלף ויחנכו את בית יהוה המלך וכל בני ישׂראל׃

1 Chronicles 29:21

²¹ ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשׂים אלף ונסכיהם וזבחים לרב לכל ישׂראל׃

Isaiah 40:16

¹⁶ ולבנון אין די בער וחיתו אין די עולה׃

Proverbs 3:5-6

⁵ בטח אל יהוה בכל לבך ואל בינתך אל תשׁען׃⁶ בכל דרכיך דעהו והוא יישׁר ארחתיך׃

2 Samuel 7:8-9

⁸ ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישׂראל׃⁹ ואהיה עמך בכל אשׁר הלכת ואכרתה את כל איביך מפניך ועשׂתי לך שׁם גדול כשׁם הגדלים אשׁר בארץ׃

2 Samuel 12:7-8

⁷ ויאמר נתן אל דוד אתה האישׁ כה אמר יהוה אלהי ישׂראל אנכי משׁחתיך למלך על ישׂראל ואנכי הצלתיך מיד שׁאול׃⁸ ואתנה לך את בית אדניך ואת נשׁי אדניך בחיקך ואתנה לך את בית ישׂראל ויהודה ואם מעט ואספה לך כהנה וכהנה׃

2 Samuel 22:51-23:1

⁵¹ מגדיל ישׁועות מלכו ועשׂה חסד למשׁיחו לדוד ולזרעו עד עולם׃

1 Chronicles 28:5

⁵ ומכל בני כי רבים בנים נתן לי יהוה ויבחר בשׁלמה בני לשׁבת על כסא מלכות יהוה על ישׂראל׃

1 Chronicles 29:23

²³ וישׁב שׁלמה על כסא יהוה למלך תחת דויד אביו ויצלח וישׁמעו אליו כל ישׂראל׃

Psalms 86:13

¹³ כי חסדך גדול עלי והצלת נפשׁי משׁאול תחתיה׃

Psalms 89:20-28

²⁰ (89:21) מצאתי דוד עבדי בשׁמן קדשׁי משׁחתיו׃²¹ (89:22) אשׁר ידי תכון עמו אף זרועי תאמצנו׃²² (89:23) לא ישׁא אויב בו ובן עולה לא יעננו׃²³ (89:24) וכתותי מפניו צריו ומשׂנאיו אגוף׃²⁴ (89:25) ואמונתי וחסדי עמו ובשׁמי תרום קרנו׃²⁵ (89:26) ושׂמתי בים ידו ובנהרות ימינו׃²⁶ (89:27) הוא יקראני אבי אתה אלי וצור ישׁועתי׃²⁷ (89:28) אף אני בכור אתנהו עליון למלכי ארץ׃²⁸ (89:29) לעולם אשׁמור לו חסדי ובריתי נאמנת׃

Psalms 89:49

⁴⁹ (89:50) איה חסדיך הראשׁנים אדני נשׁבעת לדוד באמונתך׃

Isaiah 55:3

³ הטו אזנכם ולכו אלי שׁמעו ותחי נפשׁכם ואכרתה לכם ברית עולם חסדי דוד הנאמנים׃

Genesis 13:16

¹⁶ ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃

Genesis 22:17

¹⁷ כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃

Numbers 23:10

¹⁰ מי מנה עפר יעקב ומספר את רבע ישׂראל תמת נפשׁי מות ישׁרים ותהי אחריתי כמהו׃

2 Samuel 7:12-16

¹² כי ימלאו ימיך ושׁכבת את אבתיך והקימתי את זרעך אחריך אשׁר יצא ממעיך והכינתי את ממלכתו׃¹³ הוא יבנה בית לשׁמי וכננתי את כסא ממלכתו עד עולם׃¹⁴ אני אהיה לו לאב והוא יהיה לי לבן אשׁר בהעותו והכחתיו בשׁבט אנשׁים ובנגעי בני אדם׃¹⁵ וחסדי לא יסור ממנו כאשׁר הסרתי מעם שׁאול אשׁר הסרתי מלפניך׃¹⁶ ונאמן ביתך וממלכתך עד עולם לפניך כסאך יהיה נכון עד עולם׃

2 Samuel 7:25-29

²⁵ ועתה יהוה אלהים הדבר אשׁר דברת על עבדך ועל ביתו הקם עד עולם ועשׂה כאשׁר דברת׃²⁶ ויגדל שׁמך עד עולם לאמר יהוה צבאות אלהים על ישׂראל ובית עבדך דוד יהיה נכון לפניך׃²⁷ כי אתה יהוה צבאות אלהי ישׂראל גליתה את אזן עבדך לאמר בית אבנה לך על כן מצא עבדך את לבו להתפלל אליך את התפלה הזאת׃²⁸ ועתה אדני יהוה אתה הוא האלהים ודבריך יהיו אמת ותדבר אל עבדך את הטובה הזאת׃²⁹ ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם׃

1 Kings 3:7-8

⁷ ועתה יהוה אלהי אתה המלכת את עבדך תחת דוד אבי ואנכי נער קטן לא אדע צאת ובא׃⁸ ועבדך בתוך עמך אשׁר בחרת עם רב אשׁר לא ימנה ולא יספר מרב׃

1 Chronicles 17:11-14

¹¹ והיה כי מלאו ימיך ללכת עם אבתיך והקימותי את זרעך אחריך אשׁר יהיה מבניך והכינותי את מלכותו׃¹² הוא יבנה לי בית וכננתי את כסאו עד עולם׃¹³ אני אהיה לו לאב והוא יהיה לי לבן וחסדי לא אסיר מעמו כאשׁר הסירותי מאשׁר היה לפניך׃¹⁴ והעמדתיהו בביתי ובמלכותי עד העולם וכסאו יהיה נכון עד עולם׃

1 Chronicles 17:23-27

²³ ועתה יהוה הדבר אשׁר דברת על עבדך ועל ביתו יאמן עד עולם ועשׂה כאשׁר דברת׃²⁴ ויאמן ויגדל שׁמך עד עולם לאמר יהוה צבאות אלהי ישׂראל אלהים לישׂראל ובית דויד עבדך נכון לפניך׃²⁵ כי אתה אלהי גלית את אזן עבדך לבנות לו בית על כן מצא עבדך להתפלל לפניך׃²⁶ ועתה יהוה אתה הוא האלהים ותדבר על עבדך הטובה הזאת׃²⁷ ועתה הואלת לברך את בית עבדך להיות לעולם לפניך כי אתה יהוה ברכת ומברך לעולם׃

1 Chronicles 28:6-7

⁶ ויאמר לי שׁלמה בנך הוא יבנה ביתי וחצרותי כי בחרתי בו לי לבן ואני אהיה לו לאב׃⁷ והכינותי את מלכותו עד לעולם אם יחזק לעשׂות מצותי ומשׁפטי כיום הזה׃

Psalms 89:35-37

³⁵ (89:36) אחת נשׁבעתי בקדשׁי אם לדוד אכזב׃³⁶ (89:37) זרעו לעולם יהיה וכסאו כשׁמשׁ נגדי׃³⁷ (89:38) כירח יכון עולם ועד בשׁחק נאמן סלה׃

Psalms 132:11-12

¹¹ נשׁבע יהוה לדוד אמת לא ישׁוב ממנה מפרי בטנך אשׁית לכסא׃¹² אם ישׁמרו בניך בריתי ועדתי זו אלמדם גם בניהם עדי עד ישׁבו לכסא׃

Numbers 27:17

¹⁷ אשׁר יצא לפניהם ואשׁר יבא לפניהם ואשׁר יוציאם ואשׁר יביאם ולא תהיה עדת יהוה כצאן אשׁר אין להם רעה׃

Deuteronomy 31:2

² ויאמר אלהם בן מאה ועשׂרים שׁנה אנכי היום לא אוכל עוד לצאת ולבוא ויהוה אמר אלי לא תעבר את הירדן הזה׃

2 Samuel 5:2

² גם אתמול גם שׁלשׁום בהיות שׁאול מלך עלינו אתה הייתה מוציא והמבי את ישׂראל ויאמר יהוה לך אתה תרעה את עמי את ישׂראל ואתה תהיה לנגיד על ישׂראל׃

1 Kings 3:9

⁹ ונתת לעבדך לב שׁמע לשׁפט את עמך להבין בין טוב לרע כי מי יוכל לשׁפט את עמך הכבד הזה׃

Psalms 119:34

³⁴ הבינני ואצרה תורתך ואשׁמרנה בכל לב׃

Psalms 119:73

⁷³ ידיך עשׂוני ויכוננוני הבינני ואלמדה מצותיך׃

Proverbs 2:2-6

² להקשׁיב לחכמה אזנך תטה לבך לתבונה׃³ כי אם לבינה תקרא לתבונה תתן קולך׃⁴ אם תבקשׁנה ככסף וכמטמונים תחפשׂנה׃⁵ אז תבין יראת יהוה ודעת אלהים תמצא׃⁶ כי יהוה יתן חכמה מפיו דעת ותבונה׃

Proverbs 3:13-18

¹³ אשׁרי אדם מצא חכמה ואדם יפיק תבונה׃¹⁴ כי טוב סחרה מסחר כסף ומחרוץ תבואתה׃¹⁵ יקרה היא מפניים וכל חפציך לא ישׁוו׃¹⁶ ארך ימים בימינה בשׂמאולה עשׁר וכבוד׃¹⁷ דרכיה דרכי נעם וכל נתיבותיה שׁלום׃¹⁸ עץ חיים היא למחזיקים בה ותמכיה מאשׁר׃

Proverbs 4:7

⁷ ראשׁית חכמה קנה חכמה ובכל קנינך קנה בינה׃

1 Samuel 16:7

⁷ ויאמר יהוה אל שׁמואל אל תבט אל מראהו ואל גבה קומתו כי מאסתיהו כי לא אשׁר יראה האדם כי האדם יראה לעינים ויהוה יראה ללבב׃

1 Kings 3:11-13

¹¹ ויאמר אלהים אליו יען אשׁר שׁאלת את הדבר הזה ולא שׁאלת לך ימים רבים ולא שׁאלת לך עשׁר ולא שׁאלת נפשׁ איביך ושׁאלת לך הבין לשׁמע משׁפט׃¹² הנה עשׂיתי כדבריך הנה נתתי לך לב חכם ונבון אשׁר כמוך לא היה לפניך ואחריך לא יקום כמוך׃¹³ וגם אשׁר לא שׁאלת נתתי לך גם עשׁר גם כבוד אשׁר לא היה כמוך אישׁ במלכים כל ימיך׃

1 Kings 3:28

²⁸ וישׁמעו כל ישׂראל את המשׁפט אשׁר שׁפט המלך ויראו מפני המלך כי ראו כי חכמת אלהים בקרבו לעשׂות משׁפט׃

1 Kings 8:18

¹⁸ ויאמר יהוה אל דוד אבי יען אשׁר היה עם לבבך לבנות בית לשׁמי הטיבת כי היה עם לבבך׃

1 Chronicles 28:2

² ויקם דויד המלך על רגליו ויאמר שׁמעוני אחי ועמי אני עם לבבי לבנות בית מנוחה לארון ברית יהוה ולהדם רגלי אלהינו והכינותי לבנות׃

1 Chronicles 29:17-18

¹⁷ וידעתי אלהי כי אתה בחן לבב ומישׁרים תרצה אני בישׁר לבבי התנדבתי כל אלה ועתה עמך הנמצאו פה ראיתי בשׂמחה להתנדב׃¹⁸ יהוה אלהי אברהם יצחק וישׂראל אבתינו שׁמרה זאת לעולם ליצר מחשׁבות לבב עמך והכן לבבם אליך׃

Proverbs 14:8

⁸ חכמת ערום הבין דרכו ואולת כסילים מרמה׃

Proverbs 23:7

⁷ כי כמו שׁער בנפשׁו כן הוא אכל ושׁתה יאמר לך ולבו בל עמך׃

2 Chronicles 9:22

²² ויגדל המלך שׁלמה מכל מלכי הארץ לעשׁר וחכמה׃

Ecclesiastes 2:9

⁹ וגדלתי והוספתי מכל שׁהיה לפני בירושׁלם אף חכמתי עמדה׃

1 Kings 4:24-25

²⁴ (5:4) כי הוא רדה בכל עבר הנהר מתפסח ועד עזה בכל מלכי עבר הנהר ושׁלום היה לו מכל עבריו מסביב׃²⁵ (5:5) וישׁב יהודה וישׂראל לבטח אישׁ תחת גפנו ותחת תאנתו מדן ועד באר שׁבע כל ימי שׁלמה׃

2 Chronicles 1:3

³ וילכו שׁלמה וכל הקהל עמו לבמה אשׁר בגבעון כי שׁם היה אהל מועד האלהים אשׁר עשׂה משׁה עבד יהוה במדבר׃

Deuteronomy 17:16

¹⁶ רק לא ירבה לו סוסים ולא ישׁיב את העם מצרימה למען הרבות סוס ויהוה אמר לכם לא תספון לשׁוב בדרך הזה עוד׃

1 Kings 4:26

²⁶ (5:6) ויהי לשׁלמה ארבעים אלף ארות סוסים למרכבו ושׁנים עשׂר אלף פרשׁים׃

1 Kings 9:19

¹⁹ ואת כל ערי המסכנות אשׁר היו לשׁלמה ואת ערי הרכב ואת ערי הפרשׁים ואת חשׁק שׁלמה אשׁר חשׁק לבנות בירושׁלם ובלבנון ובכל ארץ ממשׁלתו׃

1 Kings 10:16

¹⁶ ויעשׂ המלך שׁלמה מאתים צנה זהב שׁחוט שׁשׁ מאות זהב יעלה על הצנה האחת׃

1 Kings 10:26-29

²⁶ ויאסף שׁלמה רכב ופרשׁים ויהי לו אלף וארבע מאות רכב ושׁנים עשׂר אלף פרשׁים וינחם בערי הרכב ועם המלך בירושׁלם׃²⁷ ויתן המלך את הכסף בירושׁלם כאבנים ואת הארזים נתן כשׁקמים אשׁר בשׁפלה לרב׃²⁸ ומוצא הסוסים אשׁר לשׁלמה ממצרים ומקוה סחרי המלך יקחו מקוה במחיר׃²⁹ ותעלה ותצא מרכבה ממצרים בשׁשׁ מאות כסף וסוס בחמשׁים ומאה וכן לכל מלכי החתים ולמלכי ארם בידם יצאו׃