1 (13:23) וישׁכב אביה עם אבתיו ויקברו אתו בעיר דויד וימלך אסא בנו תחתיו בימיו שׁקטה הארץ עשׂר שׁנים׃2 (14:1) ויעשׂ אסא הטוב והישׁר בעיני יהוה אלהיו׃3 (14:2) ויסר את מזבחות הנכר והבמות וישׁבר את המצבות ויגדע את האשׁרים׃4 (14:3) ויאמר ליהודה לדרושׁ את יהוה אלהי אבותיהם ולעשׂות התורה והמצוה׃5 (14:4) ויסר מכל ערי יהודה את הבמות ואת החמנים ותשׁקט הממלכה לפניו׃6 (14:5) ויבן ערי מצורה ביהודה כי שׁקטה הארץ ואין עמו מלחמה בשׁנים האלה כי הניח יהוה׃7 (14:6) ויאמר ליהודה נבנה את הערים האלה ונסב חומה ומגדלים דלתים ובריחים עודנו הארץ לפנינו כי דרשׁנו את יהוה אלהינו דרשׁנו וינח לנו מסביב ויבנו ויצליחו׃8 (14:7) ויהי לאסא חיל נשׂא צנה ורמח מיהודה שׁלשׁ מאות אלף ומבנימן נשׂאי מגן ודרכי קשׁת מאתים ושׁמונים אלף כל אלה גבורי חיל׃9 (14:8) ויצא אליהם זרח הכושׁי בחיל אלף אלפים ומרכבות שׁלשׁ מאות ויבא עד מרשׁה׃10 (14:9) ויצא אסא לפניו ויערכו מלחמה בגיא צפתה למרשׁה׃11 (14:10) ויקרא אסא אל יהוה אלהיו ויאמר יהוה אין עמך לעזור בין רב לאין כח עזרנו יהוה אלהינו כי עליך נשׁענו ובשׁמך באנו על ההמון הזה יהוה אלהינו אתה אל יעצר עמך אנושׁ׃12 (14:11) ויגף יהוה את הכושׁים לפני אסא ולפני יהודה וינסו הכושׁים׃13 (14:12) וירדפם אסא והעם אשׁר עמו עד לגרר ויפל מכושׁים לאין להם מחיה כי נשׁברו לפני יהוה ולפני מחנהו וישׂאו שׁלל הרבה מאד׃14 (14:13) ויכו את כל הערים סביבות גרר כי היה פחד יהוה עליהם ויבזו את כל הערים כי בזה רבה היתה׃15 (14:14) וגם אהלי מקנה הכו וישׁבו צאן לרב וגמלים וישׁבו ירושׁלם׃
2 Chronicles 14 Cross References - HOT
1 Kings 2:10
10 וישׁכב דוד עם אבתיו ויקבר בעיר דוד׃
1 Kings 14:31
31 וישׁכב רחבעם עם אבתיו ויקבר עם אבתיו בעיר דוד ושׁם אמו נעמה העמנית וימלך אבים בנו תחתיו׃
1 Kings 15:8-24
8 וישׁכב אבים עם אבתיו ויקברו אתו בעיר דוד וימלך אסא בנו תחתיו׃9 ובשׁנת עשׂרים לירבעם מלך ישׂראל מלך אסא מלך יהודה׃10 וארבעים ואחת שׁנה מלך בירושׁלם ושׁם אמו מעכה בת אבישׁלום׃11 ויעשׂ אסא הישׁר בעיני יהוה כדוד אביו׃12 ויעבר הקדשׁים מן הארץ ויסר את כל הגללים אשׁר עשׂו אבתיו׃13 וגם את מעכה אמו ויסרה מגבירה אשׁר עשׂתה מפלצת לאשׁרה ויכרת אסא את מפלצתה וישׂרף בנחל קדרון׃14 והבמות לא סרו רק לבב אסא היה שׁלם עם יהוה כל ימיו׃15 ויבא את קדשׁי אביו וקדשׁו בית יהוה כסף וזהב וכלים׃16 ומלחמה היתה בין אסא ובין בעשׁא מלך ישׂראל כל ימיהם׃17 ויעל בעשׁא מלך ישׂראל על יהודה ויבן את הרמה לבלתי תת יצא ובא לאסא מלך יהודה׃18 ויקח אסא את כל הכסף והזהב הנותרים באוצרות בית יהוה ואת אוצרות בית מלך ויתנם ביד עבדיו וישׁלחם המלך אסא אל בן הדד בן טברמן בן חזיון מלך ארם הישׁב בדמשׂק לאמר׃19 ברית ביני ובינך בין אבי ובין אביך הנה שׁלחתי לך שׁחד כסף וזהב לך הפרה את בריתך את בעשׁא מלך ישׂראל ויעלה מעלי׃20 וישׁמע בן הדד אל המלך אסא וישׁלח את שׂרי החילים אשׁר לו על ערי ישׂראל ויך את עיון ואת דן ואת אבל בית מעכה ואת כל כנרות על כל ארץ נפתלי׃21 ויהי כשׁמע בעשׁא ויחדל מבנות את הרמה וישׁב בתרצה׃22 והמלך אסא השׁמיע את כל יהודה אין נקי וישׂאו את אבני הרמה ואת עציה אשׁר בנה בעשׁא ויבן בם המלך אסא את גבע בנימן ואת המצפה׃23 ויתר כל דברי אסא וכל גבורתו וכל אשׁר עשׂה והערים אשׁר בנה הלא המה כתובים על ספר דברי הימים למלכי יהודה רק לעת זקנתו חלה את רגליו׃24 וישׁכב אסא עם אבתיו ויקבר עם אבתיו בעיר דוד אביו וימלך יהושׁפט בנו תחתיו׃
1 Chronicles 3:10
10 ובן שׁלמה רחבעם אביה בנו אסא בנו יהושׁפט בנו׃
2 Chronicles 9:31
31 וישׁכב שׁלמה עם אבתיו ויקברהו בעיר דויד אביו וימלך רחבעם בנו תחתיו׃
1 Kings 15:11
11 ויעשׂ אסא הישׁר בעיני יהוה כדוד אביו׃
1 Kings 15:14
14 והבמות לא סרו רק לבב אסא היה שׁלם עם יהוה כל ימיו׃
2 Chronicles 31:20
20 ויעשׂ כזאת יחזקיהו בכל יהודה ויעשׂ הטוב והישׁר והאמת לפני יהוה אלהיו׃
Exodus 34:13
13 כי את מזבחתם תתצון ואת מצבתם תשׁברון ואת אשׁריו תכרתון׃
Leviticus 26:30
30 והשׁמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשׁי אתכם׃
Deuteronomy 7:5
5 כי אם כה תעשׂו להם מזבחתיהם תתצו ומצבתם תשׁברו ואשׁירהם תגדעון ופסיליהם תשׂרפון באשׁ׃
Deuteronomy 7:25
25 פסילי אלהיהם תשׂרפון באשׁ לא תחמד כסף וזהב עליהם ולקחת לך פן תוקשׁ בו כי תועבת יהוה אלהיך הוא׃
Judges 6:25-28
25 ויהי בלילה ההוא ויאמר לו יהוה קח את פר השׁור אשׁר לאביך ופר השׁני שׁבע שׁנים והרסת את מזבח הבעל אשׁר לאביך ואת האשׁרה אשׁר עליו תכרת׃26 ובנית מזבח ליהוה אלהיך על ראשׁ המעוז הזה במערכה ולקחת את הפר השׁני והעלית עולה בעצי האשׁרה אשׁר תכרת׃27 ויקח גדעון עשׂרה אנשׁים מעבדיו ויעשׂ כאשׁר דבר אליו יהוה ויהי כאשׁר ירא את בית אביו ואת אנשׁי העיר מעשׂות יומם ויעשׂ לילה׃28 וישׁכימו אנשׁי העיר בבקר והנה נתץ מזבח הבעל והאשׁרה אשׁר עליו כרתה ואת הפר השׁני העלה על המזבח הבנוי׃
1 Kings 11:7-8
1 Kings 14:22-24
1 Kings 15:12-14
2 Kings 18:4
4 הוא הסיר את הבמות ושׁבר את המצבת וכרת את האשׁרה וכתת נחשׁ הנחשׁת אשׁר עשׂה משׁה כי עד הימים ההמה היו בני ישׂראל מקטרים לו ויקרא לו נחשׁתן׃
2 Kings 23:6
6 ויצא את האשׁרה מבית יהוה מחוץ לירושׁלם אל נחל קדרון וישׂרף אתה בנחל קדרון וידק לעפר וישׁלך את עפרה על קבר בני העם׃
2 Kings 23:14
14 ושׁבר את המצבות ויכרת את האשׁרים וימלא את מקומם עצמות אדם׃
2 Chronicles 15:17
17 והבמות לא סרו מישׂראל רק לבב אסא היה שׁלם כל ימיו׃
2 Chronicles 34:4
4 וינתצו לפניו את מזבחות הבעלים והחמנים אשׁר למעלה מעליהם גדע והאשׁרים והפסלים והמסכות שׁבר והדק ויזרק על פני הקברים הזבחים׃
Genesis 18:19
19 כי ידעתיו למען אשׁר יצוה את בניו ואת ביתו אחריו ושׁמרו דרך יהוה לעשׂות צדקה ומשׁפט למען הביא יהוה על אברהם את אשׁר דבר עליו׃
Joshua 24:15
15 ואם רע בעיניכם לעבד את יהוה בחרו לכם היום את מי תעבדון אם את אלהים אשׁר עבדו אבותיכם אשׁר בעבר הנהר ואם את אלהי האמרי אשׁר אתם ישׁבים בארצם ואנכי וביתי נעבד את יהוה׃
1 Samuel 3:13
13 והגדתי לו כי שׁפט אני את ביתו עד עולם בעון אשׁר ידע כי מקללים להם בניו ולא כהה׃
2 Chronicles 11:16
16 ואחריהם מכל שׁבטי ישׂראל הנתנים את לבבם לבקשׁ את יהוה אלהי ישׂראל באו ירושׁלם לזבוח ליהוה אלהי אבותיהם׃
2 Chronicles 29:21
21 ויביאו פרים שׁבעה ואילים שׁבעה וכבשׂים שׁבעה וצפירי עזים שׁבעה לחטאת על הממלכה ועל המקדשׁ ועל יהודה ויאמר לבני אהרן הכהנים להעלות על מזבח יהוה׃
2 Chronicles 29:27
27 ויאמר חזקיהו להעלות העלה להמזבח ובעת החל העולה החל שׁיר יהוה והחצצרות ועל ידי כלי דויד מלך ישׂראל׃
2 Chronicles 29:30
30 ויאמר יחזקיהו המלך והשׂרים ללוים להלל ליהוה בדברי דויד ואסף החזה ויהללו עד לשׂמחה ויקדו וישׁתחוו׃
2 Chronicles 30:12
12 גם ביהודה היתה יד האלהים לתת להם לב אחד לעשׂות מצות המלך והשׂרים בדבר יהוה׃
2 Chronicles 30:19
19 כל לבבו הכין לדרושׁ האלהים יהוה אלהי אבותיו ולא כטהרת הקדשׁ׃
2 Chronicles 33:16
16 ויכן את מזבח יהוה ויזבח עליו זבחי שׁלמים ותודה ויאמר ליהודה לעבוד את יהוה אלהי ישׂראל׃
2 Chronicles 34:32-33
Ezra 10:7-12
7 ויעבירו קול ביהודה וירושׁלם לכל בני הגולה להקבץ ירושׁלם׃8 וכל אשׁר לא יבוא לשׁלשׁת הימים כעצת השׂרים והזקנים יחרם כל רכושׁו והוא יבדל מקהל הגולה׃9 ויקבצו כל אנשׁי יהודה ובנימן ירושׁלם לשׁלשׁת הימים הוא חדשׁ התשׁיעי בעשׂרים בחדשׁ וישׁבו כל העם ברחוב בית האלהים מרעידים על הדבר ומהגשׁמים׃10 ויקם עזרא הכהן ויאמר אלהם אתם מעלתם ותשׁיבו נשׁים נכריות להוסיף על אשׁמת ישׂראל׃11 ועתה תנו תודה ליהוה אלהי אבתיכם ועשׂו רצונו והבדלו מעמי הארץ ומן הנשׁים הנכריות׃12 ויענו כל הקהל ויאמרו קול גדול כן כדבריך עלינו לעשׂות׃
Nehemiah 10:29-39
29 (10:30) מחזיקים על אחיהם אדיריהם ובאים באלה ובשׁבועה ללכת בתורת האלהים אשׁר נתנה ביד משׁה עבד האלהים ולשׁמור ולעשׂות את כל מצות יהוה אדנינו ומשׁפטיו וחקיו׃30 (10:31) ואשׁר לא נתן בנתינו לעמי הארץ ואת בנתיהם לא נקח לבנינו׃31 (10:32) ועמי הארץ המביאים את המקחות וכל שׁבר ביום השׁבת למכור לא נקח מהם בשׁבת וביום קדשׁ ונטשׁ את השׁנה השׁביעית ומשׁא כל יד׃32 (10:33) והעמדנו עלינו מצות לתת עלינו שׁלשׁית השׁקל בשׁנה לעבדת בית אלהינו׃33 (10:34) ללחם המערכת ומנחת התמיד ולעולת התמיד השׁבתות החדשׁים למועדים ולקדשׁים ולחטאות לכפר על ישׂראל וכל מלאכת בית אלהינו׃34 (10:35) והגורלות הפלנו על קרבן העצים הכהנים הלוים והעם להביא לבית אלהינו לבית אבתינו לעתים מזמנים שׁנה בשׁנה לבער על מזבח יהוה אלהינו ככתוב בתורה׃35 (10:36) ולהביא את בכורי אדמתנו ובכורי כל פרי כל עץ שׁנה בשׁנה לבית יהוה׃36 (10:37) ואת בכרות בנינו ובהמתינו ככתוב בתורה ואת בכורי בקרינו וצאנינו להביא לבית אלהינו לכהנים המשׁרתים בבית אלהינו׃37 (10:38) ואת ראשׁית עריסתינו ותרומתינו ופרי כל עץ תירושׁ ויצהר נביא לכהנים אל לשׁכות בית אלהינו ומעשׂר אדמתנו ללוים והם הלוים המעשׂרים בכל ערי עבדתנו׃38 (10:39) והיה הכהן בן אהרן עם הלוים בעשׂר הלוים והלוים יעלו את מעשׂר המעשׂר לבית אלהינו אל הלשׁכות לבית האוצר׃39 (10:40) כי אל הלשׁכות יביאו בני ישׂראל ובני הלוי את תרומת הדגן התירושׁ והיצהר ושׁם כלי המקדשׁ והכהנים המשׁרתים והשׁוערים והמשׁררים ולא נעזב את בית אלהינו׃
Nehemiah 13:9
9 ואמרה ויטהרו הלשׁכות ואשׁיבה שׁם כלי בית האלהים את המנחה והלבונה׃
Nehemiah 13:19-22
19 ויהי כאשׁר צללו שׁערי ירושׁלם לפני השׁבת ואמרה ויסגרו הדלתות ואמרה אשׁר לא יפתחום עד אחר השׁבת ומנערי העמדתי על השׁערים לא יבוא משׂא ביום השׁבת׃20 וילינו הרכלים ומכרי כל ממכר מחוץ לירושׁלם פעם ושׁתים׃21 ואעידה בהם ואמרה אליהם מדוע אתם לנים נגד החומה אם תשׁנו יד אשׁלח בכם מן העת ההיא לא באו בשׁבת׃22 ואמרה ללוים אשׁר יהיו מטהרים ובאים שׁמרים השׁערים לקדשׁ את יום השׁבת גם זאת זכרה לי אלהי וחוסה עלי כרב חסדך׃
Psalms 101:2-8
2 אשׂכילה בדרך תמים מתי תבוא אלי אתהלך בתם לבבי בקרב ביתי׃3 לא אשׁית לנגד עיני דבר בליעל עשׂה סטים שׂנאתי לא ידבק׃4 לבב עקשׁ יסור ממני רע לא אדע׃5 מלושׁני בסתר רעהו אותו אצמית גבה עינים ורחב לבב אתו לא אוכל׃6 עיני בנאמני ארץ לשׁבת עמדי הלך בדרך תמים הוא ישׁרתני׃7 לא ישׁב בקרב ביתי עשׂה רמיה דבר שׁקרים לא יכון לנגד עיני׃8 לבקרים אצמית כל רשׁעי ארץ להכרית מעיר יהוה כל פעלי און׃
Psalms 119:10
10 בכל לבי דרשׁתיך אל תשׁגני ממצותיך׃
Isaiah 55:6-7
Amos 5:4
4 כי כה אמר יהוה לבית ישׂראל דרשׁוני וחיו׃
2 Chronicles 34:7
7 וינתץ את המזבחות ואת האשׁרים והפסלים כתת להדק וכל החמנים גדע בכל ארץ ישׂראל וישׁב לירושׁלם׃
Joshua 23:1
1 ויהי מימים רבים אחרי אשׁר הניח יהוה לישׂראל מכל איביהם מסביב ויהושׁע זקן בא בימים׃
Judges 3:11
11 ותשׁקט הארץ ארבעים שׁנה וימת עתניאל בן קנז׃
Judges 3:30
30 ותכנע מואב ביום ההוא תחת יד ישׂראל ותשׁקט הארץ שׁמונים שׁנה׃
Judges 5:31
31 כן יאבדו כל אויביך יהוה ואהביו כצאת השׁמשׁ בגברתו ותשׁקט הארץ ארבעים שׁנה׃
1 Kings 5:4
4 (5:18) ועתה הניח יהוה אלהי לי מסביב אין שׂטן ואין פגע רע׃
1 Chronicles 22:9
9 הנה בן נולד לך הוא יהיה אישׁ מנוחה והנחותי לו מכל אויביו מסביב כי שׁלמה יהיה שׁמו ושׁלום ושׁקט אתן על ישׂראל בימיו׃
2 Chronicles 8:2-6
2 והערים אשׁר נתן חורם לשׁלמה בנה שׁלמה אתם ויושׁב שׁם את בני ישׂראל׃3 וילך שׁלמה חמת צובה ויחזק עליה׃4 ויבן את תדמר במדבר ואת כל ערי המסכנות אשׁר בנה בחמת׃5 ויבן את בית חורון העליון ואת בית חורון התחתון ערי מצור חומות דלתים ובריח׃6 ואת בעלת ואת כל ערי המסכנות אשׁר היו לשׁלמה ואת כל ערי הרכב ואת ערי הפרשׁים ואת כל חשׁק שׁלמה אשׁר חשׁק לבנות בירושׁלם ובלבנון ובכל ארץ ממשׁלתו׃
2 Chronicles 11:5-12
5 וישׁב רחבעם בירושׁלם ויבן ערים למצור ביהודה׃6 ויבן את בית לחם ואת עיטם ואת תקוע׃7 ואת בית צור ואת שׂוכו ואת עדלם׃8 ואת גת ואת מרשׁה ואת זיף׃9 ואת אדורים ואת לכישׁ ואת עזקה׃10 ואת צרעה ואת אילון ואת חברון אשׁר ביהודה ובבנימן ערי מצרות׃11 ויחזק את המצרות ויתן בהם נגידים ואצרות מאכל ושׁמן ויין׃12 ובכל עיר ועיר צנות ורמחים ויחזקם להרבה מאד ויהי לו יהודה ובנימן׃
2 Chronicles 15:15
15 וישׂמחו כל יהודה על השׁבועה כי בכל לבבם נשׁבעו ובכל רצונם בקשׁהו וימצא להם וינח יהוה להם מסביב׃
Job 34:29
29 והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃
Psalms 46:9
9 (46:10) משׁבית מלחמות עד קצה הארץ קשׁת ישׁבר וקצץ חנית עגלות ישׂרף באשׁ׃
1 Chronicles 28:9
9 ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃
2 Chronicles 8:5
5 ויבן את בית חורון העליון ואת בית חורון התחתון ערי מצור חומות דלתים ובריח׃
2 Chronicles 14:4
4 (14:3) ויאמר ליהודה לדרושׁ את יהוה אלהי אבותיהם ולעשׂות התורה והמצוה׃
2 Chronicles 14:6
6 (14:5) ויבן ערי מצורה ביהודה כי שׁקטה הארץ ואין עמו מלחמה בשׁנים האלה כי הניח יהוה׃
2 Chronicles 32:5
5 ויתחזק ויבן את כל החומה הפרוצה ויעל על המגדלות ולחוצה החומה אחרת ויחזק את המלוא עיר דויד ויעשׂ שׁלח לרב ומגנים׃
Psalms 105:3-4
Jeremiah 29:12-14
2 Chronicles 11:1
1 ויבא רחבעם ירושׁלם ויקהל את בית יהודה ובנימן מאה ושׁמונים אלף בחור עשׂה מלחמה להלחם עם ישׂראל להשׁיב את הממלכה לרחבעם׃
2 Chronicles 13:3
3 ויאסר אביה את המלחמה בחיל גבורי מלחמה ארבע מאות אלף אישׁ בחור וירבעם ערך עמו מלחמה בשׁמונה מאות אלף אישׁ בחור גבור חיל׃
2 Chronicles 17:14-19
14 ואלה פקדתם לבית אבותיהם ליהודה שׂרי אלפים עדנה השׂר ועמו גבורי חיל שׁלשׁ מאות אלף׃15 ועל ידו יהוחנן השׂר ועמו מאתים ושׁמונים אלף׃16 ועל ידו עמסיה בן זכרי המתנדב ליהוה ועמו מאתים אלף גבור חיל׃17 ומן בנימן גבור חיל אלידע ועמו נשׁקי קשׁת ומגן מאתים אלף׃18 ועל ידו יהוזבד ועמו מאה ושׁמונים אלף חלוצי צבא׃19 אלה המשׁרתים את המלך מלבד אשׁר נתן המלך בערי המבצר בכל יהודה׃
2 Chronicles 25:5
5 ויקבץ אמציהו את יהודה ויעמידם לבית אבות לשׂרי האלפים ולשׂרי המאות לכל יהודה ובנימן ויפקדם למבן עשׂרים שׁנה ומעלה וימצאם שׁלשׁ מאות אלף בחור יוצא צבא אחז רמח וצנה׃
Joshua 15:44
44 וקעילה ואכזיב ומראשׁה ערים תשׁע וחצריהן׃
2 Kings 19:9
9 וישׁמע אל תרהקה מלך כושׁ לאמר הנה יצא להלחם אתך וישׁב וישׁלח מלאכים אל חזקיהו לאמר׃
2 Chronicles 11:8
8 ואת גת ואת מרשׁה ואת זיף׃
2 Chronicles 12:2-3
2 Chronicles 16:8
8 הלא הכושׁים והלובים היו לחיל לרב לרכב ולפרשׁים להרבה מאד ובהשׁענך על יהוה נתנם בידך׃
Isaiah 8:9-10
Ezekiel 30:5
5 כושׁ ופוט ולוד וכל הערב וכוב ובני ארץ הברית אתם בחרב יפלו׃
Micah 1:15
15 עד הירשׁ אבי לך יושׁבת מרשׁה עד עדלם יבוא כבוד ישׂראל׃
Joshua 19:4
4 ואלתולד ובתול וחרמה׃
Judges 1:17
17 וילך יהודה את שׁמעון אחיו ויכו את הכנעני יושׁב צפת ויחרימו אותה ויקרא את שׁם העיר חרמה׃
Exodus 14:10
10 ופרעה הקריב וישׂאו בני ישׂראל את עיניהם והנה מצרים נסע אחריהם וייראו מאד ויצעקו בני ישׂראל אל יהוה׃
Leviticus 26:8
8 ורדפו מכם חמשׁה מאה ומאה מכם רבבה ירדפו ונפלו איביכם לפניכם לחרב׃
Deuteronomy 32:27
27 לולי כעס אויב אגור פן ינכרו צרימו פן יאמרו ידנו רמה ולא יהוה פעל כל זאת׃
Deuteronomy 32:30
30 איכה ירדף אחד אלף ושׁנים יניסו רבבה אם לא כי צורם מכרם ויהוה הסגירם׃
Deuteronomy 32:36
36 כי ידין יהוה עמו ועל עבדיו יתנחם כי יראה כי אזלת יד ואפס עצור ועזוב׃
Joshua 7:8-9
Judges 7:7
7 ויאמר יהוה אל גדעון בשׁלשׁ מאות האישׁ המלקקים אושׁיע אתכם ונתתי את מדין בידך וכל העם ילכו אישׁ למקמו׃
1 Samuel 2:9
9 רגלי חסידו ישׁמר ורשׁעים בחשׁך ידמו כי לא בכח יגבר אישׁ׃
1 Samuel 14:6
6 ויאמר יהונתן אל הנער נשׂא כליו לכה ונעברה אל מצב הערלים האלה אולי יעשׂה יהוה לנו כי אין ליהוה מעצור להושׁיע ברב או במעט׃
1 Samuel 17:35-36
1 Samuel 17:45-46
1 Kings 20:27-30
27 ובני ישׂראל התפקדו וכלכלו וילכו לקראתם ויחנו בני ישׂראל נגדם כשׁני חשׂפי עזים וארם מלאו את הארץ׃28 ויגשׁ אישׁ האלהים ויאמר אל מלך ישׂראל ויאמר כה אמר יהוה יען אשׁר אמרו ארם אלהי הרים יהוה ולא אלהי עמקים הוא ונתתי את כל ההמון הגדול הזה בידך וידעתם כי אני יהוה׃29 ויחנו אלה נכח אלה שׁבעת ימים ויהי ביום השׁביעי ותקרב המלחמה ויכו בני ישׂראל את ארם מאה אלף רגלי ביום אחד׃30 וינסו הנותרים אפקה אל העיר ותפל החומה על עשׂרים ושׁבעה אלף אישׁ הנותרים ובן הדד נס ויבא אל העיר חדר בחדר׃
1 Chronicles 5:20
20 ויעזרו עליהם וינתנו בידם ההגריאים וכל שׁעמהם כי לאלהים זעקו במלחמה ונעתור להם כי בטחו׃
2 Chronicles 13:12
12 והנה עמנו בראשׁ האלהים וכהניו וחצצרות התרועה להריע עליכם בני ישׂראל אל תלחמו עם יהוה אלהי אבתיכם כי לא תצליחו׃
2 Chronicles 13:14
14 ויפנו יהודה והנה להם המלחמה פנים ואחור ויצעקו ליהוה והכהנים מחצצרים בחצצרות׃
2 Chronicles 13:18
18 ויכנעו בני ישׂראל בעת ההיא ויאמצו בני יהודה כי נשׁענו על יהוה אלהי אבותיהם׃
2 Chronicles 18:31
31 ויהי כראות שׂרי הרכב את יהושׁפט והמה אמרו מלך ישׂראל הוא ויסבו עליו להלחם ויזעק יהושׁפט ויהוה עזרו ויסיתם אלהים ממנו׃
2 Chronicles 20:12
12 אלהינו הלא תשׁפט בם כי אין בנו כח לפני ההמון הרב הזה הבא עלינו ואנחנו לא נדע מה נעשׂה כי עליך עינינו׃
2 Chronicles 32:8
8 עמו זרוע בשׂר ועמנו יהוה אלהינו לעזרנו ולהלחם מלחמתנו ויסמכו העם על דברי יחזקיהו מלך יהודה׃
2 Chronicles 32:20
20 ויתפלל יחזקיהו המלך וישׁעיהו בן אמוץ הנביא על זאת ויזעקו השׁמים׃
Psalms 9:19
19 (9:20) קומה יהוה אל יעז אנושׁ ישׁפטו גוים על פניך׃
Psalms 18:6
6 (18:7) בצר לי אקרא יהוה ואל אלהי אשׁוע ישׁמע מהיכלו קולי ושׁועתי לפניו תבוא באזניו׃
Psalms 20:5
5 (20:6) נרננה בישׁועתך ובשׁם אלהינו נדגל ימלא יהוה כל משׁאלותיך׃
Psalms 20:7
7 (20:8) אלה ברכב ואלה בסוסים ואנחנו בשׁם יהוה אלהינו נזכיר׃
Psalms 22:5
5 (22:6) אליך זעקו ונמלטו בך בטחו ולא בושׁו׃
Psalms 34:6
6 (34:7) זה עני קרא ויהוה שׁמע ומכל צרותיו הושׁיעו׃
Psalms 37:5
5 גול על יהוה דרכך ובטח עליו והוא יעשׂה׃
Psalms 50:15
15 וקראני ביום צרה אחלצך ותכבדני׃
Psalms 79:9-10
Psalms 91:15
15 יקראני ואענהו עמו אנכי בצרה אחלצהו ואכבדהו׃
Psalms 120:1
1 שׁיר המעלות אל יהוה בצרתה לי קראתי ויענני׃
Proverbs 18:10
10 מגדל עז שׁם יהוה בו ירוץ צדיק ונשׂגב׃
Isaiah 2:22
22 חדלו לכם מן האדם אשׁר נשׁמה באפו כי במה נחשׁב הוא׃
Isaiah 26:3-4
Isaiah 26:13
13 יהוה אלהינו בעלונו אדנים זולתך לבד בך נזכיר שׁמך׃
Isaiah 40:29-31
Isaiah 41:10-14
10 אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃11 הן יבשׁו ויכלמו כל הנחרים בך יהיו כאין ויאבדו אנשׁי ריבך׃12 תבקשׁם ולא תמצאם אנשׁי מצתך יהיו כאין וכאפס אנשׁי מלחמתך׃13 כי אני יהוה אלהיך מחזיק ימינך האמר לך אל תירא אני עזרתיך׃14 אל תיראי תולעת יעקב מתי ישׂראל אני עזרתיך נאם יהוה וגאלך קדושׁ ישׂראל׃
Jeremiah 1:19
19 ונלחמו אליך ולא יוכלו לך כי אתך אני נאם יהוה להצילך׃
Amos 5:9
9 המבליג שׁד על עז ושׁד על מבצר יבוא׃
Zechariah 2:8
8 (2:12) כי כה אמר יהוה צבאות אחר כבוד שׁלחני אל הגוים השׁללים אתכם כי הנגע בכם נגע בבבת עינו׃
Exodus 14:25
25 ויסר את אפן מרכבתיו וינהגהו בכבדת ויאמר מצרים אנוסה מפני ישׂראל כי יהוה נלחם להם במצרים׃
Deuteronomy 28:7
7 יתן יהוה את איביך הקמים עליך נגפים לפניך בדרך אחד יצאו אליך ובשׁבעה דרכים ינוסו לפניך׃
Deuteronomy 32:39
39 ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃
Joshua 10:10
10 ויהמם יהוה לפני ישׂראל ויכם מכה גדולה בגבעון וירדפם דרך מעלה בית חורן ויכם עד עזקה ועד מקדה׃
2 Chronicles 13:15
15 ויריעו אישׁ יהודה ויהי בהריע אישׁ יהודה והאלהים נגף את ירבעם וכל ישׂראל לפני אביה ויהודה׃
2 Chronicles 20:22
22 ובעת החלו ברנה ותהלה נתן יהוה מארבים על בני עמון מואב והר שׂעיר הבאים ליהודה וינגפו׃
Psalms 60:12
12 (60:14) באלהים נעשׂה חיל והוא יבוס צרינו׃
Psalms 136:17-18
Genesis 10:1
1 ואלה תולדת בני נח שׁם חם ויפת ויולדו להם בנים אחר המבול׃
Genesis 10:19
19 ויהי גבול הכנעני מצידן באכה גררה עד עזה באכה סדמה ועמרה ואדמה וצבים עד לשׁע׃
Genesis 20:1
1 ויסע משׁם אברהם ארצה הנגב וישׁב בין קדשׁ ובין שׁור ויגר בגרר׃
Genesis 26:1
1 ויהי רעב בארץ מלבד הרעב הראשׁון אשׁר היה בימי אברהם וילך יצחק אל אבימלך מלך פלשׁתים גררה׃
Joshua 5:14
14 ויאמר לא כי אני שׂר צבא יהוה עתה באתי ויפל יהושׁע אל פניו ארצה וישׁתחו ויאמר לו מה אדני מדבר אל עבדו׃
1 Samuel 25:28
28 שׂא נא לפשׁע אמתך כי עשׂה יעשׂה יהוה לאדני בית נאמן כי מלחמות יהוה אדני נלחם ורעה לא תמצא בך מימיך׃
1 Chronicles 12:22
22 (12:23) כי לעת יום ביום יבאו על דויד לעזרו עד למחנה גדול כמחנה אלהים׃
2 Chronicles 14:14
14 (14:13) ויכו את כל הערים סביבות גרר כי היה פחד יהוה עליהם ויבזו את כל הערים כי בזה רבה היתה׃
Job 6:9
9 ויאל אלוה וידכאני יתר ידו ויבצעני׃
Job 9:4
4 חכם לבב ואמיץ כח מי הקשׁה אליו וישׁלם׃
Psalms 108:11
11 (108:12) הלא אלהים זנחתנו ולא תצא אלהים בצבאתינו׃
Genesis 35:5
5 ויסעו ויהי חתת אלהים על הערים אשׁר סביבותיהם ולא רדפו אחרי בני יעקב׃
Deuteronomy 2:25
25 היום הזה אחל תת פחדך ויראתך על פני העמים תחת כל השׁמים אשׁר ישׁמעון שׁמעך ורגזו וחלו מפניך׃
Joshua 2:9-11
9 ותאמר אל האנשׁים ידעתי כי נתן יהוה לכם את הארץ וכי נפלה אימתכם עלינו וכי נמגו כל ישׁבי הארץ מפניכם׃10 כי שׁמענו את אשׁר הובישׁ יהוה את מי ים סוף מפניכם בצאתכם ממצרים ואשׁר עשׂיתם לשׁני מלכי האמרי אשׁר בעבר הירדן לסיחן ולעוג אשׁר החרמתם אותם׃11 ונשׁמע וימס לבבנו ולא קמה עוד רוח באישׁ מפניכם כי יהוה אלהיכם הוא אלהים בשׁמים ממעל ועל הארץ מתחת׃
Joshua 2:24
24 ויאמרו אל יהושׁע כי נתן יהוה בידנו את כל הארץ וגם נמגו כל ישׁבי הארץ מפנינו׃
Joshua 5:1
1 ויהי כשׁמע כל מלכי האמרי אשׁר בעבר הירדן ימה וכל מלכי הכנעני אשׁר על הים את אשׁר הובישׁ יהוה את מי הירדן מפני בני ישׂראל עד עברנו וימס לבבם ולא היה בם עוד רוח מפני בני ישׂראל׃
Judges 14:19
19 ותצלח עליו רוח יהוה וירד אשׁקלון ויך מהם שׁלשׁים אישׁ ויקח את חליצותם ויתן החליפות למגידי החידה ויחר אפו ויעל בית אביהו׃
1 Samuel 14:15
15 ותהי חרדה במחנה בשׂדה ובכל העם המצב והמשׁחית חרדו גם המה ותרגז הארץ ותהי לחרדת אלהים׃
2 Kings 7:6-8
6 ואדני השׁמיע את מחנה ארם קול רכב קול סוס קול חיל גדול ויאמרו אישׁ אל אחיו הנה שׂכר עלינו מלך ישׂראל את מלכי החתים ואת מלכי מצרים לבוא עלינו׃7 ויקומו וינוסו בנשׁף ויעזבו את אהליהם ואת סוסיהם ואת חמריהם המחנה כאשׁר היא וינסו אל נפשׁם׃8 ויבאו המצרעים האלה עד קצה המחנה ויבאו אל אהל אחד ויאכלו וישׁתו וישׂאו משׁם כסף וזהב ובגדים וילכו ויטמנו וישׁבו ויבאו אל אהל אחר וישׂאו משׁם וילכו ויטמנו׃
2 Kings 7:16
16 ויצא העם ויבזו את מחנה ארם ויהי סאה סלת בשׁקל וסאתים שׂערים בשׁקל כדבר יהוה׃
2 Chronicles 17:10
10 ויהי פחד יהוה על כל ממלכות הארצות אשׁר סביבות יהודה ולא נלחמו עם יהושׁפט׃
2 Chronicles 20:25
25 ויבא יהושׁפט ועמו לבז את שׁללם וימצאו בהם לרב ורכושׁ ופגרים וכלי חמדות וינצלו להם לאין משׂא ויהיו ימים שׁלושׁה בזזים את השׁלל כי רב הוא׃
2 Chronicles 20:29
29 ויהי פחד אלהים על כל ממלכות הארצות בשׁמעם כי נלחם יהוה עם אויבי ישׂראל׃
Job 15:21
21 קול פחדים באזניו בשׁלום שׁודד יבואנו׃
Psalms 48:5-6
Psalms 68:12
12 (68:13) מלכי צבאות ידדון ידדון ונות בית תחלק שׁלל׃
Isaiah 31:9
9 וסלעו ממגור יעבור וחתו מנס שׂריו נאם יהוה אשׁר אור לו בציון ותנור לו בירושׁלם׃
Isaiah 33:23
23 נטשׁו חבליך בל יחזקו כן תרנם בל פרשׂו נס אז חלק עד שׁלל מרבה פסחים בזזו בז׃
Numbers 31:9
9 וישׁבו בני ישׂראל את נשׁי מדין ואת טפם ואת כל בהמתם ואת כל מקנהם ואת כל חילם בזזו׃
Numbers 31:30-47
30 וממחצת בני ישׂראל תקח אחד אחז מן החמשׁים מן האדם מן הבקר מן החמרים ומן הצאן מכל הבהמה ונתתה אתם ללוים שׁמרי משׁמרת משׁכן יהוה׃31 ויעשׂ משׁה ואלעזר הכהן כאשׁר צוה יהוה את משׁה׃32 ויהי המלקוח יתר הבז אשׁר בזזו עם הצבא צאן שׁשׁ מאות אלף ושׁבעים אלף וחמשׁת אלפים׃33 ובקר שׁנים ושׁבעים אלף׃34 וחמרים אחד ושׁשׁים אלף׃35 ונפשׁ אדם מן הנשׁים אשׁר לא ידעו משׁכב זכר כל נפשׁ שׁנים ושׁלשׁים אלף׃36 ותהי המחצה חלק היצאים בצבא מספר הצאן שׁלשׁ מאות אלף ושׁלשׁים אלף ושׁבעת אלפים וחמשׁ מאות׃37 ויהי המכס ליהוה מן הצאן שׁשׁ מאות חמשׁ ושׁבעים׃38 והבקר שׁשׁה ושׁלשׁים אלף ומכסם ליהוה שׁנים ושׁבעים׃39 וחמרים שׁלשׁים אלף וחמשׁ מאות ומכסם ליהוה אחד ושׁשׁים׃40 ונפשׁ אדם שׁשׁה עשׂר אלף ומכסם ליהוה שׁנים ושׁלשׁים נפשׁ׃41 ויתן משׁה את מכס תרומת יהוה לאלעזר הכהן כאשׁר צוה יהוה את משׁה׃42 וממחצית בני ישׂראל אשׁר חצה משׁה מן האנשׁים הצבאים׃43 ותהי מחצת העדה מן הצאן שׁלשׁ מאות אלף ושׁלשׁים אלף שׁבעת אלפים וחמשׁ מאות׃44 ובקר שׁשׁה ושׁלשׁים אלף׃45 וחמרים שׁלשׁים אלף וחמשׁ מאות׃46 ונפשׁ אדם שׁשׁה עשׂר אלף׃47 ויקח משׁה ממחצת בני ישׂראל את האחז אחד מן החמשׁים מן האדם ומן הבהמה ויתן אתם ללוים שׁמרי משׁמרת משׁכן יהוה כאשׁר צוה יהוה את משׁה׃
1 Samuel 30:20
20 ויקח דוד את כל הצאן והבקר נהגו לפני המקנה ההוא ויאמרו זה שׁלל דוד׃
1 Chronicles 4:41
41 ויבאו אלה הכתובים בשׁמות בימי יחזקיהו מלך יהודה ויכו את אהליהם ואת המעינים אשׁר נמצאו שׁמה ויחרימם עד היום הזה וישׁבו תחתיהם כי מרעה לצאנם שׁם׃
1 Chronicles 5:21
21 וישׁבו מקניהם גמליהם חמשׁים אלף וצאן מאתים וחמשׁים אלף וחמורים אלפים ונפשׁ אדם מאה אלף׃