1 וימליכו יושׁבי ירושׁלם את אחזיהו בנו הקטן תחתיו כי כל הראשׁנים הרג הגדוד הבא בערבים למחנה וימלך אחזיהו בן יהורם מלך יהודה׃2 בן ארבעים ושׁתים שׁנה אחזיהו במלכו ושׁנה אחת מלך בירושׁלם ושׁם אמו עתליהו בת עמרי׃3 גם הוא הלך בדרכי בית אחאב כי אמו היתה יועצתו להרשׁיע׃4 ויעשׂ הרע בעיני יהוה כבית אחאב כי המה היו לו יועצים אחרי מות אביו למשׁחית׃5 גם בעצתם הלך וילך את יהורם בן אחאב מלך ישׂראל למלחמה על חזאל מלך ארם ברמות גלעד ויכו הרמים את יורם׃6 וישׁב להתרפא ביזרעאל כי המכים אשׁר הכהו ברמה בהלחמו את חזהאל מלך ארם ועזריהו בן יהורם מלך יהודה ירד לראות את יהורם בן אחאב ביזרעאל כי חלה הוא׃7 ומאלהים היתה תבוסת אחזיהו לבוא אל יורם ובבאו יצא עם יהורם אל יהוא בן נמשׁי אשׁר משׁחו יהוה להכרית את בית אחאב׃8 ויהי כהשׁפט יהוא עם בית אחאב וימצא את שׂרי יהודה ובני אחי אחזיהו משׁרתים לאחזיהו ויהרגם׃9 ויבקשׁ את אחזיהו וילכדהו והוא מתחבא בשׁמרון ויבאהו אל יהוא וימתהו ויקברהו כי אמרו בן יהושׁפט הוא אשׁר דרשׁ את יהוה בכל לבבו ואין לבית אחזיהו לעצר כח לממלכה׃10 ועתליהו אם אחזיהו ראתה כי מת בנה ותקם ותדבר את כל זרע הממלכה לבית יהודה׃11 ותקח יהושׁבעת בת המלך את יואשׁ בן אחזיהו ותגנב אתו מתוך בני המלך המומתים ותתן אתו ואת מינקתו בחדר המטות ותסתירהו יהושׁבעת בת המלך יהורם אשׁת יהוידע הכהן כי היא היתה אחות אחזיהו מפני עתליהו ולא המיתתהו׃12 ויהי אתם בבית האלהים מתחבא שׁשׁ שׁנים ועתליה מלכת על הארץ׃
2 Chronicles 22 Cross References - HOT
2 Kings 8:24-29
24 וישׁכב יורם עם אבתיו ויקבר עם אבתיו בעיר דוד וימלך אחזיהו בנו תחתיו׃25 בשׁנת שׁתים עשׂרה שׁנה ליורם בן אחאב מלך ישׂראל מלך אחזיהו בן יהורם מלך יהודה׃26 בן עשׂרים ושׁתים שׁנה אחזיהו במלכו ושׁנה אחת מלך בירושׁלם ושׁם אמו עתליהו בת עמרי מלך ישׂראל׃27 וילך בדרך בית אחאב ויעשׂ הרע בעיני יהוה כבית אחאב כי חתן בית אחאב הוא׃28 וילך את יורם בן אחאב למלחמה עם חזהאל מלך ארם ברמת גלעד ויכו ארמים את יורם׃29 וישׁב יורם המלך להתרפא ביזרעאל מן המכים אשׁר יכהו ארמים ברמה בהלחמו את חזהאל מלך ארם ואחזיהו בן יהורם מלך יהודה ירד לראות את יורם בן אחאב ביזרעאל כי חלה הוא׃
1 Chronicles 3:11
11 יורם בנו אחזיהו בנו יואשׁ בנו׃
2 Chronicles 21:16-17
2 Chronicles 23:3
3 ויכרת כל הקהל ברית בבית האלהים עם המלך ויאמר להם הנה בן המלך ימלך כאשׁר דבר יהוה על בני דויד׃
2 Chronicles 26:1
1 ויקחו כל עם יהודה את עזיהו והוא בן שׁשׁ עשׂרה שׁנה וימליכו אתו תחת אביו אמציהו׃
2 Chronicles 33:25
25 ויכו עם הארץ את כל הקשׁרים על המלך אמון וימליכו עם הארץ את יאשׁיהו בנו תחתיו׃
2 Chronicles 36:1
1 ויקחו עם הארץ את יהואחז בן יאשׁיהו וימליכהו תחת אביו בירושׁלם׃
1 Kings 16:28
28 וישׁכב עמרי עם אבתיו ויקבר בשׁמרון וימלך אחאב בנו תחתיו׃
2 Kings 8:26
26 בן עשׂרים ושׁתים שׁנה אחזיהו במלכו ושׁנה אחת מלך בירושׁלם ושׁם אמו עתליהו בת עמרי מלך ישׂראל׃
2 Chronicles 21:6
6 וילך בדרך מלכי ישׂראל כאשׁר עשׂו בית אחאב כי בת אחאב היתה לו אשׁה ויעשׂ הרע בעיני יהוה׃
Genesis 6:4-5
Genesis 27:12-13
Deuteronomy 7:3-4
Deuteronomy 13:6-10
6 (13:7) כי יסיתך אחיך בן אמך או בנך או בתך או אשׁת חיקך או רעך אשׁר כנפשׁך בסתר לאמר נלכה ונעבדה אלהים אחרים אשׁר לא ידעת אתה ואבתיך׃7 (13:8) מאלהי העמים אשׁר סביבתיכם הקרבים אליך או הרחקים ממך מקצה הארץ ועד קצה הארץ׃8 (13:9) לא תאבה לו ולא תשׁמע אליו ולא תחוס עינך עליו ולא תחמל ולא תכסה עליו׃9 (13:10) כי הרג תהרגנו ידך תהיה בו בראשׁונה להמיתו ויד כל העם באחרנה׃10 (13:11) וסקלתו באבנים ומת כי בקשׁ להדיחך מעל יהוה אלהיך המוציאך מארץ מצרים מבית עבדים׃
Judges 17:4-5
Nehemiah 13:23-27
23 גם בימים ההם ראיתי את היהודים השׁיבו נשׁים אשׁדודיות עמוניות מואביות׃24 ובניהם חצי מדבר אשׁדודית ואינם מכירים לדבר יהודית וכלשׁון עם ועם׃25 ואריב עמם ואקללם ואכה מהם אנשׁים ואמרטם ואשׁביעם באלהים אם תתנו בנתיכם לבניהם ואם תשׂאו מבנתיהם לבניכם׃26 הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃27 ולכם הנשׁמע לעשׂת את כל הרעה הגדולה הזאת למעל באלהינו להשׁיב נשׁים נכריות׃
Malachi 2:15
15 ולא אחד עשׂה ושׁאר רוח לו ומה האחד מבקשׁ זרע אלהים ונשׁמרתם ברוחכם ובאשׁת נעוריך אל יבגד׃
2 Chronicles 24:17-18
Proverbs 1:10
10 בני אם יפתוך חטאים אל תבא׃
Proverbs 12:5
5 מחשׁבות צדיקים משׁפט תחבלות רשׁעים מרמה׃
Proverbs 13:20
20 הלוך את חכמים וחכם ורעה כסילים ירוע׃
Proverbs 19:27
27 חדל בני לשׁמע מוסר לשׁגות מאמרי דעת׃
1 Kings 22:3
3 ויאמר מלך ישׂראל אל עבדיו הידעתם כי לנו רמת גלעד ואנחנו מחשׁים מקחת אתה מיד מלך ארם׃
2 Kings 8:9
9 וילך חזאל לקראתו ויקח מנחה בידו וכל טוב דמשׂק משׂא ארבעים גמל ויבא ויעמד לפניו ויאמר בנך בן הדד מלך ארם שׁלחני אליך לאמר האחיה מחלי זה׃
2 Chronicles 18:3
3 ויאמר אחאב מלך ישׂראל אל יהושׁפט מלך יהודה התלך עמי רמת גלעד ויאמר לו כמוני כמוך וכעמך עמי ועמך במלחמה׃
2 Chronicles 18:31
31 ויהי כראות שׂרי הרכב את יהושׁפט והמה אמרו מלך ישׂראל הוא ויסבו עליו להלחם ויזעק יהושׁפט ויהוה עזרו ויסיתם אלהים ממנו׃
2 Chronicles 19:2
2 ויצא אל פניו יהוא בן חנני החזה ויאמר אל המלך יהושׁפט הלרשׁע לעזר ולשׂנאי יהוה תאהב ובזאת עליך קצף מלפני יהוה׃
Psalms 1:1
1 אשׁרי האישׁ אשׁר לא הלך בעצת רשׁעים ובדרך חטאים לא עמד ובמושׁב לצים לא ישׁב׃
Daniel 5:22
22 ואנתה ברה בלשׁאצר לא השׁפלת לבבך כל קבל די כל דנה ידעת׃
Micah 6:16
16 וישׁתמר חקות עמרי וכל מעשׂה בית אחאב ותלכו במעצותם למען תתי אתך לשׁמה וישׁביה לשׁרקה וחרפת עמי תשׂאו׃
2 Kings 8:29
29 וישׁב יורם המלך להתרפא ביזרעאל מן המכים אשׁר יכהו ארמים ברמה בהלחמו את חזהאל מלך ארם ואחזיהו בן יהורם מלך יהודה ירד לראות את יורם בן אחאב ביזרעאל כי חלה הוא׃
2 Kings 9:15
15 וישׁב יהורם המלך להתרפא ביזרעאל מן המכים אשׁר יכהו ארמים בהלחמו את חזאל מלך ארם ויאמר יהוא אם ישׁ נפשׁכם אל יצא פליט מן העיר ללכת לגיד ביזרעאל׃
2 Kings 10:13-14
2 Chronicles 21:17
17 ויעלו ביהודה ויבקעוה וישׁבו את כל הרכושׁ הנמצא לבית המלך וגם בניו ונשׁיו ולא נשׁאר לו בן כי אם יהואחז קטן בניו׃
2 Chronicles 22:1
1 וימליכו יושׁבי ירושׁלם את אחזיהו בנו הקטן תחתיו כי כל הראשׁנים הרג הגדוד הבא בערבים למחנה וימלך אחזיהו בן יהורם מלך יהודה׃
2 Chronicles 22:7
7 ומאלהים היתה תבוסת אחזיהו לבוא אל יורם ובבאו יצא עם יהורם אל יהוא בן נמשׁי אשׁר משׁחו יהוה להכרית את בית אחאב׃
Deuteronomy 32:35
35 לי נקם ושׁלם לעת תמוט רגלם כי קרוב יום אידם וחשׁ עתדת׃
Judges 14:4
4 ואביו ואמו לא ידעו כי מיהוה היא כי תאנה הוא מבקשׁ מפלשׁתים ובעת ההיא פלשׁתים משׁלים בישׂראל׃
1 Kings 12:15
15 ולא שׁמע המלך אל העם כי היתה סבה מעם יהוה למען הקים את דברו אשׁר דבר יהוה ביד אחיה השׁילני אל ירבעם בן נבט׃
1 Kings 19:16
16 ואת יהוא בן נמשׁי תמשׁח למלך על ישׂראל ואת אלישׁע בן שׁפט מאבל מחולה תמשׁח לנביא תחתיך׃
1 Kings 22:20
20 ויאמר יהוה מי יפתה את אחאב ויעל ויפל ברמת גלעד ויאמר זה בכה וזה אמר בכה׃
2 Kings 9:1-7
1 ואלישׁע הנביא קרא לאחד מבני הנביאים ויאמר לו חגר מתניך וקח פך השׁמן הזה בידך ולך רמת גלעד׃2 ובאת שׁמה וראה שׁם יהוא בן יהושׁפט בן נמשׁי ובאת והקמתו מתוך אחיו והביאת אתו חדר בחדר׃3 ולקחת פך השׁמן ויצקת על ראשׁו ואמרת כה אמר יהוה משׁחתיך למלך אל ישׂראל ופתחת הדלת ונסתה ולא תחכה׃4 וילך הנער הנער הנביא רמת גלעד׃5 ויבא והנה שׂרי החיל ישׁבים ויאמר דבר לי אליך השׂר ויאמר יהוא אל מי מכלנו ויאמר אליך השׂר׃6 ויקם ויבא הביתה ויצק השׁמן אל ראשׁו ויאמר לו כה אמר יהוה אלהי ישׂראל משׁחתיך למלך אל עם יהוה אל ישׂראל׃7 והכיתה את בית אחאב אדניך ונקמתי דמי עבדי הנביאים ודמי כל עבדי יהוה מיד איזבל׃
2 Kings 9:21
21 ויאמר יהורם אסר ויאסר רכבו ויצא יהורם מלך ישׂראל ואחזיהו מלך יהודה אישׁ ברכבו ויצאו לקראת יהוא וימצאהו בחלקת נבות היזרעאלי׃
2 Chronicles 10:15
15 ולא שׁמע המלך אל העם כי היתה נסבה מעם האלהים למען הקים יהוה את דברו אשׁר דבר ביד אחיהו השׁלוני אל ירבעם בן נבט׃
Psalms 9:16
16 (9:17) נודע יהוה משׁפט עשׂה בפעל כפיו נוקשׁ רשׁע הגיון סלה׃
Isaiah 46:10
10 מגיד מראשׁית אחרית ומקדם אשׁר לא נעשׂו אמר עצתי תקום וכל חפצי אעשׂה׃
Hosea 14:9
9 (14:10) מי חכם ויבן אלה נבון וידעם כי ישׁרים דרכי יהוה וצדקים ילכו בם ופשׁעים יכשׁלו׃
Malachi 4:3
3 (3:21) ועסותם רשׁעים כי יהיו אפר תחת כפות רגליכם ביום אשׁר אני עשׂה אמר יהוה צבאות׃
2 Kings 10:10-14
1 Kings 13:21
21 ויקרא אל אישׁ האלהים אשׁר בא מיהודה לאמר כה אמר יהוה יען כי מרית פי יהוה ולא שׁמרת את המצוה אשׁר צוך יהוה אלהיך׃
1 Kings 14:13
13 וספדו לו כל ישׂראל וקברו אתו כי זה לבדו יבא לירבעם אל קבר יען נמצא בו דבר טוב אל יהוה אלהי ישׂראל בבית ירבעם׃
2 Kings 9:27-28
2 Kings 9:34
34 ויבא ויאכל וישׁת ויאמר פקדו נא את הארורה הזאת וקברוה כי בת מלך היא׃
2 Chronicles 17:3-4
2 Chronicles 21:4
4 ויקם יהורם על ממלכת אביו ויתחזק ויהרג את כל אחיו בחרב וגם משׂרי ישׂראל׃
2 Chronicles 21:20-22:1
20 בן שׁלשׁים ושׁתים היה במלכו ושׁמונה שׁנים מלך בירושׁלם וילך בלא חמדה ויקברהו בעיר דויד ולא בקברות המלכים׃
2 Chronicles 22:8
8 ויהי כהשׁפט יהוא עם בית אחאב וימצא את שׂרי יהודה ובני אחי אחזיהו משׁרתים לאחזיהו ויהרגם׃
2 Kings 11:1-3
2 Chronicles 22:2-4
2 Samuel 7:13
13 הוא יבנה בית לשׁמי וכננתי את כסא ממלכתו עד עולם׃
1 Kings 15:4
4 כי למען דוד נתן יהוה אלהיו לו ניר בירושׁלם להקים את בנו אחריו ולהעמיד את ירושׁלם׃
2 Kings 11:2
2 ותקח יהושׁבע בת המלך יורם אחות אחזיהו את יואשׁ בן אחזיה ותגנב אתו מתוך בני המלך הממותתים אתו ואת מינקתו בחדר המטות ויסתרו אתו מפני עתליהו ולא הומת׃
2 Chronicles 21:7
7 ולא אבה יהוה להשׁחית את בית דויד למען הברית אשׁר כרת לדויד וכאשׁר אמר לתת לו ניר ולבניו כל הימים׃
2 Chronicles 23:1
1 ובשׁנה השׁבעית התחזק יהוידע ויקח את שׂרי המאות לעזריהו בן ירחם ולישׁמעאל בן יהוחנן ולעזריהו בן עובד ואת מעשׂיהו בן עדיהו ואת אלישׁפט בן זכרי עמו בברית׃
Psalms 33:10
10 יהוה הפיר עצת גוים הניא מחשׁבות עמים׃
Psalms 76:10
10 (76:11) כי חמת אדם תודך שׁארית חמת תחגר׃
Proverbs 21:30
30 אין חכמה ואין תבונה ואין עצה לנגד יהוה׃
Isaiah 65:8
8 כה אמר יהוה כאשׁר ימצא התירושׁ באשׁכול ואמר אל תשׁחיתהו כי ברכה בו כן אעשׂה למען עבדי לבלתי השׁחית הכל׃
Ezekiel 40:45-46
Psalms 12:8
8 (12:9) סביב רשׁעים יתהלכון כרם זלות לבני אדם׃
Psalms 27:5
5 כי יצפנני בסכה ביום רעה יסתרני בסתר אהלו בצור ירוממני׃
Psalms 73:14
14 ואהי נגוע כל היום ותוכחתי לבקרים׃
Psalms 73:18-19
Jeremiah 12:1
1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃
Habakkuk 1:12
12 הלוא אתה מקדם יהוה אלהי קדשׁי לא נמות יהוה למשׁפט שׂמתו וצור להוכיח יסדתו׃