1 בשׁנת עשׂרים ושׁבע שׁנה לירבעם מלך ישׂראל מלך עזריה בן אמציה מלך יהודה׃2 בן שׁשׁ עשׂרה שׁנה היה במלכו וחמשׁים ושׁתים שׁנה מלך בירושׁלם ושׁם אמו יכליהו מירושׁלם׃3 ויעשׂ הישׁר בעיני יהוה ככל אשׁר עשׂה אמציהו אביו׃4 רק הבמות לא סרו עוד העם מזבחים ומקטרים בבמות׃5 וינגע יהוה את המלך ויהי מצרע עד יום מתו וישׁב בבית החפשׁית ויותם בן המלך על הבית שׁפט את עם הארץ׃6 ויתר דברי עזריהו וכל אשׁר עשׂה הלא הם כתובים על ספר דברי הימים למלכי יהודה׃7 וישׁכב עזריה עם אבתיו ויקברו אתו עם אבתיו בעיר דוד וימלך יותם בנו תחתיו׃8 בשׁנת שׁלשׁים ושׁמנה שׁנה לעזריהו מלך יהודה מלך זכריהו בן ירבעם על ישׂראל בשׁמרון שׁשׁה חדשׁים׃9 ויעשׂ הרע בעיני יהוה כאשׁר עשׂו אבתיו לא סר מחטאות ירבעם בן נבט אשׁר החטיא את ישׂראל׃10 ויקשׁר עליו שׁלם בן יבשׁ ויכהו קבל עם וימיתהו וימלך תחתיו׃11 ויתר דברי זכריה הנם כתובים על ספר דברי הימים למלכי ישׂראל׃12 הוא דבר יהוה אשׁר דבר אל יהוא לאמר בני רביעים ישׁבו לך על כסא ישׂראל ויהי כן׃13 שׁלום בן יבישׁ מלך בשׁנת שׁלשׁים ותשׁע שׁנה לעזיה מלך יהודה וימלך ירח ימים בשׁמרון׃14 ויעל מנחם בן גדי מתרצה ויבא שׁמרון ויך את שׁלום בן יבישׁ בשׁמרון וימיתהו וימלך תחתיו׃15 ויתר דברי שׁלום וקשׁרו אשׁר קשׁר הנם כתבים על ספר דברי הימים למלכי ישׂראל׃16 אז יכה מנחם את תפסח ואת כל אשׁר בה ואת גבוליה מתרצה כי לא פתח ויך את כל ההרותיה בקע׃17 בשׁנת שׁלשׁים ותשׁע שׁנה לעזריה מלך יהודה מלך מנחם בן גדי על ישׂראל עשׂר שׁנים בשׁמרון׃18 ויעשׂ הרע בעיני יהוה לא סר מעל חטאות ירבעם בן נבט אשׁר החטיא את ישׂראל כל ימיו׃19 בא פול מלך אשׁור על הארץ ויתן מנחם לפול אלף ככר כסף להיות ידיו אתו להחזיק הממלכה בידו׃20 ויצא מנחם את הכסף על ישׂראל על כל גבורי החיל לתת למלך אשׁור חמשׁים שׁקלים כסף לאישׁ אחד וישׁב מלך אשׁור ולא עמד שׁם בארץ׃21 ויתר דברי מנחם וכל אשׁר עשׂה הלוא הם כתובים על ספר דברי הימים למלכי ישׂראל׃22 וישׁכב מנחם עם אבתיו וימלך פקחיה בנו תחתיו׃23 בשׁנת חמשׁים שׁנה לעזריה מלך יהודה מלך פקחיה בן מנחם על ישׂראל בשׁמרון שׁנתים׃24 ויעשׂ הרע בעיני יהוה לא סר מחטאות ירבעם בן נבט אשׁר החטיא את ישׂראל׃25 ויקשׁר עליו פקח בן רמליהו שׁלישׁו ויכהו בשׁמרון בארמון בית מלך את ארגב ואת האריה ועמו חמשׁים אישׁ מבני גלעדים וימיתהו וימלך תחתיו׃26 ויתר דברי פקחיה וכל אשׁר עשׂה הנם כתובים על ספר דברי הימים למלכי ישׂראל׃27 בשׁנת חמשׁים ושׁתים שׁנה לעזריה מלך יהודה מלך פקח בן רמליהו על ישׂראל בשׁמרון עשׂרים שׁנה׃28 ויעשׂ הרע בעיני יהוה לא סר מן חטאות ירבעם בן נבט אשׁר החטיא את ישׂראל׃29 בימי פקח מלך ישׂראל בא תגלת פלאסר מלך אשׁור ויקח את עיון ואת אבל בית מעכה ואת ינוח ואת קדשׁ ואת חצור ואת הגלעד ואת הגלילה כל ארץ נפתלי ויגלם אשׁורה׃30 ויקשׁר קשׁר הושׁע בן אלה על פקח בן רמליהו ויכהו וימיתהו וימלך תחתיו בשׁנת עשׂרים ליותם בן עזיה׃31 ויתר דברי פקח וכל אשׁר עשׂה הנם כתובים על ספר דברי הימים למלכי ישׂראל׃32 בשׁנת שׁתים לפקח בן רמליהו מלך ישׂראל מלך יותם בן עזיהו מלך יהודה׃33 בן עשׂרים וחמשׁ שׁנה היה במלכו ושׁשׁ עשׂרה שׁנה מלך בירושׁלם ושׁם אמו ירושׁא בת צדוק׃34 ויעשׂ הישׁר בעיני יהוה ככל אשׁר עשׂה עזיהו אביו עשׂה׃35 רק הבמות לא סרו עוד העם מזבחים ומקטרים בבמות הוא בנה את שׁער בית יהוה העליון׃36 ויתר דברי יותם אשׁר עשׂה הלא הם כתובים על ספר דברי הימים למלכי יהודה׃37 בימים ההם החל יהוה להשׁליח ביהודה רצין מלך ארם ואת פקח בן רמליהו׃38 וישׁכב יותם עם אבתיו ויקבר עם אבתיו בעיר דוד אביו וימלך אחז בנו תחתיו׃
2 Kings 15 Cross References - HOT
2 Kings 14:16-17
2 Kings 14:21
21 ויקחו כל עם יהודה את עזריה והוא בן שׁשׁ עשׂרה שׁנה וימלכו אתו תחת אביו אמציהו׃
2 Kings 15:8
8 בשׁנת שׁלשׁים ושׁמנה שׁנה לעזריהו מלך יהודה מלך זכריהו בן ירבעם על ישׂראל בשׁמרון שׁשׁה חדשׁים׃
2 Kings 15:13
13 שׁלום בן יבישׁ מלך בשׁנת שׁלשׁים ותשׁע שׁנה לעזיה מלך יהודה וימלך ירח ימים בשׁמרון׃
2 Kings 15:30-38
30 ויקשׁר קשׁר הושׁע בן אלה על פקח בן רמליהו ויכהו וימיתהו וימלך תחתיו בשׁנת עשׂרים ליותם בן עזיה׃31 ויתר דברי פקח וכל אשׁר עשׂה הנם כתובים על ספר דברי הימים למלכי ישׂראל׃32 בשׁנת שׁתים לפקח בן רמליהו מלך ישׂראל מלך יותם בן עזיהו מלך יהודה׃33 בן עשׂרים וחמשׁ שׁנה היה במלכו ושׁשׁ עשׂרה שׁנה מלך בירושׁלם ושׁם אמו ירושׁא בת צדוק׃34 ויעשׂ הישׁר בעיני יהוה ככל אשׁר עשׂה עזיהו אביו עשׂה׃35 רק הבמות לא סרו עוד העם מזבחים ומקטרים בבמות הוא בנה את שׁער בית יהוה העליון׃36 ויתר דברי יותם אשׁר עשׂה הלא הם כתובים על ספר דברי הימים למלכי יהודה׃37 בימים ההם החל יהוה להשׁליח ביהודה רצין מלך ארם ואת פקח בן רמליהו׃38 וישׁכב יותם עם אבתיו ויקבר עם אבתיו בעיר דוד אביו וימלך אחז בנו תחתיו׃
2 Chronicles 26:1
1 ויקחו כל עם יהודה את עזיהו והוא בן שׁשׁ עשׂרה שׁנה וימליכו אתו תחת אביו אמציהו׃
2 Chronicles 26:3-4
2 Kings 12:2-3
2 Kings 14:3-4
2 Chronicles 26:4
4 ויעשׂ הישׁר בעיני יהוה ככל אשׁר עשׂה אמציהו אביו׃
1 Kings 15:14
14 והבמות לא סרו רק לבב אסא היה שׁלם עם יהוה כל ימיו׃
1 Kings 22:43
43 וילך בכל דרך אסא אביו לא סר ממנו לעשׂות הישׁר בעיני יהוה׃ (22:44) אך הבמות לא סרו עוד העם מזבחים ומקטרים בבמות
2 Kings 12:3
3 (12:4) רק הבמות לא סרו עוד העם מזבחים ומקטרים בבמות׃
2 Kings 14:4
4 רק הבמות לא סרו עוד העם מזבחים ומקטרים בבמות׃
2 Kings 15:35
35 רק הבמות לא סרו עוד העם מזבחים ומקטרים בבמות הוא בנה את שׁער בית יהוה העליון׃
2 Kings 18:4
4 הוא הסיר את הבמות ושׁבר את המצבת וכרת את האשׁרה וכתת נחשׁ הנחשׁת אשׁר עשׂה משׁה כי עד הימים ההמה היו בני ישׂראל מקטרים לו ויקרא לו נחשׁתן׃
2 Chronicles 17:6
6 ויגבה לבו בדרכי יהוה ועוד הסיר את הבמות ואת האשׁרים מיהודה׃
2 Chronicles 32:12
12 הלא הוא יחזקיהו הסיר את במתיו ואת מזבחתיו ויאמר ליהודה ולירושׁלם לאמר לפני מזבח אחד תשׁתחוו ועליו תקטירו׃
2 Chronicles 34:3
3 ובשׁמונה שׁנים למלכו והוא עודנו נער החל לדרושׁ לאלהי דויד אביו ובשׁתים עשׂרה שׁנה החל לטהר את יהודה וירושׁלם מן הבמות והאשׁרים והפסלים והמסכות׃
Leviticus 13:46
46 כל ימי אשׁר הנגע בו יטמא טמא הוא בדד ישׁב מחוץ למחנה מושׁבו׃
Numbers 12:10
10 והענן סר מעל האהל והנה מרים מצרעת כשׁלג ויפן אהרן אל מרים והנה מצרעת׃
Numbers 12:14
14 ויאמר יהוה אל משׁה ואביה ירק ירק בפניה הלא תכלם שׁבעת ימים תסגר שׁבעת ימים מחוץ למחנה ואחר תאסף׃
Deuteronomy 24:8
8 השׁמר בנגע הצרעת לשׁמר מאד ולעשׂות ככל אשׁר יורו אתכם הכהנים הלוים כאשׁר צויתם תשׁמרו לעשׂות׃
2 Samuel 3:29
29 יחלו על ראשׁ יואב ואל כל בית אביו ואל יכרת מבית יואב זב ומצרע ומחזיק בפלך ונפל בחרב וחסר לחם׃
2 Samuel 8:15
15 וימלך דוד על כל ישׂראל ויהי דוד עשׂה משׁפט וצדקה לכל עמו׃
2 Samuel 15:2-4
1 Kings 3:9
9 ונתת לעבדך לב שׁמע לשׁפט את עמך להבין בין טוב לרע כי מי יוכל לשׁפט את עמך הכבד הזה׃
1 Kings 3:28
28 וישׁמעו כל ישׂראל את המשׁפט אשׁר שׁפט המלך ויראו מפני המלך כי ראו כי חכמת אלהים בקרבו לעשׂות משׁפט׃
2 Kings 5:27
27 וצרעת נעמן תדבק בך ובזרעך לעולם ויצא מלפניו מצרע כשׁלג׃
2 Kings 7:3
3 וארבעה אנשׁים היו מצרעים פתח השׁער ויאמרו אישׁ אל רעהו מה אנחנו ישׁבים פה עד מתנו׃
2 Chronicles 26:16-23
16 וכחזקתו גבה לבו עד להשׁחית וימעל ביהוה אלהיו ויבא אל היכל יהוה להקטיר על מזבח הקטרת׃17 ויבא אחריו עזריהו הכהן ועמו כהנים ליהוה שׁמונים בני חיל׃18 ויעמדו על עזיהו המלך ויאמרו לו לא לך עזיהו להקטיר ליהוה כי לכהנים בני אהרן המקדשׁים להקטיר צא מן המקדשׁ כי מעלת ולא לך לכבוד מיהוה אלהים׃19 ויזעף עזיהו ובידו מקטרת להקטיר ובזעפו עם הכהנים והצרעת זרחה במצחו לפני הכהנים בבית יהוה מעל למזבח הקטרת׃20 ויפן אליו עזריהו כהן הראשׁ וכל הכהנים והנה הוא מצרע במצחו ויבהלוהו משׁם וגם הוא נדחף לצאת כי נגעו יהוה׃21 ויהי עזיהו המלך מצרע עד יום מותו וישׁב בית החפשׁות מצרע כי נגזר מבית יהוה ויותם בנו על בית המלך שׁופט את עם הארץ׃22 ויתר דברי עזיהו הראשׁנים והאחרנים כתב ישׁעיהו בן אמוץ הנביא׃23 וישׁכב עזיהו עם אבתיו ויקברו אתו עם אבתיו בשׂדה הקבורה אשׁר למלכים כי אמרו מצורע הוא וימלך יותם בנו תחתיו׃
Job 34:19
19 אשׁר לא נשׂא פני שׂרים ולא נכר שׁוע לפני דל כי מעשׂה ידיו כלם׃
Psalms 72:1
1 לשׁלמה אלהים משׁפטיך למלך תן וצדקתך לבן מלך׃
2 Kings 14:18
18 ויתר דברי אמציהו הלא הם כתובים על ספר דברי הימים למלכי יהודה׃
2 Chronicles 26:5-15
5 ויהי לדרשׁ אלהים בימי זכריהו המבין בראת האלהים ובימי דרשׁו את יהוה הצליחו האלהים׃6 ויצא וילחם בפלשׁתים ויפרץ את חומת גת ואת חומת יבנה ואת חומת אשׁדוד ויבנה ערים באשׁדוד ובפלשׁתים׃7 ויעזרהו האלהים על פלשׁתים ועל הערביים הישׁבים בגור בעל והמעונים׃8 ויתנו העמונים מנחה לעזיהו וילך שׁמו עד לבוא מצרים כי החזיק עד למעלה׃9 ויבן עזיהו מגדלים בירושׁלם על שׁער הפנה ועל שׁער הגיא ועל המקצוע ויחזקם׃10 ויבן מגדלים במדבר ויחצב ברות רבים כי מקנה רב היה לו ובשׁפלה ובמישׁור אכרים וכרמים בהרים ובכרמל כי אהב אדמה היה׃11 ויהי לעזיהו חיל עשׂה מלחמה יוצאי צבא לגדוד במספר פקדתם ביד יעואל הסופר ומעשׂיהו השׁוטר על יד חנניהו משׂרי המלך׃12 כל מספר ראשׁי האבות לגבורי חיל אלפים ושׁשׁ מאות׃13 ועל ידם חיל צבא שׁלשׁ מאות אלף ושׁבעת אלפים וחמשׁ מאות עושׂי מלחמה בכח חיל לעזר למלך על האויב׃14 ויכן להם עזיהו לכל הצבא מגנים ורמחים וכובעים ושׁרינות וקשׁתות ולאבני קלעים׃15 ויעשׂ בירושׁלם חשׁבנות מחשׁבת חושׁב להיות על המגדלים ועל הפנות לירוא בחצים ובאבנים גדלות ויצא שׁמו עד למרחוק כי הפליא להעזר עד כי חזק׃
2 Chronicles 26:23
23 וישׁכב עזיהו עם אבתיו ויקברו אתו עם אבתיו בשׂדה הקבורה אשׁר למלכים כי אמרו מצורע הוא וימלך יותם בנו תחתיו׃
Isaiah 6:1
1 בשׁנת מות המלך עזיהו ואראה את אדני ישׁב על כסא רם ונשׂא ושׁוליו מלאים את ההיכל׃
2 Kings 14:29-15:1
29 וישׁכב ירבעם עם אבתיו עם מלכי ישׂראל וימלך זכריה בנו תחתיו׃
2 Kings 10:29
29 רק חטאי ירבעם בן נבט אשׁר החטיא את ישׂראל לא סר יהוא מאחריהם עגלי הזהב אשׁר בית אל ואשׁר בדן׃
2 Kings 10:31
31 ויהוא לא שׁמר ללכת בתורת יהוה אלהי ישׂראל בכל לבבו לא סר מעל חטאות ירבעם אשׁר החטיא את ישׂראל׃
2 Kings 13:2
2 ויעשׂ הרע בעיני יהוה וילך אחר חטאת ירבעם בן נבט אשׁר החטיא את ישׂראל לא סר ממנה׃
2 Kings 13:11
11 ויעשׂה הרע בעיני יהוה לא סר מכל חטאות ירבעם בן נבט אשׁר החטיא את ישׂראל בה הלך׃
2 Kings 14:24
24 ויעשׂ הרע בעיני יהוה לא סר מכל חטאות ירבעם בן נבט אשׁר החטיא את ישׂראל׃
1 Kings 15:28
28 וימתהו בעשׁא בשׁנת שׁלשׁ לאסא מלך יהודה וימלך תחתיו׃
1 Kings 16:9-10
2 Kings 9:24
24 ויהוא מלא ידו בקשׁת ויך את יהורם בין זרעיו ויצא החצי מלבו ויכרע ברכבו׃
2 Kings 9:31
31 ויהוא בא בשׁער ותאמר השׁלום זמרי הרג אדניו׃
2 Kings 15:14
14 ויעל מנחם בן גדי מתרצה ויבא שׁמרון ויך את שׁלום בן יבישׁ בשׁמרון וימיתהו וימלך תחתיו׃
2 Kings 15:25
25 ויקשׁר עליו פקח בן רמליהו שׁלישׁו ויכהו בשׁמרון בארמון בית מלך את ארגב ואת האריה ועמו חמשׁים אישׁ מבני גלעדים וימיתהו וימלך תחתיו׃
2 Kings 15:30
30 ויקשׁר קשׁר הושׁע בן אלה על פקח בן רמליהו ויכהו וימיתהו וימלך תחתיו בשׁנת עשׂרים ליותם בן עזיה׃
Hosea 1:4-5
Amos 7:9
9 ונשׁמו במות ישׂחק ומקדשׁי ישׂראל יחרבו וקמתי על בית ירבעם בחרב׃
2 Kings 14:28
28 ויתר דברי ירבעם וכל אשׁר עשׂה וגבורתו אשׁר נלחם ואשׁר השׁיב את דמשׂק ואת חמת ליהודה בישׂראל הלא הם כתובים על ספר דברי הימים למלכי ישׂראל׃
Numbers 23:19
19 לא אישׁ אל ויכזב ובן אדם ויתנחם ההוא אמר ולא יעשׂה ודבר ולא יקימנה׃
2 Kings 9:25-26
2 Kings 9:36-37
2 Kings 10:10
10 דעו אפוא כי לא יפל מדבר יהוה ארצה אשׁר דבר יהוה על בית אחאב ויהוה עשׂה את אשׁר דבר ביד עבדו אליהו׃
2 Kings 10:30
30 ויאמר יהוה אל יהוא יען אשׁר הטיבת לעשׂות הישׁר בעיני ככל אשׁר בלבבי עשׂית לבית אחאב בני רבעים ישׁבו לך על כסא ישׂראל׃
2 Kings 13:1
1 בשׁנת עשׂרים ושׁלשׁ שׁנה ליואשׁ בן אחזיהו מלך יהודה מלך יהואחז בן יהוא על ישׂראל בשׁמרון שׁבע עשׂרה שׁנה׃
2 Kings 13:10
10 בשׁנת שׁלשׁים ושׁבע שׁנה ליואשׁ מלך יהודה מלך יהואשׁ בן יהואחז על ישׂראל בשׁמרון שׁשׁ עשׂרה שׁנה׃
2 Kings 13:13
13 וישׁכב יואשׁ עם אבתיו וירבעם ישׁב על כסאו ויקבר יואשׁ בשׁמרון עם מלכי ישׂראל׃
2 Kings 14:29
29 וישׁכב ירבעם עם אבתיו עם מלכי ישׂראל וימלך זכריה בנו תחתיו׃
Zechariah 1:6
6 אך דברי וחקי אשׁר צויתי את עבדי הנביאים הלוא השׂיגו אבתיכם וישׁובו ויאמרו כאשׁר זמם יהוה צבאות לעשׂות לנו כדרכינו וכמעללינו כן עשׂה אתנו׃
1 Kings 16:15
15 בשׁנת עשׂרים ושׁבע שׁנה לאסא מלך יהודה מלך זמרי שׁבעת ימים בתרצה והעם חנים על גבתון אשׁר לפלשׁתים׃
1 Kings 16:24
24 ויקן את ההר שׁמרון מאת שׁמר בככרים כסף ויבן את ההר ויקרא את שׁם העיר אשׁר בנה על שׁם שׁמר אדני ההר שׁמרון׃
2 Kings 15:1
1 בשׁנת עשׂרים ושׁבע שׁנה לירבעם מלך ישׂראל מלך עזריה בן אמציה מלך יהודה׃
Job 20:15
15 חיל בלע ויקאנו מבטנו יורשׁנו אל׃
Psalms 55:23
23 (55:24) ואתה אלהים תורדם לבאר שׁחת אנשׁי דמים ומרמה לא יחצו ימיהם ואני אבטח׃
Proverbs 28:2
2 בפשׁע ארץ רבים שׂריה ובאדם מבין ידע כן יאריך׃
Proverbs 28:17
17 אדם עשׁק בדם נפשׁ עד בור ינוס אל יתמכו׃
1 Kings 14:17
17 ותקם אשׁת ירבעם ותלך ותבא תרצתה היא באה בסף הבית והנער מת׃
1 Kings 15:21
21 ויהי כשׁמע בעשׁא ויחדל מבנות את הרמה וישׁב בתרצה׃
1 Kings 15:33
33 בשׁנת שׁלשׁ לאסא מלך יהודה מלך בעשׁא בן אחיה על כל ישׂראל בתרצה עשׂרים וארבע שׁנה׃
1 Kings 16:8-9
1 Kings 16:17
17 ויעלה עמרי וכל ישׂראל עמו מגבתון ויצרו על תרצה׃
1 Kings 14:19
19 ויתר דברי ירבעם אשׁר נלחם ואשׁר מלך הנם כתובים על ספר דברי הימים למלכי ישׂראל׃
1 Kings 14:29
29 ויתר דברי רחבעם וכל אשׁר עשׂה הלא המה כתובים על ספר דברי הימים למלכי יהודה׃
1 Kings 22:39
39 ויתר דברי אחאב וכל אשׁר עשׂה ובית השׁן אשׁר בנה וכל הערים אשׁר בנה הלוא הם כתובים על ספר דברי הימים למלכי ישׂראל׃
2 Kings 15:11
11 ויתר דברי זכריה הנם כתובים על ספר דברי הימים למלכי ישׂראל׃
1 Kings 4:24
24 (5:4) כי הוא רדה בכל עבר הנהר מתפסח ועד עזה בכל מלכי עבר הנהר ושׁלום היה לו מכל עבריו מסביב׃
2 Kings 8:12
12 ויאמר חזאל מדוע אדני בכה ויאמר כי ידעתי את אשׁר תעשׂה לבני ישׂראל רעה מבצריהם תשׁלח באשׁ ובחריהם בחרב תהרג ועלליהם תרטשׁ והרתיהם תבקע׃
Hosea 13:16
16 (14:1) תאשׁם שׁמרון כי מרתה באלהיה בחרב יפלו עלליהם ירטשׁו והריותיו יבקעו׃
Amos 1:13
13 כה אמר יהוה על שׁלשׁה פשׁעי בני עמון ועל ארבעה לא אשׁיבנו על בקעם הרות הגלעד למען הרחיב את גבולם׃
2 Kings 12:18
18 (12:19) ויקח יהואשׁ מלך יהודה את כל הקדשׁים אשׁר הקדישׁו יהושׁפט ויהורם ואחזיהו אבתיו מלכי יהודה ואת קדשׁיו ואת כל הזהב הנמצא באצרות בית יהוה ובית המלך וישׁלח לחזאל מלך ארם ויעל מעל ירושׁלם׃
2 Kings 14:5
5 ויהי כאשׁר חזקה הממלכה בידו ויך את עבדיו המכים את המלך אביו׃
2 Kings 16:8
8 ויקח אחז את הכסף ואת הזהב הנמצא בית יהוה ובאצרות בית המלך וישׁלח למלך אשׁור שׁחד׃
2 Kings 17:3-4
2 Kings 18:16
16 בעת ההיא קצץ חזקיה את דלתות היכל יהוה ואת האמנות אשׁר צפה חזקיה מלך יהודה ויתנם למלך אשׁור׃
1 Chronicles 5:25-26
Isaiah 9:1
1 (8:23) כי לא מועף לאשׁר מוצק לה כעת הראשׁון הקל ארצה זבלון וארצה נפתלי והאחרון הכביד דרך הים עבר הירדן גליל הגוים׃
Jeremiah 17:5
5 כה אמר יהוה ארור הגבר אשׁר יבטח באדם ושׂם בשׂר זרעו ומן יהוה יסור לבו׃
Hosea 5:13
13 וירא אפרים את חליו ויהודה את מזרו וילך אפרים אל אשׁור וישׁלח אל מלך ירב והוא לא יוכל לרפא לכם ולא יגהה מכם מזור׃
Hosea 8:9-10
Hosea 10:6
6 גם אותו לאשׁור יובל מנחה למלך ירב בשׁנה אפרים יקח ויבושׁ ישׂראל מעצתו׃
Ruth 2:1
1 ולנעמי מידע לאישׁה אישׁ גבור חיל ממשׁפחת אלימלך ושׁמו בעז׃
2 Samuel 19:32
32 (19:33) וברזלי זקן מאד בן שׁמנים שׁנה והוא כלכל את המלך בשׁיבתו במחנים כי אישׁ גדול הוא מאד׃
2 Kings 15:29
29 בימי פקח מלך ישׂראל בא תגלת פלאסר מלך אשׁור ויקח את עיון ואת אבל בית מעכה ואת ינוח ואת קדשׁ ואת חצור ואת הגלעד ואת הגלילה כל ארץ נפתלי ויגלם אשׁורה׃
2 Kings 18:14-17
14 וישׁלח חזקיה מלך יהודה אל מלך אשׁור לכישׁה לאמר חטאתי שׁוב מעלי את אשׁר תתן עלי אשׂא וישׂם מלך אשׁור על חזקיה מלך יהודה שׁלשׁ מאות ככר כסף ושׁלשׁים ככר זהב׃15 ויתן חזקיה את כל הכסף הנמצא בית יהוה ובאצרות בית המלך׃16 בעת ההיא קצץ חזקיה את דלתות היכל יהוה ואת האמנות אשׁר צפה חזקיה מלך יהודה ויתנם למלך אשׁור׃17 וישׁלח מלך אשׁור את תרתן ואת רב סריס ואת רב שׁקה מן לכישׁ אל המלך חזקיהו בחיל כבד ירושׁלם ויעלו ויבאו ירושׁלם ויעלו ויבאו ויעמדו בתעלת הברכה העליונה אשׁר במסלת שׂדה כובס׃
2 Kings 23:35
35 והכסף והזהב נתן יהויקים לפרעה אך העריך את הארץ לתת את הכסף על פי פרעה אישׁ כערכו נגשׂ את הכסף ואת הזהב את עם הארץ לתת לפרעה נכה׃
Job 1:3
3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃
1 Kings 15:25
25 ונדב בן ירבעם מלך על ישׂראל בשׁנת שׁתים לאסא מלך יהודה וימלך על ישׂראל שׁנתים׃
1 Kings 16:8
8 בשׁנת עשׂרים ושׁשׁ שׁנה לאסא מלך יהודה מלך אלה בן בעשׁא על ישׂראל בתרצה שׁנתים׃
1 Kings 22:51
51 (22:52) אחזיהו בן אחאב מלך על ישׂראל בשׁמרון בשׁנת שׁבע עשׂרה ליהושׁפט מלך יהודה וימלך על ישׂראל שׁנתים׃
2 Kings 21:19
19 בן עשׂרים ושׁתים שׁנה אמון במלכו ושׁתים שׁנים מלך בירושׁלם ושׁם אמו משׁלמת בת חרוץ מן יטבה׃
Job 20:5
5 כי רננת רשׁעים מקרוב ושׂמחת חנף עדי רגע׃
2 Kings 15:9
9 ויעשׂ הרע בעיני יהוה כאשׁר עשׂו אבתיו לא סר מחטאות ירבעם בן נבט אשׁר החטיא את ישׂראל׃
2 Kings 15:18
18 ויעשׂ הרע בעיני יהוה לא סר מעל חטאות ירבעם בן נבט אשׁר החטיא את ישׂראל כל ימיו׃
1 Kings 16:9
9 ויקשׁר עליו עבדו זמרי שׂר מחצית הרכב והוא בתרצה שׁתה שׁכור בית ארצא אשׁר על הבית בתרצה׃
2 Kings 9:5
5 ויבא והנה שׂרי החיל ישׁבים ויאמר דבר לי אליך השׂר ויאמר יהוא אל מי מכלנו ויאמר אליך השׂר׃
2 Kings 9:14
14 ויתקשׁר יהוא בן יהושׁפט בן נמשׁי אל יורם ויורם היה שׁמר ברמת גלעד הוא וכל ישׂראל מפני חזאל מלך ארם׃
2 Kings 15:10
10 ויקשׁר עליו שׁלם בן יבשׁ ויכהו קבל עם וימיתהו וימלך תחתיו׃
2 Kings 15:27
27 בשׁנת חמשׁים ושׁתים שׁנה לעזריה מלך יהודה מלך פקח בן רמליהו על ישׂראל בשׁמרון עשׂרים שׁנה׃
2 Chronicles 28:6
6 ויהרג פקח בן רמליהו ביהודה מאה ועשׂרים אלף ביום אחד הכל בני חיל בעזבם את יהוה אלהי אבותם׃
2 Kings 15:2
2 בן שׁשׁ עשׂרה שׁנה היה במלכו וחמשׁים ושׁתים שׁנה מלך בירושׁלם ושׁם אמו יכליהו מירושׁלם׃
2 Kings 15:23
23 בשׁנת חמשׁים שׁנה לעזריה מלך יהודה מלך פקחיה בן מנחם על ישׂראל בשׁמרון שׁנתים׃
2 Kings 15:37
37 בימים ההם החל יהוה להשׁליח ביהודה רצין מלך ארם ואת פקח בן רמליהו׃
Isaiah 7:1
1 ויהי בימי אחז בן יותם בן עזיהו מלך יהודה עלה רצין מלך ארם ופקח בן רמליהו מלך ישׂראל ירושׁלם למלחמה עליה ולא יכל להלחם עליה׃
Isaiah 7:4
4 ואמרת אליו השׁמר והשׁקט אל תירא ולבבך אל ירך משׁני זנבות האודים העשׁנים האלה בחרי אף רצין וארם ובן רמליהו׃
Isaiah 7:9
9 וראשׁ אפרים שׁמרון וראשׁ שׁמרון בן רמליהו אם לא תאמינו כי לא תאמנו׃
2 Kings 13:6
6 אך לא סרו מחטאות בית ירבעם אשׁר החטי את ישׂראל בה הלך וגם האשׁרה עמדה בשׁמרון׃
2 Kings 21:2
2 ויעשׂ הרע בעיני יהוה כתועבת הגוים אשׁר הורישׁ יהוה מפני בני ישׂראל׃
Leviticus 26:32
32 והשׁמתי אני את הארץ ושׁממו עליה איביכם הישׁבים׃
Leviticus 26:38-39
Numbers 32:1
1 ומקנה רב היה לבני ראובן ולבני גד עצום מאד ויראו את ארץ יעזר ואת ארץ גלעד והנה המקום מקום מקנה׃
Numbers 32:40
40 ויתן משׁה את הגלעד למכיר בן מנשׁה וישׁב׃
Deuteronomy 3:15
15 ולמכיר נתתי את הגלעד׃
Deuteronomy 4:26-27
Deuteronomy 28:25
25 יתנך יהוה נגף לפני איביך בדרך אחד תצא אליו ובשׁבעה דרכים תנוס לפניו והיית לזעוה לכל ממלכות הארץ׃
Deuteronomy 28:64-65
Joshua 11:1
1 ויהי כשׁמע יבין מלך חצור וישׁלח אל יובב מלך מדון ואל מלך שׁמרון ואל מלך אכשׁף׃
Joshua 11:10
10 וישׁב יהושׁע בעת ההיא וילכד את חצור ואת מלכה הכה בחרב כי חצור לפנים היא ראשׁ כל הממלכות האלה׃
Joshua 11:13
13 רק כל הערים העמדות על תלם לא שׂרפם ישׂראל זולתי את חצור לבדה שׂרף יהושׁע׃
Joshua 12:19
19 מלך מדון אחד מלך חצור אחד׃
Joshua 16:6
6 ויצא הגבול הימה המכמתת מצפון ונסב הגבול מזרחה תאנת שׁלה ועבר אותו ממזרח ינוחה׃
Joshua 19:37
37 וקדשׁ ואדרעי ועין חצור׃
Joshua 20:7
7 ויקדשׁו את קדשׁ בגליל בהר נפתלי ואת שׁכם בהר אפרים ואת קרית ארבע היא חברון בהר יהודה׃
Judges 4:2
2 וימכרם יהוה ביד יבין מלך כנען אשׁר מלך בחצור ושׂר צבאו סיסרא והוא יושׁב בחרשׁת הגוים׃
2 Samuel 20:14-15
1 Kings 9:11
11 חירם מלך צר נשׂא את שׁלמה בעצי ארזים ובעצי ברושׁים ובזהב לכל חפצו אז יתן המלך שׁלמה לחירם עשׂרים עיר בארץ הגליל׃
1 Kings 15:20
20 וישׁמע בן הדד אל המלך אסא וישׁלח את שׂרי החילים אשׁר לו על ערי ישׂראל ויך את עיון ואת דן ואת אבל בית מעכה ואת כל כנרות על כל ארץ נפתלי׃
2 Kings 16:7
7 וישׁלח אחז מלאכים אל תגלת פלסר מלך אשׁור לאמר עבדך ובנך אני עלה והושׁעני מכף מלך ארם ומכף מלך ישׂראל הקומים עלי׃
2 Kings 17:6
6 בשׁנת התשׁיעית להושׁע לכד מלך אשׁור את שׁמרון ויגל את ישׂראל אשׁורה וישׁב אתם בחלח ובחבור נהר גוזן וערי מדי׃
2 Kings 17:23
23 עד אשׁר הסיר יהוה את ישׂראל מעל פניו כאשׁר דבר ביד כל עבדיו הנביאים ויגל ישׂראל מעל אדמתו אשׁורה עד היום הזה׃
1 Chronicles 5:6
6 בארה בנו אשׁר הגלה תלגת פלנאסר מלך אשׁר הוא נשׂיא לראובני׃
1 Chronicles 5:26
26 ויער אלהי ישׂראל את רוח פול מלך אשׁור ואת רוח תלגת פלנסר מלך אשׁור ויגלם לראובני ולגדי ולחצי שׁבט מנשׁה ויביאם לחלח וחבור והרא ונהר גוזן עד היום הזה׃
2 Chronicles 16:4
4 וישׁמע בן הדד אל המלך אסא וישׁלח את שׂרי החילים אשׁר לו אל ערי ישׂראל ויכו את עיון ואת דן ואת אבל מים ואת כל מסכנות ערי נפתלי׃
2 Chronicles 28:20-21
Isaiah 1:7
7 ארצכם שׁממה עריכם שׂרפות אשׁ אדמתכם לנגדכם זרים אכלים אתה ושׁממה כמהפכת זרים׃
Isaiah 7:20
20 ביום ההוא יגלח אדני בתער השׂכירה בעברי נהר במלך אשׁור את הראשׁ ושׂער הרגלים וגם את הזקן תספה׃
Isaiah 9:1-2
Amos 1:3
3 כה אמר יהוה על שׁלשׁה פשׁעי דמשׂק ועל ארבעה לא אשׁיבנו על דושׁם בחרצות הברזל את הגלעד׃
2 Kings 15:32-33
2 Kings 16:1
1 בשׁנת שׁבע עשׂרה שׁנה לפקח בן רמליהו מלך אחז בן יותם מלך יהודה׃
2 Kings 17:1
1 בשׁנת שׁתים עשׂרה לאחז מלך יהודה מלך הושׁע בן אלה בשׁמרון על ישׂראל תשׁע שׁנים׃
2 Chronicles 28:4-6
2 Chronicles 28:16
16 בעת ההיא שׁלח המלך אחז על מלכי אשׁור לעזר׃
Isaiah 7:1-9
1 ויהי בימי אחז בן יותם בן עזיהו מלך יהודה עלה רצין מלך ארם ופקח בן רמליהו מלך ישׂראל ירושׁלם למלחמה עליה ולא יכל להלחם עליה׃2 ויגד לבית דוד לאמר נחה ארם על אפרים וינע לבבו ולבב עמו כנוע עצי יער מפני רוח׃3 ויאמר יהוה אל ישׁעיהו צא נא לקראת אחז אתה ושׁאר ישׁוב בנך אל קצה תעלת הברכה העליונה אל מסלת שׂדה כובס׃4 ואמרת אליו השׁמר והשׁקט אל תירא ולבבך אל ירך משׁני זנבות האודים העשׁנים האלה בחרי אף רצין וארם ובן רמליהו׃5 יען כי יעץ עליך ארם רעה אפרים ובן רמליהו לאמר׃6 נעלה ביהודה ונקיצנה ונבקענה אלינו ונמליך מלך בתוכה את בן טבאל׃7 כה אמר אדני יהוה לא תקום ולא תהיה׃8 כי ראשׁ ארם דמשׂק וראשׁ דמשׂק רצין ובעוד שׁשׁים וחמשׁ שׁנה יחת אפרים מעם׃9 וראשׁ אפרים שׁמרון וראשׁ שׁמרון בן רמליהו אם לא תאמינו כי לא תאמנו׃
Isaiah 8:6
6 יען כי מאס העם הזה את מי השׁלח ההלכים לאט ומשׂושׂ את רצין ובן רמליהו׃
Hosea 10:3
3 כי עתה יאמרו אין מלך לנו כי לא יראנו את יהוה והמלך מה יעשׂה׃
Hosea 10:7
7 נדמה שׁמרון מלכה כקצף על פני מים׃
Hosea 10:15
15 ככה עשׂה לכם בית אל מפני רעת רעתכם בשׁחר נדמה נדמה מלך ישׂראל׃
2 Kings 15:7
7 וישׁכב עזריה עם אבתיו ויקברו אתו עם אבתיו בעיר דוד וימלך יותם בנו תחתיו׃
2 Kings 15:17
17 בשׁנת שׁלשׁים ותשׁע שׁנה לעזריה מלך יהודה מלך מנחם בן גדי על ישׂראל עשׂר שׁנים בשׁמרון׃
1 Chronicles 3:12
12 אמציהו בנו עזריה בנו יותם בנו׃
2 Chronicles 27:1-9
1 בן עשׂרים וחמשׁ שׁנה יותם במלכו ושׁשׁ עשׂרה שׁנה מלך בירושׁלם ושׁם אמו ירושׁה בת צדוק׃2 ויעשׂ הישׁר בעיני יהוה ככל אשׁר עשׂה עזיהו אביו רק לא בא אל היכל יהוה ועוד העם משׁחיתים׃3 הוא בנה את שׁער בית יהוה העליון ובחומת העפל בנה לרב׃4 וערים בנה בהר יהודה ובחרשׁים בנה בירניות ומגדלים׃5 והוא נלחם עם מלך בני עמון ויחזק עליהם ויתנו לו בני עמון בשׁנה ההיא מאה ככר כסף ועשׂרת אלפים כרים חטים ושׂעורים עשׂרת אלפים זאת השׁיבו לו בני עמון ובשׁנה השׁנית והשׁלשׁית׃6 ויתחזק יותם כי הכין דרכיו לפני יהוה אלהיו׃7 ויתר דברי יותם וכל מלחמתיו ודרכיו הנם כתובים על ספר מלכי ישׂראל ויהודה׃8 בן עשׂרים וחמשׁ שׁנה היה במלכו ושׁשׁ עשׂרה שׁנה מלך בירושׁלם׃9 וישׁכב יותם עם אבתיו ויקברו אתו בעיר דויד וימלך אחז בנו תחתיו׃
2 Chronicles 27:1
1 בן עשׂרים וחמשׁ שׁנה יותם במלכו ושׁשׁ עשׂרה שׁנה מלך בירושׁלם ושׁם אמו ירושׁה בת צדוק׃
2 Kings 15:3-4
2 Chronicles 26:4-5
2 Chronicles 27:2
2 ויעשׂ הישׁר בעיני יהוה ככל אשׁר עשׂה עזיהו אביו רק לא בא אל היכל יהוה ועוד העם משׁחיתים׃
2 Kings 15:4
4 רק הבמות לא סרו עוד העם מזבחים ומקטרים בבמות׃
2 Chronicles 23:20
20 ויקח את שׂרי המאות ואת האדירים ואת המושׁלים בעם ואת כל עם הארץ ויורד את המלך מבית יהוה ויבאו בתוך שׁער העליון בית המלך ויושׁיבו את המלך על כסא הממלכה׃
2 Kings 15:6-7
Deuteronomy 28:48
48 ועבדת את איביך אשׁר ישׁלחנו יהוה בך ברעב ובצמא ובעירם ובחסר כל ונתן על ברזל על צוארך עד השׁמידו אתך׃
1 Samuel 3:12
12 ביום ההוא אקים אל עלי את כל אשׁר דברתי אל ביתו החל וכלה׃
2 Kings 10:32
32 בימים ההם החל יהוה לקצות בישׂראל ויכם חזאל בכל גבול ישׂראל׃
2 Kings 16:5
5 אז יעלה רצין מלך ארם ופקח בן רמליהו מלך ישׂראל ירושׁלם למלחמה ויצרו על אחז ולא יכלו להלחם׃
Psalms 78:49
49 ישׁלח בם חרון אפו עברה וזעם וצרה משׁלחת מלאכי רעים׃
Isaiah 7:8
8 כי ראשׁ ארם דמשׂק וראשׁ דמשׂק רצין ובעוד שׁשׁים וחמשׁ שׁנה יחת אפרים מעם׃
Isaiah 10:5-7
Isaiah 38:1-22
1 בימים ההם חלה חזקיהו למות ויבוא אליו ישׁעיהו בן אמוץ הנביא ויאמר אליו כה אמר יהוה צו לביתך כי מת אתה ולא תחיה׃2 ויסב חזקיהו פניו אל הקיר ויתפלל אל יהוה׃3 ויאמר אנה יהוה זכר נא את אשׁר התהלכתי לפניך באמת ובלב שׁלם והטוב בעיניך עשׂיתי ויבך חזקיהו בכי גדול׃4 ויהי דבר יהוה אל ישׁעיהו לאמר׃5 הלוך ואמרת אל חזקיהו כה אמר יהוה אלהי דוד אביך שׁמעתי את תפלתך ראיתי את דמעתך הנני יוסף על ימיך חמשׁ עשׂרה שׁנה׃6 ומכף מלך אשׁור אצילך ואת העיר הזאת וגנותי על העיר הזאת׃7 וזה לך האות מאת יהוה אשׁר יעשׂה יהוה את הדבר הזה אשׁר דבר׃8 הנני משׁיב את צל המעלות אשׁר ירדה במעלות אחז בשׁמשׁ אחרנית עשׂר מעלות ותשׁב השׁמשׁ עשׂר מעלות במעלות אשׁר ירדה׃9 מכתב לחזקיהו מלך יהודה בחלתו ויחי מחליו׃10 אני אמרתי בדמי ימי אלכה בשׁערי שׁאול פקדתי יתר שׁנותי׃11 אמרתי לא אראה יה יה בארץ החיים לא אביט אדם עוד עם יושׁבי חדל׃12 דורי נסע ונגלה מני כאהל רעי קפדתי כארג חיי מדלה יבצעני מיום עד לילה תשׁלימני׃13 שׁויתי עד בקר כארי כן ישׁבר כל עצמותי מיום עד לילה תשׁלימני׃14 כסוס עגור כן אצפצף אהגה כיונה דלו עיני למרום אדני עשׁקה לי ערבני׃15 מה אדבר ואמר לי והוא עשׂה אדדה כל שׁנותי על מר נפשׁי׃16 אדני עליהם יחיו ולכל בהן חיי רוחי ותחלימני והחיני׃17 הנה לשׁלום מר לי מר ואתה חשׁקת נפשׁי משׁחת בלי כי השׁלכת אחרי גוך כל חטאי׃18 כי לא שׁאול תודך מות יהללך לא ישׂברו יורדי בור אל אמתך׃19 חי חי הוא יודך כמוני היום אב לבנים יודיע אל אמתך׃20 יהוה להושׁיעני ונגנותי ננגן כל ימי חיינו על בית יהוה׃21 ויאמר ישׁעיהו ישׂאו דבלת תאנים וימרחו על השׁחין ויחי׃22 ויאמר חזקיהו מה אות כי אעלה בית יהוה׃
Jeremiah 16:16
16 הנני שׁלח לדוגים רבים נאם יהוה ודיגום ואחרי כן אשׁלח לרבים צידים וצדום מעל כל הר ומעל כל גבעה ומנקיקי הסלעים׃
Jeremiah 25:29
29 כי הנה בעיר אשׁר נקרא שׁמי עליה אנכי מחל להרע ואתם הנקה תנקו לא תנקו כי חרב אני קרא על כל ישׁבי הארץ נאם יהוה צבאות׃
Jeremiah 43:10
10 ואמרת אליהם כה אמר יהוה צבאות אלהי ישׂראל הנני שׁלח ולקחתי את נבוכדראצר מלך בבל עבדי ושׂמתי כסאו ממעל לאבנים האלה אשׁר טמנתי ונטה את שׁפרורו עליהם׃
Hosea 5:12-13
2 Samuel 7:12
12 כי ימלאו ימיך ושׁכבת את אבתיך והקימתי את זרעך אחריך אשׁר יצא ממעיך והכינתי את ממלכתו׃
1 Kings 1:2
2 ויאמרו לו עבדיו יבקשׁו לאדני המלך נערה בתולה ועמדה לפני המלך ותהי לו סכנת ושׁכבה בחיקך וחם לאדני המלך׃
1 Kings 14:20
20 והימים אשׁר מלך ירבעם עשׂרים ושׁתים שׁנה וישׁכב עם אבתיו וימלך נדב בנו תחתיו׃
1 Kings 14:31
31 וישׁכב רחבעם עם אבתיו ויקבר עם אבתיו בעיר דוד ושׁם אמו נעמה העמנית וימלך אבים בנו תחתיו׃
1 Chronicles 3:13
13 אחז בנו חזקיהו בנו מנשׁה בנו׃
2 Chronicles 28:1
1 בן עשׂרים שׁנה אחז במלכו ושׁשׁ עשׂרה שׁנה מלך בירושׁלם ולא עשׂה הישׁר בעיני יהוה כדויד אביו׃