1 ויהי אחרי כן וימת מלך בני עמון וימלך חנון בנו תחתיו׃2 ויאמר דוד אעשׂה חסד עם חנון בן נחשׁ כאשׁר עשׂה אביו עמדי חסד וישׁלח דוד לנחמו ביד עבדיו אל אביו ויבאו עבדי דוד ארץ בני עמון׃3 ויאמרו שׂרי בני עמון אל חנון אדניהם המכבד דוד את אביך בעיניך כי שׁלח לך מנחמים הלוא בעבור חקור את העיר ולרגלה ולהפכה שׁלח דוד את עבדיו אליך׃4 ויקח חנון את עבדי דוד ויגלח את חצי זקנם ויכרת את מדויהם בחצי עד שׁתותיהם וישׁלחם׃5 ויגדו לדוד וישׁלח לקראתם כי היו האנשׁים נכלמים מאד ויאמר המלך שׁבו בירחו עד יצמח זקנכם ושׁבתם׃6 ויראו בני עמון כי נבאשׁו בדוד וישׁלחו בני עמון וישׂכרו את ארם בית רחוב ואת ארם צובא עשׂרים אלף רגלי ואת מלך מעכה אלף אישׁ ואישׁ טוב שׁנים עשׂר אלף אישׁ׃7 וישׁמע דוד וישׁלח את יואב ואת כל הצבא הגברים׃8 ויצאו בני עמון ויערכו מלחמה פתח השׁער וארם צובא ורחוב ואישׁ טוב ומעכה לבדם בשׂדה׃9 וירא יואב כי היתה אליו פני המלחמה מפנים ומאחור ויבחר מכל בחורי בישׂראל ויערך לקראת ארם׃10 ואת יתר העם נתן ביד אבשׁי אחיו ויערך לקראת בני עמון׃11 ויאמר אם תחזק ארם ממני והיתה לי לישׁועה ואם בני עמון יחזקו ממך והלכתי להושׁיע׃12 חזק ונתחזק בעד עמנו ובעד ערי אלהינו ויהוה יעשׂה הטוב בעיניו׃13 ויגשׁ יואב והעם אשׁר עמו למלחמה בארם וינסו מפניו׃14 ובני עמון ראו כי נס ארם וינסו מפני אבישׁי ויבאו העיר וישׁב יואב מעל בני עמון ויבא ירושׁלם׃15 וירא ארם כי נגף לפני ישׂראל ויאספו יחד׃16 וישׁלח הדדעזר ויצא את ארם אשׁר מעבר הנהר ויבאו חילם ושׁובך שׂר צבא הדדעזר לפניהם׃17 ויגד לדוד ויאסף את כל ישׂראל ויעבר את הירדן ויבא חלאמה ויערכו ארם לקראת דוד וילחמו עמו׃18 וינס ארם מפני ישׂראל ויהרג דוד מארם שׁבע מאות רכב וארבעים אלף פרשׁים ואת שׁובך שׂר צבאו הכה וימת שׁם׃19 ויראו כל המלכים עבדי הדדעזר כי נגפו לפני ישׂראל וישׁלמו את ישׂראל ויעבדום ויראו ארם להושׁיע עוד את בני עמון׃
2 Samuel 10 Cross References - HOT
Judges 10:7-9
Judges 11:12-28
12 וישׁלח יפתח מלאכים אל מלך בני עמון לאמר מה לי ולך כי באת אלי להלחם בארצי׃13 ויאמר מלך בני עמון אל מלאכי יפתח כי לקח ישׂראל את ארצי בעלותו ממצרים מארנון ועד היבק ועד הירדן ועתה השׁיבה אתהן בשׁלום׃14 ויוסף עוד יפתח וישׁלח מלאכים אל מלך בני עמון׃15 ויאמר לו כה אמר יפתח לא לקח ישׂראל את ארץ מואב ואת ארץ בני עמון׃16 כי בעלותם ממצרים וילך ישׂראל במדבר עד ים סוף ויבא קדשׁה׃17 וישׁלח ישׂראל מלאכים אל מלך אדום לאמר אעברה נא בארצך ולא שׁמע מלך אדום וגם אל מלך מואב שׁלח ולא אבה וישׁב ישׂראל בקדשׁ׃18 וילך במדבר ויסב את ארץ אדום ואת ארץ מואב ויבא ממזרח שׁמשׁ לארץ מואב ויחנון בעבר ארנון ולא באו בגבול מואב כי ארנון גבול מואב׃19 וישׁלח ישׂראל מלאכים אל סיחון מלך האמרי מלך חשׁבון ויאמר לו ישׂראל נעברה נא בארצך עד מקומי׃20 ולא האמין סיחון את ישׂראל עבר בגבלו ויאסף סיחון את כל עמו ויחנו ביהצה וילחם עם ישׂראל׃21 ויתן יהוה אלהי ישׂראל את סיחון ואת כל עמו ביד ישׂראל ויכום ויירשׁ ישׂראל את כל ארץ האמרי יושׁב הארץ ההיא׃22 ויירשׁו את כל גבול האמרי מארנון ועד היבק ומן המדבר ועד הירדן׃23 ועתה יהוה אלהי ישׂראל הורישׁ את האמרי מפני עמו ישׂראל ואתה תירשׁנו׃24 הלא את אשׁר יורישׁך כמושׁ אלהיך אותו תירשׁ ואת כל אשׁר הורישׁ יהוה אלהינו מפנינו אותו נירשׁ׃25 ועתה הטוב טוב אתה מבלק בן צפור מלך מואב הרוב רב עם ישׂראל אם נלחם נלחם׃26 בשׁבת ישׂראל בחשׁבון ובבנותיה ובערעור ובבנותיה ובכל הערים אשׁר על ידי ארנון שׁלשׁ מאות שׁנה ומדוע לא הצלתם בעת ההיא׃27 ואנכי לא חטאתי לך ואתה עשׂה אתי רעה להלחם בי ישׁפט יהוה השׁפט היום בין בני ישׂראל ובין בני עמון׃28 ולא שׁמע מלך בני עמון אל דברי יפתח אשׁר שׁלח אליו׃
1 Samuel 11:1-3
1 Chronicles 19:1-19
1 ויהי אחרי כן וימת נחשׁ מלך בני עמון וימלך בנו תחתיו׃2 ויאמר דויד אעשׂה חסד עם חנון בן נחשׁ כי עשׂה אביו עמי חסד וישׁלח דויד מלאכים לנחמו על אביו ויבאו עבדי דויד אל ארץ בני עמון אל חנון לנחמו׃3 ויאמרו שׂרי בני עמון לחנון המכבד דויד את אביך בעיניך כי שׁלח לך מנחמים הלא בעבור לחקר ולהפך ולרגל הארץ באו עבדיו אליך׃4 ויקח חנון את עבדי דויד ויגלחם ויכרת את מדויהם בחצי עד המפשׂעה וישׁלחם׃5 וילכו ויגידו לדויד על האנשׁים וישׁלח לקראתם כי היו האנשׁים נכלמים מאד ויאמר המלך שׁבו בירחו עד אשׁר יצמח זקנכם ושׁבתם׃6 ויראו בני עמון כי התבאשׁו עם דויד וישׁלח חנון ובני עמון אלף ככר כסף לשׂכר להם מן ארם נהרים ומן ארם מעכה ומצובה רכב ופרשׁים׃7 וישׂכרו להם שׁנים ושׁלשׁים אלף רכב ואת מלך מעכה ואת עמו ויבאו ויחנו לפני מידבא ובני עמון נאספו מעריהם ויבאו למלחמה׃8 וישׁמע דויד וישׁלח את יואב ואת כל צבא הגבורים׃9 ויצאו בני עמון ויערכו מלחמה פתח העיר והמלכים אשׁר באו לבדם בשׂדה׃10 וירא יואב כי היתה פני המלחמה אליו פנים ואחור ויבחר מכל בחור בישׂראל ויערך לקראת ארם׃11 ואת יתר העם נתן ביד אבשׁי אחיו ויערכו לקראת בני עמון׃12 ויאמר אם תחזק ממני ארם והיית לי לתשׁועה ואם בני עמון יחזקו ממך והושׁעתיך׃13 חזק ונתחזקה בעד עמנו ובעד ערי אלהינו ויהוה הטוב בעיניו יעשׂה׃14 ויגשׁ יואב והעם אשׁר עמו לפני ארם למלחמה וינוסו מפניו׃15 ובני עמון ראו כי נס ארם וינוסו גם הם מפני אבשׁי אחיו ויבאו העירה ויבא יואב ירושׁלם׃16 וירא ארם כי נגפו לפני ישׂראל וישׁלחו מלאכים ויוציאו את ארם אשׁר מעבר הנהר ושׁופך שׂר צבא הדדעזר לפניהם׃17 ויגד לדויד ויאסף את כל ישׂראל ויעבר הירדן ויבא אלהם ויערך אלהם ויערך דויד לקראת ארם מלחמה וילחמו עמו׃18 וינס ארם מלפני ישׂראל ויהרג דויד מארם שׁבעת אלפים רכב וארבעים אלף אישׁ רגלי ואת שׁופך שׂר הצבא המית׃19 ויראו עבדי הדדעזר כי נגפו לפני ישׂראל וישׁלימו עם דויד ויעבדהו ולא אבה ארם להושׁיע את בני עמון עוד׃
Deuteronomy 23:3-6
3 (23:4) לא יבא עמוני ומואבי בקהל יהוה גם דור עשׂירי לא יבא להם בקהל יהוה עד עולם׃4 (23:5) על דבר אשׁר לא קדמו אתכם בלחם ובמים בדרך בצאתכם ממצרים ואשׁר שׂכר עליך את בלעם בן בעור מפתור ארם נהרים לקללך׃5 (23:6) ולא אבה יהוה אלהיך לשׁמע אל בלעם ויהפך יהוה אלהיך לך את הקללה לברכה כי אהבך יהוה אלהיך׃6 (23:7) לא תדרשׁ שׁלמם וטבתם כל ימיך לעולם׃
1 Samuel 11:1
1 ויעל נחשׁ העמוני ויחן על יבשׁ גלעד ויאמרו כל אנשׁי יבישׁ אל נחשׁ כרת לנו ברית ונעבדך׃
1 Samuel 22:3-4
Nehemiah 4:3-7
3 (3:35) וטוביה העמני אצלו ויאמר גם אשׁר הם בונים אם יעלה שׁועל ופרץ חומת אבניהם׃4 (3:36) שׁמע אלהינו כי היינו בוזה והשׁב חרפתם אל ראשׁם ותנם לבזה בארץ שׁביה׃5 (3:37) ואל תכס על עונם וחטאתם מלפניך אל תמחה כי הכעיסו לנגד הבונים׃6 (3:38) ונבנה את החומה ותקשׁר כל החומה עד חציה ויהי לב לעם לעשׂות׃7 (4:1) ויהי כאשׁר שׁמע סנבלט וטוביה והערבים והעמנים והאשׁדודים כי עלתה ארוכה לחמות ירושׁלם כי החלו הפרצים להסתם ויחר להם מאד׃
Nehemiah 13:1-3
Genesis 42:9
9 ויזכר יוסף את החלמות אשׁר חלם להם ויאמר אלהם מרגלים אתם לראות את ערות הארץ באתם׃
Genesis 42:16
16 שׁלחו מכם אחד ויקח את אחיכם ואתם האסרו ויבחנו דבריכם האמת אתכם ואם לא חי פרעה כי מרגלים אתם׃
Leviticus 19:27
27 לא תקפו פאת ראשׁכם ולא תשׁחית את פאת זקנך׃
1 Chronicles 19:3-4
Psalms 109:4-5
Isaiah 15:2
2 עלה הבית ודיבן הבמות לבכי על נבו ועל מידבא מואב ייליל בכל ראשׁיו קרחה כל זקן גרועה׃
Isaiah 20:4
4 כן ינהג מלך אשׁור את שׁבי מצרים ואת גלות כושׁ נערים וזקנים ערום ויחף וחשׂופי שׁת ערות מצרים׃
Isaiah 47:2-3
Jeremiah 41:5
5 ויבאו אנשׁים משׁכם משׁלו ומשׁמרון שׁמנים אישׁ מגלחי זקן וקרעי בגדים ומתגדדים ומנחה ולבונה בידם להביא בית יהוה׃
Joshua 6:24-26
24 והעיר שׂרפו באשׁ וכל אשׁר בה רק הכסף והזהב וכלי הנחשׁת והברזל נתנו אוצר בית יהוה׃25 ואת רחב הזונה ואת בית אביה ואת כל אשׁר לה החיה יהושׁע ותשׁב בקרב ישׂראל עד היום הזה כי החביאה את המלאכים אשׁר שׁלח יהושׁע לרגל את יריחו׃26 וישׁבע יהושׁע בעת ההיא לאמר ארור האישׁ לפני יהוה אשׁר יקום ובנה את העיר הזאת את יריחו בבכרו ייסדנה ובצעירו יציב דלתיה׃
1 Kings 16:34
34 בימיו בנה חיאל בית האלי את יריחה באבירם בכרו יסדה ובשׂגיב צעירו הציב דלתיה כדבר יהוה אשׁר דבר ביד יהושׁע בן נון׃
1 Chronicles 19:5
5 וילכו ויגידו לדויד על האנשׁים וישׁלח לקראתם כי היו האנשׁים נכלמים מאד ויאמר המלך שׁבו בירחו עד אשׁר יצמח זקנכם ושׁבתם׃
Genesis 34:30
30 ויאמר יעקב אל שׁמעון ואל לוי עכרתם אתי להבאישׁני בישׁב הארץ בכנעני ובפרזי ואני מתי מספר ונאספו עלי והכוני ונשׁמדתי אני וביתי׃
Exodus 5:21
21 ויאמרו אלהם ירא יהוה עליכם וישׁפט אשׁר הבאשׁתם את ריחנו בעיני פרעה ובעיני עבדיו לתת חרב בידם להרגנו׃
Deuteronomy 3:14
14 יאיר בן מנשׁה לקח את כל חבל ארגב עד גבול הגשׁורי והמעכתי ויקרא אתם על שׁמו את הבשׁן חות יאיר עד היום הזה׃
Joshua 13:11-13
Judges 11:3
3 ויברח יפתח מפני אחיו וישׁב בארץ טוב ויתלקטו אל יפתח אנשׁים ריקים ויצאו עמו׃
Judges 11:5
5 ויהי כאשׁר נלחמו בני עמון עם ישׂראל וילכו זקני גלעד לקחת את יפתח מארץ טוב׃
Judges 18:28
28 ואין מציל כי רחוקה היא מצידון ודבר אין להם עם אדם והיא בעמק אשׁר לבית רחוב ויבנו את העיר וישׁבו׃
1 Samuel 13:4
4 וכל ישׂראל שׁמעו לאמר הכה שׁאול את נציב פלשׁתים וגם נבאשׁ ישׂראל בפלשׁתים ויצעקו העם אחרי שׁאול הגלגל׃
1 Samuel 27:12
12 ויאמן אכישׁ בדוד לאמר הבאשׁ הבאישׁ בעמו בישׂראל והיה לי לעבד עולם׃
2 Samuel 8:3
3 ויך דוד את הדדעזר בן רחב מלך צובה בלכתו להשׁיב ידו בנהר\'ce׃
2 Samuel 8:5
5 ותבא ארם דמשׂק לעזר להדדעזר מלך צובה ויך דוד בארם עשׂרים ושׁנים אלף אישׁ׃
2 Samuel 8:12
12 מארם וממואב ומבני עמון ומפלשׁתים ומעמלק ומשׁלל הדדעזר בן רחב מלך צובה׃
1 Chronicles 19:6-7
Proverbs 25:8
8 אל תצא לרב מהר פן מה תעשׂה באחריתה בהכלים אתך רעך׃
Isaiah 8:9-10
2 Samuel 23:8-39
8 אלה שׁמות הגברים אשׁר לדוד ישׁב בשׁבת תחכמני ראשׁ השׁלשׁי הוא עדינו העצנו על שׁמנה מאות חלל בפעם אחד׃9 ואחרו אלעזר בן דדי בן אחחי בשׁלשׁה גברים עם דוד בחרפם בפלשׁתים נאספו שׁם למלחמה ויעלו אישׁ ישׂראל׃10 הוא קם ויך בפלשׁתים עד כי יגעה ידו ותדבק ידו אל החרב ויעשׂ יהוה תשׁועה גדולה ביום ההוא והעם ישׁבו אחריו אך לפשׁט׃11 ואחריו שׁמא בן אגא הררי ויאספו פלשׁתים לחיה ותהי שׁם חלקת השׂדה מלאה עדשׁים והעם נס מפני פלשׁתים׃12 ויתיצב בתוך החלקה ויצילה ויך את פלשׁתים ויעשׂ יהוה תשׁועה גדולה׃13 וירדו שׁלשׁים מהשׁלשׁים ראשׁ ויבאו אל קציר אל דוד אל מערת עדלם וחית פלשׁתים חנה בעמק רפאים׃14 ודוד אז במצודה ומצב פלשׁתים אז בית לחם׃15 ויתאוה דוד ויאמר מי ישׁקני מים מבאר בית לחם אשׁר בשׁער׃16 ויבקעו שׁלשׁת הגברים במחנה פלשׁתים וישׁאבו מים מבאר בית לחם אשׁר בשׁער וישׂאו ויבאו אל דוד ולא אבה לשׁתותם ויסך אתם ליהוה׃17 ויאמר חלילה לי יהוה מעשׂתי זאת הדם האנשׁים ההלכים בנפשׁותם ולא אבה לשׁתותם אלה עשׂו שׁלשׁת הגברים׃18 ואבישׁי אחי יואב בן צרויה הוא ראשׁ השׁלשׁי והוא עורר את חניתו על שׁלשׁ מאות חלל ולו שׁם בשׁלשׁה׃19 מן השׁלשׁה הכי נכבד ויהי להם לשׂר ועד השׁלשׁה לא בא׃20 ובניהו בן יהוידע בן אישׁ חי רב פעלים מקבצאל הוא הכה את שׁני אראל מואב והוא ירד והכה את האריה בתוך הבאר ביום השׁלג׃21 והוא הכה את אישׁ מצרי אשׁר מראה וביד המצרי חנית וירד אליו בשׁבט ויגזל את החנית מיד המצרי ויהרגהו בחניתו׃22 אלה עשׂה בניהו בן יהוידע ולו שׁם בשׁלשׁה הגברים׃23 מן השׁלשׁים נכבד ואל השׁלשׁה לא בא וישׂמהו דוד אל משׁמעתו׃24 עשׂה אל אחי יואב בשׁלשׁים אלחנן בן דדו בית לחם׃25 שׁמה החרדי אליקא החרדי׃26 חלץ הפלטי עירא בן עקשׁ התקועי׃27 אביעזר הענתתי מבני החשׁתי׃28 צלמון האחחי מהרי הנטפתי׃29 חלב בן בענה הנטפתי אתי בן ריבי מגבעת בני בנימן׃30 בניהו פרעתני הדי מנחלי געשׁ׃31 אבי עלבון הערבתי עזמות הברחמי׃32 אליחבא השׁעלבני בני ישׁן יהונתן׃33 שׁמה ההררי אחיאם בן שׁרר האררי׃34 אליפלט בן אחסבי בן המעכתי אליעם בן אחיתפל הגלני׃35 חצרו הכרמלי פערי הארבי׃36 יגאל בן נתן מצבה בני הגדי׃37 צלק העמני נחרי הבארתי נשׂאי כלי יואב בן צריה׃38 עירא היתרי גרב היתרי׃39 אוריה החתי כל שׁלשׁים ושׁבעה׃
Numbers 13:21
21 ויעלו ויתרו את הארץ ממדבר צן עד רחב לבא חמת׃
Joshua 19:28
28 ועברן ורחב וחמון וקנה עד צידון רבה׃
Judges 1:31
31 אשׁר לא הורישׁ את ישׁבי עכו ואת יושׁבי צידון ואת אחלב ואת אכזיב ואת חלבה ואת אפיק ואת רחב׃
2 Samuel 10:6
6 ויראו בני עמון כי נבאשׁו בדוד וישׁלחו בני עמון וישׂכרו את ארם בית רחוב ואת ארם צובא עשׂרים אלף רגלי ואת מלך מעכה אלף אישׁ ואישׁ טוב שׁנים עשׂר אלף אישׁ׃
1 Chronicles 19:7
7 וישׂכרו להם שׁנים ושׁלשׁים אלף רכב ואת מלך מעכה ואת עמו ויבאו ויחנו לפני מידבא ובני עמון נאספו מעריהם ויבאו למלחמה׃
Joshua 8:21-22
Judges 20:42-43
1 Chronicles 19:9-12
Nehemiah 4:20
20 (4:14) במקום אשׁר תשׁמעו את קול השׁופר שׁמה תקבצו אלינו אלהינו ילחם׃
Numbers 13:20
20 ומה הארץ השׁמנה הוא אם רזה הישׁ בה עץ אם אין והתחזקתם ולקחתם מפרי הארץ והימים ימי בכורי ענבים׃
Deuteronomy 31:6
6 חזקו ואמצו אל תיראו ואל תערצו מפניהם כי יהוה אלהיך הוא ההלך עמך לא ירפך ולא יעזבך׃
Joshua 1:6-7
Joshua 1:9
9 הלוא צויתיך חזק ואמץ אל תערץ ואל תחת כי עמך יהוה אלהיך בכל אשׁר תלך׃
Joshua 1:18
18 כל אישׁ אשׁר ימרה את פיך ולא ישׁמע את דבריך לכל אשׁר תצונו יומת רק חזק ואמץ׃
Judges 10:15
15 ויאמרו בני ישׂראל אל יהוה חטאנו עשׂה אתה לנו ככל הטוב בעיניך אך הצילנו נא היום הזה׃
1 Samuel 3:18
18 ויגד לו שׁמואל את כל הדברים ולא כחד ממנו ויאמר יהוה הוא הטוב בעינו יעשׂה׃
1 Samuel 4:9
9 התחזקו והיו לאנשׁים פלשׁתים פן תעבדו לעברים כאשׁר עבדו לכם והייתם לאנשׁים ונלחמתם׃
1 Samuel 14:6
6 ויאמר יהונתן אל הנער נשׂא כליו לכה ונעברה אל מצב הערלים האלה אולי יעשׂה יהוה לנו כי אין ליהוה מעצור להושׁיע ברב או במעט׃
1 Samuel 14:12
12 ויענו אנשׁי המצבה את יונתן ואת נשׂא כליו ויאמרו עלו אלינו ונודיעה אתכם דבר ויאמר יונתן אל נשׂא כליו עלה אחרי כי נתנם יהוה ביד ישׂראל׃
1 Samuel 17:32
32 ויאמר דוד אל שׁאול אל יפל לב אדם עליו עבדך ילך ונלחם עם הפלשׁתי הזה׃
2 Samuel 16:10-11
1 Chronicles 19:13
13 חזק ונתחזקה בעד עמנו ובעד ערי אלהינו ויהוה הטוב בעיניו יעשׂה׃
2 Chronicles 32:7
7 חזקו ואמצו אל תיראו ואל תחתו מפני מלך אשׁור ומלפני כל ההמון אשׁר עמו כי עמנו רב מעמו׃
Nehemiah 4:14
14 (4:8) וארא ואקום ואמר אל החרים ואל הסגנים ואל יתר העם אל תיראו מפניהם את אדני הגדול והנורא זכרו והלחמו על אחיכם בניכם ובנתיכם נשׁיכם ובתיכם׃
Job 1:21
21 ויאמר ערם יצתי מבטן אמי וערם אשׁוב שׁמה יהוה נתן ויהוה לקח יהי שׁם יהוה מברך׃
1 Kings 20:13-21
13 והנה נביא אחד נגשׁ אל אחאב מלך ישׂראל ויאמר כה אמר יהוה הראית את כל ההמון הגדול הזה הנני נתנו בידך היום וידעת כי אני יהוה׃14 ויאמר אחאב במי ויאמר כה אמר יהוה בנערי שׂרי המדינות ויאמר מי יאסר המלחמה ויאמר אתה׃15 ויפקד את נערי שׂרי המדינות ויהיו מאתים שׁנים ושׁלשׁים ואחריהם פקד את כל העם כל בני ישׂראל שׁבעת אלפים׃16 ויצאו בצהרים ובן הדד שׁתה שׁכור בסכות הוא והמלכים שׁלשׁים ושׁנים מלך עזר אתו׃17 ויצאו נערי שׂרי המדינות בראשׁנה וישׁלח בן הדד ויגידו לו לאמר אנשׁים יצאו משׁמרון׃18 ויאמר אם לשׁלום יצאו תפשׂום חיים ואם למלחמה יצאו חיים תפשׂום׃19 ואלה יצאו מן העיר נערי שׂרי המדינות והחיל אשׁר אחריהם׃20 ויכו אישׁ אישׁו וינסו ארם וירדפם ישׂראל וימלט בן הדד מלך ארם על סוס ופרשׁים׃21 ויצא מלך ישׂראל ויך את הסוס ואת הרכב והכה בארם מכה גדולה׃
1 Kings 20:28-30
28 ויגשׁ אישׁ האלהים ויאמר אל מלך ישׂראל ויאמר כה אמר יהוה יען אשׁר אמרו ארם אלהי הרים יהוה ולא אלהי עמקים הוא ונתתי את כל ההמון הגדול הזה בידך וידעתם כי אני יהוה׃29 ויחנו אלה נכח אלה שׁבעת ימים ויהי ביום השׁביעי ותקרב המלחמה ויכו בני ישׂראל את ארם מאה אלף רגלי ביום אחד׃30 וינסו הנותרים אפקה אל העיר ותפל החומה על עשׂרים ושׁבעה אלף אישׁ הנותרים ובן הדד נס ויבא אל העיר חדר בחדר׃
1 Chronicles 19:14-15
2 Chronicles 13:5-16
5 הלא לכם לדעת כי יהוה אלהי ישׂראל נתן ממלכה לדויד על ישׂראל לעולם לו ולבניו ברית מלח׃6 ויקם ירבעם בן נבט עבד שׁלמה בן דויד וימרד על אדניו׃7 ויקבצו עליו אנשׁים רקים בני בליעל ויתאמצו על רחבעם בן שׁלמה ורחבעם היה נער ורך לבב ולא התחזק לפניהם׃8 ועתה אתם אמרים להתחזק לפני ממלכת יהוה ביד בני דויד ואתם המון רב ועמכם עגלי זהב אשׁר עשׂה לכם ירבעם לאלהים׃9 הלא הדחתם את כהני יהוה את בני אהרן והלוים ותעשׂו לכם כהנים כעמי הארצות כל הבא למלא ידו בפר בן בקר ואילם שׁבעה והיה כהן ללא אלהים׃10 ואנחנו יהוה אלהינו ולא עזבנהו וכהנים משׁרתים ליהוה בני אהרן והלוים במלאכת׃11 ומקטרים ליהוה עלות בבקר בבקר ובערב בערב וקטרת סמים ומערכת לחם על השׁלחן הטהור ומנורת הזהב ונרתיה לבער בערב בערב כי שׁמרים אנחנו את משׁמרת יהוה אלהינו ואתם עזבתם אתו׃12 והנה עמנו בראשׁ האלהים וכהניו וחצצרות התרועה להריע עליכם בני ישׂראל אל תלחמו עם יהוה אלהי אבתיכם כי לא תצליחו׃13 וירבעם הסב את המארב לבוא מאחריהם ויהיו לפני יהודה והמארב מאחריהם׃14 ויפנו יהודה והנה להם המלחמה פנים ואחור ויצעקו ליהוה והכהנים מחצצרים בחצצרות׃15 ויריעו אישׁ יהודה ויהי בהריע אישׁ יהודה והאלהים נגף את ירבעם וכל ישׂראל לפני אביה ויהודה׃16 וינוסו בני ישׂראל מפני יהודה ויתנם אלהים בידם׃
Psalms 2:1
1 למה רגשׁו גוים ולאמים יהגו ריק׃
Micah 4:11-12
Zechariah 14:2-3
2 Samuel 8:3-8
3 ויך דוד את הדדעזר בן רחב מלך צובה בלכתו להשׁיב ידו בנהר\'ce׃4 וילכד דוד ממנו אלף ושׁבע מאות פרשׁים ועשׂרים אלף אישׁ רגלי ויעקר דוד את כל הרכב ויותר ממנו מאה רכב׃5 ותבא ארם דמשׂק לעזר להדדעזר מלך צובה ויך דוד בארם עשׂרים ושׁנים אלף אישׁ׃6 וישׂם דוד נצבים בארם דמשׂק ותהי ארם לדוד לעבדים נושׂאי מנחה וישׁע יהוה את דוד בכל אשׁר הלך׃7 ויקח דוד את שׁלטי הזהב אשׁר היו אל עבדי הדדעזר ויביאם ירושׁלם׃8 ומבטח ומברתי ערי הדדעזר לקח המלך דוד נחשׁת הרבה מאד׃
1 Chronicles 18:3
3 ויך דויד את הדדעזר מלך צובה חמתה בלכתו להציב ידו בנהר פרת׃
1 Chronicles 18:5
5 ויבא ארם דרמשׂק לעזור להדדעזר מלך צובה ויך דויד בארם עשׂרים ושׁנים אלף אישׁ׃
1 Chronicles 19:16
Judges 4:2
2 וימכרם יהוה ביד יבין מלך כנען אשׁר מלך בחצור ושׂר צבאו סיסרא והוא יושׁב בחרשׁת הגוים׃
Judges 4:22
22 והנה ברק רדף את סיסרא ותצא יעל לקראתו ותאמר לו לך ואראך את האישׁ אשׁר אתה מבקשׁ ויבא אליה והנה סיסרא נפל מת והיתד ברקתו׃
Judges 5:26
26 ידה ליתד תשׁלחנה וימינה להלמות עמלים והלמה סיסרא מחקה ראשׁו ומחצה וחלפה רקתו׃
2 Samuel 8:4
4 וילכד דוד ממנו אלף ושׁבע מאות פרשׁים ועשׂרים אלף אישׁ רגלי ויעקר דוד את כל הרכב ויותר ממנו מאה רכב׃
1 Chronicles 19:18
18 וינס ארם מלפני ישׂראל ויהרג דויד מארם שׁבעת אלפים רכב וארבעים אלף אישׁ רגלי ואת שׁופך שׂר הצבא המית׃
Psalms 18:38
38 (18:39) אמחצם ולא יכלו קום יפלו תחת רגלי׃
Psalms 46:11
11 (46:12) יהוה צבאות עמנו משׂגב לנו אלהי יעקב סלה׃
Genesis 14:1-5
1 ויהי בימי אמרפל מלך שׁנער אריוך מלך אלסר כדרלעמר מלך עילם ותדעל מלך גוים׃2 עשׂו מלחמה את ברע מלך סדם ואת ברשׁע מלך עמרה שׁנאב מלך אדמה ושׁמאבר מלך צביים ומלך בלע היא צער׃3 כל אלה חברו אל עמק השׂדים הוא ים המלח׃4 שׁתים עשׂרה שׁנה עבדו את כדרלעמר ושׁלשׁ עשׂרה שׁנה מרדו׃5 ובארבע עשׂרה שׁנה בא כדרלעמר והמלכים אשׁר אתו ויכו את רפאים בעשׁתרת קרנים ואת הזוזים בהם ואת האימים בשׁוה קריתים׃
Joshua 11:10
10 וישׁב יהושׁע בעת ההיא וילכד את חצור ואת מלכה הכה בחרב כי חצור לפנים היא ראשׁ כל הממלכות האלה׃
Judges 1:7
7 ויאמר אדני בזק שׁבעים מלכים בהנות ידיהם ורגליהם מקצצים היו מלקטים תחת שׁלחני כאשׁר עשׂיתי כן שׁלם לי אלהים ויביאהו ירושׁלם וימת שׁם׃
2 Samuel 8:6
6 וישׂם דוד נצבים בארם דמשׂק ותהי ארם לדוד לעבדים נושׂאי מנחה וישׁע יהוה את דוד בכל אשׁר הלך׃
1 Kings 20:1
1 ובן הדד מלך ארם קבץ את כל חילו ושׁלשׁים ושׁנים מלך אתו וסוס ורכב ויעל ויצר על שׁמרון וילחם׃
1 Chronicles 19:19
19 ויראו עבדי הדדעזר כי נגפו לפני ישׂראל וישׁלימו עם דויד ויעבדהו ולא אבה ארם להושׁיע את בני עמון עוד׃
Psalms 18:37-38
Psalms 48:4-5
Isaiah 26:11
11 יהוה רמה ידך בל יחזיון יחזו ויבשׁו קנאת עם אף אשׁ צריך תאכלם׃
Daniel 2:37
37 אנתה מלכא מלך מלכיא די אלה שׁמיא מלכותא חסנא ותקפא ויקרא יהב׃