1 וידע יואב בן צריה כי לב המלך על אבשׁלום׃2 וישׁלח יואב תקועה ויקח משׁם אשׁה חכמה ויאמר אליה התאבלי נא ולבשׁי נא בגדי אבל ואל תסוכי שׁמן והיית כאשׁה זה ימים רבים מתאבלת על מת׃3 ובאת אל המלך ודברת אליו כדבר הזה וישׂם יואב את הדברים בפיה׃4 ותאמר האשׁה התקעית אל המלך ותפל על אפיה ארצה ותשׁתחו ותאמר הושׁעה המלך׃5 ויאמר לה המלך מה לך ותאמר אבל אשׁה אלמנה אני וימת אישׁי׃6 ולשׁפחתך שׁני בנים וינצו שׁניהם בשׂדה ואין מציל ביניהם ויכו האחד את האחד וימת אתו׃7 והנה קמה כל המשׁפחה על שׁפחתך ויאמרו תני את מכה אחיו ונמתהו בנפשׁ אחיו אשׁר הרג ונשׁמידה גם את היורשׁ וכבו את גחלתי אשׁר נשׁארה לבלתי שׂום לאישׁי שׁם ושׁארית על פני האדמה׃8 ויאמר המלך אל האשׁה לכי לביתך ואני אצוה עליך׃9 ותאמר האשׁה התקועית אל המלך עלי אדני המלך העון ועל בית אבי והמלך וכסאו נקי׃10 ויאמר המלך המדבר אליך והבאתו אלי ולא יסיף עוד לגעת׃11 ותאמר יזכר נא המלך את יהוה אלהיך מהרבית גאל הדם לשׁחת ולא ישׁמידו את בני ויאמר חי יהוה אם יפל משׂערת בנך ארצה׃12 ותאמר האשׁה תדבר נא שׁפחתך אל אדני המלך דבר ויאמר דברי׃13 ותאמר האשׁה ולמה חשׁבתה כזאת על עם אלהים ומדבר המלך הדבר הזה כאשׁם לבלתי השׁיב המלך את נדחו׃14 כי מות נמות וכמים הנגרים ארצה אשׁר לא יאספו ולא ישׂא אלהים נפשׁ וחשׁב מחשׁבות לבלתי ידח ממנו נדח׃15 ועתה אשׁר באתי לדבר אל המלך אדני את הדבר הזה כי יראני העם ותאמר שׁפחתך אדברה נא אל המלך אולי יעשׂה המלך את דבר אמתו׃16 כי ישׁמע המלך להציל את אמתו מכף האישׁ להשׁמיד אתי ואת בני יחד מנחלת אלהים׃17 ותאמר שׁפחתך יהיה נא דבר אדני המלך למנוחה כי כמלאך האלהים כן אדני המלך לשׁמע הטוב והרע ויהוה אלהיך יהי עמך׃18 ויען המלך ויאמר אל האשׁה אל נא תכחדי ממני דבר אשׁר אנכי שׁאל אתך ותאמר האשׁה ידבר נא אדני המלך׃19 ויאמר המלך היד יואב אתך בכל זאת ותען האשׁה ותאמר חי נפשׁך אדני המלך אם אשׁ להמין ולהשׂמיל מכל אשׁר דבר אדני המלך כי עבדך יואב הוא צוני והוא שׂם בפי שׁפחתך את כל הדברים האלה׃20 לבעבור סבב את פני הדבר עשׂה עבדך יואב את הדבר הזה ואדני חכם כחכמת מלאך האלהים לדעת את כל אשׁר בארץ׃21 ויאמר המלך אל יואב הנה נא עשׂיתי את הדבר הזה ולך השׁב את הנער את אבשׁלום׃22 ויפל יואב אל פניו ארצה וישׁתחו ויברך את המלך ויאמר יואב היום ידע עבדך כי מצאתי חן בעיניך אדני המלך אשׁר עשׂה המלך את דבר עבדו׃23 ויקם יואב וילך גשׁורה ויבא את אבשׁלום ירושׁלם׃24 ויאמר המלך יסב אל ביתו ופני לא יראה ויסב אבשׁלום אל ביתו ופני המלך לא ראה׃25 וכאבשׁלום לא היה אישׁ יפה בכל ישׂראל להלל מאד מכף רגלו ועד קדקדו לא היה בו מום׃26 ובגלחו את ראשׁו והיה מקץ ימים לימים אשׁר יגלח כי כבד עליו וגלחו ושׁקל את שׂער ראשׁו מאתים שׁקלים באבן המלך׃27 ויולדו לאבשׁלום שׁלושׁה בנים ובת אחת ושׁמה תמר היא היתה אשׁה יפת מראה׃28 וישׁב אבשׁלום בירושׁלם שׁנתים ימים ופני המלך לא ראה׃29 וישׁלח אבשׁלום אל יואב לשׁלח אתו אל המלך ולא אבה לבוא אליו וישׁלח עוד שׁנית ולא אבה לבוא׃30 ויאמר אל עבדיו ראו חלקת יואב אל ידי ולו שׁם שׂערים לכו והוצתיה באשׁ ויצתו עבדי אבשׁלום את החלקה באשׁ׃31 ויקם יואב ויבא אל אבשׁלום הביתה ויאמר אליו למה הציתו עבדך את החלקה אשׁר לי באשׁ׃32 ויאמר אבשׁלום אל יואב הנה שׁלחתי אליך לאמר בא הנה ואשׁלחה אתך אל המלך לאמר למה באתי מגשׁור טוב לי עד אני שׁם ועתה אראה פני המלך ואם ישׁ בי עון והמתני׃33 ויבא יואב אל המלך ויגד לו ויקרא אל אבשׁלום ויבא אל המלך וישׁתחו לו על אפיו ארצה לפני המלך וישׁק המלך לאבשׁלום׃
2 Samuel 14 Cross References - HOT
2 Samuel 2:18
18 ויהיו שׁם שׁלשׁה בני צרויה יואב ואבישׁי ועשׂהאל ועשׂהאל קל ברגליו כאחד הצבים אשׁר בשׂדה׃
2 Samuel 13:39
39 ותכל דוד המלך לצאת אל אבשׁלום כי נחם על אמנון כי מת׃
2 Samuel 18:33
33 (19:1) וירגז המלך ויעל על עלית השׁער ויבך וכה אמר בלכתו בני אבשׁלום בני בני אבשׁלום מי יתן מותי אני תחתיך אבשׁלום בני בני׃
2 Samuel 19:2
2 (19:3) ותהי התשׁעה ביום ההוא לאבל לכל העם כי שׁמע העם ביום ההוא לאמר נעצב המלך על בנו׃
2 Samuel 19:4
4 (19:5) והמלך לאט את פניו ויזעק המלך קול גדול בני אבשׁלום אבשׁלום בני בני׃
1 Chronicles 2:16
16 ואחיתיהם צרויה ואביגיל ובני צרויה אבשׁי ויואב ועשׂה אל שׁלשׁה׃
Proverbs 29:26
26 רבים מבקשׁים פני מושׁל ומיהוה משׁפט אישׁ׃
Ruth 3:3
3 ורחצת וסכת ושׂמת שׂמלתך עליך וירדתי הגרן אל תודעי לאישׁ עד כלתו לאכל ולשׁתות׃
2 Samuel 11:26
26 ותשׁמע אשׁת אוריה כי מת אוריה אישׁה ותספד על בעלה׃
2 Samuel 12:20
20 ויקם דוד מהארץ וירחץ ויסך ויחלף שׂמלתו ויבא בית יהוה וישׁתחו ויבא אל ביתו וישׁאל וישׂימו לו לחם ויאכל׃
2 Chronicles 11:6
6 ויבן את בית לחם ואת עיטם ואת תקוע׃
2 Chronicles 20:20
20 וישׁכימו בבקר ויצאו למדבר תקוע ובצאתם עמד יהושׁפט ויאמר שׁמעוני יהודה וישׁבי ירושׁלם האמינו ביהוה אלהיכם ותאמנו האמינו בנביאיו והצליחו׃
Nehemiah 3:5
5 ועל ידם החזיקו התקועים ואדיריהם לא הביאו צורם בעבדת אדניהם׃
Nehemiah 3:27
27 אחריו החזיקו התקעים מדה שׁנית מנגד המגדל הגדול היוצא ועד חומת העפל׃
Psalms 104:15
15 ויין ישׂמח לבב אנושׁ להצהיל פנים משׁמן ולחם לבב אנושׁ יסעד׃
Ecclesiastes 9:8
8 בכל עת יהיו בגדיך לבנים ושׁמן על ראשׁך אל יחסר׃
Jeremiah 6:1
1 העזו בני בנימן מקרב ירושׁלם ובתקוע תקעו שׁופר ועל בית הכרם שׂאו משׂאת כי רעה נשׁקפה מצפון ושׁבר גדול׃
Amos 1:1
1 דברי עמוס אשׁר היה בנקדים מתקוע אשׁר חזה על ישׂראל בימי עזיה מלך יהודה ובימי ירבעם בן יואשׁ מלך ישׂראל שׁנתים לפני הרעשׁ׃
Exodus 4:15
15 ודברת אליו ושׂמת את הדברים בפיו ואנכי אהיה עם פיך ועם פיהו והוריתי אתכם את אשׁר תעשׂון׃
Numbers 23:5
5 וישׂם יהוה דבר בפי בלעם ויאמר שׁוב אל בלק וכה תדבר׃
Deuteronomy 18:18
18 נביא אקים להם מקרב אחיהם כמוך ונתתי דברי בפיו ודבר אליהם את כל אשׁר אצונו׃
2 Samuel 14:19
19 ויאמר המלך היד יואב אתך בכל זאת ותען האשׁה ותאמר חי נפשׁך אדני המלך אם אשׁ להמין ולהשׂמיל מכל אשׁר דבר אדני המלך כי עבדך יואב הוא צוני והוא שׂם בפי שׁפחתך את כל הדברים האלה׃
Isaiah 51:16
16 ואשׂים דברי בפיך ובצל ידי כסיתיך לנטע שׁמים וליסד ארץ ולאמר לציון עמי אתה׃
Isaiah 59:21
21 ואני זאת בריתי אותם אמר יהוה רוחי אשׁר עליך ודברי אשׁר שׂמתי בפיך לא ימושׁו מפיך ומפי זרעך ומפי זרע זרעך אמר יהוה מעתה ועד עולם׃
Jeremiah 1:9
9 וישׁלח יהוה את ידו ויגע על פי ויאמר יהוה אלי הנה נתתי דברי בפיך׃
1 Samuel 20:41
41 הנער בא ודוד קם מאצל הנגב ויפל לאפיו ארצה וישׁתחו שׁלשׁ פעמים וישׁקו אישׁ את רעהו ויבכו אישׁ את רעהו עד דוד הגדיל׃
1 Samuel 25:23
23 ותרא אביגיל את דוד ותמהר ותרד מעל החמור ותפל לאפי דוד על פניה ותשׁתחו ארץ׃
2 Samuel 1:2
2 ויהי ביום השׁלישׁי והנה אישׁ בא מן המחנה מעם שׁאול ובגדיו קרעים ואדמה על ראשׁו ויהי בבאו אל דוד ויפל ארצה וישׁתחו׃
2 Kings 6:26-28
Job 29:12-14
Judges 9:8-15
8 הלוך הלכו העצים למשׁח עליהם מלך ויאמרו לזית מלוכה עלינו׃9 ויאמר להם הזית החדלתי את דשׁני אשׁר בי יכבדו אלהים ואנשׁים והלכתי לנוע על העצים׃10 ויאמרו העצים לתאנה לכי את מלכי עלינו׃11 ותאמר להם התאנה החדלתי את מתקי ואת תנובתי הטובה והלכתי לנוע על העצים׃12 ויאמרו העצים לגפן לכי את מלוכי עלינו׃13 ותאמר להם הגפן החדלתי את תירושׁי המשׂמח אלהים ואנשׁים והלכתי לנוע על העצים׃14 ויאמרו כל העצים אל האטד לך אתה מלך עלינו׃15 ויאמר האטד אל העצים אם באמת אתם משׁחים אתי למלך עליכם באו חסו בצלי ואם אין תצא אשׁ מן האטד ותאכל את ארזי הלבנון׃
2 Samuel 12:1-3
Genesis 4:8
8 ויאמר קין אל הבל אחיו ויהי בהיותם בשׂדה ויקם קין אל הבל אחיו ויהרגהו׃
Exodus 2:13
13 ויצא ביום השׁני והנה שׁני אנשׁים עברים נצים ויאמר לרשׁע למה תכה רעך׃
Deuteronomy 22:26-27
Genesis 4:14
14 הן גרשׁת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני׃
Genesis 27:45
45 עד שׁוב אף אחיך ממך ושׁכח את אשׁר עשׂית לו ושׁלחתי ולקחתיך משׁם למה אשׁכל גם שׁניכם יום אחד׃
Numbers 35:19
19 גאל הדם הוא ימית את הרצח בפגעו בו הוא ימתנו׃
Deuteronomy 19:12-13
Deuteronomy 25:6
6 והיה הבכור אשׁר תלד יקום על שׁם אחיו המת ולא ימחה שׁמו מישׂראל׃
2 Samuel 12:17
17 ויקמו זקני ביתו עליו להקימו מן הארץ ולא אבה ולא ברא אתם לחם׃
2 Samuel 12:5-6
2 Samuel 16:4
4 ויאמר המלך לצבא הנה לך כל אשׁר למפי בשׁת ויאמר ציבא השׁתחויתי אמצא חן בעיניך אדני המלך׃
Job 29:16
16 אב אנכי לאביונים ורב לא ידעתי אחקרהו׃
Proverbs 18:13
13 משׁיב דבר בטרם ישׁמע אולת היא לו וכלמה׃
Isaiah 11:3-4
Genesis 27:13
13 ותאמר לו אמו עלי קללתך בני אך שׁמע בקלי ולך קח׃
Numbers 35:33
33 ולא תחניפו את הארץ אשׁר אתם בה כי הדם הוא יחניף את הארץ ולארץ לא יכפר לדם אשׁר שׁפך בה כי אם בדם שׁפכו׃
Deuteronomy 21:1-9
1 כי ימצא חלל באדמה אשׁר יהוה אלהיך נתן לך לרשׁתה נפל בשׂדה לא נודע מי הכהו׃2 ויצאו זקניך ושׁפטיך ומדדו אל הערים אשׁר סביבת החלל׃3 והיה העיר הקרבה אל החלל ולקחו זקני העיר ההוא עגלת בקר אשׁר לא עבד בה אשׁר לא משׁכה בעל׃4 והורדו זקני העיר ההוא את העגלה אל נחל איתן אשׁר לא יעבד בו ולא יזרע וערפו שׁם את העגלה בנחל׃5 ונגשׁו הכהנים בני לוי כי בם בחר יהוה אלהיך לשׁרתו ולברך בשׁם יהוה ועל פיהם יהיה כל ריב וכל נגע׃6 וכל זקני העיר ההוא הקרבים אל החלל ירחצו את ידיהם על העגלה הערופה בנחל׃7 וענו ואמרו ידינו לא שׁפכה את הדם הזה ועינינו לא ראו׃8 כפר לעמך ישׂראל אשׁר פדית יהוה ואל תתן דם נקי בקרב עמך ישׂראל ונכפר להם הדם׃9 ואתה תבער הדם הנקי מקרבך כי תעשׂה הישׁר בעיני יהוה׃
1 Samuel 25:24
24 ותפל על רגליו ותאמר בי אני אדני העון ותדבר נא אמתך באזניך ושׁמע את דברי אמתך׃
2 Samuel 3:28-29
1 Kings 2:33
33 ושׁבו דמיהם בראשׁ יואב ובראשׁ זרעו לעלם ולדוד ולזרעו ולביתו ולכסאו יהיה שׁלום עד עולם מעם יהוה׃
Genesis 14:22
22 ויאמר אברם אל מלך סדם הרמתי ידי אל יהוה אל עליון קנה שׁמים וארץ׃
Genesis 24:2-3
Genesis 31:50
50 אם תענה את בנתי ואם תקח נשׁים על בנתי אין אישׁ עמנו ראה אלהים עד ביני ובינך׃
Numbers 35:21
21 או באיבה הכהו בידו וימת מות יומת המכה רצח הוא גאל הדם ימית את הרצח בפגעו׃
Numbers 35:27
27 ומצא אתו גאל הדם מחוץ לגבול עיר מקלטו ורצח גאל הדם את הרצח אין לו דם׃
Deuteronomy 19:4-10
4 וזה דבר הרצח אשׁר ינוס שׁמה וחי אשׁר יכה את רעהו בבלי דעת והוא לא שׂנא לו מתמל שׁלשׁם׃5 ואשׁר יבא את רעהו ביער לחטב עצים ונדחה ידו בגרזן לכרת העץ ונשׁל הברזל מן העץ ומצא את רעהו ומת הוא ינוס אל אחת הערים האלה וחי׃6 פן ירדף גאל הדם אחרי הרצח כי יחם לבבו והשׂיגו כי ירבה הדרך והכהו נפשׁ ולו אין משׁפט מות כי לא שׂנא הוא לו מתמול שׁלשׁום׃7 על כן אנכי מצוך לאמר שׁלשׁ ערים תבדיל׃8 ואם ירחיב יהוה אלהיך את גבלך כאשׁר נשׁבע לאבתיך ונתן לך את כל הארץ אשׁר דבר לתת לאבתיך׃9 כי תשׁמר את כל המצוה הזאת לעשׂתה אשׁר אנכי מצוך היום לאהבה את יהוה אלהיך וללכת בדרכיו כל הימים ויספת לך עוד שׁלשׁ ערים על השׁלשׁ האלה׃10 ולא ישׁפך דם נקי בקרב ארצך אשׁר יהוה אלהיך נתן לך נחלה והיה עליך דמים׃
Joshua 20:3-6
3 לנוס שׁמה רוצח מכה נפשׁ בשׁגגה בבלי דעת והיו לכם למקלט מגאל הדם׃4 ונס אל אחת מהערים האלה ועמד פתח שׁער העיר ודבר באזני זקני העיר ההיא את דבריו ואספו אתו העירה אליהם ונתנו לו מקום וישׁב עמם׃5 וכי ירדף גאל הדם אחריו ולא יסגרו את הרצח בידו כי בבלי דעת הכה את רעהו ולא שׂנא הוא לו מתמול שׁלשׁום׃6 וישׁב בעיר ההיא עד עמדו לפני העדה למשׁפט עד מות הכהן הגדול אשׁר יהיה בימים ההם אז ישׁוב הרוצח ובא אל עירו ואל ביתו אל העיר אשׁר נס משׁם׃
1 Samuel 14:45
45 ויאמר העם אל שׁאול היונתן ימות אשׁר עשׂה הישׁועה הגדולה הזאת בישׂראל חלילה חי יהוה אם יפל משׂערת ראשׁו ארצה כי עם אלהים עשׂה היום הזה ויפדו העם את יונתן ולא מת׃
1 Samuel 20:42
42 ויאמר יהונתן לדוד לך לשׁלום אשׁר נשׁבענו שׁנינו אנחנו בשׁם יהוה לאמר יהוה יהיה ביני ובינך ובין זרעי ובין זרעך עד עולם׃ (21:1) ויקם וילך ויהונתן בא העיר׃
1 Samuel 28:10
10 וישׁבע לה שׁאול ביהוה לאמר חי יהוה אם יקרך עון בדבר הזה׃
1 Kings 1:52
52 ויאמר שׁלמה אם יהיה לבן חיל לא יפל משׂערתו ארצה ואם רעה תמצא בו ומת׃
Jeremiah 4:2
2 ונשׁבעת חי יהוה באמת במשׁפט ובצדקה והתברכו בו גוים ובו יתהללו׃
Genesis 18:27
27 ויען אברהם ויאמר הנה נא הואלתי לדבר אל אדני ואנכי עפר ואפר׃
Genesis 18:32
32 ויאמר אל נא יחר לאדני ואדברה אך הפעם אולי ימצאון שׁם עשׂרה ויאמר לא אשׁחית בעבור העשׂרה׃
Genesis 44:18
18 ויגשׁ אליו יהודה ויאמר בי אדני ידבר נא עבדך דבר באזני אדני ואל יחר אפך בעבדך כי כמוך כפרעה׃
Jeremiah 12:1
1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃
Judges 20:2
2 ויתיצבו פנות כל העם כל שׁבטי ישׂראל בקהל עם האלהים ארבע מאות אלף אישׁ רגלי שׁלף חרב׃
2 Samuel 7:8
8 ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישׂראל׃
2 Samuel 12:7
7 ויאמר נתן אל דוד אתה האישׁ כה אמר יהוה אלהי ישׂראל אנכי משׁחתיך למלך על ישׂראל ואנכי הצלתיך מיד שׁאול׃
2 Samuel 13:37-38
1 Kings 20:40-42
Exodus 21:13
13 ואשׁר לא צדה והאלהים אנה לידו ושׂמתי לך מקום אשׁר ינוס שׁמה׃
Leviticus 26:40
40 והתודו את עונם ואת עון אבתם במעלם אשׁר מעלו בי ואף אשׁר הלכו עמי בקרי׃
Numbers 35:15
15 לבני ישׂראל ולגר ולתושׁב בתוכם תהיינה שׁשׁ הערים האלה למקלט לנוס שׁמה כל מכה נפשׁ בשׁגגה׃
Numbers 35:25
25 והצילו העדה את הרצח מיד גאל הדם והשׁיבו אתו העדה אל עיר מקלטו אשׁר נס שׁמה וישׁב בה עד מות הכהן הגדל אשׁר משׁח אתו בשׁמן הקדשׁ׃
Numbers 35:28
28 כי בעיר מקלטו ישׁב עד מות הכהן הגדל ואחרי מות הכהן הגדל ישׁוב הרצח אל ארץ אחזתו׃
Deuteronomy 10:17
17 כי יהוה אלהיכם הוא אלהי האלהים ואדני האדנים האל הגדל הגבר והנורא אשׁר לא ישׂא פנים ולא יקח שׁחד׃
2 Samuel 11:25
25 ויאמר דוד אל המלאך כה תאמר אל יואב אל ירע בעיניך את הדבר הזה כי כזה וכזה תאכל החרב החזק מלחמתך אל העיר והרסה וחזקהו׃
Job 14:7-12
Job 14:14
14 אם ימות גבר היחיה כל ימי צבאי איחל עד בוא חליפתי׃
Job 30:23
23 כי ידעתי מות תשׁיבני ובית מועד לכל חי׃
Job 34:15
15 יגוע כל בשׂר יחד ואדם על עפר ישׁוב׃
Job 34:19
19 אשׁר לא נשׂא פני שׂרים ולא נכר שׁוע לפני דל כי מעשׂה ידיו כלם׃
Psalms 22:14
14 (22:15) כמים נשׁפכתי והתפרדו כל עצמותי היה לבי כדונג נמס בתוך מעי׃
Psalms 58:7
7 (58:8) ימאסו כמו מים יתהלכו למו ידרך חצו כמו יתמללו׃
Psalms 79:3
3 שׁפכו דמם כמים סביבות ירושׁלם ואין קובר׃
Psalms 90:3
3 תשׁב אנושׁ עד דכא ותאמר שׁובו בני אדם׃
Psalms 90:10
10 ימי שׁנותינו בהם שׁבעים שׁנה ואם בגבורת שׁמונים שׁנה ורהבם עמל ואון כי גז חישׁ ונעפה׃
Ecclesiastes 3:19-20
Ecclesiastes 9:5
5 כי החיים יודעים שׁימתו והמתים אינם יודעים מאומה ואין עוד להם שׂכר כי נשׁכח זכרם׃
Isaiah 50:1-2
1 Samuel 26:19
19 ועתה ישׁמע נא אדני המלך את דברי עבדו אם יהוה הסיתך בי ירח מנחה ואם בני האדם ארורים הם לפני יהוה כי גרשׁוני היום מהסתפח בנחלת יהוה לאמר לך עבד אלהים אחרים׃
1 Samuel 29:9
9 ויען אכישׁ ויאמר אל דוד ידעתי כי טוב אתה בעיני כמלאך אלהים אך שׂרי פלשׁתים אמרו לא יעלה עמנו במלחמה׃
2 Samuel 14:20
20 לבעבור סבב את פני הדבר עשׂה עבדך יואב את הדבר הזה ואדני חכם כחכמת מלאך האלהים לדעת את כל אשׁר בארץ׃
2 Samuel 19:27
27 (19:28) וירגל בעבדך אל אדני המלך ואדני המלך כמלאך האלהים ועשׂה הטוב בעיניך׃
1 Kings 3:9
9 ונתת לעבדך לב שׁמע לשׁפט את עמך להבין בין טוב לרע כי מי יוכל לשׁפט את עמך הכבד הזה׃
1 Kings 3:28
28 וישׁמעו כל ישׂראל את המשׁפט אשׁר שׁפט המלך ויראו מפני המלך כי ראו כי חכמת אלהים בקרבו לעשׂות משׁפט׃
Job 6:30
30 הישׁ בלשׁוני עולה אם חכי לא יבין הוות׃
Proverbs 27:21
21 מצרף לכסף וכור לזהב ואישׁ לפי מהללו׃
Proverbs 29:5
5 גבר מחליק על רעהו רשׁת פורשׂ על פעמיו׃
1 Samuel 3:17-18
Jeremiah 38:14
14 וישׁלח המלך צדקיהו ויקח את ירמיהו הנביא אליו אל מבוא השׁלישׁי אשׁר בבית יהוה ויאמר המלך אל ירמיהו שׁאל אני אתך דבר אל תכחד ממני דבר׃
Jeremiah 38:25
25 וכי ישׁמעו השׂרים כי דברתי אתך ובאו אליך ואמרו אליך הגידה נא לנו מה דברת אל המלך אל תכחד ממנו ולא נמיתך ומה דבר אליך המלך׃
Numbers 20:17
17 נעברה נא בארצך לא נעבר בשׂדה ובכרם ולא נשׁתה מי באר דרך המלך נלך לא נטה ימין ושׂמאול עד אשׁר נעבר גבלך׃
Deuteronomy 5:32
32 ושׁמרתם לעשׂות כאשׁר צוה יהוה אלהיכם אתכם לא תסרו ימין ושׂמאל׃
Deuteronomy 28:14
14 ולא תסור מכל הדברים אשׁר אנכי מצוה אתכם היום ימין ושׂמאול ללכת אחרי אלהים אחרים לעבדם׃
Joshua 1:7
7 רק חזק ואמץ מאד לשׁמר לעשׂות ככל התורה אשׁר צוך משׁה עבדי אל תסור ממנו ימין ושׂמאול למען תשׂכיל בכל אשׁר תלך׃
1 Samuel 1:26
26 ותאמר בי אדני חי נפשׁך אדני אני האשׁה הנצבת עמכה בזה להתפלל אל יהוה׃
1 Samuel 17:55
55 וכראות שׁאול את דוד יצא לקראת הפלשׁתי אמר אל אבנר שׂר הצבא בן מי זה הנער אבנר ויאמר אבנר חי נפשׁך המלך אם ידעתי׃
1 Samuel 20:3
3 וישׁבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשׁך כי כפשׂע ביני ובין המות׃
1 Samuel 25:26
26 ועתה אדני חי יהוה וחי נפשׁך אשׁר מנעך יהוה מבוא בדמים והושׁע ידך לך ועתה יהיו כנבל איביך והמבקשׁים אל אדני רעה׃
2 Samuel 3:27
27 וישׁב אבנר חברון ויטהו יואב אל תוך השׁער לדבר אתו בשׁלי ויכהו שׁם החמשׁ וימת בדם עשׂה אל אחיו׃
2 Samuel 3:29
29 יחלו על ראשׁ יואב ואל כל בית אביו ואל יכרת מבית יואב זב ומצרע ומחזיק בפלך ונפל בחרב וחסר לחם׃
2 Samuel 3:34
34 ידך לא אסרות ורגליך לא לנחשׁתים הגשׁו כנפול לפני בני עולה נפלת ויספו כל העם לבכות עליו׃
2 Samuel 11:11
11 ויאמר אוריה אל דוד הארון וישׂראל ויהודה ישׁבים בסכות ואדני יואב ועבדי אדני על פני השׂדה חנים ואני אבוא אל ביתי לאכל ולשׁתות ולשׁכב עם אשׁתי חיך וחי נפשׁך אם אעשׂה את הדבר הזה׃
2 Samuel 11:14-15
2 Samuel 14:3
3 ובאת אל המלך ודברת אליו כדבר הזה וישׂם יואב את הדברים בפיה׃
1 Kings 2:5-6
2 Kings 2:2
2 ויאמר אליהו אל אלישׁע שׁב נא פה כי יהוה שׁלחני עד בית אל ויאמר אלישׁע חי יהוה וחי נפשׁך אם אעזבך וירדו בית אל׃
Proverbs 4:27
27 אל תט ימין ושׂמאול הסר רגלך מרע׃
Genesis 3:5
5 כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע׃
2 Samuel 5:23
23 וישׁאל דוד ביהוה ויאמר לא תעלה הסב אל אחריהם ובאת להם ממול בכאים׃
2 Samuel 14:17
17 ותאמר שׁפחתך יהיה נא דבר אדני המלך למנוחה כי כמלאך האלהים כן אדני המלך לשׁמע הטוב והרע ויהוה אלהיך יהי עמך׃
Job 32:21-22
Job 38:16-41
16 הבאת עד נבכי ים ובחקר תהום התהלכת׃17 הנגלו לך שׁערי מות ושׁערי צלמות תראה׃18 התבננת עד רחבי ארץ הגד אם ידעת כלה׃19 אי זה הדרך ישׁכן אור וחשׁך אי זה מקמו׃20 כי תקחנו אל גבולו וכי תבין נתיבות ביתו׃21 ידעת כי אז תולד ומספר ימיך רבים׃22 הבאת אל אצרות שׁלג ואצרות ברד תראה׃23 אשׁר חשׂכתי לעת צר ליום קרב ומלחמה׃24 אי זה הדרך יחלק אור יפץ קדים עלי ארץ׃25 מי פלג לשׁטף תעלה ודרך לחזיז קלות׃26 להמטיר על ארץ לא אישׁ מדבר לא אדם׃27 להשׂביע שׁאה ומשׁאה ולהצמיח מצא דשׁא׃28 הישׁ למטר אב או מי הוליד אגלי טל׃29 מבטן מי יצא הקרח וכפר שׁמים מי ילדו׃30 כאבן מים יתחבאו ופני תהום יתלכדו׃31 התקשׁר מעדנות כימה או משׁכות כסיל תפתח׃32 התציא מזרות בעתו ועישׁ על בניה תנחם׃33 הידעת חקות שׁמים אם תשׂים משׁטרו בארץ׃34 התרים לעב קולך ושׁפעת מים תכסך׃35 התשׁלח ברקים וילכו ויאמרו לך הננו׃36 מי שׁת בטחות חכמה או מי נתן לשׂכוי בינה׃37 מי יספר שׁחקים בחכמה ונבלי שׁמים מי ישׁכיב׃38 בצקת עפר למוצק ורגבים ידבקו׃39 התצוד ללביא טרף וחית כפירים תמלא׃40 כי ישׁחו במעונות ישׁבו בסכה למו ארב׃41 מי יכין לערב צידו כי ילדו אל אל ישׁועו יתעו לבלי אכל׃
Proverbs 26:28
28 לשׁון שׁקר ישׂנא דכיו ופה חלק יעשׂה מדחה׃
1 Samuel 14:39
39 כי חי יהוה המושׁיע את ישׂראל כי אם ישׁנו ביונתן בני כי מות ימות ואין ענהו מכל העם׃
2 Samuel 14:11
11 ותאמר יזכר נא המלך את יהוה אלהיך מהרבית גאל הדם לשׁחת ולא ישׁמידו את בני ויאמר חי יהוה אם יפל משׂערת בנך ארצה׃
Genesis 6:8
8 ונח מצא חן בעיני יהוה׃
Exodus 33:16-17
Ruth 2:2
2 ותאמר רות המואביה אל נעמי אלכה נא השׂדה ואלקטה בשׁבלים אחר אשׁר אמצא חן בעיניו ותאמר לה לכי בתי׃
2 Samuel 19:39
39 (19:40) ויעבר כל העם את הירדן והמלך עבר וישׁק המלך לברזלי ויברכהו וישׁב למקמו׃
Nehemiah 11:2
2 ויברכו העם לכל האנשׁים המתנדבים לשׁבת בירושׁלם׃
Job 29:11
11 כי אזן שׁמעה ותאשׁרני ועין ראתה ותעידני׃
Job 31:20
20 אם לא ברכוני חלצו ומגז כבשׂי יתחמם׃
Proverbs 31:28
28 קמו בניה ויאשׁרוה בעלה ויהללה׃
2 Samuel 3:3
3 ומשׁנהו כלאב לאביגל אשׁת נבל הכרמלי והשׁלשׁי אבשׁלום בן מעכה בת תלמי מלך גשׁור׃
Genesis 43:3
3 ויאמר אליו יהודה לאמר העד העד בנו האישׁ לאמר לא תראו פני בלתי אחיכם אתכם׃
Exodus 10:28
28 ויאמר לו פרעה לך מעלי השׁמר לך אל תסף ראות פני כי ביום ראתך פני תמות׃
2 Samuel 3:13
13 ויאמר טוב אני אכרת אתך ברית אך דבר אחד אנכי שׁאל מאתך לאמר לא תראה את פני כי אם לפני הביאך את מיכל בת שׁאול בבאך לראות את פני׃
2 Samuel 14:28
28 וישׁב אבשׁלום בירושׁלם שׁנתים ימים ופני המלך לא ראה׃
Deuteronomy 28:35
35 יככה יהוה בשׁחין רע על הברכים ועל השׁקים אשׁר לא תוכל להרפא מכף רגלך ועד קדקדך׃
1 Samuel 9:2
2 ולו היה בן ושׁמו שׁאול בחור וטוב ואין אישׁ מבני ישׂראל טוב ממנו משׁכמו ומעלה גבה מכל העם׃
1 Samuel 16:7
7 ויאמר יהוה אל שׁמואל אל תבט אל מראהו ואל גבה קומתו כי מאסתיהו כי לא אשׁר יראה האדם כי האדם יראה לעינים ויהוה יראה ללבב׃
Job 2:7
7 ויצא השׂטן מאת פני יהוה ויך את איוב בשׁחין רע מכף רגלו עד קדקדו׃
Proverbs 31:30
30 שׁקר החן והבל היפי אשׁה יראת יהוה היא תתהלל׃
Isaiah 1:6
6 מכף רגל ועד ראשׁ אין בו מתם פצע וחבורה ומכה טריה לא זרו ולא חבשׁו ולא רככה בשׁמן׃
Genesis 23:16
16 וישׁמע אברהם אל עפרון וישׁקל אברהם לעפרן את הכסף אשׁר דבר באזני בני חת ארבע מאות שׁקל כסף עבר לסחר׃
Leviticus 19:36
36 מאזני צדק אבני צדק איפת צדק והין צדק יהיה לכם אני יהוה אלהיכם אשׁר הוצאתי אתכם מארץ מצרים׃
2 Samuel 18:9
9 ויקרא אבשׁלום לפני עבדי דוד ואבשׁלום רכב על הפרד ויבא הפרד תחת שׂובך האלה הגדולה ויחזק ראשׁו באלה ויתן בין השׁמים ובין הארץ והפרד אשׁר תחתיו עבר׃
Isaiah 3:24
24 והיה תחת בשׂם מק יהיה ותחת חגורה נקפה ותחת מעשׂה מקשׁה קרחה ותחת פתיגיל מחגרת שׂק כי תחת יפי׃
Ezekiel 44:20
20 וראשׁם לא יגלחו ופרע לא ישׁלחו כסום יכסמו את ראשׁיהם׃
Ezekiel 45:9-14
9 כה אמר אדני יהוה רב לכם נשׂיאי ישׂראל חמס ושׁד הסירו ומשׁפט וצדקה עשׂו הרימו גרשׁתיכם מעל עמי נאם אדני יהוה׃10 מאזני צדק ואיפת צדק ובת צדק יהי׃11 האיפה והבת תכן אחד יהיה לשׂאת מעשׂר החמר הבת ועשׂירת החמר האיפה אל החמר יהיה מתכנתו׃12 והשׁקל עשׂרים גרה עשׂרים שׁקלים חמשׁה ועשׂרים שׁקלים עשׂרה וחמשׁה שׁקל המנה יהיה׃13 זאת התרומה אשׁר תרימו שׁשׁית האיפה מחמר החטים ושׁשׁיתם האיפה מחמר השׂערים׃14 וחק השׁמן הבת השׁמן מעשׂר הבת מן הכר עשׂרת הבתים חמר כי עשׂרת הבתים חמר׃
2 Samuel 13:1
1 ויהי אחרי כן ולאבשׁלום בן דוד אחות יפה ושׁמה תמר ויאהבה אמנון בן דוד׃
2 Samuel 18:18
18 ואבשׁלם לקח ויצב לו בחיו את מצבת אשׁר בעמק המלך כי אמר אין לי בן בעבור הזכיר שׁמי ויקרא למצבת על שׁמו ויקרא לה יד אבשׁלם עד היום הזה׃
Job 18:16-19
Isaiah 14:22
22 וקמתי עליהם נאם יהוה צבאות והכרתי לבבל שׁם ושׁאר ונין ונכד נאם יהוה׃
Jeremiah 22:30
30 כה אמר יהוה כתבו את האישׁ הזה ערירי גבר לא יצלח בימיו כי לא יצלח מזרעו אישׁ ישׁב על כסא דוד ומשׁל עוד ביהודה׃
2 Samuel 14:30-31
Esther 1:12
12 ותמאן המלכה ושׁתי לבוא בדבר המלך אשׁר ביד הסריסים ויקצף המלך מאד וחמתו בערה׃
Judges 15:4-5
2 Samuel 13:28-29
1 Kings 21:9-14
9 ותכתב בספרים לאמר קראו צום והושׁיבו את נבות בראשׁ העם׃10 והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃11 ויעשׂו אנשׁי עירו הזקנים והחרים אשׁר הישׁבים בעירו כאשׁר שׁלחה אליהם איזבל כאשׁר כתוב בספרים אשׁר שׁלחה אליהם׃12 קראו צום והשׁיבו את נבות בראשׁ העם׃13 ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃14 וישׁלחו אל איזבל לאמר סקל נבות וימת׃
2 Kings 9:33
33 ויאמר שׁמטהו וישׁמטוה ויז מדמה אל הקיר ואל הסוסים וירמסנה׃
2 Kings 10:6-7
Genesis 3:12
12 ויאמר האדם האשׁה אשׁר נתתה עמדי הוא נתנה לי מן העץ ואכל׃
Exodus 14:12
12 הלא זה הדבר אשׁר דברנו אליך במצרים לאמר חדל ממנו ונעבדה את מצרים כי טוב לנו עבד את מצרים ממתנו במדבר׃
Exodus 16:3
3 ויאמרו אלהם בני ישׂראל מי יתן מותנו ביד יהוה בארץ מצרים בשׁבתנו על סיר הבשׂר באכלנו לחם לשׂבע כי הוצאתם אתנו אל המדבר הזה להמית את כל הקהל הזה ברעב׃
Exodus 17:3
3 ויצמא שׁם העם למים וילן העם על משׁה ויאמר למה זה העליתנו ממצרים להמית אתי ואת בני ואת מקני בצמא׃
1 Samuel 15:13
13 ויבא שׁמואל אל שׁאול ויאמר לו שׁאול ברוך אתה ליהוה הקימתי את דבר יהוה׃
1 Samuel 20:8
8 ועשׂית חסד על עבדך כי בברית יהוה הבאת את עבדך עמך ואם ישׁ בי עון המיתני אתה ועד אביך למה זה תביאני׃
Psalms 36:2
2 (36:3) כי החליק אליו בעיניו למצא עונו לשׂנא׃
Proverbs 28:13
13 מכסה פשׁעיו לא יצליח ומודה ועזב ירחם׃
Jeremiah 2:22-23
Jeremiah 8:12
12 הבשׁו כי תועבה עשׂו גם בושׁ לא יבשׁו והכלם לא ידעו לכן יפלו בנפלים בעת פקדתם יכשׁלו אמר יהוה׃
Genesis 27:26
26 ויאמר אליו יצחק אביו גשׁה נא ושׁקה לי בני׃
Genesis 33:4
4 וירץ עשׂו לקראתו ויחבקהו ויפל על צוארו וישׁקהו ויבכו׃
Genesis 45:15
15 וינשׁק לכל אחיו ויבך עלהם ואחרי כן דברו אחיו אתו׃