1 ושׁם נקרא אישׁ בליעל ושׁמו שׁבע בן בכרי אישׁ ימיני ויתקע בשׁפר ויאמר אין לנו חלק בדוד ולא נחלה לנו בבן ישׁי אישׁ לאהליו ישׂראל׃2 ויעל כל אישׁ ישׂראל מאחרי דוד אחרי שׁבע בן בכרי ואישׁ יהודה דבקו במלכם מן הירדן ועד ירושׁלם׃3 ויבא דוד אל ביתו ירושׁלם ויקח המלך את עשׂר נשׁים פלגשׁים אשׁר הניח לשׁמר הבית ויתנם בית משׁמרת ויכלכלם ואליהם לא בא ותהיינה צררות עד יום מתן אלמנות חיות׃4 ויאמר המלך אל עמשׂא הזעק לי את אישׁ יהודה שׁלשׁת ימים ואתה פה עמד׃5 וילך עמשׂא להזעיק את יהודה וייחר מן המועד אשׁר יעדו׃6 ויאמר דוד אל אבישׁי עתה ירע לנו שׁבע בן בכרי מן אבשׁלום אתה קח את עבדי אדניך ורדף אחריו פן מצא לו ערים בצרות והציל עיננו׃7 ויצאו אחריו אנשׁי יואב והכרתי והפלתי וכל הגברים ויצאו מירושׁלם לרדף אחרי שׁבע בן בכרי׃8 הם עם האבן הגדולה אשׁר בגבעון ועמשׂא בא לפניהם ויואב חגור מדו לבשׁו ועלו חגור חרב מצמדת על מתניו בתערה והוא יצא ותפל׃9 ויאמר יואב לעמשׂא השׁלום אתה אחי ותחז יד ימין יואב בזקן עמשׂא לנשׁק׃10 ועמשׂא לא נשׁמר בחרב אשׁר ביד יואב ויכהו בה אל החמשׁ וישׁפך מעיו ארצה ולא שׁנה לו וימת ויואב ואבישׁי אחיו רדף אחרי שׁבע בן בכרי׃11 ואישׁ עמד עליו מנערי יואב ויאמר מי אשׁר חפץ ביואב ומי אשׁר לדוד אחרי יואב׃12 ועמשׂא מתגלל בדם בתוך המסלה וירא האישׁ כי עמד כל העם ויסב את עמשׂא מן המסלה השׂדה וישׁלך עליו בגד כאשׁר ראה כל הבא עליו ועמד׃13 כאשׁר הגה מן המסלה עבר כל אישׁ אחרי יואב לרדף אחרי שׁבע בן בכרי׃14 ויעבר בכל שׁבטי ישׂראל אבלה ובית מעכה וכל הברים ויקלהו ויבאו אף אחריו׃15 ויבאו ויצרו עליו באבלה בית המעכה וישׁפכו סללה אל העיר ותעמד בחל וכל העם אשׁר את יואב משׁחיתם להפיל החומה׃16 ותקרא אשׁה חכמה מן העיר שׁמעו שׁמעו אמרו נא אל יואב קרב עד הנה ואדברה אליך׃17 ויקרב אליה ותאמר האשׁה האתה יואב ויאמר אני ותאמר לו שׁמע דברי אמתך ויאמר שׁמע אנכי׃18 ותאמר לאמר דבר ידברו בראשׁנה לאמר שׁאל ישׁאלו באבל וכן התמו׃19 אנכי שׁלמי אמוני ישׂראל אתה מבקשׁ להמית עיר ואם בישׂראל למה תבלע נחלת יהוה׃20 ויען יואב ויאמר חלילה חלילה לי אם אבלע ואם אשׁחית׃21 לא כן הדבר כי אישׁ מהר אפרים שׁבע בן בכרי שׁמו נשׂא ידו במלך בדוד תנו אתו לבדו ואלכה מעל העיר ותאמר האשׁה אל יואב הנה ראשׁו משׁלך אליך בעד החומה׃22 ותבוא האשׁה אל כל העם בחכמתה ויכרתו את ראשׁ שׁבע בן בכרי וישׁלכו אל יואב ויתקע בשׁופר ויפצו מעל העיר אישׁ לאהליו ויואב שׁב ירושׁלם אל המלך׃23 ויואב אל כל הצבא ישׂראל ובניה בן יהוידע על הכרי ועל הפלתי׃24 ואדרם על המס ויהושׁפט בן אחילוד המזכיר׃25 ושׁיא ספר וצדוק ואביתר כהנים׃26 וגם עירא היארי היה כהן לדוד׃
2 Samuel 20 Cross References - HOT
Deuteronomy 13:13
13 (13:14) יצאו אנשׁים בני בליעל מקרבך וידיחו את ישׁבי עירם לאמר נלכה ונעבדה אלהים אחרים אשׁר לא ידעתם׃
Judges 3:27
27 ויהי בבואו ויתקע בשׁופר בהר אפרים וירדו עמו בני ישׂראל מן ההר והוא לפניהם׃
Judges 19:22
22 המה מיטיבים את לבם והנה אנשׁי העיר אנשׁי בני בליעל נסבו את הבית מתדפקים על הדלת ויאמרו אל האישׁ בעל הבית הזקן לאמר הוצא את האישׁ אשׁר בא אל ביתך ונדענו׃
1 Samuel 2:12
12 ובני עלי בני בליעל לא ידעו את יהוה׃
1 Samuel 22:7-8
1 Samuel 30:22
22 ויען כל אישׁ רע ובליעל מהאנשׁים אשׁר הלכו עם דוד ויאמרו יען אשׁר לא הלכו עמי לא נתן להם מהשׁלל אשׁר הצלנו כי אם אישׁ את אשׁתו ואת בניו וינהגו וילכו׃
2 Samuel 15:10
10 וישׁלח אבשׁלום מרגלים בכל שׁבטי ישׂראל לאמר כשׁמעכם את קול השׁפר ואמרתם מלך אבשׁלום בחברון׃
2 Samuel 19:41-43
41 (19:42) והנה כל אישׁ ישׂראל באים אל המלך ויאמרו אל המלך מדוע גנבוך אחינו אישׁ יהודה ויעברו את המלך ואת ביתו את הירדן וכל אנשׁי דוד עמו׃42 (19:43) ויען כל אישׁ יהודה על אישׁ ישׂראל כי קרוב המלך אלי ולמה זה חרה לך על הדבר הזה האכול אכלנו מן המלך אם נשׂאת נשׂא׃43 (19:44) ויען אישׁ ישׂראל את אישׁ יהודה ויאמר עשׂר ידות לי במלך וגם בדוד אני ממך ומדוע הקלתני ולא היה דברי ראשׁון לי להשׁיב את מלכי ויקשׁ דבר אישׁ יהודה מדבר אישׁ ישׂראל׃
2 Samuel 23:6
6 ובליעל כקוץ מנד כלהם כי לא ביד יקחו׃
1 Kings 12:16
16 וירא כל ישׂראל כי לא שׁמע המלך אליהם וישׁבו העם את המלך דבר לאמר מה לנו חלק בדוד ולא נחלה בבן ישׁי לאהליך ישׂראל עתה ראה ביתך דוד וילך ישׂראל לאהליו׃
2 Chronicles 10:6
6 ויועץ המלך רחבעם את הזקנים אשׁר היו עמדים לפני שׁלמה אביו בהיתו חי לאמר איך אתם נועצים להשׁיב לעם הזה דבר׃
2 Chronicles 10:16
16 וכל ישׂראל כי לא שׁמע המלך להם וישׁיבו העם את המלך לאמר מה לנו חלק בדויד ולא נחלה בבן ישׁי אישׁ לאהליך ישׂראל עתה ראה ביתך דויד וילך כל ישׂראל לאהליו׃
Psalms 17:13
13 קומה יהוה קדמה פניו הכריעהו פלטה נפשׁי מרשׁע חרבך׃
Psalms 34:19
19 (34:20) רבות רעות צדיק ומכלם יצילנו יהוה׃
Proverbs 24:21-22
Proverbs 25:8
8 אל תצא לרב מהר פן מה תעשׂה באחריתה בהכלים אתך רעך׃
Proverbs 26:21
21 פחם לגחלים ועצים לאשׁ ואישׁ מדונים לחרחר ריב׃
Habakkuk 1:12-13
2 Samuel 19:15
15 (19:16) וישׁב המלך ויבא עד הירדן ויהודה בא הגלגלה ללכת לקראת המלך להעביר את המלך את הירדן׃
2 Samuel 19:40-41
2 Chronicles 10:17
17 ובני ישׂראל הישׁבים בערי יהודה וימלך עליהם רחבעם׃
Psalms 62:9
9 (62:10) אך הבל בני אדם כזב בני אישׁ במאזנים לעלות המה מהבל יחד׃
Psalms 118:8-10
Proverbs 17:14
14 פוטר מים ראשׁית מדון ולפני התגלע הריב נטושׁ׃
Genesis 40:3
3 ויתן אתם במשׁמר בית שׂר הטבחים אל בית הסהר מקום אשׁר יוסף אסור שׁם׃
2 Samuel 15:16
16 ויצא המלך וכל ביתו ברגליו ויעזב המלך את עשׂר נשׁים פלגשׁים לשׁמר הבית׃
2 Samuel 16:21-22
2 Samuel 17:25
25 ואת עמשׂא שׂם אבשׁלם תחת יואב על הצבא ועמשׂא בן אישׁ ושׁמו יתרא הישׂראלי אשׁר בא אל אביגל בת נחשׁ אחות צרויה אם יואב׃
2 Samuel 19:13
13 (19:14) ולעמשׂא תמרו הלוא עצמי ובשׂרי אתה כה יעשׂה לי אלהים וכה יוסיף אם לא שׂר צבא תהיה לפני כל הימים תחת יואב׃
1 Chronicles 2:17
17 ואביגיל ילדה את עמשׂא ואבי עמשׂא יתר הישׁמעאלי׃
1 Samuel 13:8
8 וייחל שׁבעת ימים למועד אשׁר שׁמואל ולא בא שׁמואל הגלגל ויפץ העם מעליו׃
1 Samuel 26:6
6 ויען דוד ויאמר אל אחימלך החתי ואל אבישׁי בן צרויה אחי יואב לאמר מי ירד אתי אל שׁאול אל המחנה ויאמר אבישׁי אני ארד עמך׃
2 Samuel 2:18
18 ויהיו שׁם שׁלשׁה בני צרויה יואב ואבישׁי ועשׂהאל ועשׂהאל קל ברגליו כאחד הצבים אשׁר בשׂדה׃
2 Samuel 3:30
30 ויואב ואבישׁי אחיו הרגו לאבנר על אשׁר המית את עשׂהאל אחיהם בגבעון במלחמה׃
2 Samuel 3:39
39 ואנכי היום רך ומשׁוח מלך והאנשׁים האלה בני צרויה קשׁים ממני ישׁלם יהוה לעשׂה הרעה כרעתו׃
2 Samuel 10:9-10
2 Samuel 10:14
14 ובני עמון ראו כי נס ארם וינסו מפני אבישׁי ויבאו העיר וישׁב יואב מעל בני עמון ויבא ירושׁלם׃
2 Samuel 11:11
11 ויאמר אוריה אל דוד הארון וישׂראל ויהודה ישׁבים בסכות ואדני יואב ועבדי אדני על פני השׂדה חנים ואני אבוא אל ביתי לאכל ולשׁתות ולשׁכב עם אשׁתי חיך וחי נפשׁך אם אעשׂה את הדבר הזה׃
2 Samuel 18:2
2 וישׁלח דוד את העם השׁלשׁית ביד יואב והשׁלשׁית ביד אבישׁי בן צרויה אחי יואב והשׁלשׁת ביד אתי הגתי ויאמר המלך אל העם יצא אצא גם אני עמכם׃
2 Samuel 18:12
12 ויאמר האישׁ אל יואב ולא אנכי שׁקל על כפי אלף כסף לא אשׁלח ידי אל בן המלך כי באזנינו צוה המלך אתך ואת אבישׁי ואת אתי לאמר שׁמרו מי בנער באבשׁלום׃
2 Samuel 19:7
7 (19:8) ועתה קום צא ודבר על לב עבדיך כי ביהוה נשׁבעתי כי אינך יוצא אם ילין אישׁ אתך הלילה ורעה לך זאת מכל הרעה אשׁר באה עליך מנעריך עד עתה׃
2 Samuel 21:17
17 ויעזר לו אבישׁי בן צרויה ויך את הפלשׁתי וימיתהו אז נשׁבעו אנשׁי דוד לו לאמר לא תצא עוד אתנו למלחמה ולא תכבה את נר ישׂראל׃
2 Samuel 23:18
18 ואבישׁי אחי יואב בן צרויה הוא ראשׁ השׁלשׁי והוא עורר את חניתו על שׁלשׁ מאות חלל ולו שׁם בשׁלשׁה׃
1 Kings 1:33
33 ויאמר המלך להם קחו עמכם את עבדי אדניכם והרכבתם את שׁלמה בני על הפרדה אשׁר לי והורדתם אתו אל גחון׃
1 Chronicles 11:20
20 ואבשׁי אחי יואב הוא היה ראשׁ השׁלושׁה והוא עורר את חניתו על שׁלשׁ מאות חלל ולא שׁם בשׁלושׁה׃
1 Chronicles 18:12
12 ואבשׁי בן צרויה הכה את אדום בגיא המלח שׁמונה עשׂר אלף׃
2 Samuel 8:16
16 ויואב בן צרויה על הצבא ויהושׁפט בן אחילוד מזכיר׃
2 Samuel 8:18
18 ובניהו בן יהוידע והכרתי והפלתי ובני דוד כהנים היו׃
2 Samuel 15:18
18 וכל עבדיו עברים על ידו וכל הכרתי וכל הפלתי וכל הגתים שׁשׁ מאות אישׁ אשׁר באו ברגלו מגת עברים על פני המלך׃
2 Samuel 20:23
23 ויואב אל כל הצבא ישׂראל ובניה בן יהוידע על הכרי ועל הפלתי׃
2 Samuel 23:22-23
1 Kings 1:38
38 וירד צדוק הכהן ונתן הנביא ובניהו בן יהוידע והכרתי והפלתי וירכבו את שׁלמה על פרדת המלך דוד וילכו אתו על גחון׃
1 Kings 1:44
44 וישׁלח אתו המלך את צדוק הכהן ואת נתן הנביא ובניהו בן יהוידע והכרתי והפלתי וירכבו אתו על פרדת המלך׃
2 Samuel 2:13
13 ויואב בן צרויה ועבדי דוד יצאו ויפגשׁום על ברכת גבעון יחדו וישׁבו אלה על הברכה מזה ואלה על הברכה מזה׃
2 Samuel 20:4-5
Psalms 55:21
21 (55:22) חלקו מחמאת פיו וקרב לבו רכו דבריו משׁמן והמה פתחות׃
Proverbs 26:24-26
Micah 7:2
2 אבד חסיד מן הארץ וישׁר באדם אין כלם לדמים יארבו אישׁ את אחיהו יצודו חרם׃
Genesis 4:8
8 ויאמר קין אל הבל אחיו ויהי בהיותם בשׂדה ויקם קין אל הבל אחיו ויהרגהו׃
Judges 3:21
21 וישׁלח אהוד את יד שׂמאלו ויקח את החרב מעל ירך ימינו ויתקעה בבטנו׃
1 Samuel 26:8
8 ויאמר אבישׁי אל דוד סגר אלהים היום את אויבך בידך ועתה אכנו נא בחנית ובארץ פעם אחת ולא אשׁנה׃
2 Samuel 2:23
23 וימאן לסור ויכהו אבנר באחרי החנית אל החמשׁ ותצא החנית מאחריו ויפל שׁם וימת תחתו ויהי כל הבא אל המקום אשׁר נפל שׁם עשׂהאל וימת ויעמדו׃
2 Samuel 3:27
27 וישׁב אבנר חברון ויטהו יואב אל תוך השׁער לדבר אתו בשׁלי ויכהו שׁם החמשׁ וימת בדם עשׂה אל אחיו׃
2 Samuel 20:9
9 ויאמר יואב לעמשׂא השׁלום אתה אחי ותחז יד ימין יואב בזקן עמשׂא לנשׁק׃
1 Kings 2:5-6
1 Kings 2:31-34
31 ויאמר לו המלך עשׂה כאשׁר דבר ופגע בו וקברתו והסירת דמי חנם אשׁר שׁפך יואב מעלי ומעל בית אבי׃32 והשׁיב יהוה את דמו על ראשׁו אשׁר פגע בשׁני אנשׁים צדקים וטבים ממנו ויהרגם בחרב ואבי דוד לא ידע את אבנר בן נר שׂר צבא ישׂראל ואת עמשׂא בן יתר שׂר צבא יהודה׃33 ושׁבו דמיהם בראשׁ יואב ובראשׁ זרעו לעלם ולדוד ולזרעו ולביתו ולכסאו יהיה שׁלום עד עולם מעם יהוה׃34 ויעל בניהו בן יהוידע ויפגע בו וימתהו ויקבר בביתו במדבר׃
1 Chronicles 12:2
2 נשׁקי קשׁת מימינים ומשׂמאלים באבנים ובחצים בקשׁת מאחי שׁאול מבנימן׃
2 Samuel 20:4
4 ויאמר המלך אל עמשׂא הזעק לי את אישׁ יהודה שׁלשׁת ימים ואתה פה עמד׃
2 Samuel 20:6-7
2 Samuel 20:13
13 כאשׁר הגה מן המסלה עבר כל אישׁ אחרי יואב לרדף אחרי שׁבע בן בכרי׃
2 Samuel 20:21
21 לא כן הדבר כי אישׁ מהר אפרים שׁבע בן בכרי שׁמו נשׂא ידו במלך בדוד תנו אתו לבדו ואלכה מעל העיר ותאמר האשׁה אל יואב הנה ראשׁו משׁלך אליך בעד החומה׃
2 Kings 9:32
32 וישׂא פניו אל החלון ויאמר מי אתי מי וישׁקיפו אליו שׁנים שׁלשׁה סריסים׃
Psalms 9:16
16 (9:17) נודע יהוה משׁפט עשׂה בפעל כפיו נוקשׁ רשׁע הגיון סלה׃
Psalms 55:23
23 (55:24) ואתה אלהים תורדם לבאר שׁחת אנשׁי דמים ומרמה לא יחצו ימיהם ואני אבטח׃
Numbers 20:19
19 ויאמרו אליו בני ישׂראל במסלה נעלה ואם מימיך נשׁתה אני ומקני ונתתי מכרם רק אין דבר ברגלי אעברה׃
Judges 21:19
19 ויאמרו הנה חג יהוה בשׁלו מימים ימימה אשׁר מצפונה לבית אל מזרחה השׁמשׁ למסלה העלה מבית אל שׁכמה ומנגב ללבונה׃
1 Samuel 6:12
12 וישׁרנה הפרות בדרך על דרך בית שׁמשׁ במסלה אחת הלכו הלך וגעו ולא סרו ימין ושׂמאול וסרני פלשׁתים הלכים אחריהם עד גבול בית שׁמשׁ׃
2 Samuel 20:12-13
2 Kings 18:17
17 וישׁלח מלך אשׁור את תרתן ואת רב סריס ואת רב שׁקה מן לכישׁ אל המלך חזקיהו בחיל כבד ירושׁלם ויעלו ויבאו ירושׁלם ויעלו ויבאו ויעמדו בתעלת הברכה העליונה אשׁר במסלת שׂדה כובס׃
Proverbs 16:17
17 מסלת ישׁרים סור מרע שׁמר נפשׁו נצר דרכו׃
Isaiah 7:3
3 ויאמר יהוה אל ישׁעיהו צא נא לקראת אחז אתה ושׁאר ישׁוב בנך אל קצה תעלת הברכה העליונה אל מסלת שׂדה כובס׃
Isaiah 36:2
2 וישׁלח מלך אשׁור את רב שׁקה מלכישׁ ירושׁלמה אל המלך חזקיהו בחיל כבד ויעמד בתעלת הברכה העליונה במסלת שׂדה כובס׃
Isaiah 62:10
10 עברו עברו בשׁערים פנו דרך העם סלו סלו המסלה סקלו מאבן הרימו נס על העמים׃
Jeremiah 31:21
21 הציבי לך צינים שׂמי לך תמרורים שׁתי לבך למסלה דרך הלכתי שׁובי בתולת ישׂראל שׁבי אל עריך אלה׃
Numbers 21:16
16 ומשׁם בארה הוא הבאר אשׁר אמר יהוה למשׁה אסף את העם ואתנה להם מים׃
Joshua 18:25
25 גבעון והרמה ובארות׃
1 Kings 15:20
20 וישׁמע בן הדד אל המלך אסא וישׁלח את שׂרי החילים אשׁר לו על ערי ישׂראל ויך את עיון ואת דן ואת אבל בית מעכה ואת כל כנרות על כל ארץ נפתלי׃
2 Kings 15:29
29 בימי פקח מלך ישׂראל בא תגלת פלאסר מלך אשׁור ויקח את עיון ואת אבל בית מעכה ואת ינוח ואת קדשׁ ואת חצור ואת הגלעד ואת הגלילה כל ארץ נפתלי ויגלם אשׁורה׃
2 Chronicles 16:4
4 וישׁמע בן הדד אל המלך אסא וישׁלח את שׂרי החילים אשׁר לו אל ערי ישׂראל ויכו את עיון ואת דן ואת אבל מים ואת כל מסכנות ערי נפתלי׃
2 Kings 19:32
32 לכן כה אמר יהוה אל מלך אשׁור לא יבא אל העיר הזאת ולא יורה שׁם חץ ולא יקדמנה מגן ולא ישׁפך עליה סללה׃
Isaiah 37:33
33 לכן כה אמר יהוה אל מלך אשׁור לא יבוא אל העיר הזאת ולא יורה שׁם חץ ולא יקדמנה מגן ולא ישׁפך עליה סללה׃
Jeremiah 6:6
6 כי כה אמר יהוה צבאות כרתו עצה ושׁפכו על ירושׁלם סללה היא העיר הפקד כלה עשׁק בקרבה׃
Jeremiah 32:24
24 הנה הסללות באו העיר ללכדה והעיר נתנה ביד הכשׂדים הנלחמים עליה מפני החרב והרעב והדבר ואשׁר דברת היה והנך ראה׃
Jeremiah 33:4
4 כי כה אמר יהוה אלהי ישׂראל על בתי העיר הזאת ועל בתי מלכי יהודה הנתצים אל הסללות ואל החרב׃
Ezekiel 4:2
2 ונתתה עליה מצור ובנית עליה דיק ושׁפכת עליה סללה ונתתה עליה מחנות ושׂים עליה כרים סביב׃
1 Samuel 25:3
3 ושׁם האישׁ נבל ושׁם אשׁתו אבגיל והאשׁה טובת שׂכל ויפת תאר והאישׁ קשׁה ורע מעללים והוא כלבו׃
1 Samuel 25:32-33
2 Samuel 14:2
2 וישׁלח יואב תקועה ויקח משׁם אשׁה חכמה ויאמר אליה התאבלי נא ולבשׁי נא בגדי אבל ואל תסוכי שׁמן והיית כאשׁה זה ימים רבים מתאבלת על מת׃
Ecclesiastes 9:14-18
14 עיר קטנה ואנשׁים בה מעט ובא אליה מלך גדול וסבב אתה ובנה עליה מצודים גדלים׃15 ומצא בה אישׁ מסכן חכם ומלט הוא את העיר בחכמתו ואדם לא זכר את האישׁ המסכן ההוא׃16 ואמרתי אני טובה חכמה מגבורה וחכמת המסכן בזויה ודבריו אינם נשׁמעים׃17 דברי חכמים בנחת נשׁמעים מזעקת מושׁל בכסילים׃18 טובה חכמה מכלי קרב וחוטא אחד יאבד טובה הרבה׃
1 Samuel 25:24
24 ותפל על רגליו ותאמר בי אני אדני העון ותדבר נא אמתך באזניך ושׁמע את דברי אמתך׃
2 Samuel 14:12
12 ותאמר האשׁה תדבר נא שׁפחתך אל אדני המלך דבר ויאמר דברי׃
Deuteronomy 20:10-11
Genesis 18:23
23 ויגשׁ אברהם ויאמר האף תספה צדיק עם רשׁע׃
Exodus 19:5-6
Numbers 16:32
32 ותפתח הארץ את פיה ותבלע אתם ואת בתיהם ואת כל האדם אשׁר לקרח ואת כל הרכושׁ׃
Numbers 26:10
10 ותפתח הארץ את פיה ותבלע אתם ואת קרח במות העדה באכל האשׁ את חמשׁים ומאתים אישׁ ויהיו לנס׃
Deuteronomy 32:9
9 כי חלק יהוה עמו יעקב חבל נחלתו׃
Judges 5:7
7 חדלו פרזון בישׂראל חדלו עד שׁקמתי דבורה שׁקמתי אם בישׂראל׃
1 Samuel 26:19
19 ועתה ישׁמע נא אדני המלך את דברי עבדו אם יהוה הסיתך בי ירח מנחה ואם בני האדם ארורים הם לפני יהוה כי גרשׁוני היום מהסתפח בנחלת יהוה לאמר לך עבד אלהים אחרים׃
2 Samuel 17:16
16 ועתה שׁלחו מהרה והגידו לדוד לאמר אל תלן הלילה בערבות המדבר וגם עבור תעבור פן יבלע למלך ולכל העם אשׁר אתו׃
2 Samuel 21:3
3 ויאמר דוד אל הגבענים מה אעשׂה לכם ובמה אכפר וברכו את נחלת יהוה׃
Psalms 124:3
3 אזי חיים בלעונו בחרות אפם׃
Jeremiah 51:34
34 אכלנו הממנו נבוכדראצר מלך בבל הציגנו כלי ריק בלענו כתנין מלא כרשׂו מעדני הדיחנו׃
Jeremiah 51:44
44 ופקדתי על בל בבבל והצאתי את בלעו מפיו ולא ינהרו אליו עוד גוים גם חומת בבל נפלה׃
Lamentations 2:2
2 בלע אדני לא חמל את כל נאות יעקב הרס בעברתו מבצרי בת יהודה הגיע לארץ חלל ממלכה ושׂריה׃
Lamentations 2:5
5 היה אדני כאויב בלע ישׂראל בלע כל ארמנותיה שׁחת מבצריו וירב בבת יהודה תאניה ואניה׃
Lamentations 2:16
16 פצו עליך פיהם כל אויביך שׁרקו ויחרקו שׁן אמרו בלענו אך זה היום שׁקוינהו מצאנו ראינו׃
Ezekiel 16:45-49
45 בת אמך את געלת אישׁה ובניה ואחות אחותך את אשׁר געלו אנשׁיהן ובניהן אמכן חתית ואביכן אמרי׃46 ואחותך הגדולה שׁמרון היא ובנותיה היושׁבת על שׂמאולך ואחותך הקטנה ממך היושׁבת מימינך סדם ובנותיה׃47 ולא בדרכיהן הלכת ובתועבותיהן עשׂיתי כמעט קט ותשׁחתי מהן בכל דרכיך׃48 חי אני נאם אדני יהוה אם עשׂתה סדם אחותך היא ובנותיה כאשׁר עשׂית את ובנותיך׃49 הנה זה היה עון סדם אחותך גאון שׂבעת לחם ושׁלות השׁקט היה לה ולבנותיה ויד עני ואביון לא החזיקה׃
2 Samuel 20:10
10 ועמשׂא לא נשׁמר בחרב אשׁר ביד יואב ויכהו בה אל החמשׁ וישׁפך מעיו ארצה ולא שׁנה לו וימת ויואב ואבישׁי אחיו רדף אחרי שׁבע בן בכרי׃
2 Samuel 23:17
17 ויאמר חלילה לי יהוה מעשׂתי זאת הדם האנשׁים ההלכים בנפשׁותם ולא אבה לשׁתותם אלה עשׂו שׁלשׁת הגברים׃
Job 21:16
16 הן לא בידם טובם עצת רשׁעים רחקה מני׃
Job 22:18
18 והוא מלא בתיהם טוב ועצת רשׁעים רחקה מני׃
Proverbs 28:13
13 מכסה פשׁעיו לא יצליח ומודה ועזב ירחם׃
Jeremiah 17:9
9 עקב הלב מכל ואנשׁ הוא מי ידענו׃
Joshua 24:33
33 ואלעזר בן אהרן מת ויקברו אתו בגבעת פינחס בנו אשׁר נתן לו בהר אפרים׃
Judges 2:9
9 ויקברו אותו בגבול נחלתו בתמנת חרס בהר אפרים מצפון להר געשׁ׃
Judges 7:24
24 ומלאכים שׁלח גדעון בכל הר אפרים לאמר רדו לקראת מדין ולכדו להם את המים עד בית ברה ואת הירדן ויצעק כל אישׁ אפרים וילכדו את המים עד בית ברה ואת הירדן׃
Judges 18:4-8
4 ויאמר אלהם כזה וכזה עשׂה לי מיכה וישׂכרני ואהי לו לכהן׃5 ויאמרו לו שׁאל נא באלהים ונדעה התצליח דרכנו אשׁר אנחנו הלכים עליה׃6 ויאמר להם הכהן לכו לשׁלום נכח יהוה דרככם אשׁר תלכו׃7 וילכו חמשׁת האנשׁים ויבאו לישׁה ויראו את העם אשׁר בקרבה יושׁבת לבטח כמשׁפט צדנים שׁקט ובטח ואין מכלים דבר בארץ יורשׁ עצר ורחקים המה מצדנים ודבר אין להם עם אדם׃8 ויבאו אל אחיהם צרעה ואשׁתאל ויאמרו להם אחיהם מה אתם׃
1 Samuel 24:6
6 (24:7) ויאמר לאנשׁיו חלילה לי מיהוה אם אעשׂה את הדבר הזה לאדני למשׁיח יהוה לשׁלח ידי בו כי משׁיח יהוה הוא׃
1 Samuel 26:9
9 ויאמר דוד אל אבישׁי אל תשׁחיתהו כי מי שׁלח ידו במשׁיח יהוה ונקה׃
2 Samuel 17:2-3
2 Samuel 20:1
1 ושׁם נקרא אישׁ בליעל ושׁמו שׁבע בן בכרי אישׁ ימיני ויתקע בשׁפר ויאמר אין לנו חלק בדוד ולא נחלה לנו בבן ישׁי אישׁ לאהליו ישׂראל׃
2 Kings 5:22
22 ויאמר שׁלום אדני שׁלחני לאמר הנה עתה זה באו אלי שׁני נערים מהר אפרים מבני הנביאים תנה נא להם ככר כסף ושׁתי חלפות בגדים׃
2 Kings 10:7
7 ויהי כבא הספר אליהם ויקחו את בני המלך וישׁחטו שׁבעים אישׁ וישׂימו את ראשׁיהם בדודים וישׁלחו אליו יזרעאלה׃
Jeremiah 4:15
15 כי קול מגיד מדן ומשׁמיע און מהר אפרים׃
Jeremiah 50:19
19 ושׁבבתי את ישׂראל אל נוהו ורעה הכרמל והבשׁן ובהר אפרים והגלעד תשׂבע נפשׁו׃
2 Samuel 2:28
28 ויתקע יואב בשׁופר ויעמדו כל העם ולא ירדפו עוד אחרי ישׂראל ולא יספו עוד להלחם׃
2 Samuel 3:28-39
28 וישׁמע דוד מאחרי כן ויאמר נקי אנכי וממלכתי מעם יהוה עד עולם מדמי אבנר בן נר׃29 יחלו על ראשׁ יואב ואל כל בית אביו ואל יכרת מבית יואב זב ומצרע ומחזיק בפלך ונפל בחרב וחסר לחם׃30 ויואב ואבישׁי אחיו הרגו לאבנר על אשׁר המית את עשׂהאל אחיהם בגבעון במלחמה׃31 ויאמר דוד אל יואב ואל כל העם אשׁר אתו קרעו בגדיכם וחגרו שׂקים וספדו לפני אבנר והמלך דוד הלך אחרי המטה׃32 ויקברו את אבנר בחברון וישׂא המלך את קולו ויבך אל קבר אבנר ויבכו כל העם׃33 ויקנן המלך אל אבנר ויאמר הכמות נבל ימות אבנר׃34 ידך לא אסרות ורגליך לא לנחשׁתים הגשׁו כנפול לפני בני עולה נפלת ויספו כל העם לבכות עליו׃35 ויבא כל העם להברות את דוד לחם בעוד היום וישׁבע דוד לאמר כה יעשׂה לי אלהים וכה יסיף כי אם לפני בוא השׁמשׁ אטעם לחם או כל מאומה׃36 וכל העם הכירו וייטב בעיניהם ככל אשׁר עשׂה המלך בעיני כל העם טוב׃37 וידעו כל העם וכל ישׂראל ביום ההוא כי לא היתה מהמלך להמית את אבנר בן נר׃38 ויאמר המלך אל עבדיו הלוא תדעו כי שׂר וגדול נפל היום הזה בישׂראל׃39 ואנכי היום רך ומשׁוח מלך והאנשׁים האלה בני צרויה קשׁים ממני ישׁלם יהוה לעשׂה הרעה כרעתו׃
2 Samuel 11:6-21
6 וישׁלח דוד אל יואב שׁלח אלי את אוריה החתי וישׁלח יואב את אוריה אל דוד׃7 ויבא אוריה אליו וישׁאל דוד לשׁלום יואב ולשׁלום העם ולשׁלום המלחמה׃8 ויאמר דוד לאוריה רד לביתך ורחץ רגליך ויצא אוריה מבית המלך ותצא אחריו משׂאת המלך׃9 וישׁכב אוריה פתח בית המלך את כל עבדי אדניו ולא ירד אל ביתו׃10 ויגדו לדוד לאמר לא ירד אוריה אל ביתו ויאמר דוד אל אוריה הלוא מדרך אתה בא מדוע לא ירדת אל ביתך׃11 ויאמר אוריה אל דוד הארון וישׂראל ויהודה ישׁבים בסכות ואדני יואב ועבדי אדני על פני השׂדה חנים ואני אבוא אל ביתי לאכל ולשׁתות ולשׁכב עם אשׁתי חיך וחי נפשׁך אם אעשׂה את הדבר הזה׃12 ויאמר דוד אל אוריה שׁב בזה גם היום ומחר אשׁלחך וישׁב אוריה בירושׁלם ביום ההוא וממחרת׃13 ויקרא לו דוד ויאכל לפניו וישׁת וישׁכרהו ויצא בערב לשׁכב במשׁכבו עם עבדי אדניו ואל ביתו לא ירד׃14 ויהי בבקר ויכתב דוד ספר אל יואב וישׁלח ביד אוריה׃15 ויכתב בספר לאמר הבו את אוריה אל מול פני המלחמה החזקה ושׁבתם מאחריו ונכה ומת׃16 ויהי בשׁמור יואב אל העיר ויתן את אוריה אל המקום אשׁר ידע כי אנשׁי חיל שׁם׃17 ויצאו אנשׁי העיר וילחמו את יואב ויפל מן העם מעבדי דוד וימת גם אוריה החתי׃18 וישׁלח יואב ויגד לדוד את כל דברי המלחמה׃19 ויצו את המלאך לאמר ככלותך את כל דברי המלחמה לדבר אל המלך׃20 והיה אם תעלה חמת המלך ואמר לך מדוע נגשׁתם אל העיר להלחם הלוא ידעתם את אשׁר ירו מעל החומה׃21 מי הכה את אבימלך בן ירבשׁת הלוא אשׁה השׁליכה עליו פלח רכב מעל החומה וימת בתבץ למה נגשׁתם אל החומה ואמרת גם עבדך אוריה החתי מת׃
2 Samuel 18:16
16 ויתקע יואב בשׁפר וישׁב העם מרדף אחרי ישׂראל כי חשׂך יואב את העם׃
2 Samuel 20:16
16 ותקרא אשׁה חכמה מן העיר שׁמעו שׁמעו אמרו נא אל יואב קרב עד הנה ואדברה אליך׃
Ecclesiastes 7:19
19 החכמה תעז לחכם מעשׂרה שׁליטים אשׁר היו בעיר׃
Ecclesiastes 8:11
11 אשׁר אין נעשׂה פתגם מעשׂה הרעה מהרה על כן מלא לב בני האדם בהם לעשׂות רע׃
Ecclesiastes 9:13-18
13 גם זה ראיתי חכמה תחת השׁמשׁ וגדולה היא אלי׃
2 Samuel 8:16-18
1 Kings 4:3-6
1 Chronicles 18:15-17
1 Kings 4:3
3 אליחרף ואחיה בני שׁישׁא ספרים יהושׁפט בן אחילוד המזכיר׃
1 Kings 4:6
6 ואחישׁר על הבית ואדנירם בן עבדא על המס׃
1 Kings 12:18
18 וישׁלח המלך רחבעם את אדרם אשׁר על המס וירגמו כל ישׂראל בו אבן וימת והמלך רחבעם התאמץ לעלות במרכבה לנוס ירושׁלם׃
2 Samuel 8:17
17 וצדוק בן אחיטוב ואחימלך בן אביתר כהנים ושׂריה סופר׃
1 Kings 4:4
4 ובניהו בן יהוידע על הצבא וצדוק ואביתר כהנים׃
1 Chronicles 18:16
16 וצדוק בן אחיטוב ואבימלך בן אביתר כהנים ושׁושׁא סופר׃
Genesis 41:43
43 וירכב אתו במרכבת המשׁנה אשׁר לו ויקראו לפניו אברך ונתון אתו על כל ארץ מצרים׃
Genesis 41:45
45 ויקרא פרעה שׁם יוסף צפנת פענח ויתן לו את אסנת בת פוטי פרע כהן אן לאשׁה ויצא יוסף על ארץ מצרים׃
Exodus 2:14
14 ויאמר מי שׂמך לאישׁ שׂר ושׁפט עלינו הלהרגני אתה אמר כאשׁר הרגת את המצרי ויירא משׁה ויאמר אכן נודע הדבר׃
Exodus 2:16
16 ולכהן מדין שׁבע בנות ותבאנה ותדלנה ותמלאנה את הרהטים להשׁקות צאן אביהן׃
Exodus 24:11
11 ואל אצילי בני ישׂראל לא שׁלח ידו ויחזו את האלהים ויאכלו וישׁתו׃
Judges 10:4-5
2 Samuel 23:38
38 עירא היתרי גרב היתרי׃
1 Chronicles 11:40
40 עירא היתרי גרב היתרי׃
2 Chronicles 35:15
15 והמשׁררים בני אסף על מעמדם כמצות דויד ואסף והימן וידתון חוזה המלך והשׁערים לשׁער ושׁער אין להם לסור מעל עבדתם כי אחיהם הלוים הכינו׃