1 ויסף אף יהוה לחרות בישׂראל ויסת את דוד בהם לאמר לך מנה את ישׂראל ואת יהודה׃2 ויאמר המלך אל יואב שׂר החיל אשׁר אתו שׁוט נא בכל שׁבטי ישׂראל מדן ועד באר שׁבע ופקדו את העם וידעתי את מספר העם׃3 ויאמר יואב אל המלך ויוסף יהוה אלהיך אל העם כהם וכהם מאה פעמים ועיני אדני המלך ראות ואדני המלך למה חפץ בדבר הזה׃4 ויחזק דבר המלך אל יואב ועל שׂרי החיל ויצא יואב ושׂרי החיל לפני המלך לפקד את העם את ישׂראל׃5 ויעברו את הירדן ויחנו בערוער ימין העיר אשׁר בתוך הנחל הגד ואל יעזר׃6 ויבאו הגלעדה ואל ארץ תחתים חדשׁי ויבאו דנה יען וסביב אל צידון׃7 ויבאו מבצר צר וכל ערי החוי והכנעני ויצאו אל נגב יהודה באר שׁבע׃8 וישׁטו בכל הארץ ויבאו מקצה תשׁעה חדשׁים ועשׂרים יום ירושׁלם׃9 ויתן יואב את מספר מפקד העם אל המלך ותהי ישׂראל שׁמנה מאות אלף אישׁ חיל שׁלף חרב ואישׁ יהודה חמשׁ מאות אלף אישׁ׃10 ויך לב דוד אתו אחרי כן ספר את העם ויאמר דוד אל יהוה חטאתי מאד אשׁר עשׂיתי ועתה יהוה העבר נא את עון עבדך כי נסכלתי מאד׃11 ויקם דוד בבקר ודבר יהוה היה אל גד הנביא חזה דוד לאמר׃12 הלוך ודברת אל דוד כה אמר יהוה שׁלשׁ אנכי נוטל עליך בחר לך אחת מהם ואעשׂה׃13 ויבא גד אל דוד ויגד לו ויאמר לו התבוא לך שׁבע שׁנים רעב בארצך אם שׁלשׁה חדשׁים נסך לפני צריך והוא רדפך ואם היות שׁלשׁת ימים דבר בארצך עתה דע וראה מה אשׁיב שׁלחי דבר׃14 ויאמר דוד אל גד צר לי מאד נפלה נא ביד יהוה כי רבים רחמו וביד אדם אל אפלה׃15 ויתן יהוה דבר בישׂראל מהבקר ועד עת מועד וימת מן העם מדן ועד באר שׁבע שׁבעים אלף אישׁ׃16 וישׁלח ידו המלאך ירושׁלם לשׁחתה וינחם יהוה אל הרעה ויאמר למלאך המשׁחית בעם רב עתה הרף ידך ומלאך יהוה היה עם גרן האורנה היבסי׃17 ויאמר דוד אל יהוה בראתו את המלאך המכה בעם ויאמר הנה אנכי חטאתי ואנכי העויתי ואלה הצאן מה עשׂו תהי נא ידך בי ובבית אבי׃18 ויבא גד אל דוד ביום ההוא ויאמר לו עלה הקם ליהוה מזבח בגרן ארניה היבסי׃19 ויעל דוד כדבר גד כאשׁר צוה יהוה׃20 וישׁקף ארונה וירא את המלך ואת עבדיו עברים עליו ויצא ארונה וישׁתחו למלך אפיו ארצה׃21 ויאמר ארונה מדוע בא אדני המלך אל עבדו ויאמר דוד לקנות מעמך את הגרן לבנות מזבח ליהוה ותעצר המגפה מעל העם׃22 ויאמר ארונה אל דוד יקח ויעל אדני המלך הטוב בעינו ראה הבקר לעלה והמרגים וכלי הבקר לעצים׃23 הכל נתן ארונה המלך למלך ויאמר ארונה אל המלך יהוה אלהיך ירצך׃24 ויאמר המלך אל ארונה לא כי קנו אקנה מאותך במחיר ולא אעלה ליהוה אלהי עלות חנם ויקן דוד את הגרן ואת הבקר בכסף שׁקלים חמשׁים׃25 ויבן שׁם דוד מזבח ליהוה ויעל עלות ושׁלמים ויעתר יהוה לארץ ותעצר המגפה מעל ישׂראל׃
2 Samuel 24 Cross References - HOT
Genesis 45:5
5 ועתה אל תעצבו ואל יחר בעיניכם כי מכרתם אתי הנה כי למחיה שׁלחני אלהים לפניכם׃
Genesis 50:20
20 ואתם חשׁבתם עלי רעה אלהים חשׁבה לטבה למען עשׂה כיום הזה להחית עם רב׃
Exodus 7:3
3 ואני אקשׁה את לב פרעה והרביתי את אתתי ואת מופתי בארץ מצרים׃
1 Samuel 26:19
19 ועתה ישׁמע נא אדני המלך את דברי עבדו אם יהוה הסיתך בי ירח מנחה ואם בני האדם ארורים הם לפני יהוה כי גרשׁוני היום מהסתפח בנחלת יהוה לאמר לך עבד אלהים אחרים׃
2 Samuel 12:11
11 כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃
2 Samuel 16:10
10 ויאמר המלך מה לי ולכם בני צריה כי יקלל וכי יהוה אמר לו קלל את דוד ומי יאמר מדוע עשׂיתה כן׃
2 Samuel 21:1-14
1 ויהי רעב בימי דוד שׁלשׁ שׁנים שׁנה אחרי שׁנה ויבקשׁ דוד את פני יהוה ויאמר יהוה אל שׁאול ואל בית הדמים על אשׁר המית את הגבענים׃2 ויקרא המלך לגבענים ויאמר אליהם והגבענים לא מבני ישׂראל המה כי אם מיתר האמרי ובני ישׂראל נשׁבעו להם ויבקשׁ שׁאול להכתם בקנאתו לבני ישׂראל ויהודה׃3 ויאמר דוד אל הגבענים מה אעשׂה לכם ובמה אכפר וברכו את נחלת יהוה׃4 ויאמרו לו הגבענים אין לי כסף וזהב עם שׁאול ועם ביתו ואין לנו אישׁ להמית בישׂראל ויאמר מה אתם אמרים אעשׂה׃5 ויאמרו אל המלך האישׁ אשׁר כלנו ואשׁר דמה לנו נשׁמדנו מהתיצב בכל גבל ישׂראל׃6 ינתן לנו שׁבעה אנשׁים מבניו והוקענום ליהוה בגבעת שׁאול בחיר יהוה ויאמר המלך אני אתן׃7 ויחמל המלך על מפיבשׁת בן יהונתן בן שׁאול על שׁבעת יהוה אשׁר בינתם בין דוד ובין יהונתן בן שׁאול׃8 ויקח המלך את שׁני בני רצפה בת איה אשׁר ילדה לשׁאול את ארמני ואת מפבשׁת ואת חמשׁת בני מיכל בת שׁאול אשׁר ילדה לעדריאל בן ברזלי המחלתי׃9 ויתנם ביד הגבענים ויקיעם בהר לפני יהוה ויפלו שׁבעתים יחד והם המתו בימי קציר בראשׁנים תחלת קציר שׂערים׃10 ותקח רצפה בת איה את השׂק ותטהו לה אל הצור מתחלת קציר עד נתך מים עליהם מן השׁמים ולא נתנה עוף השׁמים לנוח עליהם יומם ואת חית השׂדה לילה׃11 ויגד לדוד את אשׁר עשׂתה רצפה בת איה פלגשׁ שׁאול׃12 וילך דוד ויקח את עצמות שׁאול ואת עצמות יהונתן בנו מאת בעלי יבישׁ גלעד אשׁר גנבו אתם מרחב בית שׁן אשׁר תלום שׁם הפלשׁתים ביום הכות פלשׁתים את שׁאול בגלבע׃13 ויעל משׁם את עצמות שׁאול ואת עצמות יהונתן בנו ויאספו את עצמות המוקעים׃14 ויקברו את עצמות שׁאול ויהונתן בנו בארץ בנימן בצלע בקבר קישׁ אביו ויעשׂו כל אשׁר צוה המלך ויעתר אלהים לארץ אחרי כן׃
1 Kings 22:20-23
1 Chronicles 21:1
1 ויעמד שׂטן על ישׂראל ויסת את דויד למנות את ישׂראל׃
1 Chronicles 27:23-24
Ezekiel 14:9
9 והנביא כי יפתה ודבר דבר אני יהוה פתיתי את הנביא ההוא ונטיתי את ידי עליו והשׁמדתיו מתוך עמי ישׂראל׃
Ezekiel 20:25
25 וגם אני נתתי להם חקים לא טובים ומשׁפטים לא יחיו׃
Deuteronomy 8:13-14
Judges 20:1
1 ויצאו כל בני ישׂראל ותקהל העדה כאישׁ אחד למדן ועד באר שׁבע וארץ הגלעד אל יהוה המצפה׃
2 Samuel 2:13
13 ויואב בן צרויה ועבדי דוד יצאו ויפגשׁום על ברכת גבעון יחדו וישׁבו אלה על הברכה מזה ואלה על הברכה מזה׃
2 Samuel 3:10
10 להעביר הממלכה מבית שׁאול ולהקים את כסא דוד על ישׂראל ועל יהודה מדן ועד באר שׁבע׃
2 Samuel 8:16
16 ויואב בן צרויה על הצבא ויהושׁפט בן אחילוד מזכיר׃
2 Samuel 17:11
11 כי יעצתי האסף יאסף עליך כל ישׂראל מדן ועד באר שׁבע כחול אשׁר על הים לרב ופניך הלכים בקרב׃
2 Samuel 20:23
23 ויואב אל כל הצבא ישׂראל ובניה בן יהוידע על הכרי ועל הפלתי׃
2 Samuel 23:37
37 צלק העמני נחרי הבארתי נשׂאי כלי יואב בן צריה׃
1 Chronicles 21:2
2 ויאמר דויד אל יואב ואל שׂרי העם לכו ספרו את ישׂראל מבאר שׁבע ועד דן והביאו אלי ואדעה את מספרם׃
2 Chronicles 32:25-26
2 Chronicles 32:31
31 וכן במליצי שׂרי בבל המשׁלחים עליו לדרשׁ המופת אשׁר היה בארץ עזבו האלהים לנסותו לדעת כל בלבבו׃
Proverbs 29:23
23 גאות אדם תשׁפילנו ושׁפל רוח יתמך כבוד׃
Jeremiah 17:5
5 כה אמר יהוה ארור הגבר אשׁר יבטח באדם ושׂם בשׂר זרעו ומן יהוה יסור לבו׃
Deuteronomy 1:11
11 יהוה אלהי אבותכם יסף עליכם ככם אלף פעמים ויברך אתכם כאשׁר דבר׃
2 Samuel 10:12
12 חזק ונתחזק בעד עמנו ובעד ערי אלהינו ויהוה יעשׂה הטוב בעיניו׃
1 Chronicles 21:3-4
Psalms 115:14
14 יסף יהוה עליכם עליכם ועל בניכם׃
Proverbs 14:28
28 ברב עם הדרת מלך ובאפס לאם מחתת רזון׃
Isaiah 60:5
5 אז תראי ונהרת ופחד ורחב לבבך כי יהפך עליך המון ים חיל גוים יבאו׃
Exodus 1:17
17 ותיראן המילדת את האלהים ולא עשׂו כאשׁר דבר אליהן מלך מצרים ותחיין את הילדים׃
1 Chronicles 21:4
4 ודבר המלך חזק על יואב ויצא יואב ויתהלך בכל ישׂראל ויבא ירושׁלם׃
Ecclesiastes 8:4
4 באשׁר דבר מלך שׁלטון ומי יאמר לו מה תעשׂה׃
Numbers 21:32
32 וישׁלח משׁה לרגל את יעזר וילכדו בנתיה ויירשׁ את האמרי אשׁר שׁם׃
Numbers 32:1
1 ומקנה רב היה לבני ראובן ולבני גד עצום מאד ויראו את ארץ יעזר ואת ארץ גלעד והנה המקום מקום מקנה׃
Numbers 32:3
3 עטרות ודיבן ויעזר ונמרה וחשׁבון ואלעלה ושׂבם ונבו ובען׃
Numbers 32:35
35 ואת עטרת שׁופן ואת יעזר ויגבהה׃
Deuteronomy 2:36
36 מערער אשׁר על שׂפת נחל ארנן והעיר אשׁר בנחל ועד הגלעד לא היתה קריה אשׁר שׂגבה ממנו את הכל נתן יהוה אלהינו לפנינו׃
Joshua 13:9
9 מערוער אשׁר על שׂפת נחל ארנון והעיר אשׁר בתוך הנחל וכל המישׁר מידבא עד דיבון׃
Joshua 13:16
16 ויהי להם הגבול מערוער אשׁר על שׂפת נחל ארנון והעיר אשׁר בתוך הנחל וכל המישׁר על מידבא׃
1 Samuel 30:28
28 ולאשׁר בערער ולאשׁר בשׂפמות ולאשׁר באשׁתמע׃
Isaiah 16:8-9
Isaiah 17:2
2 עזבות ערי ערער לעדרים תהיינה ורבצו ואין מחריד׃
Genesis 10:15
15 וכנען ילד את צידן בכרו ואת חת׃
Genesis 31:21
21 ויברח הוא וכל אשׁר לו ויקם ויעבר את הנהר וישׂם את פניו הר הגלעד׃
Genesis 31:47-48
Numbers 32:39
39 וילכו בני מכיר בן מנשׁה גלעדה וילכדה ויורשׁ את האמרי אשׁר׃
Joshua 11:8
8 ויתנם יהוה ביד ישׂראל ויכום וירדפום עד צידון רבה ועד משׂרפות מים ועד בקעת מצפה מזרחה ויכם עד בלתי השׁאיר להם שׂריד׃
Joshua 19:28
28 ועברן ורחב וחמון וקנה עד צידון רבה׃
Joshua 19:47
47 ויצא גבול בני דן מהם ויעלו בני דן וילחמו עם לשׁם וילכדו אותה ויכו אותה לפי חרב וירשׁו אותה וישׁבו בה ויקראו ללשׁם דן כשׁם דן אביהם׃
Judges 1:31
31 אשׁר לא הורישׁ את ישׁבי עכו ואת יושׁבי צידון ואת אחלב ואת אכזיב ואת חלבה ואת אפיק ואת רחב׃
Judges 18:28-29
Genesis 21:22-33
22 ויהי בעת ההוא ויאמר אבימלך ופיכל שׂר צבאו אל אברהם לאמר אלהים עמך בכל אשׁר אתה עשׂה׃23 ועתה השׁבעה לי באלהים הנה אם תשׁקר לי ולניני ולנכדי כחסד אשׁר עשׂיתי עמך תעשׂה עמדי ועם הארץ אשׁר גרתה׃24 ויאמר אברהם אנכי אשׁבע׃25 והוכח אברהם את אבימלך על אדות באר המים אשׁר גזלו עבדי אבימלך׃26 ויאמר אבימלך לא ידעתי מי עשׂה את הדבר הזה וגם אתה לא הגדת לי וגם אנכי לא שׁמעתי בלתי היום׃27 ויקח אברהם צאן ובקר ויתן לאבימלך ויכרתו שׁניהם ברית׃28 ויצב אברהם את שׁבע כבשׂת הצאן לבדהן׃29 ויאמר אבימלך אל אברהם מה הנה שׁבע כבשׂת האלה אשׁר הצבת לבדנה׃30 ויאמר כי את שׁבע כבשׂת תקח מידי בעבור תהיה לי לעדה כי חפרתי את הבאר הזאת׃31 על כן קרא למקום ההוא באר שׁבע כי שׁם נשׁבעו שׁניהם׃32 ויכרתו ברית בבאר שׁבע ויקם אבימלך ופיכל שׂר צבאו וישׁבו אל ארץ פלשׁתים׃33 ויטע אשׁל בבאר שׁבע ויקרא שׁם בשׁם יהוה אל עולם׃
Joshua 11:3
3 הכנעני ממזרח ומים והאמרי והחתי והפרזי והיבוסי בהר והחוי תחת חרמון בארץ המצפה׃
Joshua 19:29
29 ושׁב הגבול הרמה ועד עיר מבצר צר ושׁב הגבול חסה ויהיו תצאתיו הימה מחבל אכזיבה׃
Judges 3:3
3 חמשׁת סרני פלשׁתים וכל הכנעני והצידני והחוי ישׁב הר הלבנון מהר בעל חרמון עד לבוא חמת׃
2 Samuel 24:2
2 ויאמר המלך אל יואב שׂר החיל אשׁר אתו שׁוט נא בכל שׁבטי ישׂראל מדן ועד באר שׁבע ופקדו את העם וידעתי את מספר העם׃
Numbers 1:44-46
1 Chronicles 21:5-6
Deuteronomy 32:6
6 ה ליהוה תגמלו זאת עם נבל ולא חכם הלוא הוא אביך קנך הוא עשׂך ויכננך׃
1 Samuel 13:13
13 ויאמר שׁמואל אל שׁאול נסכלת לא שׁמרת את מצות יהוה אלהיך אשׁר צוך כי עתה הכין יהוה את ממלכתך אל ישׂראל עד עולם׃
1 Samuel 24:5
5 (24:6) ויהי אחרי כן ויך לב דוד אתו על אשׁר כרת את כנף אשׁר לשׁאול׃
1 Samuel 26:21
21 ויאמר שׁאול חטאתי שׁוב בני דוד כי לא ארע לך עוד תחת אשׁר יקרה נפשׁי בעיניך היום הזה הנה הסכלתי ואשׁגה הרבה מאד׃
2 Samuel 12:13
13 ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃
1 Chronicles 21:8
8 ויאמר דויד אל האלהים חטאתי מאד אשׁר עשׂיתי את הדבר הזה ועתה העבר נא את עוון עבדך כי נסכלתי מאד׃
2 Chronicles 16:9
9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃
2 Chronicles 32:26
26 ויכנע יחזקיהו בגבה לבו הוא וישׁבי ירושׁלם ולא בא עליהם קצף יהוה בימי יחזקיהו׃
Job 7:21
21 ומה לא תשׂא פשׁעי ותעביר את עוני כי עתה לעפר אשׁכב ושׁחרתני ואינני׃
Job 33:27-28
Psalms 32:5
5 חטאתי אודיעך ועוני לא כסיתי אמרתי אודה עלי פשׁעי ליהוה ואתה נשׂאת עון חטאתי סלה׃
Proverbs 28:13
13 מכסה פשׁעיו לא יצליח ומודה ועזב ירחם׃
Hosea 14:2
2 (14:3) קחו עמכם דברים ושׁובו אל יהוה אמרו אליו כל תשׂא עון וקח טוב ונשׁלמה פרים שׂפתינו׃
Micah 7:8-9
1 Samuel 9:9
9 לפנים בישׂראל כה אמר האישׁ בלכתו לדרושׁ אלהים לכו ונלכה עד הראה כי לנביא היום יקרא לפנים הראה׃
1 Samuel 22:5
5 ויאמר גד הנביא אל דוד לא תשׁב במצודה לך ובאת לך ארץ יהודה וילך דוד ויבא יער חרת׃
1 Chronicles 2:19
19 ותמת עזובה ויקח לו כלב את אפרת ותלד לו את חור׃
1 Chronicles 29:29
29 ודברי דויד המלך הראשׁנים והאחרנים הנם כתובים על דברי שׁמואל הראה ועל דברי נתן הנביא ועל דברי גד החזה׃
Leviticus 26:41
41 אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם׃
Leviticus 26:43
43 והארץ תעזב מהם ותרץ את שׁבתתיה בהשׁמה מהם והם ירצו את עונם יען וביען במשׁפטי מאסו ואת חקתי געלה נפשׁם׃
2 Samuel 12:9-10
2 Samuel 12:14
14 אפס כי נאץ נאצת את איבי יהוה בדבר הזה גם הבן הילוד לך מות ימות׃
1 Chronicles 21:10-11
Job 5:17-18
Proverbs 3:12
12 כי את אשׁר יאהב יהוה יוכיח וכאב את בן ירצה׃
Leviticus 26:16-17
Leviticus 26:20
20 ותם לריק כחכם ולא תתן ארצכם את יבולה ועץ הארץ לא יתן פריו׃
Leviticus 26:25
25 והבאתי עליכם חרב נקמת נקם ברית ונאספתם אל עריכם ושׁלחתי דבר בתוככם ונתתם ביד אויב׃
Leviticus 26:36-37
Deuteronomy 28:22
22 יככה יהוה בשׁחפת ובקדחת ובדלקת ובחרחר ובחרב ובשׁדפון ובירקון ורדפוך עד אבדך׃
Deuteronomy 28:25
25 יתנך יהוה נגף לפני איביך בדרך אחד תצא אליו ובשׁבעה דרכים תנוס לפניו והיית לזעוה לכל ממלכות הארץ׃
Deuteronomy 28:27
27 יככה יהוה בשׁחין מצרים ובעפלים ובגרב ובחרס אשׁר לא תוכל להרפא׃
Deuteronomy 28:35
35 יככה יהוה בשׁחין רע על הברכים ועל השׁקים אשׁר לא תוכל להרפא מכף רגלך ועד קדקדך׃
Deuteronomy 28:52
52 והצר לך בכל שׁעריך עד רדת חמתיך הגבהת והבצרות אשׁר אתה בטח בהן בכל ארצך והצר לך בכל שׁעריך בכל ארצך אשׁר נתן יהוה אלהיך׃
2 Samuel 21:1
1 ויהי רעב בימי דוד שׁלשׁ שׁנים שׁנה אחרי שׁנה ויבקשׁ דוד את פני יהוה ויאמר יהוה אל שׁאול ואל בית הדמים על אשׁר המית את הגבענים׃
1 Kings 17:1-7
1 ויאמר אליהו התשׁבי מתשׁבי גלעד אל אחאב חי יהוה אלהי ישׂראל אשׁר עמדתי לפניו אם יהיה השׁנים האלה טל ומטר כי אם לפי דברי׃2 ויהי דבר יהוה אליו לאמר׃3 לך מזה ופנית לך קדמה ונסתרת בנחל כרית אשׁר על פני הירדן׃4 והיה מהנחל תשׁתה ואת הערבים צויתי לכלכלך שׁם׃5 וילך ויעשׂ כדבר יהוה וילך וישׁב בנחל כרית אשׁר על פני הירדן׃6 והערבים מביאים לו לחם ובשׂר בבקר ולחם ובשׂר בערב ומן הנחל ישׁתה׃7 ויהי מקץ ימים וייבשׁ הנחל כי לא היה גשׁם בארץ׃
1 Chronicles 21:12
12 אם שׁלושׁ שׁנים רעב ואם שׁלשׁה חדשׁים נספה מפני צריך וחרב אויבך למשׂגת ואם שׁלשׁת ימים חרב יהוה ודבר בארץ ומלאך יהוה משׁחית בכל גבול ישׂראל ועתה ראה מה אשׁיב את שׁלחי דבר׃
Psalms 91:6
6 מדבר באפל יהלך מקטב ישׁוד צהרים׃
Ezekiel 14:13
13 בן אדם ארץ כי תחטא לי למעל מעל ונטיתי ידי עליה ושׁברתי לה מטה לחם והשׁלחתי בה רעב והכרתי ממנה אדם ובהמה׃
Ezekiel 14:19-21
Exodus 34:6-7
1 Samuel 13:6
6 ואישׁ ישׂראל ראו כי צר לו כי נגשׂ העם ויתחבאו העם במערות ובחוחים ובסלעים ובצרחים ובברות׃
2 Kings 6:15
15 וישׁכם משׁרת אישׁ האלהים לקום ויצא והנה חיל סובב את העיר וסוס ורכב ויאמר נערו אליו אהה אדני איכה נעשׂה׃
2 Kings 13:3-7
3 ויחר אף יהוה בישׂראל ויתנם ביד חזאל מלך ארם וביד בן הדד בן חזאל כל הימים׃4 ויחל יהואחז את פני יהוה וישׁמע אליו יהוה כי ראה את לחץ ישׂראל כי לחץ אתם מלך ארם׃5 ויתן יהוה לישׂראל מושׁיע ויצאו מתחת יד ארם וישׁבו בני ישׂראל באהליהם כתמול שׁלשׁום׃6 אך לא סרו מחטאות בית ירבעם אשׁר החטי את ישׂראל בה הלך וגם האשׁרה עמדה בשׁמרון׃7 כי לא השׁאיר ליהואחז עם כי אם חמשׁים פרשׁים ועשׂרה רכב ועשׂרת אלפים רגלי כי אבדם מלך ארם וישׂמם כעפר לדשׁ׃
1 Chronicles 21:13
13 ויאמר דויד אל גד צר לי מאד אפלה נא ביד יהוה כי רבים רחמיו מאד וביד אדם אל אפל׃
2 Chronicles 28:5-9
5 ויתנהו יהוה אלהיו ביד מלך ארם ויכו בו וישׁבו ממנו שׁביה גדולה ויביאו דרמשׂק וגם ביד מלך ישׂראל נתן ויך בו מכה גדולה׃6 ויהרג פקח בן רמליהו ביהודה מאה ועשׂרים אלף ביום אחד הכל בני חיל בעזבם את יהוה אלהי אבותם׃7 ויהרג זכרי גבור אפרים את מעשׂיהו בן המלך ואת עזריקם נגיד הבית ואת אלקנה משׁנה המלך׃8 וישׁבו בני ישׂראל מאחיהם מאתים אלף נשׁים בנים ובנות וגם שׁלל רב בזזו מהם ויביאו את השׁלל לשׁמרון׃9 ושׁם היה נביא ליהוה עדד שׁמו ויצא לפני הצבא הבא לשׁמרון ויאמר להם הנה בחמת יהוה אלהי אבותיכם על יהודה נתנם בידכם ותהרגו בם בזעף עד לשׁמים הגיע׃
Psalms 51:1
1 למנצח מזמור לדוד׃ (51:2) בבוא אליו נתן הנביא כאשׁר בא אל בת\'ceשׁבע׃ (51:3) חנני אלהים כחסדך כרב רחמיך מחה פשׁעי׃
Psalms 86:5
5 כי אתה אדני טוב וסלח ורב חסד לכל קראיך׃
Psalms 86:15
15 ואתה אדני אל רחום וחנון ארך אפים ורב חסד ואמת׃
Psalms 103:8-14
Psalms 106:41-42
Psalms 119:156
156 רחמיך רבים יהוה כמשׁפטיך חיני׃
Psalms 130:4
4 כי עמך הסליחה למען תורא׃
Psalms 145:9
9 טוב יהוה לכל ורחמיו על כל מעשׂיו׃
Proverbs 12:10
10 יודע צדיק נפשׁ בהמתו ורחמי רשׁעים אכזרי׃
Isaiah 47:6
6 קצפתי על עמי חללתי נחלתי ואתנם בידך לא שׂמת להם רחמים על זקן הכבדת עלך מאד׃
Isaiah 55:7
7 יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃
Jonah 4:2
2 ויתפלל אל יהוה ויאמר אנה יהוה הלוא זה דברי עד היותי על אדמתי על כן קדמתי לברח תרשׁישׁה כי ידעתי כי אתה אל חנון ורחום ארך אפים ורב חסד ונחם על הרעה׃
Micah 7:18
18 מי אל כמוך נשׂא עון ועבר על פשׁע לשׁארית נחלתו לא החזיק לעד אפו כי חפץ חסד הוא׃
Zechariah 1:15
15 וקצף גדול אני קצף על הגוים השׁאננים אשׁר אני קצפתי מעט והמה עזרו לרעה׃
Numbers 16:46-49
46 (17:11) ויאמר משׁה אל אהרן קח את המחתה ותן עליה אשׁ מעל המזבח ושׂים קטרת והולך מהרה אל העדה וכפר עליהם כי יצא הקצף מלפני יהוה החל הנגף׃47 (17:12) ויקח אהרן כאשׁר דבר משׁה וירץ אל תוך הקהל והנה החל הנגף בעם ויתן את הקטרת ויכפר על העם׃48 (17:13) ויעמד בין המתים ובין החיים ותעצר המגפה׃49 (17:14) ויהיו המתים במגפה ארבעה עשׂר אלף ושׁבע מאות מלבד המתים על דבר קרח׃
Numbers 25:9
9 ויהיו המתים במגפה ארבעה ועשׂרים אלף׃
1 Samuel 6:19
19 ויך באנשׁי בית שׁמשׁ כי ראו בארון יהוה ויך בעם שׁבעים אישׁ חמשׁים אלף אישׁ ויתאבלו העם כי הכה יהוה בעם מכה גדולה׃
1 Chronicles 21:14
14 ויתן יהוה דבר בישׂראל ויפל מישׂראל שׁבעים אלף אישׁ׃
1 Chronicles 27:4
4 ועל מחלקת החדשׁ השׁני דודי האחוחי ומחלקתו ומקלות הנגיד ועל מחלקתו עשׂרים וארבעה אלף׃
1 Chronicles 27:24
24 יואב בן צרויה החל למנות ולא כלה ויהי בזאת קצף על ישׂראל ולא עלה המספר במספר דברי הימים למלך דויד׃
Isaiah 37:36
36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃
Genesis 6:6
6 וינחם יהוה כי עשׂה את האדם בארץ ויתעצב אל לבו׃
Genesis 10:16
16 ואת היבוסי ואת האמרי ואת הגרגשׁי׃
Exodus 9:28
28 העתירו אל יהוה ורב מהית קלת אלהים וברד ואשׁלחה אתכם ולא תספון לעמד׃
Exodus 12:13
13 והיה הדם לכם לאת על הבתים אשׁר אתם שׁם וראיתי את הדם ופסחתי עלכם ולא יהיה בכם נגף למשׁחית בהכתי בארץ מצרים׃
Exodus 12:23
23 ועבר יהוה לנגף את מצרים וראה את הדם על המשׁקוף ועל שׁתי המזוזת ופסח יהוה על הפתח ולא יתן המשׁחית לבא אל בתיכם לנגף׃
Exodus 32:14
14 וינחם יהוה על הרעה אשׁר דבר לעשׂות לעמו׃
Joshua 15:63
63 ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃
Judges 1:21
21 ואת היבוסי ישׁב ירושׁלם לא הורישׁו בני בנימן וישׁב היבוסי את בני בנימן בירושׁלם עד היום הזה׃
Judges 19:11
11 הם עם יבוס והיום רד מאד ויאמר הנער אל אדניו לכה נא ונסורה אל עיר היבוסי הזאת ונלין׃
1 Samuel 15:11
11 נחמתי כי המלכתי את שׁאול למלך כי שׁב מאחרי ואת דברי לא הקים ויחר לשׁמואל ויזעק אל יהוה כל הלילה׃
2 Samuel 5:8
8 ויאמר דוד ביום ההוא כל מכה יבסי ויגע בצנור ואת הפסחים ואת העורים שׂנאו נפשׁ דוד על כן יאמרו עור ופסח לא יבוא אל הבית׃
2 Samuel 24:18
18 ויבא גד אל דוד ביום ההוא ויאמר לו עלה הקם ליהוה מזבח בגרן ארניה היבסי׃
1 Kings 19:4
4 והוא הלך במדבר דרך יום ויבא וישׁב תחת רתם אחת וישׁאל את נפשׁו למות ויאמר רב עתה יהוה קח נפשׁי כי לא טוב אנכי מאבתי׃
2 Kings 19:35
35 ויהי בלילה ההוא ויצא מלאך יהוה ויך במחנה אשׁור מאה שׁמונים וחמשׁה אלף וישׁכימו בבקר והנה כלם פגרים מתים׃
1 Chronicles 21:15-16
2 Chronicles 3:1
1 ויחל שׁלמה לבנות את בית יהוה בירושׁלם בהר המוריה אשׁר נראה לדויד אביהו אשׁר הכין במקום דויד בגרן ארנן היבוסי׃
2 Chronicles 32:21
21 וישׁלח יהוה מלאך ויכחד כל גבור חיל ונגיד ושׂר במחנה מלך אשׁור וישׁב בבשׁת פנים לארצו ויבא בית אלהיו ומיציאו מעיו שׁם הפילהו בחרב׃
Psalms 35:6
6 יהי דרכם חשׁך וחלקלקות ומלאך יהוה רדפם׃
Psalms 78:38
38 והוא רחום יכפר עון ולא ישׁחית והרבה להשׁיב אפו ולא יעיר כל חמתו׃
Psalms 90:13
13 שׁובה יהוה עד מתי והנחם על עבדיך׃
Psalms 135:14
14 כי ידין יהוה עמו ועל עבדיו יתנחם׃
Isaiah 27:8
8 בסאסאה בשׁלחה תריבנה הגה ברוחו הקשׁה ביום קדים׃
Isaiah 40:1-2
Isaiah 57:16
16 כי לא לעולם אריב ולא לנצח אקצוף כי רוח מלפני יעטוף ונשׁמות אני עשׂיתי׃
Jeremiah 18:7-10
Joel 2:13-14
Amos 7:3
3 נחם יהוה על זאת לא תהיה אמר יהוה׃
Amos 7:6
6 נחם יהוה על זאת גם היא לא תהיה אמר אדני יהוה׃
Habakkuk 3:2
2 יהוה שׁמעתי שׁמעך יראתי יהוה פעלך בקרב שׁנים חייהו בקרב שׁנים תודיע ברגז רחם תזכור׃
Zechariah 9:7
7 והסרתי דמיו מפיו ושׁקציו מבין שׁניו ונשׁאר גם הוא לאלהינו והיה כאלף ביהודה ועקרון כיבוסי׃
Genesis 44:33
33 ועתה ישׁב נא עבדך תחת הנער עבד לאדני והנער יעל עם אחיו׃
2 Samuel 24:10
10 ויך לב דוד אתו אחרי כן ספר את העם ויאמר דוד אל יהוה חטאתי מאד אשׁר עשׂיתי ועתה יהוה העבר נא את עון עבדך כי נסכלתי מאד׃
1 Kings 22:17
17 ויאמר ראיתי את כל ישׂראל נפצים אל ההרים כצאן אשׁר אין להם רעה ויאמר יהוה לא אדנים לאלה ישׁובו אישׁ לביתו בשׁלום׃
1 Chronicles 21:16-17
Job 7:20
20 חטאתי מה אפעל לך נצר האדם למה שׂמתני למפגע לך ואהיה עלי למשׂא׃
Job 42:6
6 על כן אמאס ונחמתי על עפר ואפר׃
Psalms 44:11
11 (44:12) תתננו כצאן מאכל ובגוים זריתנו׃
Psalms 51:2-5
Psalms 74:1
1 משׂכיל לאסף למה אלהים זנחת לנצח יעשׁן אפך בצאן מרעיתך׃
Isaiah 6:5
5 ואמר אוי לי כי נדמיתי כי אישׁ טמא שׂפתים אנכי ובתוך עם טמא שׂפתים אנכי יושׁב כי את המלך יהוה צבאות ראו עיני׃
Ezekiel 34:2-6
2 בן אדם הנבא על רועי ישׂראל הנבא ואמרת אליהם לרעים כה אמר אדני יהוה הוי רעי ישׂראל אשׁר היו רעים אותם הלוא הצאן ירעו הרעים׃3 את החלב תאכלו ואת הצמר תלבשׁו הבריאה תזבחו הצאן לא תרעו׃4 את הנחלות לא חזקתם ואת החולה לא רפאתם ולנשׁברת לא חבשׁתם ואת הנדחת לא השׁבתם ואת האבדת לא בקשׁתם ובחזקה רדיתם אתם ובפרך׃5 ותפוצינה מבלי רעה ותהיינה לאכלה לכל חית השׂדה ותפוצינה׃6 ישׁגו צאני בכל ההרים ועל כל גבעה רמה ועל כל פני הארץ נפצו צאני ואין דורשׁ ואין מבקשׁ׃
Ezekiel 34:23-24
Zechariah 13:7
7 חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשׁבתי ידי על הצערים׃
2 Samuel 24:11
11 ויקם דוד בבקר ודבר יהוה היה אל גד הנביא חזה דוד לאמר׃
1 Chronicles 21:18-30
18 ומלאך יהוה אמר אל גד לאמר לדויד כי יעלה דויד להקים מזבח ליהוה בגרן ארנן היבסי׃19 ויעל דויד בדבר גד אשׁר דבר בשׁם יהוה׃20 וישׁב ארנן וירא את המלאך וארבעת בניו עמו מתחבאים וארנן דשׁ חטים׃21 ויבא דויד עד ארנן ויבט ארנן וירא את דויד ויצא מן הגרן וישׁתחו לדויד אפים ארצה׃22 ויאמר דויד אל ארנן תנה לי מקום הגרן ואבנה בו מזבח ליהוה בכסף מלא תנהו לי ותעצר המגפה מעל העם׃23 ויאמר ארנן אל דויד קח לך ויעשׂ אדני המלך הטוב בעיניו ראה נתתי הבקר לעלות והמורגים לעצים והחטים למנחה הכל נתתי׃24 ויאמר המלך דויד לארנן לא כי קנה אקנה בכסף מלא כי לא אשׂא אשׁר לך ליהוה והעלות עולה חנם׃25 ויתן דויד לארנן במקום שׁקלי זהב משׁקל שׁשׁ מאות׃26 ויבן שׁם דויד מזבח ליהוה ויעל עלות ושׁלמים ויקרא אל יהוה ויענהו באשׁ מן השׁמים על מזבח העלה׃27 ויאמר יהוה למלאך וישׁב חרבו אל נדנה׃28 בעת ההיא בראות דויד כי ענהו יהוה בגרן ארנן היבוסי ויזבח שׁם׃29 ומשׁכן יהוה אשׁר עשׂה משׁה במדבר ומזבח העולה בעת ההיא בבמה בגבעון׃30 ולא יכל דויד ללכת לפניו לדרשׁ אלהים כי נבעת מפני חרב מלאך יהוה׃
Genesis 6:22
22 ויעשׂ נח ככל אשׁר צוה אתו אלהים כן עשׂה׃
1 Chronicles 21:19
19 ויעל דויד בדבר גד אשׁר דבר בשׁם יהוה׃
2 Chronicles 20:20
20 וישׁכימו בבקר ויצאו למדבר תקוע ובצאתם עמד יהושׁפט ויאמר שׁמעוני יהודה וישׁבי ירושׁלם האמינו ביהוה אלהיכם ותאמנו האמינו בנביאיו והצליחו׃
2 Chronicles 36:16
16 ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃
Nehemiah 9:26
26 וימרו וימרדו בך וישׁלכו את תורתך אחרי גום ואת נביאיך הרגו אשׁר העידו בם להשׁיבם אליך ויעשׂו נאצות גדולת׃
Genesis 18:2
2 וישׂא עיניו וירא והנה שׁלשׁה אנשׁים נצבים עליו וירא וירץ לקראתם מפתח האהל וישׁתחו ארצה׃
Ruth 2:10
10 ותפל על פניה ותשׁתחו ארצה ותאמר אליו מדוע מצאתי חן בעיניך להכירני ואנכי נכריה׃
2 Samuel 9:8
8 וישׁתחו ויאמר מה עבדך כי פנית אל הכלב המת אשׁר כמוני׃
1 Chronicles 21:20-21
Genesis 23:8-16
8 וידבר אתם לאמר אם ישׁ את נפשׁכם לקבר את מתי מלפני שׁמעוני ופגעו לי בעפרון בן צחר׃9 ויתן לי את מערת המכפלה אשׁר לו אשׁר בקצה שׂדהו בכסף מלא יתננה לי בתוככם לאחזת קבר׃10 ועפרון ישׁב בתוך בני חת ויען עפרון החתי את אברהם באזני בני חת לכל באי שׁער עירו לאמר׃11 לא אדני שׁמעני השׂדה נתתי לך והמערה אשׁר בו לך נתתיה לעיני בני עמי נתתיה לך קבר מתך׃12 וישׁתחו אברהם לפני עם הארץ׃13 וידבר אל עפרון באזני עם הארץ לאמר אך אם אתה לו שׁמעני נתתי כסף השׂדה קח ממני ואקברה את מתי שׁמה׃14 ויען עפרון את אברהם לאמר׃15 אדני שׁמעני ארץ ארבע מאת שׁקל כסף ביני ובינך מה הוא ואת מתך קבר׃16 וישׁמע אברהם אל עפרון וישׁקל אברהם לעפרן את הכסף אשׁר דבר באזני בני חת ארבע מאות שׁקל כסף עבר לסחר׃
Numbers 16:44-50
44 (17:9) וידבר יהוה אל משׁה לאמר׃45 (17:10) הרמו מתוך העדה הזאת ואכלה אתם כרגע ויפלו על פניהם׃46 (17:11) ויאמר משׁה אל אהרן קח את המחתה ותן עליה אשׁ מעל המזבח ושׂים קטרת והולך מהרה אל העדה וכפר עליהם כי יצא הקצף מלפני יהוה החל הנגף׃47 (17:12) ויקח אהרן כאשׁר דבר משׁה וירץ אל תוך הקהל והנה החל הנגף בעם ויתן את הקטרת ויכפר על העם׃48 (17:13) ויעמד בין המתים ובין החיים ותעצר המגפה׃49 (17:14) ויהיו המתים במגפה ארבעה עשׂר אלף ושׁבע מאות מלבד המתים על דבר קרח׃50 (17:15) וישׁב אהרן אל משׁה אל פתח אהל מועד והמגפה נעצרה׃
Numbers 25:8
8 ויבא אחר אישׁ ישׂראל אל הקבה וידקר את שׁניהם את אישׁ ישׂראל ואת האשׁה אל קבתה ותעצר המגפה מעל בני ישׂראל׃
2 Samuel 24:3
3 ויאמר יואב אל המלך ויוסף יהוה אלהיך אל העם כהם וכהם מאה פעמים ועיני אדני המלך ראות ואדני המלך למה חפץ בדבר הזה׃
1 Chronicles 21:22
22 ויאמר דויד אל ארנן תנה לי מקום הגרן ואבנה בו מזבח ליהוה בכסף מלא תנהו לי ותעצר המגפה מעל העם׃
Psalms 106:30
30 ויעמד פינחס ויפלל ותעצר המגפה׃
Jeremiah 32:6-14
6 ויאמר ירמיהו היה דבר יהוה אלי לאמר׃7 הנה חנמאל בן שׁלם דדך בא אליך לאמר קנה לך את שׂדי אשׁר בענתות כי לך משׁפט הגאלה לקנות׃8 ויבא אלי חנמאל בן דדי כדבר יהוה אל חצר המטרה ויאמר אלי קנה נא את שׂדי אשׁר בענתות אשׁר בארץ בנימין כי לך משׁפט הירשׁה ולך הגאלה קנה לך ואדע כי דבר יהוה הוא׃9 ואקנה את השׂדה מאת חנמאל בן דדי אשׁר בענתות ואשׁקלה לו את הכסף שׁבעה שׁקלים ועשׂרה הכסף׃10 ואכתב בספר ואחתם ואעד עדים ואשׁקל הכסף במאזנים׃11 ואקח את ספר המקנה את החתום המצוה והחקים ואת הגלוי׃12 ואתן את הספר המקנה אל ברוך בן נריה בן מחסיה לעיני חנמאל דדי ולעיני העדים הכתבים בספר המקנה לעיני כל היהודים הישׁבים בחצר המטרה׃13 ואצוה את ברוך לעיניהם לאמר׃14 כה אמר יהוה צבאות אלהי ישׂראל לקוח את הספרים האלה את ספר המקנה הזה ואת החתום ואת ספר הגלוי הזה ונתתם בכלי חרשׂ למען יעמדו ימים רבים׃
Genesis 23:11
11 לא אדני שׁמעני השׂדה נתתי לך והמערה אשׁר בו לך נתתיה לעיני בני עמי נתתיה לך קבר מתך׃
1 Samuel 6:14
14 והעגלה באה אל שׂדה יהושׁע בית השׁמשׁי ותעמד שׁם ושׁם אבן גדולה ויבקעו את עצי העגלה ואת הפרות העלו עלה ליהוה׃
1 Kings 19:21
21 וישׁב מאחריו ויקח את צמד הבקר ויזבחהו ובכלי הבקר בשׁלם הבשׂר ויתן לעם ויאכלו ויקם וילך אחרי אליהו וישׁרתהו׃
Job 42:8-9
Psalms 20:3-4
Psalms 45:16
16 (45:17) תחת אבתיך יהיו בניך תשׁיתמו לשׂרים בכל הארץ׃
Isaiah 32:8
8 ונדיב נדיבות יעץ והוא על נדיבות יקום׃
Isaiah 60:7
7 כל צאן קדר יקבצו לך אילי נביות ישׁרתונך יעלו על רצון מזבחי ובית תפארתי אפאר׃
Ezekiel 20:40-41
Hosea 8:13
13 זבחי הבהבי יזבחו בשׂר ויאכלו יהוה לא רצם עתה יזכר עונם ויפקד חטאותם המה מצרים ישׁובו׃
Genesis 23:13
13 וידבר אל עפרון באזני עם הארץ לאמר אך אם אתה לו שׁמעני נתתי כסף השׂדה קח ממני ואקברה את מתי שׁמה׃
1 Chronicles 21:24-25
1 Chronicles 22:1
1 ויאמר דויד זה הוא בית יהוה האלהים וזה מזבח לעלה לישׂראל׃
Malachi 1:12-14
Genesis 8:20
20 ויבן נח מזבח ליהוה ויקח מכל הבהמה הטהרה ומכל העוף הטהור ויעל עלת במזבח׃
Genesis 22:9
9 ויבאו אל המקום אשׁר אמר לו האלהים ויבן שׁם אברהם את המזבח ויערך את העצים ויעקד את יצחק בנו וישׂם אתו על המזבח ממעל לעצים׃
1 Samuel 7:9
9 ויקח שׁמואל טלה חלב אחד ויעלה עולה כליל ליהוה ויזעק שׁמואל אל יהוה בעד ישׂראל ויענהו יהוה׃
1 Samuel 7:17
17 ותשׁבתו הרמתה כי שׁם ביתו ושׁם שׁפט את ישׂראל ויבן שׁם מזבח ליהוה׃
2 Samuel 21:14
14 ויקברו את עצמות שׁאול ויהונתן בנו בארץ בנימן בצלע בקבר קישׁ אביו ויעשׂו כל אשׁר צוה המלך ויעתר אלהים לארץ אחרי כן׃
2 Samuel 24:14
14 ויאמר דוד אל גד צר לי מאד נפלה נא ביד יהוה כי רבים רחמו וביד אדם אל אפלה׃