2 Samuel 24:16 Cross References - HOT

¹⁶ וישׁלח ידו המלאך ירושׁלם לשׁחתה וינחם יהוה אל הרעה ויאמר למלאך המשׁחית בעם רב עתה הרף ידך ומלאך יהוה היה עם גרן האורנה היבסי׃

Genesis 6:6

⁶ וינחם יהוה כי עשׂה את האדם בארץ ויתעצב אל לבו׃

Exodus 9:28

²⁸ העתירו אל יהוה ורב מהית קלת אלהים וברד ואשׁלחה אתכם ולא תספון לעמד׃

Exodus 12:13

¹³ והיה הדם לכם לאת על הבתים אשׁר אתם שׁם וראיתי את הדם ופסחתי עלכם ולא יהיה בכם נגף למשׁחית בהכתי בארץ מצרים׃

Exodus 12:23

²³ ועבר יהוה לנגף את מצרים וראה את הדם על המשׁקוף ועל שׁתי המזוזת ופסח יהוה על הפתח ולא יתן המשׁחית לבא אל בתיכם לנגף׃

Exodus 32:14

¹⁴ וינחם יהוה על הרעה אשׁר דבר לעשׂות לעמו׃

Joshua 15:63

⁶³ ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃

Judges 1:21

²¹ ואת היבוסי ישׁב ירושׁלם לא הורישׁו בני בנימן וישׁב היבוסי את בני בנימן בירושׁלם עד היום הזה׃

Judges 19:11

¹¹ הם עם יבוס והיום רד מאד ויאמר הנער אל אדניו לכה נא ונסורה אל עיר היבוסי הזאת ונלין׃

1 Samuel 15:11

¹¹ נחמתי כי המלכתי את שׁאול למלך כי שׁב מאחרי ואת דברי לא הקים ויחר לשׁמואל ויזעק אל יהוה כל הלילה׃

2 Samuel 5:8

⁸ ויאמר דוד ביום ההוא כל מכה יבסי ויגע בצנור ואת הפסחים ואת העורים שׂנאו נפשׁ דוד על כן יאמרו עור ופסח לא יבוא אל הבית׃

2 Samuel 24:18

¹⁸ ויבא גד אל דוד ביום ההוא ויאמר לו עלה הקם ליהוה מזבח בגרן ארניה היבסי׃

1 Kings 19:4

⁴ והוא הלך במדבר דרך יום ויבא וישׁב תחת רתם אחת וישׁאל את נפשׁו למות ויאמר רב עתה יהוה קח נפשׁי כי לא טוב אנכי מאבתי׃

2 Kings 19:35

³⁵ ויהי בלילה ההוא ויצא מלאך יהוה ויך במחנה אשׁור מאה שׁמונים וחמשׁה אלף וישׁכימו בבקר והנה כלם פגרים מתים׃

¹⁵ וישׁלח האלהים מלאך לירושׁלם להשׁחיתה וכהשׁחית ראה יהוה וינחם על הרעה ויאמר למלאך המשׁחית רב עתה הרף ידך ומלאך יהוה עמד עם גרן ארנן היבוסי׃¹⁶ וישׂא דויד את עיניו וירא את מלאך יהוה עמד בין הארץ ובין השׁמים וחרבו שׁלופה בידו נטויה על ירושׁלם ויפל דויד והזקנים מכסים בשׂקים על פניהם׃

2 Chronicles 3:1

¹ ויחל שׁלמה לבנות את בית יהוה בירושׁלם בהר המוריה אשׁר נראה לדויד אביהו אשׁר הכין במקום דויד בגרן ארנן היבוסי׃

2 Chronicles 32:21

²¹ וישׁלח יהוה מלאך ויכחד כל גבור חיל ונגיד ושׂר במחנה מלך אשׁור וישׁב בבשׁת פנים לארצו ויבא בית אלהיו ומיציאו מעיו שׁם הפילהו בחרב׃

Psalms 35:6

⁶ יהי דרכם חשׁך וחלקלקות ומלאך יהוה רדפם׃

Psalms 78:38

³⁸ והוא רחום יכפר עון ולא ישׁחית והרבה להשׁיב אפו ולא יעיר כל חמתו׃

Psalms 90:13

¹³ שׁובה יהוה עד מתי והנחם על עבדיך׃

Psalms 135:14

¹⁴ כי ידין יהוה עמו ועל עבדיו יתנחם׃

Isaiah 27:8

⁸ בסאסאה בשׁלחה תריבנה הגה ברוחו הקשׁה ביום קדים׃

Isaiah 40:1-2

¹ נחמו נחמו עמי יאמר אלהיכם׃² דברו על לב ירושׁלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃

Isaiah 57:16

¹⁶ כי לא לעולם אריב ולא לנצח אקצוף כי רוח מלפני יעטוף ונשׁמות אני עשׂיתי׃

Jeremiah 18:7-10

⁷ רגע אדבר על גוי ועל ממלכה לנתושׁ ולנתוץ ולהאביד׃⁸ ושׁב הגוי ההוא מרעתו אשׁר דברתי עליו ונחמתי על הרעה אשׁר חשׁבתי לעשׂות׃⁹ ורגע אדבר על גוי ועל ממלכה לבנת ולנטע׃¹⁰ ועשׂה הרעה בעיני לבלתי שׁמע בקולי ונחמתי על הטובה אשׁר אמרתי להיטיב אותו׃

Joel 2:13-14

¹³ וקרעו לבבכם ואל בגדיכם ושׁובו אל יהוה אלהיכם כי חנון ורחום הוא ארך אפים ורב חסד ונחם על הרעה׃¹⁴ מי יודע ישׁוב ונחם והשׁאיר אחריו ברכה מנחה ונסך ליהוה אלהיכם׃

Amos 7:3

³ נחם יהוה על זאת לא תהיה אמר יהוה׃

Amos 7:6

⁶ נחם יהוה על זאת גם היא לא תהיה אמר אדני יהוה׃

Habakkuk 3:2

² יהוה שׁמעתי שׁמעך יראתי יהוה פעלך בקרב שׁנים חייהו בקרב שׁנים תודיע ברגז רחם תזכור׃

Zechariah 9:7

⁷ והסרתי דמיו מפיו ושׁקציו מבין שׁניו ונשׁאר גם הוא לאלהינו והיה כאלף ביהודה ועקרון כיבוסי׃