2 Samuel 6 Cross References - HOT

1 ויסף עוד דוד את כל בחור בישׂראל שׁלשׁים אלף׃2 ויקם וילך דוד וכל העם אשׁר אתו מבעלי יהודה להעלות משׁם את ארון האלהים אשׁר נקרא שׁם שׁם יהוה צבאות ישׁב הכרבים עליו׃3 וירכבו את ארון האלהים אל עגלה חדשׁה וישׂאהו מבית אבינדב אשׁר בגבעה ועזא ואחיו בני אבינדב נהגים את העגלה חדשׁה׃4 וישׂאהו מבית אבינדב אשׁר בגבעה עם ארון האלהים ואחיו הלך לפני הארון׃5 ודוד וכל בית ישׂראל משׂחקים לפני יהוה בכל עצי ברושׁים ובכנרות ובנבלים ובתפים ובמנענעים ובצלצלים׃6 ויבאו עד גרן נכון וישׁלח עזא אל ארון האלהים ויאחז בו כי שׁמטו הבקר׃7 ויחר אף יהוה בעזה ויכהו שׁם האלהים על השׁל וימת שׁם עם ארון האלהים׃8 ויחר לדוד על אשׁר פרץ יהוה פרץ בעזה ויקרא למקום ההוא פרץ עזה עד היום הזה׃9 וירא דוד את יהוה ביום ההוא ויאמר איך יבוא אלי ארון יהוה׃10 ולא אבה דוד להסיר אליו את ארון יהוה על עיר דוד ויטהו דוד בית עבד אדום הגתי׃11 וישׁב ארון יהוה בית עבד אדם הגתי שׁלשׁה חדשׁים ויברך יהוה את עבד אדם ואת כל ביתו׃12 ויגד למלך דוד לאמר ברך יהוה את בית עבד אדם ואת כל אשׁר לו בעבור ארון האלהים וילך דוד ויעל את ארון האלהים מבית עבד אדם עיר דוד בשׂמחה׃13 ויהי כי צעדו נשׂאי ארון יהוה שׁשׁה צעדים ויזבח שׁור ומריא׃14 ודוד מכרכר בכל עז לפני יהוה ודוד חגור אפוד בד׃15 ודוד וכל בית ישׂראל מעלים את ארון יהוה בתרועה ובקול שׁופר׃16 והיה ארון יהוה בא עיר דוד ומיכל בת שׁאול נשׁקפה בעד החלון ותרא את המלך דוד מפזז ומכרכר לפני יהוה ותבז לו בלבה׃17 ויבאו את ארון יהוה ויצגו אתו במקומו בתוך האהל אשׁר נטה לו דוד ויעל דוד עלות לפני יהוה ושׁלמים׃18 ויכל דוד מהעלות העולה והשׁלמים ויברך את העם בשׁם יהוה צבאות׃19 ויחלק לכל העם לכל המון ישׂראל למאישׁ ועד אשׁה לאישׁ חלת לחם אחת ואשׁפר אחד ואשׁישׁה אחת וילך כל העם אישׁ לביתו׃20 וישׁב דוד לברך את ביתו ותצא מיכל בת שׁאול לקראת דוד ותאמר מה נכבד היום מלך ישׂראל אשׁר נגלה היום לעיני אמהות עבדיו כהגלות נגלות אחד הרקים׃21 ויאמר דוד אל מיכל לפני יהוה אשׁר בחר בי מאביך ומכל ביתו לצות אתי נגיד על עם יהוה על ישׂראל ושׂחקתי לפני יהוה׃22 ונקלתי עוד מזאת והייתי שׁפל בעיני ועם האמהות אשׁר אמרת עמם אכבדה׃23 ולמיכל בת שׁאול לא היה לה ילד עד יום מותה׃

2 Samuel 5:1

1 ויבאו כל שׁבטי ישׂראל אל דוד חברונה ויאמרו לאמר הננו עצמך ובשׂרך אנחנו׃

1 Kings 8:1

1 אז יקהל שׁלמה את זקני ישׂראל את כל ראשׁי המטות נשׂיאי האבות לבני ישׂראל אל המלך שׁלמה ירושׁלם להעלות את ארון ברית יהוה מעיר דוד היא ציון׃

1 Chronicles 13:1-4

1 ויועץ דויד עם שׂרי האלפים והמאות לכל נגיד׃2 ויאמר דויד לכל קהל ישׂראל אם עליכם טוב ומן יהוה אלהינו נפרצה נשׁלחה על אחינו הנשׁארים בכל ארצות ישׂראל ועמהם הכהנים והלוים בערי מגרשׁיהם ויקבצו אלינו׃3 ונסבה את ארון אלהינו אלינו כי לא דרשׁנהו בימי שׁאול׃4 ויאמרו כל הקהל לעשׂות כן כי ישׁר הדבר בעיני כל העם׃

1 Chronicles 13:6-14

6 ויעל דויד וכל ישׂראל בעלתה אל קרית יערים אשׁר ליהודה להעלות משׁם את ארון האלהים יהוה יושׁב הכרובים אשׁר נקרא שׁם׃7 וירכיבו את ארון האלהים על עגלה חדשׁה מבית אבינדב ועזא ואחיו נהגים בעגלה׃8 ודויד וכל ישׂראל משׂחקים לפני האלהים בכל עז ובשׁירים ובכנרות ובנבלים ובתפים ובמצלתים ובחצצרות׃9 ויבאו עד גרן כידן וישׁלח עזא את ידו לאחז את הארון כי שׁמטו הבקר׃10 ויחר אף יהוה בעזא ויכהו על אשׁר שׁלח ידו על הארון וימת שׁם לפני אלהים׃11 ויחר לדויד כי פרץ יהוה פרץ בעזא ויקרא למקום ההוא פרץ עזא עד היום הזה׃12 ויירא דויד את האלהים ביום ההוא לאמר היך אביא אלי את ארון האלהים׃13 ולא הסיר דויד את הארון אליו אל עיר דויד ויטהו אל בית עבד אדם הגתי׃14 וישׁב ארון האלהים עם בית עבד אדם בביתו שׁלשׁה חדשׁים ויברך יהוה את בית עבד אדם ואת כל אשׁר׃

Psalms 132:1-6

1 שׁיר המעלות זכור יהוה לדוד את כל ענותו׃2 אשׁר נשׁבע ליהוה נדר לאביר יעקב׃3 אם אבא באהל ביתי אם אעלה על ערשׂ יצועי׃4 אם אתן שׁנת לעיני לעפעפי תנומה׃5 עד אמצא מקום ליהוה משׁכנות לאביר יעקב׃6 הנה שׁמענוה באפרתה מצאנוה בשׂדי יער׃

Exodus 25:18-22

18 ועשׂית שׁנים כרבים זהב מקשׁה תעשׂה אתם משׁני קצות הכפרת׃19 ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו׃20 והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים׃21 ונתת את הכפרת על הארן מלמעלה ואל הארן תתן את העדת אשׁר אתן אליך׃22 ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃

Leviticus 24:11-16

11 ויקב בן האשׁה הישׂראלית את השׁם ויקלל ויביאו אתו אל משׁה ושׁם אמו שׁלמית בת דברי למטה דן׃12 ויניחהו במשׁמר לפרשׁ להם על פי יהוה׃13 וידבר יהוה אל משׁה לאמר׃14 הוצא את המקלל אל מחוץ למחנה וסמכו כל השׁמעים את ידיהם על ראשׁו ורגמו אתו כל העדה׃15 ואל בני ישׂראל תדבר לאמר אישׁ אישׁ כי יקלל אלהיו ונשׂא חטאו׃16 ונקב שׁם יהוה מות יומת רגום ירגמו בו כל העדה כגר כאזרח בנקבו שׁם יומת׃

Joshua 15:9-10

9 ותאר הגבול מראשׁ ההר אל מעין מי נפתוח ויצא אל ערי הר עפרון ותאר הגבול בעלה היא קרית יערים׃10 ונסב הגבול מבעלה ימה אל הר שׂעיר ועבר אל כתף הר יערים מצפונה היא כסלון וירד בית שׁמשׁ ועבר תמנה׃

Joshua 15:60

60 קרית בעל היא קרית יערים והרבה ערים שׁתים וחצריהן׃

1 Samuel 4:4

4 וישׁלח העם שׁלה וישׂאו משׁם את ארון ברית יהוה צבאות ישׁב הכרבים ושׁם שׁני בני עלי עם ארון ברית האלהים חפני ופינחס׃

1 Samuel 7:1

1 ויבאו אנשׁי קרית יערים ויעלו את ארון יהוה ויבאו אתו אל בית אבינדב בגבעה ואת אלעזר בנו קדשׁו לשׁמר את ארון יהוה׃

1 Kings 8:6-7

6 ויבאו הכהנים את ארון ברית יהוה אל מקומו אל דביר הבית אל קדשׁ הקדשׁים אל תחת כנפי הכרובים׃7 כי הכרובים פרשׂים כנפים אל מקום הארון ויסכו הכרבים על הארון ועל בדיו מלמעלה׃

1 Chronicles 13:5-6

5 ויקהל דויד את כל ישׂראל מן שׁיחור מצרים ועד לבוא חמת להביא את ארון האלהים מקרית יערים׃6 ויעל דויד וכל ישׂראל בעלתה אל קרית יערים אשׁר ליהודה להעלות משׁם את ארון האלהים יהוה יושׁב הכרובים אשׁר נקרא שׁם׃

Psalms 80:1

1 למנצח אל שׁשׁנים עדות לאסף מזמור׃ (80:2) רעה ישׂראל האזינה נהג כצאן יוסף ישׁב הכרובים הופיעה׃

Isaiah 47:4

4 גאלנו יהוה צבאות שׁמו קדושׁ ישׂראל׃

Isaiah 54:5

5 כי בעליך עשׂיך יהוה צבאות שׁמו וגאלך קדושׁ ישׂראל אלהי כל הארץ יקרא׃

Numbers 4:5-12

5 ובא אהרן ובניו בנסע המחנה והורדו את פרכת המסך וכסו בה את ארן העדת׃6 ונתנו עליו כסוי עור תחשׁ ופרשׂו בגד כליל תכלת מלמעלה ושׂמו בדיו׃7 ועל שׁלחן הפנים יפרשׂו בגד תכלת ונתנו עליו את הקערת ואת הכפת ואת המנקית ואת קשׂות הנסך ולחם התמיד עליו יהיה׃8 ופרשׂו עליהם בגד תולעת שׁני וכסו אתו במכסה עור תחשׁ ושׂמו את בדיו׃9 ולקחו בגד תכלת וכסו את מנרת המאור ואת נרתיה ואת מלקחיה ואת מחתתיה ואת כל כלי שׁמנה אשׁר ישׁרתו \'ec\'e410 ונתנו אתה ואת כל כליה אל מכסה עור תחשׁ ונתנו על המוט׃11 ועל מזבח הזהב יפרשׂו בגד תכלת וכסו אתו במכסה עור תחשׁ ושׂמו את בדיו׃12 ולקחו את כל כלי השׁרת אשׁר ישׁרתו בם בקדשׁ ונתנו אל בגד תכלת וכסו אותם במכסה עור תחשׁ ונתנו על המוט׃

Numbers 7:4-9

4 ויאמר יהוה אל משׁה לאמר׃5 קח מאתם והיו לעבד את עבדת אהל מועד ונתתה אותם אל הלוים אישׁ כפי עבדתו׃6 ויקח משׁה את העגלת ואת הבקר ויתן אותם אל הלוים׃7 את שׁתי העגלות ואת ארבעת הבקר נתן לבני גרשׁון כפי עבדתם׃8 ואת ארבע העגלת ואת שׁמנת הבקר נתן לבני מררי כפי עבדתם ביד איתמר בן אהרן הכהן׃9 ולבני קהת לא נתן כי עבדת הקדשׁ עלהם בכתף ישׂאו׃

1 Samuel 6:7

7 ועתה קחו ועשׂו עגלה חדשׁה אחת ושׁתי פרות עלות אשׁר לא עלה עליהם על ואסרתם את הפרות בעגלה והשׁיבתם בניהם מאחריהם הביתה׃

1 Samuel 7:1-2

1 ויבאו אנשׁי קרית יערים ויעלו את ארון יהוה ויבאו אתו אל בית אבינדב בגבעה ואת אלעזר בנו קדשׁו לשׁמר את ארון יהוה׃2 ויהי מיום שׁבת הארון בקרית יערים וירבו הימים ויהיו עשׂרים שׁנה וינהו כל בית ישׂראל אחרי יהוה׃

1 Chronicles 13:7

7 וירכיבו את ארון האלהים על עגלה חדשׁה מבית אבינדב ועזא ואחיו נהגים בעגלה׃

1 Samuel 10:5

5 אחר כן תבוא גבעת האלהים אשׁר שׁם נצבי פלשׁתים ויהי כבאך שׁם העיר ופגעת חבל נביאים ירדים מהבמה ולפניהם נבל ותף וחליל וכנור והמה מתנבאים׃

1 Samuel 16:16

16 יאמר נא אדננו עבדיך לפניך יבקשׁו אישׁ ידע מנגן בכנור והיה בהיות עליך רוח אלהים רעה ונגן בידו וטוב׃

1 Samuel 18:6-7

6 ויהי בבואם בשׁוב דוד מהכות את הפלשׁתי ותצאנה הנשׁים מכל ערי ישׂראל לשׁור והמחלות לקראת שׁאול המלך בתפים בשׂמחה ובשׁלשׁים׃7 ותענינה הנשׁים המשׂחקות ותאמרן הכה שׁאול באלפו ודוד ברבבתיו׃

2 Kings 3:15

15 ועתה קחו לי מנגן והיה כנגן המנגן ותהי עליו יד יהוה׃

1 Chronicles 13:8

8 ודויד וכל ישׂראל משׂחקים לפני האלהים בכל עז ובשׁירים ובכנרות ובנבלים ובתפים ובמצלתים ובחצצרות׃

1 Chronicles 15:10-24

10 לבני עזיאל עמינדב השׂר ואחיו מאה ושׁנים עשׂר׃11 ויקרא דויד לצדוק ולאביתר הכהנים וללוים לאוריאל עשׂיה ויואל שׁמעיה ואליאל ועמינדב׃12 ויאמר להם אתם ראשׁי האבות ללוים התקדשׁו אתם ואחיכם והעליתם את ארון יהוה אלהי ישׂראל אל הכינותי׃13 כי למבראשׁונה לא אתם פרץ יהוה אלהינו בנו כי לא דרשׁנהו כמשׁפט׃14 ויתקדשׁו הכהנים והלוים להעלות את ארון יהוה אלהי ישׂראל׃15 וישׂאו בני הלוים את ארון האלהים כאשׁר צוה משׁה כדבר יהוה בכתפם במטות עליהם׃16 ויאמר דויד לשׂרי הלוים להעמיד את אחיהם המשׁררים בכלי שׁיר נבלים וכנרות ומצלתים משׁמיעים להרים בקול לשׂמחה׃17 ויעמידו הלוים את הימן בן יואל ומן אחיו אסף בן ברכיהו ומן בני מררי אחיהם איתן בן קושׁיהו׃18 ועמהם אחיהם המשׁנים זכריהו בן ויעזיאל ושׁמירמות ויחיאל ועני אליאב ובניהו ומעשׂיהו ומתתיהו ואליפלהו ומקניהו ועבד אדם ויעיאל השׁערים׃19 והמשׁררים הימן אסף ואיתן במצלתים נחשׁת להשׁמיע׃20 וזכריה ועזיאל ושׁמירמות ויחיאל ועני ואליאב ומעשׂיהו ובניהו בנבלים על עלמות׃21 ומתתיהו ואליפלהו ומקניהו ועבד אדם ויעיאל ועזזיהו בכנרות על השׁמינית לנצח׃22 וכנניהו שׂר הלוים במשׂא יסר במשׂא כי מבין הוא׃23 וברכיה ואלקנה שׁערים לארון׃24 ושׁבניהו ויושׁפט ונתנאל ועמשׂי וזכריהו ובניהו ואליעזר הכהנים מחצצרים בחצצרות לפני ארון האלהים ועבד אדם ויחיה שׁערים לארון׃

Psalms 47:5

5 (47:6) עלה אלהים בתרועה יהוה בקול שׁופר׃

Psalms 68:25-27

25 (68:26) קדמו שׁרים אחר נגנים בתוך עלמות תופפות׃26 (68:27) במקהלות ברכו אלהים יהוה ממקור ישׂראל׃27 (68:28) שׁם בנימן צעיר רדם שׂרי יהודה רגמתם שׂרי זבלון שׂרי נפתלי׃

Psalms 150:3-5

3 הללוהו בתקע שׁופר הללוהו בנבל וכנור׃4 הללוהו בתף ומחול הללוהו במנים ועוגב׃5 הללוהו בצלצלי שׁמע הללוהו בצלצלי תרועה׃

Daniel 3:5

5 בעדנא די תשׁמעון קל קרנא משׁרוקיתא קיתרוס סבכא פסנתרין סומפניה וכל זני זמרא תפלון ותסגדון לצלם דהבא די הקים נבוכדנצר מלכא׃

Daniel 3:7

7 כל קבל דנה בה זמנא כדי שׁמעין כל עממיא קל קרנא משׁרוקיתא קיתרס שׂבכא פסנטרין וכל זני זמרא נפלין כל עממיא אמיא ולשׁניא סגדין לצלם דהבא די הקים נבוכדנצר מלכא׃

Daniel 3:10

10 אנתה מלכא שׂמת טעם די כל אנשׁ די ישׁמע קל קרנא משׁרקיתא קיתרס שׂבכא פסנתרין וסיפניה וכל זני זמרא יפל ויסגד לצלם דהבא׃

Daniel 3:15

15 כען הן איתיכון עתידין די בעדנא די תשׁמעון קל קרנא משׁרוקיתא קיתרס שׂבכא פסנתרין וסומפניה וכל זני זמרא תפלון ותסגדון לצלמא די עבדת והן לא תסגדון בה שׁעתה תתרמון לגוא אתון נורא יקדתא ומן הוא אלה די ישׁיזבנכון מן ידי׃

Amos 5:23

23 הסר מעלי המון שׁריך וזמרת נבליך לא אשׁמע׃

Amos 6:5

5 הפרטים על פי הנבל כדויד חשׁבו להם כלי שׁיר׃

Numbers 4:15

15 וכלה אהרן ובניו לכסת את הקדשׁ ואת כל כלי הקדשׁ בנסע המחנה ואחרי כן יבאו בני קהת לשׂאת ולא יגעו אל הקדשׁ ומתו אלה משׂא בני קהת באהל מועד׃

Numbers 4:19-20

19 וזאת עשׂו להם וחיו ולא ימתו בגשׁתם את קדשׁ הקדשׁים אהרן ובניו יבאו ושׂמו אותם אישׁ אישׁ על עבדתו ואל משׂאו׃20 ולא יבאו לראות כבלע את הקדשׁ ומתו׃

1 Chronicles 13:9

9 ויבאו עד גרן כידן וישׁלח עזא את ידו לאחז את הארון כי שׁמטו הבקר׃

Leviticus 10:1-3

1 ויקחו בני אהרן נדב ואביהוא אישׁ מחתתו ויתנו בהן אשׁ וישׂימו עליה קטרת ויקריבו לפני יהוה אשׁ זרה אשׁר לא צוה אתם׃2 ותצא אשׁ מלפני יהוה ותאכל אותם וימתו לפני יהוה׃3 ויאמר משׁה אל אהרן הוא אשׁר דבר יהוה לאמר בקרבי אקדשׁ ועל פני כל העם אכבד וידם אהרן׃

1 Samuel 6:19

19 ויך באנשׁי בית שׁמשׁ כי ראו בארון יהוה ויך בעם שׁבעים אישׁ חמשׁים אלף אישׁ ויתאבלו העם כי הכה יהוה בעם מכה גדולה׃

1 Chronicles 13:10

10 ויחר אף יהוה בעזא ויכהו על אשׁר שׁלח ידו על הארון וימת שׁם לפני אלהים׃

1 Chronicles 15:2

2 אז אמר דויד לא לשׂאת את ארון האלהים כי אם הלוים כי בם בחר יהוה לשׂאת את ארון יהוה ולשׁרתו עד עולם׃

1 Chronicles 15:13

13 כי למבראשׁונה לא אתם פרץ יהוה אלהינו בנו כי לא דרשׁנהו כמשׁפט׃

1 Chronicles 13:11-12

11 ויחר לדויד כי פרץ יהוה פרץ בעזא ויקרא למקום ההוא פרץ עזא עד היום הזה׃12 ויירא דויד את האלהים ביום ההוא לאמר היך אביא אלי את ארון האלהים׃

Jonah 4:1

1 וירע אל יונה רעה גדולה ויחר׃

Jonah 4:9

9 ויאמר אלהים אל יונה ההיטב חרה לך על הקיקיון ויאמר היטב חרה לי עד מות׃

Numbers 17:12-13

12 (17:27) ויאמרו בני ישׂראל אל משׁה לאמר הן גוענו אבדנו כלנו אבדנו׃13 (17:28) כל הקרב הקרב אל משׁכן יהוה ימות האם תמנו לגוע׃

1 Samuel 5:10-11

10 וישׁלחו את ארון האלהים עקרון ויהי כבוא ארון האלהים עקרון ויזעקו העקרנים לאמר הסבו אלי את ארון אלהי ישׂראל להמיתני ואת עמי׃11 וישׁלחו ויאספו את כל סרני פלשׁתים ויאמרו שׁלחו את ארון אלהי ישׂראל וישׁב למקמו ולא ימית אתי ואת עמי כי היתה מהומת מות בכל העיר כבדה מאד יד האלהים שׁם׃

1 Samuel 6:20

20 ויאמרו אנשׁי בית שׁמשׁ מי יוכל לעמד לפני יהוה האלהים הקדושׁ הזה ואל מי יעלה מעלינו׃

1 Kings 8:27

27 כי האמנם ישׁב אלהים על הארץ הנה השׁמים ושׁמי השׁמים לא יכלכלוך אף כי הבית הזה אשׁר בניתי׃

Job 25:5-6

5 הן עד ירח ולא יאהיל וכוכבים לא זכו בעיניו׃6 אף כי אנושׁ רמה ובן אדם תולעה׃

Psalms 119:120

120 סמר מפחדך בשׂרי וממשׁפטיך יראתי׃

Isaiah 6:5

5 ואמר אוי לי כי נדמיתי כי אישׁ טמא שׂפתים אנכי ובתוך עם טמא שׂפתים אנכי יושׁב כי את המלך יהוה צבאות ראו עיני׃

2 Samuel 4:3

3 ויברחו הבארתים גתימה ויהיו שׁם גרים עד היום הזה׃

2 Samuel 15:19

19 ויאמר המלך אל אתי הגתי למה תלך גם אתה אתנו שׁוב ושׁב עם המלך כי נכרי אתה וגם גלה אתה למקומך׃

2 Samuel 18:2

2 וישׁלח דוד את העם השׁלשׁית ביד יואב והשׁלשׁית ביד אבישׁי בן צרויה אחי יואב והשׁלשׁת ביד אתי הגתי ויאמר המלך אל העם יצא אצא גם אני עמכם׃

1 Chronicles 15:18

18 ועמהם אחיהם המשׁנים זכריהו בן ויעזיאל ושׁמירמות ויחיאל ועני אליאב ובניהו ומעשׂיהו ומתתיהו ואליפלהו ומקניהו ועבד אדם ויעיאל השׁערים׃

1 Chronicles 16:5

5 אסף הראשׁ ומשׁנהו זכריה יעיאל ושׁמירמות ויחיאל ומתתיה ואליאב ובניהו ועבד אדם ויעיאל בכלי נבלים ובכנרות ואסף במצלתים משׁמיע׃

1 Chronicles 26:4-8

4 ולעבד אדם בנים שׁמעיה הבכור יהוזבד השׁני יואח השׁלשׁי ושׂכר הרביעי ונתנאל החמישׁי׃5 עמיאל השׁשׁי ישׂשכר השׁביעי פעלתי השׁמיני כי ברכו אלהים׃6 ולשׁמעיה בנו נולד בנים הממשׁלים לבית אביהם כי גבורי חיל המה׃7 בני שׁמעיה עתני ורפאל ועובד אלזבד אחיו בני חיל אליהו וסמכיהו׃8 כל אלה מבני עבד אדם המה ובניהם ואחיהם אישׁ חיל בכח לעבדה שׁשׁים ושׁנים לעבד אדם׃

Genesis 30:27

27 ויאמר אליו לבן אם נא מצאתי חן בעיניך נחשׁתי ויברכני יהוה בגללך׃

Genesis 39:5

5 ויהי מאז הפקיד אתו בביתו ועל כל אשׁר ישׁ לו ויברך יהוה את בית המצרי בגלל יוסף ויהי ברכת יהוה בכל אשׁר ישׁ לו בבית ובשׂדה׃

Genesis 39:23

23 אין שׂר בית הסהר ראה את כל מאומה בידו באשׁר יהוה אתו ואשׁר הוא עשׂה יהוה מצליח׃

Proverbs 3:9-10

9 כבד את יהוה מהונך ומראשׁית כל תבואתך׃10 וימלאו אסמיך שׂבע ותירושׁ יקביך יפרצו׃

Malachi 3:10

10 הביאו את כל המעשׂר אל בית האוצר ויהי טרף בביתי ובחנוני נא בזאת אמר יהוה צבאות אם לא אפתח לכם את ארבות השׁמים והריקתי לכם ברכה עד בלי די׃

1 Chronicles 15:1-3

1 ויעשׂ לו בתים בעיר דויד ויכן מקום לארון האלהים ויט לו אהל׃2 אז אמר דויד לא לשׂאת את ארון האלהים כי אם הלוים כי בם בחר יהוה לשׂאת את ארון יהוה ולשׁרתו עד עולם׃3 ויקהל דויד את כל ישׂראל אל ירושׁלם להעלות את ארון יהוה אל מקומו אשׁר הכין׃

1 Chronicles 15:25-16:3

25 ויהי דויד וזקני ישׂראל ושׂרי האלפים ההלכים להעלות את ארון ברית יהוה מן בית עבד אדם בשׂמחה׃

Psalms 24:7-10

7 שׂאו שׁערים ראשׁיכם והנשׂאו פתחי עולם ויבוא מלך הכבוד׃8 מי זה מלך הכבוד יהוה עזוז וגבור יהוה גבור מלחמה׃9 שׂאו שׁערים ראשׁיכם ושׂאו פתחי עולם ויבא מלך הכבוד׃10 מי הוא זה מלך הכבוד יהוה צבאות הוא מלך הכבוד סלה׃

Psalms 68:24-27

24 (68:25) ראו הליכותיך אלהים הליכות אלי מלכי בקדשׁ׃

Psalms 132:6-8

6 הנה שׁמענוה באפרתה מצאנוה בשׂדי יער׃7 נבואה למשׁכנותיו נשׁתחוה להדם רגליו׃8 קומה יהוה למנוחתך אתה וארון עזך׃

Numbers 7:9

9 ולבני קהת לא נתן כי עבדת הקדשׁ עלהם בכתף ישׂאו׃

Joshua 3:3

3 ויצוו את העם לאמר כראותכם את ארון ברית יהוה אלהיכם והכהנים הלוים נשׂאים אתו ואתם תסעו ממקומכם והלכתם אחריו׃

1 Kings 8:5

5 והמלך שׁלמה וכל עדת ישׂראל הנועדים עליו אתו לפני הארון מזבחים צאן ובקר אשׁר לא יספרו ולא ימנו מרב׃

1 Chronicles 15:15

15 וישׂאו בני הלוים את ארון האלהים כאשׁר צוה משׁה כדבר יהוה בכתפם במטות עליהם׃

1 Chronicles 15:25-26

25 ויהי דויד וזקני ישׂראל ושׂרי האלפים ההלכים להעלות את ארון ברית יהוה מן בית עבד אדם בשׂמחה׃26 ויהי בעזר האלהים את הלוים נשׂאי ארון ברית יהוה ויזבחו שׁבעה פרים ושׁבעה אילים׃

2 Chronicles 5:6

6 והמלך שׁלמה וכל עדת ישׂראל הנועדים עליו לפני הארון מזבחים צאן ובקר אשׁר לא יספרו ולא ימנו מרב׃

Exodus 15:20

20 ותקח מרים הנביאה אחות אהרן את התף בידה ותצאן כל הנשׁים אחריה בתפים ובמחלת׃

Exodus 19:6

6 ואתם תהיו לי ממלכת כהנים וגוי קדושׁ אלה הדברים אשׁר תדבר אל בני ישׂראל׃

Deuteronomy 6:5

5 ואהבת את יהוה אלהיך בכל לבבך ובכל נפשׁך ובכל מאדך׃

Judges 11:34

34 ויבא יפתח המצפה אל ביתו והנה בתו יצאת לקראתו בתפים ובמחלות ורק היא יחידה אין לו ממנו בן או בת׃

Judges 21:21

21 וראיתם והנה אם יצאו בנות שׁילו לחול במחלות ויצאתם מן הכרמים וחטפתם לכם אישׁ אשׁתו מבנות שׁילו והלכתם ארץ בנימן׃

1 Samuel 2:18

18 ושׁמואל משׁרת את פני יהוה נער חגור אפוד בד׃

1 Samuel 2:28

28 ובחר אתו מכל שׁבטי ישׂראל לי לכהן לעלות על מזבחי להקטיר קטרת לשׂאת אפוד לפני ואתנה לבית אביך את כל אשׁי בני ישׂראל׃

1 Samuel 22:18

18 ויאמר המלך לדויג סב אתה ופגע בכהנים ויסב דויג האדמי ויפגע הוא בכהנים וימת ביום ההוא שׁמנים וחמשׁה אישׁ נשׂא אפוד בד׃

1 Chronicles 15:27

27 ודויד מכרבל במעיל בוץ וכל הלוים הנשׂאים את הארון והמשׁררים וכנניה השׂר המשׂא המשׁררים ועל דויד אפוד בד׃

Psalms 30:11

11 (30:12) הפכת מספדי למחול לי פתחת שׂקי ותאזרני שׂמחה׃

Psalms 149:3

3 יהללו שׁמו במחול בתף וכנור יזמרו׃

Psalms 150:4

4 הללוהו בתף ומחול הללוהו במנים ועוגב׃

Ecclesiastes 9:10

10 כל אשׁר תמצא ידך לעשׂות בכחך עשׂה כי אין מעשׂה וחשׁבון ודעת וחכמה בשׁאול אשׁר אתה הלך שׁמה׃

Numbers 10:1-10

1 וידבר יהוה אל משׁה לאמר׃2 עשׂה לך שׁתי חצוצרת כסף מקשׁה תעשׂה אתם והיו לך למקרא העדה ולמסע את המחנות׃3 ותקעו בהן ונועדו אליך כל העדה אל פתח אהל מועד׃4 ואם באחת יתקעו ונועדו אליך הנשׂיאים ראשׁי אלפי ישׂראל׃5 ותקעתם תרועה ונסעו המחנות החנים קדמה׃6 ותקעתם תרועה שׁנית ונסעו המחנות החנים תימנה תרועה יתקעו למסעיהם׃7 ובהקהיל את הקהל תתקעו ולא תריעו׃8 ובני אהרן הכהנים יתקעו בחצצרות והיו לכם לחקת עולם לדרתיכם׃9 וכי תבאו מלחמה בארצכם על הצר הצרר אתכם והרעתם בחצצרת ונזכרתם לפני יהוה אלהיכם ונושׁעתם מאיביכם׃10 וביום שׂמחתכם ובמועדיכם ובראשׁי חדשׁכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם׃

Joshua 6:4-5

4 ושׁבעה כהנים ישׂאו שׁבעה שׁופרות היובלים לפני הארון וביום השׁביעי תסבו את העיר שׁבע פעמים והכהנים יתקעו בשׁופרות׃5 והיה במשׁך בקרן היובל בשׁמעכם את קול השׁופר יריעו כל העם תרועה גדולה ונפלה חומת העיר תחתיה ועלו העם אישׁ נגדו׃

1 Chronicles 15:16

16 ויאמר דויד לשׂרי הלוים להעמיד את אחיהם המשׁררים בכלי שׁיר נבלים וכנרות ומצלתים משׁמיעים להרים בקול לשׂמחה׃

1 Chronicles 15:25

25 ויהי דויד וזקני ישׂראל ושׂרי האלפים ההלכים להעלות את ארון ברית יהוה מן בית עבד אדם בשׂמחה׃

1 Chronicles 15:28

28 וכל ישׂראל מעלים את ארון ברית יהוה בתרועה ובקול שׁופר ובחצצרות ובמצלתים משׁמעים בנבלים וכנרות׃

Ezra 3:10-11

10 ויסדו הבנים את היכל יהוה ויעמידו הכהנים מלבשׁים בחצצרות והלוים בני אסף במצלתים להלל את יהוה על ידי דויד מלך ישׂראל׃11 ויענו בהלל ובהודת ליהוה כי טוב כי לעולם חסדו על ישׂראל וכל העם הריעו תרועה גדולה בהלל ליהוה על הוסד בית יהוה׃

Psalms 47:1

1 למנצח לבני קרח מזמור׃ (47:2) כל העמים תקעו כף הריעו לאלהים בקול רנה׃

Psalms 47:5-6

5 (47:6) עלה אלהים בתרועה יהוה בקול שׁופר׃6 (47:7) זמרו אלהים זמרו זמרו למלכנו זמרו׃

Psalms 132:18

18 אויביו אלבישׁ בשׁת ועליו יציץ נזרו׃

Psalms 150:3

3 הללוהו בתקע שׁופר הללוהו בנבל וכנור׃

2 Samuel 3:14

14 וישׁלח דוד מלאכים אל אישׁ בשׁת בן שׁאול לאמר תנה את אשׁתי את מיכל אשׁר ארשׂתי לי במאה ערלות פלשׁתים׃

1 Chronicles 15:29

29 ויהי ארון ברית יהוה בא עד עיר דויד ומיכל בת שׁאול נשׁקפה בעד החלון ותרא את המלך דויד מרקד ומשׂחק ותבז לו בלבה׃

Psalms 69:7

7 (69:8) כי עליך נשׂאתי חרפה כסתה כלמה פני׃

Isaiah 53:3

3 נבזה וחדל אישׁים אישׁ מכאבות וידוע חלי וכמסתר פנים ממנו נבזה ולא חשׁבנהו׃

1 Kings 8:62-65

62 והמלך וכל ישׂראל עמו זבחים זבח לפני יהוה׃63 ויזבח שׁלמה את זבח השׁלמים אשׁר זבח ליהוה בקר עשׂרים ושׁנים אלף וצאן מאה ועשׂרים אלף ויחנכו את בית יהוה המלך וכל בני ישׂראל׃64 ביום ההוא קדשׁ המלך את תוך החצר אשׁר לפני בית יהוה כי עשׂה שׁם את העלה ואת המנחה ואת חלבי השׁלמים כי מזבח הנחשׁת אשׁר לפני יהוה קטן מהכיל את העלה ואת המנחה ואת חלבי השׁלמים׃65 ויעשׂ שׁלמה בעת ההיא את החג וכל ישׂראל עמו קהל גדול מלבוא חמת עד נחל מצרים לפני יהוה אלהינו שׁבעת ימים ושׁבעת ימים ארבעה עשׂר יום׃

1 Chronicles 15:1

1 ויעשׂ לו בתים בעיר דויד ויכן מקום לארון האלהים ויט לו אהל׃

1 Chronicles 16:1

1 ויביאו את ארון האלהים ויציגו אתו בתוך האהל אשׁר נטה לו דויד ויקריבו עלות ושׁלמים לפני האלהים׃

2 Chronicles 1:4

4 אבל ארון האלהים העלה דויד מקרית יערים בהכין לו דויד כי נטה לו אהל בירושׁלם׃

2 Chronicles 7:5-7

5 ויזבח המלך שׁלמה את זבח הבקר עשׂרים ושׁנים אלף וצאן מאה ועשׂרים אלף ויחנכו את בית האלהים המלך וכל העם׃6 והכהנים על משׁמרותם עמדים והלוים בכלי שׁיר יהוה אשׁר עשׂה דויד המלך להדות ליהוה כי לעולם חסדו בהלל דויד בידם והכהנים מחצצרים נגדם וכל ישׂראל עמדים׃7 ויקדשׁ שׁלמה את תוך החצר אשׁר לפני בית יהוה כי עשׂה שׁם העלות ואת חלבי השׁלמים כי מזבח הנחשׁת אשׁר עשׂה שׁלמה לא יכול להכיל את העלה ואת המנחה ואת החלבים׃

Ezra 6:16-17

16 ועבדו בני ישׂראל כהניא ולויא ושׁאר בני גלותא חנכת בית אלהא דנה בחדוה׃17 והקרבו לחנכת בית אלהא דנה תורין מאה דכרין מאתין אמרין ארבע מאה וצפירי עזין לחטיא על כל ישׂראל תרי עשׂר למנין שׁבטי ישׂראל׃

Psalms 132:8

8 קומה יהוה למנוחתך אתה וארון עזך׃

Genesis 14:19

19 ויברכהו ויאמר ברוך אברם לאל עליון קנה שׁמים וארץ׃

Exodus 39:43

43 וירא משׁה את כל המלאכה והנה עשׂו אתה כאשׁר צוה יהוה כן עשׂו ויברך אתם משׁה׃

Leviticus 9:22-23

22 וישׂא אהרן את ידו אל העם ויברכם וירד מעשׂת החטאת והעלה והשׁלמים׃23 ויבא משׁה ואהרן אל אהל מועד ויצאו ויברכו את העם וירא כבוד יהוה אל כל העם׃

1 Kings 8:14

14 ויסב המלך את פניו ויברך את כל קהל ישׂראל וכל קהל ישׂראל עמד׃

1 Kings 8:55

55 ויעמד ויברך את כל קהל ישׂראל קול גדול לאמר׃

1 Chronicles 16:2

2 ויכל דויד מהעלות העלה והשׁלמים ויברך את העם בשׁם יהוה׃

2 Chronicles 6:3

3 ויסב המלך את פניו ויברך את כל קהל ישׂראל וכל קהל ישׂראל עומד׃

2 Chronicles 30:18-19

18 כי מרבית העם רבת מאפרים ומנשׁה ישׂשכר וזבלון לא הטהרו כי אכלו את הפסח בלא ככתוב כי התפלל יחזקיהו עליהם לאמר יהוה הטוב יכפר בעד׃19 כל לבבו הכין לדרושׁ האלהים יהוה אלהי אבותיו ולא כטהרת הקדשׁ׃

2 Chronicles 30:27

27 ויקמו הכהנים הלוים ויברכו את העם וישׁמע בקולם ותבוא תפלתם למעון קדשׁו לשׁמים׃

1 Kings 8:66

66 ביום השׁמיני שׁלח את העם ויברכו את המלך וילכו לאהליהם שׂמחים וטובי לב על כל הטובה אשׁר עשׂה יהוה לדוד עבדו ולישׂראל עמו׃

1 Chronicles 16:3

3 ויחלק לכל אישׁ ישׂראל מאישׁ ועד אשׁה לאישׁ ככר לחם ואשׁפר ואשׁישׁה׃

2 Chronicles 7:10

10 וביום עשׂרים ושׁלשׁה לחדשׁ השׁביעי שׁלח את העם לאהליהם שׂמחים וטובי לב על הטובה אשׁר עשׂה יהוה לדויד ולשׁלמה ולישׂראל עמו׃

2 Chronicles 30:24

24 כי חזקיהו מלך יהודה הרים לקהל אלף פרים ושׁבעת אלפים צאן והשׂרים הרימו לקהל פרים אלף וצאן עשׂרת אלפים ויתקדשׁו כהנים לרב׃

2 Chronicles 35:7-8

7 וירם יאשׁיהו לבני העם צאן כבשׂים ובני עזים הכל לפסחים לכל הנמצא למספר שׁלשׁים אלף ובקר שׁלשׁת אלפים אלה מרכושׁ המלך׃8 ושׂריו לנדבה לעם לכהנים וללוים הרימו חלקיה וזכריהו ויחיאל נגידי בית האלהים לכהנים נתנו לפסחים אלפים ושׁשׁ מאות ובקר שׁלשׁ מאות׃

2 Chronicles 35:12-13

12 ויסירו העלה לתתם למפלגות לבית אבות לבני העם להקריב ליהוה ככתוב בספר משׁה וכן לבקר׃13 ויבשׁלו הפסח באשׁ כמשׁפט והקדשׁים בשׁלו בסירות ובדודים ובצלחות ויריצו לכל בני העם׃

Nehemiah 8:10

10 ויאמר להם לכו אכלו משׁמנים ושׁתו ממתקים ושׁלחו מנות לאין נכון לו כי קדושׁ היום לאדנינו ואל תעצבו כי חדות יהוה היא מעזכם׃

Ezekiel 45:17

17 ועל הנשׂיא יהיה העולות והמנחה והנסך בחגים ובחדשׁים ובשׁבתות בכל מועדי בית ישׂראל הוא יעשׂה את החטאת ואת המנחה ואת העולה ואת השׁלמים לכפר בעד בית ישׂראל׃

Genesis 18:19

19 כי ידעתיו למען אשׁר יצוה את בניו ואת ביתו אחריו ושׁמרו דרך יהוה לעשׂות צדקה ומשׁפט למען הביא יהוה על אברהם את אשׁר דבר עליו׃

Joshua 24:15

15 ואם רע בעיניכם לעבד את יהוה בחרו לכם היום את מי תעבדון אם את אלהים אשׁר עבדו אבותיכם אשׁר בעבר הנהר ואם את אלהי האמרי אשׁר אתם ישׁבים בארצם ואנכי וביתי נעבד את יהוה׃

Judges 9:4

4 ויתנו לו שׁבעים כסף מבית בעל ברית וישׂכר בהם אבימלך אנשׁים ריקים ופחזים וילכו אחריו׃

1 Samuel 19:23-24

23 וילך שׁם אל נוית ברמה ותהי עליו גם הוא רוח אלהים וילך הלוך ויתנבא עד באו בנוית ברמה׃24 ויפשׁט גם הוא בגדיו ויתנבא גם הוא לפני שׁמואל ויפל ערם כל היום ההוא וכל הלילה על כן יאמרו הגם שׁאול בנביאם׃

2 Samuel 6:14

14 ודוד מכרכר בכל עז לפני יהוה ודוד חגור אפוד בד׃

2 Samuel 6:16

16 והיה ארון יהוה בא עיר דוד ומיכל בת שׁאול נשׁקפה בעד החלון ותרא את המלך דוד מפזז ומכרכר לפני יהוה ותבז לו בלבה׃

2 Samuel 6:18

18 ויכל דוד מהעלות העולה והשׁלמים ויברך את העם בשׁם יהוה צבאות׃

1 Chronicles 16:43

43 וילכו כל העם אישׁ לביתו ויסב דויד לברך את ביתו׃

Nehemiah 4:3-4

3 (3:35) וטוביה העמני אצלו ויאמר גם אשׁר הם בונים אם יעלה שׁועל ופרץ חומת אבניהם׃4 (3:36) שׁמע אלהינו כי היינו בוזה והשׁב חרפתם אל ראשׁם ותנם לבזה בארץ שׁביה׃

Job 30:8

8 בני נבל גם בני בלי שׁם נכאו מן הארץ׃

Psalms 30:1

1 מזמור שׁיר חנכת הבית לדוד׃ (30:2) ארוממך יהוה כי דליתני ולא שׂמחת איבי

Psalms 69:7-9

7 (69:8) כי עליך נשׂאתי חרפה כסתה כלמה פני׃8 (69:9) מוזר הייתי לאחי ונכרי לבני אמי׃9 (69:10) כי קנאת ביתך אכלתני וחרפות חורפיך נפלו עלי׃

Psalms 101:2

2 אשׂכילה בדרך תמים מתי תבוא אלי אתהלך בתם לבבי בקרב ביתי׃

Isaiah 53:2-3

2 ויעל כיונק לפניו וכשׁרשׁ מארץ ציה לא תאר לו ולא הדר ונראהו ולא מראה ונחמדהו׃3 נבזה וחדל אישׁים אישׁ מכאבות וידוע חלי וכמסתר פנים ממנו נבזה ולא חשׁבנהו׃

1 Samuel 13:14

14 ועתה ממלכתך לא תקום בקשׁ יהוה לו אישׁ כלבבו ויצוהו יהוה לנגיד על עמו כי לא שׁמרת את אשׁר צוך יהוה׃

1 Samuel 15:28

28 ויאמר אליו שׁמואל קרע יהוה את ממלכות ישׂראל מעליך היום ונתנה לרעך הטוב ממך׃

1 Samuel 16:1

1 ויאמר יהוה אל שׁמואל עד מתי אתה מתאבל אל שׁאול ואני מאסתיו ממלך על ישׂראל מלא קרנך שׁמן ולך אשׁלחך אל ישׁי בית הלחמי כי ראיתי בבניו לי מלך׃

1 Samuel 16:12

12 וישׁלח ויביאהו והוא אדמוני עם יפה עינים וטוב ראי ויאמר יהוה קום משׁחהו כי זה הוא׃

2 Samuel 6:5

5 ודוד וכל בית ישׂראל משׂחקים לפני יהוה בכל עצי ברושׁים ובכנרות ובנבלים ובתפים ובמנענעים ובצלצלים׃

Psalms 78:70-72

70 ויבחר בדוד עבדו ויקחהו ממכלאת צאן׃71 מאחר עלות הביאו לרעות ביעקב עמו ובישׂראל נחלתו׃72 וירעם כתם לבבו ובתבונות כפיו ינחם׃

Psalms 89:19-20

19 (89:20) אז דברת בחזון לחסידיך ותאמר שׁויתי עזר על גבור הרימותי בחור מעם׃20 (89:21) מצאתי דוד עבדי בשׁמן קדשׁי משׁחתיו׃

Genesis 32:10

10 (32:11) קטנתי מכל החסדים ומכל האמת אשׁר עשׂית את עבדך כי במקלי עברתי את הירדן הזה ועתה הייתי לשׁני מחנות׃

1 Samuel 2:30

30 לכן נאם יהוה אלהי ישׂראל אמור אמרתי ביתך ובית אביך יתהלכו לפני עד עולם ועתה נאם יהוה חלילה לי כי מכבדי אכבד ובזי יקלו׃

Job 40:4

4 הן קלתי מה אשׁיבך ידי שׂמתי למו פי׃

Job 42:6

6 על כן אמאס ונחמתי על עפר ואפר׃

Isaiah 50:6

6 גוי נתתי למכים ולחיי למרטים פני לא הסתרתי מכלמות ורק׃

Isaiah 51:7

7 שׁמעו אלי ידעי צדק עם תורתי בלבם אל תיראו חרפת אנושׁ ומגדפתם אל תחתו׃

1 Samuel 1:6-8

6 וכעסתה צרתה גם כעס בעבור הרעמה כי סגר יהוה בעד רחמה׃7 וכן יעשׂה שׁנה בשׁנה מדי עלתה בבית יהוה כן תכעסנה ותבכה ולא תאכל׃8 ויאמר לה אלקנה אישׁה חנה למה תבכי ולמה לא תאכלי ולמה ירע לבבך הלוא אנכי טוב לך מעשׂרה בנים׃

1 Samuel 15:35

35 ולא יסף שׁמואל לראות את שׁאול עד יום מותו כי התאבל שׁמואל אל שׁאול ויהוה נחם כי המליך את שׁאול על ישׂראל׃

Isaiah 4:1

1 והחזיקו שׁבע נשׁים באישׁ אחד ביום ההוא לאמר לחמנו נאכל ושׂמלתנו נלבשׁ רק יקרא שׁמך עלינו אסף חרפתנו׃

Isaiah 22:14

14 ונגלה באזני יהוה צבאות אם יכפר העון הזה לכם עד תמתון אמר אדני יהוה צבאות׃

Hosea 9:11

11 אפרים כעוף יתעופף כבודם מלדה ומבטן ומהריון׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.