Daniel 4:27 Cross References - HOT

27 (4:24) להן מלכא מלכי ישׁפר עליך וחטיך בצדקה פרק ועויתך במחן ענין הן תהוא ארכה לשׁלותך׃

Genesis 41:33-37

33 ועתה ירא פרעה אישׁ נבון וחכם וישׁיתהו על ארץ מצרים׃34 יעשׂה פרעה ויפקד פקדים על הארץ וחמשׁ את ארץ מצרים בשׁבע שׁני השׂבע׃35 ויקבצו את כל אכל השׁנים הטבות הבאת האלה ויצברו בר תחת יד פרעה אכל בערים ושׁמרו׃36 והיה האכל לפקדון לארץ לשׁבע שׁני הרעב אשׁר תהיין בארץ מצרים ולא תכרת הארץ ברעב׃37 וייטב הדבר בעיני פרעה ובעיני כל עבדיו׃

1 Kings 21:29

29 הראית כי נכנע אחאב מלפני יען כי נכנע מפני לא אבי הרעה בימיו בימי בנו אביא הרעה על ביתו׃

Job 34:31-32

31 כי אל אל האמר נשׂאתי לא אחבל׃32 בלעדי אחזה אתה הרני אם עול פעלתי לא אסיף׃

Psalms 41:1-3

1 למנצח מזמור לדוד׃ (41:2) אשׁרי משׂכיל אל דל ביום רעה ימלטהו יהוה׃2 (41:3) יהוה ישׁמרהו ויחיהו יאשׁר בארץ ואל תתנהו בנפשׁ איביו׃3 (41:4) יהוה יסעדנו על ערשׂ דוי כל משׁכבו הפכת בחליו׃

Psalms 119:46

46 ואדברה בעדתיך נגד מלכים ולא אבושׁ׃

Proverbs 16:6

6 בחסד ואמת יכפר עון וביראת יהוה סור מרע׃

Proverbs 28:13

13 מכסה פשׁעיו לא יצליח ומודה ועזב ירחם׃

Isaiah 55:6-7

6 דרשׁו יהוה בהמצאו קראהו בהיותו קרוב׃7 יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃

Isaiah 58:5-7

5 הכזה יהיה צום אבחרהו יום ענות אדם נפשׁו הלכף כאגמן ראשׁו ושׂק ואפר יציע הלזה תקרא צום ויום רצון ליהוה׃6 הלוא זה צום אבחרהו פתח חרצבות רשׁע התר אגדות מוטה ושׁלח רצוצים חפשׁים וכל מוטה תנתקו׃7 הלוא פרס לרעב לחמך ועניים מרודים תביא בית כי תראה ערם וכסיתו ומבשׂרך לא תתעלם׃

Isaiah 58:10-12

10 ותפק לרעב נפשׁך ונפשׁ נענה תשׂביע וזרח בחשׁך אורך ואפלתך כצהרים׃11 ונחך יהוה תמיד והשׂביע בצחצחות נפשׁך ועצמתיך יחליץ והיית כגן רוה וכמוצא מים אשׁר לא יכזבו מימיו׃12 ובנו ממך חרבות עולם מוסדי דור ודור תקומם וקרא לך גדר פרץ משׁבב נתיבות לשׁבת׃

Ezekiel 18:7

7 ואישׁ לא יונה חבלתו חוב ישׁיב גזלה לא יגזל לחמו לרעב יתן ועירם יכסה בגד׃

Ezekiel 18:21-22

21 והרשׁע כי ישׁוב מכל חטאתו אשׁר עשׂה ושׁמר את כל חקותי ועשׂה משׁפט וצדקה חיה יחיה לא ימות׃22 כל פשׁעיו אשׁר עשׂה לא יזכרו לו בצדקתו אשׁר עשׂה יחיה׃

Ezekiel 18:27-32

27 ובשׁוב רשׁע מרשׁעתו אשׁר עשׂה ויעשׂ משׁפט וצדקה הוא את נפשׁו יחיה׃28 ויראה וישׁוב מכל פשׁעיו אשׁר עשׂה חיו יחיה לא ימות׃29 ואמרו בית ישׂראל לא יתכן דרך אדני הדרכי לא יתכנו בית ישׂראל הלא דרכיכם לא יתכן׃30 לכן אישׁ כדרכיו אשׁפט אתכם בית ישׂראל נאם אדני יהוה שׁובו והשׁיבו מכל פשׁעיכם ולא יהיה לכם למכשׁול עון׃31 השׁליכו מעליכם את כל פשׁעיכם אשׁר פשׁעתם בם ועשׂו לכם לב חדשׁ ורוח חדשׁה ולמה תמתו בית ישׂראל׃32 כי לא אחפץ במות המת נאם אדני יהוה והשׁיבו וחיו׃

Joel 2:14

14 מי יודע ישׁוב ונחם והשׁאיר אחריו ברכה מנחה ונסך ליהוה אלהיכם׃

Jonah 3:9

9 מי יודע ישׁוב ונחם האלהים ושׁב מחרון אפו ולא נאבד׃

Zephaniah 2:2-3

2 בטרם לדת חק כמץ עבר יום בטרם לא יבוא עליכם חרון אף יהוה בטרם לא יבוא עליכם יום אף יהוה׃3 בקשׁו את יהוה כל ענוי הארץ אשׁר משׁפטו פעלו בקשׁו צדק בקשׁו ענוה אולי תסתרו ביום אף יהוה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.