Daniel 9:9 Cross References - HOT

⁹ לאדני אלהינו הרחמים והסלחות כי מרדנו׃

Exodus 34:6-7

⁶ ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃⁷ נצר חסד לאלפים נשׂא עון ופשׁע וחטאה ונקה לא ינקה פקד עון אבות על בנים ועל בני בנים על שׁלשׁים ועל רבעים׃

Numbers 14:18-19

¹⁸ יהוה ארך אפים ורב חסד נשׂא עון ופשׁע ונקה לא ינקה פקד עון אבות על בנים על שׁלשׁים ועל רבעים׃¹⁹ סלח נא לעון העם הזה כגדל חסדך וכאשׁר נשׂאתה לעם הזה ממצרים ועד הנה׃

¹⁷ וימאנו לשׁמע ולא זכרו נפלאתיך אשׁר עשׂית עמהם ויקשׁו את ערפם ויתנו ראשׁ לשׁוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃¹⁸ אף כי עשׂו להם עגל מסכה ויאמרו זה אלהיך אשׁר העלך ממצרים ויעשׂו נאצות גדלות׃¹⁹ ואתה ברחמיך הרבים לא עזבתם במדבר את עמוד הענן לא סר מעליהם ביומם להנחתם בהדרך ואת עמוד האשׁ בלילה להאיר להם ואת הדרך אשׁר ילכו׃

Nehemiah 9:26-28

²⁶ וימרו וימרדו בך וישׁלכו את תורתך אחרי גום ואת נביאיך הרגו אשׁר העידו בם להשׁיבם אליך ויעשׂו נאצות גדולת׃²⁷ ותתנם ביד צריהם ויצרו להם ובעת צרתם יצעקו אליך ואתה משׁמים תשׁמע וכרחמיך הרבים תתן להם מושׁיעים ויושׁיעום מיד צריהם׃²⁸ וכנוח להם ישׁובו לעשׂות רע לפניך ותעזבם ביד איביהם וירדו בהם וישׁובו ויזעקוך ואתה משׁמים תשׁמע ותצילם כרחמיך רבות עתים׃

Nehemiah 9:31

³¹ וברחמיך הרבים לא עשׂיתם כלה ולא עזבתם כי אל חנון ורחום אתה׃

Psalms 62:12

¹² (62:13) ולך אדני חסד כי אתה תשׁלם לאישׁ כמעשׂהו׃

Psalms 86:5

⁵ כי אתה אדני טוב וסלח ורב חסד לכל קראיך׃

Psalms 86:15

¹⁵ ואתה אדני אל רחום וחנון ארך אפים ורב חסד ואמת׃

Psalms 106:43-45

⁴³ פעמים רבות יצילם והמה ימרו בעצתם וימכו בעונם׃⁴⁴ וירא בצר להם בשׁמעו את רנתם׃⁴⁵ ויזכר להם בריתו וינחם כרב חסדו׃

Psalms 130:4

⁴ כי עמך הסליחה למען תורא׃

Psalms 130:7

⁷ יחל ישׂראל אל יהוה כי עם יהוה החסד והרבה עמו פדות׃

Psalms 145:8-9

⁸ חנון ורחום יהוה ארך אפים וגדל חסד׃⁹ טוב יהוה לכל ורחמיו על כל מעשׂיו׃

Isaiah 55:7

⁷ יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃

Isaiah 63:7

⁷ חסדי יהוה אזכיר תהלת יהוה כעל כל אשׁר גמלנו יהוה ורב טוב לבית ישׂראל אשׁר גמלם כרחמיו וכרב חסדיו׃

Jeremiah 14:7

⁷ אם עונינו ענו בנו יהוה עשׂה למען שׁמך כי רבו משׁובתינו לך חטאנו׃

Lamentations 3:22-23

²² חסדי יהוה כי לא תמנו כי לא כלו רחמיו׃²³ חדשׁים לבקרים רבה אמונתך׃

Ezekiel 20:8-9

⁸ וימרו בי ולא אבו לשׁמע אלי אישׁ את שׁקוצי עיניהם לא השׁליכו ואת גלולי מצרים לא עזבו ואמר לשׁפך חמתי עליהם לכלות אפי בהם בתוך ארץ מצרים׃⁹ ואעשׂ למען שׁמי לבלתי החל לעיני הגוים אשׁר המה בתוכם אשׁר נודעתי אליהם לעיניהם להוציאם מארץ מצרים׃

Ezekiel 20:13

¹³ וימרו בי בית ישׂראל במדבר בחקותי לא הלכו ואת משׁפטי מאסו אשׁר יעשׂה אתם האדם וחי בהם ואת שׁבתתי חללו מאד ואמר לשׁפך חמתי עליהם במדבר לכלותם׃

Daniel 9:5

⁵ חטאנו ועוינו והרשׁענו ומרדנו וסור ממצותך וממשׁפטיך׃

Daniel 9:7

⁷ לך אדני הצדקה ולנו בשׁת הפנים כיום הזה לאישׁ יהודה וליושׁבי ירושׁלם ולכל ישׂראל הקרבים והרחקים בכל הארצות אשׁר הדחתם שׁם במעלם אשׁר מעלו׃

Jonah 4:2

² ויתפלל אל יהוה ויאמר אנה יהוה הלוא זה דברי עד היותי על אדמתי על כן קדמתי לברח תרשׁישׁה כי ידעתי כי אתה אל חנון ורחום ארך אפים ורב חסד ונחם על הרעה׃

Micah 7:18-19

¹⁸ מי אל כמוך נשׂא עון ועבר על פשׁע לשׁארית נחלתו לא החזיק לעד אפו כי חפץ חסד הוא׃¹⁹ ישׁוב ירחמנו יכבשׁ עונתינו ותשׁליך במצלות ים כל חטאותם׃