1 (13:2) כי יקום בקרבך נביא או חלם חלום ונתן אליך אות או מופת׃2 (13:3) ובא האות והמופת אשׁר דבר אליך לאמר נלכה אחרי אלהים אחרים אשׁר לא ידעתם ונעבדם׃3 (13:4) לא תשׁמע אל דברי הנביא ההוא או אל חולם החלום ההוא כי מנסה יהוה אלהיכם אתכם לדעת הישׁכם אהבים את יהוה אלהיכם בכל לבבכם ובכל נפשׁכם׃4 (13:5) אחרי יהוה אלהיכם תלכו ואתו תיראו ואת מצותיו תשׁמרו ובקלו תשׁמעו ואתו תעבדו ובו תדבקון׃5 (13:6) והנביא ההוא או חלם החלום ההוא יומת כי דבר סרה על יהוה אלהיכם המוציא אתכם מארץ מצרים והפדך מבית עבדים להדיחך מן הדרך אשׁר צוך יהוה אלהיך ללכת בה ובערת הרע מקרבך׃6 (13:7) כי יסיתך אחיך בן אמך או בנך או בתך או אשׁת חיקך או רעך אשׁר כנפשׁך בסתר לאמר נלכה ונעבדה אלהים אחרים אשׁר לא ידעת אתה ואבתיך׃7 (13:8) מאלהי העמים אשׁר סביבתיכם הקרבים אליך או הרחקים ממך מקצה הארץ ועד קצה הארץ׃8 (13:9) לא תאבה לו ולא תשׁמע אליו ולא תחוס עינך עליו ולא תחמל ולא תכסה עליו׃9 (13:10) כי הרג תהרגנו ידך תהיה בו בראשׁונה להמיתו ויד כל העם באחרנה׃10 (13:11) וסקלתו באבנים ומת כי בקשׁ להדיחך מעל יהוה אלהיך המוציאך מארץ מצרים מבית עבדים׃11 (13:12) וכל ישׂראל ישׁמעו ויראון ולא יוספו לעשׂות כדבר הרע הזה בקרבך׃12 (13:13) כי תשׁמע באחת עריך אשׁר יהוה אלהיך נתן לך לשׁבת שׁם לאמר׃13 (13:14) יצאו אנשׁים בני בליעל מקרבך וידיחו את ישׁבי עירם לאמר נלכה ונעבדה אלהים אחרים אשׁר לא ידעתם׃14 (13:15) ודרשׁת וחקרת ושׁאלת היטב והנה אמת נכון הדבר נעשׂתה התועבה הזאת בקרבך׃15 (13:16) הכה תכה את ישׁבי העיר ההוא לפי חרב החרם אתה ואת כל אשׁר בה ואת בהמתה לפי חרב׃16 (13:17) ואת כל שׁללה תקבץ אל תוך רחבה ושׂרפת באשׁ את העיר ואת כל שׁללה כליל ליהוה אלהיך והיתה תל עולם לא תבנה עוד׃17 (13:18) ולא ידבק בידך מאומה מן החרם למען ישׁוב יהוה מחרון אפו ונתן לך רחמים ורחמך והרבך כאשׁר נשׁבע לאבתיך׃18 (13:19) כי תשׁמע בקול יהוה אלהיך לשׁמר את כל מצותיו אשׁר אנכי מצוך היום לעשׂות הישׁר בעיני יהוה אלהיך׃
Deuteronomy 13 Cross References - HOT
1 Kings 13:18
18 ויאמר לו גם אני נביא כמוך ומלאך דבר אלי בדבר יהוה לאמר השׁבהו אתך אל ביתך ויאכל לחם וישׁת מים כחשׁ׃
Isaiah 9:15
15 (9:14) זקן ונשׂוא פנים הוא הראשׁ ונביא מורה שׁקר הוא הזנב׃
Jeremiah 6:13
13 כי מקטנם ועד גדולם כלו בוצע בצע ומנביא ועד כהן כלו עשׂה שׁקר׃
Jeremiah 23:11
11 כי גם נביא גם כהן חנפו גם בביתי מצאתי רעתם נאם יהוה׃
Jeremiah 23:25-28
Jeremiah 27:9
9 ואתם אל תשׁמעו אל נביאיכם ואל קסמיכם ואל חלמתיכם ואל ענניכם ואל כשׁפיכם אשׁר הם אמרים אליכם לאמר לא תעבדו את מלך בבל׃
Jeremiah 29:8
8 כי כה אמר יהוה צבאות אלהי ישׂראל אל ישׁיאו לכם נביאיכם אשׁר בקרבכם וקסמיכם ואל תשׁמעו אל חלמתיכם אשׁר אתם מחלמים׃
Jeremiah 29:24
24 ואל שׁמעיהו הנחלמי תאמר לאמר׃
Ezekiel 13:2-3
Ezekiel 13:23
23 לכן שׁוא לא תחזינה וקסם לא תקסמנה עוד והצלתי את עמי מידכן וידעתן כי אני יהוה׃
Zechariah 10:2
2 כי התרפים דברו און והקוסמים חזו שׁקר וחלמות השׁוא ידברו הבל ינחמון על כן נסעו כמו צאן יענו כי אין רעה׃
Zechariah 13:4
4 והיה ביום ההוא יבשׁו הנביאים אישׁ מחזינו בהנבאתו ולא ילבשׁו אדרת שׂער למען כחשׁ׃
Exodus 7:22
22 ויעשׂו כן חרטמי מצרים בלטיהם ויחזק לב פרעה ולא שׁמע אלהם כאשׁר דבר יהוה׃
Deuteronomy 13:6
6 (13:7) כי יסיתך אחיך בן אמך או בנך או בתך או אשׁת חיקך או רעך אשׁר כנפשׁך בסתר לאמר נלכה ונעבדה אלהים אחרים אשׁר לא ידעת אתה ואבתיך׃
Deuteronomy 13:13
13 (13:14) יצאו אנשׁים בני בליעל מקרבך וידיחו את ישׁבי עירם לאמר נלכה ונעבדה אלהים אחרים אשׁר לא ידעתם׃
Deuteronomy 18:22
22 אשׁר ידבר הנביא בשׁם יהוה ולא יהיה הדבר ולא יבא הוא הדבר אשׁר לא דברו יהוה בזדון דברו הנביא לא תגור ממנו׃
1 Kings 13:3
3 ונתן ביום ההוא מופת לאמר זה המופת אשׁר דבר יהוה הנה המזבח נקרע ונשׁפך הדשׁן אשׁר עליו׃
Jeremiah 28:9
9 הנביא אשׁר ינבא לשׁלום בבא דבר הנביא יודע הנביא אשׁר שׁלחו יהוה באמת׃
Deuteronomy 6:5
5 ואהבת את יהוה אלהיך בכל לבבך ובכל נפשׁך ובכל מאדך׃
Deuteronomy 8:2
2 וזכרת את כל הדרך אשׁר הוליכך יהוה אלהיך זה ארבעים שׁנה במדבר למען ענתך לנסתך לדעת את אשׁר בלבבך התשׁמר מצותו אם לא׃
Deuteronomy 8:16
16 המאכלך מן במדבר אשׁר לא ידעון אבתיך למען ענתך ולמען נסתך להיטבך באחריתך׃
Psalms 66:10
10 כי בחנתנו אלהים צרפתנו כצרף כסף׃
Psalms 81:7
7 (81:8) בצרה קראת ואחלצך אענך בסתר רעם אבחנך על מי מריבה סלה׃
Isaiah 8:20
20 לתורה ולתעודה אם לא יאמרו כדבר הזה אשׁר אין לו שׁחר׃
Deuteronomy 6:13
13 את יהוה אלהיך תירא ואתו תעבד ובשׁמו תשׁבע׃
Deuteronomy 10:20
20 את יהוה אלהיך תירא אתו תעבד ובו תדבק ובשׁמו תשׁבע׃
Deuteronomy 30:20
20 לאהבה את יהוה אלהיך לשׁמע בקלו ולדבקה בו כי הוא חייך וארך ימיך לשׁבת על האדמה אשׁר נשׁבע יהוה לאבתיך לאברהם ליצחק וליעקב לתת להם׃
2 Kings 23:3
3 ויעמד המלך על העמוד ויכרת את הברית לפני יהוה ללכת אחר יהוה ולשׁמר מצותיו ואת עדותיו ואת חקתיו בכל לב ובכל נפשׁ להקים את דברי הברית הזאת הכתבים על הספר הזה ויעמד כל העם בברית׃
2 Chronicles 34:31
31 ויעמד המלך על עמדו ויכרת את הברית לפני יהוה ללכת אחרי יהוה ולשׁמור את מצותיו ועדותיו וחקיו בכל לבבו ובכל נפשׁו לעשׂות את דברי הברית הכתובים על הספר הזה׃
Jeremiah 7:23
23 כי אם את הדבר הזה צויתי אותם לאמר שׁמעו בקולי והייתי לכם לאלהים ואתם תהיו לי לעם והלכתם בכל הדרך אשׁר אצוה אתכם למען ייטב׃
Micah 6:8
8 הגיד לך אדם מה טוב ומה יהוה דורשׁ ממך כי אם עשׂות משׁפט ואהבת חסד והצנע לכת עם אלהיך׃
Deuteronomy 7:4
4 כי יסיר את בנך מאחרי ועבדו אלהים אחרים וחרה אף יהוה בכם והשׁמידך מהר׃
Deuteronomy 13:10
10 (13:11) וסקלתו באבנים ומת כי בקשׁ להדיחך מעל יהוה אלהיך המוציאך מארץ מצרים מבית עבדים׃
Deuteronomy 17:7
7 יד העדים תהיה בו בראשׁנה להמיתו ויד כל העם באחרנה ובערת הרע מקרבך׃
Deuteronomy 18:20
20 אך הנביא אשׁר יזיד לדבר דבר בשׁמי את אשׁר לא צויתיו לדבר ואשׁר ידבר בשׁם אלהים אחרים ומת הנביא ההוא׃
Deuteronomy 19:19
19 ועשׂיתם לו כאשׁר זמם לעשׂות לאחיו ובערת הרע מקרבך׃
Deuteronomy 22:21
21 והוציאו את הנער אל פתח בית אביה וסקלוה אנשׁי עירה באבנים ומתה כי עשׂתה נבלה בישׂראל לזנות בית אביה ובערת הרע מקרבך׃
Deuteronomy 22:24
24 והוצאתם את שׁניהם אל שׁער העיר ההוא וסקלתם אתם באבנים ומתו את הנער על דבר אשׁר לא צעקה בעיר ואת האישׁ על דבר אשׁר ענה את אשׁת רעהו ובערת הרע מקרבך׃
Deuteronomy 24:7
7 כי ימצא אישׁ גנב נפשׁ מאחיו מבני ישׂראל והתעמר בו ומכרו ומת הגנב ההוא ובערת הרע מקרבך׃
1 Kings 18:40
40 ויאמר אליהו להם תפשׂו את נביאי הבעל אישׁ אל ימלט מהם ויתפשׂום ויורדם אליהו אל נחל קישׁון וישׁחטם שׁם׃
Isaiah 9:14-15
Isaiah 28:17-18
Jeremiah 14:15
15 לכן כה אמר יהוה על הנבאים הנבאים בשׁמי ואני לא שׁלחתים והמה אמרים חרב ורעב לא יהיה בארץ הזאת בחרב וברעב יתמו הנבאים ההמה׃
Jeremiah 28:15-17
Jeremiah 29:21-22
Jeremiah 50:6
6 צאן אבדות היה עמי רעיהם התעום הרים שׁובבים מהר אל גבעה הלכו שׁכחו רבצם׃
Zechariah 13:3
3 והיה כי ינבא אישׁ עוד ואמרו אליו אביו ואמו ילדיו לא תחיה כי שׁקר דברת בשׁם יהוה ודקרהו אביהו ואמו ילדיו בהנבאו׃
Genesis 16:5
5 ותאמר שׂרי אל אברם חמסי עליך אנכי נתתי שׁפחתי בחיקך ותרא כי הרתה ואקל בעיניה ישׁפט יהוה ביני וביניך׃
Deuteronomy 17:2-7
2 כי ימצא בקרבך באחד שׁעריך אשׁר יהוה אלהיך נתן לך אישׁ או אשׁה אשׁר יעשׂה את הרע בעיני יהוה אלהיך לעבר בריתו׃3 וילך ויעבד אלהים אחרים וישׁתחו להם ולשׁמשׁ או לירח או לכל צבא השׁמים אשׁר לא צויתי׃4 והגד לך ושׁמעת ודרשׁת היטב והנה אמת נכון הדבר נעשׂתה התועבה הזאת בישׂראל׃5 והוצאת את האישׁ ההוא או את האשׁה ההוא אשׁר עשׂו את הדבר הרע הזה אל שׁעריך את האישׁ או את האשׁה וסקלתם באבנים ומתו׃6 על פי שׁנים עדים או שׁלשׁה עדים יומת המת לא יומת על פי עד אחד׃7 יד העדים תהיה בו בראשׁנה להמיתו ויד כל העם באחרנה ובערת הרע מקרבך׃
Deuteronomy 28:54
54 האישׁ הרך בך והענג מאד תרע עינו באחיו ובאשׁת חיקו וביתר בניו אשׁר יותיר׃
Deuteronomy 29:18
18 (29:17) פן ישׁ בכם אישׁ או אשׁה או משׁפחה או שׁבט אשׁר לבבו פנה היום מעם יהוה אלהינו ללכת לעבד את אלהי הגוים ההם פן ישׁ בכם שׁרשׁ פרה ראשׁ ולענה׃
Deuteronomy 32:16-18
Judges 2:13
13 ויעזבו את יהוה ויעבדו לבעל ולעשׁתרות׃
Judges 5:8
8 יבחר אלהים חדשׁים אז לחם שׁערים מגן אם יראה ורמח בארבעים אלף בישׂראל׃
Judges 10:6
6 ויספו בני ישׂראל לעשׂות הרע בעיני יהוה ויעבדו את הבעלים ואת העשׁתרות ואת אלהי ארם ואת אלהי צידון ואת אלהי מואב ואת אלהי בני עמון ואת אלהי פלשׁתים ויעזבו את יהוה ולא עבדוהו׃
1 Samuel 18:1
1 ויהי ככלתו לדבר אל שׁאול ונפשׁ יהונתן נקשׁרה בנפשׁ דוד ויאהבו יהונתן כנפשׁו׃
1 Samuel 18:3
3 ויכרת יהונתן ודוד ברית באהבתו אתו כנפשׁו׃
1 Samuel 20:17
17 ויוסף יהונתן להשׁביע את דוד באהבתו אתו כי אהבת נפשׁו אהבו׃
2 Samuel 1:26
26 צר לי עליך אחי יהונתן נעמת לי מאד נפלאתה אהבתך לי מאהבת נשׁים׃
1 Kings 11:5-7
2 Kings 17:30-31
Job 31:27
27 ויפת בסתר לבי ותשׁק ידי לפי׃
Proverbs 5:20
20 ולמה תשׁגה בני בזרה ותחבק חק נכריה׃
Proverbs 18:24
24 אישׁ רעים להתרעע וישׁ אהב דבק מאח׃
Micah 7:5-7
Exodus 20:3
3 לא יהיה לך אלהים אחרים על פני׃
Deuteronomy 7:16
16 ואכלת את כל העמים אשׁר יהוה אלהיך נתן לך לא תחוס עינך עליהם ולא תעבד את אלהיהם כי מוקשׁ הוא׃
Deuteronomy 19:13
13 לא תחוס עינך עליו ובערת דם הנקי מישׂראל וטוב׃
Proverbs 1:10
10 בני אם יפתוך חטאים אל תבא׃
Ezekiel 5:11
11 לכן חי אני נאם אדני יהוה אם לא יען את מקדשׁי טמאת בכל שׁקוציך ובכל תועבתיך וגם אני אגרע ולא תחוס עיני וגם אני לא אחמול׃
Ezekiel 9:5-6
Exodus 20:2
2 אנכי יהוה אלהיך אשׁר הוצאתיך מארץ מצרים מבית עבדים׃
Leviticus 20:2
2 ואל בני ישׂראל תאמר אישׁ אישׁ מבני ישׂראל ומן הגר הגר בישׂראל אשׁר יתן מזרעו למלך מות יומת עם הארץ ירגמהו באבן׃
Leviticus 20:27
27 ואישׁ או אשׁה כי יהיה בהם אוב או ידעני מות יומתו באבן ירגמו אתם דמיהם׃
Leviticus 24:14-16
Leviticus 24:23
23 וידבר משׁה אל בני ישׂראל ויוציאו את המקלל אל מחוץ למחנה וירגמו אתו אבן ובני ישׂראל עשׂו כאשׁר צוה יהוה את משׁה׃
Numbers 15:35-36
Deuteronomy 21:21
21 ורגמהו כל אנשׁי עירו באבנים ומת ובערת הרע מקרבך וכל ישׂראל ישׁמעו ויראו׃
Joshua 7:25
25 ויאמר יהושׁע מה עכרתנו יעכרך יהוה ביום הזה וירגמו אתו כל ישׂראל אבן וישׂרפו אתם באשׁ ויסקלו אתם באבנים׃
2 Chronicles 24:21
21 ויקשׁרו עליו וירגמהו אבן במצות המלך בחצר בית יהוה׃
Deuteronomy 17:13
13 וכל העם ישׁמעו ויראו ולא יזידון עוד׃
Deuteronomy 19:20
20 והנשׁארים ישׁמעו ויראו ולא יספו לעשׂות עוד כדבר הרע הזה בקרבך׃
Proverbs 19:25
25 לץ תכה ופתי יערם והוכיח לנבון יבין דעת׃
Proverbs 21:11
11 בענשׁ לץ יחכם פתי ובהשׂכיל לחכם יקח דעת׃
Joshua 22:11-34
11 וישׁמעו בני ישׂראל לאמר הנה בנו בני ראובן ובני גד וחצי שׁבט המנשׁה את המזבח אל מול ארץ כנען אל גלילות הירדן אל עבר בני ישׂראל׃12 וישׁמעו בני ישׂראל ויקהלו כל עדת בני ישׂראל שׁלה לעלות עליהם לצבא׃13 וישׁלחו בני ישׂראל אל בני ראובן ואל בני גד ואל חצי שׁבט מנשׁה אל ארץ הגלעד את פינחס בן אלעזר הכהן׃14 ועשׂרה נשׂאים עמו נשׂיא אחד נשׂיא אחד לבית אב לכל מטות ישׂראל ואישׁ ראשׁ בית אבותם המה לאלפי ישׂראל׃15 ויבאו אל בני ראובן ואל בני גד ואל חצי שׁבט מנשׁה אל ארץ הגלעד וידברו אתם לאמר׃16 כה אמרו כל עדת יהוה מה המעל הזה אשׁר מעלתם באלהי ישׂראל לשׁוב היום מאחרי יהוה בבנותכם לכם מזבח למרדכם היום ביהוה׃17 המעט לנו את עון פעור אשׁר לא הטהרנו ממנו עד היום הזה ויהי הנגף בעדת יהוה׃18 ואתם תשׁבו היום מאחרי יהוה והיה אתם תמרדו היום ביהוה ומחר אל כל עדת ישׂראל יקצף׃19 ואך אם טמאה ארץ אחזתכם עברו לכם אל ארץ אחזת יהוה אשׁר שׁכן שׁם משׁכן יהוה והאחזו בתוכנו וביהוה אל תמרדו ואתנו אל תמרדו בבנתכם לכם מזבח מבלעדי מזבח יהוה אלהינו׃20 הלוא עכן בן זרח מעל מעל בחרם ועל כל עדת ישׂראל היה קצף והוא אישׁ אחד לא גוע בעונו׃21 ויענו בני ראובן ובני גד וחצי שׁבט המנשׁה וידברו את ראשׁי אלפי ישׂראל׃22 אל אלהים יהוה אל אלהים יהוה הוא ידע וישׂראל הוא ידע אם במרד ואם במעל ביהוה אל תושׁיענו היום הזה׃23 לבנות לנו מזבח לשׁוב מאחרי יהוה ואם להעלות עליו עולה ומנחה ואם לעשׂות עליו זבחי שׁלמים יהוה הוא יבקשׁ׃24 ואם לא מדאגה מדבר עשׂינו את זאת לאמר מחר יאמרו בניכם לבנינו לאמר מה לכם וליהוה אלהי ישׂראל׃25 וגבול נתן יהוה ביננו וביניכם בני ראובן ובני גד את הירדן אין לכם חלק ביהוה והשׁביתו בניכם את בנינו לבלתי ירא את יהוה׃26 ונאמר נעשׂה נא לנו לבנות את המזבח לא לעולה ולא לזבח׃27 כי עד הוא בינינו וביניכם ובין דרותינו אחרינו לעבד את עבדת יהוה לפניו בעלותינו ובזבחינו ובשׁלמינו ולא יאמרו בניכם מחר לבנינו אין לכם חלק ביהוה׃28 ונאמר והיה כי יאמרו אלינו ואל דרתינו מחר ואמרנו ראו את תבנית מזבח יהוה אשׁר עשׂו אבותינו לא לעולה ולא לזבח כי עד הוא בינינו וביניכם׃29 חלילה לנו ממנו למרד ביהוה ולשׁוב היום מאחרי יהוה לבנות מזבח לעלה למנחה ולזבח מלבד מזבח יהוה אלהינו אשׁר לפני משׁכנו׃30 וישׁמע פינחס הכהן ונשׂיאי העדה וראשׁי אלפי ישׂראל אשׁר אתו את הדברים אשׁר דברו בני ראובן ובני גד ובני מנשׁה וייטב בעיניהם׃31 ויאמר פינחס בן אלעזר הכהן אל בני ראובן ואל בני גד ואל בני מנשׁה היום ידענו כי בתוכנו יהוה אשׁר לא מעלתם ביהוה המעל הזה אז הצלתם את בני ישׂראל מיד יהוה׃32 וישׁב פינחס בן אלעזר הכהן והנשׂיאים מאת בני ראובן ומאת בני גד מארץ הגלעד אל ארץ כנען אל בני ישׂראל וישׁבו אותם דבר׃33 וייטב הדבר בעיני בני ישׂראל ויברכו אלהים בני ישׂראל ולא אמרו לעלות עליהם לצבא לשׁחת את הארץ אשׁר בני ראובן ובני גד ישׁבים׃34 ויקראו בני ראובן ובני גד למזבח כי עד הוא בינתינו כי יהוה האלהים׃
Judges 20:1-17
1 ויצאו כל בני ישׂראל ותקהל העדה כאישׁ אחד למדן ועד באר שׁבע וארץ הגלעד אל יהוה המצפה׃2 ויתיצבו פנות כל העם כל שׁבטי ישׂראל בקהל עם האלהים ארבע מאות אלף אישׁ רגלי שׁלף חרב׃3 וישׁמעו בני בנימן כי עלו בני ישׂראל המצפה ויאמרו בני ישׂראל דברו איכה נהיתה הרעה הזאת׃4 ויען האישׁ הלוי אישׁ האשׁה הנרצחה ויאמר הגבעתה אשׁר לבנימן באתי אני ופילגשׁי ללון׃5 ויקמו עלי בעלי הגבעה ויסבו עלי את הבית לילה אותי דמו להרג ואת פילגשׁי ענו ותמת׃6 ואחז בפילגשׁי ואנתחה ואשׁלחה בכל שׂדה נחלת ישׂראל כי עשׂו זמה ונבלה בישׂראל׃7 הנה כלכם בני ישׂראל הבו לכם דבר ועצה הלם׃8 ויקם כל העם כאישׁ אחד לאמר לא נלך אישׁ לאהלו ולא נסור אישׁ לביתו׃9 ועתה זה הדבר אשׁר נעשׂה לגבעה עליה בגורל׃10 ולקחנו עשׂרה אנשׁים למאה לכל שׁבטי ישׂראל ומאה לאלף ואלף לרבבה לקחת צדה לעם לעשׂות לבואם לגבע בנימן ככל הנבלה אשׁר עשׂה בישׂראל׃11 ויאסף כל אישׁ ישׂראל אל העיר כאישׁ אחד חברים׃12 וישׁלחו שׁבטי ישׂראל אנשׁים בכל שׁבטי בנימן לאמר מה הרעה הזאת אשׁר נהיתה׃13 ועתה תנו את האנשׁים בני בליעל אשׁר בגבעה ונמיתם ונבערה רעה מישׂראל ולא אבו בנימן לשׁמע בקול אחיהם בני ישׂראל׃14 ויאספו בני בנימן מן הערים הגבעתה לצאת למלחמה עם בני ישׂראל׃15 ויתפקדו בני בנימן ביום ההוא מהערים עשׂרים ושׁשׁה אלף אישׁ שׁלף חרב לבד מישׁבי הגבעה התפקדו שׁבע מאות אישׁ בחור׃16 מכל העם הזה שׁבע מאות אישׁ בחור אטר יד ימינו כל זה קלע באבן אל השׂערה ולא יחטא׃17 ואישׁ ישׂראל התפקדו לבד מבנימן ארבע מאות אלף אישׁ שׁלף חרב כל זה אישׁ מלחמה׃
Deuteronomy 4:19
19 ופן תשׂא עיניך השׁמימה וראית את השׁמשׁ ואת הירח ואת הכוכבים כל צבא השׁמים ונדחת והשׁתחוית להם ועבדתם אשׁר חלק יהוה אלהיך אתם לכל העמים תחת כל השׁמים׃
Deuteronomy 13:2
2 (13:3) ובא האות והמופת אשׁר דבר אליך לאמר נלכה אחרי אלהים אחרים אשׁר לא ידעתם ונעבדם׃
Judges 19:22
22 המה מיטיבים את לבם והנה אנשׁי העיר אנשׁי בני בליעל נסבו את הבית מתדפקים על הדלת ויאמרו אל האישׁ בעל הבית הזקן לאמר הוצא את האישׁ אשׁר בא אל ביתך ונדענו׃
Judges 20:13
13 ועתה תנו את האנשׁים בני בליעל אשׁר בגבעה ונמיתם ונבערה רעה מישׂראל ולא אבו בנימן לשׁמע בקול אחיהם בני ישׂראל׃
1 Samuel 2:12
12 ובני עלי בני בליעל לא ידעו את יהוה׃
1 Samuel 10:27
27 ובני בליעל אמרו מה ישׁענו זה ויבזהו ולא הביאו לו מנחה ויהי כמחרישׁ׃
1 Samuel 25:17
17 ועתה דעי וראי מה תעשׂי כי כלתה הרעה אל אדנינו ועל כל ביתו והוא בן בליעל מדבר אליו׃
1 Samuel 25:25
25 אל נא ישׂים אדני את לבו אל אישׁ הבליעל הזה על נבל כי כשׁמו כן הוא נבל שׁמו ונבלה עמו ואני אמתך לא ראיתי את נערי אדני אשׁר שׁלחת׃
2 Samuel 16:7
7 וכה אמר שׁמעי בקללו צא צא אישׁ הדמים ואישׁ הבליעל׃
2 Samuel 20:1
1 ושׁם נקרא אישׁ בליעל ושׁמו שׁבע בן בכרי אישׁ ימיני ויתקע בשׁפר ויאמר אין לנו חלק בדוד ולא נחלה לנו בבן ישׁי אישׁ לאהליו ישׂראל׃
2 Samuel 23:6
6 ובליעל כקוץ מנד כלהם כי לא ביד יקחו׃
1 Kings 21:10
10 והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃
1 Kings 21:13
13 ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃
2 Kings 17:21
21 כי קרע ישׂראל מעל בית דוד וימליכו את ירבעם בן נבט וידא ירבעם את ישׂראל מאחרי יהוה והחטיאם חטאה גדולה׃
2 Chronicles 13:7
7 ויקבצו עליו אנשׁים רקים בני בליעל ויתאמצו על רחבעם בן שׁלמה ורחבעם היה נער ורך לבב ולא התחזק לפניהם׃
Numbers 35:30
30 כל מכה נפשׁ לפי עדים ירצח את הרצח ועד אחד לא יענה בנפשׁ למות׃
Deuteronomy 10:18
18 עשׂה משׁפט יתום ואלמנה ואהב גר לתת לו לחם ושׂמלה׃
Deuteronomy 17:4
4 והגד לך ושׁמעת ודרשׁת היטב והנה אמת נכון הדבר נעשׂתה התועבה הזאת בישׂראל׃
Isaiah 11:3-4
Exodus 22:20
20 (22:19) זבח לאלהים יחרם בלתי ליהוה לבדו׃
Exodus 23:24
24 לא תשׁתחוה לאלהיהם ולא תעבדם ולא תעשׂה כמעשׂיהם כי הרס תהרסם ושׁבר תשׁבר מצבתיהם׃
Leviticus 27:28
28 אך כל חרם אשׁר יחרם אישׁ ליהוה מכל אשׁר לו מאדם ובהמה ומשׂדה אחזתו לא ימכר ולא יגאל כל חרם קדשׁ קדשׁים הוא ליהוה׃
Deuteronomy 2:34
34 ונלכד את כל עריו בעת ההוא ונחרם את כל עיר מתם והנשׁים והטף לא השׁארנו שׂריד׃
Deuteronomy 7:2
2 ונתנם יהוה אלהיך לפניך והכיתם החרם תחרים אתם לא תכרת להם ברית ולא תחנם׃
Joshua 6:17-21
17 והיתה העיר חרם היא וכל אשׁר בה ליהוה רק רחב הזונה תחיה היא וכל אשׁר אתה בבית כי החבאתה את המלאכים אשׁר שׁלחנו׃18 ורק אתם שׁמרו מן החרם פן תחרימו ולקחתם מן החרם ושׂמתם את מחנה ישׂראל לחרם ועכרתם אותו׃19 וכל כסף וזהב וכלי נחשׁת וברזל קדשׁ הוא ליהוה אוצר יהוה יבוא׃20 וירע העם ויתקעו בשׁפרות ויהי כשׁמע העם את קול השׁופר ויריעו העם תרועה גדולה ותפל החומה תחתיה ויעל העם העירה אישׁ נגדו וילכדו את העיר׃21 ויחרימו את כל אשׁר בעיר מאישׁ ועד אשׁה מנער ועד זקן ועד שׁור ושׂה וחמור לפי חרב׃
Joshua 6:24
24 והעיר שׂרפו באשׁ וכל אשׁר בה רק הכסף והזהב וכלי הנחשׁת והברזל נתנו אוצר בית יהוה׃
Judges 20:48
48 ואישׁ ישׂראל שׁבו אל בני בנימן ויכום לפי חרב מעיר מתם עד בהמה עד כל הנמצא גם כל הערים הנמצאות שׁלחו באשׁ׃
Numbers 21:2-3
Joshua 6:26
26 וישׁבע יהושׁע בעת ההיא לאמר ארור האישׁ לפני יהוה אשׁר יקום ובנה את העיר הזאת את יריחו בבכרו ייסדנה ובצעירו יציב דלתיה׃
Joshua 8:28
28 וישׂרף יהושׁע את העי וישׂימה תל עולם שׁממה עד היום הזה׃
Isaiah 17:1
1 משׂא דמשׂק הנה דמשׂק מוסר מעיר והיתה מעי מפלה׃
Isaiah 25:2
2 כי שׂמת מעיר לגל קריה בצורה למפלה ארמון זרים מעיר לעולם לא יבנה׃
Jeremiah 49:2
2 לכן הנה ימים באים נאם יהוה והשׁמעתי אל רבת בני עמון תרועת מלחמה והיתה לתל שׁממה ובנתיה באשׁ תצתנה וירשׁ ישׂראל את ירשׁיו אמר יהוה׃
Micah 1:6
6 ושׂמתי שׁמרון לעי השׂדה למטעי כרם והגרתי לגי אבניה ויסדיה אגלה׃
Genesis 22:16-17
Genesis 26:4
4 והרביתי את זרעך ככוכבי השׁמים ונתתי לזרעך את כל הארצת האל והתברכו בזרעך כל גויי הארץ׃
Genesis 26:24
24 וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי׃
Genesis 28:14
14 והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃
Exodus 20:6
6 ועשׂה חסד לאלפים לאהבי ולשׁמרי מצותי׃
Leviticus 27:28-29
Numbers 25:4
4 ויאמר יהוה אל משׁה קח את כל ראשׁי העם והוקע אותם ליהוה נגד השׁמשׁ וישׁב חרון אף יהוה מישׂראל׃
Deuteronomy 7:13
13 ואהבך וברכך והרבך וברך פרי בטנך ופרי אדמתך דגנך ותירשׁך ויצהרך שׁגר אלפיך ועשׁתרת צאנך על האדמה אשׁר נשׁבע לאבתיך לתת׃
Deuteronomy 7:26
26 ולא תביא תועבה אל ביתך והיית חרם כמהו שׁקץ תשׁקצנו ותעב תתעבנו כי חרם הוא׃
Deuteronomy 30:3
3 ושׁב יהוה אלהיך את שׁבותך ורחמך ושׁב וקבצך מכל העמים אשׁר הפיצך יהוה אלהיך שׁמה׃
Joshua 6:18
18 ורק אתם שׁמרו מן החרם פן תחרימו ולקחתם מן החרם ושׂמתם את מחנה ישׂראל לחרם ועכרתם אותו׃
Joshua 7:1
1 וימעלו בני ישׂראל מעל בחרם ויקח עכן בן כרמי בן זבדי בן זרח למטה יהודה מן החרם ויחר אף יהוה בבני ישׂראל׃
Joshua 7:26
26 ויקימו עליו גל אבנים גדול עד היום הזה וישׁב יהוה מחרון אפו על כן קרא שׁם המקום ההוא עמק עכור עד היום הזה׃
Joshua 22:20
20 הלוא עכן בן זרח מעל מעל בחרם ועל כל עדת ישׂראל היה קצף והוא אישׁ אחד לא גוע בעונו׃
Psalms 78:38
38 והוא רחום יכפר עון ולא ישׁחית והרבה להשׁיב אפו ולא יעיר כל חמתו׃
Lamentations 3:32
32 כי אם הוגה ורחם כרב חסדו׃
Ezekiel 37:26
26 וכרתי להם ברית שׁלום ברית עולם יהיה אותם ונתתים והרביתי אותם ונתתי את מקדשׁי בתוכם לעולם׃
Deuteronomy 12:25
25 לא תאכלנו למען ייטב לך ולבניך אחריך כי תעשׂה הישׁר בעיני יהוה׃
Deuteronomy 12:28
28 שׁמר ושׁמעת את כל הדברים האלה אשׁר אנכי מצוך למען ייטב לך ולבניך אחריך עד עולם כי תעשׂה הטוב והישׁר בעיני יהוה אלהיך׃
Deuteronomy 12:32
32 (13:1) את כל הדבר אשׁר אנכי מצוה אתכם אתו תשׁמרו לעשׂות לא תסף עליו ולא תגרע ממנו׃
Psalms 119:6
6 אז לא אבושׁ בהביטי אל כל מצותיך׃