Deuteronomy 21:17 Cross References - HOT

17 כי את הבכר בן השׂנואה יכיר לתת לו פי שׁנים בכל אשׁר ימצא לו כי הוא ראשׁית אנו לו משׁפט הבכרה׃

Genesis 25:5-6

5 ויתן אברהם את כל אשׁר לו ליצחק׃6 ולבני הפילגשׁים אשׁר לאברהם נתן אברהם מתנת וישׁלחם מעל יצחק בנו בעודנו חי קדמה אל ארץ קדם׃

Genesis 25:31-34

31 ויאמר יעקב מכרה כיום את בכרתך׃32 ויאמר עשׂו הנה אנכי הולך למות ולמה זה לי בכרה׃33 ויאמר יעקב השׁבעה לי כיום וישׁבע לו וימכר את בכרתו ליעקב׃34 ויעקב נתן לעשׂו לחם ונזיד עדשׁים ויאכל וישׁת ויקם וילך ויבז עשׂו את הבכרה׃

Genesis 49:3

3 ראובן בכרי אתה כחי וראשׁית אוני יתר שׂאת ויתר עז׃

1 Chronicles 5:1-2

1 ובני ראובן בכור ישׂראל כי הוא הבכור ובחללו יצועי אביו נתנה בכרתו לבני יוסף בן ישׂראל ולא להתיחשׂ לבכרה׃2 כי יהודה גבר באחיו ולנגיד ממנו והבכרה ליוסף׃

Psalms 105:36

36 ויך כל בכור בארצם ראשׁית לכל אונם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.