Deuteronomy 24:17 Cross References - HOT

17 לא תטה משׁפט גר יתום ולא תחבל בגד אלמנה׃

Exodus 22:21-22

21 (22:20) וגר לא תונה ולא תלחצנו כי גרים הייתם בארץ מצרים׃22 (22:21) כל אלמנה ויתום לא תענון׃

Exodus 22:26-27

26 (22:25) אם חבל תחבל שׂלמת רעך עד בא השׁמשׁ תשׁיבנו׃27 (22:26) כי הוא כסותה לבדה הוא שׂמלתו לערו במה ישׁכב והיה כי יצעק אלי ושׁמעתי כי חנון אני׃

Exodus 23:2

2 לא תהיה אחרי רבים לרעת ולא תענה על רב לנטת אחרי רבים להטת׃

Exodus 23:6

6 לא תטה משׁפט אבינך בריבו׃

Exodus 23:9

9 וגר לא תלחץ ואתם ידעתם את נפשׁ הגר כי גרים הייתם בארץ מצרים׃

Deuteronomy 1:17

17 לא תכירו פנים במשׁפט כקטן כגדל תשׁמעון לא תגורו מפני אישׁ כי המשׁפט לאלהים הוא והדבר אשׁר יקשׁה מכם תקרבון אלי ושׁמעתיו׃

Deuteronomy 10:17-18

17 כי יהוה אלהיכם הוא אלהי האלהים ואדני האדנים האל הגדל הגבר והנורא אשׁר לא ישׂא פנים ולא יקח שׁחד׃18 עשׂה משׁפט יתום ואלמנה ואהב גר לתת לו לחם ושׂמלה׃

Deuteronomy 16:19

19 לא תטה משׁפט לא תכיר פנים ולא תקח שׁחד כי השׁחד יעור עיני חכמים ויסלף דברי צדיקם׃

Deuteronomy 24:6

6 לא יחבל רחים ורכב כי נפשׁ הוא חבל׃

Deuteronomy 24:13

13 השׁב תשׁיב לו את העבוט כבוא השׁמשׁ ושׁכב בשׂלמתו וברכך ולך תהיה צדקה לפני יהוה אלהיך׃

Deuteronomy 27:19

19 ארור מטה משׁפט גר יתום ואלמנה ואמר כל העם אמן׃

1 Samuel 12:3-4

3 הנני ענו בי נגד יהוה ונגד משׁיחו את שׁור מי לקחתי וחמור מי לקחתי ואת מי עשׁקתי את מי רצותי ומיד מי לקחתי כפר ואעלים עיני בו ואשׁיב׃4 ויאמרו לא עשׁקתנו ולא רצותנו ולא לקחת מיד אישׁ מאומה׃

Job 22:8-9

8 ואישׁ זרוע לו הארץ ונשׂוא פנים ישׁב׃9 אלמנות שׁלחת ריקם וזרעות יתמים ידכא׃

Job 29:11-17

11 כי אזן שׁמעה ותאשׁרני ועין ראתה ותעידני׃12 כי אמלט עני משׁוע ויתום ולא עזר׃13 ברכת אבד עלי תבא ולב אלמנה ארנן׃14 צדק לבשׁתי וילבשׁני כמעיל וצניף משׁפטי׃15 עינים הייתי לעור ורגלים לפסח אני׃16 אב אנכי לאביונים ורב לא ידעתי אחקרהו׃17 ואשׁברה מתלעות עול ומשׁניו אשׁליך טרף׃

Psalms 82:1-5

1 מזמור לאסף אלהים נצב בעדת אל בקרב אלהים ישׁפט׃2 עד מתי תשׁפטו עול ופני רשׁעים תשׂאו סלה׃3 שׁפטו דל ויתום עני ורשׁ הצדיקו׃4 פלטו דל ואביון מיד רשׁעים הצילו׃5 לא ידעו ולא יבינו בחשׁכה יתהלכו ימוטו כל מוסדי ארץ׃

Psalms 94:3-6

3 עד מתי רשׁעים יהוה עד מתי רשׁעים יעלזו׃4 יביעו ידברו עתק יתאמרו כל פעלי און׃5 עמך יהוה ידכאו ונחלתך יענו׃6 אלמנה וגר יהרגו ויתומים ירצחו׃

Psalms 94:20-21

20 היחברך כסא הוות יצר עמל עלי חק׃21 יגודו על נפשׁ צדיק ודם נקי ירשׁיעו׃

Proverbs 22:22-23

22 אל תגזל דל כי דל הוא ואל תדכא עני בשׁער׃23 כי יהוה יריב ריבם וקבע את קבעיהם נפשׁ׃

Proverbs 31:5

5 פן ישׁתה וישׁכח מחקק וישׁנה דין כל בני עני׃

Ecclesiastes 5:8

8 (5:7) אם עשׁק רשׁ וגזל משׁפט וצדק תראה במדינה אל תתמה על החפץ כי גבה מעל גבה שׁמר וגבהים עליהם׃

Isaiah 1:23

23 שׂריך סוררים וחברי גנבים כלו אהב שׁחד ורדף שׁלמנים יתום לא ישׁפטו וריב אלמנה לא יבוא אליהם׃

Isaiah 3:15

15 מלכם תדכאו עמי ופני עניים תטחנו נאם אדני יהוה צבאות׃

Isaiah 33:15

15 הלך צדקות ודבר מישׁרים מאס בבצע מעשׁקות נער כפיו מתמך בשׁחד אטם אזנו משׁמע דמים ועצם עיניו מראות ברע׃

Jeremiah 5:28

28 שׁמנו עשׁתו גם עברו דברי רע דין לא דנו דין יתום ויצליחו ומשׁפט אביונים לא שׁפטו׃

Jeremiah 22:3

3 כה אמר יהוה עשׂו משׁפט וצדקה והצילו גזול מיד עשׁוק וגר יתום ואלמנה אל תנו אל תחמסו ודם נקי אל תשׁפכו במקום הזה׃

Ezekiel 22:7

7 אב ואם הקלו בך לגר עשׂו בעשׁק בתוכך יתום ואלמנה הונו׃

Ezekiel 22:29

29 עם הארץ עשׁקו עשׁק וגזלו גזל ועני ואביון הונו ואת הגר עשׁקו בלא משׁפט׃

Amos 5:7-12

7 ההפכים ללענה משׁפט וצדקה לארץ הניחו׃8 עשׂה כימה וכסיל והפך לבקר צלמות ויום לילה החשׁיך הקורא למי הים וישׁפכם על פני הארץ יהוה שׁמו׃9 המבליג שׁד על עז ושׁד על מבצר יבוא׃10 שׂנאו בשׁער מוכיח ודבר תמים יתעבו׃11 לכן יען בושׁסכם על דל ומשׂאת בר תקחו ממנו בתי גזית בניתם ולא תשׁבו בם כרמי חמד נטעתם ולא תשׁתו את יינם׃12 כי ידעתי רבים פשׁעיכם ועצמים חטאתיכם צררי צדיק לקחי כפר ואביונים בשׁער הטו׃

Micah 2:1-2

1 הוי חשׁבי און ופעלי רע על משׁכבותם באור הבקר יעשׂוה כי ישׁ לאל ידם׃2 וחמדו שׂדות וגזלו ובתים ונשׂאו ועשׁקו גבר וביתו ואישׁ ונחלתו׃

Micah 7:3

3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃

Zechariah 7:10

10 ואלמנה ויתום גר ועני אל תעשׁקו ורעת אישׁ אחיו אל תחשׁבו בלבבכם׃

Malachi 3:5

5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.