Deuteronomy 4:43 Cross References - HOT

43 את בצר במדבר בארץ המישׁר לראובני ואת ראמת בגלעד לגדי ואת גולן בבשׁן למנשׁי׃

Joshua 20:8

8 ומעבר לירדן יריחו מזרחה נתנו את בצר במדבר במישׁר ממטה ראובן ואת ראמת בגלעד ממטה גד ואת גלון בבשׁן ממטה מנשׁה׃

Joshua 21:27

27 ולבני גרשׁון ממשׁפחת הלוים מחצי מטה מנשׁה את עיר מקלט הרצח את גלון בבשׁן ואת מגרשׁה ואת בעשׁתרה ואת מגרשׁה ערים שׁתים׃

Joshua 21:38

38 וממטה גד את עיר מקלט הרצח את רמת בגלעד ואת מגרשׁה ואת מחנים ואת מגרשׁה׃

1 Kings 4:13

13 בן גבר ברמת גלעד לו חות יאיר בן מנשׁה אשׁר בגלעד לו חבל ארגב אשׁר בבשׁן שׁשׁים ערים גדלות חומה ובריח נחשׁת׃

1 Kings 22:3-4

3 ויאמר מלך ישׂראל אל עבדיו הידעתם כי לנו רמת גלעד ואנחנו מחשׁים מקחת אתה מיד מלך ארם׃4 ויאמר אל יהושׁפט התלך אתי למלחמה רמת גלעד ויאמר יהושׁפט אל מלך ישׂראל כמוני כמוך כעמי כעמך כסוסי כסוסיך׃

1 Chronicles 6:71

71 (6:56) לבני גרשׁום ממשׁפחת חצי מטה מנשׁה את גולן בבשׁן ואת מגרשׁיה ואת עשׁתרות ואת מגרשׁיה׃

1 Chronicles 6:80

80 (6:65) וממטה גד את ראמות בגלעד ואת מגרשׁיה ואת מחנים ואת מגרשׁיה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.