Ecclesiastes 6:3 Cross References - HOT

3 אם יוליד אישׁ מאה ושׁנים רבות יחיה ורב שׁיהיו ימי שׁניו ונפשׁו לא תשׂבע מן הטובה וגם קבורה לא היתה לו אמרתי טוב ממנו הנפל׃

Genesis 33:5

5 וישׂא את עיניו וירא את הנשׁים ואת הילדים ויאמר מי אלה לך ויאמר הילדים אשׁר חנן אלהים את עבדך׃

Genesis 47:9

9 ויאמר יעקב אל פרעה ימי שׁני מגורי שׁלשׁים ומאת שׁנה מעט ורעים היו ימי שׁני חיי ולא השׂיגו את ימי שׁני חיי אבתי בימי מגוריהם׃

1 Samuel 2:20-21

20 וברך עלי את אלקנה ואת אשׁתו ואמר ישׂם יהוה לך זרע מן האשׁה הזאת תחת השׁאלה אשׁר שׁאל ליהוה והלכו למקמו׃21 כי פקד יהוה את חנה ותהר ותלד שׁלשׁה בנים ושׁתי בנות ויגדל הנער שׁמואל עם יהוה׃

2 Kings 9:35

35 וילכו לקברה ולא מצאו בה כי אם הגלגלת והרגלים וכפות הידים׃

2 Kings 10:1

1 ולאחאב שׁבעים בנים בשׁמרון ויכתב יהוא ספרים וישׁלח שׁמרון אל שׂרי יזרעאל הזקנים ואל האמנים אחאב לאמר׃

1 Chronicles 28:5

5 ומכל בני כי רבים בנים נתן לי יהוה ויבחר בשׁלמה בני לשׁבת על כסא מלכות יהוה על ישׂראל׃

2 Chronicles 11:21

21 ויאהב רחבעם את מעכה בת אבשׁלום מכל נשׁיו ופילגשׁיו כי נשׁים שׁמונה עשׂרה נשׂא ופילגשׁים שׁשׁים ויולד עשׂרים ושׁמונה בנים ושׁשׁים בנות׃

Esther 5:11

11 ויספר להם המן את כבוד עשׁרו ורב בניו ואת כל אשׁר גדלו המלך ואת אשׁר נשׂאו על השׂרים ועבדי המלך׃

Esther 7:10

10 ויתלו את המן על העץ אשׁר הכין למרדכי וחמת המלך שׁככה׃

Esther 9:14-15

14 ויאמר המלך להעשׂות כן ותנתן דת בשׁושׁן ואת עשׂרת בני המן תלו׃15 ויקהלו היהודיים אשׁר בשׁושׁן גם ביום ארבעה עשׂר לחדשׁ אדר ויהרגו בשׁושׁן שׁלשׁ מאות אישׁ ובבזה לא שׁלחו את ידם׃

Job 3:16

16 או כנפל טמון לא אהיה כעללים לא ראו אור׃

Psalms 58:8

8 (58:9) כמו שׁבלול תמס יהלך נפל אשׁת בל חזו שׁמשׁ׃

Psalms 127:4-5

4 כחצים ביד גבור כן בני הנעורים׃5 אשׁרי הגבר אשׁר מלא את אשׁפתו מהם לא יבשׁו כי ידברו את אויבים בשׁער׃

Proverbs 17:6

6 עטרת זקנים בני בנים ותפארת בנים אבותם׃

Ecclesiastes 4:3

3 וטוב משׁניהם את אשׁר עדן לא היה אשׁר לא ראה את המעשׂה הרע אשׁר נעשׂה תחת השׁמשׁ׃

Ecclesiastes 5:17-19

17 (5:16) גם כל ימיו בחשׁך יאכל וכעס הרבה וחליו וקצף׃18 (5:17) הנה אשׁר ראיתי אני טוב אשׁר יפה לאכול ולשׁתות ולראות טובה בכל עמלו שׁיעמל תחת השׁמשׁ מספר ימי חיו אשׁר נתן לו האלהים כי הוא חלקו׃19 (5:18) גם כל האדם אשׁר נתן לו האלהים עשׁר ונכסים והשׁליטו לאכל ממנו ולשׂאת את חלקו ולשׂמח בעמלו זה מתת אלהים היא׃

Isaiah 14:19-20

19 ואתה השׁלכת מקברך כנצר נתעב לבושׁ הרגים מטעני חרב יורדי אל אבני בור כפגר מובס׃20 לא תחד אתם בקבורה כי ארצך שׁחת עמך הרגת לא יקרא לעולם זרע מרעים׃

Jeremiah 8:2

2 ושׁטחום לשׁמשׁ ולירח ולכל צבא השׁמים אשׁר אהבום ואשׁר עבדום ואשׁר הלכו אחריהם ואשׁר דרשׁום ואשׁר השׁתחוו להם לא יאספו ולא יקברו לדמן על פני האדמה יהיו׃

Jeremiah 22:19

19 קבורת חמור יקבר סחוב והשׁלך מהלאה לשׁערי ירושׁלם׃

Jeremiah 36:30

30 לכן כה אמר יהוה על יהויקים מלך יהודה לא יהיה לו יושׁב על כסא דוד ונבלתו תהיה משׁלכת לחרב ביום ולקרח בלילה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.