Exodus 18 Cross References HOT

¹ וישׁמע יתרו כהן מדין חתן משׁה את כל אשׁר עשׂה אלהים למשׁה ולישׂראל עמו כי הוציא יהוה את ישׂראל ממצרים׃² ויקח יתרו חתן משׁה את צפרה אשׁת משׁה אחר שׁלוחיה׃³ ואת שׁני בניה אשׁר שׁם האחד גרשׁם כי אמר גר הייתי בארץ נכריה׃⁴ ושׁם האחד אליעזר כי אלהי אבי בעזרי ויצלני מחרב פרעה׃⁵ ויבא יתרו חתן משׁה ובניו ואשׁתו אל משׁה אל המדבר אשׁר הוא חנה שׁם הר האלהים׃⁶ ויאמר אל משׁה אני חתנך יתרו בא אליך ואשׁתך ושׁני בניה עמה׃⁷ ויצא משׁה לקראת חתנו וישׁתחו וישׁק לו וישׁאלו אישׁ לרעהו לשׁלום ויבאו האהלה׃⁸ ויספר משׁה לחתנו את כל אשׁר עשׂה יהוה לפרעה ולמצרים על אודת ישׂראל את כל התלאה אשׁר מצאתם בדרך ויצלם יהוה׃⁹ ויחד יתרו על כל הטובה אשׁר עשׂה יהוה לישׂראל אשׁר הצילו מיד מצרים׃¹⁰ ויאמר יתרו ברוך יהוה אשׁר הציל אתכם מיד מצרים ומיד פרעה אשׁר הציל את העם מתחת יד מצרים׃¹¹ עתה ידעתי כי גדול יהוה מכל האלהים כי בדבר אשׁר זדו עליהם׃¹² ויקח יתרו חתן משׁה עלה וזבחים לאלהים ויבא אהרן וכל זקני ישׂראל לאכל לחם עם חתן משׁה לפני האלהים׃¹³ ויהי ממחרת וישׁב משׁה לשׁפט את העם ויעמד העם על משׁה מן הבקר עד הערב׃¹⁴ וירא חתן משׁה את כל אשׁר הוא עשׂה לעם ויאמר מה הדבר הזה אשׁר אתה עשׂה לעם מדוע אתה יושׁב לבדך וכל העם נצב עליך מן בקר עד ערב׃¹⁵ ויאמר משׁה לחתנו כי יבא אלי העם לדרשׁ אלהים׃¹⁶ כי יהיה להם דבר בא אלי ושׁפטתי בין אישׁ ובין רעהו והודעתי את חקי האלהים ואת תורתיו׃¹⁷ ויאמר חתן משׁה אליו לא טוב הדבר אשׁר אתה עשׂה׃¹⁸ נבל תבל גם אתה גם העם הזה אשׁר עמך כי כבד ממך הדבר לא תוכל עשׂהו לבדך׃¹⁹ עתה שׁמע בקלי איעצך ויהי אלהים עמך היה אתה לעם מול האלהים והבאת אתה את הדברים אל האלהים׃²⁰ והזהרתה אתהם את החקים ואת התורת והודעת להם את הדרך ילכו בה ואת המעשׂה אשׁר יעשׂון׃²¹ ואתה תחזה מכל העם אנשׁי חיל יראי אלהים אנשׁי אמת שׂנאי בצע ושׂמת עלהם שׂרי אלפים שׂרי מאות שׂרי חמשׁים ושׂרי עשׂרת׃²² ושׁפטו את העם בכל עת והיה כל הדבר הגדל יביאו אליך וכל הדבר הקטן ישׁפטו הם והקל מעליך ונשׂאו אתך׃²³ אם את הדבר הזה תעשׂה וצוך אלהים ויכלת עמד וגם כל העם הזה על מקמו יבא בשׁלום׃²⁴ וישׁמע משׁה לקול חתנו ויעשׂ כל אשׁר אמר׃²⁵ ויבחר משׁה אנשׁי חיל מכל ישׂראל ויתן אתם ראשׁים על העם שׂרי אלפים שׂרי מאות שׂרי חמשׁים ושׂרי עשׂרת׃²⁶ ושׁפטו את העם בכל עת את הדבר הקשׁה יביאון אל משׁה וכל הדבר הקטן ישׁפוטו הם׃²⁷ וישׁלח משׁה את חתנו וילך לו אל ארצו׃

Exodus 2:16

¹⁶ ולכהן מדין שׁבע בנות ותבאנה ותדלנה ותמלאנה את הרהטים להשׁקות צאן אביהן׃

Exodus 2:18

¹⁸ ותבאנה אל רעואל אביהן ויאמר מדוע מהרתן בא היום׃

Exodus 2:21

²¹ ויואל משׁה לשׁבת את האישׁ ויתן את צפרה בתו למשׁה׃

Exodus 3:1

¹ ומשׁה היה רעה את צאן יתרו חתנו כהן מדין וינהג את הצאן אחר המדבר ויבא אל הר האלהים חרבה׃

Exodus 4:18

¹⁸ וילך משׁה וישׁב אל יתר חתנו ויאמר לו אלכה נא ואשׁובה אל אחי אשׁר במצרים ואראה העודם חיים ויאמר יתרו למשׁה לך לשׁלום׃

Exodus 7:1-15

¹ ויאמר יהוה אל משׁה ראה נתתיך אלהים לפרעה ואהרן אחיך יהיה נביאך׃² אתה תדבר את כל אשׁר אצוך ואהרן אחיך ידבר אל פרעה ושׁלח את בני ישׂראל מארצו׃³ ואני אקשׁה את לב פרעה והרביתי את אתתי ואת מופתי בארץ מצרים׃⁴ ולא ישׁמע אלכם פרעה ונתתי את ידי במצרים והוצאתי את צבאתי את עמי בני ישׂראל מארץ מצרים בשׁפטים גדלים׃⁵ וידעו מצרים כי אני יהוה בנטתי את ידי על מצרים והוצאתי את בני ישׂראל מתוכם׃⁶ ויעשׂ משׁה ואהרן כאשׁר צוה יהוה אתם כן עשׂו׃⁷ ומשׁה בן שׁמנים שׁנה ואהרן בן שׁלשׁ ושׁמנים שׁנה בדברם אל פרעה׃⁸ ויאמר יהוה אל משׁה ואל אהרן לאמר׃⁹ כי ידבר אלכם פרעה לאמר תנו לכם מופת ואמרת אל אהרן קח את מטך והשׁלך לפני פרעה יהי לתנין׃¹⁰ ויבא משׁה ואהרן אל פרעה ויעשׂו כן כאשׁר צוה יהוה וישׁלך אהרן את מטהו לפני פרעה ולפני עבדיו ויהי לתנין׃¹¹ ויקרא גם פרעה לחכמים ולמכשׁפים ויעשׂו גם הם חרטמי מצרים בלהטיהם כן׃¹² וישׁליכו אישׁ מטהו ויהיו לתנינם ויבלע מטה אהרן את מטתם׃¹³ ויחזק לב פרעה ולא שׁמע אלהם כאשׁר דבר יהוה׃¹⁴ ויאמר יהוה אל משׁה כבד לב פרעה מאן לשׁלח העם׃¹⁵ לך אל פרעה בבקר הנה יצא המימה ונצבת לקראתו על שׂפת היאר והמטה אשׁר נהפך לנחשׁ תקח בידך׃

Numbers 10:29

²⁹ ויאמר משׁה לחבב בן רעואל המדיני חתן משׁה נסעים אנחנו אל המקום אשׁר אמר יהוה אתו אתן לכם לכה אתנו והטבנו לך כי יהוה דבר טוב על ישׂראל׃

Joshua 2:10

¹⁰ כי שׁמענו את אשׁר הובישׁ יהוה את מי ים סוף מפניכם בצאתכם ממצרים ואשׁר עשׂיתם לשׁני מלכי האמרי אשׁר בעבר הירדן לסיחן ולעוג אשׁר החרמתם אותם׃

Joshua 9:9

⁹ ויאמרו אליו מארץ רחוקה מאד באו עבדיך לשׁם יהוה אלהיך כי שׁמענו שׁמעו ואת כל אשׁר עשׂה במצרים׃

Judges 4:11

¹¹ וחבר הקיני נפרד מקין מבני חבב חתן משׁה ויט אהלו עד אלון בצענים אשׁר את קדשׁ׃

Nehemiah 9:10-11

¹⁰ ותתן אתת ומפתים בפרעה ובכל עבדיו ובכל עם ארצו כי ידעת כי הזידו עליהם ותעשׂ לך שׁם כהיום הזה׃¹¹ והים בקעת לפניהם ויעברו בתוך הים ביבשׁה ואת רדפיהם השׁלכת במצולת כמו אבן במים עזים׃

Psalms 34:2

² (34:3) ביהוה תתהלל נפשׁי ישׁמעו ענוים וישׂמחו׃

Psalms 44:1

¹ למנצח לבני קרח משׂכיל׃ (44:2) אלהים באזנינו שׁמענו אבותינו ספרו לנו פעל פעלת בימיהם בימי קדם׃

Psalms 77:14-15

¹⁴ (77:15) אתה האל עשׂה פלא הודעת בעמים עזך׃¹⁵ (77:16) גאלת בזרוע עמך בני יעקב ויוסף סלה׃

Psalms 78:4

⁴ לא נכחד מבניהם לדור אחרון מספרים תהלות יהוה ועזוזו ונפלאותיו אשׁר עשׂה׃

Psalms 78:50-53

⁵⁰ יפלס נתיב לאפו לא חשׂך ממות נפשׁם וחיתם לדבר הסגיר׃⁵¹ ויך כל בכור במצרים ראשׁית אונים באהלי חם׃⁵² ויסע כצאן עמו וינהגם כעדר במדבר׃⁵³ וינחם לבטח ולא פחדו ואת אויביהם כסה הים׃

Psalms 105:5

⁵ זכרו נפלאותיו אשׁר עשׂה מפתיו ומשׁפטי פיו׃

Psalms 105:36-41

³⁶ ויך כל בכור בארצם ראשׁית לכל אונם׃³⁷ ויוציאם בכסף וזהב ואין בשׁבטיו כושׁל׃³⁸ שׂמח מצרים בצאתם כי נפל פחדם עליהם׃³⁹ פרשׂ ענן למסך ואשׁ להאיר לילה׃⁴⁰ שׁאל ויבא שׂלו ולחם שׁמים ישׂביעם׃⁴¹ פתח צור ויזובו מים הלכו בציות נהר׃

Psalms 105:43

Psalms 106:2

² מי ימלל גבורות יהוה ישׁמיע כל תהלתו׃

Psalms 106:8-11

⁸ ויושׁיעם למען שׁמו להודיע את גבורתו׃⁹ ויגער בים סוף ויחרב ויוליכם בתהמות כמדבר׃¹⁰ ויושׁיעם מיד שׂונא ויגאלם מיד אויב׃¹¹ ויכסו מים צריהם אחד מהם לא נותר׃

Psalms 136:10-16

¹⁰ למכה מצרים בבכוריהם כי לעולם חסדו׃¹¹ ויוצא ישׂראל מתוכם כי לעולם חסדו׃¹² ביד חזקה ובזרוע נטויה כי לעולם חסדו׃¹³ לגזר ים סוף לגזרים כי לעולם חסדו׃¹⁴ והעביר ישׂראל בתוכו כי לעולם חסדו׃¹⁵ ונער פרעה וחילו בים סוף כי לעולם חסדו׃¹⁶ למוליך עמו במדבר כי לעולם חסדו׃

Isaiah 63:11-13

¹¹ ויזכר ימי עולם משׁה עמו איה המעלם מים את רעי צאנו איה השׂם בקרבו את רוח קדשׁו׃¹² מוליך לימין משׁה זרוע תפארתו בוקע מים מפניהם לעשׂות לו שׁם עולם׃¹³ מוליכם בתהמות כסוס במדבר לא יכשׁלו׃

Jeremiah 33:9

⁹ והיתה לי לשׁם שׂשׂון לתהלה ולתפארת לכל גויי הארץ אשׁר ישׁמעו את כל הטובה אשׁר אנכי עשׂה אתם ופחדו ורגזו על כל הטובה ועל כל השׁלום אשׁר אנכי עשׂה׃

Zechariah 8:23

²³ כה אמר יהוה צבאות בימים ההמה אשׁר יחזיקו עשׂרה אנשׁים מכל לשׁנות הגוים והחזיקו בכנף אישׁ יהודי לאמר נלכה עמכם כי שׁמענו אלהים עמכם׃

Exodus 4:25-26

²⁵ ותקח צפרה צר ותכרת את ערלת בנה ותגע לרגליו ותאמר כי חתן דמים אתה׃²⁶ וירף ממנו אז אמרה חתן דמים למולת׃

Exodus 2:22

²² ותלד בן ויקרא את שׁמו גרשׁם כי אמר גר הייתי בארץ נכריה׃

Exodus 4:20

²⁰ ויקח משׁה את אשׁתו ואת בניו וירכבם על החמר וישׁב ארצה מצרים ויקח משׁה את מטה האלהים בידו׃

Psalms 39:12

¹² (39:13) שׁמעה תפלתי יהוה ושׁועתי האזינה אל דמעתי אל תחרשׁ כי גר אנכי עמך תושׁב ככל אבותי׃

Exodus 2:15

¹⁵ וישׁמע פרעה את הדבר הזה ויבקשׁ להרג את משׁה ויברח משׁה מפני פרעה וישׁב בארץ מדין וישׁב על הבאר׃

1 Chronicles 23:15

Psalms 18:1

¹ למנצח לעבד יהוה לדוד אשׁר דבר ליהוה את דברי השׁירה הזאת ביום הציל יהוה אותו מכף כל איביו ומיד שׁאול׃ (18:2) ויאמר ארחמך יהוה חזקי׃

Psalms 18:48

⁴⁸ (18:49) מפלטי מאיבי אף מן קמי תרוממני מאישׁ חמס תצילני׃

Psalms 34:4

⁴ (34:5) דרשׁתי את יהוה וענני ומכל מגורותי הצילני׃

Psalms 46:1

¹ למנצח לבני קרח על עלמות שׁיר׃ (46:2) אלהים לנו מחסה ועז עזרה בצרות נמצא מאד׃

Isaiah 50:7-9

⁷ ואדני יהוה יעזר לי על כן לא נכלמתי על כן שׂמתי פני כחלמישׁ ואדע כי לא אבושׁ׃⁸ קרוב מצדיקי מי יריב אתי נעמדה יחד מי בעל משׁפטי יגשׁ אלי׃⁹ הן אדני יהוה יעזר לי מי הוא ירשׁיעני הן כלם כבגד יבלו עשׁ יאכלם׃

Daniel 6:22

²² (6:23) אלהי שׁלח מלאכה וסגר פם אריותא ולא חבלוני כל קבל די קדמוהי זכו השׁתכחת לי ואף קדמיך מלכא חבולה לא עבדת׃

Exodus 3:12

¹² ויאמר כי אהיה עמך וזה לך האות כי אנכי שׁלחתיך בהוציאך את העם ממצרים תעבדון את האלהים על ההר הזה׃

Exodus 19:11

¹¹ והיו נכנים ליום השׁלישׁי כי ביום השׁלשׁי ירד יהוה לעיני כל העם על הר סיני׃

Exodus 19:20

²⁰ וירד יהוה על הר סיני אל ראשׁ ההר ויקרא יהוה למשׁה אל ראשׁ ההר ויעל משׁה׃

Exodus 24:16-17

¹⁶ וישׁכן כבוד יהוה על הר סיני ויכסהו הענן שׁשׁת ימים ויקרא אל משׁה ביום השׁביעי מתוך הענן׃¹⁷ ומראה כבוד יהוה כאשׁ אכלת בראשׁ ההר לעיני בני ישׂראל׃

1 Kings 19:8

⁸ ויקם ויאכל וישׁתה וילך בכח האכילה ההיא ארבעים יום וארבעים לילה עד הר האלהים חרב׃

Genesis 14:17

¹⁷ ויצא מלך סדם לקראתו אחרי שׁובו מהכות את כדר לעמר ואת המלכים אשׁר אתו אל עמק שׁוה הוא עמק המלך׃

Genesis 18:2

² וישׂא עיניו וירא והנה שׁלשׁה אנשׁים נצבים עליו וירא וירץ לקראתם מפתח האהל וישׁתחו ארצה׃

Genesis 19:1

¹ ויבאו שׁני המלאכים סדמה בערב ולוט ישׁב בשׁער סדם וירא לוט ויקם לקראתם וישׁתחו אפים ארצה׃

Genesis 29:13

¹³ ויהי כשׁמע לבן את שׁמע יעקב בן אחתו וירץ לקראתו ויחבק לו וינשׁק לו ויביאהו אל ביתו ויספר ללבן את כל הדברים האלה׃

Genesis 31:28

²⁸ ולא נטשׁתני לנשׁק לבני ולבנתי עתה הסכלת עשׂו׃

Genesis 33:3-7

³ והוא עבר לפניהם וישׁתחו ארצה שׁבע פעמים עד גשׁתו עד אחיו׃⁴ וירץ עשׂו לקראתו ויחבקהו ויפל על צוארו וישׁקהו ויבכו׃⁵ וישׂא את עיניו וירא את הנשׁים ואת הילדים ויאמר מי אלה לך ויאמר הילדים אשׁר חנן אלהים את עבדך׃⁶ ותגשׁן השׁפחות הנה וילדיהן ותשׁתחוין׃⁷ ותגשׁ גם לאה וילדיה וישׁתחוו ואחר נגשׁ יוסף ורחל וישׁתחוו׃

Genesis 43:27-28

²⁷ וישׁאל להם לשׁלום ויאמר השׁלום אביכם הזקן אשׁר אמרתם העודנו חי׃²⁸ ויאמרו שׁלום לעבדך לאבינו עודנו חי ויקדו וישׁתחו׃

Genesis 45:15

¹⁵ וינשׁק לכל אחיו ויבך עלהם ואחרי כן דברו אחיו אתו׃

Genesis 46:29

²⁹ ויאסר יוסף מרכבתו ויעל לקראת ישׂראל אביו גשׁנה וירא אליו ויפל על צואריו ויבך על צואריו עוד׃

Numbers 22:36

³⁶ וישׁמע בלק כי בא בלעם ויצא לקראתו אל עיר מואב אשׁר על גבול ארנן אשׁר בקצה הגבול׃

Judges 11:34

³⁴ ויבא יפתח המצפה אל ביתו והנה בתו יצאת לקראתו בתפים ובמחלות ורק היא יחידה אין לו ממנו בן או בת׃

2 Samuel 11:7

⁷ ויבא אוריה אליו וישׁאל דוד לשׁלום יואב ולשׁלום העם ולשׁלום המלחמה׃

1 Kings 2:19

¹⁹ ותבא בת\'ceשׁבע אל המלך שׁלמה לדבר לו על אדניהו ויקם המלך לקראתה וישׁתחו לה וישׁב על כסאו וישׂם כסא לאם המלך ותשׁב לימינו׃

Psalms 2:12

¹² נשׁקו בר פן יאנף ותאבדו דרך כי יבער כמעט אפו אשׁרי כל חוסי׃

Genesis 44:34

³⁴ כי איך אעלה אל אבי והנער איננו אתי פן אראה ברע אשׁר ימצא את אבי׃

Exodus 15:6

⁶ ימינך יהוה נאדרי בכח ימינך יהוה תרעץ אויב׃

Exodus 15:16

¹⁶ תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

Exodus 15:22-24

²² ויסע משׁה את ישׂראל מים סוף ויצאו אל מדבר שׁור וילכו שׁלשׁת ימים במדבר ולא מצאו מים׃²³ ויבאו מרתה ולא יכלו לשׁתת מים ממרה כי מרים הם על כן קרא שׁמה מרה׃²⁴ וילנו העם על משׁה לאמר מה נשׁתה׃

Exodus 16:3

³ ויאמרו אלהם בני ישׂראל מי יתן מותנו ביד יהוה בארץ מצרים בשׁבתנו על סיר הבשׂר באכלנו לחם לשׂבע כי הוצאתם אתנו אל המדבר הזה להמית את כל הקהל הזה ברעב׃

Exodus 18:1

¹ וישׁמע יתרו כהן מדין חתן משׁה את כל אשׁר עשׂה אלהים למשׁה ולישׂראל עמו כי הוציא יהוה את ישׂראל ממצרים׃

Numbers 20:14

¹⁴ וישׁלח משׁה מלאכים מקדשׁ אל מלך אדום כה אמר אחיך ישׂראל אתה ידעת את כל התלאה אשׁר מצאתנו׃

Nehemiah 9:9-15

⁹ ותרא את עני אבתינו במצרים ואת זעקתם שׁמעת על ים סוף׃¹⁰ ותתן אתת ומפתים בפרעה ובכל עבדיו ובכל עם ארצו כי ידעת כי הזידו עליהם ותעשׂ לך שׁם כהיום הזה׃¹¹ והים בקעת לפניהם ויעברו בתוך הים ביבשׁה ואת רדפיהם השׁלכת במצולת כמו אבן במים עזים׃¹² ובעמוד ענן הנחיתם יומם ובעמוד אשׁ לילה להאיר להם את הדרך אשׁר ילכו׃¹³ ועל הר סיני ירדת ודבר עמהם משׁמים ותתן להם משׁפטים ישׁרים ותורות אמת חקים ומצות טובים׃¹⁴ ואת שׁבת קדשׁך הודעת להם ומצוות וחקים ותורה צוית להם ביד משׁה עבדך׃¹⁵ ולחם משׁמים נתתה להם לרעבם ומים מסלע הוצאת להם לצמאם ותאמר להם לבוא לרשׁת את הארץ אשׁר נשׂאת את ידך לתת׃

Nehemiah 9:32

³² ועתה אלהינו האל הגדול הגבור והנורא שׁומר הברית והחסד אל ימעט לפניך את כל התלאה אשׁר מצאתנו למלכינו לשׂרינו ולכהנינו ולנביאנו ולאבתינו ולכל עמך מימי מלכי אשׁור עד היום הזה׃

Psalms 66:16

¹⁶ לכו שׁמעו ואספרה כל יראי אלהים אשׁר עשׂה לנפשׁי׃

Psalms 71:17-20

¹⁷ אלהים למדתני מנעורי ועד הנה אגיד נפלאותיך׃¹⁸ וגם עד זקנה ושׂיבה אלהים אל תעזבני עד אגיד זרועך לדור לכל יבוא גבורתך׃¹⁹ וצדקתך אלהים עד מרום אשׁר עשׂית גדלות אלהים מי כמוך׃²⁰ אשׁר הראיתנו צרות רבות ורעות תשׁוב תחיינו ומתהמות הארץ תשׁוב תעלני׃

Psalms 78:42-43

⁴² לא זכרו את ידו יום אשׁר פדם מני צר׃⁴³ אשׁר שׂם במצרים אתותיו ומופתיו בשׂדה צען׃

Psalms 81:7

⁷ (81:8) בצרה קראת ואחלצך אענך בסתר רעם אבחנך על מי מריבה סלה׃

Psalms 105:1-2

¹ הודו ליהוה קראו בשׁמו הודיעו בעמים עלילותיו׃² שׁירו לו זמרו לו שׂיחו בכל נפלאותיו׃

Psalms 106:10

¹⁰ ויושׁיעם מיד שׂונא ויגאלם מיד אויב׃

Psalms 107:2

Psalms 145:4-12

⁴ דור לדור ישׁבח מעשׂיך וגבורתיך יגידו׃⁵ הדר כבוד הודך ודברי נפלאותיך אשׂיחה׃⁶ ועזוז נוראתיך יאמרו וגדולתיך אספרנה׃⁷ זכר רב טובך יביעו וצדקתך ירננו׃⁸ חנון ורחום יהוה ארך אפים וגדל חסד׃⁹ טוב יהוה לכל ורחמיו על כל מעשׂיו׃¹⁰ יודוך יהוה כל מעשׂיך וחסידיך יברכוכה׃¹¹ כבוד מלכותך יאמרו וגבורתך ידברו׃¹² להודיע לבני האדם גבורתיו וכבוד הדר מלכותו׃

Isaiah 44:23

²³ רנו שׁמים כי עשׂה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישׂראל יתפאר׃

Isaiah 66:10

¹⁰ שׂמחו את ירושׁלם וגילו בה כל אהביה שׂישׂו אתה משׂושׂ כל המתאבלים עליה׃

Genesis 14:20

²⁰ וברוך אל עליון אשׁר מגן צריך בידך ויתן לו מעשׂר מכל׃

2 Samuel 18:28

²⁸ ויקרא אחימעץ ויאמר אל המלך שׁלום וישׁתחו למלך לאפיו ארצה ויאמר ברוך יהוה אלהיך אשׁר סגר את האנשׁים אשׁר נשׂאו את ידם באדני המלך׃

1 Kings 8:15

¹⁵ ויאמר ברוך יהוה אלהי ישׂראל אשׁר דבר בפיו את דוד אבי ובידו מלא לאמר׃

Psalms 41:13

¹³ (41:14) ברוך יהוה אלהי ישׂראל מהעולם ועד העולם אמן ואמן׃

Psalms 68:19-20

¹⁹ (68:20) ברוך אדני יום יום יעמס לנו האל ישׁועתנו סלה׃²⁰ (68:21) האל לנו אל למושׁעות וליהוה אדני למות תוצאות׃

Psalms 106:47-48

⁴⁷ הושׁיענו יהוה אלהינו וקבצנו מן הגוים להדות לשׁם קדשׁך להשׁתבח בתהלתך׃⁴⁸ ברוך יהוה אלהי ישׂראל מן העולם ועד העולם ואמר כל העם אמן הללו יה׃

Exodus 1:10

¹⁰ הבה נתחכמה לו פן ירבה והיה כי תקראנה מלחמה ונוסף גם הוא על שׂנאינו ונלחם בנו ועלה מן הארץ׃

Exodus 1:16

¹⁶ ויאמר בילדכן את העבריות וראיתן על האבנים אם בן הוא והמתן אתו ואם בת הוא וחיה׃

Exodus 1:22

²² ויצו פרעה לכל עמו לאמר כל הבן הילוד היארה תשׁליכהו וכל הבת תחיון׃

Exodus 5:2

² ויאמר פרעה מי יהוה אשׁר אשׁמע בקלו לשׁלח את ישׂראל לא ידעתי את יהוה וגם את ישׂראל לא אשׁלח׃

Exodus 5:7

⁷ לא תאספון לתת תבן לעם ללבן הלבנים כתמול שׁלשׁם הם ילכו וקשׁשׁו להם תבן׃

Exodus 9:16-17

¹⁶ ואולם בעבור זאת העמדתיך בעבור הראתך את כחי ולמען ספר שׁמי בכל הארץ׃¹⁷ עודך מסתולל בעמי לבלתי שׁלחם׃

Exodus 10:3

³ ויבא משׁה ואהרן אל פרעה ויאמרו אליו כה אמר יהוה אלהי העברים עד מתי מאנת לענת מפני שׁלח עמי ויעבדני׃

Exodus 12:12

¹² ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשׂה שׁפטים אני יהוה׃

Exodus 14:8

⁸ ויחזק יהוה את לב פרעה מלך מצרים וירדף אחרי בני ישׂראל ובני ישׂראל יצאים ביד רמה׃

Exodus 14:18

¹⁸ וידעו מצרים כי אני יהוה בהכבדי בפרעה ברכבו ובפרשׁיו׃

Exodus 15:11

¹¹ מי כמכה באלם יהוה מי כמכה נאדר בקדשׁ נורא תהלת עשׂה פלא׃

1 Samuel 2:3

³ אל תרבו תדברו גבהה גבהה יצא עתק מפיכם כי אל דעות יהוה ולא נתכנו עללות׃

1 Kings 17:24

²⁴ ותאמר האשׁה אל אליהו עתה זה ידעתי כי אישׁ אלהים אתה ודבר יהוה בפיך אמת׃

2 Kings 5:15

¹⁵ וישׁב אל אישׁ האלהים הוא וכל מחנהו ויבא ויעמד לפניו ויאמר הנה נא ידעתי כי אין אלהים בכל הארץ כי אם בישׂראל ועתה קח נא ברכה מאת עבדך׃

1 Chronicles 16:25

²⁵ כי גדול יהוה ומהלל מאד ונורא הוא על כל אלהים׃

2 Chronicles 2:5

⁵ (2:4) והבית אשׁר אני בונה גדול כי גדול אלהינו מכל האלהים׃

Nehemiah 9:10

¹⁰ ותתן אתת ומפתים בפרעה ובכל עבדיו ובכל עם ארצו כי ידעת כי הזידו עליהם ותעשׂ לך שׁם כהיום הזה׃

Nehemiah 9:16

¹⁶ והם ואבתינו הזידו ויקשׁו את ערפם ולא שׁמעו אל מצותיך׃

Nehemiah 9:29

²⁹ ותעד בהם להשׁיבם אל תורתך והמה הזידו ולא שׁמעו למצותיך ובמשׁפטיך חטאו בם אשׁר יעשׂה אדם וחיה בהם ויתנו כתף סוררת וערפם הקשׁו ולא שׁמעו׃

Job 40:11-12

¹¹ הפץ עברות אפך וראה כל גאה והשׁפילהו׃¹² ראה כל גאה הכניעהו והדך רשׁעים תחתם׃

Psalms 31:23

²³ (31:24) אהבו את יהוה כל חסידיו אמונים נצר יהוה ומשׁלם על יתר עשׂה גאוה׃

Psalms 95:3

³ כי אל גדול יהוה ומלך גדול על כל אלהים׃

Psalms 97:9

⁹ כי אתה יהוה עליון על כל הארץ מאד נעלית על כל אלהים׃

Psalms 119:21

Psalms 135:5

⁵ כי אני ידעתי כי גדול יהוה ואדנינו מכל אלהים׃

Daniel 4:37

³⁷ (4:34) כען אנה נבוכדנצר משׁבח ומרומם ומהדר למלך שׁמיא די כל מעבדוהי קשׁט וארחתה דין ודי מהלכין בגוה יכל להשׁפלה׃

Genesis 4:4

⁴ והבל הביא גם הוא מבכרות צאנו ומחלבהן וישׁע יהוה אל הבל ואל מנחתו׃

Genesis 8:20

²⁰ ויבן נח מזבח ליהוה ויקח מכל הבהמה הטהרה ומכל העוף הטהור ויעל עלת במזבח׃

Genesis 12:7

⁷ וירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו׃

Genesis 26:25

²⁵ ויבן שׁם מזבח ויקרא בשׁם יהוה ויט שׁם אהלו ויכרו שׁם עבדי יצחק באר׃

Genesis 31:54

⁵⁴ ויזבח יעקב זבח בהר ויקרא לאחיו לאכל לחם ויאכלו לחם וילינו בהר׃

Genesis 43:25

²⁵ ויכינו את המנחה עד בוא יוסף בצהרים כי שׁמעו כי שׁם יאכלו לחם׃

Exodus 2:20

²⁰ ויאמר אל בנתיו ואיו למה זה עזבתן את האישׁ קראן לו ויאכל לחם׃

Exodus 24:5

⁵ וישׁלח את נערי בני ישׂראל ויעלו עלת ויזבחו זבחים שׁלמים ליהוה פרים׃

Exodus 24:11

¹¹ ואל אצילי בני ישׂראל לא שׁלח ידו ויחזו את האלהים ויאכלו וישׁתו׃

Leviticus 7:11-17

¹¹ וזאת תורת זבח השׁלמים אשׁר יקריב ליהוה׃¹² אם על תודה יקריבנו והקריב על זבח התודה חלות מצות בלולת בשׁמן ורקיקי מצות משׁחים בשׁמן וסלת מרבכת חלת בלולת בשׁמן׃¹³ על חלת לחם חמץ יקריב קרבנו על זבח תודת שׁלמיו׃¹⁴ והקריב ממנו אחד מכל קרבן תרומה ליהוה לכהן הזרק את דם השׁלמים לו יהיה׃¹⁵ ובשׂר זבח תודת שׁלמיו ביום קרבנו יאכל לא יניח ממנו עד בקר׃¹⁶ ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל׃¹⁷ והנותר מבשׂר הזבח ביום השׁלישׁי באשׁ ישׂרף׃

Deuteronomy 12:7

⁷ ואכלתם שׁם לפני יהוה אלהיכם ושׂמחתם בכל משׁלח ידכם אתם ובתיכם אשׁר ברכך יהוה אלהיך׃

Deuteronomy 27:7

⁷ וזבחת שׁלמים ואכלת שׁם ושׂמחת לפני יהוה אלהיך׃

2 Samuel 9:7

⁷ ויאמר לו דוד אל תירא כי עשׂה אעשׂה עמך חסד בעבור יהונתן אביך והשׁבתי לך את כל שׂדה שׁאול אביך ואתה תאכל לחם על שׁלחני תמיד׃

1 Chronicles 29:21-22

²¹ ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשׂים אלף ונסכיהם וזבחים לרב לכל ישׂראל׃²² ויאכלו וישׁתו לפני יהוה ביום ההוא בשׂמחה גדולה וימליכו שׁנית לשׁלמה בן דויד וימשׁחו ליהוה לנגיד ולצדוק לכהן׃

2 Chronicles 30:22

²² וידבר יחזקיהו על לב כל הלוים המשׂכילים שׂכל טוב ליהוה ויאכלו את המועד שׁבעת הימים מזבחים זבחי שׁלמים ומתודים ליהוה אלהי אבותיהם׃

Job 1:5

⁵ ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃

Job 42:8

⁸ ועתה קחו לכם שׁבעה פרים ושׁבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשׂא לבלתי עשׂות עמכם נבלה כי לא דברתם אלי נכונה כעבדי איוב׃

Job 42:11

¹¹ ויבאו אליו כל אחיו וכל אחיתיו וכל ידעיו לפנים ויאכלו עמו לחם בביתו וינדו לו וינחמו אתו על כל הרעה אשׁר הביא יהוה עליו ויתנו לו אישׁ קשׂיטה אחת ואישׁ נזם זהב אחד׃

Daniel 10:3

³ לחם חמדות לא אכלתי ובשׂר ויין לא בא אל פי וסוך לא סכתי עד מלאת שׁלשׁת שׁבעים ימים׃

Judges 5:10

¹⁰ רכבי אתנות צחרות ישׁבי על מדין והלכי על דרך שׂיחו׃

Job 29:7

⁷ בצאתי שׁער עלי קרת ברחוב אכין מושׁבי׃

Isaiah 16:5

⁵ והוכן בחסד כסא וישׁב עליו באמת באהל דוד שׁפט ודרשׁ משׁפט ומהר צדק׃

Joel 3:12

¹² (4:12) יעורו ויעלו הגוים אל עמק יהושׁפט כי שׁם אשׁב לשׁפט את כל הגוים מסביב׃

Exodus 18:19-20

¹⁹ עתה שׁמע בקלי איעצך ויהי אלהים עמך היה אתה לעם מול האלהים והבאת אתה את הדברים אל האלהים׃²⁰ והזהרתה אתהם את החקים ואת התורת והודעת להם את הדרך ילכו בה ואת המעשׂה אשׁר יעשׂון׃

Leviticus 24:12-14

¹² ויניחהו במשׁמר לפרשׁ להם על פי יהוה׃¹³ וידבר יהוה אל משׁה לאמר׃¹⁴ הוצא את המקלל אל מחוץ למחנה וסמכו כל השׁמעים את ידיהם על ראשׁו ורגמו אתו כל העדה׃

Numbers 9:6

⁶ ויהי אנשׁים אשׁר היו טמאים לנפשׁ אדם ולא יכלו לעשׂת הפסח ביום ההוא ויקרבו לפני משׁה ולפני אהרן ביום ההוא׃

Numbers 9:8

⁸ ויאמר אלהם משׁה עמדו ואשׁמעה מה יצוה יהוה׃

Numbers 15:34

³⁴ ויניחו אתו במשׁמר כי לא פרשׁ מה יעשׂה׃

Numbers 27:5

Deuteronomy 17:8-13

⁸ כי יפלא ממך דבר למשׁפט בין דם לדם בין דין לדין ובין נגע לנגע דברי ריבת בשׁעריך וקמת ועלית אל המקום אשׁר יבחר יהוה אלהיך׃⁹ ובאת אל הכהנים הלוים ואל השׁפט אשׁר יהיה בימים ההם ודרשׁת והגידו לך את דבר המשׁפט׃¹⁰ ועשׂית על פי הדבר אשׁר יגידו לך מן המקום ההוא אשׁר יבחר יהוה ושׁמרת לעשׂות ככל אשׁר יורוך׃¹¹ על פי התורה אשׁר יורוך ועל המשׁפט אשׁר יאמרו לך תעשׂה לא תסור מן הדבר אשׁר יגידו לך ימין ושׂמאל׃¹² והאישׁ אשׁר יעשׂה בזדון לבלתי שׁמע אל הכהן העמד לשׁרת שׁם את יהוה אלהיך או אל השׁפט ומת האישׁ ההוא ובערת הרע מישׂראל׃¹³ וכל העם ישׁמעו ויראו ולא יזידון עוד׃

Exodus 2:13

¹³ ויצא ביום השׁני והנה שׁני אנשׁים עברים נצים ויאמר לרשׁע למה תכה רעך׃

Exodus 23:7

⁷ מדבר שׁקר תרחק ונקי וצדיק אל תהרג כי לא אצדיק רשׁע׃

Exodus 24:14

¹⁴ ואל הזקנים אמר שׁבו לנו בזה עד אשׁר נשׁוב אליכם והנה אהרן וחור עמכם מי בעל דברים יגשׁ אלהם׃¹⁵ ואל בני ישׂראל תדבר לאמר אישׁ אישׁ כי יקלל אלהיו ונשׂא חטאו׃

Numbers 15:35

³⁵ ויאמר יהוה אל משׁה מות יומת האישׁ רגום אתו באבנים כל העדה מחוץ למחנה׃

Numbers 27:6-11

⁶ ויאמר יהוה אל משׁה לאמר׃⁷ כן בנות צלפחד דברת נתן תתן להם אחזת נחלה בתוך אחי אביהם והעברת את נחלת אביהן׃⁸ ואל בני ישׂראל תדבר לאמר אישׁ כי ימות ובן אין לו והעברתם את נחלתו לבתו׃⁹ ואם אין לו בת ונתתם את נחלתו לאחיו׃¹⁰ ואם אין לו אחים ונתתם את נחלתו לאחי אביו׃¹¹ ואם אין אחים לאביו ונתתם את נחלתו לשׁארו הקרב אליו ממשׁפחתו וירשׁ אתה והיתה לבני ישׂראל לחקת משׁפט כאשׁר צוה יהוה את משׁה׃

Numbers 36:6-9

⁶ זה הדבר אשׁר צוה יהוה לבנות צלפחד לאמר לטוב בעיניהם תהיינה לנשׁים אך למשׁפחת מטה אביהם תהיינה לנשׁים׃⁷ ולא תסב נחלה לבני ישׂראל ממטה אל מטה כי אישׁ בנחלת מטה אבתיו ידבקו בני ישׂראל׃⁸ וכל בת ירשׁת נחלה ממטות בני ישׂראל לאחד ממשׁפחת מטה אביה תהיה לאשׁה למען יירשׁו בני ישׂראל אישׁ נחלת אבתיו׃⁹ ולא תסב נחלה ממטה למטה אחר כי אישׁ בנחלתו ידבקו מטות בני ישׂראל׃

Deuteronomy 4:5

⁵ ראה למדתי אתכם חקים ומשׁפטים כאשׁר צוני יהוה אלהי לעשׂות כן בקרב הארץ אשׁר אתם באים שׁמה לרשׁתה׃

Deuteronomy 5:1

¹ ויקרא משׁה אל כל ישׂראל ויאמר אלהם שׁמע ישׂראל את החקים ואת המשׁפטים אשׁר אנכי דבר באזניכם היום ולמדתם אתם ושׁמרתם לעשׂתם׃

Deuteronomy 6:1

¹ וזאת המצוה החקים והמשׁפטים אשׁר צוה יהוה אלהיכם ללמד אתכם לעשׂות בארץ אשׁר אתם עברים שׁמה לרשׁתה׃

Deuteronomy 17:8-12

1 Samuel 12:23

²³ גם אנכי חלילה לי מחטא ליהוה מחדל להתפלל בעדכם והוריתי אתכם בדרך הטובה והישׁרה׃

2 Samuel 15:3

³ ויאמר אליו אבשׁלום ראה דברך טובים ונכחים ושׁמע אין לך מאת המלך׃

Job 31:13

¹³ אם אמאס משׁפט עבדי ואמתי ברבם עמדי׃

Numbers 11:14-17

¹⁴ לא אוכל אנכי לבדי לשׂאת את כל העם הזה כי כבד ממני׃¹⁵ ואם ככה את עשׂה לי הרגני נא הרג אם מצאתי חן בעיניך ואל אראה ברעתי׃¹⁶ ויאמר יהוה אל משׁה אספה לי שׁבעים אישׁ מזקני ישׂראל אשׁר ידעת כי הם זקני העם ושׁטריו ולקחת אתם אל אהל מועד והתיצבו שׁם עמך׃¹⁷ וירדתי ודברתי עמך שׁם ואצלתי מן הרוח אשׁר עליך ושׂמתי עליהם ונשׂאו אתך במשׂא העם ולא תשׂא אתה לבדך׃

Deuteronomy 1:9-12

⁹ ואמר אלכם בעת ההוא לאמר לא אוכל לבדי שׂאת אתכם׃¹⁰ יהוה אלהיכם הרבה אתכם והנכם היום ככוכבי השׁמים לרב׃¹¹ יהוה אלהי אבותכם יסף עליכם ככם אלף פעמים ויברך אתכם כאשׁר דבר׃¹² איכה אשׂא לבדי טרחכם ומשׂאכם וריבכם׃

Genesis 39:2

² ויהי יהוה את יוסף ויהי אישׁ מצליח ויהי בבית אדניו המצרי׃

Exodus 4:12

¹² ועתה לך ואנכי אהיה עם פיך והוריתיך אשׁר תדבר׃

Exodus 4:16

¹⁶ ודבר הוא לך אל העם והיה הוא יהיה לך לפה ואתה תהיה לו לאלהים׃

Exodus 18:15

¹⁵ ויאמר משׁה לחתנו כי יבא אלי העם לדרשׁ אלהים׃

Exodus 18:24

²⁴ וישׁמע משׁה לקול חתנו ויעשׂ כל אשׁר אמר׃

Exodus 20:19

¹⁹ ויאמרו אל משׁה דבר אתה עמנו ונשׁמעה ואל ידבר עמנו אלהים פן נמות׃

Deuteronomy 5:5

⁵ אנכי עמד בין יהוה וביניכם בעת ההוא להגיד לכם את דבר יהוה כי יראתם מפני האשׁ ולא עליתם בהר לאמר׃

Deuteronomy 20:1

¹ כי תצא למלחמה על איבך וראית סוס ורכב עם רב ממך לא תירא מהם כי יהוה אלהיך עמך המעלך מארץ מצרים׃

Joshua 1:9

⁹ הלוא צויתיך חזק ואמץ אל תערץ ואל תחת כי עמך יהוה אלהיך בכל אשׁר תלך׃

2 Samuel 14:17

¹⁷ ותאמר שׁפחתך יהיה נא דבר אדני המלך למנוחה כי כמלאך האלהים כן אדני המלך לשׁמע הטוב והרע ויהוה אלהיך יהי עמך׃

Proverbs 9:9

⁹ תן לחכם ויחכם עוד הודע לצדיק ויוסף לקח׃

Exodus 18:16

¹⁶ כי יהיה להם דבר בא אלי ושׁפטתי בין אישׁ ובין רעהו והודעתי את חקי האלהים ואת תורתיו׃

Deuteronomy 1:18

¹⁸ ואצוה אתכם בעת ההוא את כל הדברים אשׁר תעשׂון׃

Deuteronomy 4:1

¹ ועתה ישׂראל שׁמע אל החקים ואל המשׁפטים אשׁר אנכי מלמד אתכם לעשׂות למען תחיו ובאתם וירשׁתם את הארץ אשׁר יהוה אלהי אבתיכם נתן׃

Deuteronomy 6:1-2

¹ וזאת המצוה החקים והמשׁפטים אשׁר צוה יהוה אלהיכם ללמד אתכם לעשׂות בארץ אשׁר אתם עברים שׁמה לרשׁתה׃² למען תירא את יהוה אלהיך לשׁמר את כל חקתיו ומצותיו אשׁר אנכי מצוך אתה ובנך ובן בנך כל ימי חייך ולמען יארכן ימיך׃

Deuteronomy 7:11

¹¹ ושׁמרת את המצוה ואת החקים ואת המשׁפטים אשׁר אנכי מצוך היום לעשׂותם׃

Nehemiah 9:13-14

¹³ ועל הר סיני ירדת ודבר עמהם משׁמים ותתן להם משׁפטים ישׁרים ותורות אמת חקים ומצות טובים׃¹⁴ ואת שׁבת קדשׁך הודעת להם ומצוות וחקים ותורה צוית להם ביד משׁה עבדך׃

Psalms 32:8

⁸ אשׂכילך ואורך בדרך זו תלך איעצה עליך עיני׃

Psalms 143:8

⁸ השׁמיעני בבקר חסדך כי בך בטחתי הודיעני דרך זו אלך כי אליך נשׂאתי נפשׁי׃

Isaiah 30:21

²¹ ואזניך תשׁמענה דבר מאחריך לאמר זה הדרך לכו בו כי תאמינו וכי תשׂמאילו׃

Jeremiah 6:16

¹⁶ כה אמר יהוה עמדו על דרכים וראו ושׁאלו לנתבות עולם אי זה דרך הטוב ולכו בה ומצאו מרגוע לנפשׁכם ויאמרו לא נלך׃

Jeremiah 42:3

³ ויגד לנו יהוה אלהיך את הדרך אשׁר נלך בה ואת הדבר אשׁר נעשׂה׃

Ezekiel 3:17

¹⁷ בן אדם צפה נתתיך לבית ישׂראל ושׁמעת מפי דבר והזהרת אותם ממני׃

Micah 4:2

² והלכו גוים רבים ואמרו לכו ונעלה אל הר יהוה ואל בית אלהי יעקב ויורנו מדרכיו ונלכה בארחתיו כי מציון תצא תורה ודבר יהוה מירושׁלם׃

Genesis 22:12

¹² ויאמר אל תשׁלח ידך אל הנער ואל תעשׂ לו מאומה כי עתה ידעתי כי ירא אלהים אתה ולא חשׂכת את בנך את יחידך ממני׃

Genesis 42:18

¹⁸ ויאמר אלהם יוסף ביום השׁלישׁי זאת עשׂו וחיו את האלהים אני ירא׃

Exodus 18:25

²⁵ ויבחר משׁה אנשׁי חיל מכל ישׂראל ויתן אתם ראשׁים על העם שׂרי אלפים שׂרי מאות שׂרי חמשׁים ושׂרי עשׂרת׃

Exodus 23:2-9

² לא תהיה אחרי רבים לרעת ולא תענה על רב לנטת אחרי רבים להטת׃³ ודל לא תהדר בריבו׃⁴ כי תפגע שׁור איבך או חמרו תעה השׁב תשׁיבנו׃⁵ כי תראה חמור שׂנאך רבץ תחת משׂאו וחדלת מעזב לו עזב תעזב עמו׃⁶ לא תטה משׁפט אבינך בריבו׃⁷ מדבר שׁקר תרחק ונקי וצדיק אל תהרג כי לא אצדיק רשׁע׃⁸ ושׁחד לא תקח כי השׁחד יעור פקחים ויסלף דברי צדיקים׃⁹ וגר לא תלחץ ואתם ידעתם את נפשׁ הגר כי גרים הייתם בארץ מצרים׃

Numbers 10:4

⁴ ואם באחת יתקעו ונועדו אליך הנשׂיאים ראשׁי אלפי ישׂראל׃

Deuteronomy 1:13-17

¹³ הבו לכם אנשׁים חכמים ונבנים וידעים לשׁבטיכם ואשׂימם בראשׁיכם׃¹⁴ ותענו אתי ותאמרו טוב הדבר אשׁר דברת לעשׂות׃¹⁵ ואקח את ראשׁי שׁבטיכם אנשׁים חכמים וידעים ואתן אותם ראשׁים עליכם שׂרי אלפים ושׂרי מאות ושׂרי חמשׁים ושׂרי עשׂרת ושׁטרים לשׁבטיכם׃¹⁶ ואצוה את שׁפטיכם בעת ההוא לאמר שׁמע בין אחיכם ושׁפטתם צדק בין אישׁ ובין אחיו ובין גרו׃¹⁷ לא תכירו פנים במשׁפט כקטן כגדל תשׁמעון לא תגורו מפני אישׁ כי המשׁפט לאלהים הוא והדבר אשׁר יקשׁה מכם תקרבון אלי ושׁמעתיו׃

Deuteronomy 16:18-19

¹⁸ שׁפטים ושׁטרים תתן לך בכל שׁעריך אשׁר יהוה אלהיך נתן לך לשׁבטיך ושׁפטו את העם משׁפט צדק׃¹⁹ לא תטה משׁפט לא תכיר פנים ולא תקח שׁחד כי השׁחד יעור עיני חכמים ויסלף דברי צדיקם׃

Joshua 22:14

¹⁴ ועשׂרה נשׂאים עמו נשׂיא אחד נשׂיא אחד לבית אב לכל מטות ישׂראל ואישׁ ראשׁ בית אבותם המה לאלפי ישׂראל׃

1 Samuel 8:3

³ ולא הלכו בניו בדרכו ויטו אחרי הבצע ויקחו שׁחד ויטו משׁפט׃

1 Samuel 8:12

¹² ולשׂום לו שׂרי אלפים ושׂרי חמשׁים ולחרשׁ חרישׁו ולקצר קצירו ולעשׂות כלי מלחמתו וכלי רכבו׃

1 Samuel 12:3-4

³ הנני ענו בי נגד יהוה ונגד משׁיחו את שׁור מי לקחתי וחמור מי לקחתי ואת מי עשׁקתי את מי רצותי ומיד מי לקחתי כפר ואעלים עיני בו ואשׁיב׃⁴ ויאמרו לא עשׁקתנו ולא רצותנו ולא לקחת מיד אישׁ מאומה׃

2 Samuel 23:3

³ אמר אלהי ישׂראל לי דבר צור ישׂראל מושׁל באדם צדיק מושׁל יראת אלהים׃

1 Kings 3:9-12

⁹ ונתת לעבדך לב שׁמע לשׁפט את עמך להבין בין טוב לרע כי מי יוכל לשׁפט את עמך הכבד הזה׃¹⁰ וייטב הדבר בעיני אדני כי שׁאל שׁלמה את הדבר הזה׃¹¹ ויאמר אלהים אליו יען אשׁר שׁאלת את הדבר הזה ולא שׁאלת לך ימים רבים ולא שׁאלת לך עשׁר ולא שׁאלת נפשׁ איביך ושׁאלת לך הבין לשׁמע משׁפט׃¹² הנה עשׂיתי כדבריך הנה נתתי לך לב חכם ונבון אשׁר כמוך לא היה לפניך ואחריך לא יקום כמוך׃

1 Kings 18:3

³ ויקרא אחאב אל עבדיהו אשׁר על הבית ועבדיהו היה ירא את יהוה מאד׃

1 Kings 18:12

¹² והיה אני אלך מאתך ורוח יהוה ישׂאך על אשׁר לא אדע ובאתי להגיד לאחאב ולא ימצאך והרגני ועבדך ירא את יהוה מנערי׃

2 Chronicles 19:5-10

⁵ ויעמד שׁפטים בארץ בכל ערי יהודה הבצרות לעיר ועיר׃⁶ ויאמר אל השׁפטים ראו מה אתם עשׂים כי לא לאדם תשׁפטו כי ליהוה ועמכם בדבר משׁפט׃⁷ ועתה יהי פחד יהוה עליכם שׁמרו ועשׂו כי אין עם יהוה אלהינו עולה ומשׂא פנים ומקח שׁחד׃⁸ וגם בירושׁלם העמיד יהושׁפט מן הלוים והכהנים ומראשׁי האבות לישׂראל למשׁפט יהוה ולריב וישׁבו ירושׁלם׃⁹ ויצו עליהם לאמר כה תעשׂון ביראת יהוה באמונה ובלבב שׁלם׃¹⁰ וכל ריב אשׁר יבוא עליכם מאחיכם הישׁבים בעריהם בין דם לדם בין תורה למצוה לחקים ולמשׁפטים והזהרתם אתם ולא יאשׁמו ליהוה והיה קצף עליכם ועל אחיכם כה תעשׂון ולא תאשׁמו׃

Nehemiah 5:9

⁹ ויאמר לא טוב הדבר אשׁר אתם עשׂים הלוא ביראת אלהינו תלכו מחרפת הגוים אויבינו׃

Nehemiah 7:2

² ואצוה את חנני אחי ואת חנניה שׂר הבירה על ירושׁלם כי הוא כאישׁ אמת וירא את האלהים מרבים׃

Job 29:16

¹⁶ אב אנכי לאביונים ורב לא ידעתי אחקרהו׃

Psalms 15:5

⁵ כספו לא נתן בנשׁך ושׁחד על נקי לא לקח עשׂה אלה לא ימוט לעולם׃

Psalms 26:9-10

⁹ אל תאסף עם חטאים נפשׁי ועם אנשׁי דמים חיי׃¹⁰ אשׁר בידיהם זמה וימינם מלאה שׁחד׃

Proverbs 28:2

² בפשׁע ארץ רבים שׂריה ובאדם מבין ידע כן יאריך׃

Ecclesiastes 12:13

¹³ סוף דבר הכל נשׁמע את האלהים ירא ואת מצותיו שׁמור כי זה כל האדם׃

Isaiah 33:15

¹⁵ הלך צדקות ודבר מישׁרים מאס בבצע מעשׁקות נער כפיו מתמך בשׁחד אטם אזנו משׁמע דמים ועצם עיניו מראות ברע׃

Isaiah 59:4

⁴ אין קרא בצדק ואין נשׁפט באמונה בטוח על תהו ודבר שׁוא הרו עמל והוליד און׃

Isaiah 59:14-15

¹⁴ והסג אחור משׁפט וצדקה מרחוק תעמד כי כשׁלה ברחוב אמת ונכחה לא תוכל לבוא׃¹⁵ ותהי האמת נעדרת וסר מרע משׁתולל וירא יהוה וירע בעיניו כי אין משׁפט׃

Jeremiah 5:1

¹ שׁוטטו בחוצות ירושׁלם וראו נא ודעו ובקשׁו ברחובותיה אם תמצאו אישׁ אם ישׁ עשׂה משׁפט מבקשׁ אמונה ואסלח׃

Ezekiel 18:8

⁸ בנשׁך לא יתן ותרבית לא יקח מעול ישׁיב ידו משׁפט אמת יעשׂה בין אישׁ לאישׁ׃

Ezekiel 22:12

¹² שׁחד לקחו בך למען שׁפך דם נשׁך ותרבית לקחת ותבצעי רעיך בעשׁק ואתי שׁכחת נאם אדני יהוה׃

Zechariah 7:9

⁹ כה אמר יהוה צבאות לאמר משׁפט אמת שׁפטו וחסד ורחמים עשׂו אישׁ את אחיו׃

Zechariah 8:16

¹⁶ אלה הדברים אשׁר תעשׂו דברו אמת אישׁ את רעהו אמת ומשׁפט שׁלום שׁפטו בשׁעריכם׃

Exodus 18:18

¹⁸ נבל תבל גם אתה גם העם הזה אשׁר עמך כי כבד ממך הדבר לא תוכל עשׂהו לבדך׃

Exodus 18:26

²⁶ ושׁפטו את העם בכל עת את הדבר הקשׁה יביאון אל משׁה וכל הדבר הקטן ישׁפוטו הם׃

Leviticus 24:11

¹¹ ויקב בן האשׁה הישׂראלית את השׁם ויקלל ויביאו אתו אל משׁה ושׁם אמו שׁלמית בת דברי למטה דן׃

Numbers 11:17

¹⁷ וירדתי ודברתי עמך שׁם ואצלתי מן הרוח אשׁר עליך ושׂמתי עליהם ונשׂאו אתך במשׂא העם ולא תשׂא אתה לבדך׃

Numbers 15:33

³³ ויקריבו אתו המצאים אתו מקשׁשׁ עצים אל משׁה ואל אהרן ואל כל העדה׃

Numbers 27:2

² ותעמדנה לפני משׁה ולפני אלעזר הכהן ולפני הנשׂיאם וכל העדה פתח אהל מועד לאמר׃

Numbers 36:1

¹ ויקרבו ראשׁי האבות למשׁפחת בני גלעד בן מכיר בן מנשׁה ממשׁפחת בני יוסף וידברו לפני משׁה ולפני הנשׂאים ראשׁי אבות לבני ישׂראל׃

Deuteronomy 1:17-18

¹⁷ לא תכירו פנים במשׁפט כקטן כגדל תשׁמעון לא תגורו מפני אישׁ כי המשׁפט לאלהים הוא והדבר אשׁר יקשׁה מכם תקרבון אלי ושׁמעתיו׃¹⁸ ואצוה אתכם בעת ההוא את כל הדברים אשׁר תעשׂון׃

Deuteronomy 17:8-9

Genesis 18:33

³³ וילך יהוה כאשׁר כלה לדבר אל אברהם ואברהם שׁב למקמו׃

Genesis 21:10-12

¹⁰ ותאמר לאברהם גרשׁ האמה הזאת ואת בנה כי לא יירשׁ בן האמה הזאת עם בני עם יצחק׃¹¹ וירע הדבר מאד בעיני אברהם על אודת בנו׃¹² ויאמר אלהים אל אברהם אל ירע בעיניך על הנער ועל אמתך כל אשׁר תאמר אליך שׂרה שׁמע בקלה כי ביצחק יקרא לך זרע׃

Genesis 30:25

²⁵ ויהי כאשׁר ילדה רחל את יוסף ויאמר יעקב אל לבן שׁלחני ואלכה אל מקומי ולארצי׃

Exodus 16:29

²⁹ ראו כי יהוה נתן לכם השׁבת על כן הוא נתן לכם ביום השׁשׁי לחם יומים שׁבו אישׁ תחתיו אל יצא אישׁ ממקמו ביום השׁביעי׃

1 Samuel 8:6-7

⁶ וירע הדבר בעיני שׁמואל כאשׁר אמרו תנה לנו מלך לשׁפטנו ויתפלל שׁמואל אל יהוה׃⁷ ויאמר יהוה אל שׁמואל שׁמע בקול העם לכל אשׁר יאמרו אליך כי לא אתך מאסו כי אתי מאסו ממלך עליהם׃

1 Samuel 8:22

²² ויאמר יהוה אל שׁמואל שׁמע בקולם והמלכת להם מלך ויאמר שׁמואל אל אנשׁי ישׂראל לכו אישׁ לעירו׃

2 Samuel 18:3

³ ויאמר העם לא תצא כי אם נס ננוס לא ישׂימו אלינו לב ואם ימתו חצינו לא ישׂימו אלינו לב כי עתה כמנו עשׂרה אלפים ועתה טוב כי תהיה לנו מעיר לעזיר׃

2 Samuel 19:39

³⁹ (19:40) ויעבר כל העם את הירדן והמלך עבר וישׁק המלך לברזלי ויברכהו וישׁב למקמו׃

2 Samuel 21:17

¹⁷ ויעזר לו אבישׁי בן צרויה ויך את הפלשׁתי וימיתהו אז נשׁבעו אנשׁי דוד לו לאמר לא תצא עוד אתנו למלחמה ולא תכבה את נר ישׂראל׃

Exodus 18:2-5

² ויקח יתרו חתן משׁה את צפרה אשׁת משׁה אחר שׁלוחיה׃³ ואת שׁני בניה אשׁר שׁם האחד גרשׁם כי אמר גר הייתי בארץ נכריה׃⁴ ושׁם האחד אליעזר כי אלהי אבי בעזרי ויצלני מחרב פרעה׃⁵ ויבא יתרו חתן משׁה ובניו ואשׁתו אל משׁה אל המדבר אשׁר הוא חנה שׁם הר האלהים׃

Exodus 18:19

¹⁹ עתה שׁמע בקלי איעצך ויהי אלהים עמך היה אתה לעם מול האלהים והבאת אתה את הדברים אל האלהים׃

Ezra 10:2

² ויען שׁכניה בן יחיאל מבני עולם ויאמר לעזרא אנחנו מעלנו באלהינו ונשׁב נשׁים נכריות מעמי הארץ ועתה ישׁ מקוה לישׂראל על זאת׃

Ezra 10:5

⁵ ויקם עזרא וישׁבע את שׂרי הכהנים הלוים וכל ישׂראל לעשׂות כדבר הזה וישׁבעו׃

Proverbs 1:5

⁵ ישׁמע חכם ויוסף לקח ונבון תחבלות יקנה׃

Exodus 18:21

²¹ ואתה תחזה מכל העם אנשׁי חיל יראי אלהים אנשׁי אמת שׂנאי בצע ושׂמת עלהם שׂרי אלפים שׂרי מאות שׂרי חמשׁים ושׂרי עשׂרת׃

Deuteronomy 1:15

¹⁵ ואקח את ראשׁי שׁבטיכם אנשׁים חכמים וידעים ואתן אותם ראשׁים עליכם שׂרי אלפים ושׂרי מאות ושׂרי חמשׁים ושׂרי עשׂרת ושׁטרים לשׁבטיכם׃

Exodus 18:14-15

¹⁴ וירא חתן משׁה את כל אשׁר הוא עשׂה לעם ויאמר מה הדבר הזה אשׁר אתה עשׂה לעם מדוע אתה יושׁב לבדך וכל העם נצב עליך מן בקר עד ערב׃¹⁵ ויאמר משׁה לחתנו כי יבא אלי העם לדרשׁ אלהים׃

Exodus 18:22

²² ושׁפטו את העם בכל עת והיה כל הדבר הגדל יביאו אליך וכל הדבר הקטן ישׁפטו הם והקל מעליך ונשׂאו אתך׃

Deuteronomy 17:8

⁸ כי יפלא ממך דבר למשׁפט בין דם לדם בין דין לדין ובין נגע לנגע דברי ריבת בשׁעריך וקמת ועלית אל המקום אשׁר יבחר יהוה אלהיך׃

1 Kings 3:16-28

¹⁶ אז תבאנה שׁתים נשׁים זנות אל המלך ותעמדנה לפניו׃¹⁷ ותאמר האשׁה האחת בי אדני אני והאשׁה הזאת ישׁבת בבית אחד ואלד עמה בבית׃¹⁸ ויהי ביום השׁלישׁי ללדתי ותלד גם האשׁה הזאת ואנחנו יחדו אין זר אתנו בבית זולתי שׁתים אנחנו בבית׃¹⁹ וימת בן האשׁה הזאת לילה אשׁר שׁכבה עליו׃²⁰ ותקם בתוך הלילה ותקח את בני מאצלי ואמתך ישׁנה ותשׁכיבהו בחיקה ואת בנה המת השׁכיבה בחיקי׃²¹ ואקם בבקר להיניק את בני והנה מת ואתבונן אליו בבקר והנה לא היה בני אשׁר ילדתי׃²² ותאמר האשׁה האחרת לא כי בני החי ובנך המת וזאת אמרת לא כי בנך המת ובני החי ותדברנה לפני המלך׃²³ ויאמר המלך זאת אמרת זה בני החי ובנך המת וזאת אמרת לא כי בנך המת ובני החי׃²⁴ ויאמר המלך קחו לי חרב ויבאו החרב לפני המלך׃²⁵ ויאמר המלך גזרו את הילד החי לשׁנים ותנו את החצי לאחת ואת החצי לאחת׃²⁶ ותאמר האשׁה אשׁר בנה החי אל המלך כי נכמרו רחמיה על בנה ותאמר בי אדני תנו לה את הילוד החי והמת אל תמיתהו וזאת אמרת גם לי גם לך לא יהיה גזרו׃²⁷ ויען המלך ויאמר תנו לה את הילוד החי והמת לא תמיתהו היא אמו׃²⁸ וישׁמעו כל ישׂראל את המשׁפט אשׁר שׁפט המלך ויראו מפני המלך כי ראו כי חכמת אלהים בקרבו לעשׂות משׁפט׃

1 Kings 10:1

¹ ומלכת שׁבא שׁמעת את שׁמע שׁלמה לשׁם יהוה ותבא לנסתו בחידות׃

Genesis 24:59

⁵⁹ וישׁלחו את רבקה אחתם ואת מנקתה ואת עבד אברהם ואת אנשׁיו׃

Genesis 31:55

⁵⁵ (32:1) וישׁכם לבן בבקר וינשׁק לבניו ולבנותיו ויברך אתהם וילך וישׁב לבן למקמו׃

Numbers 10:29-30

²⁹ ויאמר משׁה לחבב בן רעואל המדיני חתן משׁה נסעים אנחנו אל המקום אשׁר אמר יהוה אתו אתן לכם לכה אתנו והטבנו לך כי יהוה דבר טוב על ישׂראל׃³⁰ ויאמר אליו לא אלך כי אם אל ארצי ואל מולדתי אלך׃

Judges 19:9

⁹ ויקם האישׁ ללכת הוא ופילגשׁו ונערו ויאמר לו חתנו אבי הנערה הנה נא רפה היום לערב לינו נא הנה חנות היום לין פה וייטב לבבך והשׁכמתם מחר לדרככם והלכת לאהלך׃

Exodus 18 Cross References - HOT