Ezekiel 45 Cross References HOT

¹ ובהפילכם את הארץ בנחלה תרימו תרומה ליהוה קדשׁ מן הארץ ארך חמשׁה ועשׂרים אלף ארך ורחב עשׂרה אלף קדשׁ הוא בכל גבולה סביב׃² יהיה מזה אל הקדשׁ חמשׁ מאות בחמשׁ מאות מרבע סביב וחמשׁים אמה מגרשׁ לו סביב׃³ ומן המדה הזאת תמוד ארך חמשׁ ועשׂרים אלף ורחב עשׂרת אלפים ובו יהיה המקדשׁ קדשׁ קדשׁים׃⁴ קדשׁ מן הארץ הוא לכהנים משׁרתי המקדשׁ יהיה הקרבים לשׁרת את יהוה והיה להם מקום לבתים ומקדשׁ למקדשׁ׃⁵ וחמשׁה ועשׂרים אלף ארך ועשׂרת אלפים רחב יהיה ללוים משׁרתי הבית להם לאחזה עשׂרים לשׁכת׃⁶ ואחזת העיר תתנו חמשׁת אלפים רחב וארך חמשׁה ועשׂרים אלף לעמת תרומת הקדשׁ לכל בית ישׂראל יהיה׃⁷ ולנשׂיא מזה ומזה לתרומת הקדשׁ ולאחזת העיר אל פני תרומת הקדשׁ ואל פני אחזת העיר מפאת ים ימה ומפאת קדמה קדימה וארך לעמות אחד החלקים מגבול ים אל גבול קדימה׃⁸ לארץ יהיה לו לאחזה בישׂראל ולא יונו עוד נשׂיאי את עמי והארץ יתנו לבית ישׂראל לשׁבטיהם׃⁹ כה אמר אדני יהוה רב לכם נשׂיאי ישׂראל חמס ושׁד הסירו ומשׁפט וצדקה עשׂו הרימו גרשׁתיכם מעל עמי נאם אדני יהוה׃¹⁰ מאזני צדק ואיפת צדק ובת צדק יהי׃¹¹ האיפה והבת תכן אחד יהיה לשׂאת מעשׂר החמר הבת ועשׂירת החמר האיפה אל החמר יהיה מתכנתו׃¹² והשׁקל עשׂרים גרה עשׂרים שׁקלים חמשׁה ועשׂרים שׁקלים עשׂרה וחמשׁה שׁקל המנה יהיה׃¹³ זאת התרומה אשׁר תרימו שׁשׁית האיפה מחמר החטים ושׁשׁיתם האיפה מחמר השׂערים׃¹⁴ וחק השׁמן הבת השׁמן מעשׂר הבת מן הכר עשׂרת הבתים חמר כי עשׂרת הבתים חמר׃¹⁵ ושׂה אחת מן הצאן מן המאתים ממשׁקה ישׂראל למנחה ולעולה ולשׁלמים לכפר עליהם נאם אדני יהוה׃¹⁶ כל העם הארץ יהיו אל התרומה הזאת לנשׂיא בישׂראל׃¹⁷ ועל הנשׂיא יהיה העולות והמנחה והנסך בחגים ובחדשׁים ובשׁבתות בכל מועדי בית ישׂראל הוא יעשׂה את החטאת ואת המנחה ואת העולה ואת השׁלמים לכפר בעד בית ישׂראל׃¹⁸ כה אמר אדני יהוה בראשׁון באחד לחדשׁ תקח פר בן בקר תמים וחטאת את המקדשׁ׃¹⁹ ולקח הכהן מדם החטאת ונתן אל מזוזת הבית ואל ארבע פנות העזרה למזבח ועל מזוזת שׁער החצר הפנימית׃²⁰ וכן תעשׂה בשׁבעה בחדשׁ מאישׁ שׁגה ומפתי וכפרתם את הבית׃²¹ בראשׁון בארבעה עשׂר יום לחדשׁ יהיה לכם הפסח חג שׁבעות ימים מצות יאכל׃²² ועשׂה הנשׂיא ביום ההוא בעדו ובעד כל עם הארץ פר חטאת׃²³ ושׁבעת ימי החג יעשׂה עולה ליהוה שׁבעת פרים ושׁבעת אילים תמימם ליום שׁבעת הימים וחטאת שׂעיר עזים ליום׃²⁴ ומנחה איפה לפר ואיפה לאיל יעשׂה ושׁמן הין לאיפה׃²⁵ בשׁביעי בחמשׁה עשׂר יום לחדשׁ בחג יעשׂה כאלה שׁבעת הימים כחטאת כעלה וכמנחה וכשׁמן׃

Leviticus 25:23

²³ והארץ לא תמכר לצמתת כי לי הארץ כי גרים ותושׁבים אתם עמדי׃

Numbers 34:13

¹³ ויצו משׁה את בני ישׂראל לאמר זאת הארץ אשׁר תתנחלו אתה בגורל אשׁר צוה יהוה לתת לתשׁעת המטות וחצי המטה׃

Joshua 13:6

⁶ כל ישׁבי ההר מן הלבנון עד משׂרפת מים כל צידנים אנכי אורישׁם מפני בני ישׂראל רק הפלה לישׂראל בנחלה כאשׁר צויתיך׃

Joshua 14:2

² בגורל נחלתם כאשׁר צוה יהוה ביד משׁה לתשׁעת המטות וחצי המטה׃

Psalms 16:5-6

⁵ יהוה מנת חלקי וכוסי אתה תומיך גורלי׃⁶ חבלים נפלו לי בנעמים אף נחלת שׁפרה עלי׃

Proverbs 3:9

⁹ כבד את יהוה מהונך ומראשׁית כל תבואתך׃

Ezekiel 45:2-7

² יהיה מזה אל הקדשׁ חמשׁ מאות בחמשׁ מאות מרבע סביב וחמשׁים אמה מגרשׁ לו סביב׃³ ומן המדה הזאת תמוד ארך חמשׁ ועשׂרים אלף ורחב עשׂרת אלפים ובו יהיה המקדשׁ קדשׁ קדשׁים׃⁴ קדשׁ מן הארץ הוא לכהנים משׁרתי המקדשׁ יהיה הקרבים לשׁרת את יהוה והיה להם מקום לבתים ומקדשׁ למקדשׁ׃⁵ וחמשׁה ועשׂרים אלף ארך ועשׂרת אלפים רחב יהיה ללוים משׁרתי הבית להם לאחזה עשׂרים לשׁכת׃⁶ ואחזת העיר תתנו חמשׁת אלפים רחב וארך חמשׁה ועשׂרים אלף לעמת תרומת הקדשׁ לכל בית ישׂראל יהיה׃⁷ ולנשׂיא מזה ומזה לתרומת הקדשׁ ולאחזת העיר אל פני תרומת הקדשׁ ואל פני אחזת העיר מפאת ים ימה ומפאת קדמה קדימה וארך לעמות אחד החלקים מגבול ים אל גבול קדימה׃

Ezekiel 47:21-22

²¹ וחלקתם את הארץ הזאת לכם לשׁבטי ישׂראל׃²² והיה תפלו אותה בנחלה לכם ולהגרים הגרים בתוככם אשׁר הולדו בנים בתוככם והיו לכם כאזרח בבני ישׂראל אתכם יפלו בנחלה בתוך שׁבטי ישׂראל׃

Ezekiel 48:8-23

⁸ ועל גבול יהודה מפאת קדים עד פאת ימה תהיה התרומה אשׁר תרימו חמשׁה ועשׂרים אלף רחב וארך כאחד החלקים מפאת קדימה עד פאת ימה והיה המקדשׁ בתוכו׃⁹ התרומה אשׁר תרימו ליהוה ארך חמשׁה ועשׂרים אלף ורחב עשׂרת אלפים׃¹⁰ ולאלה תהיה תרומת הקדשׁ לכהנים צפונה חמשׁה ועשׂרים אלף וימה רחב עשׂרת אלפים וקדימה רחב עשׂרת אלפים ונגבה ארך חמשׁה ועשׂרים אלף והיה מקדשׁ יהוה בתוכו׃¹¹ לכהנים המקדשׁ מבני צדוק אשׁר שׁמרו משׁמרתי אשׁר לא תעו בתעות בני ישׂראל כאשׁר תעו הלוים׃¹² והיתה להם תרומיה מתרומת הארץ קדשׁ קדשׁים אל גבול הלוים׃¹³ והלוים לעמת גבול הכהנים חמשׁה ועשׂרים אלף ארך ורחב עשׂרת אלפים כל ארך חמשׁה ועשׂרים אלף ורחב עשׂרת אלפים׃¹⁴ ולא ימכרו ממנו ולא ימר ולא יעבור ראשׁית הארץ כי קדשׁ ליהוה׃¹⁵ וחמשׁת אלפים הנותר ברחב על פני חמשׁה ועשׂרים אלף חל הוא לעיר למושׁב ולמגרשׁ והיתה העיר בתוכה׃¹⁶ ואלה מדותיה פאת צפון חמשׁ מאות וארבעת אלפים ופאת נגב חמשׁ חמשׁ מאות וארבעת אלפים ומפאת קדים חמשׁ מאות וארבעת אלפים ופאת ימה חמשׁ מאות וארבעת אלפים׃¹⁷ והיה מגרשׁ לעיר צפונה חמשׁים ומאתים ונגבה חמשׁים ומאתים וקדימה חמשׁים ומאתים וימה חמשׁים ומאתים׃¹⁸ והנותר בארך לעמת תרומת הקדשׁ עשׂרת אלפים קדימה ועשׂרת אלפים ימה והיה לעמת תרומת הקדשׁ והיתה תבואתה ללחם לעבדי העיר׃¹⁹ והעבד העיר יעבדוהו מכל שׁבטי ישׂראל׃²⁰ כל התרומה חמשׁה ועשׂרים אלף בחמשׁה ועשׂרים אלף רביעית תרימו את תרומת הקדשׁ אל אחזת העיר׃²¹ והנותר לנשׂיא מזה ומזה לתרומת הקדשׁ ולאחזת העיר אל פני חמשׁה ועשׂרים אלף תרומה עד גבול קדימה וימה על פני חמשׁה ועשׂרים אלף על גבול ימה לעמת חלקים לנשׂיא והיתה תרומת הקדשׁ ומקדשׁ הבית בתוכה׃²² ומאחזת הלוים ומאחזת העיר בתוך אשׁר לנשׂיא יהיה בין גבול יהודה ובין גבול בנימן לנשׂיא יהיה׃²³ ויתר השׁבטים מפאת קדימה עד פאת ימה בנימן אחד׃

Ezekiel 48:29

²⁹ זאת הארץ אשׁר תפילו מנחלה לשׁבטי ישׂראל ואלה מחלקותם נאם אדני יהוה׃

Zechariah 14:20-21

²⁰ ביום ההוא יהיה על מצלות הסוס קדשׁ ליהוה והיה הסירות בבית יהוה כמזרקים לפני המזבח׃²¹ והיה כל סיר בירושׁלם וביהודה קדשׁ ליהוה צבאות ובאו כל הזבחים ולקחו מהם ובשׁלו בהם ולא יהיה כנעני עוד בבית יהוה צבאות ביום ההוא׃

Ezekiel 27:28

Ezekiel 42:16-20

¹⁶ מדד רוח הקדים בקנה המדה חמשׁ אמות קנים בקנה המדה סביב׃¹⁷ מדד רוח הצפון חמשׁ מאות קנים בקנה המדה סביב׃¹⁸ את רוח הדרום מדד חמשׁ מאות קנים בקנה המדה׃¹⁹ סבב אל רוח הים מדד חמשׁ מאות קנים בקנה המדה׃²⁰ לארבע רוחות מדדו חומה לו סביב סביב ארך חמשׁ מאות ורחב חמשׁ מאות להבדיל בין הקדשׁ לחל׃

Ezekiel 48:10

¹⁰ ולאלה תהיה תרומת הקדשׁ לכהנים צפונה חמשׁה ועשׂרים אלף וימה רחב עשׂרת אלפים וקדימה רחב עשׂרת אלפים ונגבה ארך חמשׁה ועשׂרים אלף והיה מקדשׁ יהוה בתוכו׃

Numbers 16:5

⁵ וידבר אל קרח ואל כל עדתו לאמר בקר וידע יהוה את אשׁר לו ואת הקדושׁ והקריב אליו ואת אשׁר יבחר בו יקריב אליו׃

Ezekiel 40:45

⁴⁵ וידבר אלי זה הלשׁכה אשׁר פניה דרך הדרום לכהנים שׁמרי משׁמרת הבית׃

Ezekiel 43:19

¹⁹ ונתתה אל הכהנים הלוים אשׁר הם מזרע צדוק הקרבים אלי נאם אדני יהוה לשׁרתני פר בן בקר לחטאת׃

Ezekiel 44:13-14

¹³ ולא יגשׁו אלי לכהן לי ולגשׁת על כל קדשׁי אל קדשׁי הקדשׁים ונשׂאו כלמתם ותועבותם אשׁר עשׂו׃¹⁴ ונתתי אותם שׁמרי משׁמרת הבית לכל עבדתו ולכל אשׁר יעשׂה׃

Ezekiel 44:28

²⁸ והיתה להם לנחלה אני נחלתם ואחזה לא תתנו להם בישׂראל אני אחזתם׃

Ezekiel 45:1

¹ ובהפילכם את הארץ בנחלה תרימו תרומה ליהוה קדשׁ מן הארץ ארך חמשׁה ועשׂרים אלף ארך ורחב עשׂרה אלף קדשׁ הוא בכל גבולה סביב׃

Ezekiel 48:10-11

¹⁰ ולאלה תהיה תרומת הקדשׁ לכהנים צפונה חמשׁה ועשׂרים אלף וימה רחב עשׂרת אלפים וקדימה רחב עשׂרת אלפים ונגבה ארך חמשׁה ועשׂרים אלף והיה מקדשׁ יהוה בתוכו׃¹¹ לכהנים המקדשׁ מבני צדוק אשׁר שׁמרו משׁמרתי אשׁר לא תעו בתעות בני ישׂראל כאשׁר תעו הלוים׃

1 Chronicles 9:26-33

²⁶ כי באמונה המה ארבעת גברי השׁערים הם הלוים והיו על הלשׁכות ועל האצרות בית האלהים׃²⁷ וסביבות בית האלהים ילינו כי עליהם משׁמרת והם על המפתח ולבקר לבקר׃²⁸ ומהם על כלי העבודה כי במספר יביאום ובמספר יוציאום׃²⁹ ומהם ממנים על הכלים ועל כל כלי הקדשׁ ועל הסלת והיין והשׁמן והלבונה והבשׂמים׃³⁰ ומן בני הכהנים רקחי המרקחת לבשׂמים׃³¹ ומתתיה מן הלוים הוא הבכור לשׁלם הקרחי באמונה על מעשׂה החבתים׃³² ומן בני הקהתי מן אחיהם על לחם המערכת להכין שׁבת שׁבת׃³³ ואלה המשׁררים ראשׁי אבות ללוים בלשׁכת פטירים כי יומם ולילה עליהם במלאכה׃

Nehemiah 10:38-39

³⁸ (10:39) והיה הכהן בן אהרן עם הלוים בעשׂר הלוים והלוים יעלו את מעשׂר המעשׂר לבית אלהינו אל הלשׁכות לבית האוצר׃³⁹ (10:40) כי אל הלשׁכות יביאו בני ישׂראל ובני הלוי את תרומת הדגן התירושׁ והיצהר ושׁם כלי המקדשׁ והכהנים המשׁרתים והשׁוערים והמשׁררים ולא נעזב את בית אלהינו׃

Ezekiel 40:17

¹⁷ ויביאני אל החצר החיצונה והנה לשׁכות ורצפה עשׂוי לחצר סביב סביב שׁלשׁים לשׁכות אל הרצפה׃

Ezekiel 48:13

¹³ והלוים לעמת גבול הכהנים חמשׁה ועשׂרים אלף ארך ורחב עשׂרת אלפים כל ארך חמשׁה ועשׂרים אלף ורחב עשׂרת אלפים׃

Ezekiel 48:20

²⁰ כל התרומה חמשׁה ועשׂרים אלף בחמשׁה ועשׂרים אלף רביעית תרימו את תרומת הקדשׁ אל אחזת העיר׃

Ezekiel 48:15-18

¹⁵ וחמשׁת אלפים הנותר ברחב על פני חמשׁה ועשׂרים אלף חל הוא לעיר למושׁב ולמגרשׁ והיתה העיר בתוכה׃¹⁶ ואלה מדותיה פאת צפון חמשׁ מאות וארבעת אלפים ופאת נגב חמשׁ חמשׁ מאות וארבעת אלפים ומפאת קדים חמשׁ מאות וארבעת אלפים ופאת ימה חמשׁ מאות וארבעת אלפים׃¹⁷ והיה מגרשׁ לעיר צפונה חמשׁים ומאתים ונגבה חמשׁים ומאתים וקדימה חמשׁים ומאתים וימה חמשׁים ומאתים׃¹⁸ והנותר בארך לעמת תרומת הקדשׁ עשׂרת אלפים קדימה ועשׂרת אלפים ימה והיה לעמת תרומת הקדשׁ והיתה תבואתה ללחם לעבדי העיר׃

Ezekiel 48:30-35

³⁰ ואלה תוצאת העיר מפאת צפון חמשׁ מאות וארבעת אלפים מדה׃³¹ ושׁערי העיר על שׁמות שׁבטי ישׂראל שׁערים שׁלושׁה צפונה שׁער ראובן אחד שׁער יהודה אחד שׁער לוי אחד׃³² ואל פאת קדימה חמשׁ מאות וארבעת אלפים ושׁערים שׁלשׁה ושׁער יוסף אחד שׁער בנימן אחד שׁער דן אחד׃³³ ופאת נגבה חמשׁ מאות וארבעת אלפים מדה ושׁערים שׁלשׁה שׁער שׁמעון אחד שׁער ישׂשכר אחד שׁער זבולן אחד׃³⁴ פאת ימה חמשׁ מאות וארבעת אלפים שׁעריהם שׁלשׁה שׁער גד אחד שׁער אשׁר אחד שׁער נפתלי אחד׃³⁵ סביב שׁמנה עשׂר אלף ושׁם העיר מיום יהוה שׁמה׃

Psalms 2:8-9

⁸ שׁאל ממני ואתנה גוים נחלתך ואחזתך אפסי ארץ׃⁹ תרעם בשׁבט ברזל ככלי יוצר תנפצם׃

Isaiah 9:5-6

⁵ (9:4) כי כל סאון סאן ברעשׁ ושׂמלה מגוללה בדמים והיתה לשׂרפה מאכלת אשׁ׃⁶ (9:5) כי ילד ילד לנו בן נתן לנו ותהי המשׂרה על שׁכמו ויקרא שׁמו פלא יועץ אל גבור אביעד שׂר שׁלום׃

Ezekiel 34:24

²⁴ ואני יהוה אהיה להם לאלהים ועבדי דוד נשׂיא בתוכם אני יהוה דברתי׃

Ezekiel 37:24

²⁴ ועבדי דוד מלך עליהם ורועה אחד יהיה לכלם ובמשׁפטי ילכו וחקתי ישׁמרו ועשׂו אותם׃

Ezekiel 46:16-18

¹⁶ כה אמר אדני יהוה כי יתן הנשׂיא מתנה לאישׁ מבניו נחלתו היא לבניו תהיה אחזתם היא בנחלה׃¹⁷ וכי יתן מתנה מנחלתו לאחד מעבדיו והיתה לו עד שׁנת הדרור ושׁבת לנשׂיא אך נחלתו בניו להם תהיה׃¹⁸ ולא יקח הנשׂיא מנחלת העם להונתם מאחזתם מאחזתו ינחל את בניו למען אשׁר לא יפצו עמי אישׁ מאחזתו׃

Ezekiel 48:21

²¹ והנותר לנשׂיא מזה ומזה לתרומת הקדשׁ ולאחזת העיר אל פני חמשׁה ועשׂרים אלף תרומה עד גבול קדימה וימה על פני חמשׁה ועשׂרים אלף על גבול ימה לעמת חלקים לנשׂיא והיתה תרומת הקדשׁ ומקדשׁ הבית בתוכה׃

Joshua 11:23

²³ ויקח יהושׁע את כל הארץ ככל אשׁר דבר יהוה אל משׁה ויתנה יהושׁע לנחלה לישׂראל כמחלקתם לשׁבטיהם והארץ שׁקטה ממלחמה׃

Proverbs 28:16

¹⁶ נגיד חסר תבונות ורב מעשׁקות שׂנאי בצע יאריך ימים׃

Isaiah 11:3-5

³ והריחו ביראת יהוה ולא למראה עיניו ישׁפוט ולא למשׁמע אזניו יוכיח׃⁴ ושׁפט בצדק דלים והוכיח במישׁור לענוי ארץ והכה ארץ בשׁבט פיו וברוח שׂפתיו ימית רשׁע׃⁵ והיה צדק אזור מתניו והאמונה אזור חלציו׃

Isaiah 32:1-2

¹ הן לצדק ימלך מלך ולשׂרים למשׁפט ישׂרו׃² והיה אישׁ כמחבא רוח וסתר זרם כפלגי מים בציון כצל סלע כבד בארץ עיפה׃

Isaiah 60:17-18

¹⁷ תחת הנחשׁת אביא זהב ותחת הברזל אביא כסף ותחת העצים נחשׁת ותחת האבנים ברזל ושׂמתי פקדתך שׁלום ונגשׂיך צדקה׃¹⁸ לא ישׁמע עוד חמס בארצך שׁד ושׁבר בגבוליך וקראת ישׁועה חומתיך ושׁעריך תהלה׃

Jeremiah 22:17

¹⁷ כי אין עיניך ולבך כי אם על בצעך ועל דם הנקי לשׁפוך ועל העשׁק ועל המרוצה לעשׂות׃

Jeremiah 23:5

⁵ הנה ימים באים נאם יהוה והקמתי לדוד צמח צדיק ומלך מלך והשׂכיל ועשׂה משׁפט וצדקה בארץ׃

Ezekiel 19:3

³ ותעל אחד מגריה כפיר היה וילמד לטרף טרף אדם אכל׃

Ezekiel 19:7

⁷ וידע אלמנותיו ועריהם החריב ותשׁם ארץ ומלאה מקול שׁאגתו׃

Ezekiel 22:27

²⁷ שׂריה בקרבה כזאבים טרפי טרף לשׁפך דם לאבד נפשׁות למען בצע בצע׃

Ezekiel 46:18

¹⁸ ולא יקח הנשׂיא מנחלת העם להונתם מאחזתם מאחזתו ינחל את בניו למען אשׁר לא יפצו עמי אישׁ מאחזתו׃

Micah 3:1-4

¹ ואמר שׁמעו נא ראשׁי יעקב וקציני בית ישׂראל הלוא לכם לדעת את המשׁפט׃² שׂנאי טוב ואהבי רעה גזלי עורם מעליהם ושׁארם מעל עצמותם׃³ ואשׁר אכלו שׁאר עמי ועורם מעליהם הפשׁיטו ואת עצמתיהם פצחו ופרשׂו כאשׁר בסיר וכבשׂר בתוך קלחת׃⁴ אז יזעקו אל יהוה ולא יענה אותם ויסתר פניו מהם בעת ההיא כאשׁר הרעו מעלליהם׃

Zephaniah 3:13

¹³ שׁארית ישׂראל לא יעשׂו עולה ולא ידברו כזב ולא ימצא בפיהם לשׁון תרמית כי המה ירעו ורבצו ואין מחריד׃

Nehemiah 5:1-13

¹ ותהי צעקת העם ונשׁיהם גדולה אל אחיהם היהודים׃² וישׁ אשׁר אמרים בנינו ובנתינו אנחנו רבים ונקחה דגן ונאכלה ונחיה׃³ וישׁ אשׁר אמרים שׂדתינו וכרמינו ובתינו אנחנו ערבים ונקחה דגן ברעב׃⁴ וישׁ אשׁר אמרים לוינו כסף למדת המלך שׂדתינו וכרמינו׃⁵ ועתה כבשׂר אחינו בשׂרנו כבניהם בנינו והנה אנחנו כבשׁים את בנינו ואת בנתינו לעבדים וישׁ מבנתינו נכבשׁות ואין לאל ידנו ושׂדתינו וכרמינו לאחרים׃⁶ ויחר לי מאד כאשׁר שׁמעתי את זעקתם ואת הדברים האלה׃⁷ וימלך לבי עלי ואריבה את החרים ואת הסגנים ואמרה להם משׁא אישׁ באחיו אתם נשׁאים ואתן עליהם קהלה גדולה׃⁸ ואמרה להם אנחנו קנינו את אחינו היהודים הנמכרים לגוים כדי בנו וגם אתם תמכרו את אחיכם ונמכרו לנו ויחרישׁו ולא מצאו דבר׃⁹ ויאמר לא טוב הדבר אשׁר אתם עשׂים הלוא ביראת אלהינו תלכו מחרפת הגוים אויבינו׃¹⁰ וגם אני אחי ונערי נשׁים בהם כסף ודגן נעזבה נא את המשׁא הזה׃¹¹ השׁיבו נא להם כהיום שׂדתיהם כרמיהם זיתיהם ובתיהם ומאת הכסף והדגן התירושׁ והיצהר אשׁר אתם נשׁים׃¹² ויאמרו נשׁיב ומהם לא נבקשׁ כן נעשׂה כאשׁר אתה אומר ואקרא את הכהנים ואשׁביעם לעשׂות כדבר הזה׃¹³ גם חצני נערתי ואמרה ככה ינער האלהים את כל האישׁ אשׁר לא יקים את הדבר הזה מביתו ומיגיעו וככה יהיה נעור ורק ויאמרו כל הקהל אמן ויהללו את יהוה ויעשׂ העם כדבר הזה׃

Job 20:19

Job 22:9

⁹ אלמנות שׁלחת ריקם וזרעות יתמים ידכא׃

Job 24:2-12

² גבלות ישׂיגו עדר גזלו וירעו׃³ חמור יתומים ינהגו יחבלו שׁור אלמנה׃⁴ יטו אביונים מדרך יחד חבאו עניי ארץ׃⁵ הן פראים במדבר יצאו בפעלם משׁחרי לטרף ערבה לו לחם לנערים׃⁶ בשׂדה בלילו יקצירו וכרם רשׁע ילקשׁו׃⁷ ערום ילינו מבלי לבושׁ ואין כסות בקרה׃⁸ מזרם הרים ירטבו ומבלי מחסה חבקו צור׃⁹ יגזלו משׁד יתום ועל עני יחבלו׃¹⁰ ערום הלכו בלי לבושׁ ורעבים נשׂאו עמר׃¹¹ בין שׁורתם יצהירו יקבים דרכו ויצמאו׃¹² מעיר מתים ינאקו ונפשׁ חללים תשׁוע ואלוה לא ישׂים תפלה׃

Psalms 82:2-5

² עד מתי תשׁפטו עול ופני רשׁעים תשׂאו סלה׃³ שׁפטו דל ויתום עני ורשׁ הצדיקו׃⁴ פלטו דל ואביון מיד רשׁעים הצילו׃⁵ לא ידעו ולא יבינו בחשׁכה יתהלכו ימוטו כל מוסדי ארץ׃

Isaiah 1:17

¹⁷ למדו היטב דרשׁו משׁפט אשׁרו חמוץ שׁפטו יתום ריבו אלמנה׃

Jeremiah 22:3

³ כה אמר יהוה עשׂו משׁפט וצדקה והצילו גזול מיד עשׁוק וגר יתום ואלמנה אל תנו אל תחמסו ודם נקי אל תשׁפכו במקום הזה׃

Ezekiel 43:14-16

¹⁴ ומחיק הארץ עד העזרה התחתונה שׁתים אמות ורחב אמה אחת ומהעזרה הקטנה עד העזרה הגדולה ארבע אמות ורחב האמה׃¹⁵ וההראל ארבע אמות ומהאראיל ולמעלה הקרנות ארבע׃¹⁶ והאראיל שׁתים עשׂרה ארך בשׁתים עשׂרה רחב רבוע אל ארבעת רבעיו׃

Ezekiel 44:6

⁶ ואמרת אל מרי אל בית ישׂראל כה אמר אדני יהוה רב לכם מכל תועבותיכם בית ישׂראל׃

Micah 2:1-2

¹ הוי חשׁבי און ופעלי רע על משׁכבותם באור הבקר יעשׂוה כי ישׁ לאל ידם׃² וחמדו שׂדות וגזלו ובתים ונשׂאו ועשׁקו גבר וביתו ואישׁ ונחלתו׃

Micah 2:9

⁹ נשׁי עמי תגרשׁון מבית תענגיה מעל עלליה תקחו הדרי לעולם׃

Zechariah 8:16

¹⁶ אלה הדברים אשׁר תעשׂו דברו אמת אישׁ את רעהו אמת ומשׁפט שׁלום שׁפטו בשׁעריכם׃

Leviticus 19:35-36

³⁵ לא תעשׂו עול במשׁפט במדה במשׁקל ובמשׂורה׃³⁶ מאזני צדק אבני צדק איפת צדק והין צדק יהיה לכם אני יהוה אלהיכם אשׁר הוצאתי אתכם מארץ מצרים׃

Deuteronomy 25:15

¹⁵ אבן שׁלמה וצדק יהיה לך איפה שׁלמה וצדק יהיה לך למען יאריכו ימיך על האדמה אשׁר יהוה אלהיך נתן׃

Proverbs 11:1

¹ מאזני מרמה תועבת יהוה ואבן שׁלמה רצונו׃

Proverbs 16:11

¹¹ פלס ומאזני משׁפט ליהוה מעשׂהו כל אבני כיס׃

Proverbs 20:10

¹⁰ אבן ואבן איפה ואיפה תועבת יהוה גם שׁניהם׃

Proverbs 21:3

Isaiah 5:10

¹⁰ כי עשׂרת צמדי כרם יעשׂו בת אחת וזרע חמר יעשׂה איפה׃

Amos 8:4-6

⁴ שׁמעו זאת השׁאפים אביון ולשׁבית ענוי ארץ׃⁵ לאמר מתי יעבר החדשׁ ונשׁבירה שׁבר והשׁבת ונפתחה בר להקטין איפה ולהגדיל שׁקל ולעות מאזני מרמה׃⁶ לקנות בכסף דלים ואביון בעבור נעלים ומפל בר נשׁביר׃

Micah 6:10-11

¹⁰ עוד האשׁ בית רשׁע אצרות רשׁע ואיפת רזון זעומה׃¹¹ האזכה במאזני רשׁע ובכיס אבני מרמה׃

Exodus 30:13

¹³ זה יתנו כל העבר על הפקדים מחצית השׁקל בשׁקל הקדשׁ עשׂרים גרה השׁקל מחצית השׁקל תרומה ליהוה׃

Leviticus 27:25

²⁵ וכל ערכך יהיה בשׁקל הקדשׁ עשׂרים גרה יהיה השׁקל׃

Numbers 3:47

⁴⁷ ולקחת חמשׁת חמשׁת שׁקלים לגלגלת בשׁקל הקדשׁ תקח עשׂרים גרה השׁקל׃

Leviticus 1:4

⁴ וסמך ידו על ראשׁ העלה ונרצה לו לכפר עליו׃

Leviticus 6:30

³⁰ (6:23) וכל חטאת אשׁר יובא מדמה אל אהל מועד לכפר בקדשׁ לא תאכל באשׁ תשׂרף׃

Proverbs 3:9-10

⁹ כבד את יהוה מהונך ומראשׁית כל תבואתך׃¹⁰ וימלאו אסמיך שׂבע ותירושׁ יקביך יפרצו׃

Daniel 9:24

²⁴ שׁבעים שׁבעים נחתך על עמך ועל עיר קדשׁך לכלא הפשׁע ולחתם חטאות ולכפר עון ולהביא צדק עלמים ולחתם חזון ונביא ולמשׁח קדשׁ קדשׁים׃

Malachi 1:8

⁸ וכי תגשׁון עור לזבח אין רע וכי תגישׁו פסח וחלה אין רע הקריבהו נא לפחתך הירצך או הישׂא פניך אמר יהוה צבאות׃

Malachi 1:14

¹⁴ וארור נוכל וישׁ בעדרו זכר ונדר וזבח משׁחת לאדני כי מלך גדול אני אמר יהוה צבאות ושׁמי נורא בגוים׃

Exodus 30:14-15

¹⁴ כל העבר על הפקדים מבן עשׂרים שׁנה ומעלה יתן תרומת יהוה׃¹⁵ העשׁיר לא ירבה והדל לא ימעיט ממחצית השׁקל לתת את תרומת יהוה לכפר על נפשׁתיכם׃

Isaiah 16:1

¹ שׁלחו כר משׁל ארץ מסלע מדברה אל הר בת ציון׃

Leviticus 23:1-44

¹ וידבר יהוה אל משׁה לאמר׃² דבר אל בני ישׂראל ואמרת אלהם מועדי יהוה אשׁר תקראו אתם מקראי קדשׁ אלה הם מועדי׃³ שׁשׁת ימים תעשׂה מלאכה וביום השׁביעי שׁבת שׁבתון מקרא קדשׁ כל מלאכה לא תעשׂו שׁבת הוא ליהוה בכל מושׁבתיכם׃⁴ אלה מועדי יהוה מקראי קדשׁ אשׁר תקראו אתם במועדם׃⁵ בחדשׁ הראשׁון בארבעה עשׂר לחדשׁ בין הערבים פסח ליהוה׃⁶ ובחמשׁה עשׂר יום לחדשׁ הזה חג המצות ליהוה שׁבעת ימים מצות תאכלו׃⁷ ביום הראשׁון מקרא קדשׁ יהיה לכם כל מלאכת עבדה לא תעשׂו׃⁸ והקרבתם אשׁה ליהוה שׁבעת ימים ביום השׁביעי מקרא קדשׁ כל מלאכת עבדה לא תעשׂו׃⁹ וידבר יהוה אל משׁה לאמר׃¹⁰ דבר אל בני ישׂראל ואמרת אלהם כי תבאו אל הארץ אשׁר אני נתן לכם וקצרתם את קצירה והבאתם את עמר ראשׁית קצירכם אל הכהן׃¹¹ והניף את העמר לפני יהוה לרצנכם ממחרת השׁבת יניפנו הכהן׃¹² ועשׂיתם ביום הניפכם את העמר כבשׂ תמים בן שׁנתו לעלה ליהוה׃¹³ ומנחתו שׁני עשׂרנים סלת בלולה בשׁמן אשׁה ליהוה ריח ניחח ונסכה יין רביעת ההין׃¹⁴ ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משׁבתיכם׃¹⁵ וספרתם לכם ממחרת השׁבת מיום הביאכם את עמר התנופה שׁבע שׁבתות תמימת תהיינה׃¹⁶ עד ממחרת השׁבת השׁביעת תספרו חמשׁים יום והקרבתם מנחה חדשׁה ליהוה׃¹⁷ ממושׁבתיכם תביאו לחם תנופה שׁתים שׁני עשׂרנים סלת תהיינה חמץ תאפינה בכורים ליהוה׃¹⁸ והקרבתם על הלחם שׁבעת כבשׂים תמימם בני שׁנה ופר בן בקר אחד ואילם שׁנים יהיו עלה ליהוה ומנחתם ונסכיהם אשׁה ריח ניחח ליהוה׃¹⁹ ועשׂיתם שׂעיר עזים אחד לחטאת ושׁני כבשׂים בני שׁנה לזבח שׁלמים׃²⁰ והניף הכהן אתם על לחם הבכרים תנופה לפני יהוה על שׁני כבשׂים קדשׁ יהיו ליהוה לכהן׃²¹ וקראתם בעצם היום הזה מקרא קדשׁ יהיה לכם כל מלאכת עבדה לא תעשׂו חקת עולם בכל מושׁבתיכם לדרתיכם׃²² ובקצרכם את קציר ארצכם לא תכלה פאת שׂדך בקצרך ולקט קצירך לא תלקט לעני ולגר תעזב אתם אני יהוה אלהיכם׃²³ וידבר יהוה אל משׁה לאמר׃²⁴ דבר אל בני ישׂראל לאמר בחדשׁ השׁביעי באחד לחדשׁ יהיה לכם שׁבתון זכרון תרועה מקרא קדשׁ׃²⁵ כל מלאכת עבדה לא תעשׂו והקרבתם אשׁה ליהוה׃²⁶ וידבר יהוה אל משׁה לאמר׃²⁷ אך בעשׂור לחדשׁ השׁביעי הזה יום הכפרים הוא מקרא קדשׁ יהיה לכם ועניתם את נפשׁתיכם והקרבתם אשׁה ליהוה׃²⁸ וכל מלאכה לא תעשׂו בעצם היום הזה כי יום כפרים הוא לכפר עליכם לפני יהוה אלהיכם׃²⁹ כי כל הנפשׁ אשׁר לא תענה בעצם היום הזה ונכרתה מעמיה׃³⁰ וכל הנפשׁ אשׁר תעשׂה כל מלאכה בעצם היום הזה והאבדתי את הנפשׁ ההוא מקרב עמה׃³¹ כל מלאכה לא תעשׂו חקת עולם לדרתיכם בכל משׁבתיכם׃³² שׁבת שׁבתון הוא לכם ועניתם את נפשׁתיכם בתשׁעה לחדשׁ בערב מערב עד ערב תשׁבתו שׁבתכם׃³³ וידבר יהוה אל משׁה לאמר׃³⁴ דבר אל בני ישׂראל לאמר בחמשׁה עשׂר יום לחדשׁ השׁביעי הזה חג הסכות שׁבעת ימים ליהוה׃³⁵ ביום הראשׁון מקרא קדשׁ כל מלאכת עבדה לא תעשׂו׃³⁶ שׁבעת ימים תקריבו אשׁה ליהוה ביום השׁמיני מקרא קדשׁ יהיה לכם והקרבתם אשׁה ליהוה עצרת הוא כל מלאכת עבדה לא תעשׂו׃³⁷ אלה מועדי יהוה אשׁר תקראו אתם מקראי קדשׁ להקריב אשׁה ליהוה עלה ומנחה זבח ונסכים דבר יום ביומו׃³⁸ מלבד שׁבתת יהוה ומלבד מתנותיכם ומלבד כל נדריכם ומלבד כל נדבתיכם אשׁר תתנו ליהוה׃³⁹ אך בחמשׁה עשׂר יום לחדשׁ השׁביעי באספכם את תבואת הארץ תחגו את חג יהוה שׁבעת ימים ביום הראשׁון שׁבתון וביום השׁמיני שׁבתון׃⁴⁰ ולקחתם לכם ביום הראשׁון פרי עץ הדר כפת תמרים וענף עץ עבת וערבי נחל ושׂמחתם לפני יהוה אלהיכם שׁבעת ימים׃⁴¹ וחגתם אתו חג ליהוה שׁבעת ימים בשׁנה חקת עולם לדרתיכם בחדשׁ השׁביעי תחגו אתו׃⁴² בסכת תשׁבו שׁבעת ימים כל האזרח בישׂראל ישׁבו בסכת׃⁴³ למען ידעו דרתיכם כי בסכות הושׁבתי את בני ישׂראל בהוציאי אותם מארץ מצרים אני יהוה אלהיכם׃⁴⁴ וידבר משׁה את מעדי יהוה אל בני ישׂראל׃

Numbers 28:1-29

¹ וידבר יהוה אל משׁה לאמר׃² צו את בני ישׂראל ואמרת אלהם את קרבני לחמי לאשׁי ריח ניחחי תשׁמרו להקריב לי במועדו׃³ ואמרת להם זה האשׁה אשׁר תקריבו ליהוה כבשׂים בני שׁנה תמימם שׁנים ליום עלה תמיד׃⁴ את הכבשׂ אחד תעשׂה בבקר ואת הכבשׂ השׁני תעשׂה בין הערבים׃⁵ ועשׂירית האיפה סלת למנחה בלולה בשׁמן כתית רביעת ההין׃⁶ עלת תמיד העשׂיה בהר סיני לריח ניחח אשׁה ליהוה׃⁷ ונסכו רביעת ההין לכבשׂ האחד בקדשׁ הסך נסך שׁכר ליהוה׃⁸ ואת הכבשׂ השׁני תעשׂה בין הערבים כמנחת הבקר וכנסכו תעשׂה אשׁה ריח ניחח ליהוה׃⁹ וביום השׁבת שׁני כבשׂים בני שׁנה תמימם ושׁני עשׂרנים סלת מנחה בלולה בשׁמן ונסכו׃¹⁰ עלת שׁבת בשׁבתו על עלת התמיד ונסכה׃¹¹ ובראשׁי חדשׁיכם תקריבו עלה ליהוה פרים בני בקר שׁנים ואיל אחד כבשׂים בני שׁנה שׁבעה תמימם׃¹² ושׁלשׁה עשׂרנים סלת מנחה בלולה בשׁמן לפר האחד ושׁני עשׂרנים סלת מנחה בלולה בשׁמן לאיל האחד׃¹³ ועשׂרן עשׂרון סלת מנחה בלולה בשׁמן לכבשׂ האחד עלה ריח ניחח אשׁה ליהוה׃¹⁴ ונסכיהם חצי ההין יהיה לפר ושׁלישׁת ההין לאיל ורביעת ההין לכבשׂ יין זאת עלת חדשׁ בחדשׁו לחדשׁי השׁנה׃¹⁵ ושׂעיר עזים אחד לחטאת ליהוה על עלת התמיד יעשׂה ונסכו׃¹⁶ ובחדשׁ הראשׁון בארבעה עשׂר יום לחדשׁ פסח ליהוה׃¹⁷ ובחמשׁה עשׂר יום לחדשׁ הזה חג שׁבעת ימים מצות יאכל׃¹⁸ ביום הראשׁון מקרא קדשׁ כל מלאכת עבדה לא תעשׂו׃¹⁹ והקרבתם אשׁה עלה ליהוה פרים בני בקר שׁנים ואיל אחד ושׁבעה כבשׂים בני שׁנה תמימם יהיו׃²⁰ ומנחתם סלת בלולה בשׁמן שׁלשׁה עשׂרנים לפר ושׁני עשׂרנים לאיל תעשׂו׃²¹ עשׂרון עשׂרון תעשׂה לכבשׂ האחד לשׁבעת הכבשׂים׃²² ושׂעיר חטאת אחד לכפר עליכם׃²³ מלבד עלת הבקר אשׁר לעלת התמיד תעשׂו את אלה׃²⁴ כאלה תעשׂו ליום שׁבעת ימים לחם אשׁה ריח ניחח ליהוה על עולת התמיד יעשׂה ונסכו׃²⁵ וביום השׁביעי מקרא קדשׁ יהיה לכם כל מלאכת עבדה לא תעשׂו׃²⁶ וביום הבכורים בהקריבכם מנחה חדשׁה ליהוה בשׁבעתיכם מקרא קדשׁ יהיה לכם כל מלאכת עבדה לא תעשׂו׃²⁷ והקרבתם עולה לריח ניחח ליהוה פרים בני בקר שׁנים איל אחד שׁבעה כבשׂים בני שׁנה׃²⁸ ומנחתם סלת בלולה בשׁמן שׁלשׁה עשׂרנים לפר האחד שׁני עשׂרנים לאיל האחד׃²⁹ עשׂרון עשׂרון לכבשׂ האחד לשׁבעת הכבשׂים׃

2 Samuel 6:19

¹⁹ ויחלק לכל העם לכל המון ישׂראל למאישׁ ועד אשׁה לאישׁ חלת לחם אחת ואשׁפר אחד ואשׁישׁה אחת וילך כל העם אישׁ לביתו׃

1 Kings 8:63-64

⁶³ ויזבח שׁלמה את זבח השׁלמים אשׁר זבח ליהוה בקר עשׂרים ושׁנים אלף וצאן מאה ועשׂרים אלף ויחנכו את בית יהוה המלך וכל בני ישׂראל׃⁶⁴ ביום ההוא קדשׁ המלך את תוך החצר אשׁר לפני בית יהוה כי עשׂה שׁם את העלה ואת המנחה ואת חלבי השׁלמים כי מזבח הנחשׁת אשׁר לפני יהוה קטן מהכיל את העלה ואת המנחה ואת חלבי השׁלמים׃

1 Chronicles 16:2-3

² ויכל דויד מהעלות העלה והשׁלמים ויברך את העם בשׁם יהוה׃³ ויחלק לכל אישׁ ישׂראל מאישׁ ועד אשׁה לאישׁ ככר לחם ואשׁפר ואשׁישׁה׃

1 Chronicles 29:3-9

³ ועוד ברצותי בבית אלהי ישׁ לי סגלה זהב וכסף נתתי לבית אלהי למעלה מכל הכינותי לבית הקדשׁ׃⁴ שׁלשׁת אלפים ככרי זהב מזהב אופיר ושׁבעת אלפים ככר כסף מזקק לטוח קירות הבתים׃⁵ לזהב לזהב ולכסף לכסף ולכל מלאכה ביד חרשׁים ומי מתנדב למלאות ידו היום ליהוה׃⁶ ויתנדבו שׂרי האבות ושׂרי שׁבטי ישׂראל ושׂרי האלפים והמאות ולשׂרי מלאכת המלך׃⁷ ויתנו לעבודת בית האלהים זהב ככרים חמשׁת אלפים ואדרכנים רבו וכסף ככרים עשׂרת אלפים ונחשׁת רבו ושׁמונת אלפים ככרים וברזל מאה אלף ככרים׃⁸ והנמצא אתו אבנים נתנו לאוצר בית יהוה על יד יחיאל הגרשׁני׃⁹ וישׂמחו העם על התנדבם כי בלב שׁלם התנדבו ליהוה וגם דויד המלך שׂמח שׂמחה גדולה׃

2 Chronicles 5:6

⁶ והמלך שׁלמה וכל עדת ישׂראל הנועדים עליו לפני הארון מזבחים צאן ובקר אשׁר לא יספרו ולא ימנו מרב׃

2 Chronicles 7:4-5

⁴ והמלך וכל העם זבחים זבח לפני יהוה׃⁵ ויזבח המלך שׁלמה את זבח הבקר עשׂרים ושׁנים אלף וצאן מאה ועשׂרים אלף ויחנכו את בית האלהים המלך וכל העם׃

2 Chronicles 8:12-13

¹² אז העלה שׁלמה עלות ליהוה על מזבח יהוה אשׁר בנה לפני האולם׃¹³ ובדבר יום ביום להעלות כמצות משׁה לשׁבתות ולחדשׁים ולמועדות שׁלושׁ פעמים בשׁנה בחג המצות ובחג השׁבעות ובחג הסכות׃

2 Chronicles 30:24

²⁴ כי חזקיהו מלך יהודה הרים לקהל אלף פרים ושׁבעת אלפים צאן והשׂרים הרימו לקהל פרים אלף וצאן עשׂרת אלפים ויתקדשׁו כהנים לרב׃

2 Chronicles 31:3

³ ומנת המלך מן רכושׁו לעלות לעלות הבקר והערב והעלות לשׁבתות ולחדשׁים ולמעדים ככתוב בתורת יהוה׃

2 Chronicles 35:7-8

⁷ וירם יאשׁיהו לבני העם צאן כבשׂים ובני עזים הכל לפסחים לכל הנמצא למספר שׁלשׁים אלף ובקר שׁלשׁת אלפים אלה מרכושׁ המלך׃⁸ ושׂריו לנדבה לעם לכהנים וללוים הרימו חלקיה וזכריהו ויחיאל נגידי בית האלהים לכהנים נתנו לפסחים אלפים ושׁשׁ מאות ובקר שׁלשׁ מאות׃

Ezra 1:5

⁵ ויקומו ראשׁי האבות ליהודה ובנימן והכהנים והלוים לכל העיר האלהים את רוחו לעלות לבנות את בית יהוה אשׁר בירושׁלם׃

Ezra 6:8-9

⁸ ומני שׂים טעם למא די תעבדון עם שׂבי יהודיא אלך למבנא בית אלהא דך ומנכסי מלכא די מדת עבר נהרה אספרנא נפקתא תהוא מתיהבא לגבריא אלך די לא לבטלא׃⁹ ומה חשׁחן ובני תורין ודכרין ואמרין לעלון לאלה שׁמיא חנטין מלח חמר ומשׁח כמאמר כהניא די בירושׁלם להוא מתיהב להם יום ביום די לא שׁלו׃

Psalms 22:15-26

¹⁵ (22:16) יבשׁ כחרשׂ כחי ולשׁוני מדבק מלקוחי ולעפר מות תשׁפתני׃¹⁶ (22:17) כי סבבוני כלבים עדת מרעים הקיפוני כארי ידי ורגלי׃¹⁷ (22:18) אספר כל עצמותי המה יביטו יראו׃¹⁸ (22:19) יחלקו בגדי להם ועל לבושׁי יפילו גורל׃¹⁹ (22:20) ואתה יהוה אל תרחק אילותי לעזרתי חושׁה׃²⁰ (22:21) הצילה מחרב נפשׁי מיד כלב יחידתי׃²¹ (22:22) הושׁיעני מפי אריה ומקרני רמים עניתני׃²² (22:23) אספרה שׁמך לאחי בתוך קהל אהללך׃²³ (22:24) יראי יהוה הללוהו כל זרע יעקב כבדוהו וגורו ממנו כל זרע ישׂראל׃²⁴ (22:25) כי לא בזה ולא שׁקץ ענות עני ולא הסתיר פניו ממנו ובשׁועו אליו שׁמע׃²⁵ (22:26) מאתך תהלתי בקהל רב נדרי אשׁלם נגד יראיו׃²⁶ (22:27) יאכלו ענוים וישׂבעו יהללו יהוה דרשׁיו יחי לבבכם לעד׃

Psalms 22:29

²⁹ (22:30) אכלו וישׁתחוו כל דשׁני ארץ לפניו יכרעו כל יורדי עפר ונפשׁו לא חיה׃

Psalms 68:18

¹⁸ (68:19) עלית למרום שׁבית שׁבי לקחת מתנות באדם ואף סוררים לשׁכן יה אלהים׃

Isaiah 66:23

²³ והיה מדי חדשׁ בחדשׁו ומדי שׁבת בשׁבתו יבוא כל בשׂר להשׁתחות לפני אמר יהוה׃

Ezekiel 43:27

²⁷ ויכלו את הימים והיה ביום השׁמיני והלאה יעשׂו הכהנים על המזבח את עולותיכם ואת שׁלמיכם ורצאתי אתכם נאם אדני יהוה׃

Ezekiel 46:4-12

⁴ והעלה אשׁר יקרב הנשׂיא ליהוה ביום השׁבת שׁשׁה כבשׂים תמימם ואיל תמים׃⁵ ומנחה איפה לאיל ולכבשׂים מנחה מתת ידו ושׁמן הין לאיפה׃⁶ וביום החדשׁ פר בן בקר תמימם ושׁשׁת כבשׂם ואיל תמימם יהיו׃⁷ ואיפה לפר ואיפה לאיל יעשׂה מנחה ולכבשׂים כאשׁר תשׂיג ידו ושׁמן הין לאיפה׃⁸ ובבוא הנשׂיא דרך אולם השׁער יבוא ובדרכו יצא׃⁹ ובבוא עם הארץ לפני יהוה במועדים הבא דרך שׁער צפון להשׁתחות יצא דרך שׁער נגב והבא דרך שׁער נגב יצא דרך שׁער צפונה לא ישׁוב דרך השׁער אשׁר בא בו כי נכחו יצאו׃¹⁰ והנשׂיא בתוכם בבואם יבוא ובצאתם יצאו׃¹¹ ובחגים ובמועדים תהיה המנחה איפה לפר ואיפה לאיל ולכבשׂים מתת ידו ושׁמן הין לאיפה׃¹² וכי יעשׂה הנשׂיא נדבה עולה או שׁלמים נדבה ליהוה ופתח לו את השׁער הפנה קדים ועשׂה את עלתו ואת שׁלמיו כאשׁר יעשׂה ביום השׁבת ויצא וסגר את השׁער אחרי צאתו׃

Exodus 12:2

² החדשׁ הזה לכם ראשׁ חדשׁים ראשׁון הוא לכם לחדשׁי השׁנה׃

Leviticus 16:16

¹⁶ וכפר על הקדשׁ מטמאת בני ישׂראל ומפשׁעיהם לכל חטאתם וכן יעשׂה לאהל מועד השׁכן אתם בתוך טמאתם׃

Leviticus 16:33

³³ וכפר את מקדשׁ הקדשׁ ואת אהל מועד ואת המזבח יכפר ועל הכהנים ועל כל עם הקהל יכפר׃

Leviticus 22:20

²⁰ כל אשׁר בו מום לא תקריבו כי לא לרצון יהיה׃

Numbers 28:11-15

¹¹ ובראשׁי חדשׁיכם תקריבו עלה ליהוה פרים בני בקר שׁנים ואיל אחד כבשׂים בני שׁנה שׁבעה תמימם׃¹² ושׁלשׁה עשׂרנים סלת מנחה בלולה בשׁמן לפר האחד ושׁני עשׂרנים סלת מנחה בלולה בשׁמן לאיל האחד׃¹³ ועשׂרן עשׂרון סלת מנחה בלולה בשׁמן לכבשׂ האחד עלה ריח ניחח אשׁה ליהוה׃¹⁴ ונסכיהם חצי ההין יהיה לפר ושׁלישׁת ההין לאיל ורביעת ההין לכבשׂ יין זאת עלת חדשׁ בחדשׁו לחדשׁי השׁנה׃¹⁵ ושׂעיר עזים אחד לחטאת ליהוה על עלת התמיד יעשׂה ונסכו׃

Ezekiel 43:22

²² וביום השׁני תקריב שׂעיר עזים תמים לחטאת וחטאו את המזבח כאשׁר חטאו בפר׃

Ezekiel 43:26

²⁶ שׁבעת ימים יכפרו את המזבח וטהרו אתו ומלאו ידו׃

Leviticus 16:18-20

¹⁸ ויצא אל המזבח אשׁר לפני יהוה וכפר עליו ולקח מדם הפר ומדם השׂעיר ונתן על קרנות המזבח סביב׃¹⁹ והזה עליו מן הדם באצבעו שׁבע פעמים וטהרו וקדשׁו מטמאת בני ישׂראל׃²⁰ וכלה מכפר את הקדשׁ ואת אהל מועד ואת המזבח והקריב את השׂעיר החי׃

Ezekiel 43:14

¹⁴ ומחיק הארץ עד העזרה התחתונה שׁתים אמות ורחב אמה אחת ומהעזרה הקטנה עד העזרה הגדולה ארבע אמות ורחב האמה׃

Ezekiel 43:17

¹⁷ והעזרה ארבע עשׂרה ארך בארבע עשׂרה רחב אל ארבעת רבעיה והגבול סביב אותה חצי האמה והחיק לה אמה סביב ומעלתהו פנות קדים׃

Ezekiel 43:20

²⁰ ולקחת מדמו ונתתה על ארבע קרנתיו ואל ארבע פנות העזרה ואל הגבול סביב וחטאת אותו וכפרתהו׃

Leviticus 4:27-35

²⁷ ואם נפשׁ אחת תחטא בשׁגגה מעם הארץ בעשׂתה אחת ממצות יהוה אשׁר לא תעשׂינה ואשׁם׃²⁸ או הודע אליו חטאתו אשׁר חטא והביא קרבנו שׂעירת עזים תמימה נקבה על חטאתו אשׁר חטא׃²⁹ וסמך את ידו על ראשׁ החטאת ושׁחט את החטאת במקום העלה׃³⁰ ולקח הכהן מדמה באצבעו ונתן על קרנת מזבח העלה ואת כל דמה ישׁפך אל יסוד המזבח׃³¹ ואת כל חלבה יסיר כאשׁר הוסר חלב מעל זבח השׁלמים והקטיר הכהן המזבחה לריח ניחח ליהוה וכפר עליו הכהן ונסלח׃³² ואם כבשׂ יביא קרבנו לחטאת נקבה תמימה יביאנה׃³³ וסמך את ידו על ראשׁ החטאת ושׁחט אתה לחטאת במקום אשׁר ישׁחט את העלה׃³⁴ ולקח הכהן מדם החטאת באצבעו ונתן על קרנת מזבח העלה ואת כל דמה ישׁפך אל יסוד המזבח׃³⁵ ואת כל חלבה יסיר כאשׁר יוסר חלב הכשׂב מזבח השׁלמים והקטיר הכהן אתם המזבחה על אשׁי יהוה וכפר עליו הכהן על חטאתו אשׁר חטא ונסלח׃

Leviticus 16:20

²⁰ וכלה מכפר את הקדשׁ ואת אהל מועד ואת המזבח והקריב את השׂעיר החי׃

Psalms 19:12

¹² (19:13) שׁגיאות מי יבין מנסתרות נקני׃

Ezekiel 45:15

¹⁵ ושׂה אחת מן הצאן מן המאתים ממשׁקה ישׂראל למנחה ולעולה ולשׁלמים לכפר עליהם נאם אדני יהוה׃

Ezekiel 45:18

¹⁸ כה אמר אדני יהוה בראשׁון באחד לחדשׁ תקח פר בן בקר תמים וחטאת את המקדשׁ׃

Exodus 12:1-51

¹ ויאמר יהוה אל משׁה ואל אהרן בארץ מצרים לאמר׃² החדשׁ הזה לכם ראשׁ חדשׁים ראשׁון הוא לכם לחדשׁי השׁנה׃³ דברו אל כל עדת ישׂראל לאמר בעשׂר לחדשׁ הזה ויקחו להם אישׁ שׂה לבית אבת שׂה לבית׃⁴ ואם ימעט הבית מהיות משׂה ולקח הוא ושׁכנו הקרב אל ביתו במכסת נפשׁת אישׁ לפי אכלו תכסו על השׂה׃⁵ שׂה תמים זכר בן שׁנה יהיה לכם מן הכבשׂים ומן העזים תקחו׃⁶ והיה לכם למשׁמרת עד ארבעה עשׂר יום לחדשׁ הזה ושׁחטו אתו כל קהל עדת ישׂראל בין הערבים׃⁷ ולקחו מן הדם ונתנו על שׁתי המזוזת ועל המשׁקוף על הבתים אשׁר יאכלו אתו׃⁸ ואכלו את הבשׂר בלילה הזה צלי אשׁ ומצות על מררים יאכלהו׃⁹ אל תאכלו ממנו נא ובשׁל מבשׁל במים כי אם צלי אשׁ ראשׁו על כרעיו ועל קרבו׃¹⁰ ולא תותירו ממנו עד בקר והנתר ממנו עד בקר באשׁ תשׂרפו׃¹¹ וככה תאכלו אתו מתניכם חגרים נעליכם ברגליכם ומקלכם בידכם ואכלתם אתו בחפזון פסח הוא ליהוה׃¹² ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשׂה שׁפטים אני יהוה׃¹³ והיה הדם לכם לאת על הבתים אשׁר אתם שׁם וראיתי את הדם ופסחתי עלכם ולא יהיה בכם נגף למשׁחית בהכתי בארץ מצרים׃¹⁴ והיה היום הזה לכם לזכרון וחגתם אתו חג ליהוה לדרתיכם חקת עולם תחגהו׃¹⁵ שׁבעת ימים מצות תאכלו אך ביום הראשׁון תשׁביתו שׂאר מבתיכם כי כל אכל חמץ ונכרתה הנפשׁ ההוא מישׂראל מיום הראשׁן עד יום השׁבעי׃¹⁶ וביום הראשׁון מקרא קדשׁ וביום השׁביעי מקרא קדשׁ יהיה לכם כל מלאכה לא יעשׂה בהם אך אשׁר יאכל לכל נפשׁ הוא לבדו יעשׂה׃¹⁷ ושׁמרתם את המצות כי בעצם היום הזה הוצאתי את צבאותיכם מארץ מצרים ושׁמרתם את היום הזה לדרתיכם חקת עולם׃¹⁸ בראשׁן בארבעה עשׂר יום לחדשׁ בערב תאכלו מצת עד יום האחד ועשׂרים לחדשׁ בערב׃¹⁹ שׁבעת ימים שׂאר לא ימצא בבתיכם כי כל אכל מחמצת ונכרתה הנפשׁ ההוא מעדת ישׂראל בגר ובאזרח הארץ׃²⁰ כל מחמצת לא תאכלו בכל מושׁבתיכם תאכלו מצות׃²¹ ויקרא משׁה לכל זקני ישׂראל ויאמר אלהם משׁכו וקחו לכם צאן למשׁפחתיכם ושׁחטו הפסח׃²² ולקחתם אגדת אזוב וטבלתם בדם אשׁר בסף והגעתם אל המשׁקוף ואל שׁתי המזוזת מן הדם אשׁר בסף ואתם לא תצאו אישׁ מפתח ביתו עד בקר׃²³ ועבר יהוה לנגף את מצרים וראה את הדם על המשׁקוף ועל שׁתי המזוזת ופסח יהוה על הפתח ולא יתן המשׁחית לבא אל בתיכם לנגף׃²⁴ ושׁמרתם את הדבר הזה לחק לך ולבניך עד עולם׃²⁵ והיה כי תבאו אל הארץ אשׁר יתן יהוה לכם כאשׁר דבר ושׁמרתם את העבדה הזאת׃²⁶ והיה כי יאמרו אליכם בניכם מה העבדה הזאת׃²⁷ ואמרתם זבח פסח הוא ליהוה אשׁר פסח על בתי בני ישׂראל במצרים בנגפו את מצרים ואת בתינו הציל ויקד העם וישׁתחוו׃²⁸ וילכו ויעשׂו בני ישׂראל כאשׁר צוה יהוה את משׁה ואהרן כן עשׂו׃²⁹ ויהי בחצי הלילה ויהוה הכה כל בכור בארץ מצרים מבכר פרעה הישׁב על כסאו עד בכור השׁבי אשׁר בבית הבור וכל בכור בהמה׃³⁰ ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשׁר אין שׁם מת׃³¹ ויקרא למשׁה ולאהרן לילה ויאמר קומו צאו מתוך עמי גם אתם גם בני ישׂראל ולכו עבדו את יהוה כדברכם׃³² גם צאנכם גם בקרכם קחו כאשׁר דברתם ולכו וברכתם גם אתי׃³³ ותחזק מצרים על העם למהר לשׁלחם מן הארץ כי אמרו כלנו מתים׃³⁴ וישׂא העם את בצקו טרם יחמץ משׁארתם צררת בשׂמלתם על שׁכמם׃³⁵ ובני ישׂראל עשׂו כדבר משׁה וישׁאלו ממצרים כלי כסף וכלי זהב ושׂמלת׃³⁶ ויהוה נתן את חן העם בעיני מצרים וישׁאלום וינצלו את מצרים׃³⁷ ויסעו בני ישׂראל מרעמסס סכתה כשׁשׁ מאות אלף רגלי הגברים לבד מטף׃³⁸ וגם ערב רב עלה אתם וצאן ובקר מקנה כבד מאד׃³⁹ ויאפו את הבצק אשׁר הוציאו ממצרים עגת מצות כי לא חמץ כי גרשׁו ממצרים ולא יכלו להתמהמה וגם צדה לא עשׂו׃⁴⁰ ומושׁב בני ישׂראל אשׁר ישׁבו במצרים שׁלשׁים שׁנה וארבע מאות שׁנה׃⁴¹ ויהי מקץ שׁלשׁים שׁנה וארבע מאות שׁנה ויהי בעצם היום הזה יצאו כל צבאות יהוה מארץ מצרים׃⁴² ליל שׁמרים הוא ליהוה להוציאם מארץ מצרים הוא הלילה הזה ליהוה שׁמרים לכל בני ישׂראל לדרתם׃⁴³ ויאמר יהוה אל משׁה ואהרן זאת חקת הפסח כל בן נכר לא יאכל׃⁴⁴ וכל עבד אישׁ מקנת כסף ומלתה אתו אז יאכל׃⁴⁵ תושׁב ושׂכיר לא יאכל׃⁴⁶ בבית אחד יאכל לא תוציא מן הבית מן הבשׂר חוצה ועצם לא תשׁברו׃⁴⁷ כל עדת ישׂראל יעשׂו אתו׃⁴⁸ וכי יגור אתך גר ועשׂה פסח ליהוה המול לו כל זכר ואז יקרב לעשׂתו והיה כאזרח הארץ וכל ערל לא יאכל׃⁴⁹ תורה אחת יהיה לאזרח ולגר הגר בתוככם׃⁵⁰ ויעשׂו כל בני ישׂראל כאשׁר צוה יהוה את משׁה ואת אהרן כן עשׂו׃⁵¹ ויהי בעצם היום הזה הוציא יהוה את בני ישׂראל מארץ מצרים על צבאתם׃

Leviticus 23:5-8

⁵ בחדשׁ הראשׁון בארבעה עשׂר לחדשׁ בין הערבים פסח ליהוה׃⁶ ובחמשׁה עשׂר יום לחדשׁ הזה חג המצות ליהוה שׁבעת ימים מצות תאכלו׃⁷ ביום הראשׁון מקרא קדשׁ יהיה לכם כל מלאכת עבדה לא תעשׂו׃⁸ והקרבתם אשׁה ליהוה שׁבעת ימים ביום השׁביעי מקרא קדשׁ כל מלאכת עבדה לא תעשׂו׃

Numbers 9:2-14

² ויעשׂו בני ישׂראל את הפסח במועדו׃³ בארבעה עשׂר יום בחדשׁ הזה בין הערבים תעשׂו אתו במעדו ככל חקתיו וככל משׁפטיו תעשׂו אתו׃⁴ וידבר משׁה אל בני ישׂראל לעשׂת הפסח׃⁵ ויעשׂו את הפסח בראשׁון בארבעה עשׂר יום לחדשׁ בין הערבים במדבר סיני ככל אשׁר צוה יהוה את משׁה כן עשׂו בני ישׂראל׃⁶ ויהי אנשׁים אשׁר היו טמאים לנפשׁ אדם ולא יכלו לעשׂת הפסח ביום ההוא ויקרבו לפני משׁה ולפני אהרן ביום ההוא׃⁷ ויאמרו האנשׁים ההמה אליו אנחנו טמאים לנפשׁ אדם למה נגרע לבלתי הקריב את קרבן יהוה במעדו בתוך בני ישׂראל׃⁸ ויאמר אלהם משׁה עמדו ואשׁמעה מה יצוה יהוה׃⁹ וידבר יהוה אל משׁה לאמר׃¹⁰ דבר אל בני ישׂראל לאמר אישׁ אישׁ כי יהיה טמא לנפשׁ או בדרך רחקה לכם או לדרתיכם ועשׂה פסח ליהוה׃¹¹ בחדשׁ השׁני בארבעה עשׂר יום בין הערבים יעשׂו אתו על מצות ומררים יאכלהו׃¹² לא ישׁאירו ממנו עד בקר ועצם לא ישׁברו בו ככל חקת הפסח יעשׂו אתו׃¹³ והאישׁ אשׁר הוא טהור ובדרך לא היה וחדל לעשׂות הפסח ונכרתה הנפשׁ ההוא מעמיה כי קרבן יהוה לא הקריב במעדו חטאו ישׂא האישׁ ההוא׃¹⁴ וכי יגור אתכם גר ועשׂה פסח ליהוה כחקת הפסח וכמשׁפטו כן יעשׂה חקה אחת יהיה לכם ולגר ולאזרח הארץ׃

Numbers 28:16-25

¹⁶ ובחדשׁ הראשׁון בארבעה עשׂר יום לחדשׁ פסח ליהוה׃¹⁷ ובחמשׁה עשׂר יום לחדשׁ הזה חג שׁבעת ימים מצות יאכל׃¹⁸ ביום הראשׁון מקרא קדשׁ כל מלאכת עבדה לא תעשׂו׃¹⁹ והקרבתם אשׁה עלה ליהוה פרים בני בקר שׁנים ואיל אחד ושׁבעה כבשׂים בני שׁנה תמימם יהיו׃²⁰ ומנחתם סלת בלולה בשׁמן שׁלשׁה עשׂרנים לפר ושׁני עשׂרנים לאיל תעשׂו׃²¹ עשׂרון עשׂרון תעשׂה לכבשׂ האחד לשׁבעת הכבשׂים׃²² ושׂעיר חטאת אחד לכפר עליכם׃²³ מלבד עלת הבקר אשׁר לעלת התמיד תעשׂו את אלה׃²⁴ כאלה תעשׂו ליום שׁבעת ימים לחם אשׁה ריח ניחח ליהוה על עולת התמיד יעשׂה ונסכו׃²⁵ וביום השׁביעי מקרא קדשׁ יהיה לכם כל מלאכת עבדה לא תעשׂו׃

Deuteronomy 16:1-8

¹ שׁמור את חדשׁ האביב ועשׂית פסח ליהוה אלהיך כי בחדשׁ האביב הוציאך יהוה אלהיך ממצרים לילה׃² וזבחת פסח ליהוה אלהיך צאן ובקר במקום אשׁר יבחר יהוה לשׁכן שׁמו שׁם׃³ לא תאכל עליו חמץ שׁבעת ימים תאכל עליו מצות לחם עני כי בחפזון יצאת מארץ מצרים למען תזכר את יום צאתך מארץ מצרים כל ימי חייך׃⁴ ולא יראה לך שׂאר בכל גבלך שׁבעת ימים ולא ילין מן הבשׂר אשׁר תזבח בערב ביום הראשׁון לבקר׃⁵ לא תוכל לזבח את הפסח באחד שׁעריך אשׁר יהוה אלהיך נתן׃⁶ כי אם אל המקום אשׁר יבחר יהוה אלהיך לשׁכן שׁמו שׁם תזבח את הפסח בערב כבוא השׁמשׁ מועד צאתך ממצרים׃⁷ ובשׁלת ואכלת במקום אשׁר יבחר יהוה אלהיך בו ופנית בבקר והלכת לאהליך׃⁸ שׁשׁת ימים תאכל מצות וביום השׁביעי עצרת ליהוה אלהיך לא תעשׂה מלאכה׃

Leviticus 4:14

¹⁴ ונודעה החטאת אשׁר חטאו עליה והקריבו הקהל פר בן בקר לחטאת והביאו אתו לפני אהל מועד׃

Leviticus 23:8

⁸ והקרבתם אשׁה ליהוה שׁבעת ימים ביום השׁביעי מקרא קדשׁ כל מלאכת עבדה לא תעשׂו׃

Numbers 23:1-2

¹ ויאמר בלעם אל בלק בנה לי בזה שׁבעה מזבחת והכן לי בזה שׁבעה פרים ושׁבעה אילים׃² ויעשׂ בלק כאשׁר דבר בלעם ויעל בלק ובלעם פר ואיל במזבח׃

Numbers 28:15-31

¹⁵ ושׂעיר עזים אחד לחטאת ליהוה על עלת התמיד יעשׂה ונסכו׃¹⁶ ובחדשׁ הראשׁון בארבעה עשׂר יום לחדשׁ פסח ליהוה׃¹⁷ ובחמשׁה עשׂר יום לחדשׁ הזה חג שׁבעת ימים מצות יאכל׃¹⁸ ביום הראשׁון מקרא קדשׁ כל מלאכת עבדה לא תעשׂו׃¹⁹ והקרבתם אשׁה עלה ליהוה פרים בני בקר שׁנים ואיל אחד ושׁבעה כבשׂים בני שׁנה תמימם יהיו׃²⁰ ומנחתם סלת בלולה בשׁמן שׁלשׁה עשׂרנים לפר ושׁני עשׂרנים לאיל תעשׂו׃²¹ עשׂרון עשׂרון תעשׂה לכבשׂ האחד לשׁבעת הכבשׂים׃²² ושׂעיר חטאת אחד לכפר עליכם׃²³ מלבד עלת הבקר אשׁר לעלת התמיד תעשׂו את אלה׃²⁴ כאלה תעשׂו ליום שׁבעת ימים לחם אשׁה ריח ניחח ליהוה על עולת התמיד יעשׂה ונסכו׃²⁵ וביום השׁביעי מקרא קדשׁ יהיה לכם כל מלאכת עבדה לא תעשׂו׃²⁶ וביום הבכורים בהקריבכם מנחה חדשׁה ליהוה בשׁבעתיכם מקרא קדשׁ יהיה לכם כל מלאכת עבדה לא תעשׂו׃²⁷ והקרבתם עולה לריח ניחח ליהוה פרים בני בקר שׁנים איל אחד שׁבעה כבשׂים בני שׁנה׃²⁸ ומנחתם סלת בלולה בשׁמן שׁלשׁה עשׂרנים לפר האחד שׁני עשׂרנים לאיל האחד׃²⁹ עשׂרון עשׂרון לכבשׂ האחד לשׁבעת הכבשׂים׃³⁰ שׂעיר עזים אחד לכפר עליכם׃³¹ מלבד עלת התמיד ומנחתו תעשׂו תמימם יהיו לכם ונסכיהם׃

Numbers 29:5

Numbers 29:11-38

¹¹ שׂעיר עזים אחד חטאת מלבד חטאת הכפרים ועלת התמיד ומנחתה ונסכיהם׃¹² ובחמשׁה עשׂר יום לחדשׁ השׁביעי מקרא קדשׁ יהיה לכם כל מלאכת עבדה לא תעשׂו וחגתם חג ליהוה שׁבעת ימים׃¹³ והקרבתם עלה אשׁה ריח ניחח ליהוה פרים בני בקר שׁלשׁה עשׂר אילם שׁנים כבשׂים בני שׁנה ארבעה עשׂר תמימם יהיו׃¹⁴ ומנחתם סלת בלולה בשׁמן שׁלשׁה עשׂרנים לפר האחד לשׁלשׁה עשׂר פרים שׁני עשׂרנים לאיל האחד לשׁני האילם׃¹⁵ ועשׂרון עשׂרון לכבשׂ האחד לארבעה עשׂר כבשׂים׃¹⁶ ושׂעיר עזים אחד חטאת מלבד עלת התמיד מנחתה ונסכה׃¹⁷ וביום השׁני פרים בני בקר שׁנים עשׂר אילם שׁנים כבשׂים בני שׁנה ארבעה עשׂר תמימם׃¹⁸ ומנחתם ונסכיהם לפרים לאילם ולכבשׂים במספרם כמשׁפט׃¹⁹ ושׂעיר עזים אחד חטאת מלבד עלת התמיד ומנחתה ונסכיהם׃²⁰ וביום השׁלישׁי פרים עשׁתי עשׂר אילם שׁנים כבשׂים בני שׁנה ארבעה עשׂר תמימם׃²¹ ומנחתם ונסכיהם לפרים לאילם ולכבשׂים במספרם כמשׁפט׃²² ושׂעיר חטאת אחד מלבד עלת התמיד ומנחתה ונסכה׃²³ וביום הרביעי פרים עשׂרה אילם שׁנים כבשׂים בני שׁנה ארבעה עשׂר תמימם׃²⁴ מנחתם ונסכיהם לפרים לאילם ולכבשׂים במספרם כמשׁפט׃²⁵ ושׂעיר עזים אחד חטאת מלבד עלת התמיד מנחתה ונסכה׃²⁶ וביום החמישׁי פרים תשׁעה אילם שׁנים כבשׂים בני שׁנה ארבעה עשׂר תמימם׃²⁷ ומנחתם ונסכיהם לפרים לאילם ולכבשׂים במספרם כמשׁפט׃²⁸ ושׂעיר חטאת אחד מלבד עלת התמיד ומנחתה ונסכה׃²⁹ וביום השׁשׁי פרים שׁמנה אילם שׁנים כבשׂים בני שׁנה ארבעה עשׂר תמימם׃³⁰ ומנחתם ונסכיהם לפרים לאילם ולכבשׂים במספרם כמשׁפט׃³¹ ושׂעיר חטאת אחד מלבד עלת התמיד מנחתה ונסכיה׃³² וביום השׁביעי פרים שׁבעה אילם שׁנים כבשׂים בני שׁנה ארבעה עשׂר תמימם׃³³ ומנחתם ונסכהם לפרים לאילם ולכבשׂים במספרם כמשׁפטם׃³⁴ ושׂעיר חטאת אחד מלבד עלת התמיד מנחתה ונסכה׃³⁵ ביום השׁמיני עצרת תהיה לכם כל מלאכת עבדה לא תעשׂו׃³⁶ והקרבתם עלה אשׁה ריח ניחח ליהוה פר אחד איל אחד כבשׂים בני שׁנה שׁבעה תמימם׃³⁷ מנחתם ונסכיהם לפר לאיל ולכבשׂים במספרם כמשׁפט׃³⁸ ושׂעיר חטאת אחד מלבד עלת התמיד ומנחתה ונסכה׃

Job 42:8

⁸ ועתה קחו לכם שׁבעה פרים ושׁבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשׂא לבלתי עשׂות עמכם נבלה כי לא דברתם אלי נכונה כעבדי איוב׃

Ezekiel 46:5-7

⁵ ומנחה איפה לאיל ולכבשׂים מנחה מתת ידו ושׁמן הין לאיפה׃⁶ וביום החדשׁ פר בן בקר תמימם ושׁשׁת כבשׂם ואיל תמימם יהיו׃⁷ ואיפה לפר ואיפה לאיל יעשׂה מנחה ולכבשׂים כאשׁר תשׂיג ידו ושׁמן הין לאיפה׃

Leviticus 23:33-43

³³ וידבר יהוה אל משׁה לאמר׃³⁴ דבר אל בני ישׂראל לאמר בחמשׁה עשׂר יום לחדשׁ השׁביעי הזה חג הסכות שׁבעת ימים ליהוה׃³⁵ ביום הראשׁון מקרא קדשׁ כל מלאכת עבדה לא תעשׂו׃³⁶ שׁבעת ימים תקריבו אשׁה ליהוה ביום השׁמיני מקרא קדשׁ יהיה לכם והקרבתם אשׁה ליהוה עצרת הוא כל מלאכת עבדה לא תעשׂו׃³⁷ אלה מועדי יהוה אשׁר תקראו אתם מקראי קדשׁ להקריב אשׁה ליהוה עלה ומנחה זבח ונסכים דבר יום ביומו׃³⁸ מלבד שׁבתת יהוה ומלבד מתנותיכם ומלבד כל נדריכם ומלבד כל נדבתיכם אשׁר תתנו ליהוה׃³⁹ אך בחמשׁה עשׂר יום לחדשׁ השׁביעי באספכם את תבואת הארץ תחגו את חג יהוה שׁבעת ימים ביום הראשׁון שׁבתון וביום השׁמיני שׁבתון׃⁴⁰ ולקחתם לכם ביום הראשׁון פרי עץ הדר כפת תמרים וענף עץ עבת וערבי נחל ושׂמחתם לפני יהוה אלהיכם שׁבעת ימים׃⁴¹ וחגתם אתו חג ליהוה שׁבעת ימים בשׁנה חקת עולם לדרתיכם בחדשׁ השׁביעי תחגו אתו׃⁴² בסכת תשׁבו שׁבעת ימים כל האזרח בישׂראל ישׁבו בסכת׃⁴³ למען ידעו דרתיכם כי בסכות הושׁבתי את בני ישׂראל בהוציאי אותם מארץ מצרים אני יהוה אלהיכם׃

Deuteronomy 16:13-15

¹³ חג הסכת תעשׂה לך שׁבעת ימים באספך מגרנך ומיקבך׃¹⁴ ושׂמחת בחגך אתה ובנך ובתך ועבדך ואמתך והלוי והגר והיתום והאלמנה אשׁר בשׁעריך׃¹⁵ שׁבעת ימים תחג ליהוה אלהיך במקום אשׁר יבחר יהוה כי יברכך יהוה אלהיך בכל תבואתך ובכל מעשׂה ידיך והיית אך שׂמח׃

2 Chronicles 5:3

³ ויקהלו אל המלך כל אישׁ ישׂראל בחג הוא החדשׁ השׁבעי׃

2 Chronicles 7:8-10

⁸ ויעשׂ שׁלמה את החג בעת ההיא שׁבעת ימים וכל ישׂראל עמו קהל גדול מאד מלבוא חמת עד נחל מצרים׃⁹ ויעשׂו ביום השׁמיני עצרת כי חנכת המזבח עשׂו שׁבעת ימים והחג שׁבעת ימים׃¹⁰ וביום עשׂרים ושׁלשׁה לחדשׁ השׁביעי שׁלח את העם לאהליהם שׂמחים וטובי לב על הטובה אשׁר עשׂה יהוה לדויד ולשׁלמה ולישׂראל עמו׃

Nehemiah 8:14-18

¹⁴ וימצאו כתוב בתורה אשׁר צוה יהוה ביד משׁה אשׁר ישׁבו בני ישׂראל בסכות בחג בחדשׁ השׁביעי׃¹⁵ ואשׁר ישׁמיעו ויעבירו קול בכל עריהם ובירושׁלם לאמר צאו ההר והביאו עלי זית ועלי עץ שׁמן ועלי הדס ועלי תמרים ועלי עץ עבת לעשׂת סכת ככתוב׃¹⁶ ויצאו העם ויביאו ויעשׂו להם סכות אישׁ על גגו ובחצרתיהם ובחצרות בית האלהים וברחוב שׁער המים וברחוב שׁער אפרים׃¹⁷ ויעשׂו כל הקהל השׁבים מן השׁבי סכות וישׁבו בסכות כי לא עשׂו מימי ישׁוע בן נון כן בני ישׂראל עד היום ההוא ותהי שׂמחה גדולה מאד׃¹⁸ ויקרא בספר תורת האלהים יום ביום מן היום הראשׁון עד היום האחרון ויעשׂו חג שׁבעת ימים וביום השׁמיני עצרת כמשׁפט׃

Zechariah 14:16-19

¹⁶ והיה כל הנותר מכל הגוים הבאים על ירושׁלם ועלו מדי שׁנה בשׁנה להשׁתחות למלך יהוה צבאות ולחג את חג הסכות׃¹⁷ והיה אשׁר לא יעלה מאת משׁפחות הארץ אל ירושׁלם להשׁתחות למלך יהוה צבאות ולא עליהם יהיה הגשׁם׃¹⁸ ואם משׁפחת מצרים לא תעלה ולא באה ולא עליהם תהיה המגפה אשׁר יגף יהוה את הגוים אשׁר לא יעלו לחג את חג הסכות׃¹⁹ זאת תהיה חטאת מצרים וחטאת כל הגוים אשׁר לא יעלו לחג את חג הסכות׃

Ezekiel 45 Cross References - HOT