Ezekiel 48 Cross References HOT

¹ ואלה שׁמות השׁבטים מקצה צפונה אל יד דרך חתלן לבוא חמת חצר עינן גבול דמשׂק צפונה אל יד חמת והיו לו פאת קדים הים דן אחד׃² ועל גבול דן מפאת קדים עד פאת ימה אשׁר אחד׃³ ועל גבול אשׁר מפאת קדימה ועד פאת ימה נפתלי אחד׃⁴ ועל גבול נפתלי מפאת קדמה עד פאת ימה מנשׁה אחד׃⁵ ועל גבול מנשׁה מפאת קדמה עד פאת ימה אפרים אחד׃⁶ ועל גבול אפרים מפאת קדים ועד פאת ימה ראובן אחד׃⁷ ועל גבול ראובן מפאת קדים עד פאת ימה יהודה אחד׃⁸ ועל גבול יהודה מפאת קדים עד פאת ימה תהיה התרומה אשׁר תרימו חמשׁה ועשׂרים אלף רחב וארך כאחד החלקים מפאת קדימה עד פאת ימה והיה המקדשׁ בתוכו׃⁹ התרומה אשׁר תרימו ליהוה ארך חמשׁה ועשׂרים אלף ורחב עשׂרת אלפים׃¹⁰ ולאלה תהיה תרומת הקדשׁ לכהנים צפונה חמשׁה ועשׂרים אלף וימה רחב עשׂרת אלפים וקדימה רחב עשׂרת אלפים ונגבה ארך חמשׁה ועשׂרים אלף והיה מקדשׁ יהוה בתוכו׃¹¹ לכהנים המקדשׁ מבני צדוק אשׁר שׁמרו משׁמרתי אשׁר לא תעו בתעות בני ישׂראל כאשׁר תעו הלוים׃¹² והיתה להם תרומיה מתרומת הארץ קדשׁ קדשׁים אל גבול הלוים׃¹³ והלוים לעמת גבול הכהנים חמשׁה ועשׂרים אלף ארך ורחב עשׂרת אלפים כל ארך חמשׁה ועשׂרים אלף ורחב עשׂרת אלפים׃¹⁴ ולא ימכרו ממנו ולא ימר ולא יעבור ראשׁית הארץ כי קדשׁ ליהוה׃¹⁵ וחמשׁת אלפים הנותר ברחב על פני חמשׁה ועשׂרים אלף חל הוא לעיר למושׁב ולמגרשׁ והיתה העיר בתוכה׃¹⁶ ואלה מדותיה פאת צפון חמשׁ מאות וארבעת אלפים ופאת נגב חמשׁ חמשׁ מאות וארבעת אלפים ומפאת קדים חמשׁ מאות וארבעת אלפים ופאת ימה חמשׁ מאות וארבעת אלפים׃¹⁷ והיה מגרשׁ לעיר צפונה חמשׁים ומאתים ונגבה חמשׁים ומאתים וקדימה חמשׁים ומאתים וימה חמשׁים ומאתים׃¹⁸ והנותר בארך לעמת תרומת הקדשׁ עשׂרת אלפים קדימה ועשׂרת אלפים ימה והיה לעמת תרומת הקדשׁ והיתה תבואתה ללחם לעבדי העיר׃¹⁹ והעבד העיר יעבדוהו מכל שׁבטי ישׂראל׃²⁰ כל התרומה חמשׁה ועשׂרים אלף בחמשׁה ועשׂרים אלף רביעית תרימו את תרומת הקדשׁ אל אחזת העיר׃²¹ והנותר לנשׂיא מזה ומזה לתרומת הקדשׁ ולאחזת העיר אל פני חמשׁה ועשׂרים אלף תרומה עד גבול קדימה וימה על פני חמשׁה ועשׂרים אלף על גבול ימה לעמת חלקים לנשׂיא והיתה תרומת הקדשׁ ומקדשׁ הבית בתוכה׃²² ומאחזת הלוים ומאחזת העיר בתוך אשׁר לנשׂיא יהיה בין גבול יהודה ובין גבול בנימן לנשׂיא יהיה׃²³ ויתר השׁבטים מפאת קדימה עד פאת ימה בנימן אחד׃²⁴ ועל גבול בנימן מפאת קדימה עד פאת ימה שׁמעון אחד׃²⁵ ועל גבול שׁמעון מפאת קדימה עד פאת ימה ישׂשכר אחד׃²⁶ ועל גבול ישׂשכר מפאת קדימה עד פאת ימה זבולן אחד׃²⁷ ועל גבול זבולן מפאת קדמה עד פאת ימה גד אחד׃²⁸ ועל גבול גד אל פאת נגב תימנה והיה גבול מתמר מי מריבת קדשׁ נחלה על הים הגדול׃²⁹ זאת הארץ אשׁר תפילו מנחלה לשׁבטי ישׂראל ואלה מחלקותם נאם אדני יהוה׃³⁰ ואלה תוצאת העיר מפאת צפון חמשׁ מאות וארבעת אלפים מדה׃³¹ ושׁערי העיר על שׁמות שׁבטי ישׂראל שׁערים שׁלושׁה צפונה שׁער ראובן אחד שׁער יהודה אחד שׁער לוי אחד׃³² ואל פאת קדימה חמשׁ מאות וארבעת אלפים ושׁערים שׁלשׁה ושׁער יוסף אחד שׁער בנימן אחד שׁער דן אחד׃³³ ופאת נגבה חמשׁ מאות וארבעת אלפים מדה ושׁערים שׁלשׁה שׁער שׁמעון אחד שׁער ישׂשכר אחד שׁער זבולן אחד׃³⁴ פאת ימה חמשׁ מאות וארבעת אלפים שׁעריהם שׁלשׁה שׁער גד אחד שׁער אשׁר אחד שׁער נפתלי אחד׃³⁵ סביב שׁמנה עשׂר אלף ושׁם העיר מיום יהוה שׁמה׃

Genesis 30:3-6

³ ותאמר הנה אמתי בלהה בא אליה ותלד על ברכי ואבנה גם אנכי ממנה׃⁴ ותתן לו את בלהה שׁפחתה לאשׁה ויבא אליה יעקב׃⁵ ותהר בלהה ותלד ליעקב בן׃⁶ ותאמר רחל דנני אלהים וגם שׁמע בקלי ויתן לי בן על כן קראה שׁמו דן׃

Exodus 1:1-5

¹ ואלה שׁמות בני ישׂראל הבאים מצרימה את יעקב אישׁ וביתו באו׃² ראובן שׁמעון לוי ויהודה׃³ ישׂשכר זבולן ובנימן׃⁴ דן ונפתלי גד ואשׁר׃⁵ ויהי כל נפשׁ יצאי ירך יעקב שׁבעים נפשׁ ויוסף היה במצרים׃

Numbers 1:5-15

⁵ ואלה שׁמות האנשׁים אשׁר יעמדו אתכם לראובן אליצור בן שׁדיאור׃⁶ לשׁמעון שׁלמיאל בן צורישׁדי׃⁷ ליהודה נחשׁון בן עמינדב׃⁸ לישׂשכר נתנאל בן צוער׃⁹ לזבולן אליאב בן חלן׃¹⁰ לבני יוסף לאפרים אלישׁמע בן עמיהוד למנשׁה גמליאל בן פדהצור׃¹¹ לבנימן אבידן בן גדעני׃¹² לדן אחיעזר בן עמישׁדי׃¹³ לאשׁר פגעיאל בן עכרן׃¹⁴ לגד אליסף בן דעואל׃¹⁵ לנפתלי אחירע בן עינן׃

Numbers 13:4-15

⁴ ואלה שׁמותם למטה ראובן שׁמוע בן זכור׃⁵ למטה שׁמעון שׁפט בן חורי׃⁶ למטה יהודה כלב בן יפנה׃⁷ למטה ישׂשכר יגאל בן יוסף׃⁸ למטה אפרים הושׁע בן נון׃⁹ למטה בנימן פלטי בן רפוא׃¹⁰ למטה זבולן גדיאל בן סודי׃¹¹ למטה יוסף למטה מנשׁה גדי בן סוסי׃¹² למטה דן עמיאל בן גמלי׃¹³ למטה אשׁר סתור בן מיכאל׃¹⁴ למטה נפתלי נחבי בן ופסי׃¹⁵ למטה גד גאואל בן מכי׃

Numbers 34:7-9

⁷ וזה יהיה לכם גבול צפון מן הים הגדל תתאו לכם הר ההר׃⁸ מהר ההר תתאו לבא חמת והיו תוצאת הגבל צדדה׃⁹ ויצא הגבל זפרנה והיו תוצאתיו חצר עינן זה יהיה לכם גבול צפון׃

Joshua 19:40-47

⁴⁰ למטה בני דן למשׁפחתם יצא הגורל השׁביעי׃⁴¹ ויהי גבול נחלתם צרעה ואשׁתאול ועיר שׁמשׁ׃⁴² ושׁעלבין ואילון ויתלה׃⁴³ ואילון ותמנתה ועקרון׃⁴⁴ ואלתקה וגבתון ובעלת׃⁴⁵ ויהד ובני ברק וגת רמון׃⁴⁶ ומי הירקון והרקון עם הגבול מול יפו׃⁴⁷ ויצא גבול בני דן מהם ויעלו בני דן וילחמו עם לשׁם וילכדו אותה ויכו אותה לפי חרב וירשׁו אותה וישׁבו בה ויקראו ללשׁם דן כשׁם דן אביהם׃

Judges 18:26-29

²⁶ וילכו בני דן לדרכם וירא מיכה כי חזקים המה ממנו ויפן וישׁב אל ביתו׃²⁷ והמה לקחו את אשׁר עשׂה מיכה ואת הכהן אשׁר היה לו ויבאו על לישׁ על עם שׁקט ובטח ויכו אותם לפי חרב ואת העיר שׂרפו באשׁ׃²⁸ ואין מציל כי רחוקה היא מצידון ודבר אין להם עם אדם והיא בעמק אשׁר לבית רחוב ויבנו את העיר וישׁבו׃²⁹ ויקראו שׁם העיר דן בשׁם דן אביהם אשׁר יולד לישׂראל ואולם לישׁ שׁם העיר לראשׁנה׃

2 Samuel 24:2

² ויאמר המלך אל יואב שׂר החיל אשׁר אתו שׁוט נא בכל שׁבטי ישׂראל מדן ועד באר שׁבע ופקדו את העם וידעתי את מספר העם׃

1 Kings 12:28-29

²⁸ ויועץ המלך ויעשׂ שׁני עגלי זהב ויאמר אלהם רב לכם מעלות ירושׁלם הנה אלהיך ישׂראל אשׁר העלוך מארץ מצרים׃²⁹ וישׂם את האחד בבית אל ואת האחד נתן בדן׃

Ezekiel 47:15-17

¹⁵ וזה גבול הארץ לפאת צפונה מן הים הגדול הדרך חתלן לבוא צדדה׃¹⁶ חמת ברותה סברים אשׁר בין גבול דמשׂק ובין גבול חמת חצר התיכון אשׁר אל גבול חורן׃¹⁷ והיה גבול מן הים חצר עינון גבול דמשׂק וצפון צפונה וגבול חמת ואת פאת צפון׃

Ezekiel 47:20

²⁰ ופאת ים הים הגדול מגבול עד נכח לבוא חמת זאת פאת ים׃

Genesis 30:12-13

¹² ותלד זלפה שׁפחת לאה בן שׁני ליעקב׃¹³ ותאמר לאה באשׁרי כי אשׁרוני בנות ותקרא את שׁמו אשׁר׃

Joshua 19:24-31

²⁴ ויצא הגורל החמישׁי למטה בני אשׁר למשׁפחותם׃²⁵ ויהי גבולם חלקת וחלי ובטן ואכשׁף׃²⁶ ואלמלך ועמעד ומשׁאל ופגע בכרמל הימה ובשׁיחור לבנת׃²⁷ ושׁב מזרח השׁמשׁ בית דגן ופגע בזבלון ובגי יפתח אל צפונה בית העמק ונעיאל ויצא אל כבול משׂמאל׃²⁸ ועברן ורחב וחמון וקנה עד צידון רבה׃²⁹ ושׁב הגבול הרמה ועד עיר מבצר צר ושׁב הגבול חסה ויהיו תצאתיו הימה מחבל אכזיבה׃³⁰ ועמה ואפק ורחב ערים עשׂרים ושׁתים וחצריהן׃³¹ זאת נחלת מטה בני אשׁר למשׁפחתם הערים האלה וחצריהן׃

Genesis 30:7-8

⁷ ותהר עוד ותלד בלהה שׁפחת רחל בן שׁני ליעקב׃⁸ ותאמר רחל נפתולי אלהים נפתלתי עם אחתי גם יכלתי ותקרא שׁמו נפתלי׃

Joshua 19:32-39

³² לבני נפתלי יצא הגורל השׁשׁי לבני נפתלי למשׁפחתם׃³³ ויהי גבולם מחלף מאלון בצעננים ואדמי הנקב ויבנאל עד לקום ויהי תצאתיו הירדן׃³⁴ ושׁב הגבול ימה אזנות תבור ויצא משׁם חוקקה ופגע בזבלון מנגב ובאשׁר פגע מים וביהודה הירדן מזרח השׁמשׁ׃³⁵ וערי מבצר הצדים צר וחמת רקת וכנרת׃³⁶ ואדמה והרמה וחצור׃³⁷ וקדשׁ ואדרעי ועין חצור׃³⁸ ויראון ומגדל אל חרם ובית ענת ובית שׁמשׁ ערים תשׁע עשׂרה וחצריהן׃³⁹ זאת נחלת מטה בני נפתלי למשׁפחתם הערים וחצריהן׃

Genesis 30:22-24

²² ויזכר אלהים את רחל וישׁמע אליה אלהים ויפתח את רחמה׃²³ ותהר ותלד בן ותאמר אסף אלהים את חרפתי׃²⁴ ותקרא את שׁמו יוסף לאמר יסף יהוה לי בן אחר׃

Genesis 41:51

⁵¹ ויקרא יוסף את שׁם הבכור מנשׁה כי נשׁני אלהים את כל עמלי ואת כל בית אבי׃

Genesis 48:5

⁵ ועתה שׁני בניך הנולדים לך בארץ מצרים עד באי אליך מצרימה לי הם אפרים ומנשׁה כראובן ושׁמעון יהיו׃

Genesis 48:14-20

¹⁴ וישׁלח ישׂראל את ימינו וישׁת על ראשׁ אפרים והוא הצעיר ואת שׂמאלו על ראשׁ מנשׁה שׂכל את ידיו כי מנשׁה הבכור׃¹⁵ ויברך את יוסף ויאמר האלהים אשׁר התהלכו אבתי לפניו אברהם ויצחק האלהים הרעה אתי מעודי עד היום הזה׃¹⁶ המלאך הגאל אתי מכל רע יברך את הנערים ויקרא בהם שׁמי ושׁם אבתי אברהם ויצחק וידגו לרב בקרב הארץ׃¹⁷ וירא יוסף כי ישׁית אביו יד ימינו על ראשׁ אפרים וירע בעיניו ויתמך יד אביו להסיר אתה מעל ראשׁ אפרים על ראשׁ מנשׁה׃¹⁸ ויאמר יוסף אל אביו לא כן אבי כי זה הבכר שׂים ימינך על ראשׁו׃¹⁹ וימאן אביו ויאמר ידעתי בני ידעתי גם הוא יהיה לעם וגם הוא יגדל ואולם אחיו הקטן יגדל ממנו וזרעו יהיה מלא הגוים׃²⁰ ויברכם ביום ההוא לאמור בך יברך ישׂראל לאמר ישׂמך אלהים כאפרים וכמנשׁה וישׂם את אפרים לפני מנשׁה׃

Joshua 13:29-31

²⁹ ויתן משׁה לחצי שׁבט מנשׁה ויהי לחצי מטה בני מנשׁה למשׁפחותם׃³⁰ ויהי גבולם ממחנים כל הבשׁן כל ממלכות עוג מלך הבשׁן וכל חות יאיר אשׁר בבשׁן שׁשׁים עיר׃³¹ וחצי הגלעד ועשׁתרות ואדרעי ערי ממלכות עוג בבשׁן לבני מכיר בן מנשׁה לחצי בני מכיר למשׁפחותם׃

Joshua 17:1-11

¹ ויהי הגורל למטה מנשׁה כי הוא בכור יוסף למכיר בכור מנשׁה אבי הגלעד כי הוא היה אישׁ מלחמה ויהי לו הגלעד והבשׁן׃² ויהי לבני מנשׁה הנותרים למשׁפחתם לבני אביעזר ולבני חלק ולבני אשׂריאל ולבני שׁכם ולבני חפר ולבני שׁמידע אלה בני מנשׁה בן יוסף הזכרים למשׁפחתם׃³ ולצלפחד בן חפר בן גלעד בן מכיר בן מנשׁה לא היו לו בנים כי אם בנות ואלה שׁמות בנתיו מחלה ונעה חגלה מלכה ותרצה׃⁴ ותקרבנה לפני אלעזר הכהן ולפני יהושׁע בן נון ולפני הנשׂיאים לאמר יהוה צוה את משׁה לתת לנו נחלה בתוך אחינו ויתן להם אל פי יהוה נחלה בתוך אחי אביהן׃⁵ ויפלו חבלי מנשׁה עשׂרה לבד מארץ הגלעד והבשׁן אשׁר מעבר לירדן׃⁶ כי בנות מנשׁה נחלו נחלה בתוך בניו וארץ הגלעד היתה לבני מנשׁה הנותרים׃⁷ ויהי גבול מנשׁה מאשׁר המכמתת אשׁר על פני שׁכם והלך הגבול אל הימין אל ישׁבי עין תפוח׃⁸ למנשׁה היתה ארץ תפוח ותפוח אל גבול מנשׁה לבני אפרים׃⁹ וירד הגבול נחל קנה נגבה לנחל ערים האלה לאפרים בתוך ערי מנשׁה וגבול מנשׁה מצפון לנחל ויהי תצאתיו הימה׃¹⁰ נגבה לאפרים וצפונה למנשׁה ויהי הים גבולו ובאשׁר יפגעון מצפון ובישׂשכר ממזרח׃¹¹ ויהי למנשׁה בישׂשכר ובאשׁר בית שׁאן ובנותיה ויבלעם ובנותיה ואת ישׁבי דאר ובנותיה וישׁבי עין דר ובנתיה וישׁבי תענך ובנתיה וישׁבי מגדו ובנותיה שׁלשׁת הנפת׃

Joshua 16:1-10

¹ ויצא הגורל לבני יוסף מירדן יריחו למי יריחו מזרחה המדבר עלה מיריחו בהר בית אל׃² ויצא מבית אל לוזה ועבר אל גבול הארכי עטרות׃³ וירד ימה אל גבול היפלטי עד גבול בית חורן תחתון ועד גזר והיו תצאתו ימה׃⁴ וינחלו בני יוסף מנשׁה ואפרים׃⁵ ויהי גבול בני אפרים למשׁפחתם ויהי גבול נחלתם מזרחה עטרות אדר עד בית חורן עליון׃⁶ ויצא הגבול הימה המכמתת מצפון ונסב הגבול מזרחה תאנת שׁלה ועבר אותו ממזרח ינוחה׃⁷ וירד מינוחה עטרות ונערתה ופגע ביריחו ויצא הירדן׃⁸ מתפוח ילך הגבול ימה נחל קנה והיו תצאתיו הימה זאת נחלת מטה בני אפרים למשׁפחתם׃⁹ והערים המבדלות לבני אפרים בתוך נחלת בני מנשׁה כל הערים וחצריהן׃¹⁰ ולא הורישׁו את הכנעני היושׁב בגזר וישׁב הכנעני בקרב אפרים עד היום הזה ויהי למס עבד׃

Joshua 17:8-10

⁸ למנשׁה היתה ארץ תפוח ותפוח אל גבול מנשׁה לבני אפרים׃⁹ וירד הגבול נחל קנה נגבה לנחל ערים האלה לאפרים בתוך ערי מנשׁה וגבול מנשׁה מצפון לנחל ויהי תצאתיו הימה׃¹⁰ נגבה לאפרים וצפונה למנשׁה ויהי הים גבולו ובאשׁר יפגעון מצפון ובישׂשכר ממזרח׃

Joshua 17:14-18

¹⁴ וידברו בני יוסף את יהושׁע לאמר מדוע נתתה לי נחלה גורל אחד וחבל אחד ואני עם רב עד אשׁר עד כה ברכני יהוה׃¹⁵ ויאמר אליהם יהושׁע אם עם רב אתה עלה לך היערה ובראת לך שׁם בארץ הפרזי והרפאים כי אץ לך הר אפרים׃¹⁶ ויאמרו בני יוסף לא ימצא לנו ההר ורכב ברזל בכל הכנעני הישׁב בארץ העמק לאשׁר בבית שׁאן ובנותיה ולאשׁר בעמק יזרעאל׃¹⁷ ויאמר יהושׁע אל בית יוסף לאפרים ולמנשׁה לאמר עם רב אתה וכח גדול לך לא יהיה לך גורל אחד׃¹⁸ כי הר יהיה לך כי יער הוא ובראתו והיה לך תצאתיו כי תורישׁ את הכנעני כי רכב ברזל לו כי חזק הוא׃

Genesis 29:32

³² ותהר לאה ותלד בן ותקרא שׁמו ראובן כי אמרה כי ראה יהוה בעניי כי עתה יאהבני אישׁי׃

Genesis 49:3-4

³ ראובן בכרי אתה כחי וראשׁית אוני יתר שׂאת ויתר עז׃⁴ פחז כמים אל תותר כי עלית משׁכבי אביך אז חללת יצועי עלה׃

Joshua 13:15-21

¹⁵ ויתן משׁה למטה בני ראובן למשׁפחתם׃¹⁶ ויהי להם הגבול מערוער אשׁר על שׂפת נחל ארנון והעיר אשׁר בתוך הנחל וכל המישׁר על מידבא׃¹⁷ חשׁבון וכל עריה אשׁר במישׁר דיבון ובמות בעל ובית בעל מעון׃¹⁸ ויהצה וקדמת ומפעת׃¹⁹ וקריתים ושׂבמה וצרת השׁחר בהר העמק׃²⁰ ובית פעור ואשׁדות הפסגה ובית הישׁמות׃²¹ וכל ערי המישׁר וכל ממלכות סיחון מלך האמרי אשׁר מלך בחשׁבון אשׁר הכה משׁה אתו ואת נשׂיאי מדין את אוי ואת רקם ואת צור ואת חור ואת רבע נסיכי סיחון ישׁבי הארץ׃

Genesis 29:35

³⁵ ותהר עוד ותלד בן ותאמר הפעם אודה את יהוה על כן קראה שׁמו יהודה ותעמד מלדת׃

Joshua 15:1-63

¹ ויהי הגורל למטה בני יהודה למשׁפחתם אל גבול אדום מדבר צן נגבה מקצה תימן׃² ויהי להם גבול נגב מקצה ים המלח מן הלשׁן הפנה נגבה׃³ ויצא אל מנגב למעלה עקרבים ועבר צנה ועלה מנגב לקדשׁ ברנע ועבר חצרון ועלה אדרה ונסב הקרקעה׃⁴ ועבר עצמונה ויצא נחל מצרים והיה תצאות הגבול ימה זה יהיה לכם גבול נגב׃⁵ וגבול קדמה ים המלח עד קצה הירדן וגבול לפאת צפונה מלשׁון הים מקצה הירדן׃⁶ ועלה הגבול בית חגלה ועבר מצפון לבית הערבה ועלה הגבול אבן בהן בן ראובן׃⁷ ועלה הגבול דברה מעמק עכור וצפונה פנה אל הגלגל אשׁר נכח למעלה אדמים אשׁר מנגב לנחל ועבר הגבול אל מי עין שׁמשׁ והיו תצאתיו אל עין רגל׃⁸ ועלה הגבול גי בן הנם אל כתף היבוסי מנגב היא ירושׁלם ועלה הגבול אל ראשׁ ההר אשׁר על פני גי הנם ימה אשׁר בקצה עמק רפאים צפנה׃⁹ ותאר הגבול מראשׁ ההר אל מעין מי נפתוח ויצא אל ערי הר עפרון ותאר הגבול בעלה היא קרית יערים׃¹⁰ ונסב הגבול מבעלה ימה אל הר שׂעיר ועבר אל כתף הר יערים מצפונה היא כסלון וירד בית שׁמשׁ ועבר תמנה׃¹¹ ויצא הגבול אל כתף עקרון צפונה ותאר הגבול שׁכרונה ועבר הר הבעלה ויצא יבנאל והיו תצאות הגבול ימה׃¹² וגבול ים הימה הגדול וגבול זה גבול בני יהודה סביב למשׁפחתם׃¹³ ולכלב בן יפנה נתן חלק בתוך בני יהודה אל פי יהוה ליהושׁע את קרית ארבע אבי הענק היא חברון׃¹⁴ וירשׁ משׁם כלב את שׁלושׁה בני הענק את שׁשׁי ואת אחימן ואת תלמי ילידי הענק׃¹⁵ ויעל משׁם אל ישׁבי דבר ושׁם דבר לפנים קרית ספר׃¹⁶ ויאמר כלב אשׁר יכה את קרית ספר ולכדה ונתתי לו את עכסה בתי לאשׁה׃¹⁷ וילכדה עתניאל בן קנז אחי כלב ויתן לו את עכסה בתו לאשׁה׃¹⁸ ויהי בבואה ותסיתהו לשׁאול מאת אביה שׂדה ותצנח מעל החמור ויאמר לה כלב מה׃¹⁹ ותאמר תנה לי ברכה כי ארץ הנגב נתתני ונתתה לי גלת מים ויתן לה את גלת עליות ואת גלת תחתיות׃²⁰ זאת נחלת מטה בני יהודה למשׁפחתם׃²¹ ויהיו הערים מקצה למטה בני יהודה אל גבול אדום בנגבה קבצאל ועדר ויגור׃²² וקינה ודימונה ועדעדה׃²³ וקדשׁ וחצור ויתנן׃²⁴ זיף וטלם ובעלות׃²⁵ וחצור חדתה וקריות חצרון היא חצור׃²⁶ אמם ושׁמע ומולדה׃²⁷ וחצר גדה וחשׁמון ובית פלט׃²⁸ וחצר שׁועל ובאר שׁבע ובזיותיה׃²⁹ בעלה ועיים ועצם׃³⁰ ואלתולד וכסיל וחרמה׃³¹ וצקלג ומדמנה וסנסנה׃³² ולבאות ושׁלחים ועין ורמון כל ערים עשׂרים ותשׁע וחצריהן׃³³ בשׁפלה אשׁתאול וצרעה ואשׁנה׃³⁴ וזנוח ועין גנים תפוח והעינם׃³⁵ ירמות ועדלם שׂוכה ועזקה׃³⁶ ושׁערים ועדיתים והגדרה וגדרתים ערים ארבע עשׂרה וחצריהן׃³⁷ צנן וחדשׁה ומגדל גד׃³⁸ ודלען והמצפה ויקתאל׃³⁹ לכישׁ ובצקת ועגלון׃⁴⁰ וכבון ולחמס וכתלישׁ׃⁴¹ וגדרות בית דגון ונעמה ומקדה ערים שׁשׁ עשׂרה וחצריהן׃⁴² לבנה ועתר ועשׁן׃⁴³ ויפתח ואשׁנה ונציב׃⁴⁴ וקעילה ואכזיב ומראשׁה ערים תשׁע וחצריהן׃⁴⁵ עקרון ובנתיה וחצריה׃⁴⁶ מעקרון וימה כל אשׁר על יד אשׁדוד וחצריהן׃⁴⁷ אשׁדוד בנותיה וחצריה עזה בנותיה וחצריה עד נחל מצרים והים הגבול וגבול׃⁴⁸ ובהר שׁמיר ויתיר ושׂוכה׃⁴⁹ ודנה וקרית סנה היא דבר׃⁵⁰ וענב ואשׁתמה וענים׃⁵¹ וגשׁן וחלן וגלה ערים אחת עשׂרה וחצריהן׃⁵² ארב ורומה ואשׁען׃⁵³ וינים ובית תפוח ואפקה׃⁵⁴ וחמטה וקרית ארבע היא חברון וציער ערים תשׁע וחצריהן׃⁵⁵ מעון כרמל וזיף ויוטה׃⁵⁶ ויזרעאל ויקדעם וזנוח׃⁵⁷ הקין גבעה ותמנה ערים עשׂר וחצריהן׃⁵⁸ חלחול בית צור וגדור׃⁵⁹ ומערת ובית ענות ואלתקן ערים שׁשׁ וחצריהן׃⁶⁰ קרית בעל היא קרית יערים והרבה ערים שׁתים וחצריהן׃⁶¹ במדבר בית הערבה מדין וסככה׃⁶² והנבשׁן ועיר המלח ועין גדי ערים שׁשׁ וחצריהן׃⁶³ ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃

Joshua 19:9

⁹ מחבל בני יהודה נחלת בני שׁמעון כי היה חלק בני יהודה רב מהם וינחלו בני שׁמעון בתוך נחלתם׃

Isaiah 12:6

⁶ צהלי ורני יושׁבת ציון כי גדול בקרבך קדושׁ ישׂראל׃

Isaiah 33:20-22

²⁰ חזה ציון קרית מועדנו עיניך תראינה ירושׁלם נוה שׁאנן אהל בל יצען בל יסע יתדתיו לנצח וכל חבליו בל ינתקו׃²¹ כי אם שׁם אדיר יהוה לנו מקום נהרים יארים רחבי ידים בל תלך בו אני שׁיט וצי אדיר לא יעברנו׃²² כי יהוה שׁפטנו יהוה מחקקנו יהוה מלכנו הוא יושׁיענו׃

Ezekiel 45:1-6

¹ ובהפילכם את הארץ בנחלה תרימו תרומה ליהוה קדשׁ מן הארץ ארך חמשׁה ועשׂרים אלף ארך ורחב עשׂרה אלף קדשׁ הוא בכל גבולה סביב׃² יהיה מזה אל הקדשׁ חמשׁ מאות בחמשׁ מאות מרבע סביב וחמשׁים אמה מגרשׁ לו סביב׃³ ומן המדה הזאת תמוד ארך חמשׁ ועשׂרים אלף ורחב עשׂרת אלפים ובו יהיה המקדשׁ קדשׁ קדשׁים׃⁴ קדשׁ מן הארץ הוא לכהנים משׁרתי המקדשׁ יהיה הקרבים לשׁרת את יהוה והיה להם מקום לבתים ומקדשׁ למקדשׁ׃⁵ וחמשׁה ועשׂרים אלף ארך ועשׂרת אלפים רחב יהיה ללוים משׁרתי הבית להם לאחזה עשׂרים לשׁכת׃⁶ ואחזת העיר תתנו חמשׁת אלפים רחב וארך חמשׁה ועשׂרים אלף לעמת תרומת הקדשׁ לכל בית ישׂראל יהיה׃

Ezekiel 48:21

²¹ והנותר לנשׂיא מזה ומזה לתרומת הקדשׁ ולאחזת העיר אל פני חמשׁה ועשׂרים אלף תרומה עד גבול קדימה וימה על פני חמשׁה ועשׂרים אלף על גבול ימה לעמת חלקים לנשׂיא והיתה תרומת הקדשׁ ומקדשׁ הבית בתוכה׃

Ezekiel 48:35

³⁵ סביב שׁמנה עשׂר אלף ושׁם העיר מיום יהוה שׁמה׃

Zechariah 2:11-12

¹¹ (2:15) ונלוו גוים רבים אל יהוה ביום ההוא והיו לי לעם ושׁכנתי בתוכך וידעת כי יהוה צבאות שׁלחני אליך׃¹² (2:16) ונחל יהוה את יהודה חלקו על אדמת הקדשׁ ובחר עוד בירושׁלם׃

Numbers 35:1-9

¹ וידבר יהוה אל משׁה בערבת מואב על ירדן ירחו לאמר׃² צו את בני ישׂראל ונתנו ללוים מנחלת אחזתם ערים לשׁבת ומגרשׁ לערים סביבתיהם תתנו ללוים׃³ והיו הערים להם לשׁבת ומגרשׁיהם יהיו לבהמתם ולרכשׁם ולכל חיתם׃⁴ ומגרשׁי הערים אשׁר תתנו ללוים מקיר העיר וחוצה אלף אמה סביב׃⁵ ומדתם מחוץ לעיר את פאת קדמה אלפים באמה ואת פאת נגב אלפים באמה ואת פאת ים אלפים באמה ואת פאת צפון אלפים באמה והעיר בתוך זה יהיה להם מגרשׁי הערים׃⁶ ואת הערים אשׁר תתנו ללוים את שׁשׁ ערי המקלט אשׁר תתנו לנס שׁמה הרצח ועליהם תתנו ארבעים ושׁתים עיר׃⁷ כל הערים אשׁר תתנו ללוים ארבעים ושׁמנה עיר אתהן ואת מגרשׁיהן׃⁸ והערים אשׁר תתנו מאחזת בני ישׂראל מאת הרב תרבו ומאת המעט תמעיטו אישׁ כפי נחלתו אשׁר ינחלו יתן מעריו ללוים׃⁹ וידבר יהוה אל משׁה לאמר׃

Joshua 21:1-45

¹ ויגשׁו ראשׁי אבות הלוים אל אלעזר הכהן ואל יהושׁע בן נון ואל ראשׁי אבות המטות לבני ישׂראל׃² וידברו אליהם בשׁלה בארץ כנען לאמר יהוה צוה ביד משׁה לתת לנו ערים לשׁבת ומגרשׁיהן לבהמתנו׃³ ויתנו בני ישׂראל ללוים מנחלתם אל פי יהוה את הערים האלה ואת מגרשׁיהן׃⁴ ויצא הגורל למשׁפחת הקהתי ויהי לבני אהרן הכהן מן הלוים ממטה יהודה וממטה השׁמעני וממטה בנימן בגורל ערים שׁלשׁ עשׂרה׃⁵ ולבני קהת הנותרים ממשׁפחת מטה אפרים וממטה דן ומחצי מטה מנשׁה בגורל ערים עשׂר׃⁶ ולבני גרשׁון ממשׁפחות מטה ישׂשכר וממטה אשׁר וממטה נפתלי ומחצי מטה מנשׁה בבשׁן בגורל ערים שׁלשׁ עשׂרה׃⁷ לבני מררי למשׁפחתם ממטה ראובן וממטה גד וממטה זבולן ערים שׁתים עשׂרה׃⁸ ויתנו בני ישׂראל ללוים את הערים האלה ואת מגרשׁיהן כאשׁר צוה יהוה ביד משׁה בגורל׃⁹ ויתנו ממטה בני יהודה וממטה בני שׁמעון את הערים האלה אשׁר יקרא אתהן בשׁם׃¹⁰ ויהי לבני אהרן ממשׁפחות הקהתי מבני לוי כי להם היה הגורל ריאשׁנה׃¹¹ ויתנו להם את קרית ארבע אבי הענוק היא חברון בהר יהודה ואת מגרשׁה סביבתיה׃¹² ואת שׂדה העיר ואת חצריה נתנו לכלב בן יפנה באחזתו׃¹³ ולבני אהרן הכהן נתנו את עיר מקלט הרצח את חברון ואת מגרשׁה ואת לבנה ואת מגרשׁה׃¹⁴ ואת יתר ואת מגרשׁה ואת אשׁתמע ואת מגרשׁה׃¹⁵ ואת חלן ואת מגרשׁה ואת דבר ואת מגרשׁה׃¹⁶ ואת עין ואת מגרשׁה ואת יטה ואת מגרשׁה את בית שׁמשׁ ואת מגרשׁה ערים תשׁע מאת שׁני השׁבטים האלה׃¹⁷ וממטה בנימן את גבעון ואת מגרשׁה את גבע ואת מגרשׁה׃¹⁸ את ענתות ואת מגרשׁה ואת עלמון ואת מגרשׁה ערים ארבע׃¹⁹ כל ערי בני אהרן הכהנים שׁלשׁ עשׂרה ערים ומגרשׁיהן׃²⁰ ולמשׁפחות בני קהת הלוים הנותרים מבני קהת ויהי ערי גורלם ממטה אפרים׃²¹ ויתנו להם את עיר מקלט הרצח את שׁכם ואת מגרשׁה בהר אפרים ואת גזר ואת מגרשׁה׃²² ואת קבצים ואת מגרשׁה ואת בית חורן ואת מגרשׁה ערים ארבע׃²³ וממטה דן את אלתקא ואת מגרשׁה את גבתון ואת מגרשׁה׃²⁴ את אילון ואת מגרשׁה את גת רמון ואת מגרשׁה ערים ארבע׃²⁵ וממחצית מטה מנשׁה את תענך ואת מגרשׁה ואת גת רמון ואת מגרשׁה ערים שׁתים׃²⁶ כל ערים עשׂר ומגרשׁיהן למשׁפחות בני קהת הנותרים׃²⁷ ולבני גרשׁון ממשׁפחת הלוים מחצי מטה מנשׁה את עיר מקלט הרצח את גלון בבשׁן ואת מגרשׁה ואת בעשׁתרה ואת מגרשׁה ערים שׁתים׃²⁸ וממטה ישׂשכר את קשׁיון ואת מגרשׁה את דברת ואת מגרשׁה׃²⁹ את ירמות ואת מגרשׁה את עין גנים ואת מגרשׁה ערים ארבע׃³⁰ וממטה אשׁר את משׁאל ואת מגרשׁה את עבדון ואת מגרשׁה׃³¹ את חלקת ואת מגרשׁה ואת רחב ואת מגרשׁה ערים ארבע׃³² וממטה נפתלי את עיר מקלט הרצח את קדשׁ בגליל ואת מגרשׁה ואת חמת דאר ואת מגרשׁה ואת קרתן ואת מגרשׁה ערים שׁלשׁ׃³³ כל ערי הגרשׁני למשׁפחתם שׁלשׁ עשׂרה עיר ומגרשׁיהן׃³⁴ ולמשׁפחות בני מררי הלוים הנותרים מאת מטה זבולן את יקנעם ואת מגרשׁה את קרתה ואת מגרשׁה׃³⁵ את דמנה ואת מגרשׁה את נהלל ואת מגרשׁה ערים ארבע׃³⁶ וממטה ראובן את בצר ואת מגרשׁה ואת יהצה ואת מגרשׁה׃³⁷ את קדמות ואת מגרשׁה ואת מיפעת ואת מגרשׁה ערים ארבע׃³⁸ וממטה גד את עיר מקלט הרצח את רמת בגלעד ואת מגרשׁה ואת מחנים ואת מגרשׁה׃³⁹ את חשׁבון ואת מגרשׁה את יעזר ואת מגרשׁה כל ערים ארבע׃⁴⁰ כל הערים לבני מררי למשׁפחתם הנותרים ממשׁפחות הלוים ויהי גורלם ערים שׁתים עשׂרה׃⁴¹ כל ערי הלוים בתוך אחזת בני ישׂראל ערים ארבעים ושׁמנה ומגרשׁיהן׃⁴² תהיינה הערים האלה עיר עיר ומגרשׁיה סביבתיה כן לכל הערים האלה׃⁴³ ויתן יהוה לישׂראל את כל הארץ אשׁר נשׁבע לתת לאבותם וירשׁוה וישׁבו׃⁴⁴ וינח יהוה להם מסביב ככל אשׁר נשׁבע לאבותם ולא עמד אישׁ בפניהם מכל איביהם את כל איביהם נתן יהוה בידם׃⁴⁵ לא נפל דבר מכל הדבר הטוב אשׁר דבר יהוה אל בית ישׂראל הכל בא׃

Ezekiel 44:28

²⁸ והיתה להם לנחלה אני נחלתם ואחזה לא תתנו להם בישׂראל אני אחזתם׃

Ezekiel 45:4

⁴ קדשׁ מן הארץ הוא לכהנים משׁרתי המקדשׁ יהיה הקרבים לשׁרת את יהוה והיה להם מקום לבתים ומקדשׁ למקדשׁ׃

Ezekiel 40:46

⁴⁶ והלשׁכה אשׁר פניה דרך הצפון לכהנים שׁמרי משׁמרת המזבח המה בני צדוק הקרבים מבני לוי אל יהוה לשׁרתו׃

Ezekiel 43:19

¹⁹ ונתתה אל הכהנים הלוים אשׁר הם מזרע צדוק הקרבים אלי נאם אדני יהוה לשׁרתני פר בן בקר לחטאת׃

Ezekiel 44:10

¹⁰ כי אם הלוים אשׁר רחקו מעלי בתעות ישׂראל אשׁר תעו מעלי אחרי גלוליהם ונשׂאו עונם׃

Ezekiel 44:15-16

¹⁵ והכהנים הלוים בני צדוק אשׁר שׁמרו את משׁמרת מקדשׁי בתעות בני ישׂראל מעלי המה יקרבו אלי לשׁרתני ועמדו לפני להקריב לי חלב ודם נאם אדני יהוה׃¹⁶ המה יבאו אל מקדשׁי והמה יקרבו אל שׁלחני לשׁרתני ושׁמרו את משׁמרתי׃

Leviticus 27:21

²¹ והיה השׂדה בצאתו ביבל קדשׁ ליהוה כשׂדה החרם לכהן תהיה אחזתו׃

Deuteronomy 12:19

¹⁹ השׁמר לך פן תעזב את הלוי כל ימיך על אדמתך׃

Ezekiel 45:3

³ ומן המדה הזאת תמוד ארך חמשׁ ועשׂרים אלף ורחב עשׂרת אלפים ובו יהיה המקדשׁ קדשׁ קדשׁים׃

Ezekiel 45:5

⁵ וחמשׁה ועשׂרים אלף ארך ועשׂרת אלפים רחב יהיה ללוים משׁרתי הבית להם לאחזה עשׂרים לשׁכת׃

Exodus 22:29

²⁹ (22:28) מלאתך ודמעך לא תאחר בכור בניך תתן׃

Leviticus 23:20

²⁰ והניף הכהן אתם על לחם הבכרים תנופה לפני יהוה על שׁני כבשׂים קדשׁ יהיו ליהוה לכהן׃

Leviticus 25:34

³⁴ ושׂדה מגרשׁ עריהם לא ימכר כי אחזת עולם הוא׃

Leviticus 27:9-10

⁹ ואם בהמה אשׁר יקריבו ממנה קרבן ליהוה כל אשׁר יתן ממנו ליהוה יהיה קדשׁ׃¹⁰ לא יחליפנו ולא ימיר אתו טוב ברע או רע בטוב ואם המר ימיר בהמה בבהמה והיה הוא ותמורתו יהיה קדשׁ׃

Leviticus 27:28

²⁸ אך כל חרם אשׁר יחרם אישׁ ליהוה מכל אשׁר לו מאדם ובהמה ומשׂדה אחזתו לא ימכר ולא יגאל כל חרם קדשׁ קדשׁים הוא ליהוה׃

Leviticus 27:32-33

³² וכל מעשׂר בקר וצאן כל אשׁר יעבר תחת השׁבט העשׂירי יהיה קדשׁ ליהוה׃³³ לא יבקר בין טוב לרע ולא ימירנו ואם המר ימירנו והיה הוא ותמורתו יהיה קדשׁ לא יגאל׃

Ezekiel 48:12

¹² והיתה להם תרומיה מתרומת הארץ קדשׁ קדשׁים אל גבול הלוים׃

Malachi 3:8-10

⁸ היקבע אדם אלהים כי אתם קבעים אתי ואמרתם במה קבענוך המעשׂר והתרומה׃⁹ במארה אתם נארים ואתי אתם קבעים הגוי כלו׃¹⁰ הביאו את כל המעשׂר אל בית האוצר ויהי טרף בביתי ובחנוני נא בזאת אמר יהוה צבאות אם לא אפתח לכם את ארבות השׁמים והריקתי לכם ברכה עד בלי די׃

Ezekiel 22:26

²⁶ כהניה חמסו תורתי ויחללו קדשׁי בין קדשׁ לחל לא הבדילו ובין הטמא לטהור לא הודיעו ומשׁבתותי העלימו עיניהם ואחל בתוכם׃

Ezekiel 42:20

²⁰ לארבע רוחות מדדו חומה לו סביב סביב ארך חמשׁ מאות ורחב חמשׁ מאות להבדיל בין הקדשׁ לחל׃

Ezekiel 44:23

²³ ואת עמי יורו בין קדשׁ לחל ובין טמא לטהור יודעם׃

Ezekiel 45:6

⁶ ואחזת העיר תתנו חמשׁת אלפים רחב וארך חמשׁה ועשׂרים אלף לעמת תרומת הקדשׁ לכל בית ישׂראל יהיה׃

Joshua 9:27

²⁷ ויתנם יהושׁע ביום ההוא חטבי עצים ושׁאבי מים לעדה ולמזבח יהוה עד היום הזה אל המקום אשׁר יבחר׃

Ezra 2:43-58

⁴³ הנתינים בני ציחא בני חשׂופא בני טבעות׃⁴⁴ בני קרס בני סיעהא בני פדון׃⁴⁵ בני לבנה בני חגבה בני עקוב׃⁴⁶ בני חגב בני שׁמלי בני חנן׃⁴⁷ בני גדל בני גחר בני ראיה׃⁴⁸ בני רצין בני נקודא בני גזם׃⁴⁹ בני עזא בני פסח בני בסי׃⁵⁰ בני אסנה בני מעינים בני נפיסים׃⁵¹ בני בקבוק בני חקופא בני חרחור׃⁵² בני בצלות בני מחידא בני חרשׁא׃⁵³ בני ברקוס בני סיסרא בני תמח׃⁵⁴ בני נציח בני חטיפא׃⁵⁵ בני עבדי שׁלמה בני סטי בני הספרת בני פרודא׃⁵⁶ בני יעלה בני דרקון בני גדל׃⁵⁷ בני שׁפטיה בני חטיל בני פכרת הצביים בני אמי׃⁵⁸ כל הנתינים ובני עבדי שׁלמה שׁלשׁ מאות תשׁעים ושׁנים׃

Nehemiah 7:46-62

⁴⁶ הנתינים בני צחא בני חשׂפא בני טבעות׃⁴⁷ בני קירס בני סיעא בני פדון׃⁴⁸ בני לבנה בני חגבה בני שׁלמי׃⁴⁹ בני חנן בני גדל בני גחר׃⁵⁰ בני ראיה בני רצין בני נקודא׃⁵¹ בני גזם בני עזא בני פסח׃⁵² בני בסי בני מעונים בני נפושׁסים׃⁵³ בני בקבוק בני חקופא בני חרחור׃⁵⁴ בני בצלית בני מחידא בני חרשׁא׃⁵⁵ בני ברקוס בני סיסרא בני תמח׃⁵⁶ בני נציח בני חטיפא׃⁵⁷ בני עבדי שׁלמה בני סוטי בני סופרת בני פרידא׃⁵⁸ בני יעלא בני דרקון בני גדל׃⁵⁹ בני שׁפטיה בני חטיל בני פכרת הצביים בני אמון׃⁶⁰ כל הנתינים ובני עבדי שׁלמה שׁלשׁ מאות תשׁעים ושׁנים׃⁶¹ ואלה העולים מתל מלח תל חרשׁא כרוב אדון ואמר ולא יכלו להגיד בית אבותם וזרעם אם מישׂראל הם׃⁶² בני דליה בני טוביה בני נקודא שׁשׁ מאות וארבעים ושׁנים׃

1 Kings 4:7-23

⁷ ולשׁלמה שׁנים עשׂר נצבים על כל ישׂראל וכלכלו את המלך ואת ביתו חדשׁ בשׁנה יהיה על אחד לכלכל׃⁸ ואלה שׁמותם בן חור בהר אפרים׃⁹ בן דקר במקץ ובשׁעלבים ובית שׁמשׁ ואילון בית חנן׃¹⁰ בן חסד בארבות לו שׂכה וכל ארץ חפר׃¹¹ בן אבינדב כל נפת דאר טפת בת שׁלמה היתה לו לאשׁה׃¹² בענא בן אחילוד תענך ומגדו וכל בית שׁאן אשׁר אצל צרתנה מתחת ליזרעאל מבית שׁאן עד אבל מחולה עד מעבר ליקמעם׃¹³ בן גבר ברמת גלעד לו חות יאיר בן מנשׁה אשׁר בגלעד לו חבל ארגב אשׁר בבשׁן שׁשׁים ערים גדלות חומה ובריח נחשׁת׃¹⁴ אחינדב בן עדא מחנימה׃¹⁵ אחימעץ בנפתלי גם הוא לקח את בשׂמת בת שׁלמה לאשׁה׃¹⁶ בענא בן חושׁי באשׁר ובעלות׃¹⁷ יהושׁפט בן פרוח בישׂשכר׃¹⁸ שׁמעי בן אלא בבנימן׃¹⁹ גבר בן ארי בארץ גלעד ארץ סיחון מלך האמרי ועג מלך הבשׁן ונציב אחד אשׁר בארץ׃²⁰ יהודה וישׂראל רבים כחול אשׁר על הים לרב אכלים ושׁתים ושׂמחים׃²¹ (5:1) ושׁלמה היה מושׁל בכל הממלכות מן הנהר ארץ פלשׁתים ועד גבול מצרים מגשׁים מנחה ועבדים את שׁלמה כל ימי חייו׃²² (5:2) ויהי לחם שׁלמה ליום אחד שׁלשׁים כר סלת ושׁשׁים כר קמח׃²³ (5:3) עשׂרה בקר בראים ועשׂרים בקר רעי ומאה צאן לבד מאיל וצבי ויחמור וברברים אבוסים׃

Nehemiah 11:1-36

¹ וישׁבו שׂרי העם בירושׁלם ושׁאר העם הפילו גורלות להביא אחד מן העשׂרה לשׁבת בירושׁלם עיר הקדשׁ ותשׁע הידות בערים׃² ויברכו העם לכל האנשׁים המתנדבים לשׁבת בירושׁלם׃³ ואלה ראשׁי המדינה אשׁר ישׁבו בירושׁלם ובערי יהודה ישׁבו אישׁ באחזתו בעריהם ישׂראל הכהנים והלוים והנתינים ובני עבדי שׁלמה׃⁴ ובירושׁלם ישׁבו מבני יהודה ומבני בנימן מבני יהודה עתיה בן עזיה בן זכריה בן אמריה בן שׁפטיה בן מהללאל מבני פרץ׃⁵ ומעשׂיה בן ברוך בן כל חזה בן חזיה בן עדיה בן יויריב בן זכריה בן השׁלני׃⁶ כל בני פרץ הישׁבים בירושׁלם ארבע מאות שׁשׁים ושׁמנה אנשׁי חיל׃⁷ ואלה בני בנימן סלא בן משׁלם בן יועד בן פדיה בן קוליה בן מעשׂיה בן איתיאל בן ישׁעיה׃⁸ ואחריו גבי סלי תשׁע מאות עשׂרים ושׁמנה׃⁹ ויואל בן זכרי פקיד עליהם ויהודה בן הסנואה על העיר משׁנה׃¹⁰ מן הכהנים ידעיה בן יויריב יכין׃¹¹ שׂריה בן חלקיה בן משׁלם בן צדוק בן מריות בן אחיטוב נגד בית האלהים׃¹² ואחיהם עשׂי המלאכה לבית שׁמנה מאות עשׂרים ושׁנים ועדיה בן ירחם בן פלליה בן אמצי בן זכריה בן פשׁחור בן מלכיה׃¹³ ואחיו ראשׁים לאבות מאתים ארבעים ושׁנים ועמשׁסי בן עזראל בן אחזי בן משׁלמות בן אמר׃¹⁴ ואחיהם גבורי חיל מאה עשׂרים ושׁמנה ופקיד עליהם זבדיאל בן הגדולים׃¹⁵ ומן הלוים שׁמעיה בן חשׁוב בן עזריקם בן חשׁביה בן בוני׃¹⁶ ושׁבתי ויוזבד על המלאכה החיצנה לבית האלהים מראשׁי הלוים׃¹⁷ ומתניה בן מיכה בן זבדי בן אסף ראשׁ התחלה יהודה לתפלה ובקבקיה משׁנה מאחיו ועבדא בן שׁמוע בן גלל בן ידיתון׃¹⁸ כל הלוים בעיר הקדשׁ מאתים שׁמנים וארבעה׃¹⁹ והשׁוערים עקוב טלמון ואחיהם השׁמרים בשׁערים מאה שׁבעים ושׁנים׃²⁰ ושׁאר ישׂראל הכהנים הלוים בכל ערי יהודה אישׁ בנחלתו׃²¹ והנתינים ישׁבים בעפל וציחא וגשׁפא על הנתינים׃²² ופקיד הלוים בירושׁלם עזי בן בני בן חשׁביה בן מתניה בן מיכא מבני אסף המשׁררים לנגד מלאכת בית האלהים׃²³ כי מצות המלך עליהם ואמנה על המשׁררים דבר יום ביומו׃²⁴ ופתחיה בן משׁיזבאל מבני זרח בן יהודה ליד המלך לכל דבר לעם׃²⁵ ואל החצרים בשׂדתם מבני יהודה ישׁבו בקרית הארבע ובנתיה ובדיבן ובנתיה וביקבצאל וחצריה׃²⁶ ובישׁוע ובמולדה ובבית פלט׃²⁷ ובחצר שׁועל ובבאר שׁבע ובנתיה׃²⁸ ובצקלג ובמכנה ובבנתיה׃²⁹ ובעין רמון ובצרעה ובירמות׃³⁰ זנח עדלם וחצריהם לכישׁ ושׂדתיה עזקה ובנתיה ויחנו מבאר שׁבע עד גיא הנם׃³¹ ובני בנימן מגבע מכמשׂ ועיה ובית אל ובנתיה׃³² ענתות נב ענניה׃³³ חצור רמה גתים׃³⁴ חדיד צבעים נבלט׃³⁵ לד ואונו גי החרשׁים׃³⁶ ומן הלוים מחלקות יהודה לבנימין׃

Ezekiel 34:23-24

²³ והקמתי עליהם רעה אחד ורעה אתהן את עבדי דויד הוא ירעה אתם והוא יהיה להן לרעה׃²⁴ ואני יהוה אהיה להם לאלהים ועבדי דוד נשׂיא בתוכם אני יהוה דברתי׃

Ezekiel 37:24

²⁴ ועבדי דוד מלך עליהם ורועה אחד יהיה לכלם ובמשׁפטי ילכו וחקתי ישׁמרו ועשׂו אותם׃

Ezekiel 45:7-8

⁷ ולנשׂיא מזה ומזה לתרומת הקדשׁ ולאחזת העיר אל פני תרומת הקדשׁ ואל פני אחזת העיר מפאת ים ימה ומפאת קדמה קדימה וארך לעמות אחד החלקים מגבול ים אל גבול קדימה׃⁸ לארץ יהיה לו לאחזה בישׂראל ולא יונו עוד נשׂיאי את עמי והארץ יתנו לבית ישׂראל לשׁבטיהם׃

Ezekiel 48:8

⁸ ועל גבול יהודה מפאת קדים עד פאת ימה תהיה התרומה אשׁר תרימו חמשׁה ועשׂרים אלף רחב וארך כאחד החלקים מפאת קדימה עד פאת ימה והיה המקדשׁ בתוכו׃

Ezekiel 48:10

¹⁰ ולאלה תהיה תרומת הקדשׁ לכהנים צפונה חמשׁה ועשׂרים אלף וימה רחב עשׂרת אלפים וקדימה רחב עשׂרת אלפים ונגבה ארך חמשׁה ועשׂרים אלף והיה מקדשׁ יהוה בתוכו׃

Ezekiel 48:22

²² ומאחזת הלוים ומאחזת העיר בתוך אשׁר לנשׂיא יהיה בין גבול יהודה ובין גבול בנימן לנשׂיא יהיה׃

Hosea 1:11

¹¹ (2:2) ונקבצו בני יהודה ובני ישׂראל יחדו ושׂמו להם ראשׁ אחד ועלו מן הארץ כי גדול יום יזרעאל׃

Genesis 35:16-19

¹⁶ ויסעו מבית אל ויהי עוד כברת הארץ לבוא אפרתה ותלד רחל ותקשׁ בלדתה׃¹⁷ ויהי בהקשׁתה בלדתה ותאמר לה המילדת אל תיראי כי גם זה לך בן׃¹⁸ ויהי בצאת נפשׁה כי מתה ותקרא שׁמו בן אוני ואביו קרא לו בנימין׃¹⁹ ותמת רחל ותקבר בדרך אפרתה הוא בית לחם׃

Joshua 18:21-28

²¹ והיו הערים למטה בני בנימן למשׁפחותיהם יריחו ובית חגלה ועמק קציץ׃²² ובית הערבה וצמרים ובית אל׃²³ והעוים והפרה ועפרה׃²⁴ וכפר העמני והעפני וגבע ערים שׁתים עשׂרה וחצריהן׃²⁵ גבעון והרמה ובארות׃²⁶ והמצפה והכפירה והמצה׃²⁷ ורקם וירפאל ותראלה׃²⁸ וצלע האלף והיבוסי היא ירושׁלם גבעת קרית ערים ארבע עשׂרה וחצריהן זאת נחלת בני בנימן למשׁפחתם׃

Ezekiel 48:1-7

Genesis 29:33

³³ ותהר עוד ותלד בן ותאמר כי שׁמע יהוה כי שׂנואה אנכי ויתן לי גם את זה ותקרא שׁמו שׁמעון׃

Genesis 49:5-7

⁵ שׁמעון ולוי אחים כלי חמס מכרתיהם׃⁶ בסדם אל תבא נפשׁי בקהלם אל תחד כבדי כי באפם הרגו אישׁ וברצנם עקרו שׁור׃⁷ ארור אפם כי עז ועברתם כי קשׁתה אחלקם ביעקב ואפיצם בישׂראל׃

Joshua 19:1-9

¹ ויצא הגורל השׁני לשׁמעון למטה בני שׁמעון למשׁפחותם ויהי נחלתם בתוך נחלת בני יהודה׃² ויהי להם בנחלתם באר שׁבע ושׁבע ומולדה׃³ וחצר שׁועל ובלה ועצם׃⁴ ואלתולד ובתול וחרמה׃⁵ וצקלג ובית המרכבות וחצר סוסה׃⁶ ובית לבאות ושׁרוחן ערים שׁלשׁ עשׂרה וחצריהן׃⁷ עין רמון ועתר ועשׁן ערים ארבע וחצריהן׃⁸ וכל החצרים אשׁר סביבות הערים האלה עד בעלת באר ראמת נגב זאת נחלת מטה בני שׁמעון למשׁפחתם׃⁹ מחבל בני יהודה נחלת בני שׁמעון כי היה חלק בני יהודה רב מהם וינחלו בני שׁמעון בתוך נחלתם׃

Genesis 30:14-18

¹⁴ וילך ראובן בימי קציר חטים וימצא דודאים בשׂדה ויבא אתם אל לאה אמו ותאמר רחל אל לאה תני נא לי מדודאי בנך׃¹⁵ ותאמר לה המעט קחתך את אישׁי ולקחת גם את דודאי בני ותאמר רחל לכן ישׁכב עמך הלילה תחת דודאי בנך׃¹⁶ ויבא יעקב מן השׂדה בערב ותצא לאה לקראתו ותאמר אלי תבוא כי שׂכר שׂכרתיך בדודאי בני וישׁכב עמה בלילה הוא׃¹⁷ וישׁמע אלהים אל לאה ותהר ותלד ליעקב בן חמישׁי׃¹⁸ ותאמר לאה נתן אלהים שׂכרי אשׁר נתתי שׁפחתי לאישׁי ותקרא שׁמו ישׂשכר׃

Joshua 19:17-23

¹⁷ לישׂשכר יצא הגורל הרביעי לבני ישׂשכר למשׁפחותם׃¹⁸ ויהי גבולם יזרעאלה והכסולת ושׁונם׃¹⁹ וחפרים ושׁיאן ואנחרת׃²⁰ והרבית וקשׁיון ואבץ׃²¹ ורמת ועין גנים ועין חדה ובית פצץ׃²² ופגע הגבול בתבור ושׁחצומה ובית שׁמשׁ והיו תצאות גבולם הירדן ערים שׁשׁ עשׂרה וחצריהן׃²³ זאת נחלת מטה בני ישׂשכר למשׁפחתם הערים וחצריהן׃

Genesis 30:19-20

¹⁹ ותהר עוד לאה ותלד בן שׁשׁי ליעקב׃²⁰ ותאמר לאה זבדני אלהים אתי זבד טוב הפעם יזבלני אישׁי כי ילדתי לו שׁשׁה בנים ותקרא את שׁמו זבלון׃

Joshua 19:10-16

¹⁰ ויעל הגורל השׁלישׁי לבני זבולן למשׁפחתם ויהי גבול נחלתם עד שׂריד׃¹¹ ועלה גבולם לימה ומרעלה ופגע בדבשׁת ופגע אל הנחל אשׁר על פני יקנעם׃¹² ושׁב משׂריד קדמה מזרח השׁמשׁ על גבול כסלת תבר ויצא אל הדברת ועלה יפיע׃¹³ ומשׁם עבר קדמה מזרחה גתה חפר עתה קצין ויצא רמון המתאר הנעה׃¹⁴ ונסב אתו הגבול מצפון חנתן והיו תצאתיו גי יפתח אל׃¹⁵ וקטת ונהלל ושׁמרון וידאלה ובית לחם ערים שׁתים עשׂרה וחצריהן׃¹⁶ זאת נחלת בני זבולן למשׁפחותם הערים האלה וחצריהן׃

Genesis 30:10-11

¹⁰ ותלד זלפה שׁפחת לאה ליעקב בן׃¹¹ ותאמר לאה בגד ותקרא את שׁמו גד׃

Joshua 13:24-28

²⁴ ויתן משׁה למטה גד לבני גד למשׁפחתם׃²⁵ ויהי להם הגבול יעזר וכל ערי הגלעד וחצי ארץ בני עמון עד ערוער אשׁר על פני רבה׃²⁶ ומחשׁבון עד רמת המצפה ובטנים וממחנים עד גבול לדבר׃²⁷ ובעמק בית הרם ובית נמרה וסכות וצפון יתר ממלכות סיחון מלך חשׁבון הירדן וגבל עד קצה ים כנרת עבר הירדן מזרחה׃²⁸ זאת נחלת בני גד למשׁפחתם הערים וחצריהם׃

Genesis 14:7

⁷ וישׁבו ויבאו אל עין משׁפט הוא קדשׁ ויכו את כל שׂדה העמלקי וגם את האמרי הישׁב בחצצן תמר׃

Genesis 15:18

¹⁸ ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃

Numbers 20:1

¹ ויבאו בני ישׂראל כל העדה מדבר צן בחדשׁ הראשׁון וישׁב העם בקדשׁ ותמת שׁם מרים ותקבר שׁם׃

Numbers 20:13

¹³ המה מי מריבה אשׁר רבו בני ישׂראל את יהוה ויקדשׁ׃

Numbers 34:5

⁵ ונסב הגבול מעצמון נחלה מצרים והיו תוצאתיו הימה׃

Joshua 13:3

³ מן השׁיחור אשׁר על פני מצרים ועד גבול עקרון צפונה לכנעני תחשׁב חמשׁת סרני פלשׁתים העזתי והאשׁדודי האשׁקלוני הגתי והעקרוני והעוים׃

2 Chronicles 20:2

² ויבאו ויגידו ליהושׁפט לאמר בא עליך המון רב מעבר לים מארם והנם בחצצון תמר היא עין גדי׃

Psalms 106:32

³² ויקציפו על מי מריבה וירע למשׁה בעבורם׃

Isaiah 27:12

¹² והיה ביום ההוא יחבט יהוה משׁבלת הנהר עד נחל מצרים ואתם תלקטו לאחד אחד בני ישׂראל׃

Ezekiel 47:10

¹⁰ והיה יעמדו עליו דוגים מעין גדי ועד עין עגלים משׁטוח לחרמים יהיו למינה תהיה דגתם כדגת הים הגדול רבה מאד׃

Ezekiel 47:15

¹⁵ וזה גבול הארץ לפאת צפונה מן הים הגדול הדרך חתלן לבוא צדדה׃

Ezekiel 47:19-20

¹⁹ ופאת נגב תימנה מתמר עד מי מריבות קדשׁ נחלה אל הים הגדול ואת פאת תימנה נגבה׃²⁰ ופאת ים הים הגדול מגבול עד נכח לבוא חמת זאת פאת ים׃

Numbers 34:2

² צו את בני ישׂראל ואמרת אלהם כי אתם באים אל הארץ כנען זאת הארץ אשׁר תפל לכם בנחלה ארץ כנען לגבלתיה׃

Numbers 34:13

¹³ ויצו משׁה את בני ישׂראל לאמר זאת הארץ אשׁר תתנחלו אתה בגורל אשׁר צוה יהוה לתת לתשׁעת המטות וחצי המטה׃

Joshua 13:1-21

¹ ויהושׁע זקן בא בימים ויאמר יהוה אליו אתה זקנתה באת בימים והארץ נשׁארה הרבה מאד לרשׁתה׃² זאת הארץ הנשׁארת כל גלילות הפלשׁתים וכל הגשׁורי׃³ מן השׁיחור אשׁר על פני מצרים ועד גבול עקרון צפונה לכנעני תחשׁב חמשׁת סרני פלשׁתים העזתי והאשׁדודי האשׁקלוני הגתי והעקרוני והעוים׃⁴ מתימן כל ארץ הכנעני ומערה אשׁר לצידנים עד אפקה עד גבול האמרי׃⁵ והארץ הגבלי וכל הלבנון מזרח השׁמשׁ מבעל גד תחת הר חרמון עד לבוא חמת׃⁶ כל ישׁבי ההר מן הלבנון עד משׂרפת מים כל צידנים אנכי אורישׁם מפני בני ישׂראל רק הפלה לישׂראל בנחלה כאשׁר צויתיך׃⁷ ועתה חלק את הארץ הזאת בנחלה לתשׁעת השׁבטים וחצי השׁבט המנשׁה׃⁸ עמו הראובני והגדי לקחו נחלתם אשׁר נתן להם משׁה בעבר הירדן מזרחה כאשׁר נתן להם משׁה עבד יהוה׃⁹ מערוער אשׁר על שׂפת נחל ארנון והעיר אשׁר בתוך הנחל וכל המישׁר מידבא עד דיבון׃¹⁰ וכל ערי סיחון מלך האמרי אשׁר מלך בחשׁבון עד גבול בני עמון׃¹¹ והגלעד וגבול הגשׁורי והמעכתי וכל הר חרמון וכל הבשׁן עד סלכה׃¹² כל ממלכות עוג בבשׁן אשׁר מלך בעשׁתרות ובאדרעי הוא נשׁאר מיתר הרפאים ויכם משׁה וירשׁם׃¹³ ולא הורישׁו בני ישׂראל את הגשׁורי ואת המעכתי וישׁב גשׁור ומעכת בקרב ישׂראל עד היום הזה׃¹⁴ רק לשׁבט הלוי לא נתן נחלה אשׁי יהוה אלהי ישׂראל הוא נחלתו כאשׁר דבר׃

Ezekiel 47:13-22

¹³ כה אמר אדני יהוה גה גבול אשׁר תתנחלו את הארץ לשׁני עשׂר שׁבטי ישׂראל יוסף חבלים׃¹⁴ ונחלתם אותה אישׁ כאחיו אשׁר נשׂאתי את ידי לתתה לאבתיכם ונפלה הארץ הזאת לכם בנחלה׃¹⁵ וזה גבול הארץ לפאת צפונה מן הים הגדול הדרך חתלן לבוא צדדה׃¹⁶ חמת ברותה סברים אשׁר בין גבול דמשׂק ובין גבול חמת חצר התיכון אשׁר אל גבול חורן׃¹⁷ והיה גבול מן הים חצר עינון גבול דמשׂק וצפון צפונה וגבול חמת ואת פאת צפון׃¹⁸ ופאת קדים מבין חורן ומבין דמשׂק ומבין הגלעד ומבין ארץ ישׂראל הירדן מגבול על הים הקדמוני תמדו ואת פאת קדימה׃¹⁹ ופאת נגב תימנה מתמר עד מי מריבות קדשׁ נחלה אל הים הגדול ואת פאת תימנה נגבה׃²⁰ ופאת ים הים הגדול מגבול עד נכח לבוא חמת זאת פאת ים׃²¹ וחלקתם את הארץ הזאת לכם לשׁבטי ישׂראל׃²² והיה תפלו אותה בנחלה לכם ולהגרים הגרים בתוככם אשׁר הולדו בנים בתוככם והיו לכם כאזרח בבני ישׂראל אתכם יפלו בנחלה בתוך שׁבטי ישׂראל׃

Ezekiel 48:16

¹⁶ ואלה מדותיה פאת צפון חמשׁ מאות וארבעת אלפים ופאת נגב חמשׁ חמשׁ מאות וארבעת אלפים ומפאת קדים חמשׁ מאות וארבעת אלפים ופאת ימה חמשׁ מאות וארבעת אלפים׃

Ezekiel 48:32-35

³² ואל פאת קדימה חמשׁ מאות וארבעת אלפים ושׁערים שׁלשׁה ושׁער יוסף אחד שׁער בנימן אחד שׁער דן אחד׃³³ ופאת נגבה חמשׁ מאות וארבעת אלפים מדה ושׁערים שׁלשׁה שׁער שׁמעון אחד שׁער ישׂשכר אחד שׁער זבולן אחד׃³⁴ פאת ימה חמשׁ מאות וארבעת אלפים שׁעריהם שׁלשׁה שׁער גד אחד שׁער אשׁר אחד שׁער נפתלי אחד׃³⁵ סביב שׁמנה עשׂר אלף ושׁם העיר מיום יהוה שׁמה׃

Isaiah 26:1-2

¹ ביום ההוא יושׁר השׁיר הזה בארץ יהודה עיר עז לנו ישׁועה ישׁית חומות וחל׃² פתחו שׁערים ויבא גוי צדיק שׁמר אמנים׃

Isaiah 54:12

¹² ושׂמתי כדכד שׁמשׁתיך ושׁעריך לאבני אקדח וכל גבולך לאבני חפץ׃

Isaiah 60:11

¹¹ ופתחו שׁעריך תמיד יומם ולילה לא יסגרו להביא אליך חיל גוים ומלכיהם נהוגים׃

Genesis 22:14

¹⁴ ויקרא אברהם שׁם המקום ההוא יהוה יראה אשׁר יאמר היום בהר יהוה יראה׃

Exodus 15:26

²⁶ ויאמר אם שׁמוע תשׁמע לקול יהוה אלהיך והישׁר בעיניו תעשׂה והאזנת למצותיו ושׁמרת כל חקיו כל המחלה אשׁר שׂמתי במצרים לא אשׂים עליך כי אני יהוה רפאך׃

Exodus 17:15

Judges 6:24