1 אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שׂכרך הרבה מאד׃2 ויאמר אברם אדני יהוה מה תתן לי ואנכי הולך ערירי ובן משׁק ביתי הוא דמשׂק אליעזר׃3 ויאמר אברם הן לי לא נתתה זרע והנה בן ביתי יורשׁ אתי׃4 והנה דבר יהוה אליו לאמר לא יירשׁך זה כי אם אשׁר יצא ממעיך הוא יירשׁך׃5 ויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך׃6 והאמן ביהוה ויחשׁבה לו צדקה׃7 ויאמר אליו אני יהוה אשׁר הוצאתיך מאור כשׂדים לתת לך את הארץ הזאת לרשׁתה׃8 ויאמר אדני יהוה במה אדע כי אירשׁנה׃9 ויאמר אליו קחה לי עגלה משׁלשׁת ועז משׁלשׁת ואיל משׁלשׁ ותר וגוזל׃10 ויקח לו את כל אלה ויבתר אתם בתוך ויתן אישׁ בתרו לקראת רעהו ואת הצפר לא בתר׃11 וירד העיט על הפגרים וישׁב אתם אברם׃12 ויהי השׁמשׁ לבוא ותרדמה נפלה על אברם והנה אימה חשׁכה גדלה נפלת עליו׃13 ויאמר לאברם ידע תדע כי גר יהיה זרעך בארץ לא להם ועבדום וענו אתם ארבע מאות שׁנה׃14 וגם את הגוי אשׁר יעבדו דן אנכי ואחרי כן יצאו ברכשׁ גדול׃15 ואתה תבוא אל אבתיך בשׁלום תקבר בשׂיבה טובה׃16 ודור רביעי ישׁובו הנה כי לא שׁלם עון האמרי עד הנה׃17 ויהי השׁמשׁ באה ועלטה היה והנה תנור עשׁן ולפיד אשׁ אשׁר עבר בין הגזרים האלה׃18 ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃19 את הקיני ואת הקנזי ואת הקדמני׃20 ואת החתי ואת הפרזי ואת הרפאים׃21 ואת האמרי ואת הכנעני ואת הגרגשׁי ואת היבוסי׃
Genesis 15 Cross References - HOT
Genesis 15:14-16
Genesis 21:17
17 וישׁמע אלהים את קול הנער ויקרא מלאך אלהים אל הגר מן השׁמים ויאמר לה מה לך הגר אל תיראי כי שׁמע אלהים אל קול הנער באשׁר הוא שׁם׃
Genesis 26:24
24 וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי׃
Genesis 46:2-3
Exodus 14:13
13 ויאמר משׁה אל העם אל תיראו התיצבו וראו את ישׁועת יהוה אשׁר יעשׂה לכם היום כי אשׁר ראיתם את מצרים היום לא תספו לראתם עוד עד עולם׃
Numbers 12:6
6 ויאמר שׁמעו נא דברי אם יהיה נביאכם יהוה במראה אליו אתודע בחלום אדבר׃
Deuteronomy 31:6
6 חזקו ואמצו אל תיראו ואל תערצו מפניהם כי יהוה אלהיך הוא ההלך עמך לא ירפך ולא יעזבך׃
Deuteronomy 33:26-29
Ruth 2:12
12 ישׁלם יהוה פעלך ותהי משׂכרתך שׁלמה מעם יהוה אלהי ישׂראל אשׁר באת לחסות תחת כנפיו׃
1 Samuel 9:9
9 לפנים בישׂראל כה אמר האישׁ בלכתו לדרושׁ אלהים לכו ונלכה עד הראה כי לנביא היום יקרא לפנים הראה׃
1 Chronicles 28:20
20 ויאמר דויד לשׁלמה בנו חזק ואמץ ועשׂה אל תירא ואל תחת כי יהוה אלהים אלהי עמך לא ירפך ולא יעזבך עד לכלות כל מלאכת עבודת בית יהוה׃
Psalms 3:3
3 (3:4) ואתה יהוה מגן בעדי כבודי ומרים ראשׁי׃
Psalms 5:12
12 (5:13) כי אתה תברך צדיק יהוה כצנה רצון תעטרנו׃
Psalms 16:5-6
Psalms 18:2
2 (18:3) יהוה סלעי ומצודתי ומפלטי אלי צורי אחסה בו מגני וקרן ישׁעי משׂגבי׃
Psalms 27:1
1 לדוד יהוה אורי וישׁעי ממי אירא יהוה מעוז חיי ממי אפחד׃
Psalms 58:11
11 (58:12) ויאמר אדם אך פרי לצדיק אך ישׁ אלהים שׁפטים בארץ׃
Psalms 84:9
9 (84:10) מגננו ראה אלהים והבט פני משׁיחך׃
Psalms 84:11
11 (84:12) כי שׁמשׁ ומגן יהוה אלהים חן וכבוד יתן יהוה לא ימנע טוב להלכים בתמים׃
Psalms 91:4
4 באברתו יסך לך ותחת כנפיו תחסה צנה וסחרה אמתו׃
Psalms 119:114
114 סתרי ומגני אתה לדברך יחלתי׃
Psalms 142:5
5 (142:6) זעקתי אליך יהוה אמרתי אתה מחסי חלקי בארץ החיים׃
Proverbs 11:18
18 רשׁע עשׂה פעלת שׁקר וזרע צדקה שׂכר אמת׃
Proverbs 30:5
5 כל אמרת אלוה צרופה מגן הוא לחסים׃
Isaiah 35:4
4 אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישׁעכם׃
Isaiah 41:10
10 אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃
Isaiah 41:14
14 אל תיראי תולעת יעקב מתי ישׂראל אני עזרתיך נאם יהוה וגאלך קדושׁ ישׂראל׃
Isaiah 43:1
1 ועתה כה אמר יהוה בראך יעקב ויצרך ישׂראל אל תירא כי גאלתיך קראתי בשׁמך לי אתה׃
Isaiah 43:5
5 אל תירא כי אתך אני ממזרח אביא זרעך וממערב אקבצך׃
Isaiah 44:2
2 כה אמר יהוה עשׂך ויצרך מבטן יעזרך אל תירא עבדי יעקב וישׁרון בחרתי׃
Isaiah 44:8
8 אל תפחדו ואל תרהו הלא מאז השׁמעתיך והגדתי ואתם עדי הישׁ אלוה מבלעדי ואין צור בל ידעתי׃
Isaiah 51:12
12 אנכי אנכי הוא מנחמכם מי את ותיראי מאנושׁ ימות ומבן אדם חציר ינתן׃
Lamentations 3:24
24 חלקי יהוה אמרה נפשׁי על כן אוחיל׃
Ezekiel 1:1
1 ויהי בשׁלשׁים שׁנה ברביעי בחמשׁה לחדשׁ ואני בתוך הגולה על נהר כבר נפתחו השׁמים ואראה מראות אלהים׃
Ezekiel 3:4
4 ויאמר אלי בן אדם לך בא אל בית ישׂראל ודברת בדברי אליהם׃
Ezekiel 11:24
24 ורוח נשׂאתני ותביאני כשׂדימה אל הגולה במראה ברוח אלהים ויעל מעלי המראה אשׁר ראיתי׃
Daniel 10:1-16
1 בשׁנת שׁלושׁ לכורשׁ מלך פרס דבר נגלה לדניאל אשׁר נקרא שׁמו בלטשׁאצר ואמת הדבר וצבא גדול ובין את הדבר ובינה לו במראה׃2 בימים ההם אני דניאל הייתי מתאבל שׁלשׁה שׁבעים ימים׃3 לחם חמדות לא אכלתי ובשׂר ויין לא בא אל פי וסוך לא סכתי עד מלאת שׁלשׁת שׁבעים ימים׃4 וביום עשׂרים וארבעה לחדשׁ הראשׁון ואני הייתי על יד הנהר הגדול הוא חדקל׃5 ואשׂא את עיני וארא והנה אישׁ אחד לבושׁ בדים ומתניו חגרים בכתם אופז׃6 וגויתו כתרשׁישׁ ופניו כמראה ברק ועיניו כלפידי אשׁ וזרעתיו ומרגלתיו כעין נחשׁת קלל וקול דבריו כקול המון׃7 וראיתי אני דניאל לבדי את המראה והאנשׁים אשׁר היו עמי לא ראו את המראה אבל חרדה גדלה נפלה עליהם ויברחו בהחבא׃8 ואני נשׁארתי לבדי ואראה את המראה הגדלה הזאת ולא נשׁאר בי כח והודי נהפך עלי למשׁחית ולא עצרתי כח׃9 ואשׁמע את קול דבריו וכשׁמעי את קול דבריו ואני הייתי נרדם על פני ופני ארצה׃10 והנה יד נגעה בי ותניעני על ברכי וכפות ידי׃11 ויאמר אלי דניאל אישׁ חמדות הבן בדברים אשׁר אנכי דבר אליך ועמד על עמדך כי עתה שׁלחתי אליך ובדברו עמי את הדבר הזה עמדתי מרעיד׃12 ויאמר אלי אל תירא דניאל כי מן היום הראשׁון אשׁר נתת את לבך להבין ולהתענות לפני אלהיך נשׁמעו דבריך ואני באתי בדבריך׃13 ושׂר מלכות פרס עמד לנגדי עשׂרים ואחד יום והנה מיכאל אחד השׂרים הראשׁנים בא לעזרני ואני נותרתי שׁם אצל מלכי פרס׃14 ובאתי להבינך את אשׁר יקרה לעמך באחרית הימים כי עוד חזון לימים׃15 ובדברו עמי כדברים האלה נתתי פני ארצה ונאלמתי׃16 והנה כדמות בני אדם נגע על שׂפתי ואפתח פי ואדברה ואמרה אל העמד לנגדי אדני במראה נהפכו צירי עלי ולא עצרתי כח׃
Genesis 12:1-3
Genesis 24:2
2 ויאמר אברהם אל עבדו זקן ביתו המשׁל בכל אשׁר לו שׂים נא ידך תחת ירכי׃
Genesis 24:10
10 ויקח העבד עשׂרה גמלים מגמלי אדניו וילך וכל טוב אדניו בידו ויקם וילך אל ארם נהרים אל עיר נחור׃
Genesis 25:21
21 ויעתר יצחק ליהוה לנכח אשׁתו כי עקרה הוא ויעתר לו יהוה ותהר רבקה אשׁתו׃
Genesis 30:1-2
Genesis 39:4-6
Genesis 39:9
9 איננו גדול בבית הזה ממני ולא חשׂך ממני מאומה כי אם אותך באשׁר את אשׁתו ואיך אעשׂה הרעה הגדלה הזאת וחטאתי לאלהים׃
Genesis 43:19
19 ויגשׁו אל האישׁ אשׁר על בית יוסף וידברו אליו פתח הבית׃
Genesis 44:1
1 ויצו את אשׁר על ביתו לאמר מלא את אמתחת האנשׁים אכל כאשׁר יוכלון שׂאת ושׂים כסף אישׁ בפי אמתחתו׃
1 Samuel 1:11
11 ותדר נדר ותאמר יהוה צבאות אם ראה תראה בעני אמתך וזכרתני ולא תשׁכח את אמתך ונתתה לאמתך זרע אנשׁים ונתתיו ליהוה כל ימי חייו ומורה לא יעלה על ראשׁו׃
Psalms 127:3
3 הנה נחלת יהוה בנים שׂכר פרי הבטן׃
Proverbs 13:12
12 תוחלת ממשׁכה מחלה לב ועץ חיים תאוה באה׃
Proverbs 17:2
2 עבד משׂכיל ימשׁל בבן מבישׁ ובתוך אחים יחלק נחלה׃
Isaiah 56:5
5 ונתתי להם בביתי ובחומתי יד ושׁם טוב מבנים ומבנות שׁם עולם אתן לו אשׁר לא יכרת׃
Genesis 12:2
2 ואעשׂך לגוי גדול ואברכך ואגדלה שׁמך והיה ברכה׃
Genesis 13:16
16 ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃
Genesis 14:14
14 וישׁמע אברם כי נשׁבה אחיו וירק את חניכיו ילידי ביתו שׁמנה עשׂר ושׁלשׁ מאות וירדף עד דן׃
Proverbs 29:21
21 מפנק מנער עבדו ואחריתו יהיה מנון׃
Proverbs 30:23
23 תחת שׂנואה כי תבעל ושׁפחה כי תירשׁ גברתה׃
Ecclesiastes 2:7
7 קניתי עבדים ושׁפחות ובני בית היה לי גם מקנה בקר וצאן הרבה היה לי מכל שׁהיו לפני בירושׁלם׃
Jeremiah 12:1
1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃
Genesis 17:16
16 וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃
Genesis 21:12
12 ויאמר אלהים אל אברהם אל ירע בעיניך על הנער ועל אמתך כל אשׁר תאמר אליך שׂרה שׁמע בקלה כי ביצחק יקרא לך זרע׃
2 Samuel 7:12
12 כי ימלאו ימיך ושׁכבת את אבתיך והקימתי את זרעך אחריך אשׁר יצא ממעיך והכינתי את ממלכתו׃
2 Samuel 16:11
11 ויאמר דוד אל אבישׁי ואל כל עבדיו הנה בני אשׁר יצא ממעי מבקשׁ את נפשׁי ואף כי עתה בן הימיני הנחו לו ויקלל כי אמר לו יהוה׃
2 Chronicles 32:21
21 וישׁלח יהוה מלאך ויכחד כל גבור חיל ונגיד ושׂר במחנה מלך אשׁור וישׁב בבשׁת פנים לארצו ויבא בית אלהיו ומיציאו מעיו שׁם הפילהו בחרב׃
Genesis 16:10
10 ויאמר לה מלאך יהוה הרבה ארבה את זרעך ולא יספר מרב׃
Genesis 22:17
17 כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃
Genesis 26:4
4 והרביתי את זרעך ככוכבי השׁמים ונתתי לזרעך את כל הארצת האל והתברכו בזרעך כל גויי הארץ׃
Genesis 28:14
14 והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃
Exodus 32:13
13 זכר לאברהם ליצחק ולישׂראל עבדיך אשׁר נשׁבעת להם בך ותדבר אלהם ארבה את זרעכם ככוכבי השׁמים וכל הארץ הזאת אשׁר אמרתי אתן לזרעכם ונחלו לעלם׃
Deuteronomy 1:10
10 יהוה אלהיכם הרבה אתכם והנכם היום ככוכבי השׁמים לרב׃
Deuteronomy 10:22
22 בשׁבעים נפשׁ ירדו אבתיך מצרימה ועתה שׂמך יהוה אלהיך ככוכבי השׁמים לרב׃
1 Chronicles 27:23
23 ולא נשׂא דויד מספרם למבן עשׂרים שׁנה ולמטה כי אמר יהוה להרבות את ישׂראל ככוכבי השׁמים׃
Psalms 147:4
4 מונה מספר לכוכבים לכלם שׁמות יקרא׃
Jeremiah 33:22
22 אשׁר לא יספר צבא השׁמים ולא ימד חול הים כן ארבה את זרע דוד עבדי ואת הלוים משׁרתי אתי׃
Psalms 106:31
31 ותחשׁב לו לצדקה לדר ודר עד עולם׃
Genesis 11:28-31
Genesis 12:1
1 ויאמר יהוה אל אברם לך לך מארצך וממולדתך ומבית אביך אל הארץ אשׁר אראך׃
Genesis 12:7
7 וירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו׃
Genesis 13:15-17
Nehemiah 9:7-8
Psalms 105:11
11 לאמר לך אתן את ארץ כנען חבל נחלתכם׃
Psalms 105:42
42 כי זכר את דבר קדשׁו את אברהם עבדו׃
Psalms 105:44
44 ויתן להם ארצות גוים ועמל לאמים יירשׁו׃
Genesis 24:2-4
Genesis 24:13-14
Judges 6:17-24
17 ויאמר אליו אם נא מצאתי חן בעיניך ועשׂית לי אות שׁאתה מדבר עמי׃18 אל נא תמשׁ מזה עד באי אליך והצאתי את מנחתי והנחתי לפניך ויאמר אנכי אשׁב עד שׁובך׃19 וגדעון בא ויעשׂ גדי עזים ואיפת קמח מצות הבשׂר שׂם בסל והמרק שׂם בפרור ויוצא אליו אל תחת האלה ויגשׁ׃20 ויאמר אליו מלאך האלהים קח את הבשׂר ואת המצות והנח אל הסלע הלז ואת המרק שׁפוך ויעשׂ כן׃21 וישׁלח מלאך יהוה את קצה המשׁענת אשׁר בידו ויגע בבשׂר ובמצות ותעל האשׁ מן הצור ותאכל את הבשׂר ואת המצות ומלאך יהוה הלך מעיניו׃22 וירא גדעון כי מלאך יהוה הוא ויאמר גדעון אהה אדני יהוה כי על כן ראיתי מלאך יהוה פנים אל פנים׃23 ויאמר לו יהוה שׁלום לך אל תירא לא תמות׃24 ויבן שׁם גדעון מזבח ליהוה ויקרא לו יהוה שׁלום עד היום הזה עודנו בעפרת אבי העזרי׃
Judges 6:36-40
36 ויאמר גדעון אל האלהים אם ישׁך מושׁיע בידי את ישׂראל כאשׁר דברת׃37 הנה אנכי מציג את גזת הצמר בגרן אם טל יהיה על הגזה לבדה ועל כל הארץ חרב וידעתי כי תושׁיע בידי את ישׂראל כאשׁר דברת׃38 ויהי כן וישׁכם ממחרת ויזר את הגזה וימץ טל מן הגזה מלוא הספל מים׃39 ויאמר גדעון אל האלהים אל יחר אפך בי ואדברה אך הפעם אנסה נא רק הפעם בגזה יהי נא חרב אל הגזה לבדה ועל כל הארץ יהיה טל׃40 ויעשׂ אלהים כן בלילה ההוא ויהי חרב אל הגזה לבדה ועל כל הארץ היה טל׃
1 Samuel 14:9-10
2 Kings 20:8
8 ויאמר חזקיהו אל ישׁעיהו מה אות כי ירפא יהוה לי ועליתי ביום השׁלישׁי בית יהוה׃
Psalms 86:17
17 עשׂה עמי אות לטובה ויראו שׂנאי ויבשׁו כי אתה יהוה עזרתני ונחמתני׃
Isaiah 7:11
11 שׁאל לך אות מעם יהוה אלהיך העמק שׁאלה או הגבה למעלה׃
Genesis 22:13
13 וישׂא אברהם את עיניו וירא והנה איל אחר נאחז בסבך בקרניו וילך אברהם ויקח את האיל ויעלהו לעלה תחת בנו׃
Leviticus 1:3
3 אם עלה קרבנו מן הבקר זכר תמים יקריבנו אל פתח אהל מועד יקריב אתו לרצנו לפני יהוה׃
Leviticus 1:10
10 ואם מן הצאן קרבנו מן הכשׂבים או מן העזים לעלה זכר תמים יקריבנו׃
Leviticus 1:14
14 ואם מן העוף עלה קרבנו ליהוה והקריב מן התרים או מן בני היונה את קרבנו׃
Leviticus 3:1
1 ואם זבח שׁלמים קרבנו אם מן הבקר הוא מקריב אם זכר אם נקבה תמים יקריבנו לפני יהוה׃
Leviticus 3:6
6 ואם מן הצאן קרבנו לזבח שׁלמים ליהוה זכר או נקבה תמים יקריבנו׃
Leviticus 9:2
2 ויאמר אל אהרן קח לך עגל בן בקר לחטאת ואיל לעלה תמימם והקרב לפני יהוה׃
Leviticus 9:4
4 ושׁור ואיל לשׁלמים לזבח לפני יהוה ומנחה בלולה בשׁמן כי היום יהוה נראה אליכם׃
Leviticus 12:8
8 ואם לא תמצא ידה די שׂה ולקחה שׁתי תרים או שׁני בני יונה אחד לעלה ואחד לחטאת וכפר עליה הכהן וטהרה׃
Leviticus 14:22
22 ושׁתי תרים או שׁני בני יונה אשׁר תשׂיג ידו והיה אחד חטאת והאחד עלה׃
Leviticus 14:30
30 ועשׂה את האחד מן התרים או מן בני היונה מאשׁר תשׂיג ידו׃
Psalms 50:5
5 אספו לי חסידי כרתי בריתי עלי זבח׃
Isaiah 15:5
5 לבי למואב יזעק בריחה עד צער עגלת שׁלשׁיה כי מעלה הלוחית בבכי יעלה בו כי דרך חורנים זעקת שׁבר יעערו׃
Genesis 15:17
17 ויהי השׁמשׁ באה ועלטה היה והנה תנור עשׁן ולפיד אשׁ אשׁר עבר בין הגזרים האלה׃
Leviticus 1:17
17 ושׁסע אתו בכנפיו לא יבדיל והקטיר אתו הכהן המזבחה על העצים אשׁר על האשׁ עלה הוא אשׁה ריח ניחח ליהוה׃
Jeremiah 34:18-19
Psalms 119:13
13 בשׂפתי ספרתי כל משׁפטי פיך׃
Ezekiel 17:3
3 ואמרת כה אמר אדני יהוה הנשׁר הגדול גדול הכנפים ארך האבר מלא הנוצה אשׁר לו הרקמה בא אל הלבנון ויקח את צמרת הארז׃
Ezekiel 17:7
7 ויהי נשׁר אחד גדול גדול כנפים ורב נוצה והנה הגפן הזאת כפנה שׁרשׁיה עליו ודליותיו שׁלחה לו להשׁקות אותה מערגות מטעה׃
Genesis 2:21
21 ויפל יהוה אלהים תרדמה על האדם ויישׁן ויקח אחת מצלעתיו ויסגר בשׂר תחתנה׃
1 Samuel 26:12
12 ויקח דוד את החנית ואת צפחת המים מראשׁתי שׁאול וילכו להם ואין ראה ואין יודע ואין מקיץ כי כלם ישׁנים כי תרדמת יהוה נפלה עליהם׃
Job 4:13-14
Job 33:15
15 בחלום חזיון לילה בנפל תרדמה על אנשׁים בתנומות עלי משׁכב׃
Psalms 4:3-5
Daniel 10:8-9
Genesis 17:8
8 ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃
Exodus 1:1-2
Exodus 1:11
11 וישׂימו עליו שׂרי מסים למען ענתו בסבלתם ויבן ערי מסכנות לפרעה את פתם ואת רעמסס׃
Exodus 5:1-23
1 ואחר באו משׁה ואהרן ויאמרו אל פרעה כה אמר יהוה אלהי ישׂראל שׁלח את עמי ויחגו לי במדבר׃2 ויאמר פרעה מי יהוה אשׁר אשׁמע בקלו לשׁלח את ישׂראל לא ידעתי את יהוה וגם את ישׂראל לא אשׁלח׃3 ויאמרו אלהי העברים נקרא עלינו נלכה נא דרך שׁלשׁת ימים במדבר ונזבחה ליהוה אלהינו פן יפגענו בדבר או בחרב׃4 ויאמר אלהם מלך מצרים למה משׁה ואהרן תפריעו את העם ממעשׂיו לכו לסבלתיכם׃5 ויאמר פרעה הן רבים עתה עם הארץ והשׁבתם אתם מסבלתם׃6 ויצו פרעה ביום ההוא את הנגשׂים בעם ואת שׁטריו לאמר׃7 לא תאספון לתת תבן לעם ללבן הלבנים כתמול שׁלשׁם הם ילכו וקשׁשׁו להם תבן׃8 ואת מתכנת הלבנים אשׁר הם עשׂים תמול שׁלשׁם תשׂימו עליהם לא תגרעו ממנו כי נרפים הם על כן הם צעקים לאמר נלכה נזבחה לאלהינו׃9 תכבד העבדה על האנשׁים ויעשׂו בה ואל ישׁעו בדברי שׁקר׃10 ויצאו נגשׂי העם ושׁטריו ויאמרו אל העם לאמר כה אמר פרעה אינני נתן לכם תבן׃11 אתם לכו קחו לכם תבן מאשׁר תמצאו כי אין נגרע מעבדתכם דבר׃12 ויפץ העם בכל ארץ מצרים לקשׁשׁ קשׁ לתבן׃13 והנגשׂים אצים לאמר כלו מעשׂיכם דבר יום ביומו כאשׁר בהיות התבן׃14 ויכו שׁטרי בני ישׂראל אשׁר שׂמו עלהם נגשׂי פרעה לאמר מדוע לא כליתם חקכם ללבן כתמול שׁלשׁם גם תמול גם היום׃15 ויבאו שׁטרי בני ישׂראל ויצעקו אל פרעה לאמר למה תעשׂה כה לעבדיך׃16 תבן אין נתן לעבדיך ולבנים אמרים לנו עשׂו והנה עבדיך מכים וחטאת עמך׃17 ויאמר נרפים אתם נרפים על כן אתם אמרים נלכה נזבחה ליהוה׃18 ועתה לכו עבדו ותבן לא ינתן לכם ותכן לבנים תתנו׃19 ויראו שׁטרי בני ישׂראל אתם ברע לאמר לא תגרעו מלבניכם דבר יום ביומו׃20 ויפגעו את משׁה ואת אהרן נצבים לקראתם בצאתם מאת פרעה׃21 ויאמרו אלהם ירא יהוה עליכם וישׁפט אשׁר הבאשׁתם את ריחנו בעיני פרעה ובעיני עבדיו לתת חרב בידם להרגנו׃22 וישׁב משׁה אל יהוה ויאמר אדני למה הרעתה לעם הזה למה זה שׁלחתני׃23 ומאז באתי אל פרעה לדבר בשׁמך הרע לעם הזה והצל לא הצלת את עמך׃
Exodus 12:40-41
Exodus 22:21
21 (22:20) וגר לא תונה ולא תלחצנו כי גרים הייתם בארץ מצרים׃
Exodus 23:9
9 וגר לא תלחץ ואתם ידעתם את נפשׁ הגר כי גרים הייתם בארץ מצרים׃
Leviticus 19:34
34 כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם׃
Deuteronomy 10:19
19 ואהבתם את הגר כי גרים הייתם בארץ מצרים׃
Psalms 105:11-12
Psalms 105:23-25
Genesis 46:1-34
1 ויסע ישׂראל וכל אשׁר לו ויבא בארה שׁבע ויזבח זבחים לאלהי אביו יצחק׃2 ויאמר אלהים לישׂראל במראת הלילה ויאמר יעקב יעקב ויאמר הנני׃3 ויאמר אנכי האל אלהי אביך אל תירא מרדה מצרימה כי לגוי גדול אשׂימך שׁם׃4 אנכי ארד עמך מצרימה ואנכי אעלך גם עלה ויוסף ישׁית ידו על עיניך׃5 ויקם יעקב מבאר שׁבע וישׂאו בני ישׂראל את יעקב אביהם ואת טפם ואת נשׁיהם בעגלות אשׁר שׁלח פרעה לשׂאת אתו׃6 ויקחו את מקניהם ואת רכושׁם אשׁר רכשׁו בארץ כנען ויבאו מצרימה יעקב וכל זרעו אתו׃7 בניו ובני בניו אתו בנתיו ובנות בניו וכל זרעו הביא אתו מצרימה׃8 ואלה שׁמות בני ישׂראל הבאים מצרימה יעקב ובניו בכר יעקב ראובן׃9 ובני ראובן חנוך ופלוא וחצרן וכרמי׃10 ובני שׁמעון ימואל וימין ואהד ויכין וצחר ושׁאול בן הכנענית׃11 ובני לוי גרשׁון קהת ומררי׃12 ובני יהודה ער ואונן ושׁלה ופרץ וזרח וימת ער ואונן בארץ כנען ויהיו בני פרץ חצרן וחמול׃13 ובני ישׂשכר תולע ופוה ויוב ושׁמרן׃14 ובני זבלון סרד ואלון ויחלאל׃15 אלה בני לאה אשׁר ילדה ליעקב בפדן ארם ואת דינה בתו כל נפשׁ בניו ובנותיו שׁלשׁים ושׁלשׁ׃16 ובני גד צפיון וחגי שׁוני ואצבן ערי וארודי ואראלי׃17 ובני אשׁר ימנה וישׁוה וישׁוי ובריעה ושׂרח אחתם ובני בריעה חבר ומלכיאל׃18 אלה בני זלפה אשׁר נתן לבן ללאה בתו ותלד את אלה ליעקב שׁשׁ עשׂרה נפשׁ׃19 בני רחל אשׁת יעקב יוסף ובנימן׃20 ויולד ליוסף בארץ מצרים אשׁר ילדה לו אסנת בת פוטי פרע כהן אן את מנשׁה ואת אפרים׃21 ובני בנימן בלע ובכר ואשׁבל גרא ונעמן אחי וראשׁ מפים וחפים וארד׃22 אלה בני רחל אשׁר ילד ליעקב כל נפשׁ ארבעה עשׂר׃23 ובני דן חשׁים׃24 ובני נפתלי יחצאל וגוני ויצר ושׁלם׃25 אלה בני בלהה אשׁר נתן לבן לרחל בתו ותלד את אלה ליעקב כל נפשׁ שׁבעה׃26 כל הנפשׁ הבאה ליעקב מצרימה יצאי ירכו מלבד נשׁי בני יעקב כל נפשׁ שׁשׁים ושׁשׁ׃27 ובני יוסף אשׁר ילד לו במצרים נפשׁ שׁנים כל הנפשׁ לבית יעקב הבאה מצרימה שׁבעים׃28 ואת יהודה שׁלח לפניו אל יוסף להורת לפניו גשׁנה ויבאו ארצה גשׁן׃29 ויאסר יוסף מרכבתו ויעל לקראת ישׂראל אביו גשׁנה וירא אליו ויפל על צואריו ויבך על צואריו עוד׃30 ויאמר ישׂראל אל יוסף אמותה הפעם אחרי ראותי את פניך כי עודך חי׃31 ויאמר יוסף אל אחיו ואל בית אביו אעלה ואגידה לפרעה ואמרה אליו אחי ובית אבי אשׁר בארץ כנען באו אלי׃32 והאנשׁים רעי צאן כי אנשׁי מקנה היו וצאנם ובקרם וכל אשׁר להם הביאו׃33 והיה כי יקרא לכם פרעה ואמר מה מעשׂיכם׃34 ואמרתם אנשׁי מקנה היו עבדיך מנעורינו ועד עתה גם אנחנו גם אבתינו בעבור תשׁבו בארץ גשׁן כי תועבת מצרים כל רעה צאן׃
Exodus 3:21-22
Exodus 6:5-6
Exodus 7:1-14
1 ויאמר יהוה אל משׁה ראה נתתיך אלהים לפרעה ואהרן אחיך יהיה נביאך׃2 אתה תדבר את כל אשׁר אצוך ואהרן אחיך ידבר אל פרעה ושׁלח את בני ישׂראל מארצו׃3 ואני אקשׁה את לב פרעה והרביתי את אתתי ואת מופתי בארץ מצרים׃4 ולא ישׁמע אלכם פרעה ונתתי את ידי במצרים והוצאתי את צבאתי את עמי בני ישׂראל מארץ מצרים בשׁפטים גדלים׃5 וידעו מצרים כי אני יהוה בנטתי את ידי על מצרים והוצאתי את בני ישׂראל מתוכם׃6 ויעשׂ משׁה ואהרן כאשׁר צוה יהוה אתם כן עשׂו׃7 ומשׁה בן שׁמנים שׁנה ואהרן בן שׁלשׁ ושׁמנים שׁנה בדברם אל פרעה׃8 ויאמר יהוה אל משׁה ואל אהרן לאמר׃9 כי ידבר אלכם פרעה לאמר תנו לכם מופת ואמרת אל אהרן קח את מטך והשׁלך לפני פרעה יהי לתנין׃10 ויבא משׁה ואהרן אל פרעה ויעשׂו כן כאשׁר צוה יהוה וישׁלך אהרן את מטהו לפני פרעה ולפני עבדיו ויהי לתנין׃11 ויקרא גם פרעה לחכמים ולמכשׁפים ויעשׂו גם הם חרטמי מצרים בלהטיהם כן׃12 וישׁליכו אישׁ מטהו ויהיו לתנינם ויבלע מטה אהרן את מטתם׃13 ויחזק לב פרעה ולא שׁמע אלהם כאשׁר דבר יהוה׃14 ויאמר יהוה אל משׁה כבד לב פרעה מאן לשׁלח העם׃
Exodus 12:32-38
32 גם צאנכם גם בקרכם קחו כאשׁר דברתם ולכו וברכתם גם אתי׃33 ותחזק מצרים על העם למהר לשׁלחם מן הארץ כי אמרו כלנו מתים׃34 וישׂא העם את בצקו טרם יחמץ משׁארתם צררת בשׂמלתם על שׁכמם׃35 ובני ישׂראל עשׂו כדבר משׁה וישׁאלו ממצרים כלי כסף וכלי זהב ושׂמלת׃36 ויהוה נתן את חן העם בעיני מצרים וישׁאלום וינצלו את מצרים׃37 ויסעו בני ישׂראל מרעמסס סכתה כשׁשׁ מאות אלף רגלי הגברים לבד מטף׃38 וגם ערב רב עלה אתם וצאן ובקר מקנה כבד מאד׃
Deuteronomy 4:20
20 ואתכם לקח יהוה ויוצא אתכם מכור הברזל ממצרים להיות לו לעם נחלה כיום הזה׃
Deuteronomy 6:22
22 ויתן יהוה אותת ומפתים גדלים ורעים במצרים בפרעה ובכל ביתו לעינינו׃
Deuteronomy 7:18-19
Deuteronomy 11:2-4
Joshua 24:4-7
4 ואתן ליצחק את יעקב ואת עשׂו ואתן לעשׂו את הר שׂעיר לרשׁת אותו ויעקב ובניו ירדו מצרים׃5 ואשׁלח את משׁה ואת אהרן ואגף את מצרים כאשׁר עשׂיתי בקרבו ואחר הוצאתי אתכם׃6 ואוציא את אבותיכם ממצרים ותבאו הימה וירדפו מצרים אחרי אבותיכם ברכב ובפרשׁים ים סוף׃7 ויצעקו אל יהוה וישׂם מאפל ביניכם ובין המצרים ויבא עליו את הים ויכסהו ותראינה עיניכם את אשׁר עשׂיתי במצרים ותשׁבו במדבר ימים רבים׃
Joshua 24:17
17 כי יהוה אלהינו הוא המעלה אתנו ואת אבותינו מארץ מצרים מבית עבדים ואשׁר עשׂה לעינינו את האתות הגדלות האלה וישׁמרנו בכל הדרך אשׁר הלכנו בה ובכל העמים אשׁר עברנו בקרבם׃
1 Samuel 12:8
8 כאשׁר בא יעקב מצרים ויזעקו אבותיכם אל יהוה וישׁלח יהוה את משׁה ואת אהרן ויוציאו את אבתיכם ממצרים וישׁבום במקום הזה׃
Nehemiah 9:9-11
Psalms 51:4
4 (51:6) לך לבדך חטאתי והרע בעיניך עשׂיתי למען תצדק בדברך תזכה בשׁפטך׃
Psalms 78:43-51
43 אשׁר שׂם במצרים אתותיו ומופתיו בשׂדה צען׃44 ויהפך לדם יאריהם ונזליהם בל ישׁתיון׃45 ישׁלח בהם ערב ויאכלם וצפרדע ותשׁחיתם׃46 ויתן לחסיל יבולם ויגיעם לארבה׃47 יהרג בברד גפנם ושׁקמותם בחנמל׃48 ויסגר לברד בעירם ומקניהם לרשׁפים׃49 ישׁלח בם חרון אפו עברה וזעם וצרה משׁלחת מלאכי רעים׃50 יפלס נתיב לאפו לא חשׂך ממות נפשׁם וחיתם לדבר הסגיר׃51 ויך כל בכור במצרים ראשׁית אונים באהלי חם׃
Psalms 105:27-37
27 שׂמו בם דברי אתותיו ומפתים בארץ חם׃28 שׁלח חשׁך ויחשׁך ולא מרו את דברוו׃29 הפך את מימיהם לדם וימת את דגתם׃30 שׁרץ ארצם צפרדעים בחדרי מלכיהם׃31 אמר ויבא ערב כנים בכל גבולם׃32 נתן גשׁמיהם ברד אשׁ להבות בארצם׃33 ויך גפנם ותאנתם וישׁבר עץ גבולם׃34 אמר ויבא ארבה וילק ואין מספר׃35 ויאכל כל עשׂב בארצם ויאכל פרי אדמתם׃36 ויך כל בכור בארצם ראשׁית לכל אונם׃37 ויוציאם בכסף וזהב ואין בשׁבטיו כושׁל׃
Psalms 135:9
9 שׁלח אתות ומפתים בתוככי מצרים בפרעה ובכל עבדיו׃
Psalms 135:14
14 כי ידין יהוה עמו ועל עבדיו יתנחם׃
Genesis 23:4
4 גר ותושׁב אנכי עמכם תנו לי אחזת קבר עמכם ואקברה מתי מלפני׃
Genesis 23:19
19 ואחרי כן קבר אברהם את שׂרה אשׁתו אל מערת שׂדה המכפלה על פני ממרא הוא חברון בארץ כנען׃
Genesis 25:7-9
Genesis 35:29
29 ויגוע יצחק וימת ויאסף אל עמיו זקן ושׂבע ימים ויקברו אתו עשׂו ויעקב בניו׃
Genesis 49:29
29 ויצו אותם ויאמר אלהם אני נאסף אל עמי קברו אתי אל אבתי אל המערה אשׁר בשׂדה עפרון החתי׃
Genesis 49:31
31 שׁמה קברו את אברהם ואת שׂרה אשׁתו שׁמה קברו את יצחק ואת רבקה אשׁתו ושׁמה קברתי את לאה׃
Genesis 50:13
13 וישׂאו אתו בניו ארצה כנען ויקברו אתו במערת שׂדה המכפלה אשׁר קנה אברהם את השׂדה לאחזת קבר מאת עפרן החתי על פני ממרא׃
Numbers 20:24
24 יאסף אהרן אל עמיו כי לא יבא אל הארץ אשׁר נתתי לבני ישׂראל על אשׁר מריתם את פי למי מריבה׃
Numbers 27:13
13 וראיתה אתה ונאספת אל עמיך גם אתה כאשׁר נאסף אהרן אחיך׃
Judges 2:10
10 וגם כל הדור ההוא נאספו אל אבותיו ויקם דור אחר אחריהם אשׁר לא ידעו את יהוה וגם את המעשׂה אשׁר עשׂה לישׂראל׃
1 Chronicles 23:1
1 ודויד זקן ושׂבע ימים וימלך את שׁלמה בנו על ישׂראל׃
1 Chronicles 29:28
28 וימת בשׂיבה טובה שׂבע ימים עשׁר וכבוד וימלך שׁלמה בנו תחתיו׃
2 Chronicles 34:28
28 הנני אספך אל אבתיך ונאספת אל קברתיך בשׁלום ולא תראינה עיניך בכל הרעה אשׁר אני מביא על המקום הזה ועל ישׁביו וישׁיבו את המלך דבר׃
Job 5:26
26 תבוא בכלח אלי קבר כעלות גדישׁ בעתו׃
Job 42:17
17 וימת איוב זקן ושׂבע ימים׃
Psalms 37:37
37 שׁמר תם וראה ישׁר כי אחרית לאישׁ שׁלום׃
Ecclesiastes 6:3
3 אם יוליד אישׁ מאה ושׁנים רבות יחיה ורב שׁיהיו ימי שׁניו ונפשׁו לא תשׂבע מן הטובה וגם קבורה לא היתה לו אמרתי טוב ממנו הנפל׃
Ecclesiastes 12:7
7 וישׁב העפר על הארץ כשׁהיה והרוח תשׁוב אל האלהים אשׁר נתנה׃
Isaiah 57:1-2
Jeremiah 8:1-2
Daniel 12:13
13 ואתה לך לקץ ותנוח ותעמד לגרלך לקץ הימין׃
Exodus 12:40
40 ומושׁב בני ישׂראל אשׁר ישׁבו במצרים שׁלשׁים שׁנה וארבע מאות שׁנה׃
1 Kings 21:26
26 ויתעב מאד ללכת אחרי הגללים ככל אשׁר עשׂו האמרי אשׁר הורישׁ יהוה מפני בני ישׂראל׃
Daniel 8:23
23 ובאחרית מלכותם כהתם הפשׁעים יעמד מלך עז פנים ומבין חידות׃
Zechariah 5:5-11
5 ויצא המלאך הדבר בי ויאמר אלי שׂא נא עיניך וראה מה היוצאת הזאת׃6 ואמר מה היא ויאמר זאת האיפה היוצאת ויאמר זאת עינם בכל הארץ׃7 והנה ככר עפרת נשׂאת וזאת אשׁה אחת יושׁבת בתוך האיפה׃8 ויאמר זאת הרשׁעה וישׁלך אתה אל תוך האיפה וישׁלך את אבן העפרת אל פיה׃9 ואשׂא עיני וארא והנה שׁתים נשׁים יוצאות ורוח בכנפיהם ולהנה כנפים ככנפי החסידה ותשׂאנה את האיפה בין הארץ ובין השׁמים׃10 ואמר אל המלאך הדבר בי אנה המה מולכות את האיפה׃11 ויאמר אלי לבנות לה בית בארץ שׁנער והוכן והניחה שׁם על מכנתה׃
Exodus 3:2-3
Judges 6:21
21 וישׁלח מלאך יהוה את קצה המשׁענת אשׁר בידו ויגע בבשׂר ובמצות ותעל האשׁ מן הצור ותאכל את הבשׂר ואת המצות ומלאך יהוה הלך מעיניו׃
Judges 13:20
20 ויהי בעלות הלהב מעל המזבח השׁמימה ויעל מלאך יהוה בלהב המזבח ומנוח ואשׁתו ראים ויפלו על פניהם ארצה׃
2 Samuel 22:9
9 עלה עשׁן באפו ואשׁ מפיו תאכל גחלים בערו ממנו׃
1 Chronicles 21:26
26 ויבן שׁם דויד מזבח ליהוה ויעל עלות ושׁלמים ויקרא אל יהוה ויענהו באשׁ מן השׁמים על מזבח העלה׃
Isaiah 62:1
1 למען ציון לא אחשׁה ולמען ירושׁלם לא אשׁקוט עד יצא כנגה צדקה וישׁועתה כלפיד יבער׃
Jeremiah 11:4
4 אשׁר צויתי את אבותיכם ביום הוציאי אותם מארץ מצרים מכור הברזל לאמר שׁמעו בקולי ועשׂיתם אותם ככל אשׁר אצוה אתכם והייתם לי לעם ואנכי אהיה לכם לאלהים׃
Genesis 2:14
14 ושׁם הנהר השׁלישׁי חדקל הוא ההלך קדמת אשׁור והנהר הרביעי הוא פרת׃
Genesis 9:8-17
8 ויאמר אלהים אל נח ואל בניו אתו לאמר׃9 ואני הנני מקים את בריתי אתכם ואת זרעכם אחריכם׃10 ואת כל נפשׁ החיה אשׁר אתכם בעוף בבהמה ובכל חית הארץ אתכם מכל יצאי התבה לכל חית הארץ׃11 והקמתי את בריתי אתכם ולא יכרת כל בשׂר עוד ממי המבול ולא יהיה עוד מבול לשׁחת הארץ׃12 ויאמר אלהים זאת אות הברית אשׁר אני נתן ביני וביניכם ובין כל נפשׁ חיה אשׁר אתכם לדרת עולם׃13 את קשׁתי נתתי בענן והיתה לאות ברית ביני ובין הארץ׃14 והיה בענני ענן על הארץ ונראתה הקשׁת בענן׃15 וזכרתי את בריתי אשׁר ביני וביניכם ובין כל נפשׁ חיה בכל בשׂר ולא יהיה עוד המים למבול לשׁחת כל בשׂר׃16 והיתה הקשׁת בענן וראיתיה לזכר ברית עולם בין אלהים ובין כל נפשׁ חיה בכל בשׂר אשׁר על הארץ׃17 ויאמר אלהים אל נח זאת אות הברית אשׁר הקמתי ביני ובין כל בשׂר אשׁר על הארץ׃
Genesis 13:15
15 כי את כל הארץ אשׁר אתה ראה לך אתננה ולזרעך עד עולם׃
Genesis 17:1-27
1 ויהי אברם בן תשׁעים שׁנה ותשׁע שׁנים וירא יהוה אל אברם ויאמר אליו אני אל שׁדי התהלך לפני והיה תמים׃2 ואתנה בריתי ביני ובינך וארבה אותך במאד מאד׃3 ויפל אברם על פניו וידבר אתו אלהים לאמר׃4 אני הנה בריתי אתך והיית לאב המון גוים׃5 ולא יקרא עוד את שׁמך אברם והיה שׁמך אברהם כי אב המון גוים נתתיך׃6 והפרתי אתך במאד מאד ונתתיך לגוים ומלכים ממך יצאו׃7 והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃8 ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃9 ויאמר אלהים אל אברהם ואתה את בריתי תשׁמר אתה וזרעך אחריך לדרתם׃10 זאת בריתי אשׁר תשׁמרו ביני וביניכם ובין זרעך אחריך המול לכם כל זכר׃11 ונמלתם את בשׂר ערלתכם והיה לאות ברית ביני וביניכם׃12 ובן שׁמנת ימים ימול לכם כל זכר לדרתיכם יליד בית ומקנת כסף מכל בן נכר אשׁר לא מזרעך הוא׃13 המול ימול יליד ביתך ומקנת כספך והיתה בריתי בבשׂרכם לברית עולם׃14 וערל זכר אשׁר לא ימול את בשׂר ערלתו ונכרתה הנפשׁ ההוא מעמיה את בריתי הפר׃15 ויאמר אלהים אל אברהם שׂרי אשׁתך לא תקרא את שׁמה שׂרי כי שׂרה שׁמה׃16 וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃17 ויפל אברהם על פניו ויצחק ויאמר בלבו הלבן מאה שׁנה יולד ואם שׂרה הבת תשׁעים שׁנה תלד׃18 ויאמר אברהם אל האלהים לו ישׁמעאל יחיה לפניך׃19 ויאמר אלהים אבל שׂרה אשׁתך ילדת לך בן וקראת את שׁמו יצחק והקמתי את בריתי אתו לברית עולם לזרעו אחריו׃20 ולישׁמעאל שׁמעתיך הנה ברכתי אתו והפריתי אתו והרביתי אתו במאד מאד שׁנים עשׂר נשׂיאם יוליד ונתתיו לגוי גדול׃21 ואת בריתי אקים את יצחק אשׁר תלד לך שׂרה למועד הזה בשׁנה האחרת׃22 ויכל לדבר אתו ויעל אלהים מעל אברהם׃23 ויקח אברהם את ישׁמעאל בנו ואת כל ילידי ביתו ואת כל מקנת כספו כל זכר באנשׁי בית אברהם וימל את בשׂר ערלתם בעצם היום הזה כאשׁר דבר אתו אלהים׃24 ואברהם בן תשׁעים ותשׁע שׁנה בהמלו בשׂר ערלתו׃25 וישׁמעאל בנו בן שׁלשׁ עשׂרה שׁנה בהמלו את בשׂר ערלתו׃26 בעצם היום הזה נמול אברהם וישׁמעאל בנו׃27 וכל אנשׁי ביתו יליד בית ומקנת כסף מאת בן נכר נמלו אתו׃
Genesis 24:7
7 יהוה אלהי השׁמים אשׁר לקחני מבית אבי ומארץ מולדתי ואשׁר דבר לי ואשׁר נשׁבע לי לאמר לזרעך אתן את הארץ הזאת הוא ישׁלח מלאכו לפניך ולקחת אשׁה לבני משׁם׃
Genesis 28:4
4 ויתן לך את ברכת אברהם לך ולזרעך אתך לרשׁתך את ארץ מגריך אשׁר נתן אלהים לאברהם׃
Genesis 28:13-14
Genesis 35:12
12 ואת הארץ אשׁר נתתי לאברהם וליצחק לך אתננה ולזרעך אחריך אתן את הארץ׃
Genesis 50:24
24 ויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשׁר נשׁבע לאברהם ליצחק וליעקב׃
Exodus 3:8
8 וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי׃
Exodus 6:4
4 וגם הקמתי את בריתי אתם לתת להם את ארץ כנען את ארץ מגריהם אשׁר גרו׃
Exodus 23:23
23 כי ילך מלאכי לפניך והביאך אל האמרי והחתי והפרזי והכנעני החוי והיבוסי והכחדתיו׃
Exodus 23:27-31
27 את אימתי אשׁלח לפניך והמתי את כל העם אשׁר תבא בהם ונתתי את כל איביך אליך ערף׃28 ושׁלחתי את הצרעה לפניך וגרשׁה את החוי את הכנעני ואת החתי מלפניך׃29 לא אגרשׁנו מפניך בשׁנה אחת פן תהיה הארץ שׁממה ורבה עליך חית השׂדה׃30 מעט מעט אגרשׁנו מפניך עד אשׁר תפרה ונחלת את הארץ׃31 ושׁתי את גבלך מים סוף ועד ים פלשׁתים וממדבר עד הנהר כי אתן בידכם את ישׁבי הארץ וגרשׁתמו מפניך׃
Exodus 34:11
11 שׁמר לך את אשׁר אנכי מצוך היום הנני גרשׁ מפניך את האמרי והכנעני והחתי והפרזי והחוי והיבוסי׃
Numbers 34:2-3
Numbers 34:5
5 ונסב הגבול מעצמון נחלה מצרים והיו תוצאתיו הימה׃
Deuteronomy 1:7-8
Deuteronomy 7:1
1 כי יביאך יהוה אלהיך אל הארץ אשׁר אתה בא שׁמה לרשׁתה ונשׁל גוים רבים מפניך החתי והגרגשׁי והאמרי והכנעני והפרזי והחוי והיבוסי שׁבעה גוים רבים ועצומים ממך׃
Deuteronomy 11:24
24 כל המקום אשׁר תדרך כף רגלכם בו לכם יהיה מן המדבר והלבנון מן הנהר נהר פרת ועד הים האחרון יהיה גבלכם׃
Deuteronomy 34:4
4 ויאמר יהוה אליו זאת הארץ אשׁר נשׁבעתי לאברהם ליצחק וליעקב לאמר לזרעך אתננה הראיתיך בעיניך ושׁמה לא תעבר׃
Joshua 1:3-4
Joshua 12:1-20
1 ואלה מלכי הארץ אשׁר הכו בני ישׂראל וירשׁו את ארצם בעבר הירדן מזרחה השׁמשׁ מנחל ארנון עד הר חרמון וכל הערבה מזרחה׃2 סיחון מלך האמרי היושׁב בחשׁבון משׁל מערוער אשׁר על שׂפת נחל ארנון ותוך הנחל וחצי הגלעד ועד יבק הנחל גבול בני עמון׃3 והערבה עד ים כנרות מזרחה ועד ים הערבה ים המלח מזרחה דרך בית הישׁמות ומתימן תחת אשׁדות הפסגה׃4 וגבול עוג מלך הבשׁן מיתר הרפאים היושׁב בעשׁתרות ובאדרעי׃5 ומשׁל בהר חרמון ובסלכה ובכל הבשׁן עד גבול הגשׁורי והמעכתי וחצי הגלעד גבול סיחון מלך חשׁבון׃6 משׁה עבד יהוה ובני ישׂראל הכום ויתנה משׁה עבד יהוה ירשׁה לראובני ולגדי ולחצי שׁבט המנשׁה׃7 ואלה מלכי הארץ אשׁר הכה יהושׁע ובני ישׂראל בעבר הירדן ימה מבעל גד בבקעת הלבנון ועד ההר החלק העלה שׂעירה ויתנה יהושׁע לשׁבטי ישׂראל ירשׁה כמחלקתם׃8 בהר ובשׁפלה ובערבה ובאשׁדות ובמדבר ובנגב החתי האמרי והכנעני הפרזי החוי והיבוסי׃9 מלך יריחו אחד מלך העי אשׁר מצד בית אל אחד׃10 מלך ירושׁלם אחד מלך חברון אחד׃11 מלך ירמות אחד מלך לכישׁ אחד׃12 מלך עגלון אחד מלך גזר אחד׃13 מלך דבר אחד מלך גדר אחד׃14 מלך חרמה אחד מלך ערד אחד׃15 מלך לבנה אחד מלך עדלם אחד׃16 מלך מקדה אחד מלך בית אל אחד׃17 מלך תפוח אחד מלך חפר אחד׃18 מלך אפק אחד מלך לשׁרון אחד׃19 מלך מדון אחד מלך חצור אחד׃20 מלך שׁמרון מראון אחד מלך אכשׁף אחד׃
Joshua 15:4
4 ועבר עצמונה ויצא נחל מצרים והיה תצאות הגבול ימה זה יהיה לכם גבול נגב׃
Joshua 19:1-38
1 ויצא הגורל השׁני לשׁמעון למטה בני שׁמעון למשׁפחותם ויהי נחלתם בתוך נחלת בני יהודה׃2 ויהי להם בנחלתם באר שׁבע ושׁבע ומולדה׃3 וחצר שׁועל ובלה ועצם׃4 ואלתולד ובתול וחרמה׃5 וצקלג ובית המרכבות וחצר סוסה׃6 ובית לבאות ושׁרוחן ערים שׁלשׁ עשׂרה וחצריהן׃7 עין רמון ועתר ועשׁן ערים ארבע וחצריהן׃8 וכל החצרים אשׁר סביבות הערים האלה עד בעלת באר ראמת נגב זאת נחלת מטה בני שׁמעון למשׁפחתם׃9 מחבל בני יהודה נחלת בני שׁמעון כי היה חלק בני יהודה רב מהם וינחלו בני שׁמעון בתוך נחלתם׃10 ויעל הגורל השׁלישׁי לבני זבולן למשׁפחתם ויהי גבול נחלתם עד שׂריד׃11 ועלה גבולם לימה ומרעלה ופגע בדבשׁת ופגע אל הנחל אשׁר על פני יקנעם׃12 ושׁב משׂריד קדמה מזרח השׁמשׁ על גבול כסלת תבר ויצא אל הדברת ועלה יפיע׃13 ומשׁם עבר קדמה מזרחה גתה חפר עתה קצין ויצא רמון המתאר הנעה׃14 ונסב אתו הגבול מצפון חנתן והיו תצאתיו גי יפתח אל׃15 וקטת ונהלל ושׁמרון וידאלה ובית לחם ערים שׁתים עשׂרה וחצריהן׃16 זאת נחלת בני זבולן למשׁפחותם הערים האלה וחצריהן׃17 לישׂשכר יצא הגורל הרביעי לבני ישׂשכר למשׁפחותם׃18 ויהי גבולם יזרעאלה והכסולת ושׁונם׃19 וחפרים ושׁיאן ואנחרת׃20 והרבית וקשׁיון ואבץ׃21 ורמת ועין גנים ועין חדה ובית פצץ׃22 ופגע הגבול בתבור ושׁחצומה ובית שׁמשׁ והיו תצאות גבולם הירדן ערים שׁשׁ עשׂרה וחצריהן׃23 זאת נחלת מטה בני ישׂשכר למשׁפחתם הערים וחצריהן׃24 ויצא הגורל החמישׁי למטה בני אשׁר למשׁפחותם׃25 ויהי גבולם חלקת וחלי ובטן ואכשׁף׃26 ואלמלך ועמעד ומשׁאל ופגע בכרמל הימה ובשׁיחור לבנת׃27 ושׁב מזרח השׁמשׁ בית דגן ופגע בזבלון ובגי יפתח אל צפונה בית העמק ונעיאל ויצא אל כבול משׂמאל׃28 ועברן ורחב וחמון וקנה עד צידון רבה׃29 ושׁב הגבול הרמה ועד עיר מבצר צר ושׁב הגבול חסה ויהיו תצאתיו הימה מחבל אכזיבה׃30 ועמה ואפק ורחב ערים עשׂרים ושׁתים וחצריהן׃31 זאת נחלת מטה בני אשׁר למשׁפחתם הערים האלה וחצריהן׃32 לבני נפתלי יצא הגורל השׁשׁי לבני נפתלי למשׁפחתם׃33 ויהי גבולם מחלף מאלון בצעננים ואדמי הנקב ויבנאל עד לקום ויהי תצאתיו הירדן׃34 ושׁב הגבול ימה אזנות תבור ויצא משׁם חוקקה ופגע בזבלון מנגב ובאשׁר פגע מים וביהודה הירדן מזרח השׁמשׁ׃35 וערי מבצר הצדים צר וחמת רקת וכנרת׃36 ואדמה והרמה וחצור׃37 וקדשׁ ואדרעי ועין חצור׃38 ויראון ומגדל אל חרם ובית ענת ובית שׁמשׁ ערים תשׁע עשׂרה וחצריהן׃
2 Samuel 8:3
3 ויך דוד את הדדעזר בן רחב מלך צובה בלכתו להשׁיב ידו בנהר\'ce׃
2 Samuel 23:5
5 כי לא כן ביתי עם אל כי ברית עולם שׂם לי ערוכה בכל ושׁמרה כי כל ישׁעי וכל חפץ כי לא יצמיח׃
1 Kings 4:21
21 (5:1) ושׁלמה היה מושׁל בכל הממלכות מן הנהר ארץ פלשׁתים ועד גבול מצרים מגשׁים מנחה ועבדים את שׁלמה כל ימי חייו׃
1 Chronicles 5:9
9 ולמזרח ישׁב עד לבוא מדברה למן הנהר פרת כי מקניהם רבו בארץ גלעד׃
2 Chronicles 9:26
26 ויהי מושׁל בכל המלכים מן הנהר ועד ארץ פלשׁתים ועד גבול מצרים׃
Nehemiah 9:8
8 ומצאת את לבבו נאמן לפניך וכרות עמו הברית לתת את ארץ הכנעני החתי האמרי והפרזי והיבוסי והגרגשׁי לתת לזרעו ותקם את דבריך כי צדיק אתה׃
Isaiah 27:12
12 והיה ביום ההוא יחבט יהוה משׁבלת הנהר עד נחל מצרים ואתם תלקטו לאחד אחד בני ישׂראל׃
Isaiah 55:3
3 הטו אזנכם ולכו אלי שׁמעו ותחי נפשׁכם ואכרתה לכם ברית עולם חסדי דוד הנאמנים׃
Jeremiah 31:31-34
31 הנה ימים באים נאם יהוה וכרתי את בית ישׂראל ואת בית יהודה ברית חדשׁה׃32 לא כברית אשׁר כרתי את אבותם ביום החזיקי בידם להוציאם מארץ מצרים אשׁר המה הפרו את בריתי ואנכי בעלתי בם נאם יהוה׃33 כי זאת הברית אשׁר אכרת את בית ישׂראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃34 ולא ילמדו עוד אישׁ את רעהו ואישׁ את אחיו לאמר דעו את יהוה כי כולם ידעו אותי למקטנם ועד גדולם נאם יהוה כי אסלח לעונם ולחטאתם לא אזכר עוד׃
Jeremiah 32:40
40 וכרתי להם ברית עולם אשׁר לא אשׁוב מאחריהם להיטיבי אותם ואת יראתי אתן בלבבם לבלתי סור מעלי׃
Jeremiah 33:20-26
20 כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃21 גם בריתי תפר את דוד עבדי מהיות לו בן מלך על כסאו ואת הלוים הכהנים משׁרתי׃22 אשׁר לא יספר צבא השׁמים ולא ימד חול הים כן ארבה את זרע דוד עבדי ואת הלוים משׁרתי אתי׃23 ויהי דבר יהוה אל ירמיהו לאמר׃24 הלוא ראית מה העם הזה דברו לאמר שׁתי המשׁפחות אשׁר בחר יהוה בהם וימאסם ואת עמי ינאצון מהיות עוד גוי לפניהם׃25 כה אמר יהוה אם לא בריתי יומם ולילה חקות שׁמים וארץ לא שׂמתי׃26 גם זרע יעקוב ודוד עבדי אמאס מקחת מזרעו משׁלים אל זרע אברהם ישׂחק ויעקב כי אשׁוב את שׁבותם ורחמתים׃
Numbers 24:21-22
Genesis 14:5
5 ובארבע עשׂרה שׁנה בא כדרלעמר והמלכים אשׁר אתו ויכו את רפאים בעשׁתרת קרנים ואת הזוזים בהם ואת האימים בשׁוה קריתים׃
Isaiah 17:5
5 והיה כאסף קציר קמה וזרעו שׁבלים יקצור והיה כמלקט שׁבלים בעמק רפאים׃
Genesis 10:15-19
Exodus 23:23-28
23 כי ילך מלאכי לפניך והביאך אל האמרי והחתי והפרזי והכנעני החוי והיבוסי והכחדתיו׃24 לא תשׁתחוה לאלהיהם ולא תעבדם ולא תעשׂה כמעשׂיהם כי הרס תהרסם ושׁבר תשׁבר מצבתיהם׃25 ועבדתם את יהוה אלהיכם וברך את לחמך ואת מימיך והסרתי מחלה מקרבך׃26 לא תהיה משׁכלה ועקרה בארצך את מספר ימיך אמלא׃27 את אימתי אשׁלח לפניך והמתי את כל העם אשׁר תבא בהם ונתתי את כל איביך אליך ערף׃28 ושׁלחתי את הצרעה לפניך וגרשׁה את החוי את הכנעני ואת החתי מלפניך׃
Exodus 33:2
2 ושׁלחתי לפניך מלאך וגרשׁתי את הכנעני האמרי והחתי והפרזי החוי והיבוסי׃