8 ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃
Genesis 17:8 Cross References - HOT
Genesis 12:7
7 וירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו׃
Genesis 13:15
15 כי את כל הארץ אשׁר אתה ראה לך אתננה ולזרעך עד עולם׃
Genesis 13:17
17 קום התהלך בארץ לארכה ולרחבה כי לך אתננה׃
Genesis 15:7-21
7 ויאמר אליו אני יהוה אשׁר הוצאתיך מאור כשׂדים לתת לך את הארץ הזאת לרשׁתה׃8 ויאמר אדני יהוה במה אדע כי אירשׁנה׃9 ויאמר אליו קחה לי עגלה משׁלשׁת ועז משׁלשׁת ואיל משׁלשׁ ותר וגוזל׃10 ויקח לו את כל אלה ויבתר אתם בתוך ויתן אישׁ בתרו לקראת רעהו ואת הצפר לא בתר׃11 וירד העיט על הפגרים וישׁב אתם אברם׃12 ויהי השׁמשׁ לבוא ותרדמה נפלה על אברם והנה אימה חשׁכה גדלה נפלת עליו׃13 ויאמר לאברם ידע תדע כי גר יהיה זרעך בארץ לא להם ועבדום וענו אתם ארבע מאות שׁנה׃14 וגם את הגוי אשׁר יעבדו דן אנכי ואחרי כן יצאו ברכשׁ גדול׃15 ואתה תבוא אל אבתיך בשׁלום תקבר בשׂיבה טובה׃16 ודור רביעי ישׁובו הנה כי לא שׁלם עון האמרי עד הנה׃17 ויהי השׁמשׁ באה ועלטה היה והנה תנור עשׁן ולפיד אשׁ אשׁר עבר בין הגזרים האלה׃18 ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃19 את הקיני ואת הקנזי ואת הקדמני׃20 ואת החתי ואת הפרזי ואת הרפאים׃21 ואת האמרי ואת הכנעני ואת הגרגשׁי ואת היבוסי׃
Genesis 23:4
4 גר ותושׁב אנכי עמכם תנו לי אחזת קבר עמכם ואקברה מתי מלפני׃
Genesis 28:4
4 ויתן לך את ברכת אברהם לך ולזרעך אתך לרשׁתך את ארץ מגריך אשׁר נתן אלהים לאברהם׃
Genesis 48:4
4 ויאמר אלי הנני מפרך והרביתך ונתתיך לקהל עמים ונתתי את הארץ הזאת לזרעך אחריך אחזת עולם׃
Exodus 6:7
7 ולקחתי אתכם לי לעם והייתי לכם לאלהים וידעתם כי אני יהוה אלהיכם המוציא אתכם מתחת סבלות מצרים׃
Exodus 21:6
6 והגישׁו אדניו אל האלהים והגישׁו אל הדלת או אל המזוזה ורצע אדניו את אזנו במרצע ועבדו לעלם׃
Exodus 31:16-17
Exodus 40:15
15 ומשׁחת אתם כאשׁר משׁחת את אביהם וכהנו לי והיתה להית להם משׁחתם לכהנת עולם לדרתם׃
Leviticus 16:34
34 והיתה זאת לכם לחקת עולם לכפר על בני ישׂראל מכל חטאתם אחת בשׁנה ויעשׂ כאשׁר צוה יהוה את משׁה׃
Leviticus 26:12
12 והתהלכתי בתוככם והייתי לכם לאלהים ואתם תהיו לי לעם׃
Numbers 25:13
13 והיתה לו ולזרעו אחריו ברית כהנת עולם תחת אשׁר קנא לאלהיו ויכפר על בני ישׂראל׃
Deuteronomy 4:37
37 ותחת כי אהב את אבתיך ויבחר בזרעו אחריו ויוצאך בפניו בכחו הגדל ממצרים׃
Deuteronomy 14:2
2 כי עם קדושׁ אתה ליהוה אלהיך ובך בחר יהוה להיות לו לעם סגלה מכל העמים אשׁר על פני האדמה׃
Deuteronomy 26:18
18 ויהוה האמירך היום להיות לו לעם סגלה כאשׁר דבר לך ולשׁמר כל מצותיו׃
Deuteronomy 29:13
13 (29:12) למען הקים אתך היום לו לעם והוא יהיה לך לאלהים כאשׁר דבר לך וכאשׁר נשׁבע לאבתיך לאברהם ליצחק וליעקב׃
Deuteronomy 32:8
8 בהנחל עליון גוים בהפרידו בני אדם יצב גבלת עמים למספר בני ישׂראל׃
2 Samuel 23:5
5 כי לא כן ביתי עם אל כי ברית עולם שׂם לי ערוכה בכל ושׁמרה כי כל ישׁעי וכל חפץ כי לא יצמיח׃
Psalms 103:17
17 וחסד יהוה מעולם ועד עולם על יראיו וצדקתו לבני בנים׃
Psalms 105:9
9 אשׁר כרת את אברהם ושׁבועתו לישׂחק׃
Psalms 105:11
11 לאמר לך אתן את ארץ כנען חבל נחלתכם׃