Genesis 18:32 Cross References - HOT

³² ויאמר אל נא יחר לאדני ואדברה אך הפעם אולי ימצאון שׁם עשׂרה ויאמר לא אשׁחית בעבור העשׂרה׃

Genesis 18:30

³⁰ ויאמר אל נא יחר לאדני ואדברה אולי ימצאון שׁם שׁלשׁים ויאמר לא אעשׂה אם אמצא שׁם שׁלשׁים׃

Exodus 32:9-10

⁹ ויאמר יהוה אל משׁה ראיתי את העם הזה והנה עם קשׁה ערף הוא׃¹⁰ ועתה הניחה לי ויחר אפי בהם ואכלם ואעשׂה אותך לגוי גדול׃

Exodus 32:14

¹⁴ וינחם יהוה על הרעה אשׁר דבר לעשׂות לעמו׃

Exodus 33:13-14

¹³ ועתה אם נא מצאתי חן בעיניך הודעני נא את דרכך ואדעך למען אמצא חן בעיניך וראה כי עמך הגוי הזה׃¹⁴ ויאמר פני ילכו והנחתי׃

Exodus 34:6-7

⁶ ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃⁷ נצר חסד לאלפים נשׂא עון ופשׁע וחטאה ונקה לא ינקה פקד עון אבות על בנים ועל בני בנים על שׁלשׁים ועל רבעים׃

⁹ ויאמר אם נא מצאתי חן בעיניך אדני ילך נא אדני בקרבנו כי עם קשׁה ערף הוא וסלחת לעוננו ולחטאתנו ונחלתנו׃¹⁰ ויאמר הנה אנכי כרת ברית נגד כל עמך אעשׂה נפלאת אשׁר לא נבראו בכל הארץ ובכל הגוים וראה כל העם אשׁר אתה בקרבו את מעשׂה יהוה כי נורא הוא אשׁר אני עשׂה עמך׃

Numbers 14:11-20

¹¹ ויאמר יהוה אל משׁה עד אנה ינאצני העם הזה ועד אנה לא יאמינו בי בכל האתות אשׁר עשׂיתי בקרבו׃¹² אכנו בדבר ואורשׁנו ואעשׂה אתך לגוי גדול ועצום ממנו׃¹³ ויאמר משׁה אל יהוה ושׁמעו מצרים כי העלית בכחך את העם הזה מקרבו׃¹⁴ ואמרו אל יושׁב הארץ הזאת שׁמעו כי אתה יהוה בקרב העם הזה אשׁר עין בעין נראה אתה יהוה ועננך עמד עלהם ובעמד ענן אתה הלך לפניהם יומם ובעמוד אשׁ לילה׃¹⁵ והמתה את העם הזה כאישׁ אחד ואמרו הגוים אשׁר שׁמעו את שׁמעך לאמר׃¹⁶ מבלתי יכלת יהוה להביא את העם הזה אל הארץ אשׁר נשׁבע להם וישׁחטם במדבר׃¹⁷ ועתה יגדל נא כח אדני כאשׁר דברת לאמר׃¹⁸ יהוה ארך אפים ורב חסד נשׂא עון ופשׁע ונקה לא ינקה פקד עון אבות על בנים על שׁלשׁים ועל רבעים׃¹⁹ סלח נא לעון העם הזה כגדל חסדך וכאשׁר נשׂאתה לעם הזה ממצרים ועד הנה׃²⁰ ויאמר יהוה סלחתי כדברך׃

Judges 6:39

³⁹ ויאמר גדעון אל האלהים אל יחר אפך בי ואדברה אך הפעם אנסה נא רק הפעם בגזה יהי נא חרב אל הגזה לבדה ועל כל הארץ יהיה טל׃

Job 33:23

²³ אם ישׁ עליו מלאך מליץ אחד מני אלף להגיד לאדם ישׁרו׃

Psalms 86:5

⁵ כי אתה אדני טוב וסלח ורב חסד לכל קראיך׃

Proverbs 15:8

⁸ זבח רשׁעים תועבת יהוה ותפלת ישׁרים רצונו׃

Isaiah 42:6-7

⁶ אני יהוה קראתיך בצדק ואחזק בידך ואצרך ואתנך לברית עם לאור גוים׃⁷ לפקח עינים עורות להוציא ממסגר אסיר מבית כלא ישׁבי חשׁך׃

Isaiah 65:8

⁸ כה אמר יהוה כאשׁר ימצא התירושׁ באשׁכול ואמר אל תשׁחיתהו כי ברכה בו כן אעשׂה למען עבדי לבלתי השׁחית הכל׃

Micah 7:18

¹⁸ מי אל כמוך נשׂא עון ועבר על פשׁע לשׁארית נחלתו לא החזיק לעד אפו כי חפץ חסד הוא׃