Genesis 19:13 Cross References - HOT

13 כי משׁחתים אנחנו את המקום הזה כי גדלה צעקתם את פני יהוה וישׁלחנו יהוה לשׁחתה׃

Genesis 13:13

13 ואנשׁי סדם רעים וחטאים ליהוה מאד׃

Genesis 18:20

20 ויאמר יהוה זעקת סדם ועמרה כי רבה וחטאתם כי כבדה מאד׃

1 Chronicles 21:15-16

15 וישׁלח האלהים מלאך לירושׁלם להשׁחיתה וכהשׁחית ראה יהוה וינחם על הרעה ויאמר למלאך המשׁחית רב עתה הרף ידך ומלאך יהוה עמד עם גרן ארנן היבוסי׃16 וישׂא דויד את עיניו וירא את מלאך יהוה עמד בין הארץ ובין השׁמים וחרבו שׁלופה בידו נטויה על ירושׁלם ויפל דויד והזקנים מכסים בשׂקים על פניהם׃

Psalms 11:5-6

5 יהוה צדיק יבחן ורשׁע ואהב חמס שׂנאה נפשׁו׃6 ימטר על רשׁעים פחים אשׁ וגפרית ורוח זלעפות מנת כוסם׃

Isaiah 3:11

11 אוי לרשׁע רע כי גמול ידיו יעשׂה׃

Isaiah 36:10

10 ועתה המבלעדי יהוה עליתי על הארץ הזאת להשׁחיתה יהוה אמר אלי עלה אל הארץ הזאת והשׁחיתה׃

Isaiah 37:36

36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃

Ezekiel 9:5-6

5 ולאלה אמר באזני עברו בעיר אחריו והכו על תחס עיניכם ואל תחמלו׃6 זקן בחור ובתולה וטף ונשׁים תהרגו למשׁחית ועל כל אישׁ אשׁר עליו התו אל תגשׁו וממקדשׁי תחלו ויחלו באנשׁים הזקנים אשׁר לפני הבית׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.