1 ויהי רעב בארץ מלבד הרעב הראשׁון אשׁר היה בימי אברהם וילך יצחק אל אבימלך מלך פלשׁתים גררה׃2 וירא אליו יהוה ויאמר אל תרד מצרימה שׁכן בארץ אשׁר אמר אליך׃3 גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השׁבעה אשׁר נשׁבעתי לאברהם אביך׃4 והרביתי את זרעך ככוכבי השׁמים ונתתי לזרעך את כל הארצת האל והתברכו בזרעך כל גויי הארץ׃5 עקב אשׁר שׁמע אברהם בקלי וישׁמר משׁמרתי מצותי חקותי ותורתי׃6 וישׁב יצחק בגרר׃7 וישׁאלו אנשׁי המקום לאשׁתו ויאמר אחתי הוא כי ירא לאמר אשׁתי פן יהרגני אנשׁי המקום על רבקה כי טובת מראה הוא׃8 ויהי כי ארכו לו שׁם הימים וישׁקף אבימלך מלך פלשׁתים בעד החלון וירא והנה יצחק מצחק את רבקה אשׁתו׃9 ויקרא אבימלך ליצחק ויאמר אך הנה אשׁתך הוא ואיך אמרת אחתי הוא ויאמר אליו יצחק כי אמרתי פן אמות עליה׃10 ויאמר אבימלך מה זאת עשׂית לנו כמעט שׁכב אחד העם את אשׁתך והבאת עלינו אשׁם׃11 ויצו אבימלך את כל העם לאמר הנגע באישׁ הזה ובאשׁתו מות יומת׃12 ויזרע יצחק בארץ ההוא וימצא בשׁנה ההוא מאה שׁערים ויברכהו יהוה׃13 ויגדל האישׁ וילך הלוך וגדל עד כי גדל מאד׃14 ויהי לו מקנה צאן ומקנה בקר ועבדה רבה ויקנאו אתו פלשׁתים׃15 וכל הבארת אשׁר חפרו עבדי אביו בימי אברהם אביו סתמום פלשׁתים וימלאום עפר׃16 ויאמר אבימלך אל יצחק לך מעמנו כי עצמת ממנו מאד׃17 וילך משׁם יצחק ויחן בנחל גרר וישׁב שׁם׃18 וישׁב יצחק ויחפר את בארת המים אשׁר חפרו בימי אברהם אביו ויסתמום פלשׁתים אחרי מות אברהם ויקרא להן שׁמות כשׁמת אשׁר קרא להן אביו׃19 ויחפרו עבדי יצחק בנחל וימצאו שׁם באר מים חיים׃20 ויריבו רעי גרר עם רעי יצחק לאמר לנו המים ויקרא שׁם הבאר עשׂק כי התעשׂקו עמו׃21 ויחפרו באר אחרת ויריבו גם עליה ויקרא שׁמה שׂטנה׃22 ויעתק משׁם ויחפר באר אחרת ולא רבו עליה ויקרא שׁמה רחבות ויאמר כי עתה הרחיב יהוה לנו ופרינו בארץ׃23 ויעל משׁם באר שׁבע׃24 וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי׃25 ויבן שׁם מזבח ויקרא בשׁם יהוה ויט שׁם אהלו ויכרו שׁם עבדי יצחק באר׃26 ואבימלך הלך אליו מגרר ואחזת מרעהו ופיכל שׂר צבאו׃27 ויאמר אלהם יצחק מדוע באתם אלי ואתם שׂנאתם אתי ותשׁלחוני מאתכם׃28 ויאמרו ראו ראינו כי היה יהוה עמך ונאמר תהי נא אלה בינותינו בינינו ובינך ונכרתה ברית עמך׃29 אם תעשׂה עמנו רעה כאשׁר לא נגענוך וכאשׁר עשׂינו עמך רק טוב ונשׁלחך בשׁלום אתה עתה ברוך יהוה׃30 ויעשׂ להם משׁתה ויאכלו וישׁתו׃31 וישׁכימו בבקר וישׁבעו אישׁ לאחיו וישׁלחם יצחק וילכו מאתו בשׁלום׃32 ויהי ביום ההוא ויבאו עבדי יצחק ויגדו לו על אדות הבאר אשׁר חפרו ויאמרו לו מצאנו מים׃33 ויקרא אתה שׁבעה על כן שׁם העיר באר שׁבע עד היום הזה׃34 ויהי עשׂו בן ארבעים שׁנה ויקח אשׁה את יהודית בת בארי החתי ואת בשׂמת בת אילן החתי׃35 ותהיין מרת רוח ליצחק ולרבקה׃
Genesis 26 Cross References - HOT
Genesis 12:10
10 ויהי רעב בארץ וירד אברם מצרימה לגור שׁם כי כבד הרעב בארץ׃
Genesis 20:1-2
Genesis 21:22-32
22 ויהי בעת ההוא ויאמר אבימלך ופיכל שׂר צבאו אל אברהם לאמר אלהים עמך בכל אשׁר אתה עשׂה׃23 ועתה השׁבעה לי באלהים הנה אם תשׁקר לי ולניני ולנכדי כחסד אשׁר עשׂיתי עמך תעשׂה עמדי ועם הארץ אשׁר גרתה׃24 ויאמר אברהם אנכי אשׁבע׃25 והוכח אברהם את אבימלך על אדות באר המים אשׁר גזלו עבדי אבימלך׃26 ויאמר אבימלך לא ידעתי מי עשׂה את הדבר הזה וגם אתה לא הגדת לי וגם אנכי לא שׁמעתי בלתי היום׃27 ויקח אברהם צאן ובקר ויתן לאבימלך ויכרתו שׁניהם ברית׃28 ויצב אברהם את שׁבע כבשׂת הצאן לבדהן׃29 ויאמר אבימלך אל אברהם מה הנה שׁבע כבשׂת האלה אשׁר הצבת לבדנה׃30 ויאמר כי את שׁבע כבשׂת תקח מידי בעבור תהיה לי לעדה כי חפרתי את הבאר הזאת׃31 על כן קרא למקום ההוא באר שׁבע כי שׁם נשׁבעו שׁניהם׃32 ויכרתו ברית בבאר שׁבע ויקם אבימלך ופיכל שׂר צבאו וישׁבו אל ארץ פלשׁתים׃
Genesis 25:11
11 ויהי אחרי מות אברהם ויברך אלהים את יצחק בנו וישׁב יצחק עם באר לחי ראי׃
Genesis 12:1
1 ויאמר יהוה אל אברם לך לך מארצך וממולדתך ומבית אביך אל הארץ אשׁר אראך׃
Genesis 12:7
7 וירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו׃
Genesis 17:1
1 ויהי אברם בן תשׁעים שׁנה ותשׁע שׁנים וירא יהוה אל אברם ויאמר אליו אני אל שׁדי התהלך לפני והיה תמים׃
Genesis 18:1
1 וירא אליו יהוה באלני ממרא והוא ישׁב פתח האהל כחם היום׃
Genesis 18:10-20
10 ויאמר שׁוב אשׁוב אליך כעת חיה והנה בן לשׂרה אשׁתך ושׂרה שׁמעת פתח האהל והוא אחריו׃11 ואברהם ושׂרה זקנים באים בימים חדל להיות לשׂרה ארח כנשׁים׃12 ותצחק שׂרה בקרבה לאמר אחרי בלתי היתה לי עדנה ואדני זקן׃13 ויאמר יהוה אל אברהם למה זה צחקה שׂרה לאמר האף אמנם אלד ואני זקנתי׃14 היפלא מיהוה דבר למועד אשׁוב אליך כעת חיה ולשׂרה בן׃15 ותכחשׁ שׂרה לאמר לא צחקתי כי יראה ויאמר לא כי צחקת׃16 ויקמו משׁם האנשׁים וישׁקפו על פני סדם ואברהם הלך עמם לשׁלחם׃17 ויהוה אמר המכסה אני מאברהם אשׁר אני עשׂה׃18 ואברהם היו יהיה לגוי גדול ועצום ונברכו בו כל גויי הארץ׃19 כי ידעתיו למען אשׁר יצוה את בניו ואת ביתו אחריו ושׁמרו דרך יהוה לעשׂות צדקה ומשׁפט למען הביא יהוה על אברהם את אשׁר דבר עליו׃20 ויאמר יהוה זעקת סדם ועמרה כי רבה וחטאתם כי כבדה מאד׃
Psalms 37:3
3 בטח ביהוה ועשׂה טוב שׁכן ארץ ורעה אמונה׃
Genesis 12:1-2
Genesis 13:15
15 כי את כל הארץ אשׁר אתה ראה לך אתננה ולזרעך עד עולם׃
Genesis 13:17
17 קום התהלך בארץ לארכה ולרחבה כי לך אתננה׃
Genesis 15:18
18 ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃
Genesis 17:8
8 ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃
Genesis 20:1
1 ויסע משׁם אברהם ארצה הנגב וישׁב בין קדשׁ ובין שׁור ויגר בגרר׃
Genesis 22:16-18
Genesis 26:12
12 ויזרע יצחק בארץ ההוא וימצא בשׁנה ההוא מאה שׁערים ויברכהו יהוה׃
Genesis 26:14
14 ויהי לו מקנה צאן ומקנה בקר ועבדה רבה ויקנאו אתו פלשׁתים׃
Genesis 28:15
15 והנה אנכי עמך ושׁמרתיך בכל אשׁר תלך והשׁבתיך אל האדמה הזאת כי לא אעזבך עד אשׁר אם עשׂיתי את אשׁר דברתי׃
Genesis 39:2
2 ויהי יהוה את יוסף ויהי אישׁ מצליח ויהי בבית אדניו המצרי׃
Genesis 39:21
21 ויהי יהוה את יוסף ויט אליו חסד ויתן חנו בעיני שׂר בית הסהר׃
Psalms 32:8
8 אשׂכילך ואורך בדרך זו תלך איעצה עליך עיני׃
Psalms 37:1-6
Psalms 39:12
12 (39:13) שׁמעה תפלתי יהוה ושׁועתי האזינה אל דמעתי אל תחרשׁ כי גר אנכי עמך תושׁב ככל אבותי׃
Psalms 105:9
9 אשׁר כרת את אברהם ושׁבועתו לישׂחק׃
Isaiah 43:2
2 כי תעבר במים אתך אני ובנהרות לא ישׁטפוך כי תלך במו אשׁ לא תכוה ולהבה לא תבער׃
Isaiah 43:5
5 אל תירא כי אתך אני ממזרח אביא זרעך וממערב אקבצך׃
Micah 7:20
20 תתן אמת ליעקב חסד לאברהם אשׁר נשׁבעת לאבתינו מימי קדם׃
Genesis 12:2-3
Genesis 13:16
16 ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃
Genesis 15:5
5 ויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך׃
Genesis 17:4-8
4 אני הנה בריתי אתך והיית לאב המון גוים׃5 ולא יקרא עוד את שׁמך אברם והיה שׁמך אברהם כי אב המון גוים נתתיך׃6 והפרתי אתך במאד מאד ונתתיך לגוים ומלכים ממך יצאו׃7 והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃8 ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃
Genesis 18:18
18 ואברהם היו יהיה לגוי גדול ועצום ונברכו בו כל גויי הארץ׃
Exodus 32:13
13 זכר לאברהם ליצחק ולישׂראל עבדיך אשׁר נשׁבעת להם בך ותדבר אלהם ארבה את זרעכם ככוכבי השׁמים וכל הארץ הזאת אשׁר אמרתי אתן לזרעכם ונחלו לעלם׃
Psalms 72:17
17 יהי שׁמו לעולם לפני שׁמשׁ ינין שׁמו ויתברכו בו כל גוים יאשׁרוהו׃
Genesis 12:4
4 וילך אברם כאשׁר דבר אליו יהוה וילך אתו לוט ואברם בן חמשׁ שׁנים ושׁבעים שׁנה בצאתו מחרן׃
Genesis 17:23
23 ויקח אברהם את ישׁמעאל בנו ואת כל ילידי ביתו ואת כל מקנת כספו כל זכר באנשׁי בית אברהם וימל את בשׂר ערלתם בעצם היום הזה כאשׁר דבר אתו אלהים׃
Genesis 18:19
19 כי ידעתיו למען אשׁר יצוה את בניו ואת ביתו אחריו ושׁמרו דרך יהוה לעשׂות צדקה ומשׁפט למען הביא יהוה על אברהם את אשׁר דבר עליו׃
Genesis 22:16
16 ויאמר בי נשׁבעתי נאם יהוה כי יען אשׁר עשׂית את הדבר הזה ולא חשׂכת את בנך את יחידך׃
Genesis 22:18
18 והתברכו בזרעך כל גויי הארץ עקב אשׁר שׁמעת בקלי׃
Psalms 112:1-2
Psalms 128:1-6
Genesis 12:13
13 אמרי נא אחתי את למען ייטב לי בעבורך וחיתה נפשׁי בגללך׃
Genesis 20:2
2 ויאמר אברהם אל שׂרה אשׁתו אחתי הוא וישׁלח אבימלך מלך גרר ויקח את שׂרה׃
Genesis 20:5
5 הלא הוא אמר לי אחתי הוא והיא גם הוא אמרה אחי הוא בתם לבבי ובנקין כפי עשׂיתי זאת׃
Genesis 20:12-13
Genesis 24:16
16 והנער טבת מראה מאד בתולה ואישׁ לא ידעה ותרד העינה ותמלא כדה ותעל׃
Proverbs 29:25
25 חרדת אדם יתן מוקשׁ ובוטח ביהוה ישׂגב׃
Judges 5:28
28 בעד החלון נשׁקפה ותיבב אם סיסרא בעד האשׁנב מדוע בשׁשׁ רכבו לבוא מדוע אחרו פעמי מרכבותיו׃
Proverbs 5:18-19
Proverbs 7:6
6 כי בחלון ביתי בעד אשׁנבי נשׁקפתי׃
Ecclesiastes 9:9
9 ראה חיים עם אשׁה אשׁר אהבת כל ימי חיי הבלך אשׁר נתן לך תחת השׁמשׁ כל ימי הבלך כי הוא חלקך בחיים ובעמלך אשׁר אתה עמל תחת השׁמשׁ׃
Song of Songs 2:9
9 דומה דודי לצבי או לעפר האילים הנה זה עומד אחר כתלנו משׁגיח מן החלנות מציץ מן החרכים׃
Isaiah 62:5
5 כי יבעל בחור בתולה יבעלוך בניך ומשׂושׂ חתן על כלה ישׂישׂ עליך אלהיך׃
Genesis 12:18-19
Genesis 20:9-10
Genesis 20:6
6 ויאמר אליו האלהים בחלם גם אנכי ידעתי כי בתם לבבך עשׂית זאת ואחשׂך גם אנכי אותך מחטו לי על כן לא נתתיך לנגע אליה׃
Psalms 105:15
15 אל תגעו במשׁיחי ולנביאי אל תרעו׃
Proverbs 6:29
29 כן הבא אל אשׁת רעהו לא ינקה כל הנגע׃
Zechariah 2:8
8 (2:12) כי כה אמר יהוה צבאות אחר כבוד שׁלחני אל הגוים השׁללים אתכם כי הנגע בכם נגע בבבת עינו׃
Genesis 24:1
1 ואברהם זקן בא בימים ויהוה ברך את אברהם בכל׃
Genesis 24:35
35 ויהוה ברך את אדני מאד ויגדל ויתן לו צאן ובקר וכסף וזהב ועבדם ושׁפחת וגמלים וחמרים׃
Genesis 26:3
3 גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השׁבעה אשׁר נשׁבעתי לאברהם אביך׃
Genesis 26:29
29 אם תעשׂה עמנו רעה כאשׁר לא נגענוך וכאשׁר עשׂינו עמך רק טוב ונשׁלחך בשׁלום אתה עתה ברוך יהוה׃
Genesis 30:30
30 כי מעט אשׁר היה לך לפני ויפרץ לרב ויברך יהוה אתך לרגלי ועתה מתי אעשׂה גם אנכי לביתי׃
Job 42:12
12 ויהוה ברך את אחרית איוב מראשׁתו ויהי לו ארבעה עשׂר אלף צאן ושׁשׁת אלפים גמלים ואלף צמד בקר ואלף אתונות׃
Psalms 67:6
6 (67:7) ארץ נתנה יבולה יברכנו אלהים אלהינו׃
Psalms 72:16
16 יהי פסת בר בארץ בראשׁ הרים ירעשׁ כלבנון פריו ויציצו מעיר כעשׂב הארץ׃
Ecclesiastes 11:6
6 בבקר זרע את זרעך ולערב אל תנח ידך כי אינך יודע אי זה יכשׁר הזה או זה ואם שׁניהם כאחד טובים׃
Zechariah 8:12
12 כי זרע השׁלום הגפן תתן פריה והארץ תתן את יבולה והשׁמים יתנו טלם והנחלתי את שׁארית העם הזה את כל אלה׃
Psalms 112:3
3 הון ועשׁר בביתו וצדקתו עמדת לעד׃
Proverbs 10:22
22 ברכת יהוה היא תעשׁיר ולא יוסף עצב עמה׃
Genesis 12:16
16 ולאברם היטיב בעבורה ויהי לו צאן ובקר וחמרים ועבדים ושׁפחת ואתנת וגמלים׃
Genesis 13:2
2 ואברם כבד מאד במקנה בכסף ובזהב׃
Genesis 37:11
11 ויקנאו בו אחיו ואביו שׁמר את הדבר׃
1 Samuel 18:9
9 ויהי שׁאול עון את דוד מהיום ההוא והלאה׃
Job 1:3
3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃
Job 5:2
2 כי לאויל יהרג כעשׂ ופתה תמית קנאה׃
Psalms 112:10
10 רשׁע יראה וכעס שׁניו יחרק ונמס תאות רשׁעים תאבד׃
Psalms 144:13-14
Proverbs 27:4
4 אכזריות חמה ושׁטף אף ומי יעמד לפני קנאה׃
Ecclesiastes 4:4
4 וראיתי אני את כל עמל ואת כל כשׁרון המעשׂה כי היא קנאת אישׁ מרעהו גם זה הבל ורעות רוח׃
Genesis 21:25
25 והוכח אברהם את אבימלך על אדות באר המים אשׁר גזלו עבדי אבימלך׃
Genesis 21:30
30 ויאמר כי את שׁבע כבשׂת תקח מידי בעבור תהיה לי לעדה כי חפרתי את הבאר הזאת׃
Exodus 1:9
9 ויאמר אל עמו הנה עם בני ישׂראל רב ועצום ממנו׃
Genesis 21:31
31 על כן קרא למקום ההוא באר שׁבע כי שׁם נשׁבעו שׁניהם׃
Numbers 32:38
38 ואת נבו ואת בעל מעון מוסבת שׁם ואת שׂבמה ויקראו בשׁמת את שׁמות הערים אשׁר בנו׃
Psalms 16:4
4 ירבו עצבותם אחר מהרו בל אסיך נסכיהם מדם ובל אשׂא את שׁמותם על שׂפתי׃
Hosea 2:17
17 (2:19) והסרתי את שׁמות הבעלים מפיה ולא יזכרו עוד בשׁמם׃
Zechariah 13:2
2 והיה ביום ההוא נאם יהוה צבאות אכרית את שׁמות העצבים מן הארץ ולא יזכרו עוד וגם את הנביאים ואת רוח הטמאה אעביר מן הארץ׃
Song of Songs 4:15
15 מעין גנים באר מים חיים ונזלים מן לבנון׃
Ezra 4:6
6 ובמלכות אחשׁורושׁ בתחלת מלכותו כתבו שׂטנה על ישׁבי יהודה וירושׁלם׃
Genesis 17:6
6 והפרתי אתך במאד מאד ונתתיך לגוים ומלכים ממך יצאו׃
Genesis 28:3
3 ואל שׁדי יברך אתך ויפרך וירבך והיית לקהל עמים׃
Genesis 41:52
52 ואת שׁם השׁני קרא אפרים כי הפרני אלהים בארץ עניי׃
Exodus 1:7
7 ובני ישׂראל פרו וישׁרצו וירבו ויעצמו במאד מאד ותמלא הארץ אתם׃
Psalms 4:1
1 למנצח בנגינות מזמור לדוד׃ (4:2) בקראי ענני אלהי צדקי בצר הרחבת לי חנני ושׁמע תפלתי׃
Psalms 18:19
19 (18:20) ויוציאני למרחב יחלצני כי חפץ׃
Psalms 118:5
5 מן המצר קראתי יה ענני במרחב יה׃
Genesis 46:1
1 ויסע ישׂראל וכל אשׁר לו ויבא בארה שׁבע ויזבח זבחים לאלהי אביו יצחק׃
Judges 20:1
1 ויצאו כל בני ישׂראל ותקהל העדה כאישׁ אחד למדן ועד באר שׁבע וארץ הגלעד אל יהוה המצפה׃
Genesis 15:1
1 אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שׂכרך הרבה מאד׃
Genesis 17:7
7 והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃
Genesis 22:19
19 וישׁב אברהם אל נעריו ויקמו וילכו יחדו אל באר שׁבע וישׁב אברהם בבאר שׁבע׃
Genesis 24:12
12 ויאמר יהוה אלהי אדני אברהם הקרה נא לפני היום ועשׂה חסד עם אדני אברהם׃
Genesis 26:2-4
Genesis 28:13
13 והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך׃
Genesis 31:5
5 ויאמר להן ראה אנכי את פני אביכן כי איננו אלי כתמל שׁלשׁם ואלהי אבי היה עמדי׃
Exodus 3:6
6 ויאמר אנכי אלהי אביך אלהי אברהם אלהי יצחק ואלהי יעקב ויסתר משׁה פניו כי ירא מהביט אל האלהים׃
Psalms 27:1-3
Psalms 46:1-2
Isaiah 12:2
2 הנה אל ישׁועתי אבטח ולא אפחד כי עזי וזמרת יה יהוה ויהי לי לישׁועה׃
Isaiah 41:10
10 אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃
Isaiah 41:13-15
Isaiah 43:1-2
Isaiah 44:2
2 כה אמר יהוה עשׂך ויצרך מבטן יעזרך אל תירא עבדי יעקב וישׁרון בחרתי׃
Isaiah 51:7
7 שׁמעו אלי ידעי צדק עם תורתי בלבם אל תיראו חרפת אנושׁ ומגדפתם אל תחתו׃
Isaiah 51:12
12 אנכי אנכי הוא מנחמכם מי את ותיראי מאנושׁ ימות ומבן אדם חציר ינתן׃
Genesis 8:20
20 ויבן נח מזבח ליהוה ויקח מכל הבהמה הטהרה ומכל העוף הטהור ויעל עלת במזבח׃
Genesis 12:7-8
Genesis 13:4
4 אל מקום המזבח אשׁר עשׂה שׁם בראשׁנה ויקרא שׁם אברם בשׁם יהוה׃
Genesis 13:18
18 ויאהל אברם ויבא וישׁב באלני ממרא אשׁר בחברון ויבן שׁם מזבח ליהוה׃
Genesis 22:9
9 ויבאו אל המקום אשׁר אמר לו האלהים ויבן שׁם אברהם את המזבח ויערך את העצים ויעקד את יצחק בנו וישׂם אתו על המזבח ממעל לעצים׃
Genesis 33:20
20 ויצב שׁם מזבח ויקרא לו אל אלהי ישׂראל׃
Genesis 35:1
1 ויאמר אלהים אל יעקב קום עלה בית אל ושׁב שׁם ועשׂה שׁם מזבח לאל הנראה אליך בברחך מפני עשׂו אחיך׃
Exodus 17:15
15 ויבן משׁה מזבח ויקרא שׁמו יהוה נסי׃
Psalms 116:17
17 לך אזבח זבח תודה ובשׁם יהוה אקרא׃
Genesis 20:3
3 ויבא אלהים אל אבימלך בחלום הלילה ויאמר לו הנך מת על האשׁה אשׁר לקחת והוא בעלת בעל׃
Genesis 26:16
16 ויאמר אבימלך אל יצחק לך מעמנו כי עצמת ממנו מאד׃
Judges 11:7
7 ויאמר יפתח לזקני גלעד הלא אתם שׂנאתם אותי ותגרשׁוני מבית אבי ומדוע באתם אלי עתה כאשׁר צר׃
Genesis 21:22-23
Genesis 24:3
3 ואשׁביעך ביהוה אלהי השׁמים ואלהי הארץ אשׁר לא תקח אשׁה לבני מבנות הכנעני אשׁר אנכי יושׁב בקרבו׃
Genesis 24:41
41 אז תנקה מאלתי כי תבוא אל משׁפחתי ואם לא יתנו לך והיית נקי מאלתי׃
Genesis 31:49-53
49 והמצפה אשׁר אמר יצף יהוה ביני ובינך כי נסתר אישׁ מרעהו׃50 אם תענה את בנתי ואם תקח נשׁים על בנתי אין אישׁ עמנו ראה אלהים עד ביני ובינך׃51 ויאמר לבן ליעקב הנה הגל הזה והנה המצבה אשׁר יריתי ביני ובינך׃52 עד הגל הזה ועדה המצבה אם אני לא אעבר אליך את הגל הזה ואם אתה לא תעבר אלי את הגל הזה ואת המצבה הזאת לרעה׃53 אלהי אברהם ואלהי נחור ישׁפטו בינינו אלהי אביהם וישׁבע יעקב בפחד אביו יצחק׃
Genesis 39:5
5 ויהי מאז הפקיד אתו בביתו ועל כל אשׁר ישׁ לו ויברך יהוה את בית המצרי בגלל יוסף ויהי ברכת יהוה בכל אשׁר ישׁ לו בבית ובשׂדה׃
Joshua 3:7
7 ויאמר יהוה אל יהושׁע היום הזה אחל גדלך בעיני כל ישׂראל אשׁר ידעון כי כאשׁר הייתי עם משׁה אהיה עמך׃
2 Chronicles 1:1
1 ויתחזק שׁלמה בן דויד על מלכותו ויהוה אלהיו עמו ויגדלהו למעלה׃
Isaiah 45:14
14 כה אמר יהוה יגיע מצרים וסחר כושׁ וסבאים אנשׁי מדה עליך יעברו ולך יהיו אחריך ילכו בזקים יעברו ואליך ישׁתחוו אליך יתפללו אך בך אל ואין עוד אפס אלהים׃
Isaiah 60:14
14 והלכו אליך שׁחוח בני מעניך והשׁתחוו על כפות רגליך כל מנאציך וקראו לך עיר יהוה ציון קדושׁ ישׂראל׃
Isaiah 61:6
6 ואתם כהני יהוה תקראו משׁרתי אלהינו יאמר לכם חיל גוים תאכלו ובכבודם תתימרו׃
Isaiah 61:9
9 ונודע בגוים זרעם וצאצאיהם בתוך העמים כל ראיהם יכירום כי הם זרע ברך יהוה׃
Genesis 12:2
2 ואעשׂך לגוי גדול ואברכך ואגדלה שׁמך והיה ברכה׃
Genesis 21:22
22 ויהי בעת ההוא ויאמר אבימלך ופיכל שׂר צבאו אל אברהם לאמר אלהים עמך בכל אשׁר אתה עשׂה׃
Genesis 22:17
17 כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃
Genesis 24:31
31 ויאמר בוא ברוך יהוה למה תעמד בחוץ ואנכי פניתי הבית ומקום לגמלים׃
Genesis 26:11-12
Genesis 26:14-15
Psalms 115:15
15 ברוכים אתם ליהוה עשׂה שׁמים וארץ׃
Genesis 19:3
3 ויפצר בם מאד ויסרו אליו ויבאו אל ביתו ויעשׂ להם משׁתה ומצות אפה ויאכלו׃
Genesis 21:8
8 ויגדל הילד ויגמל ויעשׂ אברהם משׁתה גדול ביום הגמל את יצחק׃
Genesis 31:54
54 ויזבח יעקב זבח בהר ויקרא לאחיו לאכל לחם ויאכלו לחם וילינו בהר׃
Genesis 14:22
22 ויאמר אברם אל מלך סדם הרמתי ידי אל יהוה אל עליון קנה שׁמים וארץ׃
Genesis 19:2
2 ויאמר הנה נא אדני סורו נא אל בית עבדכם ולינו ורחצו רגליכם והשׁכמתם והלכתם לדרככם ויאמרו לא כי ברחוב נלין׃
Genesis 21:14
14 וישׁכם אברהם בבקר ויקח לחם וחמת מים ויתן אל הגר שׂם על שׁכמה ואת הילד וישׁלחה ותלך ותתע במדבר באר שׁבע׃
Genesis 21:23
23 ועתה השׁבעה לי באלהים הנה אם תשׁקר לי ולניני ולנכדי כחסד אשׁר עשׂיתי עמך תעשׂה עמדי ועם הארץ אשׁר גרתה׃
Genesis 22:3
3 וישׁכם אברהם בבקר ויחבשׁ את חמרו ויקח את שׁני נעריו אתו ואת יצחק בנו ויבקע עצי עלה ויקם וילך אל המקום אשׁר אמר לו האלהים׃
Genesis 25:33
33 ויאמר יעקב השׁבעה לי כיום וישׁבע לו וימכר את בכרתו ליעקב׃
Genesis 31:44
44 ועתה לכה נכרתה ברית אני ואתה והיה לעד ביני ובינך׃
Genesis 31:55
55 (32:1) וישׁכם לבן בבקר וינשׁק לבניו ולבנותיו ויברך אתהם וילך וישׁב לבן למקמו׃
1 Samuel 14:24
24 ואישׁ ישׂראל נגשׂ ביום ההוא ויאל שׁאול את העם לאמר ארור האישׁ אשׁר יאכל לחם עד הערב ונקמתי מאיבי ולא טעם כל העם לחם׃
1 Samuel 20:3
3 וישׁבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשׁך כי כפשׂע ביני ובין המות׃
1 Samuel 20:16-17
1 Samuel 30:15
15 ויאמר אליו דוד התורדני אל הגדוד הזה ויאמר השׁבעה לי באלהים אם תמיתני ואם תסגרני ביד אדני ואורדך אל הגדוד הזה׃
Genesis 26:25
25 ויבן שׁם מזבח ויקרא בשׁם יהוה ויט שׁם אהלו ויכרו שׁם עבדי יצחק באר׃
Proverbs 2:4-5
Proverbs 10:4
4 ראשׁ עשׂה כף רמיה ויד חרוצים תעשׁיר׃
Proverbs 13:4
4 מתאוה ואין נפשׁו עצל ונפשׁ חרצים תדשׁן׃
Genesis 26:28
28 ויאמרו ראו ראינו כי היה יהוה עמך ונאמר תהי נא אלה בינותינו בינינו ובינך ונכרתה ברית עמך׃
Genesis 28:9
9 וילך עשׂו אל ישׁמעאל ויקח את מחלת בת ישׁמעאל בן אברהם אחות נביות על נשׁיו לו לאשׁה׃
Genesis 36:2
2 עשׂו לקח את נשׁיו מבנות כנען את עדה בת אילון החתי ואת אהליבמה בת ענה בת צבעון החוי׃
Genesis 36:5
5 ואהליבמה ילדה את יעישׁ ואת יעלם ואת קרח אלה בני עשׂו אשׁר ילדו לו בארץ כנען׃
Genesis 36:13
13 ואלה בני רעואל נחת וזרח שׁמה ומזה אלה היו בני בשׂמת אשׁת עשׂו׃
Exodus 34:16
16 ולקחת מבנתיו לבניך וזנו בנתיו אחרי אלהיהן והזנו את בניך אחרי אלהיהן׃
Genesis 6:2
2 ויראו בני האלהים את בנות האדם כי טבת הנה ויקחו להם נשׁים מכל אשׁר בחרו׃
Genesis 27:46-28:2
46 ותאמר רבקה אל יצחק קצתי בחיי מפני בנות חת אם לקח יעקב אשׁה מבנות חת כאלה מבנות הארץ למה לי חיים׃
Genesis 28:8
8 וירא עשׂו כי רעות בנות כנען בעיני יצחק אביו׃