1 והנחשׁ היה ערום מכל חית השׂדה אשׁר עשׂה יהוה אלהים ויאמר אל האשׁה אף כי אמר אלהים לא תאכלו מכל עץ הגן׃2 ותאמר האשׁה אל הנחשׁ מפרי עץ הגן נאכל׃3 ומפרי העץ אשׁר בתוך הגן אמר אלהים לא תאכלו ממנו ולא תגעו בו פן תמתון׃4 ויאמר הנחשׁ אל האשׁה לא מות תמתון׃5 כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע׃6 ותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל׃7 ותפקחנה עיני שׁניהם וידעו כי עירמם הם ויתפרו עלה תאנה ויעשׂו להם חגרת׃8 וישׁמעו את קול יהוה אלהים מתהלך בגן לרוח היום ויתחבא האדם ואשׁתו מפני יהוה אלהים בתוך עץ הגן׃9 ויקרא יהוה אלהים אל האדם ויאמר לו איכה׃10 ויאמר את קלך שׁמעתי בגן ואירא כי עירם אנכי ואחבא׃11 ויאמר מי הגיד לך כי עירם אתה המן העץ אשׁר צויתיך לבלתי אכל ממנו אכלת׃12 ויאמר האדם האשׁה אשׁר נתתה עמדי הוא נתנה לי מן העץ ואכל׃13 ויאמר יהוה אלהים לאשׁה מה זאת עשׂית ותאמר האשׁה הנחשׁ השׁיאני ואכל׃14 ויאמר יהוה אלהים אל הנחשׁ כי עשׂית זאת ארור אתה מכל הבהמה ומכל חית השׂדה על גחנך תלך ועפר תאכל כל ימי חייך׃15 ואיבה אשׁית בינך ובין האשׁה ובין זרעך ובין זרעה הוא ישׁופך ראשׁ ואתה תשׁופנו עקב׃16 אל האשׁה אמר הרבה ארבה עצבונך והרנך בעצב תלדי בנים ואל אישׁך תשׁוקתך והוא ימשׁל׃17 ולאדם אמר כי שׁמעת לקול אשׁתך ותאכל מן העץ אשׁר צויתיך לאמר לא תאכל ממנו ארורה האדמה בעבורך בעצבון תאכלנה כל ימי חייך׃18 וקוץ ודרדר תצמיח לך ואכלת את עשׂב השׂדה׃19 בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃20 ויקרא האדם שׁם אשׁתו חוה כי הוא היתה אם כל חי׃21 ויעשׂ יהוה אלהים לאדם ולאשׁתו כתנות עור וילבשׁם׃22 ויאמר יהוה אלהים הן האדם היה כאחד ממנו לדעת טוב ורע ועתה פן ישׁלח ידו ולקח גם מעץ החיים ואכל וחי לעלם׃23 וישׁלחהו יהוה אלהים מגן עדן לעבד את האדמה אשׁר לקח משׁם׃24 ויגרשׁ את האדם וישׁכן מקדם לגן עדן את הכרבים ואת להט החרב המתהפכת לשׁמר את דרך עץ החיים׃
Genesis 3 Cross References - HOT
Genesis 3:13-15
Numbers 22:28-29
Ecclesiastes 4:10
10 כי אם יפלו האחד יקים את חברו ואילו האחד שׁיפול ואין שׁני להקימו׃
Isaiah 27:1
1 ביום ההוא יפקד יהוה בחרבו הקשׁה והגדולה והחזקה על לויתן נחשׁ ברח ועל לויתן נחשׁ עקלתון והרג את התנין אשׁר בים׃
Psalms 58:4
4 (58:5) חמת למו כדמות חמת נחשׁ כמו פתן חרשׁ יאטם אזנו׃
Genesis 2:16-17
Genesis 20:6
6 ויאמר אליו האלהים בחלם גם אנכי ידעתי כי בתם לבבך עשׂית זאת ואחשׂך גם אנכי אותך מחטו לי על כן לא נתתיך לנגע אליה׃
Exodus 19:12-13
1 Chronicles 16:22
22 אל תגעו במשׁיחי ובנביאי אל תרעו׃
Job 1:11
11 ואולם שׁלח נא ידך וגע בכל אשׁר לו אם לא על פניך יברכך׃
Job 2:5
5 אולם שׁלח נא ידך וגע אל עצמו ואל בשׂרו אם לא אל פניך יברכך׃
Job 19:21
21 חנני חנני אתם רעי כי יד אלוה נגעה׃
Genesis 3:13
13 ויאמר יהוה אלהים לאשׁה מה זאת עשׂית ותאמר האשׁה הנחשׁ השׁיאני ואכל׃
Deuteronomy 29:19
19 (29:18) והיה בשׁמעו את דברי האלה הזאת והתברך בלבבו לאמר שׁלום יהיה לי כי בשׁררות לבי אלך למען ספות הרוה את הצמאה׃
2 Kings 1:4
4 ולכן כה אמר יהוה המטה אשׁר עלית שׁם לא תרד ממנה כי מות תמות וילך אליה׃
2 Kings 1:6
6 ויאמרו אליו אישׁ עלה לקראתנו ויאמר אלינו לכו שׁובו אל המלך אשׁר שׁלח אתכם ודברתם אליו כה אמר יהוה המבלי אין אלהים בישׂראל אתה שׁלח לדרשׁ בבעל זבוב אלהי עקרון לכן המטה אשׁר עלית שׁם לא תרד ממנה כי מות תמות׃
2 Kings 1:16
16 וידבר אליו כה אמר יהוה יען אשׁר שׁלחת מלאכים לדרשׁ בבעל זבוב אלהי עקרון המבלי אין אלהים בישׂראל לדרשׁ בדברו לכן המטה אשׁר עלית שׁם לא תרד ממנה כי מות תמות׃
2 Kings 8:10
10 ויאמר אליו אלישׁע לך אמר לא חיה תחיה והראני יהוה כי מות ימות׃
Psalms 10:11
11 אמר בלבו שׁכח אל הסתיר פניו בל ראה לנצח׃
Genesis 2:17
17 ומעץ הדעת טוב ורע לא תאכל ממנו כי ביום אכלך ממנו מות תמות׃
Genesis 3:7
7 ותפקחנה עיני שׁניהם וידעו כי עירמם הם ויתפרו עלה תאנה ויעשׂו להם חגרת׃
Genesis 3:10
10 ויאמר את קלך שׁמעתי בגן ואירא כי עירם אנכי ואחבא׃
Genesis 3:22
22 ויאמר יהוה אלהים הן האדם היה כאחד ממנו לדעת טוב ורע ועתה פן ישׁלח ידו ולקח גם מעץ החיים ואכל וחי לעלם׃
Exodus 5:2
2 ויאמר פרעה מי יהוה אשׁר אשׁמע בקלו לשׁלח את ישׂראל לא ידעתי את יהוה וגם את ישׂראל לא אשׁלח׃
Exodus 20:7
7 לא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא׃
1 Kings 22:6
6 ויקבץ מלך ישׂראל את הנביאים כארבע מאות אישׁ ויאמר אלהם האלך על רמת גלעד למלחמה אם אחדל ויאמרו עלה ויתן אדני ביד המלך׃
2 Chronicles 32:15
15 ועתה אל ישׁיא אתכם חזקיהו ואל יסית אתכם כזאת ואל תאמינו לו כי לא יוכל כל אלוה כל גוי וממלכה להציל עמו מידי ומיד אבותי אף כי אלהיכם לא יצילו אתכם מידי׃
Psalms 12:4
4 (12:5) אשׁר אמרו ללשׁננו נגביר שׂפתינו אתנו מי אדון׃
Isaiah 14:14
14 אעלה על במתי עב אדמה לעליון׃
Jeremiah 14:13-14
Jeremiah 28:2-3
Ezekiel 13:2-6
2 בן אדם הנבא אל נביאי ישׂראל הנבאים ואמרת לנביאי מלבם שׁמעו דבר יהוה׃3 כה אמר אדני יהוה הוי על הנביאים הנבלים אשׁר הלכים אחר רוחם ולבלתי ראו׃4 כשׁעלים בחרבות נביאיך ישׂראל היו׃5 לא עליתם בפרצות ותגדרו גדר על בית ישׂראל לעמד במלחמה ביום יהוה׃6 חזו שׁוא וקסם כזב האמרים נאם יהוה ויהוה לא שׁלחם ויחלו לקים דבר׃
Ezekiel 13:22
22 יען הכאות לב צדיק שׁקר ואני לא הכאבתיו ולחזק ידי רשׁע לבלתי שׁוב מדרכו הרע להחיתו׃
Ezekiel 28:2
2 בן אדם אמר לנגיד צר כה אמר אדני יהוה יען גבה לבך ותאמר אל אני מושׁב אלהים ישׁבתי בלב ימים ואתה אדם ולא אל ותתן לבך כלב אלהים׃
Ezekiel 28:9
9 האמר תאמר אלהים אני לפני הרגך ואתה אדם ולא אל ביד מחלליך׃
Ezekiel 29:3
3 דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשׁר אמר לי יארי ואני עשׂיתני׃
Daniel 4:30
30 (4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃
Daniel 6:7
7 (6:8) אתיעטו כל סרכי מלכותא סגניא ואחשׁדרפניא הדבריא ופחותא לקימה קים מלכא ולתקפה אסר די כל די יבעה בעו מן כל אלה ואנשׁ עד יומין תלתין להן מנך מלכא יתרמא לגב אריותא׃
Genesis 3:12
12 ויאמר האדם האשׁה אשׁר נתתה עמדי הוא נתנה לי מן העץ ואכל׃
Genesis 3:17
17 ולאדם אמר כי שׁמעת לקול אשׁתך ותאכל מן העץ אשׁר צויתיך לאמר לא תאכל ממנו ארורה האדמה בעבורך בעצבון תאכלנה כל ימי חייך׃
Genesis 6:2
2 ויראו בני האלהים את בנות האדם כי טבת הנה ויקחו להם נשׁים מכל אשׁר בחרו׃
Genesis 39:7
7 ויהי אחר הדברים האלה ותשׂא אשׁת אדניו את עיניה אל יוסף ותאמר שׁכבה עמי׃
Joshua 7:21
21 ואראה בשׁלל אדרת שׁנער אחת טובה ומאתים שׁקלים כסף ולשׁון זהב אחד חמשׁים שׁקלים משׁקלו ואחמדם ואקחם והנם טמונים בארץ בתוך האהלי והכסף תחתיה׃
Judges 16:1-2
2 Samuel 11:2
2 ויהי לעת הערב ויקם דוד מעל משׁכבו ויתהלך על גג בית המלך וירא אשׁה רחצת מעל הגג והאשׁה טובת מראה מאד׃
Job 31:1
1 ברית כרתי לעיני ומה אתבונן על בתולה׃
Ezekiel 24:16
16 בן אדם הנני לקח ממך את מחמד עיניך במגפה ולא תספד ולא תבכה ולוא תבוא דמעתך׃
Ezekiel 24:21
21 אמר לבית ישׂראל כה אמר אדני יהוה הנני מחלל את מקדשׁי גאון עזכם מחמד עיניכם ומחמל נפשׁכם ובניכם ובנותיכם אשׁר עזבתם בחרב יפלו׃
Ezekiel 24:25
25 ואתה בן אדם הלוא ביום קחתי מהם את מעוזם משׂושׂ תפארתם את מחמד עיניהם ואת משׂא נפשׁם בניהם ובנותיהם׃
Hosea 6:7
7 והמה כאדם עברו ברית שׁם בגדו׃
Genesis 2:25
25 ויהיו שׁניהם ערומים האדם ואשׁתו ולא יתבשׁשׁו׃
Genesis 3:5
5 כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע׃
Genesis 3:10-11
Deuteronomy 28:34
34 והיית משׁגע ממראה עיניך אשׁר תראה׃
2 Kings 6:20
20 ויהי כבאם שׁמרון ויאמר אלישׁע יהוה פקח את עיני אלה ויראו ויפקח יהוה את עיניהם ויראו והנה בתוך שׁמרון׃
Job 9:29-31
Isaiah 28:20
20 כי קצר המצע מהשׂתרע והמסכה צרה כהתכנס׃
Isaiah 59:6
6 קוריהם לא יהיו לבגד ולא יתכסו במעשׂיהם מעשׂיהם מעשׂי און ופעל חמס בכפיהם׃
Deuteronomy 4:33
33 השׁמע עם קול אלהים מדבר מתוך האשׁ כאשׁר שׁמעת אתה ויחי׃
Deuteronomy 5:25
25 ועתה למה נמות כי תאכלנו האשׁ הגדלה הזאת אם יספים אנחנו לשׁמע את קול יהוה אלהינו עוד ומתנו׃
Deuteronomy 23:14
14 (23:15) כי יהוה אלהיך מתהלך בקרב מחנך להצילך ולתת איביך לפניך והיה מחניך קדושׁ ולא יראה בך ערות דבר ושׁב מאחריך׃
Job 22:14
14 עבים סתר לו ולא יראה וחוג שׁמים יתהלך׃
Job 31:33
33 אם כסיתי כאדם פשׁעי לטמון בחבי עוני׃
Job 34:21-22
Job 38:1
1 ויען יהוה את איוב מנהסערה ויאמר׃
Psalms 139:1-12
1 למנצח לדוד מזמור יהוה חקרתני ותדע׃2 אתה ידעת שׁבתי וקומי בנתה לרעי מרחוק׃3 ארחי ורבעי זרית וכל דרכי הסכנתה׃4 כי אין מלה בלשׁוני הן יהוה ידעת כלה׃5 אחור וקדם צרתני ותשׁת עלי כפכה׃6 פלאיה דעת ממני נשׂגבה לא אוכל׃7 אנה אלך מרוחך ואנה מפניך אברח׃8 אם אסק שׁמים שׁם אתה ואציעה שׁאול הנך׃9 אשׂא כנפי שׁחר אשׁכנה באחרית ים׃10 גם שׁם ידך תנחני ותאחזני ימינך׃11 ואמר אך חשׁך ישׁופני ולילה אור בעדני׃12 גם חשׁך לא יחשׁיך ממך ולילה כיום יאיר כחשׁיכה כאורה׃
Proverbs 15:3
3 בכל מקום עיני יהוה צפות רעים וטובים׃
Jeremiah 23:24
24 אם יסתר אישׁ במסתרים ואני לא אראנו נאם יהוה הלוא את השׁמים ואת הארץ אני מלא נאם יהוה׃
Amos 9:2-3
Jonah 1:3
3 ויקם יונה לברח תרשׁישׁה מלפני יהוה וירד יפו וימצא אניה באה תרשׁישׁ ויתן שׂכרה וירד בה לבוא עמהם תרשׁישׁה מלפני יהוה׃
Jonah 1:9-10
Genesis 4:9
9 ויאמר יהוה אל קין אי הבל אחיך ויאמר לא ידעתי השׁמר אחי אנכי׃
Genesis 11:5
5 וירד יהוה לראת את העיר ואת המגדל אשׁר בנו בני האדם׃
Genesis 16:8
8 ויאמר הגר שׁפחת שׂרי אי מזה באת ואנה תלכי ותאמר מפני שׂרי גברתי אנכי ברחת׃
Genesis 18:20-21
Joshua 7:17-19
Exodus 3:6
6 ויאמר אנכי אלהי אביך אלהי אברהם אלהי יצחק ואלהי יעקב ויסתר משׁה פניו כי ירא מהביט אל האלהים׃
Exodus 32:25
25 וירא משׁה את העם כי פרע הוא כי פרעה אהרן לשׁמצה בקמיהם׃
Job 23:15
15 על כן מפניו אבהל אתבונן ואפחד ממנו׃
Psalms 119:120
120 סמר מפחדך בשׂרי וממשׁפטיך יראתי׃
Isaiah 33:14
14 פחדו בציון חטאים אחזה רעדה חנפים מי יגור לנו אשׁ אוכלה מי יגור לנו מוקדי עולם׃
Isaiah 47:3
3 תגל ערותך גם תראה חרפתך נקם אקח ולא אפגע אדם׃
Isaiah 57:11
11 ואת מי דאגת ותיראי כי תכזבי ואותי לא זכרת לא שׂמת על לבך הלא אני מחשׁה ומעלם ואותי לא תיראי׃
Genesis 4:10
10 ויאמר מה עשׂית קול דמי אחיך צעקים אלי מן האדמה׃
Psalms 50:21
21 אלה עשׂית והחרשׁתי דמית היות אהיה כמוך אוכיחך ואערכה לעיניך׃
Genesis 2:18
18 ויאמר יהוה אלהים לא טוב היות האדם לבדו אעשׂה לו עזר כנגדו׃
Genesis 2:20
20 ויקרא האדם שׁמות לכל הבהמה ולעוף השׁמים ולכל חית השׂדה ולאדם לא מצא עזר כנגדו׃
Genesis 2:22
22 ויבן יהוה אלהים את הצלע אשׁר לקח מן האדם לאשׁה ויבאה אל האדם׃
Exodus 32:21-24
1 Samuel 15:20-24
20 ויאמר שׁאול אל שׁמואל אשׁר שׁמעתי בקול יהוה ואלך בדרך אשׁר שׁלחני יהוה ואביא את אגג מלך עמלק ואת עמלק החרמתי׃21 ויקח העם מהשׁלל צאן ובקר ראשׁית החרם לזבח ליהוה אלהיך בגלגל׃22 ויאמר שׁמואל החפץ ליהוה בעלות וזבחים כשׁמע בקול יהוה הנה שׁמע מזבח טוב להקשׁיב מחלב אילים׃23 כי חטאת קסם מרי ואון ותרפים הפצר יען מאסת את דבר יהוה וימאסך ממלך׃24 ויאמר שׁאול אל שׁמואל חטאתי כי עברתי את פי יהוה ואת דבריך כי יראתי את העם ואשׁמע בקולם׃
Proverbs 19:3
3 אולת אדם תסלף דרכו ועל יהוה יזעף לבו׃
Proverbs 28:13
13 מכסה פשׁעיו לא יצליח ומודה ועזב ירחם׃
Genesis 3:4-6
Genesis 4:10-12
Genesis 44:15
15 ויאמר להם יוסף מה המעשׂה הזה אשׁר עשׂיתם הלוא ידעתם כי נחשׁ ינחשׁ אישׁ אשׁר כמני׃
1 Samuel 13:11
11 ויאמר שׁמואל מה עשׂית ויאמר שׁאול כי ראיתי כי נפץ העם מעלי ואתה לא באת למועד הימים ופלשׁתים נאספים מכמשׂ׃
2 Samuel 3:24
24 ויבא יואב אל המלך ויאמר מה עשׂיתה הנה בא אבנר אליך למה זה שׁלחתו וילך הלוך׃
2 Samuel 12:9-12
9 מדוע בזית את דבר יהוה לעשׂות הרע בעינו את אוריה החתי הכית בחרב ואת אשׁתו לקחת לך לאשׁה ואתו הרגת בחרב בני עמון׃10 ועתה לא תסור חרב מביתך עד עולם עקב כי בזתני ותקח את אשׁת אוריה החתי להיות לך לאשׁה׃11 כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃12 כי אתה עשׂית בסתר ואני אעשׂה את הדבר הזה נגד כל ישׂראל ונגד השׁמשׁ׃
Genesis 3:1
1 והנחשׁ היה ערום מכל חית השׂדה אשׁר עשׂה יהוה אלהים ויאמר אל האשׁה אף כי אמר אלהים לא תאכלו מכל עץ הגן׃
Genesis 9:6
6 שׁפך דם האדם באדם דמו ישׁפך כי בצלם אלהים עשׂה את האדם׃
Exodus 21:28-32
28 וכי יגח שׁור את אישׁ או את אשׁה ומת סקול יסקל השׁור ולא יאכל את בשׂרו ובעל השׁור נקי׃29 ואם שׁור נגח הוא מתמל שׁלשׁם והועד בבעליו ולא ישׁמרנו והמית אישׁ או אשׁה השׁור יסקל וגם בעליו יומת׃30 אם כפר יושׁת עליו ונתן פדין נפשׁו ככל אשׁר יושׁת עליו׃31 או בן יגח או בת יגח כמשׁפט הזה יעשׂה׃32 אם עבד יגח השׁור או אמה כסף שׁלשׁים שׁקלים יתן לאדניו והשׁור יסקל׃
Leviticus 20:25
25 והבדלתם בין הבהמה הטהרה לטמאה ובין העוף הטמא לטהר ולא תשׁקצו את נפשׁתיכם בבהמה ובעוף ובכל אשׁר תרמשׂ האדמה אשׁר הבדלתי לכם לטמא׃
Deuteronomy 28:15-20
15 והיה אם לא תשׁמע בקול יהוה אלהיך לשׁמר לעשׂות את כל מצותיו וחקתיו אשׁר אנכי מצוך היום ובאו עליך כל הקללות האלה והשׂיגוך׃16 ארור אתה בעיר וארור אתה בשׂדה׃17 ארור טנאך ומשׁארתך׃18 ארור פרי בטנך ופרי אדמתך שׁגר אלפיך ועשׁתרת צאנך׃19 ארור אתה בבאך וארור אתה בצאתך׃20 ישׁלח יהוה בך את המארה את המהומה ואת המגערת בכל משׁלח ידך אשׁר תעשׂה עד השׁמדך ועד אבדך מהר מפני רע מעלליך אשׁר עזבתני׃
Psalms 72:9
9 לפניו יכרעו ציים ואיביו עפר ילחכו׃
Isaiah 29:4
4 ושׁפלת מארץ תדברי ומעפר תשׁח אמרתך והיה כאוב מארץ קולך ומעפר אמרתך תצפצף׃
Isaiah 65:25
25 זאב וטלה ירעו כאחד ואריה כבקר יאכל תבן ונחשׁ עפר לחמו לא ירעו ולא ישׁחיתו בכל הר קדשׁי אמר יהוה׃
Micah 7:17
17 ילחכו עפר כנחשׁ כזחלי ארץ ירגזו ממסגרתיהם אל יהוה אלהינו יפחדו ויראו ממך׃
Genesis 49:17
17 יהי דן נחשׁ עלי דרך שׁפיפן עלי ארח הנשׁך עקבי סוס ויפל רכבו אחור׃
Numbers 21:6-7
Psalms 132:11
11 נשׁבע יהוה לדוד אמת לא ישׁוב ממנה מפרי בטנך אשׁית לכסא׃
Isaiah 7:14
14 לכן יתן אדני הוא לכם אות הנה העלמה הרה וילדת בן וקראת שׁמו עמנו אל׃
Isaiah 53:3-4
Isaiah 53:12
12 לכן אחלק לו ברבים ואת עצומים יחלק שׁלל תחת אשׁר הערה למות נפשׁו ואת פשׁעים נמנה והוא חטא רבים נשׂא ולפשׁעים יפגיע׃
Jeremiah 31:22
22 עד מתי תתחמקין הבת השׁובבה כי ברא יהוה חדשׁה בארץ נקבה תסובב גבר׃
Daniel 9:26
26 ואחרי השׁבעים שׁשׁים ושׁנים יכרת משׁיח ואין לו והעיר והקדשׁ ישׁחית עם נגיד הבא וקצו בשׁטף ועד קץ מלחמה נחרצת שׁממות׃
Amos 9:3
3 ואם יחבאו בראשׁ הכרמל משׁם אחפשׂ ולקחתים ואם יסתרו מנגד עיני בקרקע הים משׁם אצוה את הנחשׁ ונשׁכם׃
Micah 5:3
3 (5:2) לכן יתנם עד עת יולדה ילדה ויתר אחיו ישׁובון על בני ישׂראל׃
Genesis 4:7
7 הלוא אם תיטיב שׂאת ואם לא תיטיב לפתח חטאת רבץ ואליך תשׁוקתו ואתה תמשׁל׃
Genesis 35:16-18
Numbers 30:7-8
Numbers 30:13
13 (30:14) כל נדר וכל שׁבעת אסר לענת נפשׁ אישׁה יקימנו ואישׁה יפרנו׃
1 Samuel 4:19-21
Esther 1:20
20 ונשׁמע פתגם המלך אשׁר יעשׂה בכל מלכותו כי רבה היא וכל הנשׁים יתנו יקר לבעליהן למגדול ועד קטן׃
Psalms 48:6
6 (48:7) רעדה אחזתם שׁם חיל כיולדה׃
Isaiah 13:8
8 ונבהלו צירים וחבלים יאחזון כיולדה יחילון אישׁ אל רעהו יתמהו פני להבים פניהם׃
Isaiah 21:3
3 על כן מלאו מתני חלחלה צירים אחזוני כצירי יולדה נעויתי משׁמע נבהלתי מראות׃
Isaiah 26:17-18
Isaiah 53:11
11 מעמל נפשׁו יראה ישׂבע בדעתו יצדיק צדיק עבדי לרבים ועונתם הוא יסבל׃
Jeremiah 4:31
31 כי קול כחולה שׁמעתי צרה כמבכירה קול בת ציון תתיפח תפרשׂ כפיה אוי נא לי כי עיפה נפשׁי להרגים׃
Jeremiah 6:24
24 שׁמענו את שׁמעו רפו ידינו צרה החזיקתנו חיל כיולדה׃
Jeremiah 13:21
21 מה תאמרי כי יפקד עליך ואת למדת אתם עליך אלפים לראשׁ הלוא חבלים יאחזוך כמו אשׁת לדה׃
Jeremiah 22:23
23 ישׁבתי בלבנון מקננתי בארזים מה נחנת בבא לך חבלים חיל כילדה׃
Jeremiah 49:24
24 רפתה דמשׂק הפנתה לנוס ורטט החזיקה צרה וחבלים אחזתה כיולדה׃
Micah 4:9-10
Genesis 3:6
6 ותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל׃
Genesis 3:11
11 ויאמר מי הגיד לך כי עירם אתה המן העץ אשׁר צויתיך לבלתי אכל ממנו אכלת׃
Genesis 5:29
29 ויקרא את שׁמו נח לאמר זה ינחמנו ממעשׂנו ומעצבון ידינו מן האדמה אשׁר אררה יהוה׃
Job 5:6-7
Job 14:1
1 אדם ילוד אשׁה קצר ימים ושׂבע רגז׃
Job 21:17
17 כמה נר רשׁעים ידעך ויבא עלימו אידם חבלים יחלק באפו׃
Psalms 90:7-9
Psalms 127:2
2 שׁוא לכם משׁכימי קום מאחרי שׁבת אכלי לחם העצבים כן יתן לידידו שׁנא׃
Ecclesiastes 1:2-3
Ecclesiastes 1:13-14
Ecclesiastes 2:11
11 ופניתי אני בכל מעשׂי שׁעשׂו ידי ובעמל שׁעמלתי לעשׂות והנה הכל הבל ורעות רוח ואין יתרון תחת השׁמשׁ׃
Ecclesiastes 2:17
17 ושׂנאתי את החיים כי רע עלי המעשׂה שׁנעשׂה תחת השׁמשׁ כי הכל הבל ורעות רוח׃
Ecclesiastes 2:22-23
Ecclesiastes 5:17
17 (5:16) גם כל ימיו בחשׁך יאכל וכעס הרבה וחליו וקצף׃
Isaiah 24:5-6
Jeremiah 7:23-24
Joshua 23:13
13 ידוע תדעו כי לא יוסיף יהוה אלהיכם להורישׁ את הגוים האלה מלפניכם והיו לכם לפח ולמוקשׁ ולשׁטט בצדיכם ולצננים בעיניכם עד אבדכם מעל האדמה הטובה הזאת אשׁר נתן לכם יהוה אלהיכם׃
Job 1:21
21 ויאמר ערם יצתי מבטן אמי וערם אשׁוב שׁמה יהוה נתן ויהוה לקח יהי שׁם יהוה מברך׃
Job 5:5
5 אשׁר קצירו רעב יאכל ואל מצנים יקחהו ושׁאף צמים חילם׃
Job 31:40
40 תחת חטה יצא חוח ותחת שׂערה באשׁה תמו דברי איוב׃
Psalms 90:3
3 תשׁב אנושׁ עד דכא ותאמר שׁובו בני אדם׃
Psalms 104:2
2 עטה אור כשׂלמה נוטה שׁמים כיריעה׃
Psalms 104:14-15
Proverbs 22:5
5 צנים פחים בדרך עקשׁ שׁומר נפשׁו ירחק מהם׃
Proverbs 24:31
31 והנה עלה כלו קמשׂנים כסו פניו חרלים וגדר אבניו נהרסה׃
Isaiah 5:6
6 ואשׁיתהו בתה לא יזמר ולא יעדר ועלה שׁמיר ושׁית ועל העבים אצוה מהמטיר עליו מטר׃
Isaiah 7:23
23 והיה ביום ההוא יהיה כל מקום אשׁר יהיה שׁם אלף גפן באלף כסף לשׁמיר ולשׁית יהיה׃
Isaiah 32:13
13 על אדמת עמי קוץ שׁמיר תעלה כי על כל בתי משׂושׂ קריה עליזה׃
Jeremiah 4:3
3 כי כה אמר יהוה לאישׁ יהודה ולירושׁלם נירו לכם ניר ואל תזרעו אל קוצים׃
Jeremiah 12:13
13 זרעו חטים וקצים קצרו נחלו לא יועלו ובשׁו מתבואתיכם מחרון אף יהוה׃
Genesis 2:7
7 וייצר יהוה אלהים את האדם עפר מן האדמה ויפח באפיו נשׁמת חיים ויהי האדם לנפשׁ חיה׃
Genesis 18:27
27 ויען אברהם ויאמר הנה נא הואלתי לדבר אל אדני ואנכי עפר ואפר׃
Genesis 23:4
4 גר ותושׁב אנכי עמכם תנו לי אחזת קבר עמכם ואקברה מתי מלפני׃
Job 17:13-16
Job 19:26
26 ואחר עורי נקפו זאת ומבשׂרי אחזה אלוה׃
Job 21:26
26 יחד על עפר ישׁכבו ורמה תכסה עליהם׃
Job 34:15
15 יגוע כל בשׂר יחד ואדם על עפר ישׁוב׃
Psalms 22:15
15 (22:16) יבשׁ כחרשׂ כחי ולשׁוני מדבק מלקוחי ולעפר מות תשׁפתני׃
Psalms 22:29
29 (22:30) אכלו וישׁתחוו כל דשׁני ארץ לפניו יכרעו כל יורדי עפר ונפשׁו לא חיה׃
Psalms 103:14
14 כי הוא ידע יצרנו זכור כי עפר אנחנו׃
Psalms 104:29
29 תסתיר פניך יבהלון תסף רוחם יגועון ואל עפרם ישׁובון׃
Proverbs 21:16
16 אדם תועה מדרך השׂכל בקהל רפאים ינוח׃
Ecclesiastes 1:3
3 מה יתרון לאדם בכל עמלו שׁיעמל תחת השׁמשׁ׃
Ecclesiastes 1:13
13 ונתתי את לבי לדרושׁ ולתור בחכמה על כל אשׁר נעשׂה תחת השׁמים הוא ענין רע נתן אלהים לבני האדם לענות׃
Ecclesiastes 3:20
20 הכל הולך אל מקום אחד הכל היה מן העפר והכל שׁב אל העפר׃
Ecclesiastes 5:15
15 (5:14) כאשׁר יצא מבטן אמו ערום ישׁוב ללכת כשׁבא ומאומה לא ישׂא בעמלו שׁילך בידו׃
Ecclesiastes 12:7
7 וישׁב העפר על הארץ כשׁהיה והרוח תשׁוב אל האלהים אשׁר נתנה׃
Daniel 12:2
2 ורבים מישׁני אדמת עפר יקיצו אלה לחיי עולם ואלה לחרפות לדראון עולם׃
Genesis 2:23
23 ויאמר האדם זאת הפעם עצם מעצמי ובשׂר מבשׂרי לזאת יקרא אשׁה כי מאישׁ לקחה זאת׃
Genesis 16:11
11 ויאמר לה מלאך יהוה הנך הרה וילדת בן וקראת שׁמו ישׁמעאל כי שׁמע יהוה אל עניך׃
Genesis 29:32-35
32 ותהר לאה ותלד בן ותקרא שׁמו ראובן כי אמרה כי ראה יהוה בעניי כי עתה יאהבני אישׁי׃33 ותהר עוד ותלד בן ותאמר כי שׁמע יהוה כי שׂנואה אנכי ויתן לי גם את זה ותקרא שׁמו שׁמעון׃34 ותהר עוד ותלד בן ותאמר עתה הפעם ילוה אישׁי אלי כי ילדתי לו שׁלשׁה בנים על כן קרא שׁמו לוי׃35 ותהר עוד ותלד בן ותאמר הפעם אודה את יהוה על כן קראה שׁמו יהודה ותעמד מלדת׃
Genesis 35:18
18 ויהי בצאת נפשׁה כי מתה ותקרא שׁמו בן אוני ואביו קרא לו בנימין׃
Exodus 2:10
10 ויגדל הילד ותבאהו לבת פרעה ויהי לה לבן ותקרא שׁמו משׁה ותאמר כי מן המים משׁיתהו׃
1 Samuel 1:20
20 ויהי לתקפות הימים ותהר חנה ותלד בן ותקרא את שׁמו שׁמואל כי מיהוה שׁאלתיו׃
Isaiah 61:10
10 שׂושׂ אשׂישׂ ביהוה תגל נפשׁי באלהי כי הלבישׁני בגדי ישׁע מעיל צדקה יעטני כחתן יכהן פאר וככלה תעדה כליה׃
Genesis 1:26
26 ויאמר אלהים נעשׂה אדם בצלמנו כדמותנו וירדו בדגת הים ובעוף השׁמים ובבהמה ובכל הארץ ובכל הרמשׂ הרמשׂ על הארץ׃
Genesis 2:9
9 ויצמח יהוה אלהים מן האדמה כל עץ נחמד למראה וטוב למאכל ועץ החיים בתוך הגן ועץ הדעת טוב ורע׃
Genesis 11:6-7
Psalms 22:26
26 (22:27) יאכלו ענוים וישׂבעו יהללו יהוה דרשׁיו יחי לבבכם לעד׃
Proverbs 3:18
18 עץ חיים היא למחזיקים בה ותמכיה מאשׁר׃
Isaiah 19:12-13
Isaiah 47:12-13
Genesis 2:5
5 וכל שׂיח השׂדה טרם יהיה בארץ וכל עשׂב השׂדה טרם יצמח כי לא המטיר יהוה אלהים על הארץ ואדם אין לעבד את האדמה׃
Genesis 3:19
19 בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃
Genesis 4:2
2 ותסף ללדת את אחיו את הבל ויהי הבל רעה צאן וקין היה עבד אדמה׃
Genesis 4:12
12 כי תעבד את האדמה לא תסף תת כחה לך נע ונד תהיה בארץ׃
Genesis 9:20
20 ויחל נח אישׁ האדמה ויטע כרם׃
Ecclesiastes 5:9
9 (5:8) ויתרון ארץ בכל היא מלך לשׂדה נעבד׃
Genesis 2:8-9
Exodus 25:2
2 דבר אל בני ישׂראל ויקחו לי תרומה מאת כל אישׁ אשׁר ידבנו לבו תקחו את תרומתי׃
Exodus 25:18-22
18 ועשׂית שׁנים כרבים זהב מקשׁה תעשׂה אתם משׁני קצות הכפרת׃19 ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו׃20 והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים׃21 ונתת את הכפרת על הארן מלמעלה ואל הארן תתן את העדת אשׁר אתן אליך׃22 ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃
Numbers 22:23
23 ותרא האתון את מלאך יהוה נצב בדרך וחרבו שׁלופה בידו ותט האתון מן הדרך ותלך בשׂדה ויך בלעם את האתון להטתה הדרך׃
Joshua 5:13
13 ויהי בהיות יהושׁע ביריחו וישׂא עיניו וירא והנה אישׁ עמד לנגדו וחרבו שׁלופה בידו וילך יהושׁע אליו ויאמר לו הלנו אתה אם לצרינו׃
1 Samuel 4:4
4 וישׁלח העם שׁלה וישׂאו משׁם את ארון ברית יהוה צבאות ישׁב הכרבים ושׁם שׁני בני עלי עם ארון ברית האלהים חפני ופינחס׃
1 Kings 6:25-35
25 ועשׂר באמה הכרוב השׁני מדה אחת וקצב אחד לשׁני הכרבים׃26 קומת הכרוב האחד עשׂר באמה וכן הכרוב השׁני׃27 ויתן את הכרובים בתוך הבית הפנימי ויפרשׂו את כנפי הכרבים ותגע כנף האחד בקיר וכנף הכרוב השׁני נגעת בקיר השׁני וכנפיהם אל תוך הבית נגעת כנף אל כנף׃28 ויצף את הכרובים זהב׃29 ואת כל קירות הבית מסב קלע פתוחי מקלעות כרובים ותמרת ופטורי צצים מלפנים ולחיצון׃30 ואת קרקע הבית צפה זהב לפנימה ולחיצון׃31 ואת פתח הדביר עשׂה דלתות עצי שׁמן האיל מזוזות חמשׁית׃32 ושׁתי דלתות עצי שׁמן וקלע עליהם מקלעות כרובים ותמרות ופטורי צצים וצפה זהב וירד על הכרובים ועל התמרות את הזהב׃33 וכן עשׂה לפתח ההיכל מזוזות עצי שׁמן מאת רבעית׃34 ושׁתי דלתות עצי ברושׁים שׁני צלעים הדלת האחת גלילים ושׁני קלעים הדלת השׁנית גלילים׃35 וקלע כרובים ותמרות ופטרי צצים וצפה זהב מישׁר על המחקה׃
1 Chronicles 21:16-17
Psalms 80:1
1 למנצח אל שׁשׁנים עדות לאסף מזמור׃ (80:2) רעה ישׂראל האזינה נהג כצאן יוסף ישׁב הכרובים הופיעה׃
Psalms 99:1
1 יהוה מלך ירגזו עמים ישׁב כרובים תנוט הארץ׃
Psalms 104:4
4 עשׂה מלאכיו רוחות משׁרתיו אשׁ להט׃
Ezekiel 10:2-22
2 ויאמר אל האישׁ לבשׁ הבדים ויאמר בא אל בינות לגלגל אל תחת לכרוב ומלא חפניך גחלי אשׁ מבינות לכרבים וזרק על העיר ויבא לעיני׃3 והכרבים עמדים מימין לבית בבאו האישׁ והענן מלא את החצר הפנימית׃4 וירם כבוד יהוה מעל הכרוב על מפתן הבית וימלא הבית את הענן והחצר מלאה את נגה כבוד יהוה׃5 וקול כנפי הכרובים נשׁמע עד החצר החיצנה כקול אל שׁדי בדברו׃6 ויהי בצותו את האישׁ לבשׁ הבדים לאמר קח אשׁ מבינות לגלגל מבינות לכרובים ויבא ויעמד אצל האופן׃7 וישׁלח הכרוב את ידו מבינות לכרובים אל האשׁ אשׁר בינות הכרבים וישׂא ויתן אל חפני לבשׁ הבדים ויקח ויצא׃8 וירא לכרבים תבנית יד אדם תחת כנפיהם׃9 ואראה והנה ארבעה אופנים אצל הכרובים אופן אחד אצל הכרוב אחד ואופן אחד אצל הכרוב אחד ומראה האופנים כעין אבן תרשׁישׁ׃10 ומראיהם דמות אחד לארבעתם כאשׁר יהיה האופן בתוך האופן׃11 בלכתם אל ארבעת רבעיהם ילכו לא יסבו בלכתם כי המקום אשׁר יפנה הראשׁ אחריו ילכו לא יסבו בלכתם׃12 וכל בשׂרם וגבהם וידיהם וכנפיהם והאופנים מלאים עינים סביב לארבעתם אופניהם׃13 לאופנים להם קורא הגלגל באזני׃14 וארבעה פנים לאחד פני האחד פני הכרוב ופני השׁני פני אדם והשׁלישׁי פני אריה והרביעי פני נשׁר׃15 וירמו הכרובים היא החיה אשׁר ראיתי בנהר כבר׃16 ובלכת הכרובים ילכו האופנים אצלם ובשׂאת הכרובים את כנפיהם לרום מעל הארץ לא יסבו האופנים גם הם מאצלם׃17 בעמדם יעמדו וברומם ירומו אותם כי רוח החיה׃18 ויצא כבוד יהוה מעל מפתן הבית ויעמד על הכרובים׃19 וישׂאו הכרובים את כנפיהם וירומו מן הארץ לעיני בצאתם והאופנים לעמתם ויעמד פתח שׁער בית יהוה הקדמוני וכבוד אלהי ישׂראל עליהם מלמעלה׃20 היא החיה אשׁר ראיתי תחת אלהי ישׂראל בנהר כבר ואדע כי כרובים המה׃21 ארבעה ארבעה פנים לאחד וארבע כנפים לאחד ודמות ידי אדם תחת כנפיהם׃22 ודמות פניהם המה הפנים אשׁר ראיתי על נהר כבר מראיהם ואותם אישׁ אל עבר פניו ילכו׃