Genesis 31:27 Cross References - HOT

27 למה נחבאת לברח ותגנב אתי ולא הגדת לי ואשׁלחך בשׂמחה ובשׁרים בתף ובכנור׃

Genesis 4:21

21 ושׁם אחיו יובל הוא היה אבי כל תפשׂ כנור ועוגב׃

Genesis 24:59-60

59 וישׁלחו את רבקה אחתם ואת מנקתה ואת עבד אברהם ואת אנשׁיו׃60 ויברכו את רבקה ויאמרו לה אחתנו את היי לאלפי רבבה ויירשׁ זרעך את שׁער שׂנאיו׃

Genesis 31:3-5

3 ויאמר יהוה אל יעקב שׁוב אל ארץ אבותיך ולמולדתך ואהיה עמך׃4 וישׁלח יעקב ויקרא לרחל וללאה השׂדה אל צאנו׃5 ויאמר להן ראה אנכי את פני אביכן כי איננו אלי כתמל שׁלשׁם ואלהי אבי היה עמדי׃

Genesis 31:20-21

20 ויגנב יעקב את לב לבן הארמי על בלי הגיד לו כי ברח הוא׃21 ויברח הוא וכל אשׁר לו ויקם ויעבר את הנהר וישׂם את פניו הר הגלעד׃

Genesis 31:31

31 ויען יעקב ויאמר ללבן כי יראתי כי אמרתי פן תגזל את בנותיך מעמי׃

Exodus 15:20

20 ותקח מרים הנביאה אחות אהרן את התף בידה ותצאן כל הנשׁים אחריה בתפים ובמחלת׃

Judges 6:27

27 ויקח גדעון עשׂרה אנשׁים מעבדיו ויעשׂ כאשׁר דבר אליו יהוה ויהי כאשׁר ירא את בית אביו ואת אנשׁי העיר מעשׂות יומם ויעשׂ לילה׃

Job 21:11-14

11 ישׁלחו כצאן עויליהם וילדיהם ירקדון׃12 ישׂאו כתף וכנור וישׂמחו לקול עוגב׃13 יבלו בטוב ימיהם וברגע שׁאול יחתו׃14 ויאמרו לאל סור ממנו ודעת דרכיך לא חפצנו׃

Proverbs 26:23-26

23 כסף סיגים מצפה על חרשׂ שׂפתים דלקים ולב רע׃24 בשׂפתו ינכר שׂונא ובקרבו ישׁית מרמה׃25 כי יחנן קולו אל תאמן בו כי שׁבע תועבות בלבו׃26 תכסה שׂנאה במשׁאון תגלה רעתו בקהל׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.