Genesis 42 Cross References - HOT

¹ וירא יעקב כי ישׁ שׁבר במצרים ויאמר יעקב לבניו למה תתראו׃² ויאמר הנה שׁמעתי כי ישׁ שׁבר במצרים רדו שׁמה ושׁברו לנו משׁם ונחיה ולא נמות׃³ וירדו אחי יוסף עשׂרה לשׁבר בר ממצרים׃⁴ ואת בנימין אחי יוסף לא שׁלח יעקב את אחיו כי אמר פן יקראנו אסון׃⁵ ויבאו בני ישׂראל לשׁבר בתוך הבאים כי היה הרעב בארץ כנען׃⁶ ויוסף הוא השׁליט על הארץ הוא המשׁביר לכל עם הארץ ויבאו אחי יוסף וישׁתחוו לו אפים ארצה׃⁷ וירא יוסף את אחיו ויכרם ויתנכר אליהם וידבר אתם קשׁות ויאמר אלהם מאין באתם ויאמרו מארץ כנען לשׁבר אכל׃⁸ ויכר יוסף את אחיו והם לא הכרהו׃⁹ ויזכר יוסף את החלמות אשׁר חלם להם ויאמר אלהם מרגלים אתם לראות את ערות הארץ באתם׃¹⁰ ויאמרו אליו לא אדני ועבדיך באו לשׁבר אכל׃¹¹ כלנו בני אישׁ אחד נחנו כנים אנחנו לא היו עבדיך מרגלים׃¹² ויאמר אלהם לא כי ערות הארץ באתם לראות׃¹³ ויאמרו שׁנים עשׂר עבדיך אחים אנחנו בני אישׁ אחד בארץ כנען והנה הקטן את אבינו היום והאחד איננו׃¹⁴ ויאמר אלהם יוסף הוא אשׁר דברתי אלכם לאמר מרגלים אתם׃¹⁵ בזאת תבחנו חי פרעה אם תצאו מזה כי אם בבוא אחיכם הקטן הנה׃¹⁶ שׁלחו מכם אחד ויקח את אחיכם ואתם האסרו ויבחנו דבריכם האמת אתכם ואם לא חי פרעה כי מרגלים אתם׃¹⁷ ויאסף אתם אל משׁמר שׁלשׁת ימים׃¹⁸ ויאמר אלהם יוסף ביום השׁלישׁי זאת עשׂו וחיו את האלהים אני ירא׃¹⁹ אם כנים אתם אחיכם אחד יאסר בבית משׁמרכם ואתם לכו הביאו שׁבר רעבון בתיכם׃²⁰ ואת אחיכם הקטן תביאו אלי ויאמנו דבריכם ולא תמותו ויעשׂו כן׃²¹ ויאמרו אישׁ אל אחיו אבל אשׁמים אנחנו על אחינו אשׁר ראינו צרת נפשׁו בהתחננו אלינו ולא שׁמענו על כן באה אלינו הצרה הזאת׃²² ויען ראובן אתם לאמר הלוא אמרתי אליכם לאמר אל תחטאו בילד ולא שׁמעתם וגם דמו הנה נדרשׁ׃²³ והם לא ידעו כי שׁמע יוסף כי המליץ בינתם׃²⁴ ויסב מעליהם ויבך וישׁב אלהם וידבר אלהם ויקח מאתם את שׁמעון ויאסר אתו לעיניהם׃²⁵ ויצו יוסף וימלאו את כליהם בר ולהשׁיב כספיהם אישׁ אל שׂקו ולתת להם צדה לדרך ויעשׂ להם כן׃²⁶ וישׂאו את שׁברם על חמריהם וילכו משׁם׃²⁷ ויפתח האחד את שׂקו לתת מספוא לחמרו במלון וירא את כספו והנה הוא בפי אמתחתו׃²⁸ ויאמר אל אחיו הושׁב כספי וגם הנה באמתחתי ויצא לבם ויחרדו אישׁ אל אחיו לאמר מה זאת עשׂה אלהים׃²⁹ ויבאו אל יעקב אביהם ארצה כנען ויגידו לו את כל הקרת אתם לאמר׃³⁰ דבר האישׁ אדני הארץ אתנו קשׁות ויתן אתנו כמרגלים את הארץ׃³¹ ונאמר אליו כנים אנחנו לא היינו מרגלים׃³² שׁנים עשׂר אנחנו אחים בני אבינו האחד איננו והקטן היום את אבינו בארץ כנען׃³³ ויאמר אלינו האישׁ אדני הארץ בזאת אדע כי כנים אתם אחיכם האחד הניחו אתי ואת רעבון בתיכם קחו ולכו׃³⁴ והביאו את אחיכם הקטן אלי ואדעה כי לא מרגלים אתם כי כנים אתם את אחיכם אתן לכם ואת הארץ תסחרו׃³⁵ ויהי הם מריקים שׂקיהם והנה אישׁ צרור כספו בשׂקו ויראו את צררות כספיהם המה ואביהם וייראו׃³⁶ ויאמר אלהם יעקב אביהם אתי שׁכלתם יוסף איננו ושׁמעון איננו ואת בנימן תקחו עלי היו כלנה׃³⁷ ויאמר ראובן אל אביו לאמר את שׁני בני תמית אם לא אביאנו אליך תנה אתו על ידי ואני אשׁיבנו אליך׃³⁸ ויאמר לא ירד בני עמכם כי אחיו מת והוא לבדו נשׁאר וקראהו אסון בדרך אשׁר תלכו בה והורדתם את שׂיבתי ביגון שׁאולה׃

⁵⁴ ותחלינה שׁבע שׁני הרעב לבוא כאשׁר אמר יוסף ויהי רעב בכל הארצות ובכל ארץ מצרים היה לחם׃

⁵⁷ וכל הארץ באו מצרימה לשׁבר אל יוסף כי חזק הרעב בכל הארץ׃

² ויאמר הנה שׁמעתי כי ישׁ שׁבר במצרים רדו שׁמה ושׁברו לנו משׁם ונחיה ולא נמות׃

¹⁹ ויראו שׁטרי בני ישׂראל אתם ברע לאמר לא תגרעו מלבניכם דבר יום ביומו׃

¹⁸ וכל העם ראים את הקולת ואת הלפידם ואת קול השׁפר ואת ההר עשׁן וירא העם וינעו ויעמדו מרחק׃

¹⁰ ויאמר יהוה אל יהושׁע קם לך למה זה אתה נפל על פניך׃

³ וירא ויקם וילך אל נפשׁו ויבא באר שׁבע אשׁר ליהודה וינח את נערו שׁם׃

³ ויהי מקצה שׁבע שׁנים ותשׁב האשׁה מארץ פלשׁתים ותצא לצעק אל המלך אל ביתה ואל שׂדה׃⁴ והמלך מדבר אל גחזי נער אישׁ האלהים לאמר ספרה נא לי את כל הגדלות אשׁר עשׂה אלישׁע׃

⁴ קום כי עליך הדבר ואנחנו עמך חזק ועשׂה׃

¹⁴ על מה אנחנו ישׁבים האספו ונבוא אל ערי המבצר ונדמה שׁם כי יהוה אלהינו הדמנו וישׁקנו מי ראשׁ כי חטאנו ליהוה׃

¹³ וירא אפרים את חליו ויהודה את מזרו וילך אפרים אל אשׁור וישׁלח אל מלך ירב והוא לא יוכל לרפא לכם ולא יגהה מכם מזור׃

² ויהי כאשׁר כלו לאכל את השׁבר אשׁר הביאו ממצרים ויאמר אליהם אביהם שׁבו שׁברו לנו מעט אכל׃

⁴ אם ישׁך משׁלח את אחינו אתנו נרדה ונשׁברה לך אכל׃

⁸ ויאמר יהודה אל ישׂראל אביו שׁלחה הנער אתי ונקומה ונלכה ונחיה ולא נמות גם אנחנו גם אתה גם טפנו׃

⁹ מהרו ועלו אל אבי ואמרתם אליו כה אמר בנך יוסף שׂמני אלהים לאדון לכל מצרים רדה אלי אל תעמד׃

¹⁷ לא אמות כי אחיה ואספר מעשׂי יה׃

¹ בימים ההם חלה חזקיהו למות ויבוא אליו ישׁעיהו בן אמוץ הנביא ויאמר אליו כה אמר יהוה צו לביתך כי מת אתה ולא תחיה׃

⁵ ויבאו בני ישׂראל לשׁבר בתוך הבאים כי היה הרעב בארץ כנען׃

¹³ ויאמרו שׁנים עשׂר עבדיך אחים אנחנו בני אישׁ אחד בארץ כנען והנה הקטן את אבינו היום והאחד איננו׃

²² ויאמר יהוה אלהים הן האדם היה כאחד ממנו לדעת טוב ורע ועתה פן ישׁלח ידו ולקח גם מעץ החיים ואכל וחי לעלם׃

⁴ ויאמרו הבה נבנה לנו עיר ומגדל וראשׁו בשׁמים ונעשׂה לנו שׁם פן נפוץ על פני כל הארץ׃

¹ וישׂא יעקב עיניו וירא והנה עשׂו בא ועמו ארבע מאות אישׁ ויחץ את הילדים על לאה ועל רחל ועל שׁתי השׁפחות׃² וישׂם את השׁפחות ואת ילדיהן ראשׁנה ואת לאה וילדיה אחרנים ואת רחל ואת יוסף אחרנים׃

¹⁶ ויסעו מבית אל ויהי עוד כברת הארץ לבוא אפרתה ותלד רחל ותקשׁ בלדתה׃¹⁷ ויהי בהקשׁתה בלדתה ותאמר לה המילדת אל תיראי כי גם זה לך בן׃¹⁸ ויהי בצאת נפשׁה כי מתה ותקרא שׁמו בן אוני ואביו קרא לו בנימין׃¹⁹ ותמת רחל ותקבר בדרך אפרתה הוא בית לחם׃

³⁸ ויאמר לא ירד בני עמכם כי אחיו מת והוא לבדו נשׁאר וקראהו אסון בדרך אשׁר תלכו בה והורדתם את שׂיבתי ביגון שׁאולה׃

¹⁴ ואל שׁדי יתן לכם רחמים לפני האישׁ ושׁלח לכם את אחיכם אחר ואת בנימין ואני כאשׁר שׁכלתי שׁכלתי׃

²⁹ וישׂא עיניו וירא את בנימין אחיו בן אמו ויאמר הזה אחיכם הקטן אשׁר אמרתם אלי ויאמר אלהים יחנך בני׃

²⁰ ונאמר אל אדני ישׁ לנו אב זקן וילד זקנים קטן ואחיו מת ויותר הוא לבדו לאמו ואביו אהבו׃²¹ ותאמר אל עבדיך הורדהו אלי ואשׂימה עיני עליו׃²² ונאמר אל אדני לא יוכל הנער לעזב את אביו ועזב את אביו ומת׃

²⁷ ויאמר עבדך אבי אלינו אתם ידעתם כי שׁנים ילדה לי אשׁתי׃²⁸ ויצא האחד מאתי ואמר אך טרף טרף ולא ראיתיו עד הנה׃²⁹ ולקחתם גם את זה מעם פני וקרהו אסון והורדתם את שׂיבתי ברעה שׁאלה׃³⁰ ועתה כבאי אל עבדך אבי והנער איננו אתנו ונפשׁו קשׁורה בנפשׁו׃³¹ והיה כראותו כי אין הנער ומת והורידו עבדיך את שׂיבת עבדך אבינו ביגון שׁאלה׃³² כי עבדך ערב את הנער מעם אבי לאמר אם לא אביאנו אליך וחטאתי לאבי כל הימים׃³³ ועתה ישׁב נא עבדך תחת הנער עבד לאדני והנער יעל עם אחיו׃³⁴ כי איך אעלה אל אבי והנער איננו אתי פן אראה ברע אשׁר ימצא את אבי׃

¹⁰ ויהי רעב בארץ וירד אברם מצרימה לגור שׁם כי כבד הרעב בארץ׃

¹ ויהי רעב בארץ מלבד הרעב הראשׁון אשׁר היה בימי אברהם וילך יצחק אל אבימלך מלך פלשׁתים גררה׃

² וישׂא עיניו וירא והנה שׁלשׁה אנשׁים נצבים עליו וירא וירץ לקראתם מפתח האהל וישׁתחו ארצה׃

¹ ויבאו שׁני המלאכים סדמה בערב ולוט ישׁב בשׁער סדם וירא לוט ויקם לקראתם וישׁתחו אפים ארצה׃

⁷ והנה אנחנו מאלמים אלמים בתוך השׂדה והנה קמה אלמתי וגם נצבה והנה תסבינה אלמתיכם ותשׁתחוין לאלמתי׃⁸ ויאמרו לו אחיו המלך תמלך עלינו אם משׁול תמשׁל בנו ויוספו עוד שׂנא אתו על חלמתיו ועל דבריו׃⁹ ויחלם עוד חלום אחר ויספר אתו לאחיו ויאמר הנה חלמתי חלום עוד והנה השׁמשׁ והירח ואחד עשׂר כוכבים משׁתחוים׃¹⁰ ויספר אל אביו ואל אחיו ויגער בו אביו ויאמר לו מה החלום הזה אשׁר חלמת הבוא נבוא אני ואמך ואחיך להשׁתחות לך ארצה׃

⁴⁰ אתה תהיה על ביתי ועל פיך ישׁק כל עמי רק הכסא אגדל ממך׃⁴¹ ויאמר פרעה אל יוסף ראה נתתי אתך על כל ארץ מצרים׃

⁵⁵ ותרעב כל ארץ מצרים ויצעק העם אל פרעה ללחם ויאמר פרעה לכל מצרים לכו אל יוסף אשׁר יאמר לכם תעשׂו׃⁵⁶ והרעב היה על כל פני הארץ ויפתח יוסף את כל אשׁר בהם וישׁבר למצרים ויחזק הרעב בארץ מצרים׃

¹⁴ ויבא יהודה ואחיו ביתה יוסף והוא עודנו שׁם ויפלו לפניו ארצה׃

⁸ ועתה לא אתם שׁלחתם אתי הנה כי האלהים וישׂימני לאב לפרעה ולאדון לכל ביתו ומשׁל בכל ארץ מצרים׃

²⁶ ויגדו לו לאמר עוד יוסף חי וכי הוא משׁל בכל ארץ מצרים ויפג לבו כי לא האמין׃

¹⁶ ויקרא רעב על הארץ כל מטה לחם שׁבר׃¹⁷ שׁלח לפניהם אישׁ לעבד נמכר יוסף׃¹⁸ ענו בכבל רגליו ברזל באה נפשׁו׃¹⁹ עד עת בא דברו אמרת יהוה צרפתהו׃²⁰ שׁלח מלך ויתירהו משׁל עמים ויפתחהו׃²¹ שׂמו אדון לביתו ומשׁל בכל קנינו׃

⁹ ויזכר יוסף את החלמות אשׁר חלם להם ויאמר אלהם מרגלים אתם לראות את ערות הארץ באתם׃¹⁰ ויאמרו אליו לא אדני ועבדיך באו לשׁבר אכל׃¹¹ כלנו בני אישׁ אחד נחנו כנים אנחנו לא היו עבדיך מרגלים׃¹² ויאמר אלהם לא כי ערות הארץ באתם לראות׃

¹⁴ ויאמר אלהם יוסף הוא אשׁר דברתי אלכם לאמר מרגלים אתם׃¹⁵ בזאת תבחנו חי פרעה אם תצאו מזה כי אם בבוא אחיכם הקטן הנה׃¹⁶ שׁלחו מכם אחד ויקח את אחיכם ואתם האסרו ויבחנו דבריכם האמת אתכם ואם לא חי פרעה כי מרגלים אתם׃¹⁷ ויאסף אתם אל משׁמר שׁלשׁת ימים׃

¹⁹ אם כנים אתם אחיכם אחד יאסר בבית משׁמרכם ואתם לכו הביאו שׁבר רעבון בתיכם׃²⁰ ואת אחיכם הקטן תביאו אלי ויאמנו דבריכם ולא תמותו ויעשׂו כן׃

³⁰ דבר האישׁ אדני הארץ אתנו קשׁות ויתן אתנו כמרגלים את הארץ׃

² אלה תלדות יעקב יוסף בן שׁבע עשׂרה שׁנה היה רעה את אחיו בצאן והוא נער את בני בלהה ואת בני זלפה נשׁי אביו ויבא יוסף את דבתם רעה אל אביהם׃

⁵ ויחלם יוסף חלום ויגד לאחיו ויוספו עוד שׂנא אתו׃⁶ ויאמר אליהם שׁמעו נא החלום הזה אשׁר חלמתי׃⁷ והנה אנחנו מאלמים אלמים בתוך השׂדה והנה קמה אלמתי וגם נצבה והנה תסבינה אלמתיכם ותשׁתחוין לאלמתי׃⁸ ויאמרו לו אחיו המלך תמלך עלינו אם משׁול תמשׁל בנו ויוספו עוד שׂנא אתו על חלמתיו ועל דבריו׃⁹ ויחלם עוד חלום אחר ויספר אתו לאחיו ויאמר הנה חלמתי חלום עוד והנה השׁמשׁ והירח ואחד עשׂר כוכבים משׁתחוים׃

¹⁶ שׁלחו מכם אחד ויקח את אחיכם ואתם האסרו ויבחנו דבריכם האמת אתכם ואם לא חי פרעה כי מרגלים אתם׃

³⁰ דבר האישׁ אדני הארץ אתנו קשׁות ויתן אתנו כמרגלים את הארץ׃³¹ ונאמר אליו כנים אנחנו לא היינו מרגלים׃

³⁴ והביאו את אחיכם הקטן אלי ואדעה כי לא מרגלים אתם כי כנים אתם את אחיכם אתן לכם ואת הארץ תסחרו׃

³⁵ ויגף יהוה את העם על אשׁר עשׂו את העגל אשׁר עשׂה אהרן׃

² שׁלח לך אנשׁים ויתרו את ארץ כנען אשׁר אני נתן לבני ישׂראל אישׁ אחד אישׁ אחד למטה אבתיו תשׁלחו כל נשׂיא׃

¹⁶ אלה שׁמות האנשׁים אשׁר שׁלח משׁה לתור את הארץ ויקרא משׁה להושׁע בן נון יהושׁע׃¹⁷ וישׁלח אתם משׁה לתור את ארץ כנען ויאמר אלהם עלו זה בנגב ועליתם את ההר׃¹⁸ וראיתם את הארץ מה הוא ואת העם הישׁב עליה החזק הוא הרפה המעט הוא אם רב׃¹⁹ ומה הארץ אשׁר הוא ישׁב בה הטובה הוא אם רעה ומה הערים אשׁר הוא יושׁב בהנה הבמחנים אם במבצרים׃²⁰ ומה הארץ השׁמנה הוא אם רזה הישׁ בה עץ אם אין והתחזקתם ולקחתם מפרי הארץ והימים ימי בכורי ענבים׃

¹ וישׁלח יהושׁע בן נון מן השׁטים שׁנים אנשׁים מרגלים חרשׁ לאמר לכו ראו את הארץ ואת יריחו וילכו ויבאו בית אשׁה זונה ושׁמה רחב וישׁכבו שׁמה׃

²³ ויבאו הנערים המרגלים ויציאו את רחב ואת אביה ואת אמה ואת אחיה ואת כל אשׁר לה ואת כל משׁפחותיה הוציאו ויניחום מחוץ למחנה ישׂראל׃

²⁴ ויראו השׁמרים אישׁ יוצא מן העיר ויאמרו לו הראנו נא את מבוא העיר ועשׂינו עמך חסד׃

⁴ וישׁלח דוד מרגלים וידע כי בא שׁאול אל נכון׃

²⁹ יעבדוך עמים וישׁתחו לך לאמים הוה גביר לאחיך וישׁתחוו לך בני אמך ארריך ארור ומברכיך ברוך׃

³⁷ ויען יצחק ויאמר לעשׂו הן גביר שׂמתיו לך ואת כל אחיו נתתי לו לעבדים ודגן ותירשׁ סמכתיו ולכה אפוא מה אעשׂה בני׃

⁸ ויאמרו לו אחיו המלך תמלך עלינו אם משׁול תמשׁל בנו ויוספו עוד שׂנא אתו על חלמתיו ועל דבריו׃

⁹ אשׁר ימצא אתו מעבדיך ומת וגם אנחנו נהיה לאדני לעבדים׃

¹⁷ ויכר שׁאול את קול דוד ויאמר הקולך זה בני דוד ויאמר דוד קולי אדני המלך׃

⁷ ויהי עבדיהו בדרך והנה אליהו לקראתו ויכרהו ויפל על פניו ויאמר האתה זה אדני אליהו׃

¹⁹ אם כנים אתם אחיכם אחד יאסר בבית משׁמרכם ואתם לכו הביאו שׁבר רעבון בתיכם׃

³³ ויאמר אלינו האישׁ אדני הארץ בזאת אדע כי כנים אתם אחיכם האחד הניחו אתי ואת רעבון בתיכם קחו ולכו׃³⁴ והביאו את אחיכם הקטן אלי ואדעה כי לא מרגלים אתם כי כנים אתם את אחיכם אתן לכם ואת הארץ תסחרו׃

³² ותהר לאה ותלד בן ותקרא שׁמו ראובן כי אמרה כי ראה יהוה בעניי כי עתה יאהבני אישׁי׃³³ ותהר עוד ותלד בן ותאמר כי שׁמע יהוה כי שׂנואה אנכי ויתן לי גם את זה ותקרא שׁמו שׁמעון׃³⁴ ותהר עוד ותלד בן ותאמר עתה הפעם ילוה אישׁי אלי כי ילדתי לו שׁלשׁה בנים על כן קרא שׁמו לוי׃³⁵ ותהר עוד ותלד בן ותאמר הפעם אודה את יהוה על כן קראה שׁמו יהודה ותעמד מלדת׃

⁶ ותאמר רחל דנני אלהים וגם שׁמע בקלי ויתן לי בן על כן קראה שׁמו דן׃⁷ ותהר עוד ותלד בלהה שׁפחת רחל בן שׁני ליעקב׃⁸ ותאמר רחל נפתולי אלהים נפתלתי עם אחתי גם יכלתי ותקרא שׁמו נפתלי׃⁹ ותרא לאה כי עמדה מלדת ותקח את זלפה שׁפחתה ותתן אתה ליעקב לאשׁה׃¹⁰ ותלד זלפה שׁפחת לאה ליעקב בן׃¹¹ ותאמר לאה בגד ותקרא את שׁמו גד׃¹² ותלד זלפה שׁפחת לאה בן שׁני ליעקב׃¹³ ותאמר לאה באשׁרי כי אשׁרוני בנות ותקרא את שׁמו אשׁר׃¹⁴ וילך ראובן בימי קציר חטים וימצא דודאים בשׂדה ויבא אתם אל לאה אמו ותאמר רחל אל לאה תני נא לי מדודאי בנך׃¹⁵ ותאמר לה המעט קחתך את אישׁי ולקחת גם את דודאי בני ותאמר רחל לכן ישׁכב עמך הלילה תחת דודאי בנך׃¹⁶ ויבא יעקב מן השׂדה בערב ותצא לאה לקראתו ותאמר אלי תבוא כי שׂכר שׂכרתיך בדודאי בני וישׁכב עמה בלילה הוא׃¹⁷ וישׁמע אלהים אל לאה ותהר ותלד ליעקב בן חמישׁי׃¹⁸ ותאמר לאה נתן אלהים שׂכרי אשׁר נתתי שׁפחתי לאישׁי ותקרא שׁמו ישׂשכר׃¹⁹ ותהר עוד לאה ותלד בן שׁשׁי ליעקב׃²⁰ ותאמר לאה זבדני אלהים אתי זבד טוב הפעם יזבלני אישׁי כי ילדתי לו שׁשׁה בנים ותקרא את שׁמו זבלון׃²¹ ואחר ילדה בת ותקרא את שׁמה דינה׃²² ויזכר אלהים את רחל וישׁמע אליה אלהים ויפתח את רחמה׃²³ ותהר ותלד בן ותאמר אסף אלהים את חרפתי׃²⁴ ותקרא את שׁמו יוסף לאמר יסף יהוה לי בן אחר׃

¹⁶ ויסעו מבית אל ויהי עוד כברת הארץ לבוא אפרתה ותלד רחל ותקשׁ בלדתה׃¹⁷ ויהי בהקשׁתה בלדתה ותאמר לה המילדת אל תיראי כי גם זה לך בן׃¹⁸ ויהי בצאת נפשׁה כי מתה ותקרא שׁמו בן אוני ואביו קרא לו בנימין׃¹⁹ ותמת רחל ותקבר בדרך אפרתה הוא בית לחם׃²⁰ ויצב יעקב מצבה על קברתה הוא מצבת קברת רחל עד היום׃²¹ ויסע ישׂראל ויט אהלה מהלאה למגדל עדר׃²² ויהי בשׁכן ישׂראל בארץ ההוא וילך ראובן וישׁכב את בלהה פילגשׁ אביו וישׁמע ישׂראל ויהיו בני יעקב שׁנים עשׂר׃²³ בני לאה בכור יעקב ראובן ושׁמעון ולוי ויהודה וישׂשכר וזבלון׃²⁴ בני רחל יוסף ובנימן׃²⁵ ובני בלהה שׁפחת רחל דן ונפתלי׃²⁶ ובני זלפה שׁפחת לאה גד ואשׁר אלה בני יעקב אשׁר ילד לו בפדן ארם׃

³⁰ וישׁב אל אחיו ויאמר הילד איננו ואני אנה אני בא׃

¹¹ כלנו בני אישׁ אחד נחנו כנים אנחנו לא היו עבדיך מרגלים׃

³² שׁנים עשׂר אנחנו אחים בני אבינו האחד איננו והקטן היום את אבינו בארץ כנען׃

³⁶ ויאמר אלהם יעקב אביהם אתי שׁכלתם יוסף איננו ושׁמעון איננו ואת בנימן תקחו עלי היו כלנה׃

⁷ ויאמרו שׁאול שׁאל האישׁ לנו ולמולדתנו לאמר העוד אביכם חי הישׁ לכם אח ונגד לו על פי הדברים האלה הידוע נדע כי יאמר הורידו את אחיכם׃

²⁰ ונאמר אל אדני ישׁ לנו אב זקן וילד זקנים קטן ואחיו מת ויותר הוא לבדו לאמו ואביו אהבו׃

²⁸ ויצא האחד מאתי ואמר אך טרף טרף ולא ראיתיו עד הנה׃

⁸ ואלה שׁמות בני ישׂראל הבאים מצרימה יעקב ובניו בכר יעקב ראובן׃⁹ ובני ראובן חנוך ופלוא וחצרן וכרמי׃¹⁰ ובני שׁמעון ימואל וימין ואהד ויכין וצחר ושׁאול בן הכנענית׃¹¹ ובני לוי גרשׁון קהת ומררי׃¹² ובני יהודה ער ואונן ושׁלה ופרץ וזרח וימת ער ואונן בארץ כנען ויהיו בני פרץ חצרן וחמול׃¹³ ובני ישׂשכר תולע ופוה ויוב ושׁמרן׃¹⁴ ובני זבלון סרד ואלון ויחלאל׃¹⁵ אלה בני לאה אשׁר ילדה ליעקב בפדן ארם ואת דינה בתו כל נפשׁ בניו ובנותיו שׁלשׁים ושׁלשׁ׃¹⁶ ובני גד צפיון וחגי שׁוני ואצבן ערי וארודי ואראלי׃¹⁷ ובני אשׁר ימנה וישׁוה וישׁוי ובריעה ושׂרח אחתם ובני בריעה חבר ומלכיאל׃¹⁸ אלה בני זלפה אשׁר נתן לבן ללאה בתו ותלד את אלה ליעקב שׁשׁ עשׂרה נפשׁ׃¹⁹ בני רחל אשׁת יעקב יוסף ובנימן׃²⁰ ויולד ליוסף בארץ מצרים אשׁר ילדה לו אסנת בת פוטי פרע כהן אן את מנשׁה ואת אפרים׃²¹ ובני בנימן בלע ובכר ואשׁבל גרא ונעמן אחי וראשׁ מפים וחפים וארד׃²² אלה בני רחל אשׁר ילד ליעקב כל נפשׁ ארבעה עשׂר׃²³ ובני דן חשׁים׃²⁴ ובני נפתלי יחצאל וגוני ויצר ושׁלם׃²⁵ אלה בני בלהה אשׁר נתן לבן לרחל בתו ותלד את אלה ליעקב כל נפשׁ שׁבעה׃²⁶ כל הנפשׁ הבאה ליעקב מצרימה יצאי ירכו מלבד נשׁי בני יעקב כל נפשׁ שׁשׁים ושׁשׁ׃²⁷ ובני יוסף אשׁר ילד לו במצרים נפשׁ שׁנים כל הנפשׁ לבית יעקב הבאה מצרימה שׁבעים׃

² ראובן שׁמעון לוי ויהודה׃³ ישׂשכר זבולן ובנימן׃⁴ דן ונפתלי גד ואשׁר׃⁵ ויהי כל נפשׁ יצאי ירך יעקב שׁבעים נפשׁ ויוסף היה במצרים׃

¹ וידבר יהוה אל משׁה במדבר סיני באהל מועד באחד לחדשׁ השׁני בשׁנה השׁנית לצאתם מארץ מצרים לאמר׃² שׂאו את ראשׁ כל עדת בני ישׂראל למשׁפחתם לבית אבתם במספר שׁמות כל זכר לגלגלתם׃³ מבן עשׂרים שׁנה ומעלה כל יצא צבא בישׂראל תפקדו אתם לצבאתם אתה ואהרן׃⁴ ואתכם יהיו אישׁ אישׁ למטה אישׁ ראשׁ לבית אבתיו הוא׃⁵ ואלה שׁמות האנשׁים אשׁר יעמדו אתכם לראובן אליצור בן שׁדיאור׃⁶ לשׁמעון שׁלמיאל בן צורישׁדי׃⁷ ליהודה נחשׁון בן עמינדב׃⁸ לישׂשכר נתנאל בן צוער׃⁹ לזבולן אליאב בן חלן׃¹⁰ לבני יוסף לאפרים אלישׁמע בן עמיהוד למנשׁה גמליאל בן פדהצור׃¹¹ לבנימן אבידן בן גדעני׃¹² לדן אחיעזר בן עמישׁדי׃¹³ לאשׁר פגעיאל בן עכרן׃¹⁴ לגד אליסף בן דעואל׃¹⁵ לנפתלי אחירע בן עינן׃¹⁶ אלה קריאי העדה נשׂיאי מטות אבותם ראשׁי אלפי ישׂראל הם׃¹⁷ ויקח משׁה ואהרן את האנשׁים האלה אשׁר נקבו בשׁמות׃¹⁸ ואת כל העדה הקהילו באחד לחדשׁ השׁני ויתילדו על משׁפחתם לבית אבתם במספר שׁמות מבן עשׂרים שׁנה ומעלה לגלגלתם׃¹⁹ כאשׁר צוה יהוה את משׁה ויפקדם במדבר סיני׃²⁰ ויהיו בני ראובן בכר ישׂראל תולדתם למשׁפחתם לבית אבתם במספר שׁמות לגלגלתם כל זכר מבן עשׂרים שׁנה ומעלה כל יצא צבא׃²¹ פקדיהם למטה ראובן שׁשׁה וארבעים אלף וחמשׁ מאות׃²² לבני שׁמעון תולדתם למשׁפחתם לבית אבתם פקדיו במספר שׁמות לגלגלתם כל זכר מבן עשׂרים שׁנה ומעלה כל יצא צבא׃²³ פקדיהם למטה שׁמעון תשׁעה וחמשׁים אלף ושׁלשׁ מאות׃²⁴ לבני גד תולדתם למשׁפחתם לבית אבתם במספר שׁמות מבן עשׂרים שׁנה ומעלה כל יצא צבא׃²⁵ פקדיהם למטה גד חמשׁה וארבעים אלף ושׁשׁ מאות וחמשׁים׃²⁶ לבני יהודה תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃²⁷ פקדיהם למטה יהודה ארבעה ושׁבעים אלף ושׁשׁ מאות׃²⁸ לבני ישׂשכר תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃²⁹ פקדיהם למטה ישׂשכר ארבעה וחמשׁים אלף וארבע מאות׃³⁰ לבני זבולן תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃³¹ פקדיהם למטה זבולן שׁבעה וחמשׁים אלף וארבע מאות׃³² לבני יוסף לבני אפרים תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃³³ פקדיהם למטה אפרים ארבעים אלף וחמשׁ מאות׃³⁴ לבני מנשׁה תולדתם למשׁפחתם לבית אבתם במספר שׁמות מבן עשׂרים שׁנה ומעלה כל יצא צבא׃³⁵ פקדיהם למטה מנשׁה שׁנים ושׁלשׁים אלף ומאתים׃³⁶ לבני בנימן תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃³⁷ פקדיהם למטה בנימן חמשׁה ושׁלשׁים אלף וארבע מאות׃³⁸ לבני דן תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃³⁹ פקדיהם למטה דן שׁנים ושׁשׁים אלף ושׁבע מאות׃⁴⁰ לבני אשׁר תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃⁴¹ פקדיהם למטה אשׁר אחד וארבעים אלף וחמשׁ מאות׃⁴² בני נפתלי תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃⁴³ פקדיהם למטה נפתלי שׁלשׁה וחמשׁים אלף וארבע מאות׃⁴⁴ אלה הפקדים אשׁר פקד משׁה ואהרן ונשׂיאי ישׂראל שׁנים עשׂר אישׁ אישׁ אחד לבית אבתיו היו׃⁴⁵ ויהיו כל פקודי בני ישׂראל לבית אבתם מבן עשׂרים שׁנה ומעלה כל יצא צבא בישׂראל׃⁴⁶ ויהיו כל הפקדים שׁשׁ מאות אלף ושׁלשׁת אלפים וחמשׁ מאות וחמשׁים׃⁴⁷ והלוים למטה אבתם לא התפקדו בתוכם׃⁴⁸ וידבר יהוה אל משׁה לאמר׃⁴⁹ אך את מטה לוי לא תפקד ואת ראשׁם לא תשׂא בתוך בני ישׂראל׃⁵⁰ ואתה הפקד את הלוים על משׁכן העדת ועל כל כליו ועל כל אשׁר לו המה ישׂאו את המשׁכן ואת כל כליו והם ישׁרתהו וסביב למשׁכן יחנו׃⁵¹ ובנסע המשׁכן יורידו אתו הלוים ובחנת המשׁכן יקימו אתו הלוים והזר הקרב יומת׃⁵² וחנו בני ישׂראל אישׁ על מחנהו ואישׁ על דגלו לצבאתם׃⁵³ והלוים יחנו סביב למשׁכן העדת ולא יהיה קצף על עדת בני ישׂראל ושׁמרו הלוים את משׁמרת משׁכן העדות׃⁵⁴ ויעשׂו בני ישׂראל ככל אשׁר צוה יהוה את משׁה כן עשׂו׃

¹ וידבר יהוה אל משׁה לאמר׃² עשׂה לך שׁתי חצוצרת כסף מקשׁה תעשׂה אתם והיו לך למקרא העדה ולמסע את המחנות׃³ ותקעו בהן ונועדו אליך כל העדה אל פתח אהל מועד׃⁴ ואם באחת יתקעו ונועדו אליך הנשׂיאים ראשׁי אלפי ישׂראל׃⁵ ותקעתם תרועה ונסעו המחנות החנים קדמה׃⁶ ותקעתם תרועה שׁנית ונסעו המחנות החנים תימנה תרועה יתקעו למסעיהם׃⁷ ובהקהיל את הקהל תתקעו ולא תריעו׃⁸ ובני אהרן הכהנים יתקעו בחצצרות והיו לכם לחקת עולם לדרתיכם׃⁹ וכי תבאו מלחמה בארצכם על הצר הצרר אתכם והרעתם בחצצרת ונזכרתם לפני יהוה אלהיכם ונושׁעתם מאיביכם׃¹⁰ וביום שׂמחתכם ובמועדיכם ובראשׁי חדשׁכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם׃¹¹ ויהי בשׁנה השׁנית בחדשׁ השׁני בעשׂרים בחדשׁ נעלה הענן מעל משׁכן העדת׃¹² ויסעו בני ישׂראל למסעיהם ממדבר סיני וישׁכן הענן במדבר פארן׃¹³ ויסעו בראשׁנה על פי יהוה ביד משׁה׃¹⁴ ויסע דגל מחנה בני יהודה בראשׁנה לצבאתם ועל צבאו נחשׁון בן עמינדב׃¹⁵ ועל צבא מטה בני ישׂשכר נתנאל בן צוער׃¹⁶ ועל צבא מטה בני זבולן אליאב בן חלן׃¹⁷ והורד המשׁכן ונסעו בני גרשׁון ובני מררי נשׂאי המשׁכן׃¹⁸ ונסע דגל מחנה ראובן לצבאתם ועל צבאו אליצור בן שׁדיאור׃¹⁹ ועל צבא מטה בני שׁמעון שׁלמיאל בן צורי שׁדי׃²⁰ ועל צבא מטה בני גד אליסף בן דעואל׃²¹ ונסעו הקהתים נשׂאי המקדשׁ והקימו את המשׁכן עד באם׃²² ונסע דגל מחנה בני אפרים לצבאתם ועל צבאו אלישׁמע בן עמיהוד׃²³ ועל צבא מטה בני מנשׁה גמליאל בן פדהצור׃²⁴ ועל צבא מטה בני בנימן אבידן בן גדעוני׃²⁵ ונסע דגל מחנה בני דן מאסף לכל המחנת לצבאתם ועל צבאו אחיעזר בן עמישׁדי׃²⁶ ועל צבא מטה בני אשׁר פגעיאל בן עכרן׃²⁷ ועל צבא מטה בני נפתלי אחירע בן עינן׃²⁸ אלה מסעי בני ישׂראל לצבאתם ויסעו׃²⁹ ויאמר משׁה לחבב בן רעואל המדיני חתן משׁה נסעים אנחנו אל המקום אשׁר אמר יהוה אתו אתן לכם לכה אתנו והטבנו לך כי יהוה דבר טוב על ישׂראל׃³⁰ ויאמר אליו לא אלך כי אם אל ארצי ואל מולדתי אלך׃³¹ ויאמר אל נא תעזב אתנו כי על כן ידעת חנתנו במדבר והיית לנו לעינים׃³² והיה כי תלך עמנו והיה הטוב ההוא אשׁר ייטיב יהוה עמנו והטבנו׃³³ ויסעו מהר יהוה דרך שׁלשׁת ימים וארון ברית יהוה נסע לפניהם דרך שׁלשׁת ימים לתור להם מנוחה׃³⁴ וענן יהוה עליהם יומם בנסעם מן המחנה׃³⁵ ויהי בנסע הארן ויאמר משׁה קומה יהוה ויפצו איביך וינסו משׂנאיך מפניך׃³⁶ ובנחה יאמר שׁובה יהוה רבבות אלפי ישׂראל׃

¹ ויאמר יהוה אל משׁה ואל אלעזר בן אהרן הכהן לאמר׃² שׂאו את ראשׁ כל עדת בני ישׂראל מבן עשׂרים שׁנה ומעלה לבית אבתם כל יצא צבא בישׂראל׃³ וידבר משׁה ואלעזר הכהן אתם בערבת מואב על ירדן ירחו לאמר׃⁴ מבן עשׂרים שׁנה ומעלה כאשׁר צוה יהוה את משׁה ובני ישׂראל היצאים מארץ מצרים׃⁵ ראובן בכור ישׂראל בני ראובן חנוך משׁפחת החנכי לפלוא משׁפחת הפלאי׃⁶ לחצרן משׁפחת החצרוני לכרמי משׁפחת הכרמי׃⁷ אלה משׁפחת הראובני ויהיו פקדיהם שׁלשׁה וארבעים אלף ושׁבע מאות ושׁלשׁים׃⁸ ובני פלוא אליאב׃⁹ ובני אליאב נמואל ודתן ואבירם הוא דתן ואבירם קרואי העדה אשׁר הצו על משׁה ועל אהרן בעדת קרח בהצתם על יהוה׃¹⁰ ותפתח הארץ את פיה ותבלע אתם ואת קרח במות העדה באכל האשׁ את חמשׁים ומאתים אישׁ ויהיו לנס׃¹¹ ובני קרח לא מתו׃¹² בני שׁמעון למשׁפחתם לנמואל משׁפחת הנמואלי לימין משׁפחת הימיני ליכין משׁפחת היכיני׃¹³ לזרח משׁפחת הזרחי לשׁאול משׁפחת השׁאולי׃¹⁴ אלה משׁפחת השׁמעני שׁנים ועשׂרים אלף ומאתים׃¹⁵ בני גד למשׁפחתם לצפון משׁפחת הצפוני לחגי משׁפחת החגי לשׁוני משׁפחת השׁוני׃¹⁶ לאזני משׁפחת האזני לערי משׁפחת הערי׃¹⁷ לארוד משׁפחת הארודי לאראלי משׁפחת האראלי׃¹⁸ אלה משׁפחת בני גד לפקדיהם ארבעים אלף וחמשׁ מאות׃¹⁹ בני יהודה ער ואונן וימת ער ואונן בארץ כנען׃²⁰ ויהיו בני יהודה למשׁפחתם לשׁלה משׁפחת השׁלני לפרץ משׁפחת הפרצי לזרח משׁפחת הזרחי׃²¹ ויהיו בני פרץ לחצרן משׁפחת החצרני לחמול משׁפחת החמולי׃²² אלה משׁפחת יהודה לפקדיהם שׁשׁה ושׁבעים אלף וחמשׁ מאות׃²³ בני ישׂשכר למשׁפחתם תולע משׁפחת התולעי לפוה משׁפחת הפוני׃²⁴ לישׁוב משׁפחת הישׁבי לשׁמרן משׁפחת השׁמרני׃²⁵ אלה משׁפחת ישׂשכר לפקדיהם ארבעה ושׁשׁים אלף ושׁלשׁ מאות׃²⁶ בני זבולן למשׁפחתם לסרד משׁפחת הסרדי לאלון משׁפחת האלני ליחלאל משׁפחת היחלאלי׃²⁷ אלה משׁפחת הזבולני לפקדיהם שׁשׁים אלף וחמשׁ מאות׃²⁸ בני יוסף למשׁפחתם מנשׁה ואפרים׃²⁹ בני מנשׁה למכיר משׁפחת המכירי ומכיר הוליד את גלעד לגלעד משׁפחת הגלעדי׃³⁰ אלה בני גלעד איעזר משׁפחת האיעזרי לחלק משׁפחת החלקי׃³¹ ואשׂריאל משׁפחת האשׂראלי ושׁכם משׁפחת השׁכמי׃³² ושׁמידע משׁפחת השׁמידעי וחפר משׁפחת החפרי׃³³ וצלפחד בן חפר לא היו לו בנים כי אם בנות ושׁם בנות צלפחד מחלה ונעה חגלה מלכה ותרצה׃³⁴ אלה משׁפחת מנשׁה ופקדיהם שׁנים וחמשׁים אלף ושׁבע מאות׃³⁵ אלה בני אפרים למשׁפחתם לשׁותלח משׁפחת השׁתלחי לבכר משׁפחת הבכרי לתחן משׁפחת התחני׃³⁶ ואלה בני שׁותלח לערן משׁפחת הערני׃³⁷ אלה משׁפחת בני אפרים לפקדיהם שׁנים ושׁלשׁים אלף וחמשׁ מאות אלה בני יוסף למשׁפחתם׃³⁸ בני בנימן למשׁפחתם לבלע משׁפחת הבלעי לאשׁבל משׁפחת האשׁבלי לאחירם משׁפחת האחירמי׃³⁹ לשׁפופם משׁפחת השׁופמי לחופם משׁפחת החופמי׃⁴⁰ ויהיו בני בלע ארד ונעמן משׁפחת הארדי לנעמן משׁפחת הנעמי׃⁴¹ אלה בני בנימן למשׁפחתם ופקדיהם חמשׁה וארבעים אלף ושׁשׁ מאות׃⁴² אלה בני דן למשׁפחתם לשׁוחם משׁפחת השׁוחמי אלה משׁפחת דן למשׁפחתם׃⁴³ כל משׁפחת השׁוחמי לפקדיהם ארבעה ושׁשׁים אלף וארבע מאות׃⁴⁴ בני אשׁר למשׁפחתם לימנה משׁפחת הימנה לישׁוי משׁפחת הישׁוי לבריעה משׁפחת הבריעי׃⁴⁵ לבני בריעה לחבר משׁפחת החברי למלכיאל משׁפחת המלכיאלי׃⁴⁶ ושׁם בת אשׁר שׂרח׃⁴⁷ אלה משׁפחת בני אשׁר לפקדיהם שׁלשׁה וחמשׁים אלף וארבע מאות׃⁴⁸ בני נפתלי למשׁפחתם ליחצאל משׁפחת היחצאלי לגוני משׁפחת הגוני׃⁴⁹ ליצר משׁפחת היצרי לשׁלם משׁפחת השׁלמי׃⁵⁰ אלה משׁפחת נפתלי למשׁפחתם ופקדיהם חמשׁה וארבעים אלף וארבע מאות׃⁵¹ אלה פקודי בני ישׂראל שׁשׁ מאות אלף ואלף שׁבע מאות ושׁלשׁים׃⁵² וידבר יהוה אל משׁה לאמר׃⁵³ לאלה תחלק הארץ בנחלה במספר שׁמות׃⁵⁴ לרב תרבה נחלתו ולמעט תמעיט נחלתו אישׁ לפי פקדיו יתן נחלתו׃⁵⁵ אך בגורל יחלק את הארץ לשׁמות מטות אבתם ינחלו׃⁵⁶ על פי הגורל תחלק נחלתו בין רב למעט׃⁵⁷ ואלה פקודי הלוי למשׁפחתם לגרשׁון משׁפחת הגרשׁני לקהת משׁפחת הקהתי למררי משׁפחת המררי׃⁵⁸ אלה משׁפחת לוי משׁפחת הלבני משׁפחת החברני משׁפחת המחלי משׁפחת המושׁי משׁפחת הקרחי וקהת הולד את עמרם׃⁵⁹ ושׁם אשׁת עמרם יוכבד בת לוי אשׁר ילדה אתה ללוי במצרים ותלד לעמרם את אהרן ואת משׁה ואת מרים אחתם׃⁶⁰ ויולד לאהרן את נדב ואת אביהוא את אלעזר ואת איתמר׃⁶¹ וימת נדב ואביהוא בהקריבם אשׁ זרה לפני יהוה׃⁶² ויהיו פקדיהם שׁלשׁה ועשׂרים אלף כל זכר מבן חדשׁ ומעלה כי לא התפקדו בתוך בני ישׂראל כי לא נתן להם נחלה בתוך בני ישׂראל׃⁶³ אלה פקודי משׁה ואלעזר הכהן אשׁר פקדו את בני ישׂראל בערבת מואב על ירדן ירחו׃⁶⁴ ובאלה לא היה אישׁ מפקודי משׁה ואהרן הכהן אשׁר פקדו את בני ישׂראל במדבר סיני׃⁶⁵ כי אמר יהוה להם מות ימתו במדבר ולא נותר מהם אישׁ כי אם כלב בן יפנה ויהושׁע בן נון׃

¹ וידבר יהוה אל משׁה לאמר׃² צו את בני ישׂראל ואמרת אלהם כי אתם באים אל הארץ כנען זאת הארץ אשׁר תפל לכם בנחלה ארץ כנען לגבלתיה׃³ והיה לכם פאת נגב ממדבר צן על ידי אדום והיה לכם גבול נגב מקצה ים המלח קדמה׃⁴ ונסב לכם הגבול מנגב למעלה עקרבים ועבר צנה והיה תוצאתיו מנגב לקדשׁ ברנע ויצא חצר אדר ועבר עצמנה׃⁵ ונסב הגבול מעצמון נחלה מצרים והיו תוצאתיו הימה׃⁶ וגבול ים והיה לכם הים הגדול וגבול זה יהיה לכם גבול ים׃⁷ וזה יהיה לכם גבול צפון מן הים הגדל תתאו לכם הר ההר׃⁸ מהר ההר תתאו לבא חמת והיו תוצאת הגבל צדדה׃⁹ ויצא הגבל זפרנה והיו תוצאתיו חצר עינן זה יהיה לכם גבול צפון׃¹⁰ והתאויתם לכם לגבול קדמה מחצר עינן שׁפמה׃¹¹ וירד הגבל משׁפם הרבלה מקדם לעין וירד הגבל ומחה על כתף ים כנרת קדמה׃¹² וירד הגבול הירדנה והיו תוצאתיו ים המלח זאת תהיה לכם הארץ לגבלתיה סביב׃¹³ ויצו משׁה את בני ישׂראל לאמר זאת הארץ אשׁר תתנחלו אתה בגורל אשׁר צוה יהוה לתת לתשׁעת המטות וחצי המטה׃¹⁴ כי לקחו מטה בני הראובני לבית אבתם ומטה בני הגדי לבית אבתם וחצי מטה מנשׁה לקחו נחלתם׃¹⁵ שׁני המטות וחצי המטה לקחו נחלתם מעבר לירדן ירחו קדמה מזרחה׃¹⁶ וידבר יהוה אל משׁה לאמר׃¹⁷ אלה שׁמות האנשׁים אשׁר ינחלו לכם את הארץ אלעזר הכהן ויהושׁע בן נון׃¹⁸ ונשׂיא אחד נשׂיא אחד ממטה תקחו לנחל את הארץ׃¹⁹ ואלה שׁמות האנשׁים למטה יהודה כלב בן יפנה׃²⁰ ולמטה בני שׁמעון שׁמואל בן עמיהוד׃²¹ למטה בנימן אלידד בן כסלון׃²² ולמטה בני דן נשׂיא בקי בן יגלי׃²³ לבני יוסף למטה בני מנשׁה נשׂיא חניאל בן אפד׃²⁴ ולמטה בני אפרים נשׂיא קמואל בן שׁפטן׃²⁵ ולמטה בני זבולן נשׂיא אליצפן בן פרנך׃²⁶ ולמטה בני ישׂשכר נשׂיא פלטיאל בן עזן׃²⁷ ולמטה בני אשׁר נשׂיא אחיהוד בן שׁלמי׃²⁸ ולמטה בני נפתלי נשׂיא פדהאל בן עמיהוד׃²⁹ אלה אשׁר צוה יהוה לנחל את בני ישׂראל בארץ כנען׃

¹ אלה בני ישׂראל ראובן שׁמעון לוי ויהודה ישׂשכר וזבלון׃² דן יוסף ובנימן נפתלי גד ואשׁר׃³ בני יהודה ער ואונן ושׁלה שׁלושׁה נולד לו מבת שׁוע הכנענית ויהי ער בכור יהודה רע בעיני יהוה וימיתהו׃⁴ ותמר כלתו ילדה לו את פרץ ואת זרח כל בני יהודה חמשׁה׃⁵ בני פרץ חצרון וחמול׃⁶ ובני זרח זמרי ואיתן והימן וכלכל ודרע כלם חמשׁה׃⁷ ובני כרמי עכר עוכר ישׂראל אשׁר מעל בחרם׃⁸ ובני איתן עזריה׃

¹⁵ כה אמר יהוה קול ברמה נשׁמע נהי בכי תמרורים רחל מבכה על בניה מאנה להנחם על בניה כי איננו׃

⁷ אבתינו חטאו אינם אנחנו עונתיהם סבלנו׃

⁹ ויזכר יוסף את החלמות אשׁר חלם להם ויאמר אלהם מרגלים אתם לראות את ערות הארץ באתם׃¹⁰ ויאמרו אליו לא אדני ועבדיך באו לשׁבר אכל׃¹¹ כלנו בני אישׁ אחד נחנו כנים אנחנו לא היו עבדיך מרגלים׃

²⁴ למה פניך תסתיר ותחשׁבני לאויב׃

¹¹ ויחר עלי אפו ויחשׁבני לו כצריו׃

⁷ וירא יוסף את אחיו ויכרם ויתנכר אליהם וידבר אתם קשׁות ויאמר אלהם מאין באתם ויאמרו מארץ כנען לשׁבר אכל׃

¹² ויאמר אלהם לא כי ערות הארץ באתם לראות׃

²⁰ ואת אחיכם הקטן תביאו אלי ויאמנו דבריכם ולא תמותו ויעשׂו כן׃

³ ויאמר אליו יהודה לאמר העד העד בנו האישׁ לאמר לא תראו פני בלתי אחיכם אתכם׃

²⁰ ונאמר אל אדני ישׁ לנו אב זקן וילד זקנים קטן ואחיו מת ויותר הוא לבדו לאמו ואביו אהבו׃²¹ ותאמר אל עבדיך הורדהו אלי ואשׂימה עיני עליו׃²² ונאמר אל אדני לא יוכל הנער לעזב את אביו ועזב את אביו ומת׃²³ ותאמר אל עבדיך אם לא ירד אחיכם הקטן אתכם לא תספון לראות פני׃²⁴ ויהי כי עלינו אל עבדך אבי ונגד לו את דברי אדני׃²⁵ ויאמר אבינו שׁבו שׁברו לנו מעט אכל׃²⁶ ונאמר לא נוכל לרדת אם ישׁ אחינו הקטן אתנו וירדנו כי לא נוכל לראות פני האישׁ ואחינו הקטן איננו אתנו׃

¹³ את יהוה אלהיך תירא ואתו תעבד ובשׁמו תשׁבע׃

²⁶ ותאמר בי אדני חי נפשׁך אדני אני האשׁה הנצבת עמכה בזה להתפלל אל יהוה׃

⁵⁵ וכראות שׁאול את דוד יצא לקראת הפלשׁתי אמר אל אבנר שׂר הצבא בן מי זה הנער אבנר ויאמר אבנר חי נפשׁך המלך אם ידעתי׃

³ וישׁבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשׁך כי כפשׂע ביני ובין המות׃

² ואם חי יהוה יאמרו לכן לשׁקר ישׁבעו׃

⁷ אי לזאת אסלוח לך בניך עזבוני וישׁבעו בלא אלהים ואשׂבע אותם וינאפו ובית זונה יתגדדו׃

⁴ ויפקד שׂר הטבחים את יוסף אתם וישׁרת אתם ויהיו ימים במשׁמר׃

⁷ וישׁאל את סריסי פרעה אשׁר אתו במשׁמר בית אדניו לאמר מדוע פניכם רעים היום׃

¹⁰ פרעה קצף על עבדיו ויתן אתי במשׁמר בית שׂר הטבחים אתי ואת שׂר האפים׃

¹² ויניחהו במשׁמר לפרשׁ להם על פי יהוה׃

⁶⁵ טוב עשׂית עם עבדך יהוה כדברך׃

²² ואספו אספה אסיר על בור וסגרו על מסגר ומרב ימים יפקדו׃

¹¹ ויאמר אברהם כי אמרתי רק אין יראת אלהים במקום הזה והרגוני על דבר אשׁתי׃

⁴³ לא תרדה בו בפרך ויראת מאלהיך׃

⁹ ויאמר לא טוב הדבר אשׁר אתם עשׂים הלוא ביראת אלהינו תלכו מחרפת הגוים אויבינו׃

¹⁵ והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃

³ ויתן אתם במשׁמר בית שׂר הטבחים אל בית הסהר מקום אשׁר יוסף אסור שׁם׃

⁵⁶ והרעב היה על כל פני הארץ ויפתח יוסף את כל אשׁר בהם וישׁבר למצרים ויחזק הרעב בארץ מצרים׃

¹ וירא יעקב כי ישׁ שׁבר במצרים ויאמר יעקב לבניו למה תתראו׃² ויאמר הנה שׁמעתי כי ישׁ שׁבר במצרים רדו שׁמה ושׁברו לנו משׁם ונחיה ולא נמות׃

²⁶ וישׂאו את שׁברם על חמריהם וילכו משׁם׃

¹ והרעב כבד בארץ׃² ויהי כאשׁר כלו לאכל את השׁבר אשׁר הביאו ממצרים ויאמר אליהם אביהם שׁבו שׁברו לנו מעט אכל׃

²³ ולאביו שׁלח כזאת עשׂרה חמרים נשׂאים מטוב מצרים ועשׂר אתנת נשׂאת בר ולחם ומזון לאביו לדרך׃

⁷ לפקח עינים עורות להוציא ממסגר אסיר מבית כלא ישׁבי חשׁך׃

²² והוא עם בזוז ושׁסוי הפח בחורים כלם ובבתי כלאים החבאו היו לבז ואין מציל משׁסה ואין אמר השׁב׃

¹⁵ ויקצפו השׂרים על ירמיהו והכו אתו ונתנו אותו בית האסור בית יהונתן הספר כי אתו עשׂו לבית הכלא׃

²² ויעשׂ נח ככל אשׁר צוה אתו אלהים כן עשׂה׃

¹⁵ בזאת תבחנו חי פרעה אם תצאו מזה כי אם בבוא אחיכם הקטן הנה׃

⁵ ואם אינך משׁלח לא נרד כי האישׁ אמר אלינו לא תראו פני בלתי אחיכם אתכם׃

¹⁹ ויגשׁו אל האישׁ אשׁר על בית יוסף וידברו אליו פתח הבית׃

²³ ותאמר אל עבדיך אם לא ירד אחיכם הקטן אתכם לא תספון לראות פני׃

²³ ויהי כאשׁר בא יוסף אל אחיו ויפשׁיטו את יוסף את כתנתו את כתנת הפסים אשׁר עליו׃²⁴ ויקחהו וישׁלכו אתו הברה והבור רק אין בו מים׃²⁵ וישׁבו לאכל לחם וישׂאו עיניהם ויראו והנה ארחת ישׁמעאלים באה מגלעד וגמליהם נשׂאים נכאת וצרי ולט הולכים להוריד מצרימה׃²⁶ ויאמר יהודה אל אחיו מה בצע כי נהרג את אחינו וכסינו את דמו׃²⁷ לכו ונמכרנו לישׁמעאלים וידנו אל תהי בו כי אחינו בשׂרנו הוא וישׁמעו אחיו׃²⁸ ויעברו אנשׁים מדינים סחרים וימשׁכו ויעלו את יוסף מן הבור וימכרו את יוסף לישׁמעאלים בעשׂרים כסף ויביאו את יוסף מצרימה׃

⁹ וידבר שׂר המשׁקים את פרעה לאמר את חטאי אני מזכיר היום׃

²³ ואם לא תעשׂון כן הנה חטאתם ליהוה ודעו חטאתכם אשׁר תמצא אתכם׃

⁷ ויאמר אדני בזק שׁבעים מלכים בהנות ידיהם ורגליהם מקצצים היו מלקטים תחת שׁלחני כאשׁר עשׂיתי כן שׁלם לי אלהים ויביאהו ירושׁלם וימת שׁם׃

¹³ ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃

¹⁸ ותאמר אל אליהו מה לי ולך אישׁ האלהים באת אלי להזכיר את עוני ולהמית את בני׃

²⁷ ישׁר על אנשׁים ויאמר חטאתי וישׁר העויתי ולא שׁוה׃²⁸ פדה נפשׁי מעבר בשׁחת וחיתי באור תראה׃

³¹ כי אל אל האמר נשׂאתי לא אחבל׃³² בלעדי אחזה אתה הרני אם עול פעלתי לא אסיף׃

⁸ ואם אסורים בזקים ילכדון בחבלי עני׃⁹ ויגד להם פעלם ופשׁעיהם כי יתגברו׃

²⁷ בבא כשׁאוה פחדכם ואידכם כסופה יאתה בבא עליכם צרה וצוקה׃²⁸ אז יקראנני ולא אענה ישׁחרנני ולא ימצאנני׃

¹³ אטם אזנו מזעקת דל גם הוא יקרא ולא יענה׃

¹¹ הצל לקחים למות ומטים להרג אם תחשׂוך׃¹² כי תאמר הן לא ידענו זה הלא תכן לבות הוא יבין ונצר נפשׁך הוא ידע והשׁיב לאדם כפעלו׃

¹⁷ אדם עשׁק בדם נפשׁ עד בור ינוס אל יתמכו׃

¹⁷ הלוא זאת תעשׂה לך עזבך את יהוה אלהיך בעת מוליכך בדרך׃

¹⁹ תיסרך רעתך ומשׁבותיך תוכחך ודעי וראי כי רע ומר עזבך את יהוה אלהיך ולא פחדתי אליך נאם אדני יהוה צבאות׃

¹⁸ דרכך ומעלליך עשׂו אלה לך זאת רעתך כי מר כי נגע עד לבך׃

¹⁷ לכן כה אמר יהוה אתם לא שׁמעתם אלי לקרא דרור אישׁ לאחיו ואישׁ לרעהו הנני קרא לכם דרור נאם יהוה אל החרב אל הדבר ואל הרעב ונתתי אתכם לזועה לכל ממלכות הארץ׃

¹⁵ אלך אשׁובה אל מקומי עד אשׁר יאשׁמו ובקשׁו פני בצר להם ישׁחרנני׃

¹⁰ ויאמר מה עשׂית קול דמי אחיך צעקים אלי מן האדמה׃

⁵ ואך את דמכם לנפשׁתיכם אדרשׁ מיד כל חיה אדרשׁנו ומיד האדם מיד אישׁ אחיו אדרשׁ את נפשׁ האדם׃⁶ שׁפך דם האדם באדם דמו ישׁפך כי בצלם אלהים עשׂה את האדם׃

²¹ וישׁמע ראובן ויצלהו מידם ויאמר לא נכנו נפשׁ׃²² ויאמר אלהם ראובן אל תשׁפכו דם השׁליכו אתו אל הבור הזה אשׁר במדבר ויד אל תשׁלחו בו למען הציל אתו מידם להשׁיבו אל אביו׃

²⁹ וישׁב ראובן אל הבור והנה אין יוסף בבור ויקרע את בגדיו׃³⁰ וישׁב אל אחיו ויאמר הילד איננו ואני אנה אני בא׃

³² והשׁיב יהוה את דמו על ראשׁו אשׁר פגע בשׁני אנשׁים צדקים וטבים ממנו ויהרגם בחרב ואבי דוד לא ידע את אבנר בן נר שׂר צבא ישׂראל ואת עמשׂא בן יתר שׂר צבא יהודה׃

²² ולא זכר יואשׁ המלך החסד אשׁר עשׂה יהוידע אביו עמו ויהרג את בנו וכמותו אמר ירא יהוה וידרשׁ׃

¹² (9:13) כי דרשׁ דמים אותם זכר לא שׁכח צעקת עניים׃

¹⁸ באמרי לרשׁע מות תמות ולא הזהרתו ולא דברת להזהיר רשׁע מדרכו הרשׁעה לחיתו הוא רשׁע בעונו ימות ודמו מידך אבקשׁ׃

²⁵ ויהי ביום השׁלישׁי בהיותם כאבים ויקחו שׁני בני יעקב שׁמעון ולוי אחי דינה אישׁ חרבו ויבאו על העיר בטח ויהרגו כל זכר׃

²³ ויאמר שׁלום לכם אל תיראו אלהיכם ואלהי אביכם נתן לכם מטמון באמתחתיכם כספכם בא אלי ויוצא אלהם את שׁמעון׃

³⁰ וימהר יוסף כי נכמרו רחמיו אל אחיו ויבקשׁ לבכות ויבא החדרה ויבך שׁמה׃

¹⁴ ויפל על צוארי בנימן אחיו ויבך ובנימן בכה על צואריו׃¹⁵ וינשׁק לכל אחיו ויבך עלהם ואחרי כן דברו אחיו אתו׃

⁵ שׁמעון ולוי אחים כלי חמס מכרתיהם׃⁶ בסדם אל תבא נפשׁי בקהלם אל תחד כבדי כי באפם הרגו אישׁ וברצנם עקרו שׁור׃⁷ ארור אפם כי עז ועברתם כי קשׁתה אחלקם ביעקב ואפיצם בישׂראל׃

⁹ בכל צרתם לא צר ומלאך פניו הושׁיעם באהבתו ובחמלתו הוא גאלם וינטלם וינשׂאם כל ימי עולם׃

¹ ויצו את אשׁר על ביתו לאמר מלא את אמתחת האנשׁים אכל כאשׁר יוכלון שׂאת ושׂים כסף אישׁ בפי אמתחתו׃² ואת גביעי גביע הכסף תשׂים בפי אמתחת הקטן ואת כסף שׁברו ויעשׂ כדבר יוסף אשׁר דבר׃

²¹ ויעשׂו כן בני ישׂראל ויתן להם יוסף עגלות על פי פרעה ויתן להם צדה לדרך׃

¹ הוי כל צמא לכו למים ואשׁר אין לו כסף לכו שׁברו ואכלו ולכו שׁברו בלוא כסף ובלוא מחיר יין וחלב׃

²¹ ויהי כי באנו אל המלון ונפתחה את אמתחתינו והנה כסף אישׁ בפי אמתחתו כספנו במשׁקלו ונשׁב אתו בידנו׃²² וכסף אחר הורדנו בידנו לשׁבר אכל לא ידענו מי שׂם כספנו באמתחתינו׃

¹¹ וימהרו ויורדו אישׁ את אמתחתו ארצה ויפתחו אישׁ אמתחתו׃

²⁴ ויהי בדרך במלון ויפגשׁהו יהוה ויבקשׁ המיתו׃

³³ ויחרד יצחק חרדה גדלה עד מאד ויאמר מי אפוא הוא הצד ציד ויבא לי ואכל מכל בטרם תבוא ואברכהו גם ברוך יהיה׃

³⁶ והנשׁארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף׃

⁶⁵ ובגוים ההם לא תרגיע ולא יהיה מנוח לכף רגלך ונתן יהוה לך שׁם לב רגז וכליון עינים ודאבון נפשׁ׃

⁵ ומאכל שׁלחנו ומושׁב עבדיו ומעמד משׁרתו ומלבשׁיהם ומשׁקיו ועלתו אשׁר יעלה בית יהוה ולא היה בה עוד רוח׃

² (61:3) מקצה הארץ אליך אקרא בעטף לבי בצור ירום ממני תנחני׃

⁶ פתחתי אני לדודי ודודי חמק עבר נפשׁי יצאה בדברו בקשׁתיהו ולא מצאתיהו קראתיו ולא ענני׃

⁷ יוצר אור ובורא חשׁך עשׂה שׁלום ובורא רע אני יהוה עשׂה כל אלה׃

¹⁷ עשׂה יהוה אשׁר זמם בצע אמרתו אשׁר צוה מימי קדם הרס ולא חמל וישׂמח עליך אויב הרים קרן צריך׃

³⁷ מי זה אמר ותהי אדני לא צוה׃

⁶ אם יתקע שׁופר בעיר ועם לא יחרדו אם תהיה רעה בעיר ויהוה לא עשׂה׃

¹⁰ ואתנו תשׁבו והארץ תהיה לפניכם שׁבו וסחרוה והאחזו׃

²¹ האנשׁים האלה שׁלמים הם אתנו וישׁבו בארץ ויסחרו אתה והארץ הנה רחבת ידים לפניהם את בנתם נקח לנו לנשׁים ואת בנתינו נתן׃

¹⁵ לבד מאנשׁי התרים ומסחר הרכלים וכל מלכי הערב ופחות הארץ׃

⁴ את ראשׁ יניקותיו קטף ויביאהו אל ארץ כנען בעיר רכלים שׂמו׃

²⁷ ויפתח האחד את שׂקו לתת מספוא לחמרו במלון וירא את כספו והנה הוא בפי אמתחתו׃²⁸ ויאמר אל אחיו הושׁב כספי וגם הנה באמתחתי ויצא לבם ויחרדו אישׁ אל אחיו לאמר מה זאת עשׂה אלהים׃

¹² וכסף משׁנה קחו בידכם ואת הכסף המושׁב בפי אמתחתיכם תשׁיבו בידכם אולי משׁגה הוא׃

¹⁵ ויקחו האנשׁים את המנחה הזאת ומשׁנה כסף לקחו בידם ואת בנימן ויקמו וירדו מצרים ויעמדו לפני יוסף׃

²¹ ויהי כי באנו אל המלון ונפתחה את אמתחתינו והנה כסף אישׁ בפי אמתחתו כספנו במשׁקלו ונשׁב אתו בידנו׃

²⁰ ועתה לכו ונהרגהו ונשׁלכהו באחד הברות ואמרנו חיה רעה אכלתהו ונראה מה יהיו חלמתיו׃²¹ וישׁמע ראובן ויצלהו מידם ויאמר לא נכנו נפשׁ׃²² ויאמר אלהם ראובן אל תשׁפכו דם השׁליכו אתו אל הבור הזה אשׁר במדבר ויד אל תשׁלחו בו למען הציל אתו מידם להשׁיבו אל אביו׃²³ ויהי כאשׁר בא יוסף אל אחיו ויפשׁיטו את יוסף את כתנתו את כתנת הפסים אשׁר עליו׃²⁴ ויקחהו וישׁלכו אתו הברה והבור רק אין בו מים׃²⁵ וישׁבו לאכל לחם וישׂאו עיניהם ויראו והנה ארחת ישׁמעאלים באה מגלעד וגמליהם נשׂאים נכאת וצרי ולט הולכים להוריד מצרימה׃²⁶ ויאמר יהודה אל אחיו מה בצע כי נהרג את אחינו וכסינו את דמו׃²⁷ לכו ונמכרנו לישׁמעאלים וידנו אל תהי בו כי אחינו בשׂרנו הוא וישׁמעו אחיו׃²⁸ ויעברו אנשׁים מדינים סחרים וימשׁכו ויעלו את יוסף מן הבור וימכרו את יוסף לישׁמעאלים בעשׂרים כסף ויביאו את יוסף מצרימה׃²⁹ וישׁב ראובן אל הבור והנה אין יוסף בבור ויקרע את בגדיו׃³⁰ וישׁב אל אחיו ויאמר הילד איננו ואני אנה אני בא׃³¹ ויקחו את כתנת יוסף וישׁחטו שׂעיר עזים ויטבלו את הכתנת בדם׃³² וישׁלחו את כתנת הפסים ויביאו אל אביהם ויאמרו זאת מצאנו הכר נא הכתנת בנך הוא אם לא׃³³ ויכירה ויאמר כתנת בני חיה רעה אכלתהו טרף טרף יוסף׃³⁴ ויקרע יעקב שׂמלתיו וישׂם שׂק במתניו ויתאבל על בנו ימים רבים׃³⁵ ויקמו כל בניו וכל בנתיו לנחמו וימאן להתנחם ויאמר כי ארד אל בני אבל שׁאלה ויבך אתו אביו׃

²⁸ ויאמר ישׂראל רב עוד יוסף בני חי אלכה ואראנו בטרם אמות׃

¹² ויכלכל יוסף את אביו ואת אחיו ואת כל בית אביו לחם לפי הטף׃

¹ ויאמר דוד אל לבו עתה אספה יום אחד ביד שׁאול אין לי טוב כי המלט אמלט אל ארץ פלשׁתים ונואשׁ ממני שׁאול לבקשׁני עוד בכל גבול ישׂראל ונמלטתי מידו׃

⁷ זכר כי רוח חיי לא תשׁוב עיני לראות טוב׃

¹⁹ (34:20) רבות רעות צדיק ומכלם יצילנו יהוה׃

⁸ טוב אחרית דבר מראשׁיתו טוב ארך רוח מגבה רוח׃

⁹ לכן בזאת יכפר עון יעקב וזה כל פרי הסר חטאתו בשׂומו כל אבני מזבח כאבני גר מנפצות לא יקמו אשׁרים וחמנים׃

¹⁰ אני אמרתי בדמי ימי אלכה בשׁערי שׁאול פקדתי יתר שׁנותי׃

¹⁰ אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃

¹³ כי אני יהוה אלהיך מחזיק ימינך האמר לך אל תירא אני עזרתיך׃¹⁴ אל תיראי תולעת יעקב מתי ישׂראל אני עזרתיך נאם יהוה וגאלך קדושׁ ישׂראל׃

⁹ אנכי אערבנו מידי תבקשׁנו אם לא הביאתיו אליך והצגתיו לפניך וחטאתי לך כל הימים׃

⁹ ובני ראובן חנוך ופלוא וחצרן וכרמי׃

⁷ הירצה יהוה באלפי אילים ברבבות נחלי שׁמן האתן בכורי פשׁעי פרי בטני חטאת נפשׁי׃

¹⁶ ויסעו מבית אל ויהי עוד כברת הארץ לבוא אפרתה ותלד רחל ותקשׁ בלדתה׃¹⁷ ויהי בהקשׁתה בלדתה ותאמר לה המילדת אל תיראי כי גם זה לך בן׃¹⁸ ויהי בצאת נפשׁה כי מתה ותקרא שׁמו בן אוני ואביו קרא לו בנימין׃

³³ ויכירה ויאמר כתנת בני חיה רעה אכלתהו טרף טרף יוסף׃

³⁵ ויקמו כל בניו וכל בנתיו לנחמו וימאן להתנחם ויאמר כי ארד אל בני אבל שׁאלה ויבך אתו אביו׃

⁴ ואת בנימין אחי יוסף לא שׁלח יעקב את אחיו כי אמר פן יקראנו אסון׃

⁶ ועשׂית כחכמתך ולא תורד שׂיבתו בשׁלם שׁאל׃

¹⁸ וגם עד זקנה ושׂיבה אלהים אל תעזבני עד אגיד זרועך לדור לכל יבוא גבורתך׃

¹⁰ ימי שׁנותינו בהם שׁבעים שׁנה ואם בגבורת שׁמונים שׁנה ורהבם עמל ואון כי גז חישׁ ונעפה׃

¹⁴ ראיתי את כל המעשׂים שׁנעשׂו תחת השׁמשׁ והנה הכל הבל ורעות רוח׃

²⁶ כי לאדם שׁטוב לפניו נתן חכמה ודעת ושׂמחה ולחוטא נתן ענין לאסוף ולכנוס לתת לטוב לפני האלהים גם זה הבל ורעות רוח׃

⁴ ועד זקנה אני הוא ועד שׂיבה אני אסבל אני עשׂיתי ואני אשׂא ואני אסבל ואמלט׃