Genesis 46:12 Cross References - HOT

12 ובני יהודה ער ואונן ושׁלה ופרץ וזרח וימת ער ואונן בארץ כנען ויהיו בני פרץ חצרן וחמול׃

Genesis 29:35

35 ותהר עוד ותלד בן ותאמר הפעם אודה את יהוה על כן קראה שׁמו יהודה ותעמד מלדת׃

Genesis 38:1-3

1 ויהי בעת ההוא וירד יהודה מאת אחיו ויט עד אישׁ עדלמי ושׁמו חירה׃2 וירא שׁם יהודה בת אישׁ כנעני ושׁמו שׁוע ויקחה ויבא אליה׃3 ותהר ותלד בן ויקרא את שׁמו ער׃

Genesis 38:7

7 ויהי ער בכור יהודה רע בעיני יהוה וימתהו יהוה׃

Genesis 38:10

10 וירע בעיני יהוה אשׁר עשׂה וימת גם אתו׃

Genesis 38:24-30

24 ויהי כמשׁלשׁ חדשׁים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשׂרף׃25 הוא מוצאת והיא שׁלחה אל חמיה לאמר לאישׁ אשׁר אלה לו אנכי הרה ותאמר הכר נא למי החתמת והפתילים והמטה האלה׃26 ויכר יהודה ויאמר צדקה ממני כי על כן לא נתתיה לשׁלה בני ולא יסף עוד לדעתה׃27 ויהי בעת לדתה והנה תאומים בבטנה׃28 ויהי בלדתה ויתן יד ותקח המילדת ותקשׁר על ידו שׁני לאמר זה יצא ראשׁנה׃29 ויהי כמשׁיב ידו והנה יצא אחיו ותאמר מה פרצת עליך פרץ ויקרא שׁמו פרץ׃30 ואחר יצא אחיו אשׁר על ידו השׁני ויקרא שׁמו זרח׃

Genesis 49:8-12

8 יהודה אתה יודוך אחיך ידך בערף איביך ישׁתחוו לך בני אביך׃9 גור אריה יהודה מטרף בני עלית כרע רבץ כאריה וכלביא מי יקימנו׃10 לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃11 אסרי לגפן עירה ולשׂרקה בני אתנו כבס ביין לבשׁו ובדם ענבים סותה׃12 חכלילי עינים מיין ולבן שׁנים מחלב׃

Numbers 1:7

7 ליהודה נחשׁון בן עמינדב׃

Numbers 1:26-27

26 לבני יהודה תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃27 פקדיהם למטה יהודה ארבעה ושׁבעים אלף ושׁשׁ מאות׃

Numbers 26:19-21

19 בני יהודה ער ואונן וימת ער ואונן בארץ כנען׃20 ויהיו בני יהודה למשׁפחתם לשׁלה משׁפחת השׁלני לפרץ משׁפחת הפרצי לזרח משׁפחת הזרחי׃21 ויהיו בני פרץ לחצרן משׁפחת החצרני לחמול משׁפחת החמולי׃

Deuteronomy 33:7

7 וזאת ליהודה ויאמר שׁמע יהוה קול יהודה ואל עמו תביאנו ידיו רב לו ועזר מצריו תהיה׃

Judges 1:2

2 ויאמר יהוה יהודה יעלה הנה נתתי את הארץ בידו׃

1 Chronicles 2:1

1 אלה בני ישׂראל ראובן שׁמעון לוי ויהודה ישׂשכר וזבלון׃

1 Chronicles 2:3-5

3 בני יהודה ער ואונן ושׁלה שׁלושׁה נולד לו מבת שׁוע הכנענית ויהי ער בכור יהודה רע בעיני יהוה וימיתהו׃4 ותמר כלתו ילדה לו את פרץ ואת זרח כל בני יהודה חמשׁה׃5 בני פרץ חצרון וחמול׃

1 Chronicles 3:1-4:1

1 ואלה היו בני דויד אשׁר נולד לו בחברון הבכור אמנן לאחינעם היזרעאלית שׁני דניאל לאביגיל הכרמלית׃

1 Chronicles 4:1-1

1 בני יהודה פרץ חצרון וכרמי וחור ושׁובל׃

1 Chronicles 4:21

21 בני שׁלה בן יהודה ער אבי לכה ולעדה אבי מרשׁה ומשׁפחות בית עבדת הבץ לבית אשׁבע׃

1 Chronicles 5:2

2 כי יהודה גבר באחיו ולנגיד ממנו והבכרה ליוסף׃

Psalms 78:68

68 ויבחר את שׁבט יהודה את הר ציון אשׁר אהב׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.