Genesis 49:5 Cross References - HOT

5 שׁמעון ולוי אחים כלי חמס מכרתיהם׃

Genesis 29:33-34

33 ותהר עוד ותלד בן ותאמר כי שׁמע יהוה כי שׂנואה אנכי ויתן לי גם את זה ותקרא שׁמו שׁמעון׃34 ותהר עוד ותלד בן ותאמר עתה הפעם ילוה אישׁי אלי כי ילדתי לו שׁלשׁה בנים על כן קרא שׁמו לוי׃

Genesis 34:25-31

25 ויהי ביום השׁלישׁי בהיותם כאבים ויקחו שׁני בני יעקב שׁמעון ולוי אחי דינה אישׁ חרבו ויבאו על העיר בטח ויהרגו כל זכר׃26 ואת חמור ואת שׁכם בנו הרגו לפי חרב ויקחו את דינה מבית שׁכם ויצאו׃27 בני יעקב באו על החללים ויבזו העיר אשׁר טמאו אחותם׃28 את צאנם ואת בקרם ואת חמריהם ואת אשׁר בעיר ואת אשׁר בשׂדה לקחו׃29 ואת כל חילם ואת כל טפם ואת נשׁיהם שׁבו ויבזו ואת כל אשׁר בבית׃30 ויאמר יעקב אל שׁמעון ואל לוי עכרתם אתי להבאישׁני בישׁב הארץ בכנעני ובפרזי ואני מתי מספר ונאספו עלי והכוני ונשׁמדתי אני וביתי׃31 ויאמרו הכזונה יעשׂה את אחותנו׃

Genesis 46:10-11

10 ובני שׁמעון ימואל וימין ואהד ויכין וצחר ושׁאול בן הכנענית׃11 ובני לוי גרשׁון קהת ומררי׃

Proverbs 18:9

9 גם מתרפה במלאכתו אח הוא לבעל משׁחית׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.