1 ויפל יוסף על פני אביו ויבך עליו וישׁק׃2 ויצו יוסף את עבדיו את הרפאים לחנט את אביו ויחנטו הרפאים את ישׂראל׃3 וימלאו לו ארבעים יום כי כן ימלאו ימי החנטים ויבכו אתו מצרים שׁבעים יום׃4 ויעברו ימי בכיתו וידבר יוסף אל בית פרעה לאמר אם נא מצאתי חן בעיניכם דברו נא באזני פרעה לאמר׃5 אבי השׁביעני לאמר הנה אנכי מת בקברי אשׁר כריתי לי בארץ כנען שׁמה תקברני ועתה אעלה נא ואקברה את אבי ואשׁובה׃6 ויאמר פרעה עלה וקבר את אביך כאשׁר השׁביעך׃7 ויעל יוסף לקבר את אביו ויעלו אתו כל עבדי פרעה זקני ביתו וכל זקני ארץ מצרים׃8 וכל בית יוסף ואחיו ובית אביו רק טפם וצאנם ובקרם עזבו בארץ גשׁן׃9 ויעל עמו גם רכב גם פרשׁים ויהי המחנה כבד מאד׃10 ויבאו עד גרן האטד אשׁר בעבר הירדן ויספדו שׁם מספד גדול וכבד מאד ויעשׂ לאביו אבל שׁבעת ימים׃11 וירא יושׁב הארץ הכנעני את האבל בגרן האטד ויאמרו אבל כבד זה למצרים על כן קרא שׁמה אבל מצרים אשׁר בעבר הירדן׃12 ויעשׂו בניו לו כן כאשׁר צום׃13 וישׂאו אתו בניו ארצה כנען ויקברו אתו במערת שׂדה המכפלה אשׁר קנה אברהם את השׂדה לאחזת קבר מאת עפרן החתי על פני ממרא׃14 וישׁב יוסף מצרימה הוא ואחיו וכל העלים אתו לקבר את אביו אחרי קברו את אביו׃15 ויראו אחי יוסף כי מת אביהם ויאמרו לו ישׂטמנו יוסף והשׁב ישׁיב לנו את כל הרעה אשׁר גמלנו אתו׃16 ויצוו אל יוסף לאמר אביך צוה לפני מותו לאמר׃17 כה תאמרו ליוסף אנא שׂא נא פשׁע אחיך וחטאתם כי רעה גמלוך ועתה שׂא נא לפשׁע עבדי אלהי אביך ויבך יוסף בדברם אליו׃18 וילכו גם אחיו ויפלו לפניו ויאמרו הננו לך לעבדים׃19 ויאמר אלהם יוסף אל תיראו כי התחת אלהים אני׃20 ואתם חשׁבתם עלי רעה אלהים חשׁבה לטבה למען עשׂה כיום הזה להחית עם רב׃21 ועתה אל תיראו אנכי אכלכל אתכם ואת טפכם וינחם אותם וידבר על לבם׃22 וישׁב יוסף במצרים הוא ובית אביו ויחי יוסף מאה ועשׂר שׁנים׃23 וירא יוסף לאפרים בני שׁלשׁים גם בני מכיר בן מנשׁה ילדו על ברכי יוסף׃24 ויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשׁר נשׁבע לאברהם ליצחק וליעקב׃25 וישׁבע יוסף את בני ישׂראל לאמר פקד יפקד אלהים אתכם והעלתם את עצמתי מזה׃26 וימת יוסף בן מאה ועשׂר שׁנים ויחנטו אתו ויישׂם בארון במצרים׃
Genesis 50 Cross References - HOT
Genesis 23:2
2 ותמת שׂרה בקרית ארבע הוא חברון בארץ כנען ויבא אברהם לספד לשׂרה ולבכתה׃
Genesis 46:4
4 אנכי ארד עמך מצרימה ואנכי אעלך גם עלה ויוסף ישׁית ידו על עיניך׃
Deuteronomy 6:7-8
2 Kings 13:14
14 ואלישׁע חלה את חליו אשׁר ימות בו וירד אליו יואשׁ מלך ישׂראל ויבך על פניו ויאמר אבי אבי רכב ישׂראל ופרשׁיו׃
Genesis 50:26
26 וימת יוסף בן מאה ועשׂר שׁנים ויחנטו אתו ויישׂם בארון במצרים׃
2 Chronicles 16:14
14 ויקברהו בקברתיו אשׁר כרה לו בעיר דויד וישׁכיבהו במשׁכב אשׁר מלא בשׂמים וזנים מרקחים במרקחת מעשׂה וישׂרפו לו שׂרפה גדולה עד למאד׃
Genesis 50:10
10 ויבאו עד גרן האטד אשׁר בעבר הירדן ויספדו שׁם מספד גדול וכבד מאד ויעשׂ לאביו אבל שׁבעת ימים׃
Numbers 20:29
29 ויראו כל העדה כי גוע אהרן ויבכו את אהרן שׁלשׁים יום כל בית ישׂראל׃
Deuteronomy 21:13
13 והסירה את שׂמלת שׁביה מעליה וישׁבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשׁה׃
Deuteronomy 34:8
8 ויבכו בני ישׂראל את משׁה בערבת מואב שׁלשׁים יום ויתמו ימי בכי אבל משׁה׃
Genesis 18:3
3 ויאמר אדני אם נא מצאתי חן בעיניך אל נא תעבר מעל עבדך׃
Esther 4:2
2 ויבוא עד לפני שׁער המלך כי אין לבוא אל שׁער המלך בלבושׁ שׂק׃
Genesis 3:19
19 בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃
Genesis 47:29-31
Genesis 48:21
21 ויאמר ישׂראל אל יוסף הנה אנכי מת והיה אלהים עמכם והשׁיב אתכם אל ארץ אבתיכם׃
Genesis 49:29-30
Genesis 50:24
24 ויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשׁר נשׁבע לאברהם ליצחק וליעקב׃
Deuteronomy 4:22
22 כי אנכי מת בארץ הזאת אינני עבר את הירדן ואתם עברים וירשׁתם את הארץ הטובה הזאת׃
1 Samuel 14:43
43 ויאמר שׁאול אל יונתן הגידה לי מה עשׂיתה ויגד לו יונתן ויאמר טעם טעמתי בקצה המטה אשׁר בידי מעט דבשׁ הנני אמות׃
Job 30:23
23 כי ידעתי מות תשׁיבני ובית מועד לכל חי׃
Psalms 79:3
3 שׁפכו דמם כמים סביבות ירושׁלם ואין קובר׃
Ecclesiastes 6:3
3 אם יוליד אישׁ מאה ושׁנים רבות יחיה ורב שׁיהיו ימי שׁניו ונפשׁו לא תשׂבע מן הטובה וגם קבורה לא היתה לו אמרתי טוב ממנו הנפל׃
Ecclesiastes 12:5
5 גם מגבה יראו וחתחתים בדרך וינאץ השׁקד ויסתבל החגב ותפר האביונה כי הלך האדם אל בית עולמו וסבבו בשׁוק הספדים׃
Ecclesiastes 12:7
7 וישׁב העפר על הארץ כשׁהיה והרוח תשׁוב אל האלהים אשׁר נתנה׃
Isaiah 22:16
16 מה לך פה ומי לך פה כי חצבת לך פה קבר חצבי מרום קברו חקקי בסלע משׁכן׃
Genesis 14:16
16 וישׁב את כל הרכשׁ וגם את לוט אחיו ורכשׁו השׁיב וגם את הנשׁים ואת העם׃
Exodus 10:8-9
Exodus 10:26
26 וגם מקננו ילך עמנו לא תשׁאר פרסה כי ממנו נקח לעבד את יהוה אלהינו ואנחנו לא נדע מה נעבד את יהוה עד באנו שׁמה׃
Numbers 32:24-27
Genesis 41:43
43 וירכב אתו במרכבת המשׁנה אשׁר לו ויקראו לפניו אברך ונתון אתו על כל ארץ מצרים׃
Genesis 46:29
29 ויאסר יוסף מרכבתו ויעל לקראת ישׂראל אביו גשׁנה וירא אליו ויפל על צואריו ויבך על צואריו עוד׃
Exodus 14:7
7 ויקח שׁשׁ מאות רכב בחור וכל רכב מצרים ושׁלשׁם על כלו׃
Exodus 14:17
17 ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשׁיו׃
Exodus 14:28
28 וישׁבו המים ויכסו את הרכב ואת הפרשׁים לכל חיל פרעה הבאים אחריהם בים לא נשׁאר בהם עד אחד׃
2 Kings 18:24
24 ואיך תשׁיב את פני פחת אחד עבדי אדני הקטנים ותבטח לך על מצרים לרכב ולפרשׁים׃
Song of Songs 1:9
9 לססתי ברכבי פרעה דמיתיך רעיתי׃
Genesis 50:4
4 ויעברו ימי בכיתו וידבר יוסף אל בית פרעה לאמר אם נא מצאתי חן בעיניכם דברו נא באזני פרעה לאמר׃
Genesis 50:11
11 וירא יושׁב הארץ הכנעני את האבל בגרן האטד ויאמרו אבל כבד זה למצרים על כן קרא שׁמה אבל מצרים אשׁר בעבר הירדן׃
Numbers 19:11
11 הנגע במת לכל נפשׁ אדם וטמא שׁבעת ימים׃
Deuteronomy 1:1
1 אלה הדברים אשׁר דבר משׁה אל כל ישׂראל בעבר הירדן במדבר בערבה מול סוף בין פארן ובין תפל ולבן וחצרת ודי זהב׃
1 Samuel 31:13
13 ויקחו את עצמתיהם ויקברו תחת האשׁל ביבשׁה ויצמו שׁבעת ימים׃
2 Samuel 1:17
17 ויקנן דוד את הקינה הזאת על שׁאול ועל יהונתן בנו׃
Job 2:13
13 וישׁבו אתו לארץ שׁבעת ימים ושׁבעת לילות ואין דבר אליו דבר כי ראו כי גדל הכאב מאד׃
Genesis 10:15-19
Genesis 13:7
7 ויהי ריב בין רעי מקנה אברם ובין רעי מקנה לוט והכנעני והפרזי אז ישׁב בארץ׃
Genesis 24:6
6 ויאמר אליו אברהם השׁמר לך פן תשׁיב את בני שׁמה׃
Genesis 34:30
30 ויאמר יעקב אל שׁמעון ואל לוי עכרתם אתי להבאישׁני בישׁב הארץ בכנעני ובפרזי ואני מתי מספר ונאספו עלי והכוני ונשׁמדתי אני וביתי׃
Deuteronomy 3:25
25 אעברה נא ואראה את הארץ הטובה אשׁר בעבר הירדן ההר הטוב הזה והלבנן׃
Deuteronomy 3:27
27 עלה ראשׁ הפסגה ושׂא עיניך ימה וצפנה ותימנה ומזרחה וראה בעיניך כי לא תעבר את הירדן הזה׃
Deuteronomy 11:30
30 הלא המה בעבר הירדן אחרי דרך מבוא השׁמשׁ בארץ הכנעני הישׁב בערבה מול הגלגל אצל אלוני מרה׃
1 Samuel 6:18
18 ועכברי הזהב מספר כל ערי פלשׁתים לחמשׁת הסרנים מעיר מבצר ועד כפר הפרזי ועד אבל הגדולה אשׁר הניחו עליה את ארון יהוה עד היום הזה בשׂדה יהושׁע בית השׁמשׁי׃
Genesis 49:29-32
29 ויצו אותם ויאמר אלהם אני נאסף אל עמי קברו אתי אל אבתי אל המערה אשׁר בשׂדה עפרון החתי׃30 במערה אשׁר בשׂדה המכפלה אשׁר על פני ממרא בארץ כנען אשׁר קנה אברהם את השׂדה מאת עפרן החתי לאחזת קבר׃31 שׁמה קברו את אברהם ואת שׂרה אשׁתו שׁמה קברו את יצחק ואת רבקה אשׁתו ושׁמה קברתי את לאה׃32 מקנה השׂדה והמערה אשׁר בו מאת בני חת׃
Exodus 20:12
12 כבד את אביך ואת אמך למען יארכון ימיך על האדמה אשׁר יהוה אלהיך נתן׃
Genesis 23:16-18
Genesis 23:20
20 ויקם השׂדה והמערה אשׁר בו לאברהם לאחזת קבר מאת בני חת׃
Genesis 25:9
9 ויקברו אתו יצחק וישׁמעאל בניו אל מערת המכפלה אל שׂדה עפרן בן צחר החתי אשׁר על פני ממרא׃
Genesis 35:27
27 ויבא יעקב אל יצחק אביו ממרא קרית הארבע הוא חברון אשׁר גר שׁם אברהם ויצחק׃
Genesis 35:29
29 ויגוע יצחק וימת ויאסף אל עמיו זקן ושׂבע ימים ויקברו אתו עשׂו ויעקב בניו׃
Genesis 49:29-31
2 Kings 21:18
18 וישׁכב מנשׁה עם אבתיו ויקבר בגן ביתו בגן עזא וימלך אמון בנו תחתיו׃
Genesis 27:41-42
Genesis 37:28
28 ויעברו אנשׁים מדינים סחרים וימשׁכו ויעלו את יוסף מן הבור וימכרו את יוסף לישׁמעאלים בעשׂרים כסף ויביאו את יוסף מצרימה׃
Genesis 42:17
17 ויאסף אתם אל משׁמר שׁלשׁת ימים׃
Genesis 42:21-22
Leviticus 26:36
36 והנשׁארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף׃
Job 15:21-22
Psalms 14:5
5 שׁם פחדו פחד כי אלהים בדור צדיק׃
Psalms 53:5
5 (53:6) שׁם פחדו פחד לא היה פחד כי אלהים פזר עצמות חנך הבשׁתה כי אלהים מאסם׃
Proverbs 28:1
1 נסו ואין רדף רשׁע וצדיקים ככפיר יבטח׃
Proverbs 29:25
25 חרדת אדם יתן מוקשׁ ובוטח ביהוה ישׂגב׃
Genesis 31:42
42 לולי אלהי אבי אלהי אברהם ופחד יצחק היה לי כי עתה ריקם שׁלחתני את עניי ואת יגיע כפי ראה אלהים ויוכח אמשׁ׃
Genesis 42:21-24
21 ויאמרו אישׁ אל אחיו אבל אשׁמים אנחנו על אחינו אשׁר ראינו צרת נפשׁו בהתחננו אלינו ולא שׁמענו על כן באה אלינו הצרה הזאת׃22 ויען ראובן אתם לאמר הלוא אמרתי אליכם לאמר אל תחטאו בילד ולא שׁמעתם וגם דמו הנה נדרשׁ׃23 והם לא ידעו כי שׁמע יוסף כי המליץ בינתם׃24 ויסב מעליהם ויבך וישׁב אלהם וידבר אלהם ויקח מאתם את שׁמעון ויאסר אתו לעיניהם׃
Genesis 45:4-5
Genesis 45:8
8 ועתה לא אתם שׁלחתם אתי הנה כי האלהים וישׂימני לאב לפרעה ולאדון לכל ביתו ומשׁל בכל ארץ מצרים׃
Genesis 49:25
25 מאל אביך ויעזרך ואת שׁדי ויברכך ברכת שׁמים מעל ברכת תהום רבצת תחת ברכת שׁדים ורחם׃
Genesis 50:20
20 ואתם חשׁבתם עלי רעה אלהים חשׁבה לטבה למען עשׂה כיום הזה להחית עם רב׃
Job 33:27-28
Psalms 21:11
11 (21:12) כי נטו עליך רעה חשׁבו מזמה בל יוכלו׃
Proverbs 28:13
13 מכסה פשׁעיו לא יצליח ומודה ועזב ירחם׃
Genesis 27:29
29 יעבדוך עמים וישׁתחו לך לאמים הוה גביר לאחיך וישׁתחוו לך בני אמך ארריך ארור ומברכיך ברוך׃
Genesis 37:7-11
7 והנה אנחנו מאלמים אלמים בתוך השׂדה והנה קמה אלמתי וגם נצבה והנה תסבינה אלמתיכם ותשׁתחוין לאלמתי׃8 ויאמרו לו אחיו המלך תמלך עלינו אם משׁול תמשׁל בנו ויוספו עוד שׂנא אתו על חלמתיו ועל דבריו׃9 ויחלם עוד חלום אחר ויספר אתו לאחיו ויאמר הנה חלמתי חלום עוד והנה השׁמשׁ והירח ואחד עשׂר כוכבים משׁתחוים׃10 ויספר אל אביו ואל אחיו ויגער בו אביו ויאמר לו מה החלום הזה אשׁר חלמת הבוא נבוא אני ואמך ואחיך להשׁתחות לך ארצה׃11 ויקנאו בו אחיו ואביו שׁמר את הדבר׃
Genesis 42:6
6 ויוסף הוא השׁליט על הארץ הוא המשׁביר לכל עם הארץ ויבאו אחי יוסף וישׁתחוו לו אפים ארצה׃
Genesis 44:14
14 ויבא יהודה ואחיו ביתה יוסף והוא עודנו שׁם ויפלו לפניו ארצה׃
Genesis 45:3
3 ויאמר יוסף אל אחיו אני יוסף העוד אבי חי ולא יכלו אחיו לענות אתו כי נבהלו מפניו׃
Genesis 30:2
2 ויחר אף יעקב ברחל ויאמר התחת אלהים אנכי אשׁר מנע ממך פרי בטן׃
Genesis 45:5
5 ועתה אל תעצבו ואל יחר בעיניכם כי מכרתם אתי הנה כי למחיה שׁלחני אלהים לפניכם׃
Deuteronomy 32:35
35 לי נקם ושׁלם לעת תמוט רגלם כי קרוב יום אידם וחשׁ עתדת׃
2 Kings 5:7
7 ויהי כקרא מלך ישׂראל את הספר ויקרע בגדיו ויאמר האלהים אני להמית ולהחיות כי זה שׁלח אלי לאסף אישׁ מצרעתו כי אך דעו נא וראו כי מתאנה הוא׃
Job 34:19-29
19 אשׁר לא נשׂא פני שׂרים ולא נכר שׁוע לפני דל כי מעשׂה ידיו כלם׃20 רגע ימתו וחצות לילה יגעשׁו עם ויעברו ויסירו אביר לא ביד׃21 כי עיניו על דרכי אישׁ וכל צעדיו יראה׃22 אין חשׁך ואין צלמות להסתר שׁם פעלי און׃23 כי לא על אישׁ ישׂים עוד להלך אל אל במשׁפט׃24 ירע כבירים לא חקר ויעמד אחרים תחתם׃25 לכן יכיר מעבדיהם והפך לילה וידכאו׃26 תחת רשׁעים ספקם במקום ראים׃27 אשׁר על כן סרו מאחריו וכל דרכיו לא השׂכילו׃28 להביא עליו צעקת דל וצעקת עניים ישׁמע׃29 והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃
Genesis 37:4
4 ויראו אחיו כי אתו אהב אביהם מכל אחיו וישׂנאו אתו ולא יכלו דברו לשׁלם׃
Genesis 37:18-20
Genesis 45:5-8
Psalms 56:5
5 (56:6) כל היום דברי יעצבו עלי כל מחשׁבתם לרע׃
Psalms 76:10
10 (76:11) כי חמת אדם תודך שׁארית חמת תחגר׃
Psalms 105:16-17
Psalms 119:71
71 טוב לי כי עניתי למען אלמד חקיך׃
Isaiah 10:7
7 והוא לא כן ידמה ולבבו לא כן יחשׁב כי להשׁמיד בלבבו ולהכרית גוים לא מעט׃
Genesis 34:3
3 ותדבק נפשׁו בדינה בת יעקב ויאהב את הנער וידבר על לב הנער׃
Genesis 45:10-11
Genesis 47:12
12 ויכלכל יוסף את אביו ואת אחיו ואת כל בית אביו לחם לפי הטף׃
Isaiah 40:2
2 דברו על לב ירושׁלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃
Genesis 30:3
3 ותאמר הנה אמתי בלהה בא אליה ותלד על ברכי ואבנה גם אנכי ממנה׃
Genesis 48:19
19 וימאן אביו ויאמר ידעתי בני ידעתי גם הוא יהיה לעם וגם הוא יגדל ואולם אחיו הקטן יגדל ממנו וזרעו יהיה מלא הגוים׃
Genesis 49:12
12 חכלילי עינים מיין ולבן שׁנים מחלב׃
Numbers 32:33
33 ויתן להם משׁה לבני גד ולבני ראובן ולחצי שׁבט מנשׁה בן יוסף את ממלכת סיחן מלך האמרי ואת ממלכת עוג מלך הבשׁן הארץ לעריה בגבלת ערי הארץ סביב׃
Numbers 32:39
39 וילכו בני מכיר בן מנשׁה גלעדה וילכדה ויורשׁ את האמרי אשׁר׃
Joshua 17:1
1 ויהי הגורל למטה מנשׁה כי הוא בכור יוסף למכיר בכור מנשׁה אבי הגלעד כי הוא היה אישׁ מלחמה ויהי לו הגלעד והבשׁן׃
Job 42:16
16 ויחי איוב אחרי זאת מאה וארבעים שׁנה וירא את בניו ואת בני בניו ארבעה דרות׃
Psalms 128:6
6 וראה בנים לבניך שׁלום על ישׂראל׃
Genesis 12:7
7 וירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו׃
Genesis 13:15
15 כי את כל הארץ אשׁר אתה ראה לך אתננה ולזרעך עד עולם׃
Genesis 13:17
17 קום התהלך בארץ לארכה ולרחבה כי לך אתננה׃
Genesis 15:7
7 ויאמר אליו אני יהוה אשׁר הוצאתיך מאור כשׂדים לתת לך את הארץ הזאת לרשׁתה׃
Genesis 15:14-16
Genesis 15:18
18 ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃
Genesis 17:8
8 ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃
Genesis 21:1
1 ויהוה פקד את שׂרה כאשׁר אמר ויעשׂ יהוה לשׂרה כאשׁר דבר׃
Genesis 26:3
3 גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השׁבעה אשׁר נשׁבעתי לאברהם אביך׃
Genesis 28:13
13 והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך׃
Genesis 35:12
12 ואת הארץ אשׁר נתתי לאברהם וליצחק לך אתננה ולזרעך אחריך אתן את הארץ׃
Genesis 50:5
5 אבי השׁביעני לאמר הנה אנכי מת בקברי אשׁר כריתי לי בארץ כנען שׁמה תקברני ועתה אעלה נא ואקברה את אבי ואשׁובה׃
Exodus 3:16-17
Exodus 4:31
31 ויאמן העם וישׁמעו כי פקד יהוה את בני ישׂראל וכי ראה את ענים ויקדו וישׁתחוו׃
Exodus 33:1
1 וידבר יהוה אל משׁה לך עלה מזה אתה והעם אשׁר העלית מארץ מצרים אל הארץ אשׁר נשׁבעתי לאברהם ליצחק וליעקב לאמר לזרעך אתננה׃
Numbers 32:11
11 אם יראו האנשׁים העלים ממצרים מבן עשׂרים שׁנה ומעלה את האדמה אשׁר נשׁבעתי לאברהם ליצחק וליעקב כי לא מלאו אחרי׃
Deuteronomy 1:8
8 ראה נתתי לפניכם את הארץ באו ורשׁו את הארץ אשׁר נשׁבע יהוה לאבתיכם לאברהם ליצחק וליעקב לתת להם ולזרעם אחריהם׃
Deuteronomy 6:10
10 והיה כי יביאך יהוה אלהיך אל הארץ אשׁר נשׁבע לאבתיך לאברהם ליצחק וליעקב לתת לך ערים גדלת וטבת אשׁר לא בנית׃
Exodus 13:19
19 ויקח משׁה את עצמות יוסף עמו כי השׁבע השׁביע את בני ישׂראל לאמר פקד יפקד אלהים אתכם והעליתם את עצמתי מזה אתכם׃
Joshua 24:32
32 ואת עצמות יוסף אשׁר העלו בני ישׂראל ממצרים קברו בשׁכם בחלקת השׂדה אשׁר קנה יעקב מאת בני חמור אבי שׁכם במאה קשׂיטה ויהיו לבני יוסף לנחלה׃
Genesis 47:9
9 ויאמר יעקב אל פרעה ימי שׁני מגורי שׁלשׁים ומאת שׁנה מעט ורעים היו ימי שׁני חיי ולא השׂיגו את ימי שׁני חיי אבתי בימי מגוריהם׃
Genesis 47:28
28 ויחי יעקב בארץ מצרים שׁבע עשׂרה שׁנה ויהי ימי יעקב שׁני חייו שׁבע שׁנים וארבעים ומאת שׁנה׃
Genesis 50:2-3
Genesis 50:22
22 וישׁב יוסף במצרים הוא ובית אביו ויחי יוסף מאה ועשׂר שׁנים׃
Joshua 24:29
29 ויהי אחרי הדברים האלה וימת יהושׁע בן נון עבד יהוה בן מאה ועשׂר שׁנים׃