Habakkuk 2:18 Cross References - HOT

18 מה הועיל פסל כי פסלו יצרו מסכה ומורה שׁקר כי בטח יצר יצרו עליו לעשׂות אלילים אלמים׃

Psalms 115:4-8

4 עצביהם כסף וזהב מעשׂה ידי אדם׃5 פה להם ולא ידברו עינים להם ולא יראו׃6 אזנים להם ולא ישׁמעו אף להם ולא יריחון׃7 ידיהם ולא ימישׁון רגליהם ולא יהלכו לא יהגו בגרונם׃8 כמוהם יהיו עשׂיהם כל אשׁר בטח׃

Psalms 135:15-18

15 עצבי הגוים כסף וזהב מעשׂה ידי אדם׃16 פה להם ולא ידברו עינים להם ולא יראו׃17 אזנים להם ולא יאזינו אף אין ישׁ רוח בפיהם׃18 כמוהם יהיו עשׂיהם כל אשׁר בטח׃

Isaiah 1:31

31 והיה החסן לנערת ופעלו לניצוץ ובערו שׁניהם יחדו ואין מכבה׃

Isaiah 37:38

38 ויהי הוא משׁתחוה בית נסרך אלהיו ואדרמלך ושׂראצר בניו הכהו בחרב והמה נמלטו ארץ אררט וימלך אסר חדן בנו תחתיו׃

Isaiah 42:17

17 נסגו אחור יבשׁו בשׁת הבטחים בפסל האמרים למסכה אתם אלהינו׃

Isaiah 44:9-10

9 יצרי פסל כלם תהו וחמודיהם בל יועילו ועדיהם המה בל יראו ובל ידעו למען יבשׁו׃10 מי יצר אל ופסל נסך לבלתי הועיל׃

Isaiah 44:14-20

14 לכרת לו ארזים ויקח תרזה ואלון ויאמץ לו בעצי יער נטע ארן וגשׁם יגדל׃15 והיה לאדם לבער ויקח מהם ויחם אף ישׂיק ואפה לחם אף יפעל אל וישׁתחו עשׂהו פסל ויסגד׃16 חציו שׂרף במו אשׁ על חציו בשׂר יאכל יצלה צלי וישׂבע אף יחם ויאמר האח חמותי ראיתי אור׃17 ושׁאריתו לאל עשׂה לפסלו יסגוד לו וישׁתחו ויתפלל אליו ויאמר הצילני כי אלי אתה׃18 לא ידעו ולא יבינו כי טח מראות עיניהם מהשׂכיל לבתם׃19 ולא ישׁיב אל לבו ולא דעת ולא תבונה לאמר חציו שׂרפתי במו אשׁ ואף אפיתי על גחליו לחם אצלה בשׂר ואכל ויתרו לתועבה אעשׂה לבול עץ אסגוד׃20 רעה אפר לב הותל הטהו ולא יציל את נפשׁו ולא יאמר הלוא שׁקר בימיני׃

Isaiah 45:16

16 בושׁו וגם נכלמו כלם יחדו הלכו בכלמה חרשׁי צירים׃

Isaiah 45:20

20 הקבצו ובאו התנגשׁו יחדו פליטי הגוים לא ידעו הנשׂאים את עץ פסלם ומתפללים אל אל לא יושׁיע׃

Isaiah 46:1-2

1 כרע בל קרס נבו היו עצביהם לחיה ולבהמה נשׂאתיכם עמוסות משׂא לעיפה׃2 קרסו כרעו יחדו לא יכלו מלט משׂא ונפשׁם בשׁבי הלכה׃

Isaiah 46:6-8

6 הזלים זהב מכיס וכסף בקנה ישׁקלו ישׂכרו צורף ויעשׂהו אל יסגדו אף ישׁתחוו׃7 ישׂאהו על כתף יסבלהו ויניחהו תחתיו ויעמד ממקומו לא ימישׁ אף יצעק אליו ולא יענה מצרתו לא יושׁיענו׃8 זכרו זאת והתאשׁשׁו השׁיבו פושׁעים על לב׃

Jeremiah 2:27-28

27 אמרים לעץ אבי אתה ולאבן את ילדתני כי פנו אלי ערף ולא פנים ובעת רעתם יאמרו קומה והושׁיענו׃28 ואיה אלהיך אשׁר עשׂית לך יקומו אם יושׁיעוך בעת רעתך כי מספר עריך היו אלהיך יהודה׃

Jeremiah 10:3-5

3 כי חקות העמים הבל הוא כי עץ מיער כרתו מעשׂה ידי חרשׁ במעצד׃4 בכסף ובזהב ייפהו במסמרות ובמקבות יחזקום ולוא יפיק׃5 כתמר מקשׁה המה ולא ידברו נשׂוא ינשׂוא כי לא יצעדו אל תיראו מהם כי לא ירעו וגם היטיב אין אותם׃

Jeremiah 10:8

8 ובאחת יבערו ויכסלו מוסר הבלים עץ הוא׃

Jeremiah 10:14-15

14 נבער כל אדם מדעת הבישׁ כל צורף מפסל כי שׁקר נסכו ולא רוח׃15 הבל המה מעשׂה תעתעים בעת פקדתם יאבדו׃

Jeremiah 50:2

2 הגידו בגוים והשׁמיעו ושׂאו נס השׁמיעו אל תכחדו אמרו נלכדה בבל הבישׁ בל חת מרדך הבישׁו עצביה חתו גלוליה׃

Jonah 2:8

8 (2:9) משׁמרים הבלי שׁוא חסדם יעזבו׃

Zechariah 10:2

2 כי התרפים דברו און והקוסמים חזו שׁקר וחלמות השׁוא ידברו הבל ינחמון על כן נסעו כמו צאן יענו כי אין רעה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.