Haggai 2:16 Cross References - HOT

16 מהיותם בא אל ערמת עשׂרים והיתה עשׂרה בא אל היקב לחשׂף חמשׁים פורה והיתה עשׂרים׃

Proverbs 3:9-10

9 כבד את יהוה מהונך ומראשׁית כל תבואתך׃10 וימלאו אסמיך שׂבע ותירושׁ יקביך יפרצו׃

Haggai 1:6

6 זרעתם הרבה והבא מעט אכול ואין לשׂבעה שׁתו ואין לשׁכרה לבושׁ ואין לחם לו והמשׂתכר משׂתכר אל צרור נקוב׃

Haggai 1:9-11

9 פנה אל הרבה והנה למעט והבאתם הבית ונפחתי בו יען מה נאם יהוה צבאות יען ביתי אשׁר הוא חרב ואתם רצים אישׁ לביתו׃10 על כן עליכם כלאו שׁמים מטל והארץ כלאה יבולה׃11 ואקרא חרב על הארץ ועל ההרים ועל הדגן ועל התירושׁ ועל היצהר ועל אשׁר תוציא האדמה ועל האדם ועל הבהמה ועל כל יגיע כפים׃

Zechariah 8:10-12

10 כי לפני הימים ההם שׂכר האדם לא נהיה ושׂכר הבהמה איננה וליוצא ולבא אין שׁלום מן הצר ואשׁלח את כל האדם אישׁ ברעהו׃11 ועתה לא כימים הראשׁנים אני לשׁארית העם הזה נאם יהוה צבאות׃12 כי זרע השׁלום הגפן תתן פריה והארץ תתן את יבולה והשׁמים יתנו טלם והנחלתי את שׁארית העם הזה את כל אלה׃

Malachi 2:2

2 אם לא תשׁמעו ואם לא תשׂימו על לב לתת כבוד לשׁמי אמר יהוה צבאות ושׁלחתי בכם את המארה וארותי את ברכותיכם וגם ארותיה כי אינכם שׂמים על לב׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.