Hosea 13:10 Cross References - HOT

10 אהי מלכך אפוא ויושׁיעך בכל עריך ושׁפטיך אשׁר אמרת תנה לי מלך ושׂרים׃

Deuteronomy 32:37-39

37 ואמר אי אלהימו צור חסיו׃38 אשׁר חלב זבחימו יאכלו ישׁתו יין נסיכם יקומו ויעזרכם יהי עליכם סתרה׃39 ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃

Judges 2:16-18

16 ויקם יהוה שׁפטים ויושׁיעום מיד שׁסיהם׃17 וגם אל שׁפטיהם לא שׁמעו כי זנו אחרי אלהים אחרים וישׁתחוו להם סרו מהר מן הדרך אשׁר הלכו אבותם לשׁמע מצות יהוה לא עשׂו כן׃18 וכי הקים יהוה להם שׁפטים והיה יהוה עם השׁפט והושׁיעם מיד איביהם כל ימי השׁופט כי ינחם יהוה מנאקתם מפני לחציהם ודחקיהם׃

1 Samuel 8:5-6

5 ויאמרו אליו הנה אתה זקנת ובניך לא הלכו בדרכיך עתה שׂימה לנו מלך לשׁפטנו ככל הגוים׃6 וירע הדבר בעיני שׁמואל כאשׁר אמרו תנה לנו מלך לשׁפטנו ויתפלל שׁמואל אל יהוה׃

1 Samuel 8:19-20

19 וימאנו העם לשׁמע בקול שׁמואל ויאמרו לא כי אם מלך יהיה עלינו׃20 והיינו גם אנחנו ככל הגוים ושׁפטנו מלכנו ויצא לפנינו ונלחם את מלחמתנו׃

1 Samuel 12:11-12

11 וישׁלח יהוה את ירבעל ואת בדן ואת יפתח ואת שׁמואל ויצל אתכם מיד איביכם מסביב ותשׁבו בטח׃12 ותראו כי נחשׁ מלך בני עמון בא עליכם ותאמרו לי לא כי מלך ימלך עלינו ויהוה אלהיכם מלככם׃

1 Kings 12:20

20 ויהי כשׁמע כל ישׂראל כי שׁב ירבעם וישׁלחו ויקראו אתו אל העדה וימליכו אתו על כל ישׂראל לא היה אחרי בית דוד זולתי שׁבט יהודה לבדו׃

2 Kings 17:4

4 וימצא מלך אשׁור בהושׁע קשׁר אשׁר שׁלח מלאכים אל סוא מלך מצרים ולא העלה מנחה למלך אשׁור כשׁנה בשׁנה ויעצרהו מלך אשׁור ויאסרהו בית כלא׃

Psalms 10:16

16 יהוה מלך עולם ועד אבדו גוים מארצו׃

Psalms 44:4

4 (44:5) אתה הוא מלכי אלהים צוה ישׁועות יעקב׃

Psalms 47:6-7

6 (47:7) זמרו אלהים זמרו זמרו למלכנו זמרו׃7 (47:8) כי מלך כל הארץ אלהים זמרו משׂכיל׃

Psalms 74:12

12 ואלהים מלכי מקדם פעל ישׁועות בקרב הארץ׃

Psalms 89:18

18 (89:19) כי ליהוה מגננו ולקדושׁ ישׂראל מלכנו׃

Psalms 149:2

2 ישׂמח ישׂראל בעשׂיו בני ציון יגילו במלכם׃

Isaiah 33:22

22 כי יהוה שׁפטנו יהוה מחקקנו יהוה מלכנו הוא יושׁיענו׃

Isaiah 43:15

15 אני יהוה קדושׁכם בורא ישׂראל מלככם׃

Jeremiah 2:28

28 ואיה אלהיך אשׁר עשׂית לך יקומו אם יושׁיעוך בעת רעתך כי מספר עריך היו אלהיך יהודה׃

Jeremiah 8:19

19 הנה קול שׁועת בת עמי מארץ מרחקים היהוה אין בציון אם מלכה אין בה מדוע הכעסוני בפסליהם בהבלי נכר׃

Hosea 8:4

4 הם המליכו ולא ממני השׂירו ולא ידעתי כספם וזהבם עשׂו להם עצבים למען יכרת׃

Hosea 10:3

3 כי עתה יאמרו אין מלך לנו כי לא יראנו את יהוה והמלך מה יעשׂה׃

Hosea 13:4

4 ואנכי יהוה אלהיך מארץ מצרים ואלהים זולתי לא תדע ומושׁיע אין בלתי׃

Zechariah 14:9

9 והיה יהוה למלך על כל הארץ ביום ההוא יהיה יהוה אחד ושׁמו אחד׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.